حد بيشوف arab got talent

[Simba]

صباح الخير علي الجميع

فيه حد بيشوف برنامج arab got talent

هو نسخة من برنامج المواهب الامريكية ... انا شفت الحلقتين اللي فاتوا فيه ناس كتير عجبتني وفيه حاجات تانية لا وفيه ناس طلعت علي المسرح واحرجوها

كمان مش حابب عمرو اديب خالص

ايه وردة فلة وشمعة منورة .. بحس انه مزودها اوي ساعة العرض

ونجوي كرم محايدة ومش بتصدم اللي قدامها

اما علي فهو قاسي جدا لكن فاهم جدا وبيقدر يحكم علي اللي قدامه

الناس اللي عجبتني

الطفل الشاعر الفلسطيني

والطفل جاد

والطفل فوزان اللي بيقلد مايكل جاكسون

وصلاح سعيد الراقص من مملكة البحرين

وعبد الملك الراقص من دولة المغرب

البرنامج حلو جدا معيبوش غير وجود عمرو اديب :)

[om marawan]

صبااااح النور والشمس طالعة لكن البررد لسه شوية برضه مكلبش

انا اتفرجت على حلقة منه اعتقد اللى حضرتك تقصدها

انا بصراحة مش باتابع اى حاجة خالص يعنى ممكن ماعرفش اشوف غيرها :happy:

بس افتكر كان فيها اللى رقص زي مايكل جاكسون

وشفت عبد لملك بتاع البحرين عجبني برضه

وناس تانية كانوا اكتر من المتوقع بصراحة لكن مش فاكرة باقي الاسامي

لكن بشكل عام شفت مواهب كتيرة معقولة وغيرها زي ماحضرتك قلت مش موهوبة خااالص او موهبتها اقل من المتوسط

اللى غنت لام كلثوم مثلا كانت متوسطة او أٌل لكن عمرو كان متحمس لها لانه تقريبا كل المواهب اجنبيه الطابع

موضوع احراجهم واختلاف شخصيات الحكام هم واخدينه من النسخة الاجنبي كمان للبرنامج

يعنى هتلاقي حضرتك نفس طبيعة الحكام بالظبط الاجانب

واحد منهم قاسي والتانية متعاطفة والاخير لاذع زي عمرو اديب وبرضه اوووفر شوية فى ردود افعاله

واعتقد ان دي اصلا شخصية اديب عشان كده هم اختاروه

وبعدين اهو بياكل عيش ياسمبا بدل ماهو قاعد عاطل كده

[akramgroup]

انا تابعت البرنامج تقريبا

وعندك حق فى موضوع عمرو اديب فى لطافته فى قصه الشمعه والفله والورده واللطافه دى

اما على ده بحس انه متسرع اوى لانه اول واحد بيعترض ويرجع فى كلامه

فعلا فى مواهب كتير وعجبنى جدا الراجل التونسى اللى بيلعب العرايس كان تحفه

صباح المواهب

[shiko]

عمرو اديب .....ســـــــمج .....صوته عالى ........showy ......overact

منتهى الاستظراف والمحاولة على الاستحواذ وعدم الحيادية ...

بجد انا شخصيا كرهت اسمع رأيه ....

ثانيا ماحستش انه بيفهم اصلا .....

الاستاذ / على هادى وموش بيحرج اللى ادامه ....

وكتير بيكون حيادى فى رايه .....

انا شخصيا شايفاه اكتر من هايل ....اعلامى واعد فى الوقت الحاضر

نجوى مرحلة اكتر من هايلة مابين عمرو باستظرافه وسماجته ....وعلى .بهدوئه .....

البرنامج ككل ...مااخدنيش اوى ...الحقيقة ماحصليش ابهار بالمعنى اللى كنت متوقعاه ...

[Simba]

عجبتني اوي انه بياكل عيش دي يا مدام ام مروان

وكمان اكرم وشيكو متفقين معايا يعني ما طلعتش لوحدي اللي شايفه كده والحمدلله

لو فيه حد حابب يحمل الحلقتين اللي فاتوا ممكن يحملهم من الروابط دي

الحلقة الاولي

http://www./file/445i5f

الحلقة التانية

http://www.BLOCKED1/?d=HJ5M02E0

[akramgroup]

عجبتني اوي انه بياكل عيش دي يا مدام ام مروان

وكمان اكرم وشيكو متفقين معايا يعني ما طلعتش لوحدي اللي شايفه كده والحمدلله

لو فيه حد حابب يحمل الحلقتين اللي فاتوا ممكن يحملهم من الروابط دي

الحلقة الاولي

http://www./file/445i5f

الحلقة التانية

http://www.BLOCKED1/?d=HJ5M02E0

حبيبى سمبا

تسلم على الروابط بس الرابط بتاع الحلقة التنايه بيدينى انه محجوب من الانترنت السعودى :unsure: :happy:

[Simba]

حبيبى سمبا

تسلم على الروابط بس الرابط بتاع الحلقة التنايه بيدينى انه محجوب من الانترنت السعودى

جرب علي الربيد شير وان شاء الله ما يكونش محجوب عندكم

http://BLOCKED2/#!download|811dt|443853582|MyEgy.CoM.Arabs.Got.Talent.EP.2.rmvb|292750

[Simba]

الحلقة الثامنة من البرنامج

عمرو اديب خنق علي علي الأخر كل ما علي يتكلم أديب يقطع عليه

لحد ما علي احرجه وقاله يا حبيبي صار عندكم ديمقراطية في مصر bv:-

عجبني ان علي افحمه بصراحة

تم تعديل 19 مارس 2011 بواسطة سمبا