ولاد ((التيييييت))

[التونسى]

سؤال .. وياريت..جاوبونى عليه

طب فاضل إيه .. راح نبكى عليه

من كترالظلم .. لطمنا خدود

ووصلنا خلاص .. لطريق مسدود

ويا إما نعيش .. ويا إما نموت

ياللى حرمتونا كمان.. م القوت

طب فاضل إيه.. راح نبكى عليه

طب فاضل إيه.. راح نبكى عليه

دالا فيه إسكان .. ولا فيه وظايف

غير بالواسطه .... وضمير تالف

والناس .. بالملايين ..مظلومه

بتبات.... لياليها .. مهمومه

طب فاضل إيه.. راح نبكى عليه

طب فاضل إيه.. راح نبكى عليه

دالا فيه تريبه..ولا فيه تعليم

ولا فيه إعلام .. لاكن تعتيم

واللى بيحكمنا لصوص..أوغاد

جعلونا عبيد .. واحنا الأسياد

طب فاضل إيه.. راح نبكى عليه

طب فاضل إيه.. راح نبكى عليه

دا رئيس ..واهو سايق ف التخريف

دى حكومه .. وعايشه ع التخويف

ولإمتى حنمشى جنب الحيييييط

لااازم نتحدى ( ولاد التيييت)

طب فاضل إيه.. راح نبكى عليه

طب فاضل إيه.. راح نبكى عليه

حذرنا كتير.. واهو فاض الكيل

وبجد.. غضبنا.. ملوهش مثيل

راح يتفجر... وكما البركان

واحترسوا.. يا رموز الطغيان

يمهل .. و((لايهمل)) الرحمن

يمهل .. و((لايهمل)) الرحمن

طب فاضل إيه.. راح نبكى عليه

طب فاضل إيه.. راح نبكى عليه

[pink rose]

جميلة يا استاذي تسلم ايدك

يا ريت تنشرها على الفيس

و تبقى مشاركة جميلة من حضرتك

[اغابي]

جميلة يا استاذى

كعهدى بك دائما - نفتقدك ونفتقد قلمك بشدة وكلاماتك الرائعة - البوينت الاخضر خلص

لكن لازم هتتقيم اول ما اشحن جديد - شكرا يا استاذ تونسي - دايما كدا بتظهر فى المحاورات فى الوقت المناسب

اتمنى ما تطلوش الغيبة عن المنتدى

خالص تحياتى يا فندم

[التونسى]

جميلة يا استاذي تسلم ايدك

يا ريت تنشرها على الفيس

و تبقى مشاركة جميلة من حضرتك

والله العظيم يا ريمو أنا الود ودى ولو فى استطاعتى أنزل بنفسى وأقود التظاهرات وأهتف بأبيات الشعر ده .. واللى انا كاتبه اساسا على بحر و وزن الشعارات والهتافات المعروفه .. انا متحمس جدا بشكل مش مصدقه فى نفسى

والكل يهتف وراياحتى ولو بينه وبين نفسه

ويا إما نعيش .. ويا إما نموووووت

ياللى حرمتونا كمان م القوووووت :protest:

[التونسى]

جميلة يا استاذى

كعهدى بك دائما - نفتقدك ونفتقد قلمك بشدة وكلاماتك الرائعة - البوينت الاخضر خلص

لكن لازم هتتقيم اول ما اشحن جديد - شكرا يا استاذ تونسي - دايما كدا بتظهر فى المحاورات فى الوقت المناسب

اتمنى ما تطلوش الغيبة عن المنتدى

خالص تحياتى يا فندم

عدم تواجدى المعتاد هو خارج عن ارادتى اختى العزيزه أغابى .. ولكنى احاول قدر المستطاع التواجد والمشاركه فى ذلك الظرف التاريخى والمبارك باذن الله .. ولو حتى ببعض الشعارات .. وهو أضعف الايمان

و..

دا اللى بيحكمنا لصوص..أوغاد

جعلونا عبيد .. واحنا الأسياد

[التونسى]

سيظل العار يلاحق اولاد التيييييت الجبناء .. من هربوا من ارض المعركه.. وانسحبوا من الميدان .. أمام غضبة المصريين ((التى جاءتهم من حيث لا يحتسبوا))...وهو شئ غير مستغرب من أناس تولوا مناصبهم بالرشوه والمحسوبيه.. وتم افسادهم بادخالهم الحياه السياسيه .. ومعاونتهم للمزورين من ابناء الوطنى

وتحيه للشعب المصرى الذى نجح فى اختبار الامن والامان بعد هروب الفئران واحراق جحورهم فى 99% من محافظات مصر

[التونسى]

اخوتى فى الوطن اعذرونى .. فى ظل ما يحدث الان بمصر ..لن اشارك فى اى تظاهرات او غيره.. فنحن فى فتنة .. ولنقول خيرا لو لنصمت .. وليلزم الجميع بيته

لقد رفضت من منطلق دينى ووطنى الاشتراك فى اى تظاهرات اخرى بعد ما ألت اليه الامور فى مصر

الفتنه كانت نائمه واستيقظت .. فلا تأخذنا العزة بالاثم .. ومن هنا استغفرك اللهم العظيم أستغفرك اللهم العظيم استغفرك اللهم العظيم

واللهم احفظ مصر اللهم احفظ مصر اللهم احفظ مصر