25 يناير ... موعد المصريين (4)

[زهرة الجبل]

مذيعة قناة الراي حالاً إعتذرت عن إنقطاع القناه الذي استمر من

الساعه الواحده و اربعين دقيقه حتى الساعه الرابعه النصف و الذي جاء كما

اوضحت بسبب ضغوط مستمره من النظام الحاكم المصري على القمر الذي يبث القناه أسفر عن

رضوخ القمر لإيقاف بث القناه لهذه الفتره .. و قالت أن القناه التي إستعادت

البث لن تنقطع عن نقل مستمر مباشر للأحداث و لن تسمح بأن ترضخ مره أخرى لأي نوع من

أنواع الضغوط الخارجيهكما انها لن تتخلى عن حقها كونها منبراً حراً لنقل

الأحداث بكل شفافيه و وضوح شاء من شاء و أبى من ابى

[King TUT]

أعلن اتحاد كرة القدم في بيان له اليوم الخميس تأجيل مباريات الجولة 16 في الدوري المصري الممتاز لاجل غير مسمى.

وكان من المقرر اقامة اربع مباريات يوم الجمعة من بينها مباريات في القاهرة والاسماعيلية اللتين شهدتا احتجاجات تطالب بانهاء حكم الرئيس حسني مبارك المستمر منذ 30 عاما.

وقال الاتحاد المصري لكرة القدم "قرر مجلس ادارة الاتحاد المصري لكرة القدم تأجيل مباريات الجولة 16 لدوري القسم الاول التي كان مقررا اقامتها يومي الجمعة والسبت 28 و29 يناير 2011."

[King TUT]

A Letter to the World From Egypt

Dear fellows,

I am writing to you today to let you know what is really happening in Egypt. The demonstrations that sparked on Jan 25 have been organized by the country's youth, calling for their right to lead a life they deserve. The government, including the president, is denying that, claiming that it's a movement of some anti-government people, such as the Muslim Brotherhood. But I tell you the truth, this is not a movement of some opposing party; it's a movement of the whole society, and here is why...

Hosni Mubarak (83 years) has been the president of Egypt since 1981. Try to imagine how it would be like if you were in our situation. Mubarak was there years before me and all of my friends were born. He has been there during my primary, secondary and college education. He was there when I was married, and he is still there after my son was born! Not only has Mubarak been "as eternal as life" to me, but also his entourage. Fathy Sorour (79 years) was a minister since 1986, and has been the parliament leader since 1990, for 21 successive years. And Safwat El-Sherif has been there since the 1980s. These, and many others, have been in charge of our country since before we were born, and are still there.

The conditions in the whole country are and have been deteriorating for most people. Education, media, economy, etc. Everything is going in the wrong direction, and has been going that way ever since we were born. The government is doing "reforms", just to make it easier for monopolists to get richer, regardless of how the rest of Egyptians are doing. And in the same time, they have the "emergency law" operating since 1981, allowing the state security to hold anyone they want in captivity, even without a trial. They are forging our votes, yet denying us any form of speaking our true voices. They are corrupt to their bones, forging even student union elections in the university! Leaders everywhere are current or ex-major generals: governors, university heads, even factory managers. Not to mention corruption at all levels of the society. Unemployement levels are too high, especially among the youths. Poverty is so spread, with more than half the nation under the poverty line. And more, and more, too many things to mention here.

BUT IT'S TIME FOR A CHANGE! We have always been afraid of the police and state security. We know they detain us without trials. We know they torture and murder us without being questioned. BUT NO MORE! We waited, and waited, and waited, for 30 years we waited for correction, but in vain. The last parliament elections were forged at an unprecedented level, preparing to give Mubarak another reign for 6 more years, or until he dies, whichever is earlier. We tried to follow all possible peaceful means, but even signing a freedom statement was banished and the signers were pursued. We have been left with no other choice. IT'S OUR RIGHT TO LIVE, and to have a BETTER LIFE FOR OUR CHILDREN.

Let no one fool you, this is not an opposition party or some Islamists moving the people. It's the whole society moving, and mainly us, the youths. We are demonstrating peacefully, but the government is hiring thugs and bandits to infiltrate the protesters and cause damages, so that they can say it's our fault. They are fighting us ruthlessly, censoring our voices on the Internet and in the media, firing live and rubber bullets, bombing us with tear gas, detaining hundreds of protesters, and wounding and killing others. It's a true fight out there, but mostly a one-sided fight. We know that these policemen are our brothers, and are just "following orders", so we're avoiding, as much as possible, harming them in any way.

Dear fellow Americans,

Your government is providing the largest support to our 30-year president. They are supporting the state security with weapons and tear gas canisters. They are giving our country $1.6B yearly funds that mainly go to this corrupt government in various forms of bribes. Your "democratic" country is supporting our government because they are afraid of the Islamists. But I am telling you, fear not. Your view of the Islamists is untrue and has been corrupted, but that's a story for another day. At least give us your support, in that it's our right to choose our leaders. Support us, and tell your senators and congressmen to stop supporting our government. Support us, and tell the world that our freedom is more important than our bread. Support us, and help us get rid of a 30 years old government. Just imagine how you'd feel if your grandchildren witnessed the same ruler!

Dear fellow Europeans,

Your leaders are so concrened about the situation in Egypt. They know that Mubarak was corrupt, and that's why they are afraid. They know how much opression is happening around us, and they want us to stay that way. Your leaders have put their eyes on Egypt ever since the Roman empire, until the last British occupation to Egypt. But it's our right to lead our country, and to teach our children that their freedom is so precious. It's our right to choose our leaders and our government. And it's your humanitarian duty to support us. Tell your leaders that you support us. Go to Egyptian embassies and demonstrate your support. Tell your fellows about our cause, and let everybody know that we're just trying to get our rights that have been opressed for... as long as we have lived!

Dear world,

This is a moment of testing what you are really made of. It's a moment of truth with one's self. Is your conscience still alive, or do you still value your interests more than humanity? Will you prove your dignity, and help us reclaim our liberty, or will you stand aside and just watch us as tanks run over us? It's your call, but remember, it's something you'll live with for the rest of your life, and you might have to face your children one day.

تم تعديل 27 يناير 2011 بواسطة King TUT

[King TUT]

مؤكد | السلطات المصرية تقطع خدمة الإنترنت عن القطر المصري بالكامل للتعتيم على ما سيحدث غدا في جمعة الغضب

إعتقالات واسعة في صفوف الإخوان المسلمين لم تشهدها الجماعة منذ تأسيسها على مستوى جمهورية مصر العربية

[طبيبة بالخارج]

مؤكد | السلطات المصرية تقطع خدمة الإنترنت عن القطر المصري بالكامل للتعتيم على ما سيحدث غدا في جمعة الغضب

إعتقالات واسعة في صفوف الإخوان المسلمين لم تشهدها الجماعة منذ تأسيسها على مستوى جمهورية مصر العربية

احنا لسه مكلمين اهلنا في اسيوط و فعلا اعتقالات الإخوان اتخطت الحدود

بيقبضوا على العيلة كلها يعني كل اقارب عضو الأخوان بما فيهم النساء و الأبناء القصر

و حكي لنا عن ابنة احد اعضاء الاخوان عندما قبض عليها انها كانت بمفردها و فوجئت برجال جايين يمسكوها و لابسين مدني و لم يعلنوا عن هويتهم فطبعا البنت اتخضت و قاومتهم كانت فاكراهم عايزين يخطفوها فراحوا مكهربنها و حملوها للحبس مع بقية اسرتها مغما عليها

متهيألي اللي يقول بعد كده نعطي النظام فرصة يبقى عايز يتعدم مع النظام

[طبيبة بالخارج]

إعادة تنزيله للأهميةالإميل لسه شايفاه دلوقتي أرجو ان يستفاد منه:

اغضب

فإن الله لم يخلق شعوبا تستكين

اغضب

فإن الأرض تُحنى رأسها للغاضبين

اغضب

ستلقىَ الأرض بركانا

ويغدو صوتك الدامي نشيد المُتعبين

جمعة الغضب

المكان : جميع شوارع وميادين مصر

الزمان : عقب صلاة الجمعة

...

مصر تعلن حالة الغضب السلمي حدادا على دماء شهداء الحرية الذين ارتفعوا للعلا يوم 25 يناير ..

هنوحد صفوفنا كلنا ..مسلمين ومسحيين كلنا مصريين وهنعبر عن مشاكلنا الاجتماعية والاقتصادية والسياسية بمسيرات سلمية..

وسوف تنطلق المسيرات عقب صلاة الجمعة من جميع مساجد مصر...

عقب صلاة الجمعة شعارنا واحد : عيش .حرية. كرامة انسانية

هدفنا واحد: الشعب يريد تغيير النظام

هنجمع الأصدقاء والجيران وهنصلي في أقرب مسجد جنب البيت ..وبعد الصلاة هنهتف كلنا مع بعض ونرفع النعوش الرمزية لشهداء الحرية اللى ماتوا فى السويس والقاهرة ، هنطلع من الحوارى والأزقة حتى نصل للميادين الكبرى بكل محافظة.. وسنفترش الأرض ونجلس جميعا نردد مطالبنا حتى تتحقق ، لن نسمح لأى مخرب بالاندساس بيننا ، نحذر أى بلطجى قد يحاول الاقتراب منا بأننا سنمسك به ونتعامل معه كما يستحق ، سنحمى بعضنا بعضا وقوتنا فى عددنا

سينزل معنا فى كل المسيرات رموز وطنية مصرية كل فى محافظته

============================== ============================== ===========================

ارشادات عامة لاستكمال احتجاجات ونجاح يوم 25 يناير

1 - ابتعد عن اماكن تواجد الامن فى البداية وقوموا بالنزول مجموعات للمناطق الشعبية وحفزوا الناس للخروج معكم وخاصة الأقارب والأصدقاء والجيران من نفس المنطقة

2- لا تلفتوا الأنظار اليكم وتحركوا فى مجموعات لا تتجاوز الأربعة أفراد غير مبرزين أية اعلام أو شىء يدل على أنكم متظاهرين حتى تصلوا للمناطق الشعبية وتبدءون منها فى حشد الناس للمشاركة

3- كونوا مجموعات تظاهر ضخمة واستغلوا هذة العدد لتتوجهوا بعدها الى ميادين مختلفة قريبة من أماكن انطلاقكم ، لن نتجمع كلنا فى ميدان واحد مبدئيا حتى لايتم سحقنا بالقمع ولكن قد نفعل ذلك أن وصلت أعدادنا لعشرات الآلاف الذين يستحيل قمعهم

4 - لمواصلة الاعتصامات والاحتجاجات الرجاء من الشباب المنهك أخذ قسط من الراحة لمواصلة المسيرة فوجودك فى المظاهرة وأنت فى كامل نشاطك أقوى تأثيرا وأفضل بكثير وأنت منهك

5- اذا تم تفريق المتظاهرين بأى شكل كان ،لا تتشبثوا بأمكانكم فضوا المظاهرة فورا واتجهوا لأقرب ميدان معلنين مكان اعتصام جديد

6 – استعدوا قبل النزول بأخذ الاحتياطات اللازمة مثل نظارة بحر لحماية العينين من الغاز المسيل للدموع وماسكات مبللة بالخل وزجاجة كانز مشروب غازى لمقاومة آثار القنابل المسيلة للدموع أن تم استخدامها

7 – امنعوا أى شخص مندس يحاول تخريب أى ممتلكات حتى تبقى انتفاضة التغيير سلمية حضارية

الشرطة اخواتنا والممتلكات ممتلكاتنا

والبلد بلدنا مش بلد اي حد ثاني احنا المصريين

بكل اطيافنا مش تابعين لاي جماعة او حزب نطالب

بالعدل والمساواة ولن يمن بها علينا أحد

سننتزع بايدينا ما تسولناه طويلا

تعليمات عامة

1-بعد صلاة الجمعة من كل مساجد مصر وليس مساجد محددة لتشتييت الأمن

2- فور انتهاء الامام من التسليم وقبل ان يقون الامن بصرف الناس

3- كل عشرين او ثلاثين فرد معا في كل مسجد احدهم يهتف والباقي يرددون ويحمونه

4 الخروج فور التجع الي الشارع والمسيرة

5- ممنوع التوقف في اي شارع او ميد\ان لعدم تمكين الامن من محاصرتكم

6 - يتم تغيير المسارات بعشوائية في آخر لحظة لتفادي الحصار

7- ممنوع التخريب او التدمير ومن وجدتموه يفعل ذلك يتم السيطرة عليه فورا لان كل اللي في مصر ممتلكات شعبية

8-ممنوع البدء بالتع\دي علي الامن لانهم اخواتنا ومصريين زينا خاطبوهوم وقولوهم احنا كلنا هنا علشان اللي ظالمينا وظالمينكم

9- في حال وقوع المظاهرة في كماشة يكون الجانب الذي به مدرعات هو الذي سيطلق منه الغاز او النار والجانب الذي به جنود فقط هو الاضعف طوقوا الجنود ولا تسمحو لهم بتطويقككم لانه الاضعف والاقل وخذوا منهم العيان والدروع وتستروا بها ودافعوا عن انفسكم

التعامل مع قنابل الغاز

1- ابتلع قرصا او قرصين من حبوب الامينو فيللين قبل المظاهرة

2- دائما نخلي الهواء في ظهرنا ورايح علي الامن ليعود الغاز عليهم هم

3- الكوفيات والكمامات والمناديل يتم تبليللها بخل الطعام واستنشاق الهواء من خلالها عند وجود دخان

4- يمكن كسر بصله صغيرة وشمها ايضا عند وجود دخان

5- الا تسمك القنبلة بيديك العاريتين لانها تكون ساخة ردها عليهم بقدمك أو امسكها بعازل قماشي سميك

6- اذا دخل الغاز في عينيك لا تدعكها فقط قم بغسل وجهل بالخل أو الكةكاكولا او السفن وبعدها اغسلها بالماء

7- اذا دخل الدخان الي حلقك فقط تمضمض بالخل مع الغرغرة ثم ابصقه وتمضمض بالماء

8-يمكن استخدام نظارات البحر الخاصة بالاطفال لوقاية العين أو واقي العين الطبي

9- لا يفزعك صوت انفجار قنبلة الغاز او دورانها لأنها غير مؤذية فقط احترس ان تصيبك اثناء سقوطها

التعامل مع المدرعات

لو المدرعة بالقرب وتهاجم يتم رش زجاج المدرعة أمام سائقها بدوكو سبراي يباع في محلات الحدايد والبويات بسبعة جنيه ونصف يجعل سائقها اعمي ويشلها ولا يفسدها لانها ممتلكاتنا

لو المدرعة بعيدة ونخاف هجومها يمكن رش بقعة بنزين أو سولار كبيرة علي الارض بعرض الشارع واشعالها لتأخير تقدم المدرعة لحين لجوء المتظاهرين لشارع آخر لا ترشوا مواد قابلة للاشتعال بجوار ممتلكات الناس حتي لا تحترق ممتلكاتي وممتلكاتك...من فضلكم قاوموا بشرف وخافوا علي ممتلكات وحياة كل المصريين بما فيهم المجندين لانهم اخواتكم

اقلبوا صنايق القمامة الحديدة بعرض الشارع ..أو حواجز المرور المعدنية

للتعامل مع ضرب العصي والهروات والرصاص المطاطي

يوصي يوضع زجاجات مياه صغيرة في الاكمام وهي مملوءة بالمياه ويتم مفاداة الضرب باكمامنا لتقع الضربات علي زجاجات المياه

يمكن استخدام الدعامات الصلبة للساعد واليد والتي تباع في الصيدليات ومحلات المستلزمات الطبية ولبسها علي القطن تحت الملابس لمفاداة الضرب

يمكن استخدام احزمة دعم الصدر والظهر الطبية الخاصة بعمليات مابعد جراحة القلب والصدر مع وضع ظهرها الصلب للامام واللاصق للخلف اي لبسها بالعكس لتأمين القلب والرئتين من الرصاص المطاطي

استخدام اي شي صلب لتترس به مثل لوح صاج لو خشب شنطة جلدية الخ

التعامل في حالة المسجلين خطر

ينبغي اغلاق المحلات الهامة والمنازل جيدا ويستحب بالجنازير والاقفال علي النساء والاطفال

يتم تشكيل قوات مدنية من بعض الرجال اهل كل شارع لحراسة مداخله ومخارجه بالتناوب مع وجود الباقين بعضهم بالمظاهرات وبعضهم في الراحة

اي مسجل خطر يحاول السرقة او النهب اوالسلب يقتل فورا ويرمي علي اول الشارع ويكتب بجواره ماذا فعل بدمه علي الحائط ليكون عبرة لغيره

لابد من وجود قيادة لكل شارع ولا يتم التعامل العشوائي لعدم التخبط

مصر بإذن الله ستنتصر وابشركم

الله اكبر الله اكبر الله اكبر

[طبيبة بالخارج]

شبكة رصد مؤكد | السلطات المصرية تقطع خدمة الإنترنت عن القطر المصري بالكامل للتعتيم على ما سيحدث غدا في جمعة الغضب

[aimen]

المخرج عمرو سلامة يكتب: أنا اضربت ليه؟

أنا حاسس إن واجب عليا دلوقتي حالا إني أنقل كل اللي حصلي في مظاهرات يوم الغضب التاريخي، منعا للمغالطات و منعا إن الناس يوصلها معنى و درس مستفاد خاطىء من اللي حصلي أو حصل لغيري.

و واجب على أي حد إتعرض للعنف أو للإهانة أو للتعذيب أ للإعتقال إنه يقول قصته بشفافية للناس عشان يعرفوا تجربته و اللي إستفاده منها.

مش عشان يفضح انتهاكات جهاز الشرطة بس، بالعكس عشان كمان يقول لو كان فيه قصص و معاني إيجابية حصلت و يدي أمل للناس و يعرفهم إن في معنى ورا اللي حصله و بيحصل لمصر دلوقتي.

أنا هحكي القصة بإختصار للي مايعرفهاش.

إحنا كنا متظاهرين أمام دار الحكمة في شارع القصر العيني، و كان في كردون من العساكر و الظباط محاوطنا، و كان نفسنا نروح للناس الثانية اللي واقفين في ميدان التحرير.

على الساعة إثنين أو ثلاثة العصر قررنا إننا نحاول نروحلهم بأي شكل و اللي يحصل يحصل.

بدافع الإندفاع كنت من أوائل الناس اللي بيزقوا العساكر و فعلا إخترفنا العساكر و جرينا في إتجاه التحرير و مجلس الشعب.

و كان الشارع فاضي تماما، و في الأفق شفت بشر كثير، كنت فاكرهم متظاهرين لحد ما خدت بالي إن كلهم لابسين إسود و جايين نحيتنا و معاهم عصيان سودا، و إفتكرت مشاهد أفلام الحروب زي بريف هارت و جلادياتور، و عرفت إحساس الحروب القديمة، و لقيت نفسي بجري عليهم في طليعة الناس، و لقيت ناس بتحاول تهرب منا إحنا في الشوارع الجانبية بس واضح إنهم حاصروهم فرجعوا ثاني، لحظة من البلبلة ثم الإنقضاض منهم علينا.

و كان معايا الآي فون بتاعي العزيز بحاول أصور كل ده.

إلى أن إجتمع حولي عدد لا بئس به من العساكر، و عملوا حواليا دايرة و بدأوا الضرب بعصيانهم على دماغي و وشي و بطني و رجليا.

و دخل قائدهم الظابط المحترم المغوار اللي مش هنسى وشه ليوم الدين و بدأ يضربني بالبونيات على وشي بشكل لم أكن أتخيل أن جسم البني آدم ممكن أن يتحمله، و خد الآي فون العزيز الله يرحمه و داسه على الأرض و قعد يتنطط عليه ثم فاق لنفسه و قالهم "سيبوه، بطلوا ضرب" قلت الحمد لله ضميره صحي، فأكمل "عشان الكاميرات" و خدني و دخل بيا شارع جانبي و لقينا في سكتنا شاب ملقي على الأرض و دماغه نازل منها كمية مرعبة من الدم، و قال باللفظ "أهه واحد إبن….. مات أهه، و الله لموتك زيه يا إبن….." ثم دخل مدخل عمارة، و دخل العساكر اللطاف معاه و قفل عليا باب العمارة و بلغة الحواري "قصني" و جابني أرضا و بدأ بالضرب بشكل مبرح.

شلاليت في وشي، و في بطني، و العساكر بالعصيان، و واحد منهم كسر حاجة خشب غريبة و جاب الخشبة و قعد يضربني بيها في كل حتة في جسمي، و كلام شبه "يا ولاد ال…. يا ….. ده إحنا في الشارع من بليل يلعن د….“ و أنا بقوله "ربنا يكون في عونكوا، إنت عارف بقى إنت واقف ليه و بتمنعنى ليه؟" فيستفز فيضربني أكثر "عامل فيها مثقف يا إبن…..“ و أنا أرد عليه "مش مثقف و لا نيله، أنا هنا عشانكوا، أنا مصري زيك" طبعا كلامي وسط الضرب كان أكيد مبهم، و هو وسط شتايموا كلامي كان في أهمية برنامج "طبق اليوم" بالنسبة له.

و بعد ما زهق، قالهم "عايزكم تموتوه زي الواد الثاني يا إما هرجع أموتكم إنتوا، و لو جاعنين كلوه" و مشي، و لمدة لا تقل عن عشر دقايق ضرب مبرح بجد و أنا مستغرب هو أنا إزاي لسة ما متش، و أهه بعد ستة و ثلاثين ساعة أقسم بالله حاسس بالوجع في كل سنتيميتر مكعب في جسمي.

الغريب إني وقتها و وسط الحدث وصلت لمرحلة إني فعلا مش حاسس تماما بالضرب، و إستشهدت، و بدأت خيالات تراودني، عن أهلي بعدها هيحسوا بإيه و عن فيلمي اللي ماكملتش مونتاجه، و عن الصفحة اللي هتتعملي على الفيس بوك، و يا ترا هنبقى "كلنا عمرو سلامة"؟ و الأهم تصريح وزارة الداخلية اللي هيطلعوه إني أكيد بلعت الآي فون بتاعي.

و قعدت ساعتها أصرخ للعساكر و أقول كلام أفلاطوني ثاني زي: "أنا هنا عشانكم، إنتم عارفين إنتم بتضربوني ليه؟ أنا معايا موبايل، و معايا فلوس، و معايا عربية، و مستريح، إحنا هنا عشانكوا، عشان إنتم تلاقوا تاكلوا و تأكلوا عيالكم"

و لسبب إلهى سمعوا كلامي، و لقيت واحد فيهم إتأثر فعلا و بعدهم عني، و جابلي كرسي، و قالي "أستاذ، هتعرف تمشي؟" بعد لحظة صمت قلتله "هحاول" قالي "طب إجري بسرعة قبل ما الظابط يرجع، لو رجع هيموتك" فحاولت أهرب بسرعة و لكن الظابط رجع، و إفتكرني بهرب طبعا، و هما عملوا كإنهم بيجيبوني، فخدت علقة تجعل العلقة الأولى فيلم كارتون إنتاج والت ديزني في الأربعينات.

و بعدها ركز مع صيد تاني كان جايبه من الغابة شوية، فجه ظابط ثاني سألني عن شغلي و إسمي و شاف بطاقتي و قالي "إجري بسرعة قبل ما يركز معاك ثاني".

جريت، و بعد شوية بدأت الآلام تظهر، و بعدها آلام الرأس و الدوخة و الزغللة، و بدأت عنيا تدمع بلا توقف، مش عياط، بس يمكن عشان أعصابي سابت تماما و فقد السيطرة و صوتي كان بتطلع كإنه طالع من بير.

وصلت لواحد صاحبي في وسط البلد، إستضفني في مكان عمله، و قعدت و جابلي حاجات أشربها.

و سابني شوية، و لقيت نفسي ببكي بحدة لم أبكيها منذ لا أتذكر متى.

لم أبكي من الألم، و لا حتى من الإهانة، و لا من الرعب، بس بكيت لسبب واحد، لسبب إني لقيت نفسي بدأت أكره مصر، و حسيت إن ظباطها اللي حامينها كرهوني فيها، و حكومتها اللي ظالمانا كرهتني فيها، و شعبها السلبي – كان سلبي – ماكنش معانا و كرهني فيها، و الفساد و القمع و إلخ إلخ، و إزاي ممكن أعمل في كائن بشري ثاني مقلب و أجيبه و أخلفه في البلد ديه، إزاي هقنعه يحبها و يحاربلها و ينتميلها!؟

و قلت طب ليه ماسبهاش لو جالي الفرصة، مش يمكن كما قال صديق عزيز فعلا "مستقبل مصر الوحيد في الهجرة لكندا"؟

بس بعد دقايق، رجع صوت العقل – هو مش أكيد صوت العقل بس هو صوت طول عمره موديني في داهية – و فكرت نفسي بمعتقاداتي اللي بكتب المقال ده عشان أشاركها معاكوا.

إفتكرت إن إنتمائى لمصر مش إجباري، ده إختيار مني، أنا إختارته لإن إحساسي بالإنتماء مفيد ليا مش مفيد لمصر، مفيد ليا إني أعرف أنا منين و فين، فين المكان اللي أنه منه، و هو بتاعي، اللي بيتي فيه، و سريري فيه، اللي بحس فيه إني وصلت خلاص مش مستني إمتى هروّح.

إفتكرت إني لازم أبقى إيجابي تجاه أي مكان إخترت أنتميله، و أتفائل مهما كان، إن المكان ده هيكون أحسن بسببي و بسبب اللي حوليا.

من غير إنتماء و أمل أنا فعلا أفضل إني أموت، و لو بقيت عايش بدون سبب له معنى هتحول لحيوان عايز ياكل و ينام و يتمتع بمتع لحظية عمرها ما هتغذي روحي، و ده إختيار نهائي مش محتاج أراجعه مع نفسي.

حتى لو شاف العالم إني رومانسي زيادة أو حالم أو رومانسي، في ستين ألف داهية، أنا هبقى مبسوط بأختياري ده حتى لو حصلي اللي حصلي.

و إكتشفت إن أهم حاجة في الدنيا إني عارف الكلام ده، إني عارف أنا ليه إتضربت، إني عارف أنا ليه نزلت، إني أبقى عارف إن بدون شعارات و مطالبات سياسية معصلجة الفهم أنا نزلت و إتضربت عشان عايز مصر أحسن، عايز مصر مافيهاش سلطة أبدية مطلقة لأي من حكامها، عايز مصر بفجوة إجتماعية أقل، الفقير حتى لو فضل فقير يكون له الحد الأدنى من الكرامة و الإحتياجات الإنسانية، عارف إن إبني لما أخلفه في يوم من الأيام يتعلم صح، يتعالج صح، يبقى عنده أي أمل و طموح مهما كان، حتى لو عايز يبقى رئيس جمهورية، عايز مصر الشرطة فيها بتحمي الشعب مش بتعمل فيه اللي إتعمل فيا و في غيري، في كل قسم و شارع، مش زي اللي إتعمل فالشهداء، خالد سعيد و سيد بلال، لو حد حاول ينهب حقه مايخفش يروح القسم و يبقى عارف إن حقه حيرجعله لإن الظابط عايز يرجعله حقه، و هيلاقي الظابط ده موجود في القسم، مش واقف في تشريفة من صباحية ربنا، و لا بيقمع معارضة و لا مهمته الوحيدة حماية نظام فشل يديه حقوقه أصلا من مرتب محترم و عيشة كريمة، و مخليه واقف في وش المدفع يتكره بداله.

عرفت لما إتضربت إني خايف أقل، إني عرفت أنا ليه هنزل ثاني و ثالث و رابع، عرفت إني لو مت هبقى شهيد و أكيد هبقى في مكان أحسن.

و عرفت إن اللي بيضربني مش عارف هو بيضربني ليه، حاسس إن أسبابه مش منطقية حتى لو سهر الليالي يمنطقها لنفسه، ده يمكن يكون متعاطف معايا، و خايف أكثر مني، من جزا أو عقاب أو تكديره.

و الأهم عرفت إن فيه أمل، أمل أشوف مصر مش زي تونس بس، أشوفها في يوم مكان أجمل من تخيلي مكان أتمنى أخلف فيه عيال عشان ينعموا فيه بحياة كريمة و يعمروه أكثر.

أنا لا أدعي بأي شكل البطولة، و شفت ناس إتضربوا أكثر مني بكثير، و ناس أعتقلت، و في ناس ماتت أحتسبهم شهداء، بس الناس ديه كلها لو إتكلمت معاهم، أغلبهم فخورين بنفسهم، خوفهم بقى أقل، تحديهم بقى أقوى، حاسين إنهم على حق، الناس ديه معظمها طلعت من معتقالاتها أقوى، حاسين إن الفرج جاي مهما إتأخر، و عارفين إنها مهما ضاقت و إستحكمت حلقاتها مسيرها تفرج.

أهم إكتشاف إني إكتشفت إن في أمثال مش مجرد أمثال و خلاص، و فعلا معناها حقيقي، زي "الضربة اللي ماتومتنيش هتقويني".

http://dostor.org/art/articles/11/january/27/35792

[شرف الدين]

http://www.youtube.com/watch?v=E_RBp6UVGTY

[Simba]

دلوقتي بعد قطع النت في مصر وواضح انه تاثيره الكبير في قلة التغطية الاخبارية اللي كانت علي الفيس بوك دقيقة بدقيقة اللي قربت تبقي معدومة

هنتابع اخبار مصر ازاي دلوقتي !!!!!!!!!!!!!!

[hyyyr]

صفحة كلنا خالد سعيد علي النت

عاجل: إلى كل مصري عايش خارج مصر انقل النداء ده في كل المتتديات والمواقع المصرية .. التجمعات بعد صلاة الجمعة في كل الكنائس والمساجد المعروفة والتوجه في مسيرات إلى ميدان التحرير في القاهرة وكل مقرات الحزب الوطني في كافة مدن مصر للاحتجاج والتظاهر السلمي ويا ريت تنشروا اللينك ده http://bit.ly/AngryFriday

http://bit.ly/AngryFriday

[hyyyr]

يناير28كل ما تريد أن تعرفه عن

جمعة الغضب

من نحن

إحنا شباب مصر على الإنترنت. شباب الفيسبوك وتويتر واليوتيوب. قررنا من عشرين يوم إننا هننزل يوم 25 يناير للمطالبة

بإصلاحات في البلد بسبب اللي بيحصل في الفترة الأخيرة من مهازل. لأن الحكومة بترفض تسمع أصواتنا قررنا ننزل ونجبرهم

يسمعوها في الشارع. كنا عشرات الآلاف من المصريين مفيش فرق بين أي حد والتاني ومن ساعتها والمظاهرات مستمرة لأننا

أطلقنا شعلة الغضب. الوضع في مصر بقه صعب جدا والناس فعلا زهقت وعايزة تغيير حقيقي وبتدور على حقوقها. المظاهرات

كانت سلمية وحضارية بس الأمن تدخل بشكل مرعب وقتل 7 من السويس وأصاب العشرات واعتقل المئات. مشكلتنا بقت أكبر

وكلنا نازلين نجيب حقوقنا ومش مروحين لحد ما ناخدها.

لماذا نتظاهر؟

تمر مصر بواحدة من أسوأ مراحلها التاريخية في كل النواحي. فبرغم التقارير التي تذكرها الحكومة المصرية لتجميل الصورة إلا

أنه وللأسف الحقيقة مختلفة عن تلك التقارير. ونزلونا جميعا يوم 25 هو بداية للنهاية، نهاية كل الصمت والرضا والخنوع لما

يحدث في بلادنا وبداية لصفحة جديدة من الإيجابية والمطالبة بالحقوق. يوم 25 يناير هو مش ثورة بمعنى إنقلاب لكن هو ثورة

ضد الحكومة لنقول لها أننا بدأنا الاهتمام بشؤون بعضنا البعض وسنأخذ كل حقوقنا ولن نسكت بعد اليوم.

فهناك 30 مليون مصري مريض بالاكتئاب منهم مليون ونص مرضى بالاكتئاب الجسيم وأكثر من مائة ألف محاولة انتحار

خلال عام 2009 تسببت في وفاة 5000 شخص. لدينا 48 مليون فقير منهم مليونان ونصف المليون يعيشون في فقر مدقع.

لدينا 12 مليون مصري بدون أي مأوى ومنهم مليون ونصف يعيشون في المقابر.

هناك فساد منهجي أدى إلى وجود قضايا فساد تزيد قيمتها جميعا بأكثر من 39 مليار جنيه خلال عام واحد فقط. ومصر تحتل

المركز 115 بين 139 دولة في تقرير التنافسية العالمين من حيث الفساد الحكومي.

هناك أكثر من 3 مليون شاب عاطل ونسبة البطالة بين الشباب تجاوزت 30% ومصر تحتل المركز الأخير بين 139 دولة في

معدل الشفافية في التوظيف.

لدينا أعلى معدل لوفيات الأطفال في العالم بواقع خمسين طفلا كل 1000 ولادة. ونصف أطفال مصر تقريبا مصابون بأنيميا و

8 ملايين شخص مصاب بفيروس سي. ولدينا أكثر من 100 ألف مصاب بالسرطان سنويا بسبب تلوث المياه . ولديتا سيارة

إسعاف لكل 35 ألف مواطن.

في مصر قانون للطوارئ تسبب في وفاة عشرات المصريين من التعذيب والقبض على الآلاف منهم دون وجود أي سند قانوني

لعمليات القبض عليهم. وبسبب استخدام الأمن لمراقبة السياسيين وإجهاض نشاطهم فقد نتج عن ذلك تزوير فاضح في انتخابات

مجلس الشعب أدت إلى أن الحزب الحاكم يحصل على أكثر من تسعين بالمائة من مقاعد المجلس.

لمعرفة المزيد ومصادر هذه المعلومات يرجى مشاهدة هذا الفيديو.

ما هي مطالبنا؟

المطلب الأول: مواجهة مشكلة الفقر قبل أن تنفجر وذلك باحترام حكم القضاء المصري بزيادة الحد الأدنى للأجور زيادة عادلة

خاصة في مجالات الصحة والتعليم لتحسين الخدمات المقدمة للشعب. والعمل على صرف إعانات تصل إلى 500 جنيه مصري

لكل شاب خريج جامعي لا يستطيع الحصول على وظيفة وذلك لفترة محددة.

المطلب الثاني: إلغاء حالة الطوارئ والتي تسببت في سيطرة الجهاز الأمني على مصر والقبض على المعارضين لسياسات

الحكومة ووضعهم في المعتقلات دون أي ذنب. ونحن نطالب بفرض سيطرة النيابة على الأقسام لوقف عمليات التعذيب المنهجية

التي يتم ممارستها في أقسام الشرطة. وتنفيذ أحكام القضاء واحترامها من قبل الحكومة المصرية.

المطلب الثالث: إقالة وزير الداخلية حبيب العادلي بسبب الانفلات الأمني الذي تواجهه مصر متمثلا في الحوادث الإرهابية

وانتشار الجرائم التي حدثت على يد ضباط أو عناصر من وزارة الداخلية دون وجود الرادع القوي.

المطلب الرابع: تحديد مدة الرئاسة بحيث لا تتجاوز فترتين متتاليتين لأن السلطة المطلقة مفسدة ولأنه لا توجد دولة متقدمة تسمح

لرئيس الجمهورية البقاء عشرات السنين في منصبه. من حقنا أن نختار رئيسنا ومن حقنا ألا يستبد أحد بالسلطة فيحكم البلاد حتى

يموت. وحل مجلس الشعب المزور وإعادة الانتخابات لاختيار نواب يعبرون عن إرادة الشعب الحقيقية.

طبعا هناك مطالب كثيرة لكل المصريين في مجالات زي الصحة والتعليم والبداية هي إننا نتحرك مع بعض ونحقق مطلب مطلب

عن طريق الضغط على الحكومة وده دورنا كشعب إننا نوجه الحكومة ونحاسبها على أداءها ونحدد أولوياتها مش العكس.

أماكن وتوقيت المظاهرات

مهم جدا إننا نفهم إن هدف المظاهرة هو إننا نحشد كل الناس معانا. الناس كلها متضايقة ومظلومة ومش راضية عن حال البلد يبقى

لازم نشجعهم يشاركوا وعشان كده بعد صلاة الجمعة مباشرة سيخرج مئات الآلاف من المصريين من كل المساجد والكنائس في كل

المحافظات المصرية للتعبير عن غضبهم في مسيرات سلمية ضخمة إلى منطقة التحرير بالقاهرة ومقرات الحزب الوطني بكافة

المحافظات والمدن للتظاهر أمامها والجلوس هناك بشكل سلمي حتى تحقيق كل مطالب المصريين.

القاهرة الكبرى

●مسجد الاستقامة - ميدان الجيزة

●كنيسة مار جرجس - العجوزة

●مسجد مصطفى محمود - المهندسين

●كنيسة أبو سيفين - المهندسين

●مسجد عمرو بن العاص - مصر القديمة

●كنيسة العدرا - بين السرايات

●مسجد أسد بن الفرات - الدقي

●مسجد السلام - الهرم

●مسجد الخلفاء الراشدين - فيصل

●مسجد خاتم المرسلين - الهرم

●مسجد الصباح - الهرم

●مسجد الجمعية الشرعية - الإمام الشافعي

●مسجد السيدة عائشة - ميدان السيدة عائشة

●مسجد المهدي - جسر السويس

●مسجد طعيمة - المرج الشرقية

●مسجد الرحمن - المرج الشرقية

●مسجد القدس - عزبة النخل

●مسجد السلام - مدينة نصر

●مسجد فاطمة الزهراء - مدينة نصر

●كنيسة الملاك - مساكن شيراتون

●مسجد أبو بكر الصديق - مساكن شيراتون

●مسجد يوسف الصحابي - مصر الجديدة

●مسجد عليش - عين شمس

●مسجد التعاون - عين شمس

●مسجد النصر - عين شمس

●كنيسة العدرا - العمرانية

●مسجد النور المحمدي - المطرية

●مسجد ميدان المطرية - المطرية

●مسجد الشيخ غراب - حدائق القبة

●مسجد الجمعية الشرعية - الوايلي

●كاتدرائية العباسية - العباسية

●مسجد النور - العباسية

●مسجد الخازندار - شارع شبرا

●مسجد الفتح - الخلفاوي

●كنيسة ماري مرقص - الخلفاوي

●مسجد التقوى - شبرا الخيمة

●مسجد خالد بن الوليد - الكيت كات

●مسجد ميدان الكيت كات - الكيت كات

●مسجد الدندراوي - البساتين

●مسجد الكحلاوي - البساتين

●مسجد السلطان حسن - القلعة

●مسجد السيدة نفيسة - السيدة نفيسة

●مسجد الفتح - المعادي

●مسجد الفاروق - المعادي

●كنيسة الملاك - شيراتون

●كنيسة العدرا - حلوان

●مسجد الفتح - ميدان المحطة - حلوان

●مسجد الهدى - شارع أطلس - حلوان

●مسجد النصر - المساكن الاقتصادية - حلوان

الإسكندرية

●مسجد القائد إبراهيم

●مسجد سيدي بشر

●

الإسماعيلية

جاري تحديد الأماكن

المنصورة

جاري تحديد الأماكن

الفيوم

جاري تحديد الأماكن

المحلة الكبرى

جاري تحديد الأماكن

طنطا

جاري تحديد الأماكن

سوهاج

جاري تحديد الأماكن

إرشادات التظاهر

١) المظاهرة سلمية. نحن دعاة سلام ولسنا دعاة عنف. نحن نطالب بحقوقنا ومن الأولى أن نحافظ على حقوق الآخرين. لن

نستجيب لأي محاولات استفزاز من الأمن عشان يخرجنا من شعورنا ويحصل اللي هما بيخططوا ليه. هدف رئيسي من أهداف

الأمن هو تصوير المتظاهرين على إنهم شوية بلطجية عايزين يخربوا البلد. يجب ضبط النفس وعدم التهور وعمل أي شيء

يخالف القانون أو يعرض حياة أي شخص لخطر أو يتسبب في الإضرار بأي ممتلكات عامة أو خاصة. وفي حالة تواجد أي أفراد

بيقوموا بأي عمل عنيف يرجى التكتل حول الشخص واستبعاده الفوري من داخل المظاهرة وإبلاغ الأمن عنه.

٢) عند النزول من البيت لا تحمل أي شيء لا تحتاجه مثل كارنيهات أو الرخص أو بطاقات البنوك. احمل بطاقتك الشخصية

ومبلغ كافي لأي طوارئ. ويا ريت متجيبش ساعتك أو أي حاجة تتكسر بسهولة. الزي الأفضل يكون رياضي أو جينز مع وجود

جاكيت للحماية من البرد في حالة استمرار المظاهرة أو الاعتصام لوقت طويل وكوفية لحماية الوجه في حالة وجود قنابل مسيلة

للدموع. يا ريت كل شخص يجيب معاه قزازة مياه كبيرة لأنه داخل المظاهرة بيكون دايما في عجز في المياه.

٣) يرجى إحضار علم مصر وعدم إحضار أي شعارات أو لافتات خاصة بأي حزب أو حركة أو جماعة أو جمعية أو طائفة

دينية. اليوم لكل المصريين لأننا جميعا نطالب بالمساواة في الحقوق والعدالة الاجتماعية ومش عايزين نتفرق.

٤) في حالة عدم نزولك لأي مظاهرات لا تكن في الصفوف الأمامية واترك الصفوف الأمامية لمن هم أكثر خبرة على قيادة

المظاهرة أو المسيرة عشان ميحصلش لخبطة في اتخاذ القرارات.

٥) الهتافات موحدة ومتفق عليها. يرجى عدم استخدام أي ألفاظ بذيئة أو الدخول في معارك جانبية مع أفراد الأمن. الأمن المركزي

مش هو عدوك. هو مجند تم إجباره أثناء خدمته في الجيش على القيام بهذا الدور وفي حالة عدم طاعته للأوامر يتم معاقبته بأقصى

العقوبات. حاول بقدر الإمكان تركز مشاعر غضبك نحو عدوك الحقيقي.

٦) المحاولة قدر الإمكان لعدم تعطيل المرور في الشوارع. نحن لا نعاقب المواطنين نحن نطالب بحقوقنا. طبعا باتكلم عن التعطيل

المتعمد للمرور. لأنه في حالة نزول عشرات الآلاف في أي شوارع سيتم تعطيل المرور ومش ده اللي بنتكلم عليه.

٧) متنزلش لوحدك .. أكرر مهم جدا متنزلش لوحدك لأن الأصحاب بيفيدوا في الظروف دي. يا ريت تكون مع حد واقنع حد

صاحبك تنزلوا مع بعض. زي ما بننزل الاستادات وقت الماتشات.

٨) عسكري الأمن المركزي هو مجند في الجيش بيشتغل عشرين ساعة وحظه العاثر إنه مجند في التوقيت ده. أغلبهم مش بيبقى

عايزين يضربوا الناس. دافع عن نفسك بس نرجو عدم تعريض حياة أي عسكري أمن مركزي للخطر.

الهتافات الموحدة

فكرة الهتافات الموحدة هي من أهم أفكار التظاهر. كلنا نازلين لمصر ولازم نوحد صفوفنا ونكون إيد واحدة. هنلتزم بالهتافات مع

بعض كلنا وهنركز على قضايا البطالة والفقر لأن دي القضايا اللي بتهم المصريين كلهم، ودي الهتافات اللي تم الاتفاق عليها:

●تحيا مصر .. تحيا مصر

●عيش .. حرية .. كرامة إنسانية

●حرية .. حرية .. حرية .. حرية

●يا حرية فينك فينك .. الطوارئ بيننا وبينك

●مش هنخاف مش هنطاطي .. إحنا كرهنا الصوت الواطي

●شعب تونس يا حبيب .. شمس الثورة مش هتغيب

●بالروح بالدم .. نفديك يا وطن

●ارفع صوتك قول للناس .. احنا كرهنا الظلم خلاص

●واحد اتنين .. احنا المصريين

●صحي الخلق وهز الكون .. مصر بلدنا مش هتهون

●حد أدنى للأجور .. قبل الشعب ما كله يثور

●حقي ألاقي شغل وأعيش .. والملاليم ما بتكفيش

●يلا يا مصري صحي الروح .. الحرية باب مفتوح

●يللا يا شعب عدّي الخوف .. خلي الدنيا تصحى تشوف

●شعب حضارة ومجد سنين .. مش هيطاطي ليوم الدين

تليفونات مهمة

التواصل مع المحاميين

●0103561524

●0160816511

●0107030030

لينكات تهمك

●صفحة كلنا خالد سعيد على الإنترنت

●الصفحة الرئيسية للدعوة ليوم الثورة على الفساد والبطالة والظلم والتعذيب

●الدعوة الخاصة بوقفة محاميين مصر لحماية المشاركين في المظاهرات

●جبهة الدفاع عن متظاهري مصر

يشاركون في المظاهرات

يجب الإشارة إلى أن المشاركة الأكبر في هذه المظاهرات ستكون من الجماهير المصرية غير المهتمة بالسياسة. لأن الدعوة

وصلتهم ولمست مشاكلهم ومآسيهم. ولهذا فإن الدعوة من الأساس خرجت غير مسيسة وخرجت من صفحة "كلنا خالد سعيد"

والتي لا تتبع أي أحزاب أو حركات ذات هدف سياسي. وقد استجابت للدعوة جميع القوى السياسية لأن المطالب واحدة ولأن هذه

القوى السياسية قامت بالأساس للدفاع عن حقوق المصريين.

●حركة شباب 6 أبريل

●الحملة الشعبية لدعم مطالب التغيير

●رابطة البرادعي

●حزب الغد

●شباب من أجل العدالة والحرية

●جماعة الإخوان المسلمين

●حزب الوفد

●حركة حشد

●حزب الجبهة الديموقراطية

●حزب الكرامة

●حملة دعم حمدين صباحي

●الاشتراكيون الثوريون

[hOuSsAm]

أتوقع واتمنى حدوث خيانة فى النظام اليوم

وده هتبقى القشة اللى هتجيب رقبتهم عالارض

محمد رشيد راجع بنية تشكيل حكومة جديدة (ويعمل الحكومة القديمة كبش فدا)

(مع تقديرى واحترامى لمحمد رشيد ............. بس للاسف جه متاخر اوى)

وده مش طلبنا ولا طموحنا ولا هدفنا

اللهم انصرنا

يارب اجبر خاطر كل واحد هينزل النهاردة بهدف نصرة بلده

كل واحد هينزل عشان نحافظ على بلدنا

عشان نعيش بكرامتنا

الدرس النهاردة هيبقى صعب اوى عالنظام.......... وهيعرفوا ان فيه فى البلد رجالة مش شوية عيال

يارب امين

[Simba]

دعا العاهل البحريني الملك حمد بن عيسى آل خليفة أمس إلى قمة عربية طارئة لبحث الجهود لتهدئة المنطقة وسط تنامي الاحتجاجات في أكثر من دولة، وذلك خلال مكالمة هاتفية أجراها مع الرئيس المصري. وقالت 'وكالة أنباء البحرين' الرسمية أن الملك حمد تعهد بدعم مبارك على خلفية الاحتجاجات التي تشهدها مصر

[Simba]

دخلت علشان اشوف عناوين الجرايد القومية يا تري هتكون ايه النهاردة

الجمهورية والاخبار والاهرام

لقيت المواقع بتاعتهم واقعة

[لماضة مصرية جدا]

دعا العاهل البحريني الملك حمد بن عيسى آل خليفة أمس إلى قمة عربية طارئة لبحث الجهود لتهدئة المنطقة وسط تنامي الاحتجاجات في أكثر من دولة، وذلك خلال مكالمة هاتفية أجراها مع الرئيس المصري. وقالت 'وكالة أنباء البحرين' الرسمية أن الملك حمد تعهد بدعم مبارك على خلفية الاحتجاجات التي تشهدها مصر

فيه الخير و الله....اصل جدة دلوقتي مبلولة و كده مش هينفع يروح هناك

بمناسبة البحرين

امبارح كان فيه محاولة من شباب الجالية المصرية للوقوف سلميا أمام مبني السفارة المصرية هناك

و زميلنا وافانا بالتالي

بلغونى بعض اصحابى بانهم ريحين امام السفارة المصرية فى البحــــــــــــرين

ونظراً لتواجدى فى البحــــرين الان لظروف عملى

خرجنا معاهم ورحنا امام السفارة

...وبعد دقيقة ونص بالظبط حضر الامن البحــــرينى واتعامل مع الناس بكل زوق وقالو انهم عندهم تعليمات بمنع اى تجمهو او تظاهر اما مالسفارة المصرية

واخدو 3 شباب من اللى كانو معانا ولــــولا تدخل القنصل المصرى بالبحرين خرجهم على مسوليتو الشخصية كان زمانهم فى ايد الامن المصرى

والان السفارة المصرية محاصرة بالامن البحرينى طول اليوم

بعد اللي حصل في الكويت و البحرين دلوقتي...مرة تانية الجاليات المصرية....صعب جدا انها تنظم أي وقفات احتجاجية امام مبني السفارات بتاعتها كل في بلده احتراما لقوانين البلد

الدعااااااااااااء

صباحكم....يقين....و ترقب....و دعاء طالع من القلب اوي

ع جنب بقي

معقولة....انتو لسه ناااااايمين....اصحوا يا بشر

[fatfouta]

معقولة....انتو لسه ناااااايمين....اصحوا يا بشر

أنا والله مانمت يا لماضة بس قاعدة ساكتة وفرحانة ومتفائلة وحاسة ان الناس نامت اليلادى وهى عندها امل كبير انها تصحى على فجر جديد ان شاء الله

صليت الفجر ودعيت من قلبى ذى ما كل الناس دعوا من قلبهم لمصر...إن شاااااااء الله ربنا مش هيخيب ظننا فيه

شروق جديد يا مصر هيتحقق فيه النصر للشعب ولإرادته وهيمشوا الحكام الظلماء ان شاء الله

تم تعديل 28 يناير 2011 بواسطة fatfouta

[بركة]

ربنا يستر انا خايفة جدا

تم تعديل 28 يناير 2011 بواسطة بركة

[fatfouta]

ربنا يستر انا خايفة جدا

لا ماتخافيش ان شاء الله خير بصى للصورة دى وانتى هتشعرى بالتفاؤل وهتعرفى ان اخواتك فى مصر ان شاء الله هينتصروا بكمية الحماس اللى عندهم

[لماضة مصرية جدا]

ربنا يستر انا خايفة جدا

صلي كتير....و ادعي من قلبك اوي

ياااااااااااااارب