25 يناير ... موعد المصريين (4)

[arkan]

كنا نتندر وكنت اداعب أخي الأكبر وهو أحد الكوادر الصغيرة في الحزب الوطني واقول له بكره تتسحلوا لما الشعب يفوق ومصيركم هايكون زي مصير زعماء حزب البعث بالعراق ..

وها هو الشعب كله يقوم بحرق مقرات الحزب الوثني في مختلف أنحاء الجمهورية ... وغداً سيتم سحل كل أعضاء الحزب الوثني خصوصاً مصاصي الدماء أمثال عز وابو العنين وكل رموز الفساد الذين أذاقونا الويلات

ضم كمان للقايمة شركات الاتصالات اللى قطعت النت والاتصال

[abasery]

السويس والمحلة خلاص خلصوا على الأمن وبينضفوا باقى البلد من الشرطة

[abasery]

رويترز: متظاهرون يقتحمون مقر الحزب الحاكم في طنطا بمصر

طنطاوى وافتخر

[abasery]

مراسلة الجزيرة: المتظاهرون في السويس هم الذين اطلقوا الغاز المسيل للدموع على الشرطة

[abasery]

خبر مؤكد : راصد المنوفية : الأمن بالمنوفية انسحب من الشوارع و استقل سياراته بعد مصافحة المتظاهرين بالشوارع الرئيسية بشبين الكوم

النهاردة بالليل هنسمع خبر هروب مبارك

[se_ Elsyed]

والله والله والله إني لأغمض عيني الأن واتخيل هؤلاء الشباب الأحرار وهما يقفون بميدان التحرير ليعلنوا فرار مبارك وعصابته خارج مصر

ساعتها سيكون هذا يوم مولدي الحقيقي

ساعتها سأنزل فوراً إلى بلدي لأُقبل ترابها وأطلب منها أن تسامحني لأنني لم أشترك في تحريرها ولم يراق دمي على أرضها وأنني كنت أنانياً وفكرت في نفسي كثيراً ونسيتها

[abasery]

صفوت الشريف كان بيتكلم بالظبط بنفس طريقة الصحاف ايام الحرب على العراق

[الغريب]

والله والله والله إني لأغمض عيني الأن واتخيل هؤلاء الشباب الأحرار وهما يقفون بميدان التحرير ليعلنوا فرار مبارك وعصابته خارج مصر

ساعتها سيكون هذا يوم مولدي الحقيقي

ساعتها سأنزل فوراً إلى بلدي لأُقبل ترابها وأطلب منها أن تسامحني لأنني لم أشترك في تحريرها ولم يراق دمي على أرضها وأنني كنت أنانياً وفكرت في نفسي كثيراً ونسيتها

هانت يا كبير وهنحمل أحذية الشباب على رؤوسنا

[abasery]

المنوفية اتحررت يارجاااااااالة

الأمن وقف مناوشاتة معاهم والشعب بيتحكم فى البلد دلوقتى

[طبيبة بالخارج]

قناة الجزيرة موقوفة

[se_ Elsyed]

والله والله والله إني لأغمض عيني الأن واتخيل هؤلاء الشباب الأحرار وهما يقفون بميدان التحرير ليعلنوا فرار مبارك وعصابته خارج مصر

ساعتها سيكون هذا يوم مولدي الحقيقي

ساعتها سأنزل فوراً إلى بلدي لأُقبل ترابها وأطلب منها أن تسامحني لأنني لم أشترك في تحريرها ولم يراق دمي على أرضها وأنني كنت أنانياً وفكرت في نفسي كثيراً ونسيتها

هانت يا كبير وهنحمل أحذية الشباب على رؤوسنا

من سنتين يا غريب أذاعت قناة الجزيرة تقريراً مصوراً عن شباب الفيس بوك وشباب المدونين الاحرار واللي إتعرض منهم كثير للسجن واللي كنا بنضحك عليهم او بمعنى أصح كنا بنقول إيه العشرين تلاتين المجانين دول اللي بيطلعوا في مظاهرات بميدان التحرير والامن ينزل لهم بالالوفات عشان يسحلهم وبرضوا ما بيتوبوش ويطلعوا تاني وتالت ورابع في كل مناسبة

لكنهم صبروا وثابروا وطلعوا رجالة وعلمونا الرجولة وعلمونا معنى العزة والكرامة

أقسم بالله هما دول اللي يستحقوا يحكمونا

هما دول اللي يستحقوا نقبل رؤسهم

[شرف الدين]

والله دي أول مرة افضل قاعد ادام التليفزيون اتابع الاخبار بالشكل ده من ساعة غزو العراق

كنت مقاطع قنوات الاخبار لحد ما اسمع الخبر الأكبر

لكن النهاردة أول مرة بجد افضل قاعد ادام التليفزيون اتابع الاخبار

حسب الجزيرة

بثت وكالة رويترز خبرا مفاده أن

المتظاهرين يحملون جثمان أحد شهداء الحرية ويطوفون به شوارع السويس

والثوار في السويس ( سيدي بو زيد مصر ) بعد السيطرة على قسم شرطة الأربعين في طريقهم الآن لمبنى المحافظة

[se_ Elsyed]

قناة الجزيرة موقوفة

شغالة يا دكتورة .. يمكن عشان مشغل العرب سات

[mekkawy]

يا ربت تمم النصر .. يا رب تمم النصر

يا رب عمم نصر المنوفية و السويس في كل محافظات مصر و بالذات القاهرة

يا رب اكسر كل ايد تبطش بالناس و كل رجل تمشي في أذاهم .. يا رب عذبهم ببعض و احرق قلوبهم و انشر في قلبهم الرعب من الشعب الجميل العظيم

يااااااااارب

يااااااااارب

يااااااااارب

[ozoozo]

ممكن حد من سيدات المنتدي بتصل بضحي وتقولنا اخبار طنطا ايه عشان اكيد النت قاطع عندهم

[mekkawy]

فين الاسعاف و الهلال الأحمر سواء المصري أو الدولي

فين الاسعافات يا عااااااالم حرام الشباب المصابين دول و مش لاقيين اي اسعاف فضلاً عن العلاج

[لماضة مصرية جدا]

انا عارفة ان احنا من الصبح عمالين نقول ان المغتربين مش عارفين و مش قادرين

بس مش قادرة خلاص

هنتجمع الجالية المصرية في ابو ظبي قدام القنصلية المصرية و قدام السفارة

هنرفع العلم المصري فقط

مافيش هتافات

مافيش شعارات

وقفة صامتة فقط

التواصل من خلال الصفحة هنا عشان نعرف نجمع نفسنا

المحارواتية.....من فضلكم حطوا دي ع الفيس بوك عندكم...عشان نجمع المصريين

http://www.facebook.com/pages/msry-yhb-msr/122355077837934?ref=sgm&v=wall

جالي الخبر ده من شوية....والحقيقة بجد لازم ارفع القبعة للسفارة المصرية و لسلطات الامن الاماراتي

للأهمية وحفاظا على سلامة الناس

يرجي من أى مصري فى الإمارات عدم المشاركة فى أى وقفة احتجاجية أو تضامنية مهما كانت سلميتها على أرض الإمارات لحين استصدار التصريح الأمني .

وبإذن الله فى القريب العاجل سأوافيكم بأماكن الوقفات التضامنية التى ستتم بإشراف السلطات الإماراتية وستكون فى أكثر من إمارة

حبيت احطها عشان تبقي الصورة كاملة

و في انتظار التصريح الامني في اقرب وقت

و تحية و احترام....للقيادة المحترمة هنا في الامارات...السفارة و الامن

[abasery]

قناة الجزيرة موقوفة

الجزيرة اتوقفت من على النايل سات لانها كانت بتفضح الانتهاكات للشرطة المصرية ضد المتظاهرين

[طبيبة بالخارج]

أقوال عن شدة مرض حسني مبارك و الله أعلم

بس عدم ظهوره حتى الآن مع ده و يمكن يكون مات كمان بس مداريين

[abasery]

عاجل: رويترز نقلاً عن شاهد عيان: محتجون يقتحمون مبنى محافظة الاسكندرية

ومظاهرة ضخمة من ميدان المطرية في اتجاه قصر الرئاسة بالعروبة مطالبين بسقوط النظام ورحيل مبارك