25 يناير ... موعد المصريين (4)

[King TUT]

مؤكد : أنباء عن هروب أحمد عز و معه 95 حقيبة أموال

[طبيبة بالخارج]

مصر ملهاش كبير دلوقت

يحكم مصر الآن الصيع واللصوص

أين جماعة الإخوان المسلمين ..

صموا آذاننا عن تنظيمهم وقوتهم وقدرتهم

أليس من الواجب أن يحموا مصر الآن

أن يوقفوا كل هذا النهب والسلب

يا أخي قيادات الأخوان مقبوض عليها

[se_ Elsyed]

اللواء فؤاد علام ظابط امن الدولة السابق وأحد المدافعين السابقين عن النظام يتكلم الأن على قناة المحور عن تأخر الرئيس مبارك في إتخاذ قرارت هامه وكيف كان صامتاص في محاسبة احمد عز وصفوت الشريف وعاطف عبيد

الله أكبر ... الكثيرون الأن يتراجعون عن مواقفهم الداعمة للنظام ويحاولون الظهور بمظهر الناقمين على النظام

أين أنتم يا كلاب السلطة ؟.

إين ذهب رئيس العصابة مبارك ؟

أين ذهب كلاب الحزب الوطني ؟

[hOuSsAm]

احتراق قسم عين شمس و المطرية و المساجين يهربون من السجن و يستولون على الأسلحة

حدث بالفعل

صديقي معايا على الخط من المطرية وبيقول لي إن مواجه لمنزله مخزن للبلدية جاءت سيارة نقل وأقتحمت البوابة وهجم الناس على المخزن ونهبوا كل ما فيه

سنين وإحنا بنتكلم .. سنين وغحنا بنصرخ ونحذر من لحظة الأنفجار

الان الغوغاء اللي بيمثلوا أكثر من 40 % من الشعب واللي انطحنوا خلال فترة حكم مبارك سيخرجون لنهب كل شيء لأن هذا من حقهم ( هكذا يفسرون لانفسهم )

هى التليفونات اشتغلت؟

طيب الشرطة الموجودين فى اقسام البوليس مش موجودين؟

امال مين اللى موجودين فى اقسام الشرطة والسجون

طيب الجيش نزل يعمل ايه

اللهم سلم سلم

بعض التليفونات الأرضية شغاله وتمكنت من الأتصال بكثير من اهلي وأصدقائي ....

الجيش نزل عربيتين تلاته يحموا مبنى الأذاعة والتليفزيون فقط

أين أي قائد جيش شريف يُصدر أوامر للجيش بالنزول لحماية بلدي

طيب وماذا عن مجل الشعب

ووزارة الداخلية

وقصر الرياسة

ومكتب رئيس الوزراء

الاماكن دى ماذا يدور فى مطبخها؟؟؟

[ozoozo]

عاجل شهود عيان عناصر مسلحة في رفح الفلسطينيه يحدثون فجوة في جدار مصر

[شرف الدين]

نفسي افهم

فين الحكومة

انا مش متخيل كل اللي بيحصل ده

ولا خلاص

من النهاردة مفيش حكومة

[fatfouta]

شبكة رصد...

نود التنويه إلى ان كل ما يتم حرقه وإبادته يتم عن طريق بلطجية الحكومة والأمن حيث أن كل ما يحرق هو مقار الحزب الوطني وأقسام الشرطة ومقار أمن الدولة وكل ما يحتوي على أي مستندات تدين الحكومة في حالة محاكمتها والمستفيد الأول والأخير بل و الوحيد من حرق وإبادة هذه الأماكن هو الحزب الحاكم الذي فرض حظر تجول ولم يعطه أي اهتمام ث...م شغل المتظاهرين بالجيش والذي لم يهتم سوى بحماية مبنى التليفيزيون حتى لايسيطر عليه الشعب وترك بلطجية النظام تحرق كل ما يدينها في حال محاكمتها وعلى كل المصريين التصدي لهم بقوة.

[se_ Elsyed]

ماذا عن شركات المحمول ... لماذا لا تُعيد الإتصال لكي ينظم الناس أنفسهم للدفاع عن البلد

دور الاخوان ؟

وكيف يكون هناك دور للاخوان وهم أكثر من تم البطش بهم منذ 3 أيام ؟

وكيف يعدون قوتهم وخطوط الأتصال مقطوعة

[Scorpion]

يا جماعة من فضلكم شوية هدؤ ....

اعتقد انه جه الوقت اننا نفكر بمنطق بعيد عن العواطف اللي موديانا في داهية ...

نقطة نظام ...

تفتكروا ايه اللي كنت منتظرينه من مبارك علشان نقول انه هو نظامه هما المسئولين عن السلب و النهب و التدمير اللي شغال دلوقتي ...

كنتم فاكرين مثلآ و بعد ما الدنيا هاجت عليه ,, و وواضح تمامآ الأتفاق علي رحيله او علي الأقل عدم ترشيح نفسه السنة دي لا هو و لا ابنه .. بعد ما شاف الناس بتقطع في صوره .. و يتدوس عليها بالجزمة .. و يتحرقها .. بعد ما سمع النداء الواحد برحيله ..

انه يطلع النهارده و يقول آه تصدقوا عندكم حق و خلاص حمشي ...

اليوم اللي حيقول الكلمة دي معلوم تمامآ انه حيمضي بايده علي قرار اعدامه ... هو و اسرته كلها ... الناس بعد كده مش حتسيبه يتحرك .. ده حتي هنا النداءات نفسها كانت بقفل المطارات علشان ما يهربش ...

ده اللي انتم مستنيه انه يلاقي حل للنهب و التدمير اللي شغال دلوقتي ...

ده الجانب الوحش من التحركات اللي زي دي .. الأثار الجانبية للأدوية ..

لأنه مهمامهما كانت النية صحيحة .. و الأسلوب صح .. برضه من رابع المستحيلات السيطرة عالشارغ ... الشعرة اللي بين الأحتجاج الحضاري و و التدمير و النهب اللي ممكن يكون افراز لثقافة القطيع .... ما تستنوش من حد يوقفها لينا ... احنا اللي حضرنا العفريت و احنا اللي لازم نصرفه ..

مش ده اللي اتقال في الأول .. ان الشباب هو اللي حيمنع اي استخدام طين لتحركهم ...

معلش .. بس من السذاجة فعلآ اننا نطلب من النظام انه يحمي البلد و بعدين يسلم نفسه للمحاكمة ..

[ozoozo]

السعودية : تعزيزات امنيه في مطار الملك الخالد

[se_ Elsyed]

مؤتمر للإدارة الامريكية ملخصه أنهم يتحدثون عن خيبة أملهم من عدم ظهور مبارك

---------------

على الهواء .. 11 قتيل في السويس ومئات المصابين ....

لا حول ولا قوة إلا بالله ...

الأطباء يناشدون الأهالي بسرعة التبرع بالدم .. ولا حياة لمن تنادي لان خطوط الأتصال مقطوعة

رجال الامن فروا هاربين ويختبئون في كل حته

الشعب هم من يستولون على الشوارع

عملية إنتقامية من رجال الحزب الوطني هناك وحرق ممتلكاتهم بالكامل

لكن الشباب الرجالة يحمون باجسادهم البنوك والمحال الأخرى ويحمونها من اللصوص

أستر يارب

[se_ Elsyed]

يا مبارك يا كلب يا كلب يا كلب

الان من أمام المتحف المصري ... الشباب المصري الأصيل يواجه هجمات شرسة من اللصوص لأقتحام المتحف لسرقته ويناشدون الجيش التدخل

يا كلاب ضيعتوا البلد

كل مقرات الشرطة في مصر تتعرض للأحتراق

[شرف الدين]

R.N.N | شبكة رصد مؤكد | محاولة تفجير محطة كهرباء كفر الدوار والأهالي يتصدوا لها ...

[mekkawy]

و الله حرااااااام اللي بيحصل

حرام 11 نفس ماتت يا كلاب الحكومة

و كل اللي بيحصلهم حلال و الله ربنا يحرقهم في الدنيا و الآخرة يا رب ارحم شبابنا و يا رب ارحم بلدنا

يا رب خافظ لنا على مصرنا يا رب .. يا رب ارحم بلدنا و شبابنا و احفظها

يااااااااارب

الدعاء يا شباب .. الدعاء ربنا يحقن دماء المصريين بأة كفاية قتلى و الله حرام كدة

الأمن دول ايه حيوانات مفيش احساس ولا آدمية

يااااااااارب

[شرف الدين]

عشرات الدبابات والمجنزرات تتجه لميدان التحرير

نزول كثيف لوحدات الجيش الى الشوارع

[pink rose]

الحمدلله الحمدلله الجيش نزل اخيرا

الجيش نزل التحرير و عبدالمنعم رياض

دبابات و مجنزرات

الحمدلله الحمدلله

[sheto]

ياريت اللى يقول خبر يكون متاكد منة

انا مش ناقص حرق دم

يااااااااااااااااااااااارب

[se_ Elsyed]

الحمد لله

بس مصر مش هي التحرير ورمسيس وسفارة أمريكا وبريطانيا

يارب الأمن يستتب في كل أنحاء مصر ....

ويارب الناس تتصدى لأي مجرم يحاول يشوه الثورة

[pink rose]

ياريت اللى يقول خبر يكون متاكد منة

انا مش ناقص حرق دم

يااااااااااااااااااااااارب

لا دا على الجزيرة دلوقتي حالا يا استاذي خبر

ان الجيش نزل بالدبابات و المجنزرات

[ozoozo]

نفسي اشوف الناس بتاعه مقالات السفينه وربانها والملوخيه وطشتها