25 يناير ... موعد المصريين (4)

[aimen]

يارب إجعلها الجمعة الأخيرة لمبارك واهله والخونة امثال الشريف وعز والعصابة

[fatfouta]

ساعة النهاية للظلم قربت...إقرأواااا

ياااااااااااااااااارب

مسجد خاتم المرسلين بالجيزة تجمع فيه الى الآن مايقرب من 4000

طبعا متجمعين فـ الشارع لأن المسجد مساحته صغيرة..

[raouf]

التمادي في الغباء هو بداية السقوط

يقطع الأنترنت أو يفتح الهويس على الناس زي ما كان بيعمل زكي بدر في أسيوط ... يبقى كده نقول له مبروك إنت كسبت أعداء أكثر وغضب أكثر وخليت اللي ما حسش يحس إن إنت غبي وإن إنت مكانك الوحيد هو المزبلة ..

نفسي وأتمنى إن تكون النهاردة تظاهرات مليونية

واللي أكتر من كده نفسي الشباب اللي زي الفل واللي رفعوا راسنا وسط العالم بعد ما جابها الأرض هذا الديكتاتور .. نفسي يخرجوا بكره بالملايين برضوا ويحاوطوا معرض الكتاب ويهتفوا " يسقط الطاغية " عشان يشوف بنفسه حب الشعب له وهو رايح يفتتح معرض الكتاب والناس مش لاقيه تاكل ...

بالمناسبة ..... اموت وأشوف إحساس جمال وعلاء وولاد المسئولين الكبار اللي بيدخلوا عالنت ويشوف الكلام اللي ملايين المواقع عنهم ...

إيه هي الناس دي خنازير وجلدها تخين ما بتحسش ؟

ولا كلللللللللللللللللللللللللل العالم بيفتري عليهم وبيضطهدهم ؟

شوف يا حاج سين سين انا هاشرحلك هم ورجال شرطة بيفكروا ازاى

- الستات قلبهم بيبقى ضعيف وحنين واول ما يشوفوا دم بيصوتوا صح ؟ ولكن ممكن يدبجوا الفراخ ويشوفوا دمها وما فيش مشكله

اهى الشرطة كده هما بشر ولكن نحن بالنسبة لهم دجاج يجب قتلنا حتى يعيشوا هم

يعنى اللى بتشوفوا فى التليفزيون ده هم مش فارقة معاهم هم بيجروا ورا الدجاج فى العشة علشان يمسكوا فرخة يدبحوها وده اللى بيحصل

ولو بتشاهد فيديوهات القبض على الرجالة تلاقى المخبرين بيعملوها بذمة وضمير مش تنفيذ اوامر

وشوف طريقة تعاملهم مع اللى بيقبضوا عليهم لحد عربية الترجيلات وشوف ماسكينهم ازاى

صدقنى كل ما اشوف المنظر ترجع ذاكرتى للراجل الفرارجى اللى بيمسك الفراه علشان يدبحها

اما اولاد المسئولين فقد تربواا ان هذه املاك خاصة بهم وهذا الشعب يعتدى على املاكه

تخيل ان والدك قالك الشقة دى يا سين سين يا ابنى بناعتك

وطول عمرك عايش فيها وبتعمل كل اللى انت عايزه

سواء تكسير او تجميل

وبعد فترة طلعلك ناس قالولك يا ابنى انت كان مضحوك عليك الشقة دى بتاعتنا وابوك بيكدب عليك هتعمل ايه ؟

اكيد هاتصدق ابوك وتدافع عن شقتك

ده بالظبط حال جمال مبارك ومن على شاكلته من ابناء المسئولين

تربوا ان البلد بلدهم وهم من يملكونها وفجأة وجدوا من يحاول الاستيلاء على املاكهم ( كما علمهم اباءهم ) هل تتوقع منهم ان سقولوا اتفضل فنحن بالنسبة لهم رعاع ونتعدى على املاكهم

نقطة كمان عارف ليه السويس الامر تطور ؟

يوم 25 اللى نزل ناس فافى شباب جامعة ملوش فى اللبش زى ما بنقول

بيهنكدوا على الحوار والكلام بادب

لكن لما وصل الامر للسوييس و الطالبية وسيناء شوف الامر حصل فيه ايه

ضرب نار ومطاوى وسكاكين

اتمنى ان تنتفض الاحياء الشعبية هم دول اللى يقدروا يوقفوا الامن المركزى لان هايخدوا جقهم باديهم وقتى مش ه

[se_ Elsyed]

خواطر في يوم الجمعة

- عجبني تعليق في الجزية إمبارح بيقول " إذا شعب يوماً أراد الحياة .. فلابد من حجب التويتر "

- الأخ عماد أديب فضل يتكمل كلام مجعلص لما صدع دماغنا أمبارح بكلام كتيييييييييييييييير كل ده عشان يقول نقاط محدده معروفه للجيمع

- يا سلام لو في جهات محترمة في مصر عندها إنترنت عن طريق الستالايت وتتيحه لشباب الفيس بوك أو على الأقل اللي عاوزين ينقلوا لنا الصورة كما تحدث على الأرض.

- بصراحة يا جماعة قلبي مع جهاز الشرطة اللي الديكتاتور رماهم في المحرقة وصدرهم وجهاً لوجه مع الشعب الغاضب ومش من يوم 25 يناير ... لا ده من أول ما أبتدا الناس يخرجوا عن شعورهم ويخرجوا للشارع يقولوا كفايه حرام ...

- باتخيل منظر هؤلاء وهم مرميين في الشارع في عز البرد بالأيام وسايبين عائلاتهم وسرايرهم ... طب يدخل الحمام إزاي اللي مصلوب بقى له 4 أيام ده ؟ ومستحيل طبعاً يعملوها ورديات لأن هايجيبوا منين ملايين تغطى ده كله ...

- أتمنى أن ينتقل إحساس اليأس إلى قيادات الشرطة وينضموا للشعب ويحسوا بهم ويعرفوا إن إحنا مش اعداءهم وإن إحنا عاوزين لهم حياة محترمة ونظرة محترمة من الناس لهم .

- الغريب إن كل اللعب عالمكشوف دلوقت ... يعني الفاسد عارف نفسه واللي على راسه بطحه عارف نفسه واللي نجح بالتزوير والتدليس مستخبي دلوقت وبيقول يا حيطه داريني وحاسس إن الكرسي إتهز من تحته وتبقى تنفعه الحصانة أو صاحب المليارات يبقى ياكل ملياراته عشان يعرف يعيش وإن اللي بقى لهم 30 سنة وعفا عليهم الزمن أمثال سرور وصفوت وزكريا عزمي ومفيد شهاب والأشكال دي لسه فاكرين إنهم يمثلوا رأس الحكمة والخبرة والمفهومية .. في حين أثبتت لهم الأيام إن مجموعة من الشباب ما بين 18 - 25 سنة إنهم ما بيفهموش ولا بيقراوا ولا بيسمعوا

[م تيمور المراغي]

الانسحاب المريب لقوات الامن المركزي من كل المواقع في القاهره

هل هو تمهيد لنزول الحرس الجمهوري والقوات الخاصه ؟؟

[se_ Elsyed]

اتمنى ان تنتفض الاحياء الشعبية هم دول اللى يقدروا يوقفوا الامن المركزى لان هايخدوا جقهم باديهم وقتى

- على فكرة .. دي اهم ميزة في النظام الغبي ... إنه شايف علامة الخطر واضجه زي الشمس وإن في حفرة في الطريق ومع ذلك بييدخل عليها بصدره بمنتهى الغشومية وده لإنه مُحصن ضد السقوط وعمره ما ينحني أبداً .... داخلين في أكتر من 5 سنين مظاهرات من الناس الغلابة وعمال المصانع اللي إتباعت برخص التراب ... ومع ذلك بيقنعوا نفسهم إن دي فقاعات صابون .

- برامج كتيرة نزلت الشارع زي برنامج واحد من الناس ونقلت حياة ملايين عايشين بيننا عشان يقولوا خلوا بالكم من القنابل الموقوته دي ..... وبرضوا ودن من طين وودن من عجين .. اهم حاجه أترستق انا في الشيخ زايد والقرية الغبية وإن شالله يولع الشعب ونسيوا ان الناس دي هاتولع فيهم هما أول حاجه .

- كل الدنيا جرايد محترمة ومواقع إنترنت محترمة حذرت من ثورة الجياع ... لكن عشان الديكتاتور شبعان فكان بيقول بكره يتلهوا على عينهم ويسكتوا .

- فين مؤيدي الحزب الوطني اللي قال عليهم أسامه سرايا صفرا إن ممكن في ثواني نحشد 10 مليون مؤيد .... طب ما توريني يا سرايا 100 منهم بلاش مليون ؟

- متخيل منظر بلطجي من بلطجية الحكومة زي أحمد زكي بدر وهو مستخبي تحت السرير دلوقت وبيقول : يا أرض إنشقي وأبلعيني .. ومتخيل منظرة وأنا بأكلم أصحابي معاه في مكتبه من كام يوم وهما بيضحكوا عليه لما رجع في قرار تأميم المدارس القومية .. ورجع في قرار بهدلة بتوع إدارة الكتب المحتجين في الشارع أمام وزارته ...بل صرف لهم ما لا يقل عن 4 شهور مكافآه عشان يعيش وياكل عيش ويقضي أيامه ...

- متخيل منظر مجدي الدقاق ونبيل لوقا باباوي وعلي الدين هلال ومصطفى علوي ومحمد كمال وعمرو عبد السميع وطامر أمين والناس بيسحلوهم في الشوارع ويضربوهم على قفاهم وهما بيصرخوا ويقولوا : أنا ماليش دعوه أنا كنت عبد المأمور أنا معاكو والله ... بس كنت مغلوب على أمري أنا عيشه أنا ممكن أعمل لكم عجين الفلاحه والليل الليل يا ميمون بس سيبوني أروح أغير البنطلون اللي إتبل .

[se_ Elsyed]

فعلاً مواقع كتيرة وقعت

جريدة الجمهورية

الاهرام

الاخبار

موقع الحزب الفاشي

مصراوي

لكن المصري اليوم شغاله على فكره

الدستور شغالة

لكن بشكل عام بدأ قطع خدمة الإنترنت في مصر تدريجياً

ههههههههههه بدأوا أمس في إعتقال قيادات الاخوان المسلمين ومنهم الدكتور عصام العريان اللي كتبت له قبل ذلك ناصحاً أياه أن يظل لديهم على طول وينقل مقر إقامته في امن الدولة .... ولا حول ولا قوة إلا بالله العلي العظيم والله أكبر من كل الظالمين

[م تيمور المراغي]

النشطاء اليوم

[raouf]

يا شباب عندى اقتراح واتمنى ان تدعمونى فيه حتى يكون لنا كرجال المحاورات ونساءها دور كبير لما يجدث فى مصر

بصفتنا معتربين وعدم قدرتنا على المشاركة على ارض الواقع

لما لا نبدأ حملة جمع تبرعات لضحايا الثورة من الشهداء

فهذا واجبنا ونحن خارج مصر

ونستطيع البدأ فى هذا بفتح حساب لتلقى تبرعات المصريون بالخارج لتعويض اسر واهالى الشهداء

من الناحية القانونية انا مش عارف الطريقة الصح لكن اكيد معنا خبراء يستطيعون الترتيب لها انا على فقط الفكرة والتبرع بمبلغ مالى كبداية

يا ريت لو المشرفون موافقون نبدأ فى الخطوات الفعلية والاعلان عن الصندوق

تم تعديل 28 يناير 2011 بواسطة raouf

[م تيمور المراغي]

لو صلاة الجمعه اليوم يحضرها العدد ده في مساجد وسط البلد والاسكندريه والسويس الابيه وكل مدن مصر

http://www.youtube.com/watch?v=oMIuC_z11hU&feature=player_embedded

[fatfouta]

ياريت لو الكلام ده يوصلهم فى مصر دلوقتى

ارشادات مهمة للمتظاهريين المصريين

الصلاة خارج المسجد وليس بداخله

الصلاة بالحذاء وهذا جائز لانها تعتبر صلاة خائف

الأمن ينوي سرقة أحذية المُصلين لمنعهم من المشاركة في الإحتجاج

والذي يتوقع أن يكون آخر ضربة مسمار في نعش النظام هناك

.........للتغلب على هذا العمل الخسيس خد معاك كيس

...بلاستيك حط فيه حذائك و خليه على حجرك لانهم ممكن يرشو الارض مسامير

تم تعديل 28 يناير 2011 بواسطة fatfouta

[se_ Elsyed]

يا شباب عندى اقتراح واتمنى ان تدعمونى فيه حتى يكون لنا كرجال المحاورات ونساءها دور كبير لما يجدث فى مصر

بصفتنا معتربين وعدم قدرتنا على المشاركة على ارض الواقع

لما لا نبدأ حملة جمع تبرعات لضحايا الثورة من الشهداء

فهذا واجبنا ونحن خارج مصر

ونستطيع البدأ فى هذا بفتح حساب لتلقى تبرعات المصريون بالخارج لتعويض اسر واهالى الشهداء

من الناحية القانونية انا مش عارف الطريقة الصح لكن اكيد معنا خبراء يستطيعون الترتيب لها انا على فقط الفكرة والتبرع بمبلغ مالى كبداية

يا ريت لو المشرفون موافقون نبدأ فى الخطوات الفعلية والاعلان عن الصندوق

فكره جيده جداً طبعاً

لكن الأمور المالية بتكون مُعقدة وفيها نواحي قانونية كتيرة لازم تبقى متوفره للبعد عن أي شبهه او مساءلة

[raouf]

علشان كده عايزين حد من الاخوة القانونيون يقولوا لينا الطريقة الصحيحة لهذا الصندوق لبدأ الحملة

وقولوا يارب

الابطال دول المفروض يتعمل ليهم تماثيل بدل تمثال رمسيس والفرعون اللى موجود

[fatfouta]

هل فعلا ان الحكومة اخلت الشوارع من الأمن استعدادا لنزول الجيش؟؟؟

R.N.N | شبكة رصد الجزيرة تؤكد الإتصال الذي وردنا ليله أمس بأن التواجد الأمني بالقاهرة ضعيف جداً وعلى عكس كل الأيام الماضية .

http://www.presstv.com/detail/162337.html

[م تيمور المراغي]

ويك يا من رام تقييد الفلك

اي نجم في السما يخضع لك !!!

وطن الحر سما لا تمتلك ,,

والفتى الحر بأفقه ملك !!!!

[مغتربة]

ربنا يعدى النهارده على خير فى مصر

يا رب يكون النهارده اليوم الاخير فى حكم مبارك و اذنابه

يا رب

[مغتربة]

هل فعلا ان الحكومة اخلت الشوارع من الأمن استعدادا لنزول الجيش؟؟؟

R.N.N | شبكة رصد الجزيرة تؤكد الإتصال الذي وردنا ليله أمس بأن التواجد الأمني بالقاهرة ضعيف جداً وعلى عكس كل الأيام الماضية .

http://www.presstv.com/detail/162337.html

مش عارفه يا فتفوته لكن انا برضه استغربت لما سمعت كدا من مراسله الجزيره فى مصر

الى مش مطمنى فعلا قطع خدمات الانترنت و التليفونات

حاسه انهم بيدبروا لحاجه فظيعه من جرايمهم

ربنا يا رب يستر على شبابنا الى هيخرج النهارده و يحميه من الظلمه الى مستعده تدبح الشعب كله لاخر واحد فيه بس هى تفضل على كرسيها حتى لو الكرسى دا اصبح مقام على جبل من جثث الابرياء

[ام سلمي]

شبكة رصد عاجل

اكبر تغطية اعلامية السويس الان وخاصة الاربعين ادخل وشوف

http://www.suezfm.com/newsloc/2370-2011-01-27-19-01-43.html

[م تيمور المراغي]

شوفوا بالله شباب السويس نظرتهم عامله ازاي ؟؟

حتى الشاب المتصاب مش بيتألم !! ,, باصص وبيستحلفلهم !!

فدائيين والله ورجاله يا ولاد

[ام سلمي]

شبكة رصد

السويس | خمسة آلاف مواطن يفترشون شارع الجيش

ضرب الامن بالمولتوف خلف قسم الاربعين

الان السويس | القاء قنابل مسيله للدموع ورصاص مطاطى على المواطنين المعتصمين امام المشرحة فى انتظار اخراج جثمان شهيد الحرية وفى وجود د صفوت حجازى والشيخ حافظ سلامه

لنا أخبار عن رفض العساكر ضرب المتظاهرين ، ولكن الظباط يجبرونهم عن العنف لا نعرف مدى دقة هذه الأخبار ولكننا ننشرها لانها انتشرت بصوره كبيره جدا على الانترنت .

جمال عيد : المدرعات بدأت تقذف غاز على الصحفيين والمحامين ، ليس بقنابل ، بل عبر مضخات من فتحة المدرعة بشكل كثيف