25 يناير ... موعد المصريين (4)

[لونا]

على قناة bbc الإنجليزية

عضو في الإخوان المسلمين إسمه الهلباوي يقول:

أنه علم من مصادر مؤكدة من شرم الشيخ أن صحة حسني مبارك متدهورة تمامًا

[sheto]

تتوقعوا ياشباب ان يعلن فتحى سرور توليه رئاسة الجمهورية بموجب الدستور ؟

ويقولك السبب مثلا ان حسنى مات او لايستطيع القيام بمهامه

تفتكروا الناس تقبل بهذا الحل ؟

كلام سليم لو مبارك هرب

سرور الوحيد سيكون رئيس لمدة 60 يوم فقط

[fatfouta]

أبشرواااااااا

بشرى سارة قريبا ستسعد كل شريف

[raouf]

اتمنى ان يتولى الفتره الانتقاليه الدكتور البرادعي ,,

الراجل منظم ومش حاطط الرياسه في دماغه وحيتولى الاشراف على انتخابات رئاسيه حقيقيه ,,

ان شا الله

اؤيدك تماما يا باشمهندس تيمور

افضضل الموجودين الان هو البرادعى او عمرو موسى

لكبر سنهم سنضمن عدم استمرارهم فى الحكم وطمعهم فيه

حنى يتم اعادة صياغة الدستور وبناء الاحزاب من جديد

[akramgroup]

شاهد عيان: اللى هو واحد صاحبى

احراق مبنى محافظة الاسكندريه بالكامل

بعد سرقته بالكامل وجميع الاوراق والكمبيوترات الموجوده فيه

والقاء الاثاث من الشبابيك

يااخوانا مفيش اى شرطه فى الشوارع والناس عايشه حياتها

والحراميه عايشه حياتها

طب وبعدين؟؟؟؟؟

[sheto]

اتمنى ان يتولى الفتره الانتقاليه الدكتور البرادعي ,,

الراجل منظم ومش حاطط الرياسه في دماغه وحيتولى الاشراف على انتخابات رئاسيه حقيقيه ,,

ان شا الله

اؤيدك تماما يا باشمهندس تيمور

افضضل الموجودين الان هو البرادعى او عمرو موسى

لكبر سنهم سنضمن عدم استمرارهم فى الحكم وطمعهم فيه

حنى يتم اعادة صياغة الدستور وبناء الاحزاب من جديد

عمرو موسى افضل

[أحمد سيف]

أعتقد فتحي سرور منتظر اليوم الجديد يبدأ قبل ما يعلن الخبر

[fatfouta]

طب ليه مش عمرو موسى وخلونا نحلم شوية بقى لعله يتحقق واحنا اللى نختار

[م تيمور المراغي]

أبشرواااااااا

بشرى سارة قريبا ستسعد كل شريف

مابلاش سيرة شريف ده اللي هو اللي يمسك

.......من ستي الا سيدي

[شرف الدين]

اتمنى ان يتولى الفتره الانتقاليه الدكتور البرادعي ,,

الراجل منظم ومش حاطط الرياسه في دماغه وحيتولى الاشراف على انتخابات رئاسيه حقيقيه ,,

ان شا الله

هذه مداخلة لي كتبتها بالأمس في موضوع ( من سيحكمنا لو سقط مبارك )

بسم الله الرحمن الرحيم

يا جماعة مش مهم مين اللي هيحكمنا بعد ما مبارك دورة حياته كرئيس تنتهي ( سواء بالموت أو بالخلع )

المهم ان يكون فيه آلية نقدر نحاكم بيها حاكمنا ... المهم ان الحاكم يقف قدام القاضي زيه زي أي مواطن من الشعب

( فاكرين كلينتون وفضيحة مونيكا لما كلينتون وقف ادام المحكمة واتاخدت أقواله ).

يعني باختصار يكون فيه آلية اسمها ديمقراطية

يووووووووه صحيح بلاش كلمة ديمقراطية دي لحسن بتعمل حساسية عند بعض الناس على اعتبار انها استيراد غربي امريكي علماني كافر

تعالوا نسمي الآلية دي اسم تاني عشان منزعلش اخوانا اللي مش بيحبوا كلمة الديمقراطية

فاكر زمان واحد صديقنا على النت سماها اسم معبر جدا

( عتريس لا يخاف البوليس )

عايزين يبقى عندنا آلية اسمها عتريس لا يخاف البوليس

مش تسمية معبرة فعلا

إن عتريس يقدر يعبر عن رأيه ( سواء بالتظاهرات او الاعتصامات او الانتخابات ) من غير ما يخاف من البوليس

مش هو ده جوهر أمانينا

إن عتريس لا يخاف البوليس

لو بصينا هنلاقي دي في جوهرها = الديمقراطية

لكن بلاش زي ما قلنا كلمة الديمقراطية وخلونا في عتريس لا يخاف البوليس

إذن نحن ندعو لدولة يعيش فيها عتريس دون أن يخاف البوليس

ولكن حتى تتحقق هذه الدولة

بفرض أن مظاهرات الغضب نجحت في تحقيق الحلم الأكبر وهو إسقاط النظام.

حتى تتحقق دولة عتريس لا يخاف البوليس لابد من وجود فترة زمنية يتم فيها كتابة دستور جديد للدولة وتنقية الجداول الانتخابية ووضع قانون الانتخابات وخلافه.

وبمناسبة الانتخابات فأنا مع رأي الأخت جويرية إنه ما ينفعش أي واحد ينتخب

رأيي ان حق الانتخاب ده لابد أن يكون للمتعلمين فقط على اعتبار إن العلم نور.

وبكل تأكيد الشخص المتعلم ( معاه الثانوية أو ما يعادلها على الأقل ) هيكون أقدر على الاختيار الصحيح من غير المتعلم.

حتى تتحقق هذه الدولة لابد من فترة انتخابية ( سنتين مثلا ) يتم فيها اختيار شخص جيد للحكم في السنتين دول وبعدين يغادر الحكم نهائيا وبغير رجعة.

وفي رأيي ان المناسب للموقع ده في الفترة الانتقالية دي هو واحد من اتنين

محمد البرادعي أو عمرو موسى

( ممكن لجنة من كتاب ومفكري المجتمع يكون عددهم عشرة مثلا - مجلس العشرة بتاع المصير يعني لو فاكرينه - ممن لم تلوثهم الحكومة يختاروا واحد منهم بطريقة الاقتراع السري )

في خلال السنتين دول يكون تم تنظيم قانون انشاء الأحزاب والسماح بإنشاء الأحزاب بدون قيود معقدة

قرب نهاية السنتين دول يتم انتخاب مجلس شعب جديد ( بعد ما يتم طبعا تعديل قوانين الترشح وإلغاء نسبة العمال والفلاحين العجيبة دي )

مع كامل احترامنا للعمال والفلاحين لكن مش معقول إن يكون شرط الترشح لمجلس الشعب في دولة متحضرة هو إجادة القراءة والكتابة ( يعني عضو مجلس الشعب المحترم اللي بيناقش القوانين وبيقدم الاستجوابات وطلبات الإحاطة تكون كل مؤهلاته المطلوبة انه يقدر يفك الخط ).

المفروض أن عضو مجلس الشعب على الأقل يكون معاه مؤهل جامعي أو ما يعادله.

في آخر السنتين دول يتم انتخاب رئيس جديد بطريقة شرعية. وبانتخابات حرة.

يتم أخذ ضمانات على حاكم الفترة الانتقالية بعدم التحول لفرعون جديد. وضمان مغادرته الحكم نهائيا وبغير رجعة بعد السنتين دول.

والضامن هو الجيش.

في حالة اخلال الحاكم الانتقالي بالشرط ده الجيش يقوم بانقلاب عليه ويخليه يخرج من الحكم.

ولكي يتحقق الضمان ده لابد أن تبقى قيادة الجيش بعيدة عن سلطة الحكومة الانتقالية ... يعني باختصار وزير الدفاع لا يعين من قبل الحاكم الانتقالي .. لكن مثلا ممكن تفضل قيادة الجيش زي ما هيا دلوقت.

بعد كده الرئيس الجديد المنتخب ممكن يغير قيادة الجيش لو أراد.

ياااااااااااااه.

حلم جميل أتمنى افتح عنيا بعد بكرة الاقيه اتحقق

لكن لازم دايما نفتكر ان حسني لسه ما رحلش

ومش عايزين نفكر في الخطوة بعد القادمة

الخطوة اللي ادامنا دلوقتي هي إسقاط النظام - ده هو الهدف الآن - ولا يوجد هدف غيره حتى يتحقق

بعد كده نفكر في اللي هييجي بعد كده

تم تعديل 28 يناير 2011 بواسطة شرف الدين

[raouf]

حتى يتم الاعلان عن الخبر الهام

الامر هو طبعا كلنا عارفين بطش وغرور ظباط الشرطة

تتوقعوا ايه اللى هيعملوا جيرانهم فيهم الان بعد ماكانوا يبطشوا بيهم ؟

بعد ما كان الشعب يبوس رجل كل كلب منهم علشان يخلص ورقة صغيرة

اتوقع هيحصل حالات انتقام رهيبة من ظباط الشرطة وخصوصا كلاب امن الدولة

[fatfouta]

الامن نزل تانى فى ميدان التحرير وسمماع طلقات نارية فى الجو

وعدد أخر من عربات الجيش تدخل التحرير ايضا

[akramgroup]

مابلاش بدايه الكلام ده ومين هايحكم ومين مش هايحكم

والناس تختلف تانى

فى حاجه اسمها انتخابات نزيهه بجد

والشعب ساعتها هايقول كلمته بجد

لاتستبقوا الاحداث

[م تيمور المراغي]

تصبحوا على خير

آمين و انتي من أهل الخير

تصبحوا جميعا على خير ,,

ومصر على خير

وغدا يوم آخر ,,