و ماذا لو نزل الجيش ؟؟؟

[جويرية]

للأسف يا مدام ريمو

هناك حالات فردية من قبل قوات الجيش لكنها ليست منهج لقوات الجيش

حالة عادل قسطل مراسل قناة france 24

يمكنك مشاهدة الفيديو اللى بيحكى فيه الحكاية على الرابط التالى

جايز زي ما بيتقال هيا حالات فردية

لكن مش الجيش ده جزء من النظام اللي بنطلب بأسقاطه

الناس بتموت تحت مسمع و مرئ من الجيش و هم لا يحركون ساكنا

[Scorpion]

يعني يا سنيور سكوب الجيش اللي ما عذبش اسرى اليهود هايعذب المصريين؟

و بعدين ما الجيش اعلن انه غير الزي بتاعه عشان المحلات اللي بتبيع الزي العسكري اتسرقت

بصراحة مش قادرة اصدق ان الجيش ممكن يتورط في حاجات كده

عزيزتي مدام ريمو ...

لأعمال تنسيقية بقالي 4 ايام قضيت معظمهم بدون مبالغة بين سطور مواضيع 25 يناير المختلفة .. قريت كل المداخلات من اول يوم لحد النهارده (مضطرآ) ... و مش ممكن تتخيلي كم الأختلافات .. كم الأخبار الكاذبة .. كم التحليلات الوهمية ... كم الأشاعات اللي قريتها ...

لكن آخر ما اتمناه بالطبع ان ينتهي كل هذا بصدام بين الجيش و بين الشعب .. لأنه بكده مش حيبقي عندنا أي حاجة .. أي حاجة ليها مصداقية عندنا .. مش حيفضلنا اي رمز نبتدي بيه ... حريقة كبيرة مولعة في كل حتة و بس ...

ممكن فعلآ يكون موضوع الجيش اللي بيعتقل و يعذب ده أكذوبة تانية ... و ممكن برضه يكون صحيح ... الكلام حصل حالات منه جوه المتحف المصري .. و ده مش مفتوح للبلطجية يعني ... المسيطر عليه و المسئول عن حراسته دلوقتي هو الجيش ...

علي العموم بدون الدخول في دهاليز دي اشاعات او دي حقيقة .. لأن مش ده السؤال بتاعي ... السؤال كان ايه حيكون السيناريو لو الجيش ما فضلش علي حياده ؟؟؟

ما اهو احنا لازم نحط كل الأحتمالات قدامنا ...

لأن بعد اللي شفته بعيني ..و بعد كل الحاجات اللي مش فاهمها و مالهاش تحليل منطقي ... السيناريو دلوقتي انهم حيخلو الاخوان هما اللي حيمسكوها علشان الناس بعد كده تلطم و تنادي عالجيش .. و ترجع ريما لعادتها القديمة ..

ده التسلسل الطبيعي لحالة زي دي و الا في سيناريوهات تانية ؟؟؟

[جويرية]

ده التسلسل الطبيعي لحالة زي دي و الا في سيناريوهات تانية ؟؟؟

صحيح الوضع في منتهي السوء

مظاهرات حتي في اصغر المدن المصرية ، الأقسام و مديريات المن تحترق

يارب الجيش يتدخل و يحمي المصريين

[Simba]

10 افراد معهم سلاح ،

افضل من مليون فرد اعزل

احملوا اسلحتم

و قالتلوا الجيش المصري

فعلا يا جوبرية

انتي تنظيم قاعدة قلبا وقالبا

هههههههههههههه

تنظيم القاعدة رجالة بيتكلموا بالسلاح ، احسن من اللي بينوحوا زي النساء

يعني و اخرة المظاهرات ايه

ما هوه حاجة من اتنين يا توصل لقصر الرئاسة ، يا تقعد تنوح و تعمل مظاهرات الي ما شاء الله

يا نهار اسكت

يعني ارواح الناس لعبة

اي حد في الجيش عنده اسره وناس عايزاه

واي حد من المعتصمين برضه كده

وفي النهاية الكل مصري

ده انتي غريبة خالص يا جوبرية :happy:

[Scorpion]

ده التسلسل الطبيعي لحالة زي دي و الا في سيناريوهات تانية ؟؟؟

صحيح الوضع في منتهي السوء

مظاهرات حتي في اصغر المدن المصرية ، الأقسام و مديريات المن تحترق

يارب الجيش يتدخل و يحمي المصريين

عفوآ مدام جويرية .. فلقد أختلط علي الأمر هكذا ...

هل من رأي حضرتك انه يجب علي الشعب مقاومة الجيش و في نفس الوقت يجب علي الجيش حماية الشعب ... ام ان هناك شيئآ غاب عني لم أفهمه ؟

[جويرية]

ده التسلسل الطبيعي لحالة زي دي و الا في سيناريوهات تانية ؟؟؟

صحيح الوضع في منتهي السوء

مظاهرات حتي في اصغر المدن المصرية ، الأقسام و مديريات المن تحترق

يارب الجيش يتدخل و يحمي المصريين

عفوآ مدام جويرية .. فلقد أختلط علي الأمر هكذا ...

هل من رأي حضرتك انه يجب علي الشعب مقاومة الجيش و في نفس الوقت يجب علي الجيش حماية الشعب ... ام ان هناك شيئآ غاب عني لم أفهمه ؟

يحمي المصريين من المظاهرات اللي ملهاش اخر و القتل و التخريب

يحمي المصريين بتحقيق مطالبهم

[Scorpion]

الكثيرين ينتظرون أن يكون للجيش دورآ أكبر في هذه الأزمة ... سواء في دعم المتظاهرين من البعض او قمعهم من البعض الآخر ... و هذا يجعله يقع تحت ضغط شديد من كل جانب ...
فالجنود المنتشرة في الشارع تخضع لتأثيرات االأحتكاك المباشر مع المتظاهرين ... مما يجعلهم أكثر تعاطف معهم في حالة أصدار الأوامر بأستخدام القوة و ما يلي ذلك من احتمال عدم اطكاعة تلك الأوامر من فصيل منهم ... و هو ما قد يُضعف الانضباط والتماسك المطلوب من هذا الجهاز الحيوي لمصر ...

في رأيي الشخصي ... الخطر الأعظم من هذا الضغط لا يقع في نطاق اضطرار الجيش لأستخدام القوة لقمع المتظاهرين و لكن الذي سيحدث بعد اتخاذ قرار مماثل ...
فأنا علي ثقة تامة ان مبارك لن يترك الرئاسة من جراء نفسه قبل سبتمبر و هو واثق من ولاء الجيش له ....او سيفوض صلاحياته لسليمان بدون ان يستقيل ... و اذا لم تفلح هذه الخطة فالاخوان و يليهم العسكر مرة اخري .. أما الخطر الأعظم هو ان ينقسم الجيش نفسه من جراء ذلك ....

فمن الوارد جدآ .. و بناء علي بنية الجيش نفسه .. و ثقافة افراده و حالتهم الأجتماعية و انتمائتهم الدينية ان ينشق الجيش الي عدة اتجاهات ... . وهذا واحد من التهديدات الأكثر خطورة على مصر في الوقت الحاضر .

هل تتخيلون الجيش المصري منقسمآ علي نفسه ...بينما علي الساحة جنود تقمع متظاهرين .. وجنود أخري تدعمهم ... و جنود تطارد زملائها ... هل تتخيلون سيناريو مماثل و مدي تأثيره علي الوطن ؟؟

[جويرية]

لا الحمد لله الجيش استجاب لمطالب الشعب

الحمد لله

[Scorpion]

أنتهي خطاب مبارك الآن .. في قرارة نفسي كنت اتمني من كل قلبي ان يعلنها واضحة انه سيترك مكانه نهائيآ و ان أكون أخطأت في توقعاتي . .. و لكنه تكلم بصيغة المستقبل .. سأفعل .. سأحاسب .. سأعاقب علي اساس انه الرئيس حتي سبتمبر ,, و كررها عدة مرات ذاكرآ القوات المسلحة في معرض حديثه ...

و في النهاية اناب سليمان عن مهامه كرئيسآ للجموهورية تاركآ الباب مواربآ ...

خطاب مماثل لن يرضي به الشارع المصري بالطبع .. و اتوقع ردود أفعال عنيفة عليه .. و أعتقد ان حالة انعقاد المؤسسة العسكرية كان محضرآ له و هم علي علم بهذا الخطاب مسيقآ ... و اوراق اللعبة بدون أدني شك ستكون الآن في يد الجيش ...

ما هو الحل السوي الآن للخروج ؟؟

[ريمون]

أعتقد ان الجيش كان على علم بمحتوى خطاب مبارك من الامس

و لذلك عقد اجتماع على اعلى مستوى بدون حعوه مبارك او وجوده

و دى رساله للشعب ان لا يخافوا فالبلد بيد الجيش و ليست بيد مبارك او سليمان

و فى نفس الوقت الجيش لا يريد ارغام مبارك على الرحيل حتى لا يكون انقلاب عسكرى

فى رأئ ان يضغط الشعب على الجيش من خلال الزحف السلمى الى مقر الرئاسه

و بذلك لن يكون هناك حل امام الجيش إلا اعلان تأييده للشعب و سقوط النظام تماما

و ستكون الشرعيه الوحيده فى يد الجيش

السؤال هو, ما مدى استعداد الجيش لتولى مدنيين اداره البلاد خلال فتره انتقاليه او على المدى الطويل؟

[جويرية]

أنتهي خطاب مبارك الآن .. في قرارة نفسي كنت اتمني من كل قلبي ان يعلنها واضحة انه سيترك مكانه نهائيآ و ان أكون أخطأت في توقعاتي . .. و لكنه تكلم بصيغة المستقبل .. سأفعل .. سأحاسب .. سأعاقب علي اساس انه الرئيس حتي سبتمبر ,, و كررها عدة مرات ذاكرآ القوات المسلحة في معرض حديثه ...

و في النهاية اناب سليمان عن مهامه كرئيسآ للجموهورية تاركآ الباب مواربآ ...

خطاب مماثل لن يرضي به الشارع المصري بالطبع .. و اتوقع ردود أفعال عنيفة عليه .. و أعتقد ان حالة انعقاد المؤسسة العسكرية كان محضرآ له و هم علي علم بهذا الخطاب مسيقآ ... و اوراق اللعبة بدون أدني شك ستكون الآن في يد الجيش ...

ما هو الحل السوي الآن للخروج ؟؟

وزير الدفاع اسوء من مبارك

عايزين نبعت رسايل للجيش ، زي الرسايل خفيفة الظل اللي بيبعتهالنا

و نقولهم اخواننا الجنود و الظباط الشرفاء اللي مش عايز يقاتل ابناء وطنه يسلم سلاحه و ينضم للمتظاهرين

[doha]

حاسة ان مصر النهرده مطروحه على طاولة "قمار" قبيرة ..

الي حصل امبارح لا يبشر بالخير اطلاقا والاحتمالات المتبقية امامنا بتتضائل فيها الفرص بشكل كبير لتجتمع كلها في سيناريو وحيد جيد يحتمل حدوثه وسيناريوهات اخرى متعدده شديده السوء باتت تتزياد اعدادها مع الوقت ..

عن نفسي فعلا مش عارفه ممكن يحصل ايه .. ولا اظن حد فينا النهرده يقدر يقدم اكثر من ( مراهنات ) لما يمكن حدوثه ..

يمكن يتدخل الجيش ويعزل الرئيس بس ساعتها مش عارفه هيكون نظام الحكم عندنا شكله ايه ولغايه امتى هياخذ الشكل ده .. والاهم فعلا معرفش ان كان عزل الرئيس في المرحلة القادمه هيغير من الوضع الي دخلت فيه مصر ولا خلاص برضه هيقولك " جئت متأخرا " . .

ممكن يبقى الجيش على حياده اسبوع آخر .. البلد ستصاب بالشلل نتيجه الاضرابات المتلاحقة الي مظنش ابدا انها جائت وليده للصدفة او لمجرد رغبه المشاركين فيها تحسين اوضاعهم .. مصر بتتفتت داخليا بقالها اسبوع بعد مابدأ تفتيتها الهيكلي قبلها .. معرفش لو استمر حياد الجيش واستمرت الاضرابات والاعتصامات اسبوع كمان او اكثر ممكن نوصل لفين .. والاهم سقف المطالب الي لا يتوقف عن الارتفاع آخره هيطال مين ؟؟

السيناريو المرعب الي مش قادره حتى افكر فيه هو انقسام الجيش على نفسه .. من المشهور عن الجيش ان قياداته بيتم اختيارها بدقة شديده .. كلهم تقريبا من نفس عينة المشير طنطاوي وكلهم يدينون بالولاء التام لشخص حسني تماما كما يدينونه للوطن .. وفي ذات الوقت فصغار الظباط من كافة اطياف الشعب وطبقاته واكيد في منهم الحماسي والثوري وفي منهم الحانق على كثير من الاوضاع سواء في مصر او في داخل الجيش نفسه .. لا اضمن نهائيا وفي حال استمر حياد الجيش من قيام احد القيادات بالخروج على الاجماع العام للجيش ـ لأي سبب ـ ولا استبعد وقتها انضمام بعض من صغار الظباط اليه .. السيناريو ده لو حصل هيبقى كارثي خاصه واخبار التحركات العسكرية على الحدود المصرية لا تخفى على احد ..

فعلا مش عارفه ممكن رمية الزهر القادمه توصلنا لأيه .. ياترى هنطلع لفوق ونبدأ عصر جديد مكناش نحلم بيه قبل شهر واحد فقط من الآن .. ولا خلاص هنقرأ كلنا الفاتحة ونتلوا القداس على روح .. مصر ..

بجد مش عارفه ..

[عبير يونس]

........................... ياترى هنطلع لفوق ونبدأ عصر جديد مكناش نحلم بيه قبل شهر واحد فقط من الآن ..............................

بجد مش عارفه ..

قال تعالى في الحديث القدسي:

(أنا عند ظن عبدي فليظن عبدي ما شاء)

تفاءلوا بالخير تجدوه

صباحك فل و ورد و ياسمين مخلوطين بالحرية والكرامة و عودة الحقوق المسلوبة

[Scorpion]

تم أصدار البيان الثاني .. و لم يشمل ما كان يعتقد انهم سيقومون به .... اي أجبار الرئيس علي التنحي ... و لكن كان واضحآ انهم سيعملون علي ضمان تنفيذ ما قام به ...

النقطة الوحيدة الجديدة هو انهاء "حالة" الطواريء ... و لا أعلم اذا كان هذا يعني قانون الطواريء أيضآ

[se_ Elsyed]

تم أصدار البيان الثاني .. و لم يشمل ما كان يعتقد انهم سيقومون به .... اي أجبار الرئيس علي التنحي ... و لكن كان واضحآ انهم سيعملون علي ضمان تنفيذ ما قام به ...

النقطة الوحيدة الجديدة هو انهاء "حالة" الطواريء ... و لا أعلم اذا كان هذا يعني قانون الطواريء أيضآ

هذا إستمراراص للميوعة يا عزيزي

بس فاضل الجيش يقول للناس في الشارع .. ما تخلصوا بقى وتخلوا عندكم دم وتفهموا

فعلاً ... لازم الضربة القاضية لهذا النظام الفاسد

أما ما يحدث الأن فهي حرب باردة .. بالرغم من إن الثورة تسيطر على الشارع تماماً .. لكن ينقصهم الحركة الأخيرة لحرق أخر كرت للنظام

[باهى الطائر الحزين]

اعتقد ان البعض مدين بأعتزار للجيش

[Scorpion]

عزيزي طائر الليل الحزين ...

حقآ لم أجد في أي حرف كتيبته هنا ما يجعلني أدين بالأعتذار للجيش المصري .. لم أهاجم أبدآ في كل مداخلاتي رمزآ عسكريآواحدآ ,,, لقد أكتفيت دائمآ بابداء توقعاتي بكل خطوة و التي لو تابعت هذا الموضوع منذ بدايته لوجدتها كانت دائمآ صحيحة .. حتي في توقعي الأخير بأن الكرة في ملعب الجيش تمت الآن بهذا الأنقلاب العسكري السلمي الذي حدث ... و لم يعد هناك اي مجال في التخوف من الأنقسام في المؤسسة العسكرية اذا ما كان من الممكن ان يحدث في حالة بقاء رؤوساء الأسلحة بجانب الأستاذ حسني مبارك الي النهاية ...

اذن أصدقك القول فأنا و ان كنت أحترم بالطبع رغبتك تلك و لكنني لا أجد اي مجال للأعتذار في اي حرف كتبته ..

تحياتي و احتراماتي

[باهى الطائر الحزين]

My love : Scorpion

لم اكن ابدا اقصدك بما كتبته

بل على العكس انا احبك واحترمك

وارى ان لك نظره بعيده مستقبليه

فى تقييم الامور واعتقد انها راجحه.

لكن البعض شكك بل اتهم الجيش بالخيانه

واحببت ان ارد عليه من خلال رفع موضوعك

اعلى صفحة واجهه المنتدى, ولا اشك ان كلنا

وطنيون محبين مخلصين لمصر وان كنا نختلف فى الطريقه

التعبيريه او فى التسرع على الحكم على الاشياء

او المعطيات بمنطق الظاهر والخافى هو اعظم بكثير

تحيتى لشخصك النبيل / كما كامل احترامى

[doha]

من يومين تسائلت ان كان الجيش ساند الشعب فازاح راس النظام او ان الشعب من ساند الجيش فاعطاه السبب المناسب للازاحة ..

امبارح شاهدت جزء اكثر من رائع لاعادة حلقة برنامج القاهرة اليوم وكان فيه الى حد ما اجابة على السؤال ..

الحلقة بتاريخ 27 فبراير 2001 بعنوان " من كان يحكم مصر في الثلاثون سنة الماضية " واحد ضيوفها الخبير الاستراتيجي ضياء رشوان الي اصبحت حريصه من فترة على الاستماع لتحليلاته التي تستحق التوقف عندها في كثير من الاحيان ..

ده رابط الحلقة والجزء الذي اعنيه يبدأ في الدقيقة 27 بعد سؤال عمرو اديب ..هل لو لم تحدث ثورة هل كان جمال مبارك سيحكم مصر ؟ واجابة ضياء رشوان بثقة.. لا ..

اترككم للاستماع لتحليلة والاسباب التي دفعته لتبني هذا الرأي ..

http://www.youtube.com/watch?v=dpYOtD2AjLI