أعضاء المحاورات في مصر...عايزين نطمن عليهم

[لماضة مصرية جدا]

لو تسمعوا فكرهم غير خالص الفكر الخشبي اللي ضيعنا ف كل حاجه

عجبتني انا اوي الجملة دي....و الكلمة ام فونت عريض

حمد لله ع السلامة استاذ هيرو..هيرو

ع فكرة اللي رجع مش حضرتك لمصر

اللي رجع الروح المصرية اللي كانت جواك

كنت محتاج تشوف بصيص نور

روحك كانت محتاجة تشوف مشهد نضيف يؤكدلك كل الكلام اللي كنا بنقوله زما...كان صح...مكنشي قصور في الهوا.....ده كان يقين ان الارض عفية....و الارض خصبة...بس كانت محتاجة فيضان....يفكرها اد ايه هي خصبة

حمد لله ع سلامة الروح المصرية جدا

تم تعديل 4 فبراير 2011 بواسطة لماضة مصرية جدا

[fatfouta]

والله يا هيرو انا فرحانة بكلامك جدااا ربنا يخليكم يا شباب مصر

وردد ورايا

لو لم أكن مصريا لوددت ان اكون مصريا

ربنا يحمى مصر وينصرنا ان شااااااء الله

[مغتربة]

لغاية دلوقتي محدش طمنا علي طنط هند علي من الاسكندرية؟؟؟؟

يا رب تكون بخير و اسرتها

يا رب نطمن علي مصر كلها

انا كمان عايزه اطمن على مدام هند و على مصراويه و على رضوى برضه مدخلوش من ساعه ما النت رجع

ارجوكم الى ليهم اتصال بيهم يطنونا عليهم

شيكو و دريم دخلوا يوم واحد و بعدين اختفوا

[herohero]

عارفين اللي مزعلني ايه حكاية شق الصف فين مصريين دلوقتي يقولك لزمته ايه وقف الحال ياجماعه الامور كانت هتولع هتولع يوسف بيه كان هيغلي البنزين الشعب كان هيشوف ايام سوده والله ياجماعه كانوا ناويين لنا نيه سوده

دلوقت نيجي نتكلم ونقول غلط الشباب حرام بجد

لازم نبص ادام البلد كانت مغتصبة لا عارفين مين نائب الرئيس محدش عارف يعمل استثمارات لان الرؤية غايبة احمد بيه عز كان بيطلع لنا لسانه ويغلي الحديد ع راحته

فاكرين يا جماعه كليب بتاع الرئيس بتاع الحزب الوطني

لما بيقوله البحث العلمي ياريس ؟؟؟ قاله ياسيدي كبر مخك والله العظيم كنت ف قمه القرف تخيلوا بندرس كل ده ونتعب والبيه يقولك كبر مخك

شوفت تكبرهم ف الانتخابات

والله انا من يوم 24 هنا مش عاوز اقولك البلد كانت محتقنه بجد الاسعار اغلى من الرياض متخيلين اقول ايه بس غلاء خانق وكل واحد بيحط ايده ف جيب اللي جنبه اقتصاد اسود موازي

بجد الحمد لله مهما كانت السلبيات اه هنتعب هنا ف مصر شويتين بس ع الاقل هنرتاح لان فيه حلم او امل وممكن قوي يتحقق

انا كنت زعلان من سلبيتي وسلبية الكتير بس بجد دلوقت فرحان بقى دول الناس اللي كانوا بيسكتوا ع استغلال سواق الميكروباص ولا استغلال البائع يثوروا كده

والله الشباب اللي ف التحرير زي الفل والاحلى عيال مستوى بجد فكري ومهني وانتاو اكيد بتشوفوا

بس اوعوا تاخدوا انطباعاتكم من الاعلام الخشبي اللي الكل قرف منه

كفايه يا رجاله بتوعم 50% هتبقى عنيهم مكسورة

ومعلومة ع جنب ولاد عمي شرطة "سابوا هندسة ودلخوا شرطة ، فكر "

المهم قالوا لي بالحرف اتطلب منهم يمشوا ويسيبوا الاقسام الكلام ده ف قسم عين شمس والنزهة

فياريت مانسمعش الاعلام الخشبي اللي ضيعنا

[لماضة مصرية جدا]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

طب لو سمحت لو حد عنده اي وسيلة اتصال بيها ممكن تتكرم و تبعتهالي علي الخاص...الله يكرمكم

استاذي عادل ابو عمر...لو ممكن حد من الشباب يتطمن عليه و يطمنا

استاذنا التونسي؟؟؟

ربنا يرد غيبتهم علي خير

[arkan]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

تصدقي بالله النهاردة مدام هند على بالى جدا ومتوقعة الاقي لها مداخلات في توبيك الثورة

ربنا يجعل المانع خير

ونطمن عليه

[doha]

هند علي ومصراوية .. فعلا اختفاؤهم اصبح مقلق ..

ياريت لو حد يقدر يطمنا عليهم بأي شكل ..

[عبير يونس]

هند علي ومصراوية .. فعلا اختفاؤهم اصبح مقلق ..

ياريت لو حد يقدر يطمنا عليهم بأي شكل ..

راسلتهم على ايميلاتهم و منتظرة الرد

بإذن الله يكونوا بخير

[رضوي]

السلام عليكم ورحمة الله وبركاته

اولاً شكراً لكل حبايبي اللي سألوا عني ....... أنا بخير والحمد لله تمام ........ هو بس الاربع والخميس اللي فاتوا كانوا صعبين اوي عليا بصفة خاصة كنت في غيبوبة عن اي احداث بتحصل ودماغي اتلخبطت ....... بس دة نتيجة ظروف خاصة مالوش دعوة بالاحداث في القاهرة

بس الحمد لله تمام اوي

كل المصريين بخير والحمد لله

القاهرة تنعم باستقرار .............. وتقريباً فيما عدا ميدان التحرير الحياه طبيعية جداً

المحافظات كلها طبيعية جداً

والمواطنين كلهم بخير والحمد لله ............... الجيش متوزع وماعندهوش اي اوامر بالتعامل اساسا ......... شكل يعني بيطمن الناس

اعمال السلب والنهب تقريباً اختفت ..........

الامان يعم كل الشوارع ............ اساسا كل اعمال البلطجة دي كانت صوت بس

بمعني ......... كان يدخل البلطجية الشارع ....... يخوفوا الناس واللجان الشعبية تجري وراهم ......... يضربولهم رصاصتين في الهوا ويمشوا

علي الرغم من صعوبة الايام دة الا انها ليها في نفوسنا ذكري جميلة

[Howayda Ismail]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

طب لو سمحت لو حد عنده اي وسيلة اتصال بيها ممكن تتكرم و تبعتهالي علي الخاص...الله يكرمكم

ربنا يسعد قلبك ياريهام يارب وافرح بيكى قريب

انا متشكرة اوى اوى لمبادرتك الجميلة بسؤالك عنى وده عهدى بك دايما

واشكر كل الاخوات الافاضل ممن سالوا عنى هنا او راسلونى على الخاص

واسفة لتسببى فى قلقلكم على لشئ خارج عن ارادتى لاستمرار انقطاع النت بسبب تدمير السنترال العمومى للمنطقة

كان نفسى اشاركم احداث الثورة لحظة بلحظة لان من الواضح انه فاتنى كتير ومش حينفع اتكلم دلوقت عن اللى حصل وقتها

فى اسكندرية والا حاكون عاملة زى اهل الكهف

اسمحوا لى الف لفة فى المحاورات واستعيد توازنى من جديد لان المواضيع كتير هنا ودماغى لفت من اول

الاحداث مع الجزيرة والحرة والحوار والبى بى سى وكانت بتختم بفشر ونعر تلفزيون انس الفقى

[arkan]

حمدا لله على السلامة يامدام هند

[عبير يونس]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

طب لو سمحت لو حد عنده اي وسيلة اتصال بيها ممكن تتكرم و تبعتهالي علي الخاص...الله يكرمكم

ربنا يسعد قلبك ياريهام يارب وافرح بيكى قريب

انا متشكرة اوى اوى لمبادرتك الجميلة بسؤالك عنى وده عهدى بك دايما

واشكر كل الاخوات الافاضل ممن سالوا عنى هنا او راسلونى على الخاص

واسفة لتسببى فى قلقلكم على لشئ خارج عن ارادتى لاستمرار انقطاع النت بسبب تدمير السنترال العمومى للمنطقة

كان نفسى اشاركم احداث الثورة لحظة بلحظة لان من الواضح انه فاتنى كتير ومش حينفع اتكلم دلوقت عن اللى حصل وقتها

فى اسكندرية والا حاكون عاملة زى اهل الكهف

اسمحوا لى الف لفة فى المحاورات واستعيد توازنى من جديد لان المواضيع كتير هنا ودماغى لفت من اول

الاحداث مع الجزيرة والحرة والحوار والبى بى سى وكانت بتختم بفشر ونعر تلفزيون انس الفقى

ألف الحمد لله ع السلامة

كنت قلقانة جدا

و الحمد لله انك بخير

ناقص نطمن على مصراوية

يارب تكون بخير

[المهندسه]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

والله يا ريهام انتى و ضحى لسه شايفه كلامك حالا....لو كنت قريته من ساعتها كنت طمنتكوا عليها ...بس اهى هند رجعت بالسلامه اهوه

كان فى ناس كتير بتبعتلى على الخاص يطمنوا عليها و انا كنت بطمنهم و افتكرت ان كلكم اطمنتوا

بس اهى بنفسها رجعت اهى

حمدلله على سلامتك يا "هنوده"

[عبير يونس]

السلام عليكم و رحمة الله و بركاته

للمرة ال....(مش عارفة كام)

طنط...هند علي من الاسكندرية....قلبي بيسالني عنها طول الوقت و كل ما اخش المحاورات

والله يا ريهام انتى و ضحى لسه شايفه كلامك حالا....لو كنت قريته من ساعتها كنت طمنتكوا عليها ...بس اهى هند رجعت بالسلامه اهوه

كان فى ناس كتير بتبعتلى على الخاص يطمنوا عليها و انا كنت بطمنهم و افتكرت ان كلكم اطمنتوا

بس اهى بنفسها رجعت اهى

حمدلله على سلامتك يا "هنوده"

:blink:

و أنا؟

(واقفة و حاطة ايدي في وسطي)