مشروعنا القومي الجديد

[أسد]

حريتنا ..

مستقبلنا ..

مستقبل أولادنا ..

مصر

هذا هو مشروعنا القومي الجديد ...

مشروعنا الذي سنلتف حوله كلنا ..

سنعمل كلنا بجد .

سنعود إلى بلدنا ..

سنستثمر في مصرنا ..

سنساهم في إعادة بناء مصر ..

سنلتف معاً .. وسنتكاتف لننهض بمصر ..

كل الدول المتقدمة مرت بظروف عصيبة .. وحروب أهلية ..

وانتصرت حرية الشعوب في النهاية ..

مستقبلنا .. أن نصبح أفضل الناس ..

مستقبلنا ومستقبل أولادنا .. أن نصبح كلنا على قلب رجل واحد

تحيا مصر

[عبير يونس]

معاك يا أستاذ أسد

هو ده اللي لازم نهتم بيه و يكون هدفنا دلوقت

[م تيمور المراغي]

الشباب المصري بوعيه ووطنيته ورجولته يجعلنا مطمانين ان اهم عنصر في مستقبل مصر والحمد لله موجود وجاهز

[أسد]

نعم ..

الشباب هم قلب الأمة ..

وهم عمودها الفقري ..

ونخاعها الشوكي ...

وذراعها القوي ...

وصوتها الحر الأبي ..

تحيا مصر

[المهندسه]

تحيا مصر بشعبها الباسل الطيب

الصوره محزنه للغايه على الخراب و الضحايا ال راحوا و المليارات ال هتتسرف فى اعاده البناء ال كان اولى بيها الشعب نفسه

لكن كل ده كان لازم يحصل علشان نقدر نرجع زى زمان احسن الشعوب و الامم و ترجع مصر ام الدنيا بجد

يارب يحفظ مصر و اولادها

[لماضة مصرية جدا]

السلام عليكم و رحمة الله و بركاته

المشروع القومي الجديد.....

هو فعلا جديد؟؟؟؟

و لا كان و لا زال حلم جوه كل واحد فينا....

مهما بعدنا بس كان جوانا

استاذي أسد

و حضرتك بتطرح المشروع القومي الجديد

لقيت نفسي بفكر بيوم الرجوع....

يوم ماآخد التذكرة و مش بس بوردينج اقلاعو لا هبوط....

ده يوم لما آخد قرار.....و اقول لنفسي انا راجعة و مشمرة دراعاتي و مستعدة دلوقتي اني اعزق في الارض الطيبة دي....اللي احيانا كنت بتساءل....يا تري الارض العفية دي هتفضل صامدة لغاية امتي

يا تري الارض العفية دي....

هي فعلا فيها حاجة حلوة

و لا انا اللي عايشة في حالة نيرفانا و منفصلة تماما عن واقعي

دلوقتي

لما الحلم...مبقاشي حلم

و لما السؤال بقي ليه الف و الف وش مصري يقولي....ان احنا بخير...

و معدننا نضيف و ارضنا عفية و هتفضل كده

و البركان اللي انتفض......صحيح هتطلع منه "لافا"....لكن اللافا دي هتسيب وراها ارض من اخصب ما يكون

و انا بفكر في المشروع القومي......

حلمت....و متأكدة المرة دي ان حلمي هيبقي حقيقة...أكيدة

حلمت...ان المغترب...اللي هو انا...و حضرتك....

و ناس كتيرتانية....

و اطفال كتير اتولدت بعيد عن الارض الطيبة...

و وولاد لسه هتتولد...و عايزين نسقيها حب الارض

فكرت ان المشروع القومي دوت.....لازم....يضمنا

لازم نلاقي فيه حقنا......حتي لو احنا بعيد...من حقنا يبقي لينا صوت في اي حركة سياسية بتحصل علي ارض الوطن

من حق كل حد فينا انه يكون ليه بذرة حلم...

مشروع....

جميعة خيرية......

ان شاله حتي محاضرة يديها.....لاخواتنا هناك....

حاجة تربطنا...و ترجعنا.....و تقولنا ان احنا قادرين نساعد حتي لو ظروف العودة دلوقتي مكانتشي متاحة

زمان ابتدينا مجموعة شباب....جمعية صغيرة...عشان اطفال اللويكيما.....كانت احلامنا زي ما قال عنها اللي حوالينا منتهي الجنون......و نحتنا في الصخر عشان الحلم يبقي حقيقية

و انهكتنا القوانين.....و في لحظة تيه استسلمنا و كل منا سافر علي مدينة من مدن الاغتراب

النهاردة....

وحشني الحلم.....

وحشني ارجع ليه.....

وحشني اكمله.....

وحشني اصحيه تاني بين الضلوع

وحشني....نرجع نقاوح تاني.....

وحشني ....نرجع نبني و من مافيش...

بس المرة دي.....ما بقاش فيه مافيش.....حقيقي بقي معانا راس مال كويس و لله الحمد

بس بقي معانا و ده الاهم راس مال تاني......من الايمان....من اليقين.....ان لسه مصر ارض عفية.....و خصبة

من شوية بصيت في عقدي...و عرفت ان باقي لي في بلد الاغتراب سنة....و حطيت لنفسي اللي بنسميه "خطة تنفيذية".....و

كتبت...الحروف.....و حطيتها في قلب الدايرة و قولت لنفسي...."م...ص....ر" هي قلب الهدف

حطيت خطة بناء.......حقيقي هي ليا......بس حبيت احطها و اناببني هناك في البلد الوحدي حيث دوما انتمي

هفكر في الف بذرة ترجعني تاني....

و المرة دي راجعة و كلي حنين...

و يقين...

و ايمان....اني ببني لولادي.....

في ارض عفية جدا جدا جدا

بتعرف امتي تصحي....

و بتعرف امتي تقوم

صباحكم...مشروعنا....المصري جدا جدا جدا