الراجل المصري..

[بنت شعنونة]

حبيبي زعلان وقلبه مني حزين..

احترت افهمه..طب اسأل عليه مين؟؟

يا سيدي.. وضنايا.. وحبيبي .. ونور العين

الكلام اخد وعطا.. مش امر بعصا و سكين!؟

راجع من الشغل مهموم وحزين

ولا يهمك.. انا اشيل همك.. بس افهم ليه الأنين!؟؟

احكي.. اتكلم.. فضفض عن ألمك الدفين...!

هس اسكت!!

مافيش فايدة؟ ها تفضل ساكت كدا كتير؟؟

طب وماله

اروح اشاغلة واحايله <_<

اتنرفز عليا ورماني بكلام مالوش مثيل!! :(

الله؟

طب انا ذنبي ايه يا سيدي

ذنبي اني بعيده عنك ومش شايفاك؟

وان سالتك مالك.. تقولي..كله "بلاك" !

وان فكرت انا في حقي

وقلتلك مرة من نفسك تشيل همي!

تصرخ وتتنرفز..وتقولي.." وانا مين يشيل همي"؟

يادي النيلة عليّه؟؟

فجأة بقت كل العيوب فيّه؟

وتقولي شغلي الأول وبعدين اهلي وبعدين انتي يا سنية!

هوا انا لازم ابقى في اخر كشف اليومية!

وفي الهم لازم ابقى اول واحدة مهتمية؟

وفي الفرح تروح لآهلك وانا مرمية!

هيا دي الوصية!

هوا دا مفهومك ليا!

اقولك اخترتني ليه.. تقولي عشان مناسبة ليا؟

يعني ايه.. تقولي عيلة ومركز وعروسة محليّه!

طب وانا فين؟ شخصيتي.. طبعي..افكاري اللي فيّا!

احترت واحتار دليلي

والظاهر كلام الناس طلع حقيقي

الراجل لما يتدلع من حبيبه.. يركب ويدلدل رجليله :lol:

[kfaya]

بيتين الشعر دول .. جم معاكى كدا بالصدفة ولا وراهم حاجة ؟؟؟!!!!... :o

دا احنا فى ايام حلوة و كلها سعد وهنا ..... :D

بلاش الكلام اللى كله هم و نكد ده ... <_<

فين شعنونة الرومانسية الحالمة ؟؟؟؟؟؟؟؟ gt:

هو هيقدم الشبكة امتى ؟؟؟ :lol:

[بنت شعنونة]

فين شعنونة الرومانسية الحالمة ؟؟؟؟؟؟؟؟ 

دا انا؟؟ :lol:

gt: شفتها فيييييييييين دي؟؟

لا والله مش صدفة ولا حاجا

دي حيرة وانا قلت انقشها على الورق

صحييييييييييح

على راي واحد صاحبنا

افففففففففف

مليتوا البلد "الرجالة " <_<

[فــيــروز]

ولو انى مابحبش اتدخل فى المسائل العائليه الشخصيه :lol:

بس فيه ناس مش متعوده انها تحكى عن همومها يا شعنونه <_<

ويمكن بيشوفوا فى الفضفضه انتقاص من قدرهم او ما يعنى انهم ضعفاء غير قادرين على حل مشاكلهم بنفسهم فيخجلوا من البوح بما يضايقهم ..

وادينا كل يوم بنتعلم حاجه جديده gt:

[بنت شعنونة]

انتي فهمتي جزء صغير جدا من الموضوع يا فيروز

عارفا لو هوا دا بس

كانت بقت سهلة :lol:

اكتشفت ان معظم او بعض الله اعلم - الرجال المصريين

بيعتمدوا على زوجاتهم او خطيبتهم بطريقة كلية

انها لازم تشيل همه ولازم تعمل وتسوي

وانه كفاية انه بيحبها

وفي ترتيب الاولويات تلاقيها في الأخر

يعني في موضوعي هنا

كان الترتيب

الشغل

الأهل

الزوجة!!

ترتيب مؤلم جدا للزوجة او للخطيبة

صعب اي انسانة تتقبله

السؤال الفعلي هنا

لو افترضنا فعلا ان دا الترتيب اللي احنا محطوطين فيه في حياة اي رجل

اي الحل؟

اعمل ايه عشان ما اشعرش بالم نتيجة لوجودي في مرتبة رقم 3 او يمكن بعدها؟ <_<

[فــيــروز]

شوفى يا ستى

الانسان فى رايى هو من يصنع اهميته لدى غيره

يعنى لو هناك فتاه ظريفه و لطيفه و حبوبه لسه مخطوبه جديد

و الارتباط تقليدى يعنى مفيش عواطف مسبقه الا الاحترام و القبول المبدئى

طبيعى ان تكون درجة اهميتها بالنسبه لخطيبها معتدله يعنى لا عاليه ولا قليله

وفى الغالب هو ايضا سيكون على نفس الدرجه من الاهميه بالنسبه اليها

لان اهله و عمله لهم معه تاريخ سابق و طبيعى يكون الاهتمام بهم فى البدايه اكبر

زى بالظبط اما يكون لك زميله تتحول علاقتك بها من الزماله الى الصداقه

ستجدى انها فى البدايه ليست على درجه كبيره من الاهميه بالنسبة لك

لكن اما تبتدى تبدى من الافعال ما يجعلك تشعرى انها صديقه جيده ستزيد حرارة العلاقه بينكما و يتقدم ترتيبها لديك عن صديقات اخريات

فاعتقد انك بحاجه الى ان تبذلى بعض المجهود -وافترض ان الطرف الآخر مطالب بالمثل- يعنى الاهتمام الصادق من ناحيتك بما يضايقه و غير هذا من اللفتات كفيل ان يجعل ترتيبك يتقدم على اى شئ آخر .. خاصة ان العلاقه بالاهل لا تتعارض مع الاهتمام بشريكة الحياه و المستقبل

اخيرا .. فيه جمله بتقول اذا اردت ان يكون لك اصدقاء مخلصين فكن انت نفسك صديقا مخلصا .. يعنى الانسان بافعاله و تصرفاته هو الذى يجعل قيمته كبيره لدى الآخرين <_<

تم تعديل 28 يوليو 2004 بواسطة فــيــروز

[بنت شعنونة]

كلامك هاااااااااايل يا فيروز

لفتي نظري لنقطة ما كنتش شايفاها فعلا.. <_<

بس خديني على قد عقلي

لنفترض انه الوضع دا لزوجة

وان زوجها من البداية قالها كدا

انا شغلي عندي مهم جدا = 1

واهلي مهمين جدا = 1

وبعديهم انتي

وهيا قبلت الوضع دا

لكنها فوجئت انها مطالبة انه جوزها يكون عندها نمرة 1 على ططططوووووووووول الخط حتى لو كانت مشغولة بحاجات تانية اهم

ساعتها

وبحكم الطبيعه البشرية لازم تقارن بين موقفها وموقف زوجها

يبقى ايه الحل؟

وماحدش يقولي تتقبله وخلاص

لآنه فعلا مؤلم. :lol:

[فــيــروز]

لنفترض انه الوضع دا لزوجة

وان زوجها من البداية قالها كدا

انا شغلي عندي مهم جدا = 1

واهلي مهمين جدا = 1

وبعديهم انتي

وهيا قبلت الوضع دا

يقول زى ما هو عايز

المقارنه بين العناصر التلاته من الاساس لن تستمر

اهمية العمل لا تقارن باهمية الاسره او اهمية الزوجه

كل عنصر من هذه العناصر له اهميته ومفيش حاجه منهم تغنى عن الاخرى

كما انه فى بداية الزواج قد يكون الزوج متخوف من ان اهمية زوجته تطغى على اهمية الاهل او العمل فيطلق هذه الانذارات الهلاميه

وعلى العموم المعامله الحسنه كفيله انها تغير اى اعتقادات مسبقه او اتفاقات نظريه

فوجئت انها مطالبة انه جوزها يكون عندها نمرة 1 على ططططوووووووووول الخط حتى لو كانت مشغولة بحاجات تانية اهم

شوفى كى نضع كل الاحتمالات الممكنه طبعا ممكن الزوجه تشعر انها فى ذيل قائمة اهتمامات الزوج .. ومش هاقدر اقول لك انها لازم تستحمل و تستمر لان عطاءك لمن يهتم بك مؤكد يختلف عن عطائك لمن لا يهتم .. حتى لو لم تقصدى او لم تفكرى فى المعامله بالمثل .. لكن الشيخ وجدى غنيم بيقول ان المعامله مفروض تكون معامله مع ربنا وليس فى انتظار مقابل او رد من احد غيره

وانا شخصيا ارى ان هذا قد يكون صعبا لكن كل مكافاه لابد ان يسبقها عمل جاد و جهاد للنفس .. واعتقد انه من المفيد ايضا ان يكون هناك حوار .. يعنى تقول له مثلا

مش تحب يا عب سميع انك تكون دايما اهم شئ لدىّ؟ انا كمان يهمنى هذا واكيد ما يسعدنى يهمك "شوفى كل الكلام ده نظرى يعنى انا بق جدا لكن ماضمنش انى انا شخصيا اقدر اقول الكلام ده" بس باقول لك يعنى اللى انصح بيه صديقتى لو سالتنى فى موضوع مماثل ..

[بنت شعنونة]

اعتقد اني ردي دلوقتي ها يكون صدمة ليكي

وياريت حد من الأفاضل حزب حنفي يعرفنا اذا كان كلامي الجاي دا صح او غلط...

قبل الزواج بيكون الترتيب

الشغل = ال مم = رقم 1

الأهل = المساعدة = 2

الخطيبة = الحب والرومانسية = 3

لو الخطيبة زكية حبتين او كويسة مع خطيبها وهوا بيحبها ممكن تبقى متسسسسسسساوية واكرر متسااااوية ولا تحل محل

المرتبة التانية وممكن الأولى كمان

هيا وشطارتها ;)

تمام لحد هنا..

وتعدي ايام الخطوبة السعيدة <_< وهوا بيعاملها كويس سواءفي مرتبة 1 او 2 او 3

بعد الزواج

شهر

اتنين

تلاتا

وخلاص

فنيتوا

Game Over

بمعنى

ان الشيء الجديد او الحدث الجديد في حياته بقى قديم واعتيادي

ونرجع للترتيب القديم تاني

لا

واحتمال اسوأ

ممكن اصحابه يبقوا نمرة 3

وغيره وغيره

وتلاقي الزوجة نفسها هيا رمز الروتين في حياة زوجها

او زي ما الرجالة بيفسروها

رمز "الأمان و الأستقرار"!!!!!

بمعنى انه متطمن انها موجودة في كل وقت

ف خلاص

كل شيء تمام التمام :angry:

[DARWEEN]

شعنونه .... مين قال الكلام ده ؟؟؟

طبعا غلط ...

شوفي مع الوقت والعشره والألفه والأولاد بيتغير ترتيب الأوليات

يعني تيجي الأم والبيت دايما رقم واحد وواحد مكرر وواحد مكرر مكرر

وبعدين تيجي الدنيا كلها بعد كده

بكره بإذن الله لما تبقي ماما شعنونه حتعرفي أن الدنيا كلها مش ممكن تساوي نظره سعاده في وجه إبنك او بنتك ... ولا دعوة رضا من أبوكي ولا سعادة زوجه أو زوج في بيت مقفول عليهم بيتشاركوا فيه حتى الهوا ...

ماهو دايما في الأول الراجل أو البنت وهما عزاب بيخطرفوا بكلام عبيط قال يعني فلاسفه وبيحطوا مش عارف نقط أيه على حروف أيه

وتلاقي الشاب من دول عمال يرمي في شروط .. ويقولك علشان كل شيء يبقى واضح من الأول ... والبنت تقولك أنا حبيت أنه يعرف طبعي وإن حريتي عندي قبل أي حاجه <_< :angry: ;)

يابنتي الدنيا بتغير كل حاجه والأيام حتعلمه وتعلمك كتيرررررررررر

بس أنتي أصبري وخلي بالك طويل mf(

ولو طلبت قوليله .... أنا لو أكون نمره 100 عندك مش مهم ... بس أكون جنبك

داروين ... مصلح أجتماعي وحلال عقد ومشاكل وأحيانا كوالين أبواب

[crossfield]

اي الحل؟

اعمل ايه عشان ما اشعرش بالم نتيجة لوجودي في مرتبة رقم 3 او يمكن بعدها؟ 

ده اختلاف مالناش يد فيه يا شنشن

همه تركيبتهم كده و احنا تركيبتنا كده

الرومانسية الزايدة بتخليكى عايزه تبقى نمرة واحد و أهم حاجة فى حياته و......

و ده زى ما فيروز قالت لك بيحصل مع الوقت تدريجى

محتاج عشرة و مواقف كثير تثبتى فيها انك فعلاً تستاهلى تبقى نمرة واحد

و مش معنى كده انك أهم من أهله أو شغله

لكن ايه المانع انك تبقى فى نفس المرتبة؟

بداية الخطوبة بتبقى مليانة بحساسيات و هواجس من النوع ده

الله...اشمعنا أنا أسأل و هوه لأ؟ هو أنا ليه أهتم أكثر؟ ده احنا لسه فى الخطوبة أمال فى الأربعين هيعمل ايه؟ :angry:

أنا مريت بده كله

لكن مع الوقت ابتديت أفهم

كل واحد بيحب بطريقته

مش لازم كلنا نحب أو نهتم بنفس الطريقة

ممكن يكون خجول و مبيعرفش يعبر عن مشاعره كويس

ممكن يكون فعلاً محتاج اهتمام أكثر منك

ممكن تكون مسألة وقت بس ...

و نصيحة لوجه الله...أياً كان السبب كبرى الأدمغى فى الموضوع ده بالذات...إحنا بنحبكها أحيانأ شويتين تلاتة...شغل بنات يعنى ;)

المهم انه يكون شاريكى فعلاً

و ارجع و أقول المقولة الشهيرة

متنسيش ان الجنس الخشن خشن و الجنس الناعم ناعم <_<

[بنت شعنونة]

كلامكم كلكم صح

وارجع في الاخر واقول ذكاء الأنثى اللي انا دايما انادي بيه

لكن اكتشفت انه ما ينفعش مع الناس العصبية اللي زيي <_<

لي صديقة متزوجة من جراح عظام

كان زوجها 24 ساعة تقريبا في الشغل

غصب عنه

ال "مم" عاوز كدا

عشان ياكل ويأكل مراته

المهم فضل كدا لحد ما خد الدكتوراه بعد اربع سنين من جوازهم

بعد ال 4 سنين دول بتقولنا انها ابتدت تحس انها متجوزة دلوقتي بس

عشان شغل جوزها قل

ومركزه بقى مهم

وال "مم" بقى متوفر

ف فضيلهاوبقى يخلي باله منها

معنى كدا اني لازم استنىىىىىىىىىىىىى العمر كللللللللله

عشان يفضالي!!!!!!!!!!!!!!!!!!!!!

يالهووووووووووويييييييييييييييييييييي

عم داروين

وانا لسا ها استنى اما العيال تيجي؟؟؟؟؟؟؟؟

وبعدين انا بكره العيااااااااااااااالللللللللللللل اصلالالالالالالالا :angry:

[KWA]

وبعدين انا بكره العيااااااااااااااالللللللللللللل اصلالالالالالالالا

بسم الله الرحمن الرحيم

السلام عليكم ورحمة الله وبركاته

لأ يا دكتوره انت كده هاتخليه يحطك في المرتبه السادسه ....انشاء لما ربنا سبحانه و تعالي ينعم عليك بنعمه الأمومه و تشيلي طفلك بين ايديك ....سوف تشعري بشعور لا يوصف و لا يقابله شعور و حب اخر ...

[crossfield]

عم داروين

وانا لسا ها استنى اما العيال تيجي؟؟؟؟؟؟؟؟

دى فرصتنا الوحيدة يا شنشن :angry:

وبعدين انا بكره العيااااااااااااااالللللللللللللل اصلالالالالالالالا

للأسف

و أنا كمان <_<

[afiona]

وبعدين انا بكره العيااااااااااااااالللللللللللللل اصلالالالالالالالا

ليه ؟ أصل الكراهية كلمة تقيلة شوية وخصوصا مع الأطفال و لو هما كمان أولادنا تبقى غريبة حبة...

أصل أنا سمعت الجملة دى من رجال وبنات كتير ومش فاهمها...

[بنت شعنونة]

اصل انا شخصيا عندي اسبابي الخاصة وانا اعتبرها وجيهة جداااااااا ومقنعه من وجهة نظري

عدوااااااااااا معايا بقى

1- من ايام ما اخواتي اتولدوا يعني من وهما بيبي لسا ماما كانت بتشتغل فترتين ف انا كنت اللي بخلي بالي من العيال

2- بعد ما ماما اتوفت وانا كنت في تانية ثانوي كنت برضه انا اللي بخلي بالي من "العيااااااااال"

3-بعد ما بابا اتجوز بقى وقت ما بعد المغرب لتاني يوم انا الرقيب على "العيااااااااال"

4- ماما اتوفت بسبب خطأ طبي اثناء "الولادة"

5- العيااااااااااال مسؤولية تقيييييييلة شايلاها بقالي اكتر من 20 سنة اهو وخلالالالالالالالالالالالالالالالاص كرهتها جداااااا جداااااااااا وبجد ما عنديش استعداد استحملها تاني لآنها بتنهي اعصابي

6- ماما مش معايا عشان تفهمني يعني ايه بيبي!!!!! ها اتفاهم معاه ازاي دا والنبي!؟ stnd::

7- هوا كمان بيكره العيال عشان دوشتهم وازاعجهم ولما سألته اما عاوز تخلف ليه!! قالي عشان لازم اجيب عيال ;)

يعني هوا يخلف وانا اتدبس!!!!!! mc(:

[Sherief AbdelWahab]

ملحوظة عامة قد يكون لها شواذ:

الرجل يعتبر خطيبته-زوجته-"عيلة صغيرة" يسهل الضحك عليها بكلمتين أو هديتين..أما الخطيبة و الزوجة فيما بعد فتعتبر خطيبها و زوجها لاحقاً عبارة عن "عيل كبير"..فيصبح أمامها من وجهة نظرها حلين: إما النزول "لمستواه"..و التفوق عليه في المعيلة ، أو تكبير الدماغ و عدم النزول لمستوى لعب العيال بتاعه! stnd:: mc(:

بيحصل الكلام دة و لا لأ؟

باي ذا واي: ممكن الكلام دة يتغير بعد خمستاشر سنة..لما أكون كبرت ، وخطبت..وجربت!..واللي قاعد على البحر عوام كبييييير!

خلص الكلام