أطلقوا سراح " وائل غُنيم "

[se_ Elsyed]

لله الحمد والمنه

طبعاً شكله متظبط وعملوا معاه الصح

[se_ Elsyed]

وائل الأن على العاشرة مساءً .. دريم 2

[عنبو]

رااااااااااااااااااااااااااااااااااااااااااااااااااااااااااااااااااااااااااجل

من حقى افتخر انى اعرف واحد يعرفك

[Om Zayd]

الكرامة

الكرامة

الكرامة

ربنا يحميك و يكرمك

[عنبو]

مؤامره قذره

يخرج وائل من المعتقل

ثم ياخدوا مباشرة الى اعلام الحاكومه علشان يعملوا معاه لقاء !!!!!!!!!!!!!!!!!!!!!1

الراجل بقاله 11 يوم غايب عن الاحداث واكيد ميعرفش ايه اللى حصل وايه اللى بيحصل

[se_ Elsyed]

الله يسامحك

أعتقد إنه أبكى جميع من شاهدوا تلك الحلقة المؤثرة

------------

على العكس بقى

قد كده في ناس متجردة من الاحساس ومش هاقول حيوانات

أبداً والله الحيوانات بتحس وبتبقى حنينه وشوفوا الكلاب والقطط وكثير من الحيوانات المفترسة

ولا هاقول جمادات .. لأن أنا ممكن أحس غني في مكان معين بيحتضنني ويخاف عليه ... زي بيتي مثلاً

لكن هاقول دي كائنات ليس لها وصف حتى الأن .. لما ادخل دلوقت على مواقع مشهورة كثيرة متلهفاً على أي اخبار عن هذا الأنسان النقي الاقي ناس بتشتمه بأبوه وأمه وتتهمه في عرضه وشرفه وإن هو السبب في الخراب الذي حل بمصر وإنه عميل بيقبض بالدولار وإنه قاعد على قلبه مراوح وهما اللي أشغالهم إتعطلت

إخص عليكم ... .. إرجعوا عيشوا تاني زي البهايم تتعلف وتسمن عشان تندبح

إخص

[م تيمور المراغي]

يارب يحميك يا وائل وتعود اكثر قوه وصمودا وثوره مما كنت قبل الاعتقال ,,

كنت بصراحه اتمنى انه يجبرهم على عمل اللقاء معه من ارض التحرير

هي معقله وبيته وملاذه الان

او حتى يرتاح لاستعادة نشاطه الذهني و معرفة التطورات والاجتماع مع معاونيه قبل ما ياخدوه كده

لكن اعلم يقينا انه احكم منهم واعقل

اللهم سدد خطاه وانصره وثبته ,,

[se_ Elsyed]

مؤامره قذره

يخرج وائل من المعتقل

ثم ياخدوا مباشرة الى اعلام الحاكومه علشان يعملوا معاه لقاء !!!!!!!!!!!!!!!!!!!!!1

الراجل بقاله 11 يوم غايب عن الاحداث واكيد ميعرفش ايه اللى حصل وايه اللى بيحصل

مش فاهم يا محمد .. تقصد إيه ؟

[pink rose]

يا خسارة ما شوفتوش

طب حد يعرف اذا كانت الحلقة نزلت على اليوتيوب؟

[tarek hassan]

بقدر ما فرحت بخروج وائل غنيم وكنت سعيدا برؤيته بقدر ما أبكاني أكثر من مرة

هذا الشاب يا ريت ما نشغلش نفسنا بمدحه وإن كان يستحق المدح والثناء بس لازم نشترك معاه

في تنظيف مصر من الوساخة بكل ألوانها وصورها

في كشف من أرادوا أن يقسموا التورتة الآن

في التجرد من أجل المصلحة العامة

في البعد عن إثارة الفتن والنعرات

لازم نقف مع هؤلاء الشباب بفكرهم الراقي وقلبهم الطيب وأهدافهم النبيلة ولا نحاول أن ننحرف بهم لمشاكل جانبيه ليس لها فائدة سوى الاستعراض والفخر على عباد الله

هم عندهم خطة لتنظيف مصر وربنا يعينهم وينجيهم ويغير على إيديهم ويبارك فيهم

شكرا يا وائل

وربنا يساعدك

[Simba]

هو إحنا شعب عاطفي بجد ... بعد الحلقة لقيت تعليقات علي الفيس بوك غير خالص العملاء والخونة والحاجات دي

[عنبو]

مؤامره قذره

يخرج وائل من المعتقل

ثم ياخدوا مباشرة الى اعلام الحاكومه علشان يعملوا معاه لقاء !!!!!!!!!!!!!!!!!!!!!1

الراجل بقاله 11 يوم غايب عن الاحداث واكيد ميعرفش ايه اللى حصل وايه اللى بيحصل

مش فاهم يا محمد .. تقصد إيه ؟

اقصد ان ظهور وائل فى اعلام الحاكومه بعد خروجه مباشرة من السجن مقصود مع قبل الحكومه يعنى

زى لما عملوا مع اسماء محفوظ بعد لما خرجت من المعتقل برده وكانت منهاره ايضا

بس الحمد لله ربنا خيب ظنهم برده

وَيَمْكُرُونَ وَيَمْكُرُ اللَّهُ وَاللَّهُ خَيْرُ الْمَاكِرِينَ‏"

وصلت !

[أحمد سيف]

يا خسارة ما شوفتوش

طب حد يعرف اذا كانت الحلقة نزلت على اليوتيوب؟

بدرو عليها مش لاقيها ... بس ان شاء الله هتنزل خلال ساعات إن لم يكن دقائق

[fatfouta]

على فكرة منى الشاذلى دى انا بحتقرها كل حلقة عن اللى قبلها المرة دى بقى مش طايقاها بجد

شوفتوا كانت بتخليه بالمحسوس كده يفهم ان دم الشهداء فى رقبته هو وهو يا عينى بيقولها انه حاسس انه هو السبب

ليه كده حسبى الله ونعم الوكيل فيكى عاوزين تحبطوا من اى حد كويس فى البلد

جتكم داهية تاخدكم انتوا كلكم بنظامكم وتليفزيونكم القذر

خليتوا الراجل تعب نفسيا والله اعلم كانوا بيعملوا فيه ايه جوا منهم لله

ومش عاوزينا نطالب بالغاء قانون الطوارئ فى ظل وجود أمن الدولة السفله دول

بأى حق وبأى تهمة ياخدوه كده من وسط الناس ويعتقلوه و يخلوه 12 يوم بس برضوا ربنا اراد للثورة انها تستمر بعيد عن اى شخص واى حاجة

الله يحرق قانون الطوارئ واللى عمله

[المهندسه]

ياريت يا جماعه لما تلاقوا الحلقه على اليوتيوب ...تحطوا الللينك بتاعهه علشان ناس كتير ما شفتوش

[pink rose]

بافتح الفيس لقيت الصفحة دي

افوض وائل غنيم للتحدث باسم ثوار مصر

ايه رأيكم؟

[fatfouta]

من الفيس بوك...

اللي شاف لقاء وائل غنيم ومش نازل بكرة ميدان التحرير يبقى ماعندوش دم...

[المهندسه]

لحظه اعتقال وائل غنيم

http://www.youtube.com/watch?v=k3v-owMV38w&feature=related

[Simba]

علي الفيس بوك يا مهندسة ف صفحة مما قرأت ... معلش انا علي التلفيون ومش عارف اجيب لك الرابط

[fatfouta]

ده جزء من اللقاء هجيبلكم الباقى ان شاء الله

http://www.youtube.com/watch?v=O6ZFFDmeqZ8&feature=player_embedded