خطاب مبارك - الخدعة الكبرى

[mfarag]

بسم الله الرحمن الرحيم

اكيد شعر الكثير بالارتياح من خطاب الرئيس مبارك- وانا منهم - على الاقل لانة اوجد نور فى النفق

ولكن

احتوى على العديد من المغالطات و المناورات

و بداية

لا اعتقد ان مبارك ممكن ان يستمر ( على الرغم ان المظاهرات الحالية ممكن يعملوا محاولة ) ولكن الغرض الاساسى الابقاء على النظام والحزب الوطنى و ترتيب البيت لما بعدة و ذلك من خلال

اولا : ربط مبارك بين المظاهرات و التخريب و الفتنة التى حدثت و كان المتظاهرين هم المسئوليين عن التخريب - مش مبارك و العادلى و الموامرة لاشاعة الفوضى و ترهيب الشعب المصرى

ثانيا : مظاهرات اليوم المحركة من الحزب الوطنى اساسا - بوجود بعض الناس التى تخاف من التغيير بعد حالة الانفلات الامنى و قيام فضائيات رجال الاعمال بتخويف الناس من حالة الفضاء الدستورى والفوضى المنتظرة -- وتسعى المظاهرات كما ورد الان الى الاحتكك بالمتظاهرين مع اتهامهم بالمسئولية عن احداث الشغب - خلى بارك نغمة الربط بين المظاهرات والتخريب زى خطاب مبارك بالضبط .

ثالثا : عدم ادراج المادة 88 و التى تعنى الاشراف القضائى الكامل عن الانتخابات - يا فرحتى اعمل مية انتخابات من غير اشراف قضائى كامل وزورهااااا براحتك

رابعا : الحديث عن تغيير مواد الدستور التى تنظم الترشيح - طيب ما هيا اتغيرت قبل كدة و ممكن تتغير تانى و ثالث و رابع من غير من نصل لنتيجة و ممكن تضع شروط تنطبق فقط على عمر سليمان فقط وعم عبدة بتاع الفول - فالناس ترشح عمر سليمان طبعا و نرجع لازهى عصور الديمقراطية .

خامسا : الكلام عن الالتزام باحكام محكمة النقض فى مجلس الشعب كلا فاضى و ضحك على الدقون لية - لان عشان محكمة النقض تحكم فى العدد دة من الطعون على الاقل عدو سنوات و بعديها تجرى انتخابات طيب خلال الفترة دى اية الحل .

وطبعا لو كان عند النظام نية كان نفذ احكام الادارية العليا الموجودة اساسا

مع العلم ان حتى الغير مطعون فيهم - كلنا عارفين عملية انتخابهم كانت ازاى من تقفيل صناديق و تزوير بواسطة شرطة وبلطجية .

سادسا : استمرار بعض الوزاراء مثل انس الفقى ( الكدب حصرى على التلفزيون المصرى ) - وسياسة الاعلام حتى بعض تغيير الحكومة - من خلال تحريض الجيش على المتظاهرين

الخلاصة : ما يجرى هى محاولة لاجهاض ماحدث وتفريغة من محتواة ( مش شرط ابقاء مبارك ) - لكن المحافظة على النظام و الحزب

[mfarag]

انا شايف ان الحل دلوقتى التفاوض بين النظام و لجنة الحكماء بسرعة

لان المظاهرات المضادة تحاول التحرش بالمعارضة فى ميدان التحرير

ودى كارثة

الحل الان التفاوض

[jonathan]

نعم للسيد الرئيس الوطني المحترم محمد حسني مبارك

[mfarag]

نعم للسيد الرئيس الوطني المحترم محمد حسني مبارك

طيب يا ريت حضرتك توضح

نعم لية لاستكمال الفترة

ولا

فترة رئاسية تانية

[نودي]

[[size="6"]b]ياجماعة بلاش تولعو فيها نار اتقو الله مصر بلدكم ام الدنيا بتولع بتتحرق وقلوب كل المصريين تدمي وعيونهم تبكي حرام عليكم كفاية بقى الفوضى لاتأتي إلابخراب والمتربصين بمصر واهلها شامتين فرحين مصر بتتخرب بلد الامن والامان فوقو كفاية خراب ودمار ونهب وترويع وخسائر مش وقت حساب من اخطأ له الله ارفعو شعار نموت نموت وتحيا مصر حافظو على صورتكم كشعب متحضر صاحب تاريخ طويل وقيم ومبادئ واصالة مش احنا الشعب الذي يهين كبيره خليكو مع الإصلاحات الذي أعلن عنها الرئيس علشان خاطر مصر واتمنى صوتي يوصل لكل المتظاهرين ارجوكم مصر اهم من كل الاعتبارات والذي خسرناه خلال أيام محتاج سنوات طويلة علشان نعوضه والاهم الان بلدنا صورة مصر .[/b]

[jonathan]

نعم للسيد الرئيس الوطني المحترم محمد حسني مبارك

يمكن دي كانت المشاركة الوحيدة ليا في الموضوع و الظاهر انها لم تلاقي اعجاب الاخ رؤوف فاعطاني تقييم سلبي...و بغض النظر عن انه الكلام دة لا يفرق معي اطلاقا لكن اللي لفت نظري طريقة التحاور...مش عاجبني ردك فاعاقبك...ان كان لا يعجبك كلامي لانك تظن ان مبارك ديكتاتور اذن بطريقة ردك انت لا تختلف عنه ...انا ادعم مبارك لان تكالب كل القوى الخارجية عليه دليل على سعيها للمصالح الخاصة..بالبلدي...انا و اخويا على ابن عمي و انا و ابن عمي على الغريب..يا رب احفظ مصر