طالبنا باسقاط النظام ... ونسينا الاهم

[ComingSoon]

اهم من اسقاط النظام القديم هو بناء النظام الجديد

اهم من هدم القديم هو ان نعرف ماذا نريد ان نبني مكانة

فحتي لو فشلت الثورة - لاقدر الله - فالواضح ان النظام القديم لم يعد يلبي طموحات الشعب المصري وخاصة فئاتة الاكثر تعليماً وثقافة

ماذا نريد مصر 2011

هذه بعض النماذج التي حولنا او لدول قريبة من حالتنا وتستحق المناقشة

هل هي دولة علي النموذج التركي (حزب حاكم اسلامي معتدل قوي - اقتصاد متطور - علاقات جيده مع الغرب مع التركيز علي الجذور

الاسلامية للشعب التركي)

ام النموذج الاسرائيلي - لم لا فلنتعلم شئ من عدونا اللدود - (دولة قوميتها الدين اليهودي - علمانية مريحة لغير المتدينيين والاخرين -

اقتصاد قوي جداً يعتمد علي المعرفة - عصا غليظة تخيف العدو والصديق - عقيدة عسكرية لاتعترف بالواقع بل تجبر هذا الواقع ليتشكل حسب

ماتريد)

ام النموذج الايراني (اسلامية شيعية قلباً وقالباً - جيش جرار بعقيدة عسكرية اعتقد انها من اقوي العقائد العسكرية في العالم - عداء صريح

مع الغرب - اقتصاد يحاول التطور لكن يرزح تحت ضغط العقوبات)

النموذج الماليزي (اشبة بالنموذج التركي - حزب ذو توجهات اسلامية - جيش اقل من المتوسط - اقتصاد متطور جداً - رخاء اقتصادي)

او اي نموذج اخر تراه يصلح لمصر او حتي اختراع نموذج جديد (النموذج المصري)

هذه نافذة للخيال حتي نتخلص من اسوار الواقع المرير ونحاول اللحاق بجيران سبقونا او عالم يسرع نحو التقدم

حتي لاننخرط في واقع يدعوا للاشمئزاز يسيطر علية الفساد والنهب للدولة واهدار اي كرامة انسانية وننسي الاهم ... المستقبل

[pink rose]

عارف يا استاذي الاهم من كل دا دلوقتي ايه؟

الثقة في الجيل الجديد

و دا للاسف انا شايفاه مش متوفر نهائي

من ساعة ما قامت ثورة الغضب و الناس نازلة هدم في الشباب

و اللي اقصدهم الناس في مصر تحديدا

ازاي هانقدر نقوم بالبلد دي و كل اللي ماسكينها عدوا ال60 من العمر و للاسف كل اللي في سنهم خارج السلطة معاهم

الكل دلوقتي في مصر او الاغلب عشان ما ينفعش التعميم مع النظام برغم انهم دايقين الويل منه

و اللي كمان ممشيهم في الاتجاه دا الاعلام اللي كل يوم يطلع علينا ناس في القنوات الفضائية يشتكوا من حال البلد و يلعنوا في سلسفيل النظام و يحقنوا في الناس و فجأة لما الناس تقوم تلاقيهم اتقلبوا 180 درجة

و اشتغلت وصلات الدفاع عن النظام و رموزه بشكل غير عادي كأنها حرب مستمية انهم يصلحوا اللي عملوه في السنين اللي فاتت من حقن الناس على النظام

مين اللي هايبني البلد او يقوم بالاصلاحات و بناء نموذج زي اي واحد من النماذج اللي حضرتك ذكرتها

ابويا ؟ابوك ؟لا طبعا انا و حضرتك و الجيل الصاعد اللي شوفناه واقف في التحرير شباب متعلم مثقف بيتكلم لغات سافر برة و شاف الدول عايشة ازاي حتى اللي ما سافرش بيتفرج على افلام اجنبي و شايف احترام البني آدم

هما دول اللي معولين عليهم انهم يقوموا بالبلد

قعدنا كتير مقتنعين ان الشباب تافه اقصى طموحاته ان المنتخب يدخل المونديال لكن اللي شوفناه في 25 يناير وضح لنا كلنا اننا كنا فاهمين غلط

عارف حضرتك من شوية كنت باقلب في اليوتيوب و سمعت الاغنية دي

http://www.youtube.com/watch?v=BlDXQFjn-Sk

سمعتها قبل كده كتير اوي بس النهاردة لقيتني باسمعها بطريقة مختلفة

ثورة يوليو قامت على الشباب

ثورة يناير كمان قامت على الشباب

الفرق ايه؟

الفرق ان الناس ايام ثورة يوليو الشعب العادي وقف جنب الشباب دول و آمن بيهم

انما ثورة يناير الناس بتهاجم شباب الثورة بكل الطرق و لسا بيقولوا عليهم عيال مش فاهمين حاجه

ازاي عاوزين البلد دي تقوم و هما رافضين اساس قيامها نواة التقدم فيها مش اللي هاينهض بالبلد دي معلش في الكلمة العواجيز

كانهم بيقولوا ما احنا كنا زيكم ما عملناش حاجه

طب ادوهم فرصه يثبتوا نفسهم

شوفنا في الايام اللي فاتت خير كتير و ملامح كنا خلاص قولنا عليها يا رحمن يا رحيم

دا كله ما يديكوش امل و ثقة فيهم على الاقل في قياداتهم المثقفين الواعيين و طبعا بجانب مساندة الحكماء و الشرفاء من الجيل القديم

باسأل نفسي ليه مبارك ما عملش زي جمال عبدالناصر

ليه ما خلاش للبلد دي هدف قومي؟

جمال لم الشعب حواليه لما كان في هدف قومي و هو بناء السد العالي

الدول كلها اتخلت عن مصر وقتها و مع ذلك بنوا السد و كانت كلمته الشهيرة هانبني السد و لو بالمقاطف

يااااااااه اد ايه الكلمة دي قوية جدا اد ايه كان فيها تحدي و اصرار و اد ايه جمعت الشعب دا كله

ليه مبارك ما عملناش هدف قومي و كنا هانشوف روائع في البلد دي بجد

اتكلمت كتير و يمكن يكون كلامي دا احلام بس حبيت اخرج اللي جوايا معاكم

املي و امنية حياتي اشوف البلد دي كويسة بينا

اظن كل المغتربين قالوا لما الثورة تنجح هايكون مالناش غيش في الغربة و ننزل نعمر البلد

و الله و الله و الله انا على اتم الاستعداد انزل اكنس الشوارع و بدون مقابل المهم انها تقوم تاني على رجليها حد ممكن يطلع يقولي اما انتي فالحة كده ما كنتيش بتعملي ليه كده من الاول

هارد عليه بمنتهى الصراحة و ببساطة لاني وصلت لمرحلة اني حاسة انها مش بلدي مش بتاعتي دي بتاعت الحيتان اللي واكلين كل خيرها

و اظن كتير منا كده

لكن يوم ما حسينا انها بتاعتنا اكيد الوضع اختلف كتير

هي فعلا لازم تنضف عشان تقوم

على جنب

توقيع حضرتك اكتر من رائع

[لماضة مصرية جدا]

السلام عليكم و رحمة الله و بركاته

لا اراها سيدي الفاضل ضربا من الخيال...بل هو خطوة في التسلسل المنطقي للاحداث

قمت باستعراض العديد من النمذاج لمن حولنا و القيت لنا الضوء علي ما به و ما ليه ان كنت اري ان كل نموذج في حد ذاته هو نموذج متفرد....و متفرد هنا لا تعني انه استثنائي او فوق العادة و انما هو متفرد لانه ارتبط بافراده و هنا تكمن نقطة البدء الحقيقي لاصلاح اي نظام قائم...فمهما كان مسمي النموذج علماني...ليبرالي...سلفي...عسكري...يجب ان يبدأ بما يريده الافراد....بما يريده الشعب نفسه و يختاره طواعية

يجب لكل نموذج ان يحدد احتياجات الشعب كافة و من هنةا تبدأ الخطة الحقيقية للاصلاح

ندرس في علم الادارة اننا يجب ان نبدأ بتحديد احتياجات المستهدف...(المنتفع من الخدمة)....ثم نقوم ببناء برنامج يلبي تلك الاحتياجات في ضوء خبراتنا و في ضوء ثقافة و متطلبات و تقوعات هؤلاء الافراد....ثم نضع برنامج تنفيذي يتحدد بجدول زمني...و طيلة تنفيذ البرنامج يتم ما يسمي بالمتابعة و التقويم قبل و اثناء و بعد

قد يبدو المثال صالحا للغاية عند إدارة المؤسسات و المنشآت و اراه منطقيا عند ادارة الدولة...فكلنا نتفق ان نقطة البدء هي ماذا يريد الشعب بكافة طوائفه و اتجاهاته و اختلافاته

و علي القائمين علي ما اسميته استاذي "النموذج"...و ان كنت ارفض فكرة القولبة فما يصلح هناك قد لا يصلح هناو ارانا من الابداع ما يمكن ان نصيغ حلة نتفرد فيها

علي القائمين حينذ تحقيق مطالب الافارد في اطار من الشرعية الدستورية التي لا ترتبط بمصالح شخص واحد او فئة دون غيرها

و في اثناء اتنفيذ تتم المحاسبة....تتم المراقبة....تتم المراجعة

اي نموذج نقترح يجب ان يضع نصب عينيه.....مفردات قد نسيناها...و لكنها صمام الامان لكل من تسول له نفسه ان يتجبر و يجتمي بكرسي قد تآكلت أرجله

من تلك المفردات...إرادة الشعب.....صوت الجماهير

المحاسبة

الدستور

و و تلك اهم مفردات قاموس الديمقواطية التي تستجيب لها الفطرة السليمة

و يتم ذلك في اطار زمني محدد.....حتي نغالب نوازع النفس البشرية التي تتغير باعتلاء الكرسي....فتري ان من كان من الثوار بالامس حين يعتلي المنصب ستراه و قد اصبح وحشا جديدا....و سنعود و كأننا صنعنا الوحش بايدينا

و تلك وجهة نظري

و تقبل مروري

تحياتي

[م تيمور المراغي]

الشعب المصري على دين حكامه ,,

اذا اتينا بالحاكم العدل

صلح الجسد كله ,,

واذا اتينا بشبيه الحالي

فسد الجسد ,, وفسد البلد كله ,,

[بندق أفندى]

فكرت طويلا من بداية الثورة .. وكان خلاصة التفكير ..

أنه أى نظام مش هتفرق .. المهم تكون المنظومة صح ..

يعنى

1- دستور جديد معنى بتنظيم الحياة السياسية بشكل آدمى ويحدد صلاحيات رئيس الجمهورية.

2- انتقال الى النظام البرلمانى الذى تكون فيه صلاحيات رئيس الدولة محددة.

3-مجلس شعب يحاسب الحكومة ويسحب منها الثقة فى أى وقت لا تؤدى فيه عملها.

4- الوزير لا يكون عضو مجلس شعب واذا اختير عضو المجلس وزيرا يستقيل اذ لا يصح ان يكون الرقيب والمراقب.

5- نظام يضمن الأ يستأثر أحد بالسلطة ويتم التداول بناءا على صناديق الانتخاب.

6- آليات تضمن نزاهة العملية الانتخابية.

7- استقلال كامل للهيئات القضائية.

هذه خطوط عريضة يتبعها الكثير من التفاصيل .. وساعتها لن نخشى شئ ولا تفرق مين يحكم لأنه سوف يتم تغييره بسهولة .. وكل واحد هيكون حريص على استمراريته لذا هيكزن حريص جدا على الانجاز .. لأنه على مدخل النظام هيكون فيه مزبلة كبيرة سيتم القاء كل الفاشلين فيها .. ومحرقة سيتم حرق الفاسدين فيها .. ومقبرة سيتم وأد كل من تسول له نفسه الحرج على الشرعية لأنها ساعتها شرعية بجد

[جويرية]

ام النموذج الاسرائيلي - لم لا فلنتعلم شئ من عدونا اللدود - (دولة قوميتها الدين اليهودي - علمانية مريحة لغير المتدينيين والاخرين -

اقتصاد قوي جداً يعتمد علي المعرفة - عصا غليظة تخيف العدو والصديق - عقيدة عسكرية لاتعترف بالواقع بل تجبر هذا الواقع ليتشكل حسب

ماتريد)

ام النموذج الايراني (اسلامية شيعية قلباً وقالباً - جيش جرار بعقيدة عسكرية اعتقد انها من اقوي العقائد العسكرية في العالم - عداء صريح

مع الغرب - اقتصاد يحاول التطور لكن يرزح تحت ضغط العقوبات)

النموذج الماليزي (اشبة بالنموذج التركي - حزب ذو توجهات اسلامية - جيش اقل من المتوسط - اقتصاد متطور جداً - رخاء اقتصادي)

او اي نموذج اخر تراه يصلح لمصر او حتي اختراع نموذج جديد (النموذج المصري

النماذج دي كتير علينا قوي

احنا لسة تحت الأرض و مش تحت الأرض يعني في حفرة ، ده احنا في نفق زي نفق مترو الأنفاق

رئيس البنك المركزي بيقول ان فيه عجز تريليون جنيه و التريليون ده مليار مليار ، الحكومة عندها مطبعة البنك بتطبع فلوس و تديها للناس و خلاص ومفيش مقابل يغطي الفلوس دي

انا شايفة ان كل اللي نطمح ليه المرحلة دي ان نزرع القمح اللي بناكله و نصنع الأجهزة اللي بنستخدمها

[aeye]

وضع دستور عادل يحمل مضامين المواطنة والمساواة والعدل والتكافل والحرية بحيث تنظم القوانين حياة المصريين.

وضع خطط طويلة الامد يعني ماذا نريد مصر بعد 50 سنة من الان بحيث نحدد الهدف الزراعي والصناعي والتكنولجي والصحي والتعليمي وغيره من حيث الامكانيات مماذا يحدث اكتفاء او اهداف التصدير هل الصناعة واجبة في ماذا وهلم جر ثم تكون هناك خطط قصيرة تضعها الحكومات المتتابعة كل بحسب توجهاته ولكن للوصول الي الهدف النهائي مش بهوي الرئيس او الوزير.

شكل من الرقابة والمحاسبة والقدرة علي توقيع العقاب مجلس شعب و مجلس محلي منتخب وبالتجديد نصف السنوي.

الوظائف العامة يكون اغلبها بالانتخاب بما لايتعدي 4 سنوات في الدورة الواحدة بما لايزيد عن دورتين مدي الحياة.