الاعلام المُزيف .. وحقيقة موارد مصر المحدودة

[se_ Elsyed]

ده بس توضيح للي بيقولوا موارد مصر محدودة وإحنا 80 مليون والراجل هايبجيب لكم منين ...

وكإننا في بقالة مش دولة محترمة متعددة الموارد

وبند واحد اهو بيتصرف عليه مليارات مش ملايين .. وكله مُسخر لخدمة الزعيم

من قنوات حكومة فضائية وأرضية مالهاش أي لازمة .. لقنوات ثقافية وأخبارية ماحدش بيتفرج عليها ولا هما حتى أصحابها بيتفرجوا عليها

لجيشششششششششششششششششششششششششششششش من الصحف القومية الصفراء والمجلات يمكن مئات

اتذكر أشهرهم الأن

أخبار - أهرام - جمهورية - وطني اليوم - أهرام مسائي - مساء - المصور - اكتوبر - روز اليوسف - أكتوبر ...

وكلها تحقق خسائر بالملايين سنوياً

لكن مش مهم أهم حاجه الزعيم

وأهم حاجه يبقى وزير الاعلان شخص موثوق فيها ويلمع الزعيم

ويزيف الحقائق حتى لو كذب كذب أهبل لا ينطلي على طفل .. والمفروض يحاكم عليه والله

تعمدت اليوم أقتطع مبلغ وقدرة 2 ريال من قوتي وقوت عيالي عشان أرتكب ذنب عظيم .. وهو إني أشتري جريدة اخبار اليوم عشان أعرض عليكي الناس دي عايشه فين وإزاي

هاعرض عناوين بس عشان ضعاف القلوب ومرضى الضغط

- خبر بخط مخنلف تماماً في الصفحة الأولى وباللون الأصفر بيقول

- يا خسارة

تأجيل رحلة للمشاركات في مسابقة ملكة جمال أملانيا لعام 2011 وإاللي كانت هاتقام في شرم الشيخ والغردقة ..

- خبر أخر ... عريض

عندنا أكل كفاية

ده تصريح للدكتورة سميحة فوزي وزيرة التجارة والصناعة ( مين الولية دي ؟ قريبة عيشه هي كمان ؟ )

- كفاية لجان شعبية

أبدى عدد من المواطنين في إتصالات لدار أخبار اليوم إستياءهم من ظاهرة اللجان الشعبية المنتشرة في الشارع

- إتكلم ببلاش

قررت المصرية للإتصالات مد فترة تحصيل فواتير الهاتف الثابت المستحقة .

- حساب عسير

عنوان كبيرررررررررررررررررررر

أعدت النيابة العامة ملفات الإتهام ضد أحمد عز والمغربي وجرانه وبعض كبار المسئولين المتهمين بالفساد

- أولوية للشباب في التعويضات للمضارين

قرار لوزير المالية

- هدوء حذر في التحرير بارك

المانشيت الرئيس بقى كان تصريحين لعمر سليمان

سنحافظ على السلام

مبارك عاش مقاتلاً من أجل مصر ولن يتركها أبداً

وطبعاً شوية ورنيش لسعادة القائد

بابندريو يشيد بخطوات مبارك ( باباندريو ده غير بابا غنوج .. لأ ده رئيس وزراء اليونان .. وأهي أي حاجه فيها بابا والسلام )

ويتلقى إتصالاً من علي عبد الله صالح .. ومسعود البرزاني

[Alattar]

- يا خسارة

تأجيل رحلة للمشاركات في مسابقة ملكة جمال أملانيا لعام 2011 وإاللي كانت هاتقام في شرم الشيخ والغردقة ..

العالم دي عايشة معانا في نفس البلد؟؟

ويتلقى إتصالاً من علي عبد الله صالح .. ومسعود البرزاني

طبعا الناس اللي حاسسة ان الدور عليها..لازم يطمئنوا علي مستقبلهم

مش كنت تجيبلنا الجمهورية يا س س

ولا أقوللك بلاش..عشان انت عندك عيال..وصحتك بالدنيا

[جويرية]

مش عارفة لو اتعمل تصنيف عن اكبر دول العالم موارد ، ممكن تكون مصر الدولة رقم واحد

اكبر من الدول اللي فيها بترول او مناجم ، لأن المعادن ليها مخزون و بينتهي ، لكن الثروة السمكية مش بتنتهي ، ، ومصر بتطل علي بحرين

ده غير قناة السويس و دخلها اللي عرفت انه 13 مليون جنيه في اليوم ، فين الدخل ده ، الشعب استفاد منه ايه

ده غير الدخل من الأماكن الأثرية

[م تيمور المراغي]

وبند واحد اهو بيتصرف عليه مليارات مش ملايين .. وكله مُسخر لخدمة الزعيم

( دخل قناة السويس بالكامل يذهب الى الرئاسه والحرس الجمهوري )

تعمدت اليوم أقتطع مبلغ وقدرة 2 ريال من قوتي وقوت عيالي عشان أرتكب ذنب عظيم .. وهو إني أشتري جريدة اخبار اليوم عشان أعرض عليكي الناس دي عايشه فين وإزاي

( مش حرام تصرف فلوسك في جرائد اباحيه :happy: )

بابندريو يشيد بخطوات مبارك ( باباندريو ده غير بابا غنوج .. لأ ده رئيس وزراء اليونان .. وأهي أي حاجه فيها بابا والسلام )

( دي بالذات بقى كذبه لان الدكتور البرادعي صديق شخصي لبابانديروا و بيكلمه يوميا يدعمه لترشيح نفسه للرئاسة )

ويتلقى إتصالاً من علي عبد الله صالح .. ومسعود البرزاني

( اثبت يا بو علاء لو خلعوك حنحصلك على جدة :happy: )

[herohero]

http://www.youtube.com/watch?v=Il-36NXye2c

ايه رايكم هل قناة بلومبرج قناة عميلة

[se_ Elsyed]

http://www.youtube.com/watch?v=Il-36NXye2c

ايه رايكم هل قناة بلومبرج قناة عميلة

طبعاً وأسمها " أخوان البلومبرجيون " ومعاهم أجندات هما كمان بالأمارة يعني

[se_ Elsyed]

تصدقوا بالله ؟

ما عاوز أفتح الصفحات اللي جوه الجرنان أحسن تنفجر في وشي أو أنا أنفجر من الغيظ

---------

المهم .. عشان أقضي على التنشنة .. كنت باتغدا من شويه - انا أتغديت كنتاكي يا أخواننا ... أه والله .. تفتكروا أنا كده عميل من بتوع التحرير ؟ قصدي يعني من بتوع ثورة الكنتاكي الديليفري وكدهوت ؟ -

فقلت أتفرج على التليفزيون المصري العفيف الشريف النضيف

لقيت مؤتمر صحفي لوزراء المجموعة الإتقاصادية اللي لسه مجتمعين مع كبير الراحمية ..

جه حظي بقى على الأخ علي المصيلحي بتاع التضامن الإجتماعي والتومين ..

تخيلوا ؟

ربع ساعة بيتكلم عن إحنا ليه إستبدلنا المكرونة بالرز والرز بالمكرونة في التموين ؟

قلت أه يا بلد .. ومش عاوزين بتوع الثورة يولعوا فيكم

يعني هانقعد 30 سنة تانيين في رز ومكرونة وشاي تموين وغلب أزرق

[herohero]

سيدي ما يبكيك ويفقع مرارتك الشعب جزء لا باس منه مقضيها انه ضد العيال والعيال ده شوية عيال صيع وكل كلامهم استهزاء بيهم

وان الحال وقف ع اساس ان الحال زي الفل

انا بقالي 10 ياام ف مصر الأسعار ف نظري غير مناسبة لمصر بالمرة بالمنظر ده عاوزين مرتبات ودخول تانيه

حليب المراعي ا لتر علبه كارتون غير بتاعت المراعي التاينه بكام ؟؟؟ 6.5 هل ده منطق يعني اجور العماله هنا اكتر من السعوديه

طبق البيض بكام ؟؟؟؟ 19 جنيه

هل ده الرخاء اللي ندمانين عليه ياشعب

معقوله فيه ناس كده زعلانه من وقف الحال

ع فكره الحال كان هيقف اكتر الناس ده ناسية يوسف بطرس غالي كانو هيولع الاسعار لما يرفع كمان جزء من الدعم ع البنزين

لا ياجماعه ياشعب حاول تعيش مرة عيش حتى الامل

دول مش عيال كفايه انهم مشنسوان زي الامن هرب والكلام ده ماكد ولاد عمي اتقالهم اقلعوا لبسكم وامشوا

ده ف قسم عين شمس وقسم النزهة

هقول ايه لحد امتى هنفضل مغيبين

ويقولك ده ابونا عيب لازم نحترمه

اه مش ده اللي اتريق ع البحث العلمي نسيتوا ياشعب مصر

هفكركم

http://www.youtube.com/watch?v=TmnyoiJcSmo

http://www.youtube.com/watch?v=6YAkZAWtRVA

تم تعديل 5 فبراير 2011 بواسطة herohero

[se_ Elsyed]

مش قلت لكم ...

قلت هاوارب الجرنان بس

ويا ريتني ما عملتها يا هنادي

وين هنادي يا اماي

------------

مانشيت رئيس بعرض صفحتين ( 4-5 )

أستغفر الله العظيم .. نسيول يكتبوا بسم الله الرحمن الرحيم

( وأعتصموا بحب مصر جميعاً )

--------------

كنت هاموت بقى وأقرأ المانشيت - مش المقال - بتاع ممتاز البس الشهير بطشة الملوخية اللي الرئيس محروم منها

عنوان مقاله بيقول

أين أنتِ يا حُمرة الخجل

وما رضيتش أكمل عشان معجون السنان خلص من عندي وبالتالي لو ضغط دمي أرتفع وكسر الامبير .. مش هالاقي علاج فوري

[se_ Elsyed]

ده أنا الود ودي أروح أبوس إيد الشباب بتوع 25 يناير اللي علمونا دروس .. كنا ممكن ندفع ملايين عشان نتعلمها

وفرقوا لنا بين الحق والباطل

مش الباطل اللي من وجهة نظرنا ..

لأ الباطل اللي لا يختلف عليه أحد

ومن ضمن معكسر الباطل طبعاً وعشان ده موضوعنا هو الإعلاميين المتلونيين كالحرباية والناعمين قوي زي الثعبان الخبيث

- سمعت خيري بيه رمضان في برنامج مصر النهاردة اللي محمود سعد سابوه لهم هو وتامر أمين يبرطعوا فيه بيلوم الشباب ويقول لهم : ده أمبارح واخدين بالكم : كنتوا فين من 30 سنة ؟ وإشمعنى دلوقت ؟ ما أحنا طول عُمرنا شايفين الفاسد وساكتين ؟ وشايفين التزوير وساكتين ؟

مش هارد على كلامه لأنه لا يستحق التعب والطقطقة على الكيبورد

أما اللي كان عامل فيها 4 رجاله في قلب بعض على أوربت وكان لسانه زي ما بنقول في الفلاحين .. لسانه كان زي الفرقله ... عمرو أديب .. فبقى في معسكر النفاق

واخر مقترحاته

إحنا نسيب الناس دي في ميدان التحرير كل يوم شهر شهرين تلاته سنة .. وعادي نتعايش معاهم وكل يوم وإحنا رايحين مصالحنا نبص عليهم ونقول جميل الله اللي بتعملوه ده .. وخلاص بقى

وكإنهم سوري كلاب تنبح أو أصوات في الهواء

على العكس .. طول عُمري رأيي في نجيب ساويرس إنه محترم وشخص فوق مستوى الشبهات ... رد في أحد البرامج يقول : مين اللي بيقول إن الشباب دول هما اللي معطلين حال البلد ؟ طب بامارة إيه ؟

هل هما اللي وقفوا القطارات أو منعوا الدراسة أو قفلوا المصانع ؟

[herohero]

ولا الحال واقف ولا حاجه الامور مش فارقه عن الاول والاسعار كانت مولعه قبل الاحداث بل بالعكش انا شايفها طبيعيه

وعادي جدا وبصراحه اان مستغرب الشعب مضايق من ايه صعبان عليه يبقى له كرامة مش قادر يتكيف ان يبقى له كرامه والله شيئ عجيب

انا عجبني كلام محمد دياب امبارح مع لميس ونجيب ساويرس

بجد محاولة لتهييج الشعب عليهم وخلاص

http://www.youtube.com/watch?v=UGnGVJI0epI

[se_ Elsyed]

أهي دي لازم تتعدم

سمير رجب: إيقاف الصحفية التى فبركت قصة تجنيدها فى 48 ساعة

الأحد، 6 فبراير 2011 - 15:36

أكد الصحفى سمير رجب رئيس مجلس إدارة جريدة "24 ساعة" فى تصريح خاص لـ"اليوم السابع"، أن الفتاة التى ظهرت ببرنامج "48 ساعة" على قناة المحور يوم الأربعاء الماضى وادعت أنها ناشطة سياسية وتلقت تدريبات على يد إسرائيليين فى أمريكا وقطر هى صحفية تعمل بالجريدة، وأنه لا يعلم شيئاً عنها وعن المزاعم التى ادعتها ولا دخل للجريدة بما قامت به.

وأضاف، أنه فور علمه بالأمر عقد اجتماعاً عاماً أمس بمقر الجريدة بحضور جميع العاملين واستدعى الفتاة التى أقرت أنها قامت باصطناع الموضوع، وأنها لم تتلقَ أى تدريبات ولم تسافر إلى أمريكا من الأساس، وقامت بالاتفاق مع بعض العناصر باختلاق الوقائع ونسج قصة من وحى الخيال لإحداث إثارة فى الشارع المصرى وقت المظاهرات.

وأشار إلى أنه بعد اعترافها التى قامت بكتابة إقرار به تم اتخاذ إجراء بوقفها عن العمل من قبل كل العاملين فى الجريدة الذين رفضوا وجودها معهم وتم إخطار نقابة الصحفيين بذلك لاتخاذ الإجراءات اللازمة تجاهها، لأنها أساءت لمهن الصحافة وللجريدة التى تعمل بها وأساءت للنقابة أيضاً.

وجاء فى نص اعترافها "أقر أنا (ن.ع) إننى قمت باختلاق هذه القصة دون علم أحد من قيادات الجريدة بذلك، ولا دخل للجريدة من قريب أو بعيد بها وهذا إقرار منى بذلك.

[Om Zayd]

و البنت عملت كده من دماغها

حرصا على البلد

و لاّ يمكن ..... مختلة عقليا؟؟؟؟؟

تم تعديل 6 فبراير 2011 بواسطة Om Zayd

[se_ Elsyed]

إمبارح بالمصادفة كانوا مستضيفين في الحياة اليوم الإعلامي الكبير حسن حامد رئيس قطاع الأخبار

السابق

للحديث عن المهزلة الإعلامية التي حدثت من التليفزيون المصري في تغطية الاحداث ..

وذكر على سبيل المثال ان الكاميرا الثابتة اللي كانت بتنقل الاحداث في ميدان التحرير .. دي كاميرا الامن بتاع مبنى الإذاعة والتليفزيون وعاملين زوم إن ومثبتينها على الكباري اللي ماحدش بيمشي عليها عشان مقفولة عشان يقولوا الدنيا ربيع والجو بديع وكل شيء تمام ومافيش دبانة في الميدان ..

شهادة أمام الجميع يا جماعة .. لي صديق يعمل في الإذاعة والتليزيون من ييجي 10 سنين وتدرج دلوقت وبقى منصبة كويس .. فمن ضمن درشتنا كشباب بايظ مع بعض .. بيحلف لي إنهم بالليل بالذات وهما قاعدين بيتسلوا وما ورهمش حاجه ... بيخلوا الكاميرات المثبته دي واللي مترشقة حوالين المبنى .. بيعملوا بها زو إن على اقصى درجة عشان يتفرجوا على الناس بالذات اللي في الفنادق المنتشرة حوالين المبنى .... من باب " أمن ومتانة " عشان يطمنوا عليهم هما ناموا وشربوا اللبن قبل ما يناموا ولا لأ ؟

- كلنا عارفين مين هو أنس الفقي ومن إمتى بدأت حكايته .. بإختصار هو كان رئيس قصور الثقافة في عهد فاروق حُسني ... وفي نفس ذات الوقت عنده مطابع خاصة به .. وكان بترسى عليه معظم مناقصات طباعة الكتب المدرسية .. يعني شغل مهلبية وحاجه شافيه مشفية .. ودي معلومات مؤكده مليون الميه لدي من داخل وزارة التعليم خصوصاً أيام حسين كام بهاء الدين .. وفجأة في تعديل الوزاري بتاع وزارة أحمد نظيف لقى نفسه وزير الإعلام خلفاً لبتاع الكنترول صفوت الشريف ... وصُعق الجميع لما مبارك جدد فيه الثقة مؤخراً بالرغم من إنه بيفرفر .. لكن ما يقدرش يستغنى عن الجزم اللي زي دول ... أومال يمشي حافي ؟

- تخيلوا بقى إن الفقي ده يعين مدير امن مبنى الإذاعة والتليفزيون اللواء احمد أنيس .. يعينه رئيس إتحاد الإذاعة والتليفزيون ( عسكر فوق وعسكر تحت إخص عليك يا بتاع الكحك ) لعدة سنوات طويلة قبل أن يتم ترقيتة ويُعين رئيسا لمجلس إدارة النايل سات عشان هدف مُعين .. وهو القضاء على القنوات الدينية ونجح فيها بامتياز ... وخلفه في نوفمبر الماضي أسامه الشيخ اللي كان بيشتغل رئيس قنوات النايل سات وقبلها هو اللي أسس قنوات إيه أر تي بتاعت الشيخ صالح كامل وهو راجل تكنيكالي فاهم قوي وخبرة .. لكن دخل نفسه في معجنة السبابيب - جمع سبوبة -

- نيجي يا جماعة لهووووووووووووووووووووووووجة القنوات المصرية

اييييييييييييييييييه ده كله إيه ده كله

إيه القنوات دي كلها يخرب بيت كده

فضائيات على أرضيات على بلاوي زرقا .. والمُحصلة ( صفر )

طب والنبي عدوا معايا

- نتيجة القنوات الأرضية واللي يسمع إسمه ينط من الشباك على طول

أولى - تانية ......................... لحد الثامنة

- - نتيجة القنوات الفضائية واللي يسمع إسمه ينط من الشباك على طول ويحصل الأرضية

أولى .. فضائية ... ثانية ... نايل كوميدي .. دراما . دراما 2 .... لايف .... تي في ... أخبار .... سنيما .... ثقافية ... فاميلي .... سبورت ... تعليم عالي .. منارة بتاعت محو الأمية ... جيش من القنوات التعليمية ... المنارة للبحث العلمي ....

دول اللي فاكرهم دلوقت

ومش عاوزيننا نخسر 11 مليار ؟

طب بالله عليكم .. عُمر حد عاقل فكر يعمل إستبيان عن نسبة مشاهدي هذه القنوات ويشوف المفيد فيها ويطوروه والهايف فيها ويمحيه من الوجود ؟ لأ طبعاً ..

طب حد بيسمع كلام كتبته من سنوات طويلة عن تخصيص النايل تي في لحوالي 6 ساعات يومياً لعمل برامج باللغة العبرية قال موجهه لإسرائيل وبيستضيفوا فيها وشوش مكررة كل يوم بيتكلموا عبري .. بيقول لك عشان نخترق المجتمع الإسرائيلي ... وصوت أمي إتنبح وقلت : يا ناس إسرائيل كلها بتستخدم نظام الكيبل .. يعني ماحدش مشعلق دش فوق السطوح جنب عشة الفراخ وواحد يفضل فوق يظبط والتاني تحت بيوجهه ويقول له يمين شوية وشمال شوية لحد السيجمال ما تيجي ويجيب القناة واضحه هههههههههههه ... وأهي كلها سبوبة وكله بياكل عيش ...

- عرضوا أمبارح دراسة لماجستير عامله واحد إعلامي أثبت فيه إن مشاهدة قنوات النيل خصوصاً الأخبارية لفترة طويلة تؤدي إلى قلة الفهم ... تخلف يعني وهطل وتبول لا إرادي .. دي حقيقة

أتحدى نعمل إستبيان ما بين الثمانين مليون راس اللي موجودين في مصر ونشوف كام واحد بيتفرج على النايل نيوز ...

أقسم بالله فضلت أدور عليها عندي أمبارح مالقتهاش ولا عارف هما بيعملوا إيه أساساً ...

كل ده مع المرحلة الجديدة اللي إحنا مقبلين عليها لازم يتشطب وتهد كله ونبني من جديد إعلام محترم يحترم عقلية الناس ويتسم بالمصداقية ..

مش إعلام كله لواءات شرطة بياخدوا أوامر من اسيادهم عشان كله يبقى تمام وعُلم وجاري التنفيذ يا فندم

[مصري أصيل]

بالأمس كنت أتنقل بين قنوات التليفزيون ما بين قنوات خاصه و قنوات حكوميه و توقفت لدقائق أمام الفضائية المصرية و كانت المذيعه تتلقي أتصال من شخص من المفترض أنه من المتظاهرين في ميدان التحرير و تحدث كما تحدث الكثير من المأجورين الذين يحاولون بشتى الطرق محاولة إثبات أن من قام بمظاهرات 25 يناير غير الموجودين الأن في ميدان التحرير و أن شباب 25 يناير إنسحبوا جميعاً من ميدان التحرير و أن الموجودين حالياً هم شباب ركبوا الموجه و ينفذون اجندات خاصه

و يتلقون الأموال من جهات خارجيه و وجبات كنتاكي و غيره من الكلام الذى نعلمه جميعاً والذي يسم البدن و لكن الجديد ما تحدث به أحد الشباب بالأمس لوصف الموجودين في ميدان التحرير الأن ما هم الا شباب من الحراميه و النشالين و العملاء و ""الشاذون جنسيا""

ً

أنا أسف طبعاً في اللفظ بس أقسم بالله العظيم هذا حصل

و طبعاً المذيعه أبدت إعتراض مفتعل علي هذه الكلمات و قالت له أن يتحفظ في كلامه لأن ذلك يعطي الفرصه للكثيرين من الناس أن يشككوا في مصداقيتنا علي حد تعبيرها .. و لم يكلف المخرج نفسه أن يقطع الاتصال بهذا السافل بل أعطاه الفرصه كامله لإكمال كلامه و متابعة السفاقه للتجني علي الأبطال الذين فعلوا ما عجز عنه الأجيال السابقه و منهم جيلي للأسف الشديد و لكن عذرنا أن الفساد لم يكن قد أستفحل الي هذه الدرجه التي هو عليها الأن.

و بمجرد أن إنتهي هذا الإنسان البذيء من تقيؤ ما أملوه عليه ليقوله على الهواء مباشرة أغلقت التليفزيون و دخلت علي المحاورات لأجد أحد الأعضاء الله يسامحه و قد وضع رابط لعنوان في الفيس بوك علي أغنية شريفه فاضل أنا أم البطل و بها صور الشهداء الذين سقطوا برصاص الغدر و و الله الذى لا الله الا هو لم أتمالك نفسي عن البكاء بحرقه لم أبكي بها من قبل علي هؤلاء الشهداء الذين سطروا أسمائهم بحروف من نور و دفعوا من أرواحهم ضريبة حريتنا جميعاّ من هذا النظام الفاسد و للحظه تخيلت أن هؤلاء قد ضحوا بأرواحهم و ضحوا بأن يعيش أبائهم و أمهاتهم و أخواتهم بحسرتهم الى الممات من أجل هؤلاء الفاسدين من أمثال ذلك الشاب الذي إتصل بالبرنامج و نعتهم بأقذر الصفات من أجل أن يعيش هؤلاء حياه كريمه لا يستحقونها بل يستحقون ما هم فيه وزياده و لكن كما حارب الأبطال سابقاً من أجل حريتنا و استرداد كرامتنا حاربوا أيضاً من أجل أن يجمع ابناء مبارك و أحمد عز و جيرانه وو غيرهم الكثيرين من من جمعوا المليارات من دماء الشعب.

فهذه هي الدنيا شباب يموت من أجل شباب آخر لا يستحق حتي الهواء الذي يستنشقه

تم تعديل 7 فبراير 2011 بواسطة مصري أصيل

[سكر]

ورغم كل هذا الاسهال من القنوات لا يوجد قتاة واحدة فقط تخاطب عقل اطفال مصر

[se_ Elsyed]

لا حول ولا قوة إلا بالله

أومال لو ما كانش ده نفاق .. يبقى إيه ؟

صحيفة الوطني اليوم الناطقة بإسم الحزب الوطني : مديح الأمس يتحول إلى «ذم».. وأحمد عز يصبح «أبو لهب».. ووزراء سابقون صاروا «لصوص مال عام»

كتب هشام علام ١١/ ٢/ ٢٠١١

«ما أغنى عنه ماله وما كسب».. بتلك الآية الكريمة التى تصف أبا لهب فى سورة المسد، استهلت صحيفة «الوطنى اليوم» الناطقة باسم الحزب الوطنى الديمقراطى، صفحتها الأولى، فى إشارة إلى أحمد عز، أمين تنظيم الحزب السابق، فيما يعد أول انقلاب على الحكومة من جانب الصحيفة التى طالما خصصت صفحاتها للدفاع عن قادة الحزب والوزراء وسياساتهم.

وخصصت الصحيفة الأسبوعية، عددها الأخير، للهجوم على عز، وعدد من الوزراء فى الحكومة السابقة، الذين يجرى التحقيق معهم بتهم الاستيلاء على المال العام، وقالت إنها رصدت ثروات هؤلاء المسؤولين من خلال صور ضوئية للسجلات التجارية الخاصة بشركاتهم، مشيرة إلى أن عز احتل المركز الـ٤٦ فى قائمة أغنياء العرب، والثالث بمصر، وأن ثروته بلغت ٦٠ مليار دولار.

واتهمت الصحيفة أحمد المغربى، وزير الإسكان السابق، بالتحايل على القوانين، والتواطؤ مع شركائه، والاستيلاء المنظم على أراضى الدولة، بتخصيص أكثر من ٢٠٠ مليون متر مربع من أراضى الدولة بالأمر المباشر، بأبخس الأثمان، لأبناء عمومته وخالته فى القاهرة الجديدة والسادس من أكتوبر، والريف الأوروبى، ومرسى مطروح، والعين السخنة، وأسوان، ومرسى علم.

وقدرت صحيفة الحزب الوطنى ثروة المغربى بـ١٧ مليار جنيه، قائلة إنه من أغنى وزراء الحكومة المقالة، فى حين أن إقرار الذمة المالية الذى قدمه قبل توليه الوزارة يقدر ثروته بـ٤ مليارات و٩٠ مليون جنيه، وكشفت الصحيفة عن أن المغربى رفض تسديد بعض القروض التى حصل عليها أثناء توليه الوزارة، وتبلغ قيمتها ٣ مليارات جنيه.

وقالت الصحيفة إن زهير جرانة، وزير السياحة السابق، اقترض ٤ مليارات جنيه من البنوك قبل أن يصبح وزيرا، لإنقاذ شركته الخاصة «جرانة للفنادق والسياحة»، لافتة إلى أنه بعد توليه الوزارة، نجح فى سداد ديونه، وجمع ثروة قدرها ١٠ مليارات جنيه، بالإضافة إلى تخصيص ملايين الأمتار فى المناطق السياحية بالبحر الأحمر وشرم الشيخ لشركاته.

وكانت الصحيفة التى لم يتجاوز توزيعها ٨٠٠ نسخة أسبوعيا، وحققت خسائر مالية فادحة منذ صدورها حتى الآن، قد شهدت احتجاجات متوالية من المحررين ضد السياسة التحريرية لرئيس التحرير محمد حسن الألفى، وللمطالبة بـ«التعيين وعدالة الرواتب».

[se_ Elsyed]

والله العظيم قرفان أضع مانشيتات وعناوين الأهرام

حاجه تقرف بجد

[pink rose]

هي جت على الاهرام يا س س

امبارح لو اتفرجت على كل القنوات اللي كانت متبنية و شايلة على اكتفاها حمل اجهاض الثورة

شغالين من امبارح وصلات مدح غير عادي في الشباب و الثورة و التاريخ و البطيخ و نازلين سوري في اللفظ ردح لبعض

مثال قناة المحور اللي كان نفسي انها تولع من كتر الغش و الكذب اللي كان بيتقال عليها

امبارح جايبين واحد هو ريس التحرير بتاع القناة و سوري تاني في اللفظ فارش الملاية لكل اللي بيقول ان القناة كانت ضد الثورة و عمال يتكلم بحرقة اوي و يقول ما حدش يزايد علينا احنا اللي فجرنا الثورة بكشفنا للفساد

كنت هالطم على وشي بقى بكل الشباشب اللي في البيت

و عمال يتكلم عن الفضيحة بتاعت الصحفية اللي جت قالت كلام العيال الصغيرين ما يصدقهوش

تقوم ترد عليه هناء و سيد يقولوا ايه تخيل

على فكرة احنا كنا بنقولها اتقي الله

سلامتها ام حسن

اتقي الله هو دا اللي قدرتوا عليه

القناة دي ليه ما قدمتش اعتذار رسمي للمشاهدين لما اتكشفت اللعبة و ان البنت صحفية و كدابة

بجد القنوات دي لازم تتقفل كلها لانهم كانوا مسودين عيشتنا لفترات طويلة و النظام و الفساد و الزفت و اول ما الناس قامت في الشوارع القنوات دي اتحولت بقدرة قادر لابواق تتغنى بحب النظام اللي كانت المفروض بتهاجمه من 19 يوم فقط

حقيقي بجد جاتهم القرف لازم ننضف البلد منهم

تم تعديل 12 فبراير 2011 بواسطة remo

[se_ Elsyed]

هههههههههههههههه

ريمو من ساعة الثورة ما بدات وهي بقت شيرسة قوي

قلت اتسلى امبارح واتفرج على هناء وشيرين .. قصدي سيد وهناء

فكانوا جايبين خالد صلاح بتاع اليوم السابع وده كان من المطبلاتية بتاع ألزم بيتك

ومصطفى بكري اللي سقط من نظري لما قال خلاص عاوزين إيه تاني خلوه يكمل فترة العدة بتاعته

ووائل الإبراشي وده المحترم اللي فيهم

فاتصل الولد الفنان أحمد عيد ... وده من اول يوم خرج على أعناق الناس وكان بيرمي نفسه في قلب المظاهرات

فهناء رحبت به وقالت له لسه فاكرين لك فيلم رامي الإعتصامي وكل الناس عارفه وطنيتك

والواد راح شايط فيهم هما الإتنين ويا شيوة منافقين ياللي كنتوا بتقولوا عيب وده ابونا ومش عارف إيه .. ورص لهم تمام

هههههههههههههههههههههههه

قلت له راجل يابني والله وما ترحمش المتلونين دول