مقترحات الخروج من الازمة والحلول العاجلة

[tarek hassan]

أي ثورة لها أهدافها وهدف الثورة المصرية هو سقوط نظام حسني مش مهم بمحاكمته أو بدون محاكمته المهم يزول وضمان تحقيق ذلك

- أن الثورة لابد وأن تبقى للثوار وسينجحون إن شاء الله أما المتفاوضون والحكماء والعقلاء والنبلاء وكل هذه الأشياء فقد كان أمامهم الوقت الكافي قبل الثورة وبعدها ولم ينجحوا

- أن يبتعد المنتفعين وكذابين الزفة عن الشباب الثوار لأني لاحظت في الفترة الأخيرة إن كل واحد عايز يحط اسمه بأي طريقة معاهم

- ألا يقال للثورة لقد حققتي العديد من المكاسب وكفاية مع إن المطلب الأساسي غير متحقق فما تحقق بدونه ليست مكاسب ولكنها حقوق بسيطة كانت مسلوبة تعطى بالقطارة

- ألا يتحول فشل مناهج البعض ونظرياته في السنين اللي فاتت إلي حقد على هؤلاء الشباب ولكن نمد لهم العون ونشد من أزرهم ونقويهم ونثبتهم وأن نتشرف بالوقوف خلفهم

- ألا ييأس الشباب من طول الوقت فحكم 30 سنة طغيان لن يخلع بسهولة وإن هو لم يسقط في الجولة الأولى أو الثانية فإنه قد سددت له لكمات موجعه وفي انتظار السقوط في أي جولة قادمة إن شاء الله المهم أن تستمر الجولات ويقينا سيسقط وأقسم على ذلك

أوافق حضرتك

و لكني لازلت عند رأيي

ألا يصبح الأمر شباب في شباب فقط

و إلا حيبقى مجرد تمرد على كبارنا

كل يؤدي دوره في المجتمع

الشباب بقوته وحماسته

و الكبار بحكمتهم وخبرتهم

لا يصح أن يكون جزاء والديّ بعد أن ربياني صغيرا

و علموني كيف أفكر

أن أقصيهم عن حياتي

و أزج بهما في دار للمسنين

طبعا أقصد أن نجلّ كبارنا الطاهرين الأنقياء ممن لم تتلوث أيديهم بالفساد

حتى لا يتم فهم كلامي بشكل غير صحيح

كلامي هنا وفي أماكن أخرى ليس مناقضا لكلام حضرتك أبدا بل إنني قلت هذا المعنى في موضوع آخر ولا يمكن أن أدعو لإنكار فضل كل صاحب فضل أو كل طاهر نقي ظهر معدنه في هذه الأيام تقبل الله منه كلمته ومشاركته أو دعائه وكانت سعادتي بالغة وأنا أقرأ للجميع هنا في المحاورات وأشكرهم جميعا

ولكن أنا أقصد أفراد بعينهم ربما يكونوا كتابا أو روءساء أحزاب أو شخصيات ربما نتفق جميعا على إنكار مواقفهم الآن ممن عبرتي عنهم بأنهم تتلوث إيديهم بالفساد أو هم قد تورطوا في عقد صفقات مع الحكومة في انتخابات أو صحفي تعطيه الدولة ملفات معينة على أن يكون هو المسوق لسياستها وهو محسوب على المعارضة أمام الناس أوهو بطل الفضائيات المؤيدة والمعارضة وعضو لجنة الحكماء ممن تآمروا على اغتيال ثورة الشباب وإجهاضها

بارك الله في الأباء والأبناء والكبار والصغار وكل من كان له دور والأدوار كثيرة ولا أقلل من شأن أحد

تم تعديل 8 فبراير 2011 بواسطة tarek hassan

[se_ Elsyed]

في تطور خطير فيما يتعلق بالأزمة السياسية المتصاعدة في مصر ، كشفت صحيفة "لوس أنجلوس تايمز" الأمريكية يوم السبت الموافق 5 فبراير أن البنتاجون بدأ بتحريك سفن حربية قبالة السواحل المصرية.

ونقلت الصحيفة عن مصادر مطلعة داخل وزارة الدفاع الأمريكية القول إن سفينة "كيرسارج" الهجومية البرمائية وعلى متنها 700 إلى 800 عنصر من وحدة الاستطلاع السادسة والعشرين في مشاة البحرية "المارينز" وسفينة "بونس" وصلتا إلى البحر الأحمر وهما راسيتان قبالة سواحل مصر في حال تدهورت الأوضاع هناك

ده اللي بنحذر منه

وبنقول يا جماعة ياللي مرتاحين وفرحانين وبتفتكروا إنكم حققتم مكاسب ...

من فضلكم .. الوقت واقف ضدكم

وممكن تحصل مفاجآت تخلينا نندم على الوقت اللي ضيعناه في مظاهرات مليونية ووقفات إحتجاجية

أقول لكم زي إيه غير تنحريك سفن مقالتة أمريكية تجاه مصر ؟

هل تستبعدوا إن إسرائيلي تشعر بالقلق فتقوم بحركة إستباقية تحت شعار تأمين حدودها وتقوم بالتوغل في سيناء ويؤيدها العالم ؟

حركة بسيطة جداً .. كام عيل إسرائيلي صايع ييجوا من عندهم ومعاهم صواريخ ... ويضربوها في العمق الإسرائيلي ...

ويا عيني سيهُب العالم لحماية إسرائيل من الفوضى المصرية ..

هل ساعتها هانطالب بتنحي الرئيس .. ولا نشوف البلوى اللي حطت على دماغنا ؟

تعرفوا بقى إن ساعتها مبارك هايرجع أقوى من قبل 25 يناير 100 مره وممكن يحكمنا 50 سنة كمان

[ذهبية]

و لية متقلش يا سين سين ان دة اتفاق بينة و بين امريكا

انت مش شايف تغير نظر امريكا من الان يعنى امس الى ان لو مبارك مش مش هيكون فية ديمقراطية

التغير التام فى الموقف دة اكيد لة ما يبررة

و انا بصراحة شايفة ان الرئيس من عندة و غبائة عندة استعداد يتحالف مع الشيطان فى سبيل انة كرامتة متنكسرش

هو لا همة شعبة و لا بطيخ هو كل اللى همة شكلة و كرامتة و اعتقد التعامل اللى الشرطة عملتة مع المتظاهرين و هما بيدوسوهم زى الفراخ اكبر دليل

كل ما الشعب بيعندمعاة كل ماهو كمان بيعند

هو بيتفرج على السكاكين اللى بتس سنانها علشان تطلع الدفاتر القديمة اللى كلها هتصب مباشرة الى ابنة علاء و جمال

و كل دة تم تحت نظرة تفتكر هو هيفكر فى شعبة و لا فى ولادة

الان هو بيحمى تاريخة وولادة و اعوانة بكل ما اوتى من قوة و يتحرق الشعب باللى فية

يا سين سين الشعب ناقص يعمل اية و يقولة مش عايزنك امشى ارحل هو و لا هنا

مش حبا فى الوطن والله حبا فى نفسة و عندة استعداد يولع فيها قبل ما يمشى زى العراق بالضبط

و دة الى انا خايفة منة

الحجج اللى كانت بتتقال ايام العراق و كلنا كنا متاكدين انها غلط

كانت شماعة لدخول العراق

و بالفعل حصل

واعتقد ان الحجج دة هتستخدم لينا قريبا

بس ساعتها مش هيكون السبب الشعب هيكون القائد و الديكتاتور هو السبب

[جويرية]

1- هؤلاء الشباب الرجالة الأسود ها وقد إجتمعوا في شكل إئتلاف .. يبقى لازم يختاروا شخصية محترمة تتكلم نيابة عنهم وتكون واجهة محترمة ... و أرشح بشكل شخصي عمرو موسى

مش الشعار الأشهر ( الشعب يريد أسقاط النظام ) ، عمرو موسي بصفته وزير الخارجية السابق كان احد اعمدة هذا النظام

و حتي جامعة الدول العربية ، اللي لا يوجد عمل فعلي لموظفيها ، هما بس أبناء الوزرا و الطبقة الحاكمة بيفصلوا ليهم وظايف ، مرتبات خيالية و بيطلعوا بعثات ، ده غير انهم بيتمتعوا بالحصانة الدبلوماسية

تم تعديل 9 فبراير 2011 بواسطة جويرية

[se_ Elsyed]

1- هؤلاء الشباب الرجالة الأسود ها وقد إجتمعوا في شكل إئتلاف .. يبقى لازم يختاروا شخصية محترمة تتكلم نيابة عنهم وتكون واجهة محترمة ... و أرشح بشكل شخصي عمرو موسى

مش الشعار الأشهر ( الشعب يريد أسقاط النظام ) ، عمرو موسي بصفته وزير الخارجية السابق كان احد اعمدة هذا النظام

و حتي جامعة الدول العربية ، اللي لا يوجد عمل فعلي لموظفيها ، هما بس أبناء الوزرا و الطبقة الحاكمة بيفصلوا ليهم وظايف ، مرتبات خيالية و بيطلعوا بعثات ، ده غير انهم بيتمتعوا بالحصانة الدبلوماسية

هل تعرفي إن عمرو موسى من الوزراء القلائل على مدار فترة مبارك السودا اللي مش حزب وطني ؟

عُمرك شوفتيه في مؤتمر ولا حفلة من الحاجات اللي كانت بتتعمل دي ؟

وبعدين إحنا بنتكلم عن فترة إنتقالية

[wsadani]

1- هؤلاء الشباب الرجالة الأسود ها وقد إجتمعوا في شكل إئتلاف .. يبقى لازم يختاروا شخصية محترمة تتكلم نيابة عنهم وتكون واجهة محترمة ... و أرشح بشكل شخصي عمرو موسى

مش الشعار الأشهر ( الشعب يريد أسقاط النظام ) ، عمرو موسي بصفته وزير الخارجية السابق كان احد اعمدة هذا النظام

و حتي جامعة الدول العربية ، اللي لا يوجد عمل فعلي لموظفيها ، هما بس أبناء الوزرا و الطبقة الحاكمة بيفصلوا ليهم وظايف ، مرتبات خيالية و بيطلعوا بعثات ، ده غير انهم بيتمتعوا بالحصانة الدبلوماسية

هل تعرفي إن عمرو موسى من الوزراء القلائل على مدار فترة مبارك السودا اللي مش حزب وطني ؟

عُمرك شوفتيه في مؤتمر ولا حفلة من الحاجات اللي كانت بتتعمل دي ؟

وبعدين إحنا بنتكلم عن فترة إنتقالية

بس ده مختلف عن كلامه هو شايف ميبقاش فى مرحلة انتقالية ويفضل حسنى مبارك حتى نهاية فترته

2/9/2011 1:49:00 AM

القاهرة- أ ش أ

أكد عمرو موسى الأمين العام للجامعة العربية ضرورة بقاء الرئيس حسنى مبارك في منصبه حتى تنتهى فترة ولايته الرئاسية.

وقال عمرو موسى في معرض تصريح خاص أدلى به لشبكة سى إن إن الاخبارية الأمريكية أوردته الثلاثاء " إنني أعتقد أنه يتعين أن يظل الرئيس مبارك في منصبه حتى نهاية فترة تفويضه ".

وأضاف موسى قائلا " إن التوافق في الرأي بشأن هذه النقطة يتزايد بسبب اعتبارات دستورية محددة ".

وردا على سؤال قال في تصريحه للشبكة " إن جهودي الآن تتركز على المساعدة على معالجة الموقف الراهن ".

[سكر]

هبدا من عنوان التوبك

الخروج من الازمه

الازمه الحقيقيه هو ان كلا من الطرفين لا يعترف بوجود ازمة

شباب مؤمنين بالثورة

ونظام لازق فى الكرسى ويرغب فى رسم خريطة طريق للمستقبل ودة مش من حقه

والوضع كدة مش حلو خالص

لازم كفه تكسب والميزان يميل الى طرف عن طرف

لا اتحدث عن تنحى مبارك بعد 8 اشهر او الان

لان الوضع كدة لو بقى حتى تنحى الرئيس هيكون وضع كارثى خصوصا والحكومه تسير بحركة ضعيفة جدا

مفيش ثورة المفروض تقعد 8 اشهر فى الشارع كدة هتتقلب الى مظاهرات واحتجاجات

لازم الثورة تاخد موقف اكثر جديه وحدة اما بالضغط الشديد او الانسحاب المنظم

وايضا على النظام اما بالتنحى السريع او تنفيذ جدى وسريع للطلبات

لكن بقاء الوضع على ما هو عليه كارثى كارثى على كل المستويات

احنا عاملين دلوقتى زى فترة الحرب الباردة او وضع لا سلم ولا حرب

والبلد بتنزف زى حرب الاستزاف

مش الاقتصاديه فقط ولكن الامنيه ايضا

مصر اصبحت بلد مفتوحة لكل من هب ودب

وايضا على مستوى الهيئات كل واحد مش عاجبه مديرة عايز يرحل يعمل مظاهرة

القانون لا يطبق حاليا فى مصر

ستظهر فئه اغنياء فى الفترة الشهور القليه نتيجة غياب القانون

انا قلبا وقالبا مع الثورة وتغير النظام ولكن يجب ان نتقل الى خطوه اخرى اكثر ضغطا من اجل تحيق الاهداف

التظاهر حاليا فى ميدان التحرير مش كفايه (بالوقت هيتحول الى نزهة وعطله الويك اند ومكان اقامة صلاة الجمعة)

الوقت مش فى مصلحة مصر او الثوار او النظام

لازم المعادله تتغير وبسرعه

اما الثورة تنتقل الى مصر الجديدة وتحاصر مقر الرئاسة

او تنتقل الفيس بوك فى انتظار التغير وتنفيذ الوعود

[ابو محمد بن مصطفي]

شعار أرحل

لا يمكن ان يحيد عنه من هم في الميدان وذلك لطبيعة الناس اللي في الميدان

تعرفوا مين اللي في الميدان 24 ساعة ولا يغادروا الميدان

بالاضافة الي الشباب 25 يناير و 6 ابريل وكفاية

هناك ضحايا النظام خلال الـ 30 سنة حكم

كل واحد مات له اخ اب ام اخت او حتي قريب قاعد في الميدان

ضحايا اقسام الشرطة

ضحايا العبارة اللي محدش سأل فيهم

ضحايا الخصخصة (بيع الشركات) اللي كانوا بيعتصموا امام مجلس الشعب ولا حد سئل فيهم

ضحايا انتخابات احمد عز (القزم الذي كان يحكم البلد)

دول مطلبهم رحيل حسني ولا بديل غير ذلك

[hanzalah]

لا اجدها ازمة كما يقول عنوان التوبيك

اجدها ثورة شعبية بالمعنى الحقيقي للكلمة

واجد ان الثورة دوما لها اهداف جميلة و نبيلة و طموحاتها مثالية

ولكني اجد انه من الواجب الان تحديد حكومة انتقالية باسماء محددة وواضحة لكل وزارة

يتفق عليها شباب الثورة ويتفق معهم الناس

يتم نشر السيرة الذاتية لكل وزير وابراز نزاهته و كيف انه يحظى بالاحترام والتقدير

بعدها نقوم بتسمية محافظين

ونقوم بتسمية رؤساء مجالس ورؤساء احياء ايضا

وفي ذات الوقت نقوم بتحريك نقابات البلد جميعا لاعتصام حقيقي ومستمر

لا يجب ان نترك لهم البلد كأنها عزبه

[سكر]

واحد ابن حلا ل من الحرس الجمهورى يمسك المسدس ويعيش دور فريد شوقى

ويقوله

كلمة واحدة هارد بيها على كل اللي عملته فيا طاخ طاخ ( فريد شوقي جعلوني مجرما ).

مش لاقى فيديو المشهد دة بس ممنكن نتفرج على

قولي للبوليس سلطان أتعلم يمسك مسدس ويدوس عالزناد

http://www.youtube.com/watch?v=v0PCbPbgrhI

تم تعديل 10 فبراير 2011 بواسطة موعود

[eslam elmasre]

انا شايف ان المتظاهرين يتوكلوا علي الله ويبدأو في عملية إضراب عن الطعام والشراب

وشوف بأه لما ميت الف واحد يضربوا عن الطعام في ميدان التحرير منظر النظام امام العالم والدنيا هايتصرفوا ازاي في المصيبة دي اللي هاتحط علي دماغهم

ومش بعيد ولا صعب علي الشباب دول اللي كلهم عزيمة وإرادة انهم يقوموا بهذا العمل ويبقي كده النظام بيقتل المتظاهرين رسمي