25 يناير ... موعد المصريين (1)

[King TUT]

شبكة رصد RNN

http://www.facebook.com/?sk=lf#!/RNN.NEWS

[se_ Elsyed]

يارب ... يارب جيب العواقب سليمة ومصر تفضل بأمان

وأتمنى إن اللي حصل ده يكون أول مسمار في نعش النظام الديكتاتوري ذو الثلاثون عاماً

وأتمنى المره القادمة تكون قريبة ويكون الزحف نحو " قصر العروبة " عشان مبارك يخرج من الباب الخلفي ويفر هارباً

[fatfouta]

سيدى بشر....الأسكندرية

شارع جمال عبد الناصر

[Simba]

اخبار مصر تحتل شريط اخبار قناة الجزيرة

[King TUT]

شبكة رصد اسكندريه | مؤكد : أوامر للقيادات الأمنيه بفض التجمعات ولو بالرصاص الحي

الوضع الآن فى الاسكندريه : تفريق 20 الف متظاهر واصبحت المظاهرات صغيره فى جميع المناطق بالاسكندريه وربات البيوت يلقين بالاوانى الفخاريه والاكواب الزجاجيه والجزم على رؤووس الامن المركزى

عساكر الأمن المركزي بعد الضغط الكبير من القيادات عليهم بضرب المواطنين خلع بعضهم الزي الزي العسكري وانضمو لصفوف المواطنين

[raouf]

اوبا كده الامور هتتطور

مقتل 2 فى الاسكندرية بعد اطلاق الرصاص الحى

كده ممكن الامور تتطور ربنا يستر

[fatfouta]

توقف شبكة الهاتف المحمول في منطقة ميدان التحرير....وفودافون تنفى ذلك

[King TUT]

عاجل | اسكندريه : المتظاهرين يعيدون تجميع انفسهم مره اخرة

خبر غير مؤكد | مقتل 2 من المتظاهرين فى الاسكندريه، الخبر ينتشر بين المتظاهرين ولا نعرف مدى دقة صحته وجارى احضار الاسماء

[Simba]

اوبا كده الامور هتتطور

مقتل 2 فى الاسكندرية بعد اطلاق الرصاص الحى

كده ممكن الامور تتطور ربنا يستر

لو ده حصل يا روؤق اهل الاتنين مش هيسكتوا

وفعلا الامور هتتطور وياتري لحساب مين ؟؟؟

[se_ Elsyed]

تم ضم موضوع الزميل أكرم لمتابعة ما يحدث مع الموضوع الرئيسي

[raouf]

بيان التحرير

مطالب الثورة كما تم نشرها

تم تعديل 25 يناير 2011 بواسطة raouf

[se_ Elsyed]

هو ده التليفزيون أبو خساير 11 مليار

11 مليار يا ولاد الـ تييييييييييت كانوا خلونا ولا كوريا أو ماليزيا

11 مليار والحكومة بتقول إنها مش لاقيه كام مليون عشان تعالج النظام في التأمين الصحي

11 مليار والبيه بيذلنا ويقول أجيب لكو منين ؟

ها هو التليفزيون بكل قنواته أرضية وفضائية شغال في الهلس والمسخره وما فيش حاجه من قريب او بعيد عما يحدث في مصر الأن

[رضوي]

يارب

خايفة جداً الامور تتطور .......... ويكون فيه ضحايا كتير

ويحصل دمار في مصرنا الغالية

يارب استر يارب

[fatfouta]

نداء عااااااااااجل : يناشد المتظاهرون كل المصريين النزول الى الميادين التي يعتصم بها المتظاهرون وامدادهم بالطعام والماء والبطاطين

اللى فى ايده حاجة يا ريت يعملها للمتظاهرين وربنا معاهم ياااارب

[se_ Elsyed]

الجزيرة باعت القضية ..

خبر وصورة عالماشي وكأنها جنازة في حارة

[رضوي]

مافيش اي اخبار عن اللي بيحصل في القنوات العربية

هتجنن

ولا كلمة

غير في الشريط المتحرك بخط صغير وكأن شيئاً لم يكن ؟؟؟؟؟؟

بس فالحين لما تكون فيه حادثة ويوقلوك فتنطة طائفية ويشعللوها ؟؟؟؟؟؟؟

الاعلام كله موجه ........... مافيش ولا قناه اخبارية حرة ؟؟؟؟

وكمان حبيب العادلي بيكذب كل اللي علي شبكات النت ؟؟؟؟؟؟

[raouf]

تغطية رائعة من سى ان ان

الحرية ليها ناسها

يارب

[Om Zayd]

نداء عااااااااااجل : يناشد المتظاهرون كل المصريين النزول الى الميادين التي يعتصم بها المتظاهرون وامدادهم بالطعام والماء والبطاطين

اللى فى ايده حاجة يا ريت يعملها للمتظاهرين وربنا معاهم ياااارب

سبحان الله .. لسة حالاا كنت بفكر في الموضوع ده

الناس محتاجة دعم كل واحد فينا باللي يقدر عليه

يا رب اعنا

يا رب اعنا

يا رب اعنا

[raouf]

ustream مشاهدة مباشرة لمجمع التحرير

شوفوا الرابط

http://www.ustream.tv/channel/cairodowntown

[King TUT]

13 من النشطاء الذين تم اقتيادهم في البوكسات ، ضربوا الأمن واقتادوا سيارة البوكس لمجمع التحرير من جديد