25 يناير ... موعد المصريين (1)

[se_ Elsyed]

اللواء نبيل لوقا باباوي عضو مجلس الشورى .. يقضي حاجته .. قصدي بيتكلم على البي بي سي ...

بصراحة مخلوق بشع لا يُمكن أن نصفه بإنه إنسان

والنبي يا جماعة حد يجيب لنا عنوانه عشان ده أول واحد عاوز أسحله لما اللي في بالنا يحصل

[امير مجروح]

الجزيرة مركزة مع لبنان ...

تم اسقاط النظام فى لبنان بالفعل.... عقبالنا يارب انصرنا على الظالم..

[arkan]

يارب احفظ مصر وولادها

ياجماعة بتابعوا ايه عاشان نطمن اول بأول

[rar]

كفايانا نوووووووووووووووووووم بقي

[fatfouta]

افتحوا البى بى سى وتابعوا

نبيل لوقا بيقول ايه...... بنى آدم مستفزززززز

[جبار سينج]

ميدان التحرير الان من تصوير موبيل

[se_ Elsyed]

نبيل الباباوي بيشكر الشعب المصري بغنه لم ينضم إلى تلك المظاهرات

وحياة خالتك يا لوكا لهاتتعلق من رموشك .. الصبر جميل

[ComingSoon]

اخر اخبار الاسكندرية

بعد فشل الامن في صد المظاهرات

الحكومة تستعين بالبلطجية بالاسلحة البيضاء

[fatfouta]

من ميدان التحرير: الكردون الأمني مفتوح و عساكر الأمن تسمح بالدخول و الخروج يارييت تبلغوا الناس تنضم إلينا, عايزين نكون الصبح 3 أضعاف العدد

[doha]

تصدقوا متابعة اخبار المظاهرات على النت الذ من متابعتها في الواقع .. بتحسسك ان في حاجه بجد

عن نفسي في المحلة دلوقت وحادفه ودني على الشباك من الصبح بس للاسف مسمعتش حاجه خالص .. بيقولوا في النت ان المظاهرات في شارع البحر بالنسبة لي في السبع بنات ومفيش حاجه عندنا ـ ولا الهوا ـ معرفش الوضع ايه في الاماكن التانية ..

اتصلت بمراسلنا في طنطا والي وصيته يقف يصور لي من البلكونه .. سمعني الاصوات بتاعت المظاهرات وواضح ان العدد كان كبير .. أفاد بان في حشود كتير في الشارع ( عادي زي مظاهرات تانيه قبل كده حضرتها من البلكونة برضه ) وقال انهم حاولوا يقتحموا مبنى الحزب الوطني بس بعدين سابوه في حاله ..

من الطريف انه وهو بيصور تفاجأ بالمتظاهرين كلهم بيبصوا له وبيتهتفوا ( انزل .. انزل ) قبل مايكملوا هتافاتهم ضد النظام ..

بيقول برضه ان مجموعه من المتظاهرين كانت بتهتف (( الشعب المصري فين )) وتفاجأ بان عساكر امن مركزي واقفين على الجانب التاني ( بيرقصوا ) على نغمه الهتاف !!

اتصلت بمراسلتي في طنطا وساكنه في مكان تاني ( بطرس ) اسألها عن الوضع عندها فافادت بان مفيش حاجه خالص ومكانش عندها فكرة ان في مظاهرات من اساس .. يبدوا ان المظاهرات برضه زي المحلة كانت محصورة في شارع البحر .

عموما اتصلت بمراسلنا منذ قليل فافاد بأن المظاهرة انفضت خلاص والناس روحت ..

ظريف والله الناس دي باين عليها اتسلت زي الكرنفال واكتر خاصه والكل اجمع ان في تعليمات واضحه على مايبدوا للامن بعدم التعرض للمتظاهرين .

معرفش الوضع كده عندي انا بس والامن مستتب في شارعنا وشوارع قرايبنا في طنطا ولا نفس الشي بالنسبة لمدن مصر الاخرى ؟ ياريت المحاوراتية الي في مصر والاسكندرية والمدن الرئيسيه يقولولنا شافوا ايه النهرده والوضع عندهم ازاي .. الوضع من الشباك وعلى ناصية الشارع مش من الجزيرة او النت .

[jasmin hamed]

بيان من وزارة الداخلية يتهم الاخوان بإثارة الشغب والتحريض على التظاهر

بصراحة ... لو الأخوان بالقوة دي يبقى بصراحة يستحقوا كرسي الحكم

الاخوان اصلا كانوا رافضين المظهارات دلوقت احلوت فى عنيهم و عايزين ينسبوا

الفضل لنفسهم لا معلهش

ديه حركه شعبيه لا البرادعى و لا الاخوان و لا وفد ولا حد له فضل

[رضوي]

مصدر امني : بعض من الجماعة المحظورة يندسون وسط المتظاهرين بالعاصمة

مصدر امني : تعدي المتظاهرين علي الامن بالحجارة

مصدر امني : مئات من المتظاهرين يتجمعون في بعض المحافظات

ومازال التعتيم الاعلامي علي القنوات الارضية والفضائية

تجاهل تااااااااااااااام لما يحدث

[se_ Elsyed]

برنامج الحياة اليوم بدأ

أما نشوف هايطلع هيسي بيسي هو راخر ولا إيه

[jasmin hamed]

الطابعه الاولى كلمتين عن المظهرات و بعدين الحلزونه ياما الحلزونه

ياعم ماتبقاش تعمل السبع رجاله و انتى مش قادر تقول المظاهرات لاسقاط مبارك

[Simba]

تصدقوا متابعة اخبار المظاهرات على النت الذ من متابعتها في الواقع .. بتحسسك ان في حاجه بجد

عن نفسي في المحلة دلوقت وحادفه ودني على الشباك من الصبح بس للاسف مسمعتش حاجه خالص .. بيقولوا في النت ان المظاهرات في شارع البحر بالنسبة لي في السبع بنات ومفيش حاجه عندنا ـ ولا الهوا ـ معرفش الوضع ايه في الاماكن التانية ..

اتصلت بمراسلنا في طنطا والي وصيته يقف يصور لي من البلكونه .. سمعني الاصوات بتاعت المظاهرات وواضح ان العدد كان كبير .. أفاد بان في حشود كتير في الشارع ( عادي زي مظاهرات تانيه قبل كده حضرتها من البلكونة برضه ) وقال انهم حاولوا يقتحموا مبنى الحزب الوطني بس بعدين سابوه في حاله ..

من الطريف انه وهو بيصور تفاجأ بالمتظاهرين كلهم بيبصوا له وبيتهتفوا ( انزل .. انزل ) قبل مايكملوا هتافاتهم ضد النظام ..

بيقول برضه ان مجموعه من المتظاهرين كانت بتهتف (( الشعب المصري فين )) وتفاجأ بان عساكر امن مركزي واقفين على الجانب التاني ( بيرقصوا ) على نغمه الهتاف !!

اتصلت بمراسلتي في طنطا وساكنه في مكان تاني ( بطرس ) اسألها عن الوضع عندها فافادت بان مفيش حاجه خالص ومكانش عندها فكرة ان في مظاهرات من اساس .. يبدوا ان المظاهرات برضه زي المحلة كانت محصورة في شارع البحر .

عموما اتصلت بمراسلنا منذ قليل فافاد بأن المظاهرة انفضت خلاص والناس روحت ..

ظريف والله الناس دي باين عليها اتسلت زي الكرنفال واكتر خاصه والكل اجمع ان في تعليمات واضحه على مايبدوا للامن بعدم التعرض للمتظاهرين .

معرفش الوضع كده عندي انا بس والامن مستتب في شارعنا وشوارع قرايبنا في طنطا ولا نفس الشي بالنسبة لمدن مصر الاخرى ؟ ياريت المحاوراتية الي في مصر والاسكندرية والمدن الرئيسيه يقولولنا شافوا ايه النهرده والوضع عندهم ازاي .. الوضع من الشباك وعلى ناصية الشارع مش من الجزيرة او النت .

يا مدام ضحي يشهد الله اني بحترمك جدا جدا وبحب اقرا دايما مشاركاتك

بس المرة دي واضح لكنة السخرية اللي تقريبا لا في وقتها ولا محلها اكيد غالبا كلامك بيقول مفيش حاجة بتحصل اومال كل الفيديوهات والصور دي منين والناس اللي لسه بتتوافد علي ميدان التحرير

حتي لو محصلش حاجة والناس خرجت وطلعت الغضب اللي في صدرها كفاية اوي ان الرسالة تكون وصلت والفترة اللي جاية مين عارف يمكن ربنا يكرمنا والاوضاع تكون احسن

[امير مجروح]

[se_ Elsyed]

تغطية مصورة أكث رمن ممتازة الان على برنامج 90 دقيقة

بالرغم من إننا عارفين معتز الدمرداش وتوجهاته

[Om Zayd]

حد سمع قناة النيل للاخبار

"في إطار إتاحة الفرصة لحرية التعبير لبعض النشطاء " .. مطالب فئوية" .

الناس دي جنسيتها ايه؟

[fatfouta]

تابعوا 90 دقيقة

اهم بيقولوا حاجة عالاقل

[رضوي]

الحركة دي لو فشلت بجد الناس هيصيبها الاحباط الشديد

وتبقي كدة بتنهي كل أمل لينا في التغيير

يارب سلم يارب