25 يناير ... موعد المصريين (1)

[امير مجروح]

أنباء غير مؤكدة : لبنان نجحت في اسقاط الحكم

يااااااارب كله خير ان شاء الله

يارب صرختك تعلى وتوصل يابلادي

لا دى اخبار مؤكده فعلا تم اسقاط الحكم فى لبنان ..

ده حتى تليفزيونا الارضى اخبار التاسعة جاب اخبار لبنان وحكاية اسقاطها للحكم

[لماضة مصرية جدا]

عـــاجل من مصادر في الداخلية : أوامر صدرت بفض تجمع التحريــر بحلول الساعة التاسعة ، و الأوامر صارمة بأن يكون الميدان خاليا من المتظاهرين غدا

[رضوي]

الحركة دي لو فشلت بجد الناس هيصيبها الاحباط الشديد

وتبقي كدة بتنهي كل أمل لينا في التغيير

يارب سلم يارب

السلام عليكم و رحمة الله و بركاته

مش معااااااكي يا رضوي

نجحوا......

و حتي لو خلصت علي يوم واحد برضه نجحوا

نجحوا....

انهم اثبتوالنا ان ممكن بجد نتجمع.....علي راي اللي قال من غير ما يكون ماتش كورة

اثبتولنا.....ان التغيير جاي.....مسالة وقت

اثبتولنا.....ان احنا لازم نعيد قراءة.....الفيس بوك....بقت ثورة الفيس بوك

اثبتولنا....ان فيه حاجة اتغيرت....جوانا

يمكن لغاية اللحظة دي...مافيش اي رد فعل من الحكومة...لان اصلا محدش متوقع منها انها تستجيب لاي مطلب....لكن كفاية الخروج من حالة الصمت

يمكن تبقي بداية الغيث قطرة

يمكن

خلينا نصدق انه بقي فيه امل....و لو حتي بصيص

انا نفسي يكون فيه امل ............. وكلنا عايشيين علشان الامل دة ياريهام

بس معلش ........ بكلم قرايبي مش شوية بتطمن عليهم في ظل اللي بيحصل ........... لقيت واحدة منهم بتقولي عادي يابنتي فكك هتبقى زي اي مظاهرة وشوية والامن يفركشهم وخلصت يعني وينضموا لحركة كفاية و6 ابريل ( نفس كلامي امبارح )

عارفة معنى ان الجماهير المحتشدة دي تنزل وتتفركش وكأن شيئاً لم يكن ؟؟؟؟؟

يعني خلاص بقي مانحاولش تاني ......... يعني احباط

يعني لو حد جه يقول اعملوا ....... هنرد عليه ونقوله كنا قدرنا نعمل في 25 يناير

مش عايزة يتقال عليها حركة 25 يناير

نفسي تبقي ثورة 25 يناير وتتكتب جنب العبور وثورة يوليو وتحول مسار التاريخ

انا هموت وانا قاعدة ادام الميديا هنا

وهموت لاني بعيدة عن نص البلد ............. ومش قادرة اهدى وعايزة اشارك

بدعى ربنا يكتب النجاح والنصر

يــــــــــــــــــــــــــــــــــــــــــــــــااااااااااارب

[لماضة مصرية جدا]

ده بث مباشر من ميدان التحرير

اسمعوا صوت الناس.....ياااااااالله

ياااااااااااالله

ربنا يسددهم و يثبتهم

http://www.ustream.tv/channel/egypt-15jan

[جبار سينج]

مصطفي رضا محمود اول شهيد مصري يسقط في السويس

[Om Zayd]

يا رضوى الناس خرجت تتظاهر بشكل حضاري

الناس كسرت خوفها

استجابت

كل دي مكاسب

نبني عليها

مش نيأس

معاكي بدعي يا رب

يا رب

يا رب

[fatfouta]

ثلاثون ألف شخص فى الاسكندريه بين سيدى جابر الى نصف شارع بورسعيد والامن يفقد السيطره على الوضع ويقوم باختطاف الناس فى أطراف المظاهره

[Om Zayd]

يا رب ارزقهم الصمود و الوعي

يا رب انر البصائر

اعنا يا معين

[doha]

تصدقوا متابعة اخبار المظاهرات على النت الذ من متابعتها في الواقع .. بتحسسك ان في حاجه بجد

عن نفسي في المحلة دلوقت وحادفه ودني على الشباك من الصبح بس للاسف مسمعتش حاجه خالص .. بيقولوا في النت ان المظاهرات في شارع البحر بالنسبة لي في السبع بنات ومفيش حاجه عندنا ـ ولا الهوا ـ معرفش الوضع ايه في الاماكن التانية ..

اتصلت بمراسلنا في طنطا والي وصيته يقف يصور لي من البلكونه .. سمعني الاصوات بتاعت المظاهرات وواضح ان العدد كان كبير .. أفاد بان في حشود كتير في الشارع ( عادي زي مظاهرات تانيه قبل كده حضرتها من البلكونة برضه ) وقال انهم حاولوا يقتحموا مبنى الحزب الوطني بس بعدين سابوه في حاله ..

من الطريف انه وهو بيصور تفاجأ بالمتظاهرين كلهم بيبصوا له وبيتهتفوا ( انزل .. انزل ) قبل مايكملوا هتافاتهم ضد النظام ..

بيقول برضه ان مجموعه من المتظاهرين كانت بتهتف (( الشعب المصري فين )) وتفاجأ بان عساكر امن مركزي واقفين على الجانب التاني ( بيرقصوا ) على نغمه الهتاف !!

اتصلت بمراسلتي في طنطا وساكنه في مكان تاني ( بطرس ) اسألها عن الوضع عندها فافادت بان مفيش حاجه خالص ومكانش عندها فكرة ان في مظاهرات من اساس .. يبدوا ان المظاهرات برضه زي المحلة كانت محصورة في شارع البحر .

عموما اتصلت بمراسلنا منذ قليل فافاد بأن المظاهرة انفضت خلاص والناس روحت ..

ظريف والله الناس دي باين عليها اتسلت زي الكرنفال واكتر خاصه والكل اجمع ان في تعليمات واضحه على مايبدوا للامن بعدم التعرض للمتظاهرين .

معرفش الوضع كده عندي انا بس والامن مستتب في شارعنا وشوارع قرايبنا في طنطا ولا نفس الشي بالنسبة لمدن مصر الاخرى ؟ ياريت المحاوراتية الي في مصر والاسكندرية والمدن الرئيسيه يقولولنا شافوا ايه النهرده والوضع عندهم ازاي .. الوضع من الشباك وعلى ناصية الشارع مش من الجزيرة او النت .

يا مدام ضحي يشهد الله اني بحترمك جدا جدا وبحب اقرا دايما مشاركاتك

بس المرة دي واضح لكنة السخرية اللي تقريبا لا في وقتها ولا محلها اكيد غالبا كلامك بيقول مفيش حاجة بتحصل اومال كل الفيديوهات والصور دي منين والناس اللي لسه بتتوافد علي ميدان التحرير

حتي لو محصلش حاجة والناس خرجت وطلعت الغضب اللي في صدرها كفاية اوي ان الرسالة تكون وصلت والفترة اللي جاية مين عارف يمكن ربنا يكرمنا والاوضاع تكون احسن

لا ياسيدي الفاضل والله مابسخر انا بقول الحقيقة زي ماشيفاها بالظبط من قلب الحدث ..

من ناحية ان العدد كبير ايوه الي شاف قالي العدد كبير وسمعت الصوت صوت ناس كتير بس برضه دي مش اول مرة عندي تصوير لمظاهرة تانيه حضرتها قبل كده وصورتها وكان العدد كبير جدا وسادد الشارع كله والامن حاصرهم وكل حاجه والناس روحت بعدها .. يعني من ناحية العدد فزي كل مرة .. ده بالنسبة لطنطا .. اما بالنسبة للمحلة فزي ماقلت فعلا مشفتش حاجه بس كنت امينة في نقلي وذكرت اني مش ساكنة في الشارع الي قالوا هيبقى فيه التجمع وفي نفس الوقت مخرجتش النهرده .. بس ده الي حصل

من ناحية ان في مظاهرات في ميدان التحرير وتجمهر فانا متاكده من ده واكيد الصور مبتكدبش .. لكن بقية المدن المصرية والشوارع ده الي سألت المصريين الي عايشين في مصر عنه .. هل انتم زيي مش حاسين بحاجه غير من التلفزيون ولا عندكم مظاهرات زي الي في ميدان التحرير ؟؟

مش عارفه ليه مش شايفه مشاركه واحده من الصبح بتقول حاجه حية من الشارع .. كله بينقل من مواقع النت والاخبار .. هو المصريين كلهم هاجروا ولا ايه ؟؟

يجوز لسه مرجعوش من المظاهرات وانا لوحدي الي قاعده على النت ( ايوه دلوقت تقدر تعتبرني بتريق ) ..

[م تيمور المراغي]

متظاهرين جدد يتوافدون من كوبري قصر النيل وصت هتافات الترحيب من المعتصمين في ميدان التحرير ,,

الحمد لله المظاهره الى الان متحضره ومشرفه لم يحدث تخريب او تدمير للممتلكات العامه ,,

[امير مجروح]

doha انت بصراحة بتحبيطينا.....

فينيك يابشمهندس...

تم تعديل 25 يناير 2011 بواسطة امير مجروح

[رضوي]

يا رضوى الناس خرجت تتظاهر بشكل حضاري

الناس كسرت خوفها

استجابت

كل دي مكاسب

نبني عليها

مش نيأس

معاكي بدعي يا رب

يا رب

يا رب

طبعاً مكسب اننا خرجنا

بس ياجماعة الاحبااااااااااااااااااااط

خايفة من الاحباط

خايفة ماننجحش المرة دي ................. يارب اكتبلنا النصر

يارب انصرنا علي القوم الكافرين

يارب نقدر المرة دي ........... يارب

[لماضة مصرية جدا]

تصدقوا متابعة اخبار المظاهرات على النت الذ من متابعتها في الواقع .. بتحسسك ان في حاجه بجد

عن نفسي في المحلة دلوقت وحادفه ودني على الشباك من الصبح بس للاسف مسمعتش حاجه خالص .. بيقولوا في النت ان المظاهرات في شارع البحر بالنسبة لي في السبع بنات ومفيش حاجه عندنا ـ ولا الهوا ـ معرفش الوضع ايه في الاماكن التانية ..

اتصلت بمراسلنا في طنطا والي وصيته يقف يصور لي من البلكونه .. سمعني الاصوات بتاعت المظاهرات وواضح ان العدد كان كبير .. أفاد بان في حشود كتير في الشارع ( عادي زي مظاهرات تانيه قبل كده حضرتها من البلكونة برضه ) وقال انهم حاولوا يقتحموا مبنى الحزب الوطني بس بعدين سابوه في حاله ..

من الطريف انه وهو بيصور تفاجأ بالمتظاهرين كلهم بيبصوا له وبيتهتفوا ( انزل .. انزل ) قبل مايكملوا هتافاتهم ضد النظام ..

بيقول برضه ان مجموعه من المتظاهرين كانت بتهتف (( الشعب المصري فين )) وتفاجأ بان عساكر امن مركزي واقفين على الجانب التاني ( بيرقصوا ) على نغمه الهتاف !!

اتصلت بمراسلتي في طنطا وساكنه في مكان تاني ( بطرس ) اسألها عن الوضع عندها فافادت بان مفيش حاجه خالص ومكانش عندها فكرة ان في مظاهرات من اساس .. يبدوا ان المظاهرات برضه زي المحلة كانت محصورة في شارع البحر .

عموما اتصلت بمراسلنا منذ قليل فافاد بأن المظاهرة انفضت خلاص والناس روحت ..

ظريف والله الناس دي باين عليها اتسلت زي الكرنفال واكتر خاصه والكل اجمع ان في تعليمات واضحه على مايبدوا للامن بعدم التعرض للمتظاهرين .

معرفش الوضع كده عندي انا بس والامن مستتب في شارعنا وشوارع قرايبنا في طنطا ولا نفس الشي بالنسبة لمدن مصر الاخرى ؟ ياريت المحاوراتية الي في مصر والاسكندرية والمدن الرئيسيه يقولولنا شافوا ايه النهرده والوضع عندهم ازاي .. الوضع من الشباك وعلى ناصية الشارع مش من الجزيرة او النت .

يا مدام ضحي يشهد الله اني بحترمك جدا جدا وبحب اقرا دايما مشاركاتك

بس المرة دي واضح لكنة السخرية اللي تقريبا لا في وقتها ولا محلها اكيد غالبا كلامك بيقول مفيش حاجة بتحصل اومال كل الفيديوهات والصور دي منين والناس اللي لسه بتتوافد علي ميدان التحرير

حتي لو محصلش حاجة والناس خرجت وطلعت الغضب اللي في صدرها كفاية اوي ان الرسالة تكون وصلت والفترة اللي جاية مين عارف يمكن ربنا يكرمنا والاوضاع تكون احسن

لا ياسيدي الفاضل والله مابسخر انا بقول الحقيقة زي ماشيفاها بالظبط من قلب الحدث ..

من ناحية ان العدد كبير ايوه الي شاف قالي العدد كبير وسمعت الصوت صوت ناس كتير بس برضه دي مش اول مرة عندي تصوير لمظاهرة تانيه حضرتها قبل كده وصورتها وكان العدد كبير جدا وسادد الشارع كله والامن حاصرهم وكل حاجه والناس روحت بعدها .. يعني من ناحية العدد فزي كل مرة .. ده بالنسبة لطنطا .. اما بالنسبة للمحلة فزي ماقلت فعلا مشفتش حاجه بس كنت امينة في نقلي وذكرت اني مش ساكنة في الشارع الي قالوا هيبقى فيه التجمع وفي نفس الوقت مخرجتش النهرده .. بس ده الي حصل

من ناحية ان في مظاهرات في ميدان التحرير وتجمهر فانا متاكده من ده واكيد الصور مبتكدبش .. لكن بقية المدن المصرية والشوارع ده الي سألت المصريين الي عايشين في مصر عنه .. هل انتم زيي مش حاسين بحاجه غير من التلفزيون ولا عندكم مظاهرات زي الي في ميدان التحرير ؟؟

مش عارفه ليه مش شايفه مشاركه واحده من الصبح بتقول حاجه حية من الشارع .. كله بينقل من مواقع النت والاخبار .. هو المصريين كلهم هاجروا ولا ايه ؟؟

يجوز لسه مرجعوش من المظاهرات وانا لوحدي الي قاعده على النت ( ايوه دلوقت تقدر تعتبرني بتريق ) ..

السلام عليكم و رحمة الله و بركاته

أول مرة استخدم البوينت الحمرا....و آسفة اني بستخدمها مع حضرتك....تحديدا

استاذتي....حضرتك في وقت العقل و المنطق فعلا نورتي لينا زوايا كتيرة في التفكير

و ده لما كنا قاعدين بنحلل و بنفكر و بنقيم الامور

لكن دلوقتي.....مبقاش ينفع نقعد نحلل تاني

اه

كل واحد فينا قاعد ع النت....بس اقل واجب ان حتي الدعم المعنوي للناس اللي في الشارع و اللي في ميدان التحرير و اللي مش عارفين هيحصل فيهم ايه

دلوقتي.....حتي و احنا ع النت.....نقدر نتجمع....علي دعمهم.....بكلمة تشجيع....خلاص اللي نزل نزل....و مش هينفع نضرب علي ايده و نقوله متعملشي كده تاني

تقبلي احترامي....و اعتذاري

[عبير يونس]

الحركة دي لو فشلت بجد الناس هيصيبها الاحباط الشديد

وتبقي كدة بتنهي كل أمل لينا في التغيير

يارب سلم يارب

يا بنتي ابوس ايدك بلاش الخوف من الفشل دلوقتي

شوية تفاؤل و يقين أن ربنا مش حيخذلنا

حتنجح حتنجح حتنجح

خلاص المخاض في آخره

و وصلنا للحظة اللا عودة

[se_ Elsyed]

وكيل وزارة الصحة في السويس : وفاة إثنين من المواطنين المشاركين في المظاهرات .... والسبب

أ أ أ أ

هو اللي بيقول كده

هو دكتور وشغال في الحكومة طبعاً

والسبب

أ أ أ .. لسه بيتهته

وبعدين قال

إصابة بمقذوف ... بس مش عارف إيه هو

تفتكروا في كائنات من المريخ نزلت وضربتهم بمقذوف ؟

إنا لله وإنا إليه راجعون

اللهم صبر اهاليهم .. وأسكن هؤلاء الموتى فسيح جناته

[se_ Elsyed]

"علي الدين هلال": 30 ألف فقط شاركوا فى المظاهرات من أصل 80 مليونا

اللهم أعمي أبصارهم

أسامه سرايا صفرا على الحياة اليوم : اللي طلعوا كلهم 10 الاف في القاهرة .. وباقي المحاظفات كللللللللللللها 10 الاف

والحزب الوطني نفسه ممكن يطلع 10 مليون من المؤيدين له وينزلوا الشارع

واللي بيحصل ده إبتزاز سياسي من بعض الجماعات

هي الناس دي عندها أولاد كبار وممكن الواد يقول له : إنت عبيط قوي يا بابا وأنا هاتبرا منك ؟

باتكلم جد والله

[لماضة مصرية جدا]

ميدان التحرير دلوقتي

[doha]

doha انت بصراحة بتحبيطينا.....

فينيك يابشمهندس...

بصراحه تعليقك في منتهى الغرابة ..

يعني هو المفروض ان الناس تقول الي يبسط وخلاص ولا تقول الحقيقة ؟؟

يعني اكذب واعمل زي الي نشر صورة على النت لواحده ست ( بتدلدل ) جردل تجيب فيه الطلبات معلقا عليها بان الستات بيرشوا مية من البلكونات على العساكر متجاهل ابسط حقيقة فيزيائية ان الي عاوز ( يدلق ) مية بيكبها مش يدليها بالحبل ..

ياسيدي الفاضل عمر الحقيقة ماتحبط او تزعل .. مقلتش ان مفيش مظاهرات بالعكس في مظاهرة والعدد فيها كبير بس للامانة كل ده طبيعي وزي كل مرة .. الخلاصه مفيش جديد عن كل مرة الهم الا المشاهد المنقولة من مجمع التحرير دي الي مختلفة شويه عن السابق اما في طنطا والمحلة فمفيش جديد وده قلته من مواقع مشاهدتي واني عايشه في البلد مش قاعده اتابع من خلف الشاشه ..

متاكده ان الي بتنقله الفضائيات من مشاهد حاصل فعلا ومتاكده ان في ناس خرجت وسمعتهم بنفسي .. لكن متاكده برضه ان في مبالغه جامده جدا وتهويل ولو لاحظت كل الاخبار المبشرة والي تحسسك ان الوضع غير عادي المره دي كلها تعليقات من النت معليهاش اي دليل.. قال مصدر امني .. صرح مصدر مسؤول .. يحدث الآن كذا .. كله كلام مرسل مفيش اي دليل ..

طلبت رأي الناس التانية الي معايا في مصر ولغايه دلوقت منتظرة تعليقهم ..

يجوز خايفين يحبطوكم هم كمان وانتم متصورين اننا تحولنا لتونس الي شفناها في التلفزيون .. لكن الاحباط الحقيقي مش هيبقى من كلامي ولا كلام غيري الاحباط الحقيقي لما تصحوا بكرا ولا بعده وتقروا الكلام الحماسي الي انكتب النهرده وتلاقوا ان مفيش حاجه حصلت ..

مبقولش متفرحوش .. بالعكس افرحوا وهيصوا .. بس متتحمسوش زياده عن اللزوم وتسرحوا باحلامكم لان الواقع مختلف (قليلا ) عما تشاهدونه على شاشات التلفزيون ..

عارفه ان كلامي ممكن يزعل ناس كتير بس صدقوني مش هيزعل منه غير حد عايش في الاحلام عاوز الي يطبطب عليه وبس ويوهمه بالي نفسه يسمعه حتى لو مش حقيقي .. لو حد منصف وعاوز يعرف الحقيقة فين عمره ماهيتضايق لو سمع كلام مخالف لما يظنه ..

وعموما ربنا يخيب ظني واطلع غلطانه .. واهو بكرا من النهرده مش بعيد ..

[م تيمور المراغي]

مش فاضل لنا غير حاجه واحده بس

النفس الطويل ,,

يارب الهم النشطاء العزيمه

زي ماقال سعد بن ابي وقاص ,, النصر صبر ساعه ,,

[جبار سينج]

يا جماعه يعنى معلقتوش على اوةل شهيد فى السويس