25 يناير ... موعد المصريين (1)

[امير مجروح]

لقاء مفيد فوزى مع الحيوان حبيب العادلى على الاولى المصرية

http://www.egytv.net/watchnow.aspx

[raouf]

مدام ضحى

عايزة تشوفى الشارع ؟

وايه اللى بيحصل ؟

ده اللى بيحصل فى القاهرة الان اضغطى الرابط واسمعى وشوفى

http://www.ustream.tv/channel/cairodowntown#utm_campaign=flive&utm_source=1&utm_medium=

My link

[م تيمور المراغي]

..............

وعموما ربنا يخيب ظني واطلع غلطانه .. واهو بكرا من النهرده مش بعيد ..

انا كنت مستني و عارف معدنك الاصيل من الاول خالص مدام ضحى ,,

ان شاء الله يكون نشطاء مصر عند حسن ظننا بهم ,,

[Om Zayd]

وكيل وزارة الصحة في السويس : وفاة إثنين من المواطنين المشاركين في المظاهرات .... والسبب

أ أ أ أ

هو اللي بيقول كده

هو دكتور وشغال في الحكومة طبعاً

والسبب

أ أ أ .. لسه بيتهته

وبعدين قال

إصابة بمقذوف ... بس مش عارف إيه هو

تفتكروا في كائنات من المريخ نزلت وضربتهم بمقذوف ؟

إنا لله وإنا إليه راجعون

اللهم صبر اهاليهم .. وأسكن هؤلاء الموتى فسيح جناته

يا رب ارحمهم

و انتقم من قاتلهم

و صبر أهاليهم

[م تيمور المراغي]

شبكة رصد عاجل

مؤكد / د.هشام الشناوي ..وكيل وزارة الصحة بالسويس

يؤكد وفاة شابان

سليمان صابر علي 31 سنه

مصطفي رجب عبد الفتاح 20 سنة

شبكة رصد عاجل : المتظاهرون فى ميدان التحرير

سندخل فى اعتصام مفتوح

والشباب يلقون الخطب الدينية

لتثبيت المتظاهرين فى اماكنهم

[رضوي]

تصدقوا متابعة اخبار المظاهرات على النت الذ من متابعتها في الواقع .. بتحسسك ان في حاجه بجد

عن نفسي في المحلة دلوقت وحادفه ودني على الشباك من الصبح بس للاسف مسمعتش حاجه خالص .. بيقولوا في النت ان المظاهرات في شارع البحر بالنسبة لي في السبع بنات ومفيش حاجه عندنا ـ ولا الهوا ـ معرفش الوضع ايه في الاماكن التانية ..

اتصلت بمراسلنا في طنطا والي وصيته يقف يصور لي من البلكونه .. سمعني الاصوات بتاعت المظاهرات وواضح ان العدد كان كبير .. أفاد بان في حشود كتير في الشارع ( عادي زي مظاهرات تانيه قبل كده حضرتها من البلكونة برضه ) وقال انهم حاولوا يقتحموا مبنى الحزب الوطني بس بعدين سابوه في حاله ..

من الطريف انه وهو بيصور تفاجأ بالمتظاهرين كلهم بيبصوا له وبيتهتفوا ( انزل .. انزل ) قبل مايكملوا هتافاتهم ضد النظام ..

بيقول برضه ان مجموعه من المتظاهرين كانت بتهتف (( الشعب المصري فين )) وتفاجأ بان عساكر امن مركزي واقفين على الجانب التاني ( بيرقصوا ) على نغمه الهتاف !!

اتصلت بمراسلتي في طنطا وساكنه في مكان تاني ( بطرس ) اسألها عن الوضع عندها فافادت بان مفيش حاجه خالص ومكانش عندها فكرة ان في مظاهرات من اساس .. يبدوا ان المظاهرات برضه زي المحلة كانت محصورة في شارع البحر .

عموما اتصلت بمراسلنا منذ قليل فافاد بأن المظاهرة انفضت خلاص والناس روحت ..

ظريف والله الناس دي باين عليها اتسلت زي الكرنفال واكتر خاصه والكل اجمع ان في تعليمات واضحه على مايبدوا للامن بعدم التعرض للمتظاهرين .

معرفش الوضع كده عندي انا بس والامن مستتب في شارعنا وشوارع قرايبنا في طنطا ولا نفس الشي بالنسبة لمدن مصر الاخرى ؟ ياريت المحاوراتية الي في مصر والاسكندرية والمدن الرئيسيه يقولولنا شافوا ايه النهرده والوضع عندهم ازاي .. الوضع من الشباك وعلى ناصية الشارع مش من الجزيرة او النت .

يا مدام ضحي يشهد الله اني بحترمك جدا جدا وبحب اقرا دايما مشاركاتك

بس المرة دي واضح لكنة السخرية اللي تقريبا لا في وقتها ولا محلها اكيد غالبا كلامك بيقول مفيش حاجة بتحصل اومال كل الفيديوهات والصور دي منين والناس اللي لسه بتتوافد علي ميدان التحرير

حتي لو محصلش حاجة والناس خرجت وطلعت الغضب اللي في صدرها كفاية اوي ان الرسالة تكون وصلت والفترة اللي جاية مين عارف يمكن ربنا يكرمنا والاوضاع تكون احسن

لا ياسيدي الفاضل والله مابسخر انا بقول الحقيقة زي ماشيفاها بالظبط من قلب الحدث ..

من ناحية ان العدد كبير ايوه الي شاف قالي العدد كبير وسمعت الصوت صوت ناس كتير بس برضه دي مش اول مرة عندي تصوير لمظاهرة تانيه حضرتها قبل كده وصورتها وكان العدد كبير جدا وسادد الشارع كله والامن حاصرهم وكل حاجه والناس روحت بعدها .. يعني من ناحية العدد فزي كل مرة .. ده بالنسبة لطنطا .. اما بالنسبة للمحلة فزي ماقلت فعلا مشفتش حاجه بس كنت امينة في نقلي وذكرت اني مش ساكنة في الشارع الي قالوا هيبقى فيه التجمع وفي نفس الوقت مخرجتش النهرده .. بس ده الي حصل

من ناحية ان في مظاهرات في ميدان التحرير وتجمهر فانا متاكده من ده واكيد الصور مبتكدبش .. لكن بقية المدن المصرية والشوارع ده الي سألت المصريين الي عايشين في مصر عنه .. هل انتم زيي مش حاسين بحاجه غير من التلفزيون ولا عندكم مظاهرات زي الي في ميدان التحرير ؟؟

مش عارفه ليه مش شايفه مشاركه واحده من الصبح بتقول حاجه حية من الشارع .. كله بينقل من مواقع النت والاخبار .. هو المصريين كلهم هاجروا ولا ايه ؟؟

يجوز لسه مرجعوش من المظاهرات وانا لوحدي الي قاعده على النت ( ايوه دلوقت تقدر تعتبرني بتريق ) ..

العزيزة علي قلبي جدا ضحى

صدقيني كلنا واقفين ونفسنا نعرف حاجة

انا اتكلمت النهاردة مع اقاربي اللي في الشرقية ........... وسمعت بنفسي صوت المظاهرات ووصفولي ان الاعداد ماشاء الله كبيرة

عندي في القاهرة تحديدا في المكان اللي بعيش فيه الدنيا هادية

لان المكان هنا مش في وسط البلد ................ المظاهرات كلها في وسط القاهرة .............. والدنيا مقفولة

جت لحظة حسيت ان مافيش حاجة بتحصل ........ وان الانترنت بيزودها

وكنت هتجنن من التليفزيون

لكن لما يطلع انباء فعلا عن وجود متظاهرين وفي مناطق متفرقة في انحاء الجمهورية يبقى لازم اصدق .............. لأني عارفة التعتيم الاعلامي

جامعة القاهرة واللي بيكون يومياً قدامها مش اقل من 6 عربيات شرطة

النهاردة الساعة 3 مافيش غير 3 عربيات ؟؟؟؟؟؟؟؟؟؟

طيب والباقي فين في يوم زي دة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اكيد دة مثير للانتباه

ع العموم لسة هنعرف ونشوف ............ بس اكيد مش هنعرف من الجرايد والتليفزيون

[raouf]

اذا استمرت المظاهرات الى غدا فقط وبعد سقوط 3 قتلى اصبح لا يوجد مكان للرجوع ونقدر نقول والله وعملوها الرجالة

من غدا سيبدأ انضمام طلبة الجامعات ودول قوة فوق العادية

ربنا يعدى الايام الجاية على خير

[aimen]

http://www.youtube.com/watch?v=e33twJ9hZxM&feature=player_embedded

الناس فى طنطا

[aimen]

الفيوم

http://www.youtube.com/watch?v=t68CfweiAR4

[aimen]

[رضوي]

ياجماعة

حالاً ولايف ......... من احدى صديقاتي في موقع الحدث

الدنيا مقلوبة في وسط البلد ومصر كلها في ميدان التحرير

ياااااااااااااارب

الدنيا بجد مقلوبة جداً

صحبتي بتقولي اللي بيحصل لايوصف

هي في وسط البلد .......... بيتها في قلب الحدث

[aimen]

جاليرى لصور اليوم

مدونة زنوبيا

[ozoozo]

http://www.ustream.tv/channel/egypt-15jan#utm_campaign=twitter.com&utm_source=6936113&utm_medium=social

[se_ Elsyed]

لو إستمرت المظاهرات للغد .. فستضطر الحكومة لإلغاء الدراسة ..

لإن الطلبة هما كمان مشحونين ....

الأمن يحمد ربنا إن النهاردة كانت إجازة رسمية

صمت تام ومطبق من الحكومة ....

واتوقع هاتكون ردود الأفعال تنحصر في تخفيض سعر اللحمة وتوفير أنابيب الغاز

على أساس إن دول هما المطالب الأساسية للشعب المصري اللي همه على بطنه

كغباء معتاد منهم يعني ...

النهاردة وفي عز الضهر وفي ميدان التحرير كانت الهتافات المدوية بتقول " حسني بمبارك يا مفلسنا .. قول عملت إيه بفلوسنا "

كفايه بقى 30 سنة هو في إيه ؟

[Om Zayd]

سؤال بسيط لاعلامنا اللطيف

قوات الأمن "اضطرت" لمواجهة المتظاهرين بعد العصر لزيادة حدة التظاهر

!!!!!!!!!!!!!!!!!!

ايه بالضبط اللي عملوه المتظاهرين و عكر العلاقة مع قوات الأمن؟؟؟؟؟؟؟

[رضوي]

الحركة دي لو فشلت بجد الناس هيصيبها الاحباط الشديد

وتبقي كدة بتنهي كل أمل لينا في التغيير

يارب سلم يارب

يا بنتي ابوس ايدك بلاش الخوف من الفشل دلوقتي

شوية تفاؤل و يقين أن ربنا مش حيخذلنا

حتنجح حتنجح حتنجح

خلاص المخاض في آخره

و وصلنا للحظة اللا عودة

زي اللي داخل الامتحان يامصرية

بيبقى خايف من جواه الامتحان ييجي صعب

زي اللي بيقف ويترافع في قضية .............. بيبقى خايف يفشل وبيقول اللهم ثبت اقدامنا

انا كمان بقول

اللهم ثبت اقدامنا

اللهم انصرنا

اللهم بارك في شباب امتك الابية

ياااااااارب ........... كل المصريين قلقانين دلوقتي

كلنا عايزين ننجح

[امير مجروح]

يتم اذاعة لقاء مفيد فوزى والحيوان حبيب العادلى على القناة الاولى والمصرية الفضائية وقطع البث المباشر للقناة الثانية الى بيكون دلوقتى ميعاد مصر النهاردة ..

الغريبة ان قناة المصرية الفضائية المفروض بتكون بتذيع مع الثانية فى نفس الوقت برنامج مصر النهارده ..

البرنامج للاسف مين فيه دلوقتى الجبان تامر امين والجبان خيرى رمضان قال ايه بتريقوا على الى بيحصل وبيقولوا ده ارهاب

الله يلعنهم فى كل كتاب.........

[Simba]

سؤال بسيط لاعلامنا اللطيف

قوات الأمن "اضطرت" لمواجهة المتظاهرين بعد العصر لزيادة حدة التظاهر

!!!!!!!!!!!!!!!!!!

ايه بالضبط اللي عملوه المتظاهرين و عكر العلاقة مع قوات الأمن؟؟؟؟؟؟؟

هما بيقولوا الاخوان اندست وبعتت رسائل قصيرة منظمة وكان وجودها بغرض التخريب

[aimen]

http://www.youtube.com/watch?v=Uc000YDVY5o

يارب

يكون ال مبارك هم القادمون

يارب انصرنا

يارب انصرنا

واحفظ شبابنا واهلنا

يارب

[aimen]

سؤال بسيط لاعلامنا اللطيف

قوات الأمن "اضطرت" لمواجهة المتظاهرين بعد العصر لزيادة حدة التظاهر

!!!!!!!!!!!!!!!!!!

ايه بالضبط اللي عملوه المتظاهرين و عكر العلاقة مع قوات الأمن؟؟؟؟؟؟؟

هما بيقولوا الاخوان اندست وبعتت رسائل قصيرة منظمة وكان وجودها بغرض التخريب

قوات الأمن مارست عمايلها القذرة وبتخطف فى الناس اللى على الأطراف

فطبيعى الناس تثور وتهيج