25 يناير ... موعد المصريين (2)

[fatfouta]

شبكة رصد...إنطلاق مظاهرة ضخمة بمدينة شبين الكوم مسقط رأس الرئيس مبارك

[King TUT]

الأمن كان يعتقل المصابين بالمستشفيات

على لسان أحد مصابي مظاهرات يوم الغضب

[اغابي]

الإخوان رداً على بيان الداخلية: لم نشارك في مظاهرات ميدان التحرير

[fatfouta]

عن مصراوى

كتب – سامي مجدي:

اجتاحت شوارع القاهرة والمحافظات المختلفة يوم الثلاثاء جموع من المتظاهرين الذين استجابوا لدعوة الخروج للتعبير عن احتجاجهم وغضبهم من الأوضاع السياسية والاقتصادية والاجتماعية في يوم اسموه ''يوم الغضب''.

واكتظت الشوارع بالمتظاهرين الذين اشتكوا في نهاية اليوم مع قوات الأمن مما أسفر عن وقوع ثلاثة قتلى وعشرات المصابين من الجانبين. حيث لقي شخصين من المتظاهرين مصرعهم في محافظة السويس فيما لفظ أحد جنود الأمن المركزي انفاسه الأخيرة متأثراً بجراحه في القاهرة.

واستخدمت قوات الأمن القنابل المسيلة للدموع والرصاص الحي في بعض المناطق لتفريق المتظاهرين الذين هاجموا رجال الأمن المركزي وطاردوهم وقذفوهم بالحجارة، وعملت قوات الأمن في القاهرة على غلق كافة المنافذ المؤدية لوسط القاهرة وبخاصة ميدان التحرير وميدان لاظوغلي حيث تقع وزارة الداخلية المكان الذي حددته القوى السياسية لتجمع المتظاهرين في القاهرة.

وردد المتظاهرون الهتافات المناهضة للنظام الحاكم وللرئيس حسني مبارك والسياسيات التي تتبعها الحكومات المتعاقبة على مدى عهده. وما يزال المتظاهرون معتصمون في ميدان التحرير حتى يستجيب النظام لمطالبهم المتمثلة في إصلاح سياسي واجتماعي واقتصادي.

[fatfouta]

الإخوان رداً على بيان الداخلية: لم نشارك في مظاهرات ميدان التحرير

طب واشمعنى التركيز عالإخوان بس يعنى وحتى لو ماشاركوش....طب هى فين الاحزاب اللى شاركت؟؟؟؟؟؟؟؟؟

[لماضة مصرية جدا]

الناس اللي منزلتش لازم تفهم عشان محدش يضحك عليها: المظاهرة كانت سلمية جدا الشباب كانوا واقفين يتكلموا ويضحكوا مع الضباط .. كان فيه شباب بتنضف التحرير من الزبالة والله شفتهم بعيني .. الأمن فجأة وصلهم قرار العادلي وضربوا الناس بعشرات القنابل المسيلة للدموع والرصاص المطاطي فالناس ثارت وبدأت بضربهم وتكسير عربياتهم

من جروب...كلنا خالد سعيد

[لماضة مصرية جدا]

من الفيس بوك....الجزيرة قناه غير محترمة قامت بعملية مقايضة مع النظام المصري ولم تقم بواجبتها نحو الشعب المصري في التعبير عن رأية ولم تقم بتغطية الاحداث كما يجب كان من قبل لو نملة اتحركت في مصر كانت الجزيرة معها دلوقتي ولا حس ولا خبر

حسبنا الله ونعم الوكيل في كل العملاء

قريت الخبر دوت امبارح

شخصيا شايفة تغطية الجزيرة كويسة

الناس كانوا بث مباشر...و بيتحققوا من الخبر قبل نقله

و ممكن يكون الخبر دوت....عشان يقطعوا اي وسيلة اتصال بين الناس و بين قناة زي الجزيرة

و خصوصا في ضوء الاخبار بتاعت حجب الفيس بوك وتويتر

[fatfouta]

عااااااااااجل....قامت المظاهرات الان فى رمسيس وجامعة عين شمس ودوران شبرا الرجاء على الجميع التوجه الى الاماكن المذكوره فورا دم الشهداء مش هيروح هدر

[King TUT]

راصد المنوفية

تواجد امني مكثف امام عمر افندي و عدد المتظاهرين في ازدياد

[اغابي]

يارب يحمى شبابك يا مصر

الفيديو داه مستفذ وضايقنى»

ربنا مع شبابنا - استحملو كتير اوى

تم تعديل 26 يناير 2011 بواسطة اغابي

[King TUT]

خطف 2 من طلبه كلية طب فى ميدان التحرير : أحمد زاهر - عمرو البخارى . بدون أى أسباب

[pink rose]

حتى في عز الازمة المصري دمه خفيف

متظاهر : لكل الناس اللى قالوا محدش نازل و مفيش حاجه هتحصل و ان دى ثوره جياع و الكلام ده !! احب اقولك خليك مستريح و احنا لامؤاخذه "هنغيرلك

[King TUT]

شبكة رصد المنصورة: مؤكد | الأمن يفض بداية التجمعات بالعنف بالبلطجية ، و اعتقال عشرة هناك ، وتم ضرب مراسلنا والإعتداء عليه

[لماضة مصرية جدا]

الإخوان رداً على بيان الداخلية: لم نشارك في مظاهرات ميدان التحرير

طب واشمعنى التركيز عالإخوان بس يعنى وحتى لو ماشاركوش....طب هى فين الاحزاب اللى شاركت؟؟؟؟؟؟؟؟؟

ع فكرة الاخوان طلعت البيان دوت عشان كان فيه تصريح من الداخلية بتحاول انها توحي ان ما حدث بالامس كان مجرد تجمع و اثارة للشغب...تحركه جماعة الاخوان "المحظورة"...و حركة كفاية و شباب 6 ابريل

ان جيتو للحق

ان مش عايزة اسمع اي حاجة لا من الاخوان و لا حزب الوفد...(اللي طلع امبارح يتكلم في مكتبه و سايبين الاس في الشوراع)

احنا عايزين نسمع صوت الناس...و ندعمهم علي اد ما نقدر....بالكلمة...بالدعاء

دولم مصرييييييين

اخوان بقي....يهود.....مسيحين.....مالهاشي لزمة....مصريين و خلاص

[fatfouta]

سحل المتظاهرين فى مدينه نصر ، والاهالى ينزلون من بيوتهم لمسانده الشباب ، والامن يعتقل أكثر من 20 متظاهر بميدان الساعه فى مدينه نصر .. حسب أحد الراصدين هناك

[King TUT]

ملاحظة : غسل الوجه بالكوكا كولا يزيل فورا مفعول القنابل المسيلة للدموع جرّبت في تونس حتى باتت قنابلهم بلا جدوى >> منقول

[fatfouta]

عاجل من الإسكندرية : انطلاق مسيرة بعد قليل من ميدان الساعه ومصادر تؤكد ان عدد المعتقلين فى الاسكندرية حتى الان بلغ 80 شخص ...

[King TUT]

عاجل / تجمعات أمام دار القضاء العالي تمهيدا لانطلاق تظاهرة كبيرة

[fatfouta]

شبكة رصد: البيت الابيض : يجب على مصر أن تستجيب للناس

[fatfouta]

إشتباكات في مدينة نصر بين الأمن والمتظاهرين ...و هتاف " معتصمين ..معتصمين هاتوا إخواتنا من الزنازين " يتردد بقوة