25 يناير ... موعد المصريين (2)

[Simba]

http://www.youtube.com/watch?v=527yso22KfA

[fatfouta]

R.N.N | شبكة رصد السويـــس - مؤكد : نفي مقتل الشيخ "حافظ سلامة" والذي قتل شبيه له بشكل كبير

تم تعديل 26 يناير 2011 بواسطة fatfouta

[جبار سينج]

شبكة رصد عاجل - شمال سيناء - غير مؤكد : جائنا اتصال من أحد المتظاهريــن ،يؤكد سيطرتهم على قسم شرطة "أبوزيد" ومقر أمـــن الدولة هنا

[جبار سينج]

شمال سيناء : تم تأكيــد خبر سيطرة المواطنين على مبنى أمن الدولة بالشيخ زويد وقسم شرطة هناك

[امير مجروح]

فعلا محمود سعد رفض ظهوره على مصر النهارده حتى لايرددكلام الحكومة....

والجبان الحقير تامر طلع على التلفزيون بيردد كلام كاتبنهولوا ....

اقسم بالله مقدرتش امسك اعصابى كنت حكسر التلفزيون..........

ده ايمله فى البرنامج هو حاليا معاه الجهاز يستقبل الرسائل...

يرت يا جماعة تنهالوا عليه بسيل من الرسائل........

tamer@masrelnahrda.net

[tarek hassan]

شوفوا منى الشاذلى

والله افضل مذيعة فى مصر

بتقول مش هادارى الحقيقة حتى لو اخر حلقة

شوفوا العاشرة مساءا

منى الشاذلى تستحق التحية

شبكة رصد منى الشاذلي: القيادات السياسية بتعليماتها التي تحسبنا في الستينات سوف تجبر الاعلاميين جميعا على رفض العمل

لم أعد أثق في القنوات الخاصة المصرية بسبب الضغوط التي عليها وهي الآن تتحدث خسائر البوصة بسبب الأحداث وأنا أرفض تحميل المتظاهرين أي مشئولية فكل المسئولية ملقاة على الحكومة

[engmido]

المهم بعد ده كله نجيب نتيجة

واذا ربنا سهل وجبنا نتيجة ..منرجعش نقلب على بعض

ربنا يستر على مصر ....بلد الامن والامان...ربنا يديمه عليكى

[fatfouta]

25 يناير يوم الثورة على التعذيب والفقر والفساد والبطالة لحظااات فى تاريخ السويس الأن يهتف اكثر من 20 الف متظاهر ((كلنا ايد واحده .. كلنا مع بعض .. حسنى مبارك .. هنجيبه الارض..)

[امير مجروح]

ياااااااااارب احمى اهالينا المصرين وانصرهم فى السويس وفى القاهرة وفى كل مكان يارب..

[fatfouta]

الدستور...

منى الشاذلي في برنامج العاشرة مساء تطالب عقلاء الإعلام بعدم الضغط على الإعلاميين حتى لا يفعلوا مثل محمود سعد..وتؤكد أنها تحدثت شخصيا مع محمود سعد وقال لها إنه في إجازة مفتوحة.. وأن حلقة اليوم من برنامجها ربما تكون الأخيرة

[ComingSoon]

اخر التطورات

الجزيرة : مقتل (استشهاد) اثنين في اشتباكات بمنطقة وكالة البلح والاشتباكات مازالت مستمرة

تأكد الان ان خبر استشهاد الشيخ حافظ سلامة (قائد المقاومة الشعبية) غير صحيح وانه مازال مع المتظاهرين في السويس

[fatfouta]

يناير يوم الثورة على التعذيب والفقر والفساد والبطالة الجموع تهتف ب السويس فى صوت يرج المحافظه ((هنغيرها يامبارك .. والطياره ف انتظارك)

[Om Zayd]

النظام مصر على تخريب البلد

زي واحد كان مأجر شقة و العقد قرب يخلص .. او بالاحرى .. خلص

و اصحاب الشقة عايزين يخرجوه

باع العفش .. باع البلاط

و مش هاين عليه يسيبها سليمة.. بيخربها قبل ما يسيبها

ربنا يحمي مصر و المصريين

تم تعديل 26 يناير 2011 بواسطة Om Zayd

[tarek hassan]

الدستور...

منى الشاذلي في برنامج العاشرة مساء تطالب عقلاء الإعلام بعدم الضغط على الإعلاميين حتى لا يفعلوا مثل محمود سعد..وتؤكد أنها تحدثت شخصيا مع محمود سعد وقال لها إنه في إجازة مفتوحة.. وأن حلقة اليوم من برنامجها ربما تكون الأخيرة

تحية لأسامة الغزالي حرب ومجدي الجلاد ونقد لاذع للحكومة على تركها للأمن ليعالج قضايا سياسية وحده والأمن مجهد وبقاله يومين منامش ولم يعد يتحمل وقياداته بدأت تعبر عن ذلك

الحكومة خرساء والرئيس كأنه غائب عن الوعي وعن إدراك الموقف وكل السياسيين مش موجودين وتركوا الأمن وحده ولا أحد قادر على معرفة ما يمكن أن يقوله لأن الكلام خلص ولا يمكن رد هؤلاء بالكلام

تحية لأسامة الغزالي شخصية محترمة رغم محاولان منى الشاذلي للصق عملية الفوضى

الحل الأمنى لن يفيد

تم تعديل 26 يناير 2011 بواسطة tarek hassan

[Om Zayd]

هما ليه بيعملوا كده في السويس؟؟

[ComingSoon]

هما ليه بيعملوا كده في السويس؟؟

مش عارف ليه لما شوفت سؤالك وشوفت استغاثة في قناة الجزيرة انه يجري قتل عشوائي بالرصاص الحي في السويس الان

تذكرت مقولة البدري فرغلي وكان بيتكلم عن بورسعيد

ان كل المدن التي قاومت الاسرائليين يجري ازلالها بشكل منظم في هذا العهد

[fatfouta]

R.N.N | شبكة رصد شبكة الرصد تخترق التعتيم الاعلامى .. وتنشر فيديو لحرق البلطجيه مبنى حى الاربعين بالسويس منذ قليل

http://www.youtube.com/watch?v=8OsqN8kTPqE&feature=player_embedded

[fatfouta]

عاااااجل...ضابط شرطة يقول له لو العدد أصبح مليون لنخلع ملابسنا وننضم معكم فى المظاهرات .

[عبير يونس]

هما ليه بيعملوا كده في السويس؟؟

عشان من أجدع المصريين

اللي شاركوا في نصر اكتوبر

مكافآة على بسالتهم

و ردا للجميل

اتساءل بشدة

متى يرحل المحتل؟

دايما مؤمنة ان احساسنا بالظلم و القهر

بيكبر حجم الظالم و ينفخه أكتر

و مؤمنة كمان إن مواجهة الظلم بقوة

هي بمثابة رشق دبوس

في بالون الظلم الضخم

عشان كده متفائلة جدا جدا جدا

الدبوس اترشق خلاص

و سرعان ما سينفد الهواء لتسقط اشلاء البالون في مزبلة التاريخ

[fatfouta]

R.N.N | شبكة رصد القاهـــرة - مؤكد : إشتباكات عنيفة بين المواطنين والأمن أمام مبنى وزارة الخارجيــة ، و الإعلام يتداول الخبر