25 يناير ... موعد المصريين (2)

[لونا]

يا رب احفظ بلدنا

يا رب احفظ شباب مصر الرجالة بصحيح

يا رب ولي علينا خيارنا

يا رب انصرنا على من ظلمنا و سرقنا و أفسد بلادنا

آمييين

[ابو محمود]

الى كل اخواننا الثوار في لمظاهرات استخدمو الاسبراي الاسود او البويا لتغطية زجاج السيارات المصفحة لتشلو حركتها

وسيلة بسيطة وغير صعبة ونتيجتها أن شاء اللة مبهرة

الله أكبر عاشت مصر

[الغريب]

انا لسة راجع من المظاهرة، تعبان جدا و عندى برد من المية اللى رشوها علينا ، ده كله مش مهم ، اللى شفته لازم يتحكى ، و يتنقل بين الناس كمان.

...

انا مش هاكتب بالفصحى، مافيش حيل.

اللى شفته النهاردة كان سلسلة من المفاجآت العظيمة ، العظيمة بجد.

المفاجأة الاولى: عدد الناس كان كبير جدا زى ما شفتوا على التليفزيون ، كله كان فاكر انه رايح لوحده ، و الباقى كالعادة قاعد فى البيت ، بس لأ، مش ده اللى حصل.

المفاجأة التانية ان معظمهم شباب، و فرافير، بتوع الفيسبوك ، شكلهم يدل على راحة مادية نسبيا ، وناس كتير من مهن كتير، شفت زملاء فى الكلية ماشفتهمش من عشر سنين فى المظاهرة دى ، غريبة ان دول اللى نزلوا مع انهم فى معظم الاحوال مش مطحونين أوى زى بقية الناس.

المفاجأة الثالثة: على الرغم من ان معظم الناس شباب بس كان فيه كبار و ستات فى الخمسينات و ما شيين على مهلهم كده، و مش قليلين ، كتار، و كان فيه ناس ماشيين بولادهم.

المفاجأة الرابعة، كان فيه بنات معانا ، أو عشان أكون دقيق كانوا اكتر مننا فى الجروب بتاعنا ، و بنات فرافير من اللى تشوفهم فى الشارع تقول دول متربيين فى شرنقة دهب ، و مايعدوش الشارع لوحدهم ، بس ايه رجالة ، و جدعان ، بنات بس رجالة ، مش عارف ازاى.

المفاجأة الخامسة، كنا خايفين على البنات ان حد يتحرش بيهم ، ما حدش ، كله كان محترم ، و خايف عليهم اكتر مننا ، ده دليل ان التحرشات اللى بتحصل من مدسوسين من الداخلية.

المفاجأة السادسة: ما فيش عنف، خالص خالص ، و لما ناس بدأوا يهاجموا عربيات الامن المركزى اللى رشوا علينا مية، بدا كله يهتف: سلمية، سلمية ، سلمية.

المفاجأه السابعة: لما و صل الاعتصام التحرير و قعدنا فى التحرير، فيه ناس بعد كده بدأوا ينظفوا الميدان من المخلفات عشان الناس تعرف اننا متحضرين.

المفاجأة الثامنة: بصيت على الحتة اللى كنت فيها فى الميدان لقيتها نضفت فعلا!

المفاجأة التاسعة: بنت معانا ماكنتش اعرفها بتحلف بالمصحف و بالنبى عرفت انها مسيحية ، الغريب انه مابانش!!! ليه؟ عشان كلنا بنحب بلدنا و بنهتف عشان تبقى احسن ، فما بانتش الفروق الطفيفة دى.

المفاجأة العاشرة: مقدار النشوة و الفخرة و انت يتهتف باسم مصر باعلى صوتك "مصر...تصفيق قوى..مصر...تصفيق فوى"، البلد اللى المفروض انه وطنك، و بتحلم طول عمرك انك تعيش فيه بقية عمرك، من غير ما حد يتهمك أو تتهم نفسك بالعاطفية و الحمق ، أخيرا بتعلن انك بتحبه ، ومن غير خجل.

المش مفاجأة الحادية عشر: فى و سط الخوف و القلق من اللى ممكن يعمله الامن ، تبص للسما و تهتف مع عشرين أو تلاتين الف و تقول الله أكبر و ياااااااارب، و تطمن ، لانك نصرته ، فهو أكيد هاينصرك، وقد فعل و له الحمد و الشكر.

المفاجأة الثانية عشر: جميل منظر الناس و هم فى وسط ده كله يتجمعوا و يصلوا جماعة.

المفاجأة الثالثة عشر: شباب مصر شباب زى الفل، من غير مبالغة، و بكل ما فى الكلمة من معان: شهم، جدع، بيحب بلده، واعى و فاهم جدا ، وربنا فى قلبه.

المفاجأة الرابعة عشر: أقوى هتافات كانت بتجمع الناس كانت هى الموجهة لمبارك ، و النظام ، الشباب فاهمة أوى و عارفة فين المشكلة ، الهتافات التانية ماكانتش بتلاقى نفس الحماس.

المفاجأة اخامسة عشر: شفنا ابراهيم عيسى و الناس بتشيلوا على الاكتاف، و حبهم ليه ظاهر وواضح، و قابلت نوارة نجم، و سلمت عليها، و كانت مدمعة من الفرحة من جمال و بهاء اللى شايفاه، فعلا، المحترم محترم فى كل حاجة ، و اللى بيرضى ربنا مش نفسه، ربنا بيديله كتير ، كتير أوى.

المفاجأة السادسة عشر: احنا بفضل الله خيطنا الجيزة، و كل ما يحاولوا يوقفونا يلاقوا العدد كبير و يفتحوا، مصطفى محمود، شارع جامعة الدزل ذهابا و ايابا، البطل احمد عبد العزيز ، ميدان الدقى، ، شارع التحرير، الاوبرا، ميدان التحرير..

كتير كنت باحس انى خايف و مش عابز اتضر، بس مافبش خيار آخر، ده باطل و ظلم ، ولازم نحاربه، ربنا أمرنا اننا نحاربه ، لانه مش خالقنا اعتباطا، لو كان خالقنا عشان نعبده و نستمتع بنعمه، و خلاص، يبقى فين الفايدة ، ربنا خالقنا عشان نعمر الارض، و نستعمل نعمه فى ان احنا نحارب الظالمين و ننشر العدل، و هو قالنا من الاول ، عمرك و رزقك بايدى مش بايد حد تانى ، انطلق انت بأه ولا يهمك.

اكسر خوفك و انضم للي بيدافعوا عن الحق ، مسلمين أو مسيحيين، مش بتحلم ان ولادنا يكبروا فى وطن؟ يكون همهم اختراع كبير بيعملوه فى جامعة محترمة، أو كتاب معقد بيألفوه، بدل ما احنا مستهلكين فى العيشة و اللى عايشينها، و الشغل التافه اللى كلنا بنعمله، ايوه تافه، انت يا الا دكتور عارف انك اتعلمت اى كلام و بتوع بره احسن منك بمراحل او مهندس زيي ما يحلمش انه يعمل شىء معقد، كل اللى بيعمله اتعمل قبل كده خمسين مره مع فرق التفاصيل الغير مهمة، و لو عايز فلوس اشتغل فى البيع واللا التسويق ، أوتلاقيك بتعلم فى جامعة و عارف ان اللى بتعلمه مضى زمنه و حتى لو كان كورس كويس انت متأكد ان تلاميذك مش هايشتغلوا بربعه، لانهم هايتخرجوا يشتغلوا فى الكلام الفاضى اللى احنا بنشتغل فيه (ده لو اشتغلوا)، ما عندناش ناسا و لا هارفارد و لا كليفلاند و لا ام أى تى، انسى. انا لما بابص لابنى اللى عنده شهر بافكر لو ربيته كويس هل ينتهى زيى، مشغول بالقرف اللى بيحصل، و غالبا هاينضم لاى حركة، عشان يطلع الغل اللى جواه، و الله أعلم ايه اللى هايحصله، يا الا اربيه أى كلام فيطلع حرامى أو حزب وطنى، يا الا يسافر و اشوفه كل سنة مرة ، يا الا اتكل على الله و احاول انى اصلحله البلد.

الاخبار ان الامن فض الناس فى ميدان التحرير، ما اعرفش ايه اللى هايحصل بكره أو بعده أو بعد شهر، الناس دى زينا ، بيتظاهروا عشان الظلم بيوجع ، و بيئلم، فيه ناس ماتت ، و فيه ناس اعتقلت و لسة هايكملوا ، عشان الحرية و الكرامة طعمهم جميييييييييييييييل ، روح خليك معاهم، خليك مع الحق ، سواء فى ميدان التحرير، أو فى أى حته فى المستقبل، ما تنساش ان كله بايد رب العالمين، رزقك و صحتك و عمرك، و لو ما كانش اللى ماتوا فى المظاهرات ماتوا شهداء النهاردة، كانوا برضه هايموتوا فى نفس المعاد فى حادثة هابلة، أو أى حاجة من الحاجات اللى بتموت الناس فى مصر لاتفه الاسباب.

المفاجأة الاخيرة، نسيت أقولها معلش: مصر بلد محترمة شعبها حى و بينتفض عشان كرامته، و ظهر على الجزيرة أخيرا و هو بيصرخ و يقول ،وش كده من غير لف ولا دوران: الشعب...يريد...اسقاااط النظام.

[hOuSsAm]

شكرن يا غريب عالرسالة

بس هى الناس روحت ولا لسه موجودين فى التحرير

انا مش عارف اوصل لاى حاجة جديدة

ربنا يكون معاهم ويوفقهم

ولو لحد كدة يشكروا اوى....... بس نطمح فى المزيد

[aimen]

http://www.youtube.com/watch?v=NBmXFDKuMKY

[م تيمور المراغي]

كلنا خالد سعيد :

إضراب عام في كل مصر يوم الأربعاء والخميس .. المظاهرات تستمر في كل المحافظات والشباب تنزل تاني وتالت ورابع .. ايه معنى إن الناس تشتغل وتقبض 250 و 350 جنيه؟ إيه معنى إنك تعيش بدون كرامة ولا حرية ولا ديموقراطية؟ إيه معنى إنك تعيش خايف من الأمن المركزي ومرعوب من أمن الدولة ومحروم من حقوقك ..

[عنبو]

والله لن ننسى كل من ضحى بنفسه او وقته .......الخ فى سبيل ان يقول كلمة حق عند سلطان جائر

والله لن ننسى شهداء السويس

والله لن ننسى حراس السلطه فى يوما من الايام حتما سظهر الحق وان طال انتظاره

والله لن ننسى شيوخ السطله وقساوسة السلطه فى يوما من الايام حتما سيظهر الحق وان طال انتظاره

وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ إِنَّمَا يُؤَخِّرُهُمْ لِيَوْمٍ تَشْخَصُ فِيهِ الْأَبْصَارُ

[الغريب]

[الغريب]

[م تيمور المراغي]

.N | شبكة رصد عاجل | حركة شباب 6 أبريل

علي الجميع التوجه لميدان التحرير مره اخري المتظاهرين نجحوا في السيطرة عليه مره اخري | الشعب يريد اسقاط النظام

[م تيمور المراغي]

http://www.youtube.com/watch?v=TYkBuh13iSk

[م تيمور المراغي]

Remarkable Scenes at Cairo Protests - BBC News

http://www.youtube.com/watch?v=VEmfp-AyJco&feature=player_embedded

[الغريب]

[akramgroup]

فعلا لو الموضوع اتكرر انهارده بنفس طريقة امبارح يبقى لازم الحكومه المتغطرسه دى تعمل اى حاجه

مش معقول ده تحدى سافر من الحكومه اللى هي المفروض شغاله عند الشعب

ولاهو نظام احنا قاعدين على قلبكم مهما حصل

يارب ينصر المظلومين

[akramgroup]

عن ابن عباس ، عن النبي صلى الله عليه وسلم ، قال :

« كلمات الفرج : لا إله إلا الله الحليم الكريم ، لا إله إلا الله العلي العظيم ،

لا إله إلا الله رب السماوات السبع ورب العرش الكريم »

ياجماعة لازم الدعاء لازم الدعاء

اللهم انصرنا وثبت اقدامنا

تم تعديل 26 يناير 2011 بواسطة akramgroup

[م تيمور المراغي]

شبكة رصد متوقفه بشكل غير طبيعي منذ ما يزيد عن 40 دقيقه ,,

موقع حركة شباب 6 ابريل الرسمي لا يعمل http://www.6april.org/

[pink rose]

شبكة رصد متوقفه بشكل غير طبيعي منذ ما يزيد عن 40 دقيقه ,,

موقع حركة شباب 6 ابريل الرسمي لا يعمل http://www.6april.org/

انا كمان ملاحظة كده

[الغريب]

[raouf]

خدوا يا شباب ده بديل رصد الاقوى الان

http://www.facebook.com/pages/jrnaljy-alfys-bwk/103924046345039

My link

اكثروا من الدعاء لنصرة الحق

اتمنى ان يكون بيان جبهة كبار العلماء السند لنا ان شاء الله

يا رب

يارب

يا رب

[الغريب]

شبكة رصد متوقفه بشكل غير طبيعي منذ ما يزيد عن 40 دقيقه ,,

موقع حركة شباب 6 ابريل الرسمي لا يعمل http://www.6april.org/

انا كمان ملاحظة كده

تابعوا على جرنالجي الفيس بوك