25 يناير ... موعد المصريين (2)

[raouf]

مؤشر حديد عز ينخفض الى اكثر من الحد المسموح 10% ووقف التداول عليه

طبعا اللى يعرف البورصة المصرية يعرف ان معظم اسهم حديد عز مع الحيتان الكبار وده معناه انهم بيبيعوا ماركت للهروب

[لماضة مصرية جدا]

مسعد لبو فجر علي الفيسبوك :

الى بدو سيناء،

طلائع الشعب المصري تعيد ترتيب صفوفها،

اعملوا واصبروا وصابروا،

اقتربت الساعة،

اريد ان يعرف العالم كله، ان مسعد ابو فجر لم يكن سوى فاصلة، في نص طويل..

[لماضة مصرية جدا]

القاهرة تتحول إلى ثكنة عسكرية ،

ومكاتب القيادات تنتقل للشارع على شكل كرفانات ،

القاهرة ملوثة بالدخان الأسود ، وبالزي الأسود للأمن

-----------------------------

حملة اعتقالات عشوائية: الأمن يلقي القبض على سائح وعسكري شرطة ونحو 200 متظاهر

كان عندك حق يا استاذي س س

منتهي الغباء....الناس بتتلم كده عاطل علي باطل

[لماضة مصرية جدا]

عاجل :

محامون وحقوقيون يتقدمون ببلاغ للنائب العام للافراج الفوري عن 220 معتقلا في احداث الانتفاضة الشعبية امس

استكمالا للخبر

عاجل : القوي السياسية تشارك في تقديم البلاغ للنائب العام وعلي رأسهم حمدي قنديل و عبدالجليل مصطفي و نور الهدي زكي ويحيي حسين وكريمة الحفناويa

تم تعديل 26 يناير 2011 بواسطة لماضة مصرية جدا

[se_ Elsyed]

كده بخ

الداخلية خلصت أجازتها أمبارح وقلبوا عالوش التاني

بيان من الداخلية بمنع التظاهر أو التجمعات أو اي شكل من اشكال الأعتصامات .

والضرب هايبقى في المليان

هنا التحدي والتنظيم الصح

ربنا يستر

[دكتور عادل الليثي]

الغريبة أن فؤاد علام في برنامج العاشرة مساء كان أفضل المتحدثين من ثلاثة ... عندما كان السؤال ماذا يجب أن يفعل صاحب القرار بعد هذه المظاهرات الكبيرة

ركز علاء عضو مجلس الشعب السابق على حل مجلس الشعب وكان واضح أنه يغني على ليلاه

أما ( دكتور ) كده من الحزب الوطني فكان يشغل الاسطوانة القديمة كأن شيء لم يحدث يوم 25 يناير

أما فؤاد علام وياللعجب .... فقال أنصح متخذ القرار بتشكيل لجنة من أساتذة القانون الدستوري وغيرهم من الشخصيات المشهود لها بالحياد ... وذلك لوضع دستور جديد .... وأن تكون الانتخابات حسب نظام القوائم لكي يكون هناك تمثيل مناسب لكل الأحزاب ..... وأن يصدر فورا قانون دور العبادة الموحد وكل القوانين التي تنهي هذه المسألة .... وكان يبني رأيه هذا على أن مصر مستهدفة ويجب اتخاذ كل الإجراءات التي تنهي كل التوترات

[لماضة مصرية جدا]

النداء ده كان ن امبارح وتم تجديده النهاردة

بيان جبهة علماء الأزهر بخصوص الثورة المصرية - أخرجوا حتى تدخلوا عليهم الباب

----------------------------------

وهذه مقتطفات من البيان

فليخرج كل قادر ليسمع الظالمين صوته، وليبرئ ذمته أمام الله تعالى الذي لا يقبل عذرا من مُخَذِّلٍ أو متخاذل في مثل تلك المواقف

...اخرجوا لتعذروا أولا إلى الله ، ثم لتعذروا ثانيا إلى العالم الذي يستشرفكم اليوم، ثم لتعذروا ثالثا إلى التاريخ الذي لا يغفل ولا يتغافل.

اخرجوا على نية الأخذ على يد الظالم قبل أن يخرج غيركم ممن لا يرقبون فيكم إلا ولا ذمة من ملاحدة وشيوعيين .

انفروا واخرجوا قبل أن يلعنكم التاريخ وتكونوا من الهالكين.

[abdulmuttaleb]

أنا والله متعجب جدا من الزملاء هنا

على فكرة المظاهرات في الفيسبوك دلوقتي الظاهر

فين الدخان الأسود اللي الناس بتقول عليه في القاهرة

أنا عايز بس أنبه إلى إن العالم الافتراضي الحالي هنا وعلى الفيسبوك غير موجود على الأرض

ملاحظة:

لماذا لم يطالب المتظاهرون بمنع التدخين أو الحد من حوادث الطرق؟

http://3ayezjob.blogspot.com/2011/01/2011.html

[لماضة مصرية جدا]

كده بخ

الداخلية خلصت أجازتها أمبارح وقلبوا عالوش التاني

بيان من الداخلية بمنع التظاهر أو التجمعات أو اي شكل من اشكال الأعتصامات .

والضرب هايبقى في المليان

هنا التحدي والتنظيم الصح

ربنا يستر

شباب مصر يقولون: موعد المظاهرة الساعة 2 في ميدان التحرير وإن لم يتح دخول الميدان والتجمع بسبب القوات الموجودة هناك يدعون الشباب للانتظار في الشوارع الجانبية حتى تدخل المظاهرة المكان

[الغريب]

الشرطة تطارد المتظاهرين فى عبد المنعم رياض ومحاصرة مسيرة الوايلى عند كوبرى غمرة ومسيرة تتجة من رمسيس

[لماضة مصرية جدا]

أنا والله متعجب جدا من الزملاء هنا

على فكرة المظاهرات في الفيسبوك دلوقتي الظاهر

فين الدخان الأسود اللي الناس بتقول عليه في القاهرة

أنا عايز بس أنبه إلى إن العالم الافتراضي الحالي هنا وعلى الفيسبوك غير موجود على الأرض

ملاحظة:

لماذا لم يطالب المتظاهرون بمنع التدخين أو الحد من حوادث الطرق؟

http://3ayezjob.blogspot.com/2011/01/2011.html

طيب استاذي احنا متابعين ع الفيس بوك لان مش سامعين اي صوت من مصر

و حتي الجرايد المصرية التغطية فيها ضعيفة

لو عند حضرتك اي اخبار نورنا بيها

بالنسبة لطلب حضرتك بموضوع منع التدخين و كده يعني....طب مش لما نبقي نحس ان احنا بني ادمين اصلا و بعد كده نبقي نشوف هنمارس حرية التدخين و لا ايه؟؟؟

هنتكلم تاني في الموضوع دوت....بسلما نشوف هل هيحصل تجمعات في مصر تاني و لا لا

لو عند حضرتك اخبار من فضلك وافينا بيها

[pink rose]

أنا والله متعجب جدا من الزملاء هنا

على فكرة المظاهرات في الفيسبوك دلوقتي الظاهر

فين الدخان الأسود اللي الناس بتقول عليه في القاهرة

أنا عايز بس أنبه إلى إن العالم الافتراضي الحالي هنا وعلى الفيسبوك غير موجود على الأرض

ملاحظة:

لماذا لم يطالب المتظاهرون بمنع التدخين أو الحد من حوادث الطرق؟

http://3ayezjob.blogspot.com/2011/01/2011.html

هو حضرتك فين في القاهرة؟؟؟؟؟؟؟؟؟

هو لازم المظاهرة تعدي من تحت بيت كل واحد عشان يتأكد ان في مظاهرات

حاجه عجيبة و الله

و يا ترى كمان اللي شوفناه امبارح في الجزيرة كان هو كمان في العالم الافتراضي

[se_ Elsyed]

أنا والله متعجب جدا من الزملاء هنا

على فكرة المظاهرات في الفيسبوك دلوقتي الظاهر

فين الدخان الأسود اللي الناس بتقول عليه في القاهرة

أنا عايز بس أنبه إلى إن العالم الافتراضي الحالي هنا وعلى الفيسبوك غير موجود على الأرض

ملاحظة:

لماذا لم يطالب المتظاهرون بمنع التدخين أو الحد من حوادث الطرق؟

http://3ayezjob.blogspot.com/2011/01/2011.html

يا أستاذنا العزيز كده غلط .. وإتباع أسلوب خالف تعرف لا يصلح في جميع الأحوال

تدخين إيه وتهريج إيه ؟

وهي ثورة 52 لما قامت .. ما حدش قال ليه هما ليه ما طالبوش بمنع التدخين الأول قبل ما يقولوا يسقط الفساد الملكي ؟

يعني تكون البلد كلها واقعه في مصيبة وشخص ديكتاتور رجعنا 100 سنة لورا وعاوز يجدد 6 سنوات تاني لحد ما يبقى موميا متحنطه وعنده 90 سنة ... ونطلع نقول لا للتدخين ؟

وفي تونس كانوا يسيبوا بن علي وعصابته يعيثوا في الأرض فساداً ويحارب الله والعباد ويطلعوا يقولوا أخص عليكو ياللي بتدخنوا ؟

يا أستاذنا هل الصور على جميع المواقع المحلية والعالمية كلها خيالية وفيرتشوال ؟

فين الدخان الأسود اللي الناس بتقول عليه في القاهرة

وهل ميدان التحرير أو شبرا أو رمسيس مش من القاهرة ؟

وهل اللقظات التي تُبث حيه على موقع البي بي سي والمصري اليوم والجزيرة من دولة تانية ؟

[لماضة مصرية جدا]

هبوط حاد في مؤشرات البورصه اليوم بعد أحداث يوم الغضب

ممكن حد يؤكدلنا الخبر دوت....!!!!

[لماضة مصرية جدا]

متظاهرون بأسيوط يعلنوا عن مظاهرة تبدأ الساعة الواحدة والنصف ظهرا

---------------------------

عــاجل : الإسكندرية، مؤكد/ جهات منظمة تعلن عن مظاهرات بعد الظهر عند القائد ابراهيم والساعه "الثانية" بالمنشية

تم تعديل 26 يناير 2011 بواسطة لماضة مصرية جدا

[se_ Elsyed]

هبوط حاد في مؤشرات البورصه اليوم بعد أحداث يوم الغضب

ممكن حد يؤكدلنا الخبر دوت....!!!!

ده مش هبوط حاد وبس

ده خراب بيوت مستعجل وكتر البيع أدى إلى شبه إنهيار تام واسعار راحت في الأرض والعملية بدأت من أسبوع ...

والاجانب بالذات بيهربوا برؤوس أموالهم

والحكومة نايمة وكأن اللي بيحصل ده في مجره أخرى

بالمناسبة : حد شاف أو سمع عن خيال مآته إسمه أحمد نظيف بيشتغل رئيس وزرا يعني الراجل التاني بعد الراجل الكوبارة كبير السن بتاعنا ؟

لعله خير .. هو سافر ولا إيه ظروفه ؟

[mohamedmohsen]

Here is south Korea stand beside the Egyptian people[

media]http://www.youtube.com/watch?v=k8e_4b-D6J8&feature=player_detailpage

[shiko]

هبوط حاد في مؤشرات البورصه اليوم بعد أحداث يوم الغضب

ممكن حد يؤكدلنا الخبر دوت....!!!!

Egyptian stocks tumbled the most since May after thousands took to the streets of Cairo and other cities yesterday in protests against the government of President Hosni Mubarak.

The benchmark EGX30 index slid 4.8 percent, the most since May 25, to 6,401.77 at 11:50 a.m. in Cairo, extending its decline this year to 10 percent. Egypt's market was shut for a holiday yesterday.

المصدر بلومبرج

http://www.bloomberg...government.html

تم تعديل 26 يناير 2011 بواسطة shiko

[لماضة مصرية جدا]

هبوط حاد في مؤشرات البورصه اليوم بعد أحداث يوم الغضب

ممكن حد يؤكدلنا الخبر دوت....!!!!

الخبر اتأكد من الجزيرة دلوقتي

[fatfouta]

الواشنطن بوست : النظام المصرى فقد استقراره