25 يناير ... موعد المصريين (14)

[aimen]

بلال فضل يكتب

الريس اتنحى ولا لأ؟

حاجة غريبة قوى اللى بيحصل دة ...11 يوم عدوا كلهم زى بعض مافيش جديد

تصحى الصبح تفتح عينيك تسأل نفس السؤال ...ها الريس اتنحى ولا لأ ؟

والأجابة : لا

ام عالطول السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك... ولسانك يستغفر ويدعى ان ربنا يعدى اليومين دول

على خير

تشغل التليفزيون شوية على قناة العربية وبعدين ال بى بى سى ...تلاقى ناس بتسب فى النظام والبلطجية وصورة مركزة على ميدان التحرير من بعيد وباين فيها ناس كتير وشريط اخبار ان المئات يتوافدون على الميدان علشان يوم مليونى جديد

اعصابك تبوظ ... وتقول دى قنوات عميله عايزة تشعللها ، لما اجيب التليفزيون المصرى علشان يطمنك شوية ( زى حنان الأم كدة) بس

قبل ما تحول تقول ...اشوف الجزيرة اشتغلت ولا لسه ...وانت متأكد ان الجزيرة مش هاتشوف النايل سات تانى

وتجيب المصرية ...صورة لناس مؤيدين للرئيس مبارك امام مبنى التليفزيون او فى ميدان مصطفى محمود

وطبعا الصورة من قريب علشان العدد قليل ومش عايزين يبينوا كدة ...فاديلوا كادر قريب

ونفس المذيع ونفس المذيعة ولسه بيناشدوا كل اللى عايز يطلع من ميدان التحرير ...كل اللى عايز يطلع يقف ويحط ايده اليمين على صدرة ويغمض عينه ويقول الحقنى الحقنى يابن الجنى ...واحنا هانبعتله العفريت ينقذة من الغابة واكلى لحوم البشر اللى فى الميدان

تهز دماغك تانى وتقول كلام قبيح ... وتقفل التليفزيون وتفتح النت ...ماهو رجع الحمد لله

وتفتح الفيسبوك (سبب المصايب، اعوذ بالله) اللى لو عم مارك زوكربيرج كان يعرف انه هايكون السبب في كل المصايب دى كان ولع

فى الكود بتاعه

وتبدأ تقرأ ال ستاتس بتاعة صحابك ...

غدا جمعة الخلاص 1

2 بكرة جمعة الأستقرار (وده طبعا واحد تعب من كتر ما بيتظاهر )و

3 سيبوا الريس بقى ماهوا ماشى ماشى ...اوف

4 هاطلع عين ام اللى مش نازل التحرير

5 الحب يأتى مره واحد فى العمر (وده طبعا واحد ماعملش ابديت لل ستاتس من ساعة ما قفلوا النت ) والحمد لله

6 هاطلع عين ام اللى هاينزل التحرير

7 ياجدعان بيقولوا ان فى شجر بيتكلم وديناصورات حوله بتأكل المتظاهريين فى التحرير

8 ما فيش حاجة اسمها حب فى الدنيا دى (ودى طبعا نفس حالة رقم 5 وغالبا بترد علية) و

9 هو الفيسبوك اشتغل عندكوا يا جدعان ( وده عيل ابن تيييييت ...غبى بيتعامل مع النت كأنه مية مقطوعة )و

10 يا احمد رد عليا ...بتحبنى ولا لأ ...قولى بسرعة قبل ما يقطعوا النت تانى

وفجأة تلاقى استاتس او كومنت يستفذك ...وتدق طبول الحرب فى ودنك ...هجوووووووووووووم

وتبدأ ترد وتنقد فى واحد نازل التحرير او واحد مش عاوز ينزل (حسب ميولك النهاردة) وتلم الناس علية علشان يشاركوا فى الحرب وتعملوا لايك لبعض لغاية لما يزهق ويسكت او يعمل نفسه اوف لاين لغاية لما يجيب رجالة وييجى

وشوية ويجيلك صورة من شبكة رصد او كلنا خالد سعيد ...والصورة واحدة من تلاتة

ميدان التحرير ....شهيد للمظاهرات ...صورة لحسنى مبارك

ومع الصورة 956 كومنت و 164 لايك

وتفتح الكومنت وتلاقى خناقة وناس بتشتم بعض ..فتشتم بدورك وتطلع اوتعمل لايك (برضه حسب ميولك النهاردة) وشوية وتزهق

وتيجى تقفل النت ..تلاقى صاحبك اللى كان عامل نفسة اوف لاين جاب رجالة ورجع تانى وبيقبحلك

وتشتموا بعض ..وبعدين تعتذروا ...وكل واحد يقول للتانى ..انت فهمتنى غلط ماكانش قصدى

وتقفل النت ...وتسأل تانى ..لسه ماتنحاش ...طب الناس اللى فى التحرير ما قلتشى ...

وأحمد شفيق يظهرلك فى كل القنوات ويحلف ...عليا الحرام من دينى وعزة جلالة الله الريس اتغير وعايز يصلح البلد اقبل مايمشى

ومذيع او صحفى غتيت يقولوا ...وايه اللى يضمنلى ...ويقترح ان حد ينزلهم التحرير

وشفيق يقول يا ريت

تقفل التليفزيون وتقول اوف ...لما انزل شوية ، وتبص ف الساعة وقلبك يقع فى رجليك ...الساعة بقت خمسة

الحظر جه ...الحظر جه

وعلى مزيكة ميشون امبوسيبل ...تتحول وتلبس وش الرجل الذئب ...وتطلع السكينة من تحت السرير وتنزل ع الشارع

تلعب دورك فى مهزلة اللجان الشعبية ... لحماية مصر من اللصوص والعصابات المتوحشة

ويجيلك واحد كل نص ساعة ويقولكوا ... "يا جدعان ، فى عربية هاتعدى دلوقتى فيها 3 معاهم سلاح وخاطفين نسوان ...خلى بالكوا " ثم يختفى ابن الحرام ولا يظهر الحرامية ولا حتى النسوان

وعينك تغفل ولما تيجى تأخد تعسيله ع السريع ...يطلع ابن الحرام تانى ..." يا جدعان ، جايين دلوقتى فى عربية فراخ وعملين نفسهم كتاكيت"

ولا تغيير ... لا العربية بتيجى ولا صوت لكتكوت واحد

والساعة تيجى تمانية الصبح ...تطلع تنام علشان

تصحى الصبح تفتح عينيك تسأل نفس السؤال ... ها الريس اتنحى ولا لأ ؟

والأجابة : لا

ام عالطول السؤال التانى : طيب الناس اللى فى التحرير روحوا

والأجابة : برضوا لا

تهز رأسك هزتين وتعض شفايفك وتأخذ طريقك للحمام علشان تغسل وشك...

وفى انتظار النهاية......

انقر هنا يا عم الحج

المقال مش لبلال فضل

دا لشاب غير معروف

اسمه شعـــراوى محمد

شعرواى محمد

لا اعتقد ان بلال فضل يكتب الكلام ده ابدا

[moory]

بلال فضل يكتب

الريس اتنحى ولا لأ؟

انقر هنا يا عم الحج

المقال مش لبلال فضل

دا لشاب غير معروف

اسمه شعـــراوى محمد

شعرواى محمد

لا اعتقد ان بلال فضل يكتب الكلام ده ابدا

هوا فعلا مكتوب في المصري اليوم ان الكاتب زي ما انت قولت

بس هوا انتشر على الفيس و باقي المنتديات ان المقاال لبلال فضل

حتى احد التعليقات بيقول فيها الراجل امبارح "يا بلبل"

شكرا يا افندم على التصحيح

[aimen]

يبدوا ان لسه ديل الكلب بيلعب

وبيعمل نفس الحركات القذرة

وبيحاول يشوه صور الناس ويعطى انطباع ان كل حاجه هادئة

بلال فضل لا يمكن ان يكتب ابدا مثل هذا الخطاب

لا امان لهذا النظام ابدا

[aimen]

أَمْ حَسِبْتُمْ أَن تَدْخُلُواْ الْجَنّةَ وَلَمّا يَأْتِكُم مّثَلُ الّذِينَ خَلَوْاْ مِن قَبْلِكُم مّسّتْهُمُ الْبَأْسَآءُ وَالضّرّآءُ وَزُلْزِلُواْ حَتّىَ يَقُولَ الرّسُولُ وَالّذِينَ آمَنُواْ مَعَهُ مَتَىَ نَصْرُ اللّهِ أَلآ إِنّ نَصْرَ اللّهِ قَرِيب

تم تعديل 7 فبراير 2011 بواسطة aimen

[moory]

إذا لم تنفذ الثورة مطالبها بأولوياتها

فلن يذكرها التاريخ على أنها ثورة

ولن يذكرنا التاريخ

ويسيظل التاريخ يذكر أن الرئيس استطاع التغلب بدهائه على الشعب، حتى لو كان مجرما خائنا و فاسدا

وستنقلب الطاولة على الثوار

وسنصبح نحن الخونة الذين حاولو قلب الحكم و إذاعة الفساد و إيذاء الأمن العام و الاقتصااد

[hOuSsAm]

من بعد الثورة ونظرة العالم تغيرت تجاه المصريين

احد شهود العيان عالفيديو الملحمى اللى كان على كوبرى اكتوبر وهو صديق غير مصرى لحظه السعيد كان متواجد فى فندق قريب جدا من كوبرى اكتوبر

اول تعليق انه الواقع مختلف تمام عن الفديو

قالى عمرى مشفت شجاعة او بسالة لحد زى المصريين اللى كانوا موجودين عالكوبرى

دخان كثيف بسبب الغاز المسيل للدموع

ومئات القانبل اللى انطلقت فى اتجاه الشباب وفى كل مرة واحد يمسكها ويرميها فى النيل

لحد مالشرطة استسلمت ومعرفتش تواجه الشباب لموا نفسيهم وركبوا الاتوبيسات الخاصة بيهم واحد ورا التانى وهربوا

اللى يضحك فى الموضوع كمان انهم كانوا رابطين حواجز حديد فى الاتوبيسات ومن لبختهم الاتوبيسات طلعت بالحواجز الحديد (كان سهل اوى اتوبيس يتقلب فيهم)

كان تحت الفندق الظباط والعساكر واقفين وكان معاملتهم الجافة القبيحة واضح اوى وزعيق وانت واقف هنا ليه امشى من هنا

وكانوا مانعيين على زوار الفندق التصوير او الويل له

قال بعد انتصار الشباب شاف الظباط والعساكر اللى كانوا نافخين نفسهم غيروا لبسهم الميرى باللبس العادى وانكمشوا

واكد لى كمان ان اللى عمل التخريبات والسرقات هما من داخل الشرطة (فينك يا اغابى اهو واحد لا يعرفنا ولا يعرفهم) قال كمان ان كان فيهم سين داخلى وتنظيم لحاجة معينة بس هو مكنش فاهم هما بيعملوا ايه

من الحجات الجميلة كمان انه راح كذا فندق فى المانيا وسويسرا وباريس كل ميدخل واحد يلاقيهم مشغلين الجزيرة مباشر فى اللوبى وكل الناس واقفة بتتفرج (الجزيرة فعلا كانت حيادية وليها مصداقية على مستوى العالم)

واتكلم كمان عن المظاهرات اللى كانت فى باريس وانها كانت ضخمة جدا وشارك فيها

يا سلام عليكى يا مصر لما العالم بيتغزلوا فيكى

[moory]

سؤال في ذهني،

هل من الممكن أن يكون سكوت الرئيس و ممطالته في الوقت مع علمه ان كل لحظة نتأخر فيها هيا تضر بالبلد من جميع النواحي،

الاقتصادية و المدنية و الاجتماعية..وأيضا العسكرية

هيا فخ تحاول معه أمريكا وضعنا فييه، و بالذات ان تقريبا أمريكا بتتكلم علينا و تصريحاتها اكثر من تصريحات مسؤولينا و ريسنا علينا

وهذا الفخ هو محاولة ادخال بعض القواعد العسكرية و التي تتمركز في مصر

الفخ ده وقعت فيه كذا دولة مسبقا، زي قطر و والقاعدة الامريكية العسكرية من ايام حرب الخليج

وحجة امريكا بتسلح العراق بأسلحة بيولوجية، و بعدها اعتذروا عن انه مجرد خطا في التقديرات؟!!!

[se_ Elsyed]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم تحرك مخطط ومحسوب

[moory]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم هجوم مخطط ومحسوب

معااك يا س س

لازم يبقى في ضغط أقوى على النظام،

هما زي ما انت قلت، يببلعبو بالوقت وان الناس هتزهق، ودي خبث منهم، لأن فعلا الشباب ممكن يتأثر بحاجة زي ده

وهما بيمارسو عليه ضغوطات كتير، من الاعلام و الناس المؤييدة الي بيصفوهم بالعملا،

ده غير البرد و الجو المتقلب الأيام دي في مصر

لازم ضغط قوي على الحكومة،

ولازم الضغط ده يكون بترتيب مع الخبرات من الثوار، سواء حركات او اخوان او معارضة،

الشباب لوحده مش كفاية عشان يعملو خطة للضغط على الحكومة<br><br>وبصراحة مع اني مش من مؤيدي البرادعي انو يبقى رئيس حتى ولو انتقالي<br>بس المرحلة الجاية محتاجاه و محتاجه اتصالاته و علاقاته الدولية<br>

تم تعديل 7 فبراير 2011 بواسطة moory

[wsadani]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم هجوم مخطط ومحسوب

معااك يا س س

لازم يبقى في ضغط أقوى على النظام،

هما زي ما انت قلت، يببلعبو بالوقت وان الناس هتزهق، ودي خبث منهم، لأن فعلا الشباب ممكن يتأثر بحاجة زي ده

وهما بيمارسو عليه ضغوطات كتير، من الاعلام و الناس المؤييدة الي بيصفوهم بالعملا،

ده غير البرد و الجو المتقلب الأيام دي في مصر

لازم ضغط قوي على الحكومة،

ولازم الضغط ده يكون بترتيب مع الخبرات من الثوار، سواء حركات او اخوان او معارضة،

الشباب لوحده مش كفاية عشان يعملو خطة للضغط على الحكومة

طيب سؤال احنا هنا فى محاورات المصريين ممكن نعمل حاجة تساعدهم أى حاجة فى إقتراحات ؟

[hOuSsAm]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم تحرك مخطط ومحسوب

طيب متقولنا كدة لو انت واقف النهاردة فى ميدان التحرير وحواليك 200 الف شاب متعرفش حد فيهم وكلهم من كافة الطوائف والفئات والاغلب لا ينتمون لاى حركات او احزاب

لكهم مجتمعين على استراتيجية واحدة وكلهم عارفينها لكن اهدافهم مختلفة

ايه الاليلة اللى بيها هيختاروا قائد ومين القائد المتوقع من وجهة نظرك حد يكون محنك وحكيم وخبير فى امور التفاوض

وهل فيه ضمان لعدم اختلاف هؤلاء الشباب فى الميدان؟

ياريت لو نساعدهم ونوصلهم الفكرة دى عشان فعلا يبداوا ياخدوا خطوات

[wsadani]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم هجوم مخطط ومحسوب

معااك يا س س

لازم يبقى في ضغط أقوى على النظام،

هما زي ما انت قلت، يببلعبو بالوقت وان الناس هتزهق، ودي خبث منهم، لأن فعلا الشباب ممكن يتأثر بحاجة زي ده

وهما بيمارسو عليه ضغوطات كتير، من الاعلام و الناس المؤييدة الي بيصفوهم بالعملا،

ده غير البرد و الجو المتقلب الأيام دي في مصر

لازم ضغط قوي على الحكومة،

ولازم الضغط ده يكون بترتيب مع الخبرات من الثوار، سواء حركات او اخوان او معارضة،

الشباب لوحده مش كفاية عشان يعملو خطة للضغط على الحكومة

طيب سؤال احنا هنا فى محاورات المصريين ممكن نعمل حاجة تساعدهم أى حاجة فى إقتراحات ؟

[se_ Elsyed]

طيب متقولنا كدة لو انت واقف النهاردة فى ميدان التحرير وحواليك 200 الف شاب متعرفش حد فيهم وكلهم من كافة الطوائف والفئات والاغلب لا ينتمون لاى حركات او احزاب

لكهم مجتمعين على استراتيجية واحدة وكلهم عارفينها لكن اهدافهم مختلفة

ايه الاليلة اللى بيها هيختاروا قائد ومين القائد المتوقع من وجهة نظرك حد يكون محنك وحكيم وخبير فى امور التفاوض

وهل فيه ضمان لعدم اختلاف هؤلاء الشباب فى الميدان؟

ياريت لو نساعدهم ونوصلهم الفكرة دى عشان فعلا يبداوا ياخدوا خطوات

لأ معليش يا حسام

الدنيا كده وأتبنت على كده

في قادة وهم قليلون

وفي تابعين وهم الكُثر

وكلمت تابع مش عيب على فكرة

يعني الثورة دي ما تفجرتش كده من نفسها .. لأ ده كان في منظمين .. وهم قلائل وبيتحكموا وبيوجههوا وبيعملوا كل علامات القيادة

وبالتأكيد هما عارفين بعض .. بالمناسبة سمعت إن النهاردة هايتم فيما بينهم إنتخاب قيادة موحده منتخبة

وأعتقد إن خروج رمز الثورة وائل غنيم .. بإذن الله النهاردة .. إن ما كانش إتنفخ وإتظبط وهايحتاج وقت طويل للعودة إنسان طبيعي

بإذن الله يبقى معاف وفي كامل قوته . ممكن هو اللي يعمل الكلام ده ويوحد الناس دي ... وإن ما كانش .. يبقى بالتأكيد في قيادات كانت بتساعده وموجدوة على الأرض الأن وهي أرض مازالت صلبة وفيها روح الثورة

أهم حاجه يبقى الشباب دول عندهم Vision

عشان ما تبقاش مسألة عِند وخلاص

والكلام ده لازم يتم الأن وبأسرع وقت ..

وبرضوا لازم مطالبهم تبقى مختصرة وواضحة .. وممكن يسيبوا آليات تنفيذها للقوى المعارضة المحترمة .. مش آحزاب المعارضة .. فرق كبيررررررررررررر

يعني هما مش هايتولوا تعديل الدستور مثلاً ؟

لكن لازم يُصروا على تنحي رأس الفساد ... والمطلب ده لو إتحقق أعتقد إنهم هايروحوا يناموا في بيوتهم مرتاحين

[الغريب]

قناص كلب من كلاب مبارك يصطاد الشباب المصري كالعصافير

حسبي الله ونعم الوكيل

http://www.youtube.com/watch?v=VqydgpyVNKY&feature=player_embedded#at=104

[moory]

لابد لكل من قام بالثورة الأن إنهم يتعاونوا جميعاً سواء 6 إبريل أو خالد سعيد أو كفايه .. لابد أن يعملوا لهم قيادة موحده ويتحركوا بسرعة في خطوات أخيرة لسقوط النظام

لإن النظام خبيث .. و 30 سنة خبرة .. والوقت في صالحهم وبينيموا الناس عشان الحيه ترجع تلعب براسها وديلها تاني ..

وحتى الأن لم أرى أي مكاسب ملموسة تحققت على الأرض

ماشي روح معنوية وحلويات واجندات

لكن مبارك موجود ... بل بالعكس بقى في 3 مبارك بنفس المواصفات وكإن تم إستنساخهم ( عمر سليمان حبيبه ونفس تفكيرة الجهنمي السلطوي ... وأحمد شفيق صديقه الأنتيم وعشرة عُمر بس على عبيط وبينفذ الأوامر كما يجب )

الحزب الوطني موجود .. وشالو ألدو جابو شاهين ..

الشرطة هاترجع أسوء مما قبل

الاحزاب طلعوا من البيات الشتوي وعاوزين مم وسبوبه عشان يرجعوا يناموا تاني

تقريباً الشباب الثائر المحترم قربوا يعزلوه ويخلوه يهرتل ويكاكي لوحده في ميدان التحرير وماحدش سامعه غير قناة الجزيرة ..

يبقى لازم هجوم مخطط ومحسوب

معااك يا س س

لازم يبقى في ضغط أقوى على النظام،

هما زي ما انت قلت، يببلعبو بالوقت وان الناس هتزهق، ودي خبث منهم، لأن فعلا الشباب ممكن يتأثر بحاجة زي ده

وهما بيمارسو عليه ضغوطات كتير، من الاعلام و الناس المؤييدة الي بيصفوهم بالعملا،

ده غير البرد و الجو المتقلب الأيام دي في مصر

لازم ضغط قوي على الحكومة،

ولازم الضغط ده يكون بترتيب مع الخبرات من الثوار، سواء حركات او اخوان او معارضة،

الشباب لوحده مش كفاية عشان يعملو خطة للضغط على الحكومة

طيب سؤال احنا هنا فى محاورات المصريين ممكن نعمل حاجة تساعدهم أى حاجة فى إقتراحات ؟

القوة هيا الحاجة الوحيدة الي هاتجبر هذا النظام على الرحيل

النهارده و بعد كل الفترة الي راحت، وبالذات بعد خطاب الرئيس الأخير قدر انو يقسم الناس في مصر ما بين مؤيد و معارض

و الاعلام دلوقتي بيحاول يحصر المعارضين بالناس الي في ميدان التحرير، عشان يقولو عنهم انهم مهما كترو فهم قلة لا تمثل الشعب

وفي ناس مش قليلين من الشعب المصري دلوقتي لو جيت سألته هايقولك كفاية كده، الناس دي اتكلمت و ووصلت، عايزين نشوف أكل عيشنا بقه..

فقدرو انهم يصوروا للرأي العام ان مش الشعب كلو عايز النظام يمشي الأن و فورا،

وبكده قدروا يضمنو ان الجيش مش هينفع يتدخل و يعزل الرئيس الأن، لأنها مش هاتكون الأغلبية

وفي نفس الوقت احنا كلنا مش عايزين أي تدخل خارجي علينا، حتى لو من منظمات دولية زي مجرمي الحرب او الانتربول، لأن دي غالبا بتبقى سكة غير مباشرة لدخول قوات كتيير خارجية و محاولة السيطرة و فرض الرأي..

القوة الحقيقية لأي ثورة هيا في الشعب، لازم الشعب كلو يلتف و يخرج و يتظاهر و يعتصم و يضرب..

لازم خطة كبييرة و منظمة لعمل هذا الاعتصام الشعبي

[امير مجروح]

المتظاهرون فى ميدان التحرير يؤدون صلاة الظهر وصلاة العصر تقديما

تم تعديل 7 فبراير 2011 بواسطة امير مجروح

[الغريب]

بالله عليكم هل نثق أن مثل هؤلاء أو بعض منهم سيقوم بتعديل الدستور كما نريد

http://www.youtube.com/watch?v=swJoa9EyoaI&feature=player_embedded#

[abdulmuttaleb]

مناقشة سيناريو تنحي الرئيس مبارك

http://www.youtube.com/watch?v=OPLeS0glzxg

[doha]

الخاطرة الأولى:

الإخوان المسلمون: أحييكم وأمنحكم الدرجة الكاملة في حسن انتهاز المواقف. وربما أقولها صريحة؛ الدرجة الكاملة في الانتهازية

عندما بدأت الدعوة لمظاهرات يوم 25 يناير أعلن الإخوان أنهم لن يشاركوا فيها لأنهم لا يشاركون في أمر ليس منظما بالدرجة الكافية.

مثلما أعلنوا سابقا أنهم لن يشاركوا في إضراب 6 أبريل.

وبعد أن نجح يوم 25 يناير ولأول مرة في اجتذاب أعداد كبرى من المواطنين ودعا المشاركون لجمعة الغضب.. دخل الإخوان لجمعة الغضب.

وبعد أن بدأ المعتصمون في البقاء على أرض الميدان دفع الإخوان بأعداد كبيرة منهم للبقاء في الصورة.

واليوم نجح الإخوان في جني الثمار... أجبروا الحكومة المصرية على إذاعة بيان لهم؛ أي أنهم انتزعوا اعترافا جبريا من الحكومة.

جنى الإخوان الثمار على حساب دماء 320 شهيد اعتقد أن لا أحد منهم ( أي من الشهداء ) ينتمي إلى الإخوان.

واليوم يقول الإخوان أنهم مع الحوار.. ولكنهم لن يتخلوا عن مطالب الشباب.

عذرا يا إخوان كنت في السابق أحترمكم كأشخاص وكجماعة. أما الآن فأنا أحترمكم كأشخاص ولكن لا أحترمكم كجماعة

ولكن أذكركم يا إخوان قبل الختام: لا تطمئنوا كثيرا للوعود.. فالمفترض أن خبرتكم مع النظام قد علمتكم أن لا وعد له.

اسمح لي اختلف معاك سيدي الفاضل ..

بغض النظر عن ارائنا الشخصية في جماعه الاخوان وبغض النظر عن تعاطي الاعلام معاها والي على مايبدوا تكراره لكلمه ( المحظورة ) بعد اسمها خلى نسبة كبيرة مننا تصدق انها محظورة بجد وتتجاهل حقيقة واقعية مينفعش ننكرها وهي ان الاخوان ـ مقارنة بغيرها من الحركات السياسية ـ هي الاكبر والاكثر تأثيرا على الاطلاق في الشارع المصري ..

البعض بيقول ان شعبية الاخوان لا تزيد عن 30% من اصوات الناخبين في اي انتخابات بحال .. بس لو فكرنا شويه هنلاقي ان مفيش اي حزب او حركة سياسية ممكن توصل لوحدها النسبة دي بدون تزوير ..

اضافة الى حقيقة اخرى وهي كون الاخوان اكثر "الاحزاب " تماسكا و ( تنظيما ) و ( مصداقية ) لدى اتباعها ..

في رايي انا الخاص فالاخوان رفضوا ( اعلان ) دعمهم للمظاهرات وانضمامهم لها في بدايتها لانهم لو عملوا كده كانوا هيفقدوا اعداد ضخمة جدا من الجماهير الي انضمت لها في بداياتها .. فمن جهة الاخوان كأقوى جماعه سياسية مؤثرة ( هتبلع ) المظاهرات وهينسب اي نجاح لها في الحالة دي لهم وبطبيعه الحال مفيش حزب او حركة تانيه ممكن تغامر وتشترك وتنزل ( بناسها ) في مظاهرة اعلنت الاخوان تبنيها لها من قبل قيامها .. مفيش حركه ( ستهدي ) حشودها لمظاهرات اخوانية ..

ومن جهة تانية الاخوان لهم تاريخ طويل في الاعتقالات والاضطهاد من النظام .. المواطن العادي ممكن جدا يؤيد الاخوان في سره .. طبيعي جدا يعطيهم صوته .. لكن هيتردد الف مرة قبل مايظهر في الصورة معاهم في تحرك سياسي وارد اوي انه يحسبه عليهم وبالتالي ( يحاسب ) امنيا عليه ..

واخيرا فظهور الاخوان في الصورة من البدايه كان هيمنع استمرار التظاهرات بل انه وحده كفيل ( باجهاضها من بدايتها ) كونها مش هتحصل على الدعم الدولي في حالة زي كده مع الاخوان ( كفزاعة ) النظام المستخدمه في وجه الغرب من قديم ..

الاخوان لم تنضم للتظاهرات غير بعد مالموضوع اخذ شكل "الثورة الشعبية " وخلاص اصبح له كيان واتعرف ان الاخوان مش هم القادة واطمئنت الاحزاب والحركات الاخرى لانها مش ( حركة اخوانية ) والاهم ان خلاص النظام اصبح لن يستطيع ادعاء ان الي بيحصل ده ( تمرد اخواني ) وبالتالي ضمنت التاييد الدولي كمان للي بيحصل ..

ونيجي لحقيقة تانيه صعب ننكرها وهي ان اكبر داعم ( لاستمرار ) الاحتجاجات كان انضمام جهتين .. الاخوان .. والبرادعي .. تأييد له ثقله على مستوى الشارع المصري وعلى المستوى الدولي كمان .. انضمام ( الكتلتين ) دول اعطى مصداقية وثقة للموضوع ويجوز يكون هو اكبر سبب خلاه يستمر لليوم ..

يجوز الاخوان مكانتش ظاهرة في الصورة بوضوح يوم 25 لكن اي حد خرج للمظاهرات او تابعها عن قرب ـ خاصه في الاقاليم ـ هيجمع ان القياده فيها كانت للاخوان .. مش بقول ابدا ان الناس الي طلعت من بيوتها للتظاهر دي خرجت عشان الاخوان .. بالعكس نهائيا .. ولكن الي كان بيهتف والي كان بيوجه الحشود والي كان بيشعل فتيل البدأ فيها كان دائما الوجوه الاخوانية الي المظاهرات من زمان ( لعبتها ) الي تمرست فيها ..

واخيرا فانضمام الاخوان لمائدة المفاوضات لايعطي اعترافا شرعيا بالجماعه فحسب وانما يضفي ايضا ( المصداقية ) على المفاوضات نفسها .. فتجاهل الاخوان بما يمثلونه من تيار يتبعه شريحة كبيرة من ( المعارضين ) يسقط الاهمية عن المفاوضات ووجودهم يعني شموليتها اكثر لكافة اطياف الشعب ..

الفرصة اتت للاخوان لاول مرة منذ حادثة المنشية .. لعبوها بذكائهم المعهود وبخبرتهم السياسية القديمه

انا معرفش المفاوضات هترسى على ايه ولكن الي اتوقعه ان الاخوان ـ زيهم زي غيرهم من الي هيجلس للتفاوض ـ

هياخذوا بالمثل القائل .." ان بيت ابوك خرب خذ لك منه قالب " ..

عموما لو شيء زي كده حصل فمش هيبقى ذنب الاخوان او غيرهم الي تنازعوا على القوالب وانما الذنب من البدايه على الي ( خرب البيت ) ..

[fatfouta]

قناص كلب من كلاب مبارك يصطاد الشباب المصري كالعصافير

حسبي الله ونعم الوكيل

http://www.youtube.com/watch?v=VqydgpyVNKY&feature=player_embedded#at=104

ودم دول كمان هيروح هدر؟؟؟؟ وهنسكت على كده؟؟؟

منهم لله حسبى الله ونعم الوكيل

كل يوم يطلعوا فيديو جديد لسفالة الشرطة والامن....والله لازم نطالب بمحاكمة حبيب العادلى ومبارك نفسه لاااااااااازم

هما بيعلموهم ايه فى كليه الشرطة؟؟؟ بيعلموهم السفالة والانتقام من الناس طيب الغلابة دول عملوا ايه عشان يتعمل فيهم كده

شوفتوا الفيديو كويس؟؟؟ الشباب جم يشيلوا اللى وقع فيهم قاموا قتلوهم هما كمان...يا الله..والله ما عارفة اقول ايه

حسبى الله ونعم الوكيل