25 يناير ... موعد المصريين (14)

[pink rose]

الكلام ده بيحصل في مصر...

http://www.facebook.com/video/video.php?v=1704171616057

هما بيضربوا المدرسة دي ليه بالشكل الفظيع دا؟

مع انهم كاتبين ان فيها 4 مجرمين بس مش كتير يعني

ليه الضرب بالذخيرة الثقيلة كأنها حرب

تم تعديل 7 فبراير 2011 بواسطة remo

[fatfouta]

تم تعديل 7 فبراير 2011 بواسطة fatfouta

[tarek hassan]

إن قوة الشباب والتكنولوجيا جعلت المصريين ينضجون ويقومون بثورتهم الحتمية، وهو ما أثبت أن النظام المصرى هو من كان يتألف من مجموعة أطفال».

روبرت فيسك كاتب بريطاني

أوافق على العبارة جزئيا

فقوة الشباب تحتاج إلى حكمة الكبار

لا ينبغي تهميش دور المثقفين الكبار

و القول بعنجهية ممجوجة أنهم على المعاش و لا يقدرون على إحداث التغيير

إن هذا الفكر الناكر للجميل لا خير فيه

المشكلة فقط هو أن البعض وليس الكل لم يقدم نموذجا طيبا للشباب فمن هؤلاء الكبار روءساء الأخزاب وشخصيات منها مثلا مصطفى بكري وكل من أراد التسلق على حساب جهادهم أو على حساب شهدائهم أوكل من زور مطالبهم وهؤلاء من يرفضهم الشباب والكبار وتهميشهم لا يختلف عليه أحد لا كبير ولا صغير لأن الكبير كبير بأفعاله وقوله المستقيم

أما من يساند مطالب الشباب الحقة من مفكرين كبار وعلماءومناضلين أمثال هيكل والقرضاوي وهويدي جورج أسحق وأمين اسكندر ومحمد عمارة وعبد الله الأشعل وزويل وكثيرون جدا قاموا بتظبيط إيقاع الثورة والتعبير الصادق عنها وتوعيتها وتشجيعها وبيان عدالة مطالبها أو الدعاء لها أو الالتحاق بها فعلا هي ثورة كل الشعب ولكن الشباب لهم فضل السبق ومش عيب لما نقول لولادنا أنتم الخير والأمل فيكم واحنا معاكم مساندين لأن المستقبل ليكم ولا نمن عليهم مهما فعلنا لهم من باب الأبوة والأمومة

جيلنا منهم من جاهد ومنهم من استشهد أو سجن ونتمنى جميعا أن نجني الثمرة على يد هؤلاء الشباب

تحياتي وشكرا

[fatfouta]

اليوم السابع || الفقى|| التليفزيون المصرى أفضل من قدم تغطية لأحداث 25 يناير

طب اذاااااااااى!!؟؟

[Ahmed Anwer]

الآن نشعر أن دم المصريين غالي

الناس اللى فى ميدان التحرير كل ما واحد يسألهم ياجماعه بلاش الرئيس يمشى يقولولك فى 300 شهيد .....طب سيبوه يكمل ولايته يقولولك فى 300 شهيد ....طب أحزاب المعارضه تروح تتفاوض يقولولك مالناش دعوه بيهم فى300 شهيد ....طب الريس عمل إصلاحات وغير الحكومه وهيعمل وهيعمل يقولولك فى 300 شهيد .....طب الريس لو وافق على كل مطالبكم هتروحوا بيوتكم يقولولك فى 300شهيد

هو دمنا غالى كده عند الناس دى

ياريت نفكر شويه قبل ما نحكم عليهم

منقووووووووووووووووول

[عنبو]

السلام عليكم ورحمة الله وبركاته

بالنسبه لموضوع اختيار قائد للثوره اعتقد ان الامر ده مش هيبقى فى مصلحة الثوره نهائيا

والنظام اكيد هيستغل الموضوع ده اسوأ استغلال

اولاً : هيعملوا حرب نفسيه على القائد وهيطلعوا فيه القطط الفطسانه

ثاتياً : ممكن يكون مدخل للشيطان بين الثوار ولو بنسبه ضيئله بس اهو ممكن يحصل

ثالثاً : ممكن النظام يقوم باعتقال القائد بسهوله او يستهدفوا القائد وده ممكن يؤثر بالسلب على الثوار

ارى ان لا يتم اختيار قائد للثوره وان الثوره للشعب

وان يتم بدل من اختيار قائد عمل مجموعات

مجموعه مسؤله عن التخطيط وابتكار اساليب يضغطوا بها على النظام

مجموعه مسؤله عن الاعلام ونشر اهداف الثوره لدى سبل الاعلام المختلفه

مجموعه مسؤله عن بث الحماس ورفع الروح المعنويه لدى الثوار

مجموعه مسؤله عن توفير احتياجات الثوار من اكل وشرب ......الخ

مجموعه مسؤله عن تأليف شعارات جديده للمرحله المقبله

مجموعه مسؤله عن معالجة الثوار ودى من الاطباء والصيادله الموجدين بالفعل

المجوعات دى بتشتغل وبتاخد رأى كل الناس

كده كل اللى فى الميدان مش هيشعر انه تابع او انه اقل من اى احد وهيعلى الروح المعنويه لدى الجميع

تحياتى

عنبو

تم تعديل 7 فبراير 2011 بواسطة عنبو

[Alattar]

اليوم السابع || الفقى|| التليفزيون المصرى أفضل من قدم تغطية لأحداث 25 يناير

طب اذاااااااااى!!؟؟

بصراحة مالكيش حق

الراجل عنده حق بصراحة

شوفي الجمال اللي التليفزيون جايبه

و أطفال بيلعبوا و حاجة آخر حلاوة

مش الزحمة و الهيصة دي

علي رأي أحد الأعضاء

الحاجة المتوقعه منهم في الفترة الجاية : انهم يقولوا ان ميدان التحرير ده أصلا مش في مصر

تم تعديل 7 فبراير 2011 بواسطة Alattar

[moory]

الكلام ده بيحصل في مصر...

http://www.facebook.com/video/video.php?v=1704171616057

هما بيضربوا المدرسة دي ليه بالشكل الفظيع دا؟

مع انهم كاتبين ان فيها 4 مجرمين بس مش كتير يعني

ليه الضرب بالذخيرة الثقيلة كأنها حرب

اكييد كانو مستخبيين جوا و مهددين أمن الناس في المنطقة

اتفرجي على الفيديو التاني (دوسي Prev) من فووق و اسمعي صووت ضرب الناار

فعلا مش مصدق

[moory]

يا جمااعة دي احصائية تقريبية معمولة عم بعض أرقام الثورة

ياريت الكل يقراها

http://www.facebook.com/note.php?note_id=492925221785&id=593545286

[fatfouta]

[Alattar]

رفعت السعيد: شباب ميدان التحرير لا يستمعون لأي حوارات عقلانية

قال الدكتور رفعت السعيد رئيس حزب التجمع أن الشباب المتظاهر في ميدان التحرير لا يستمعون لأي حوارات عقلانية بل يسمعون القنوات الاجنبية المثيرة في نقل الأحداث، داعياً وسائل الاعلام الرسمية الى نقل الحوار ونتائجه الى المتظاهرين من خلال شاشات عرض كبيرة يتم تركيبها في ميدان التحرير

آدي أخرة اللي يقعد مع نائب الرئيس

أمال لو كان قعد مع الرئيس نفسه..كان قال ايه؟؟

و يقوللك..احنا رايحين نتكلم عن شباب الثورة..أصل احنا حزب معارض

وبعدين متهيألي ان الحكومة أحسنلها ما تنقلش للمتظاهرين القنوات الحكومية

تخيل لما يجيبوا في التليفزيون صورة المكان اللي انت قاعد فيه..فاضي..و العصافير طايرة كده فيه..و الدنيا هادية..وأطفال بتلعب

وانت قاعد أصلا في نفس المكان..و شايف آلاف من حواليك

أنا متهيألي ان ميدان التحرير في الايام العادية بيبقي زحمة أكتر من أيام الثورة

أمال الصور اللي بيجيبوهاله فاضي دي..خدوها ازاي؟؟!!

تم تعديل 7 فبراير 2011 بواسطة Alattar

[raouf]

هو اقتراح اتمنى ايصاله الى كل المغتربين

رغم الحالة التى كنا ومازلنا عليها اثناء الثورة

حتى ان بعضنا استمر لمدة 3 ايام بدون نوم ولكن للاسف الجميع نسى وجودنا واننا جزء من الشعب

فى وسط ما يسمى التفاوض بين الاحزاب والحكومة

نسى الجميع للاسف حقنا فى التصويت

نسوا حقنا فى بلدنا واختيار رئيسها وحكومتها

نسوا حقنا فى اعطاءنا اعفاء ولو قليل على سيارة العمر

الجميع للاصف يحاولون تقاسم الكعكة الا المغتربين فدائما مهملين من الحكومة ودائما منسيين

[Alattar]

هو اقتراح اتمنى ايصاله الى كل المغتربين

رغم الحالة التى كنا ومازلنا عليها اثناء الثورة

حتى ان بعضنا استمر لمدة 3 ايام بدون نوم ولكن للاسف الجميع نسى وجودنا واننا جزء من الشعب

فى وسط ما يسمى التفاوض بين الاحزاب والحكومة

نسى الجميع للاسف حقنا فى التصويت

نسوا حقنا فى بلدنا واختيار رئيسها وحكومتها

نسوا حقنا فى اعطاءنا اعفاء ولو قليل على سيارة العمر

الجميع للاصف يحاولون تقاسم الكعكة الا المغتربين فدائما مهملين من الحكومة ودائما منسيين

انا فاكر ان في استفتاء انفصال جنوب السودان

كانوا عاملين لجان في مصر عشان السودانيين يصوتوا فيها

عندنا بأه...الناس اللي جوه مصر أساسا مش هما اللي بيصوتوا

دي الحكومة مشكورة..بتريح الناس و بتصوت بدالهم

يبقي عاوزهم يتعبوا الناس اللي متغربة دي؟؟

يا أخي ده احنا شعب عجيب...عشان كده النعمة دي هتزول

(يااااااااارب تزول)

تم تعديل 7 فبراير 2011 بواسطة Alattar

[أحمد سيف]

أوافق على العبارة جزئيا

فقوة الشباب تحتاج إلى حكمة الكبار

مش عارف أنا حاسس إن احنا خلال الثلاثين سنه اللي فاتوا شبعنا حكمه وحنكة ورؤية والكلام الكبير ده ... وعايزين نسيب المجال للشباب للانطلاق شويه دون وصاية ... البلد فعلا محتاجه تغييرات كثيره لإننا واقفين محلّك سرّ من زمان قوي

[أبوعمار]

عقد قران فى ميدان التحرير

http://www.youtube.com/watch?v=ZqiDHqfXhJk&feature=player_embedded

بيقول لك:

كشكول وأجندة يعقدان قرانهما في ميدان التحرير مع تصفيق وزغاريد جميع الأجندات ، وتصاريح صارخة من كل وسائل الإعلام المصرية بأن الكشكول عميل إسرائيلي والأجندة إيرانية التجليد

تم تعديل 7 فبراير 2011 بواسطة أبوعمار

[fatfouta]

[عبير يونس]

أوافق على العبارة جزئيا

فقوة الشباب تحتاج إلى حكمة الكبار

مش عارف أنا حاسس إن احنا خلال الثلاثين سنه اللي فاتوا شبعنا حكمه وحنكة ورؤية والكلام الكبير ده ... وعايزين نسيب المجال للشباب للانطلاق شويه دون وصاية ... البلد فعلا محتاجه تغييرات كثيره لإننا واقفين محلّك سرّ من زمان قوي

حضرتك الغي الستين سنة اللي فاتوا من تاريخ مصر مش بس ثلاثين

و شوف قبلهم كان في ايه

أنا مش ضد قوة الشباب و إنه يأخذ فرصته في التعبير و التغيير

أنا واحدة منهم و مش كبيرة في السن

لكن لازم تمتزج قوتنا كشباب بحكمة من هم أكبر منا سنا

للاستفادة من خبراتهم

فليس من المعقول مع البداية الجديدة لمصر

أن نبدأ من الصفر

[Alattar]

أوافق على العبارة جزئيا

فقوة الشباب تحتاج إلى حكمة الكبار

مش عارف أنا حاسس إن احنا خلال الثلاثين سنه اللي فاتوا شبعنا حكمه وحنكة ورؤية والكلام الكبير ده ... وعايزين نسيب المجال للشباب للانطلاق شويه دون وصاية ... البلد فعلا محتاجه تغييرات كثيره لإننا واقفين محلّك سرّ من زمان قوي

حضرتك الغي الستين سنة اللي فاتوا من تاريخ مصر مش بس ثلاثين

و شوف قبلهم كان في ايه

أنا مش ضد قوة الشباب و إنه يأخذ فرصته في التعبير و التغيير

أنا واحدة منهم و مش كبيرة في السن

لكن لازم تمتزج قوتنا كشباب بحكمة من هم أكبر منا سنا

للاستفادة من خبراتهم

فليس من المعقول مع البداية الجديدة لمصر

أن نبدأ من الصفر

مبدأ..نبدأ من حيث انتهي الآخرون

مبدأ صحيح..و لكن مش في حالتنا دي

لأن الآخرون دول ما انتهوش علي اي حاجة

أنا موافق حضرتك في المبدأ طبعا

بس المشكلة ان مافيش ناس أصلا ناخد منهم الخبرة و نستفيد من تجاربهم

البلد عندك..إما حزب وطني..و إما أحزاب معارضة

بالنسبة لأحزاب المعارضة..حضرتك شفتي..مافيش حد فيهم كان راضي يشارك في الموضوع منذ بدايته

كلهم خدوا جنب و كانوا خايفين

عشان كده..الثورة لما بدأت ..فعلا..ما بدأتش بمجهود حد الا الشباب

و مش معني شباب يعني صغير و طائش

لأ.. الشباب دول ما شاء الله مثقفين وواعيين..ووطنيين جدا

[pink rose]

هو اقتراح اتمنى ايصاله الى كل المغتربين

رغم الحالة التى كنا ومازلنا عليها اثناء الثورة

حتى ان بعضنا استمر لمدة 3 ايام بدون نوم ولكن للاسف الجميع نسى وجودنا واننا جزء من الشعب

فى وسط ما يسمى التفاوض بين الاحزاب والحكومة

نسى الجميع للاسف حقنا فى التصويت

نسوا حقنا فى بلدنا واختيار رئيسها وحكومتها

نسوا حقنا فى اعطاءنا اعفاء ولو قليل على سيارة العمر

الجميع للاصف يحاولون تقاسم الكعكة الا المغتربين فدائما مهملين من الحكومة ودائما منسيين

و الله الكلام دا انا قولته امبارح بس عشان الصفحات كتيرة مش هاعرف ارجع احط المداخلة تاني

الحكومة حاسبنا دلوقتي من ال 77 مليون اللي مؤيدين زينا زي الاطفال بالظبط اللي مالهمش رأي

و الاخوة في التحرير عمالين يقولوا اللي طلعوا 12 مليون في كل انحاء مصر

طب المغتربين اللي برة دول و الاغلب الاعم منهم مع الثورة ما بيتحسبوش ليه

حقيقي مش عارفه

و تسمع ناس تقولك ما هما ما بيطلعوش مظاهرات ازاي بقى اذا كان الاخوة في امريكا قايمين بالواجب و الاخوة في اغلب دول اروربا ليا قريبة في بلجيكا بتقولي انهم كانوا في مظاهرة امبارح

طبعا في الدول العربية اللي اغلب المغتربين فيها ممنوع التظاهر لكن اغلبهم مع الثورة

لازم الحسبة تختلف بينا

و دا انا قولته من اول الايام اننا ممكن نعمل على النت موقع زي موقع الجمعية الوطنية للتغيير و نوقع على بيان اننا موافقين على مطالب الثورة

و الموقع دا ياخد مجاله للنور عن طريق الفضائيات المعنية بتغطية الاحداث

و الله هانحس بقى اخيرا ان صوتنا هايفرق

بس للاسف ما حدش عبر كلامي

[raouf]

شكرا للشباب اللى ردوا

بس انا باتكلم ان مافيش حد بيتكلم باسمنا ولا حد بيفكر فينا اصلا

حتى احزاب المعارضة الغبية ماحدش حاول يستمد قوته من قوة المغتربين ويكسبهم فى صفه

للاسف دائما منسيين فنحن فقط بالنسبة لهم حصالة فلوس