25 يناير ... موعد المصريين (15)

[جويرية]

فاروق الباز فى رسالة لـ«ثوار التحرير»: لا تقبلوا الوصاية ولا تتراجعوا حتى يتنحى الرئيس

أرسل العالم الكبير فاروق الباز رسالة، عبر «المصرى اليوم»، إلى جموع الشباب فى ميدان التحرير وجميع المناطق فى أنحاء البلاد، هذا نصها: (يتابع كل مصرى ومصرية فى جميع أنحاء العالم التجمعات الدائمة فى ميادين التحرير بكل أرجاء الوطن.. ويأمل الجميع النصر لهذه الثورة ضد الخمول والتقاعس والمحسوبية، وكذلك نسيان متطلبات الجيل الصاعد وكأنه جيل لا حق له فى حياة كريمة تحقق أحلامه وترفع من مكانة مصر بين باقى الأمم، لقد أثبتم للعالم أجمع أن شعب مصر وإن استكان إلى حين، لابد أن ينتفض ليحمى هذه الدولة العريقة وكرامة شعبها العظيم.

إننى أفتخر بشعب مصر الذى لم يقض عليه خمول أجيال الفشل، الذى كان سبباً فى الخيبة التى أفسدت حياتنا وصفاتنا، فكما قالت ابنتى: «لقد اختفت الابتسامة من وجوه المصريين»، جيلى أول من رفع شأن المؤسسات الواهية التى تفشى فيها الفساد والخمول والجهل، نتج عن ذلك حرمان الإنسان من التعبير عن الرأى والقدرة على التفوق والحلم بمستقبل زاهر.

أشعر بسعادة غامرة عندما أرى أبناء وبنات مصر يدافعون عن حقوقهم وحقوق كل المواطنين، وشعرت بالفخر عندما رأيت شباب مصر يحمى الأفراد والمنشآت، خاصة المتحف المصرى الذى يحتوى على أمثلة من تاريخ أجدادنا العظام، كذلك أصفق فرحاً عندما أرى شخصاً يحمل المصاب من غدر المرتزقة وشباب الأطباء يعالجون جراح كل المصابين من أعمال الغدر، أشعر بالفخر عندما أشاهد شاباً مسيحياً يحمى من يصلى من المسلمين، هذه هى صفات الأصالة المصرية العريقة فى جذور التاريخ.

عليكم الثبات فى موقفكم العادل حتى يتم الإصغاء إلى مطلبكم الأساسى وهو تنحى الرئيس حسنى مبارك، يجب عليه أن يترك الساحة لغيره باختيار الغالبية العظمى من الشعب المصرى فى انتخابات نزيهة يعد لها الهيكل الحكومى الحالى تحت أنظار الشعب والقانون، كفى مصر 3 عقود من غياب الرؤية والخمول والانسياق والانسياب وتفشى الفساد والمحسوبية والقمع.. مصر أم الدنيا وأعرق حضاراتها وعلينا جميعاً الحفاظ عليها.

لا تقبلوا وصاية أى فرد أو جماعة عليكم، ومن يتحدث عنكم لابد أن يسمعكم أولاً، ابتعدوا عن الأحزاب والجماعات فى هذه الآونة الحرجة، لأنها تفرق لتسود، يجد أن يكون ولاؤكم للوطن أولاً وأخيراً ولابد لكم من الشعور بالأمل.

ربما بدأتم من اليوم تحددون رؤيتكم لمصر المستقبل، التى تستدعى الرؤية الثاقبة والعمل المضنى الدؤوب. يبهج النفس مثل هذا العمل ويزيد من احترام الإنسان لنفسه لأن غرضه هو الصالح العام، يلزم أيضاً أن تكون هناك رؤية لمسار الإصلاح شاملة إصلاح التعليم والحفاظ على أرض مصر الخصبة ومياه النيل، وكذلك فتح آفاق جديدة للتوسع العمرانى والزراعى والصناعى والتجارى والسياحى لكى تجد الأجيال المقبلة الوسائل التى تؤهل دوام الرفعة والازدهار، وأهم من ذلك كله التطلع للمستقبل بأمل.

أناشدكم الاستمرار فى وحدتكم داعياً لكم بدوام النجاح والتوفيق، وعاشت مصرنا حرة أبية).

المصرى اليوم

كلام صحيح

وانا اللي كنت بقول ما نستني ال 6 شهور دول و اهو يخرج بشكل كريم ، يعني ايه الشر اللي يقدر يعمله في ال 6 شهور دول

اتاريهم يقدروا يعملوا كتير

في شريط الأخبار في القناة المصرية كاتبين ان حركة 25 يناير حيعملوا ليها حزب ، رشوة يعني ن عشان كلمة رشوة دي تقيلة يعملولهم حزب و ياخدوا

فلوس بصفتهم امين الحزب و نائب الحزب وهلما جرا من الوظايف

ده غير الوعود بوظائف اخري عند نجاح المرشح

وطبعا اللي حيرشحوه للرئاسة الدكتور البرادعي

و يبقي كدة ضمنا اصوات الشباب كلهم ، و الباقي مقدور عليه شوية تزوير بسيط مش حيبقي ملحوظ

يعني الحزب ده مثلا حيضم ممثلين من حركات 6 ابريل و كلنا خالد سعيد و كفاية

وزي اتنين من الأولاد دول في التليفزيون ، قالوا كنا في فيلا الدكتور البرادعي و اتغدينا عنده

واهو يقعد يسرح بيهم بكلمتين انجليزي مش فاهمينهم ، عن الديموقراطية و المهلبية و الشفافية

يعني هما يتغدوا و ياكلوا و احنا نعيش في وكسة طول عمرنا

يا رب مفيش حد ينقذنا من اللي احنا فيه

[hOuSsAm]

نفسى نحصر فلوس الحرامية ولاد التيييييييييييت دول

المليارات المنهوبة من ثروات مصر

مش هقول زى بقيت الناس نوزعها عالشعب

احنا نسد بيها ديون مصر عشان نبدا صفحة جديدة على نضافة

او نعمل بيها مشاريع قومية تستوعب كل الشباب اللى بدون عمل

والله هنقدر نبنى مصر بايدينا من تانى مهما هدوا وافسدوا ودمروا فيها بس يغوروا من وشنا

مش عايزينهم......... مش عايزينهم

يجيبوا فلوسنا ويغوروا عنا

[fatfouta]

9:30 استمرار توافد آلاف المتظاهرين للمطالبة بتنحي مبارك إلى ميدان التحرير

الدستور

عاجل || مؤكد | أعضاء هيئة التدريس بالجامعات المصرية ينظمون تظاهرة مؤيدة لمتظاهرى التحرير تنطلق الساعة 12.30 من أمام نادى أعضاء هيئة التدريس بالمنيل

[م تيمور المراغي]

نفسى نحصر فلوس الحرامية ولاد التيييييييييييت دول

المليارات المنهوبة من ثروات مصر

مش هقول زى بقيت الناس نوزعها عالشعب

احنا نسد بيها ديون مصر عشان نبدا صفحة جديدة على نضافة

او نعمل بيها مشاريع قومية تستوعب كل الشباب اللى بدون عمل

والله هنقدر نبنى مصر بايدينا من تانى مهما هدوا وافسدوا ودمروا فيها بس يغوروا من وشنا

مش عايزينهم......... مش عايزينهم

يجيبوا فلوسنا ويغوروا عنا

والله يا حسام اهي دي اللي فعلا محتاجه مننا مانامش ليله ونتكاتف بالالوف لحد ما نرجعها لمصر ,,

لو عرفنا نرجع المليارات دي للبلد حتحصل طفره اقتصاديه خصوصا مع الرئيس المنتخب الجديد يااااه على الحلم الجميل :happy:

[fatfouta]

شوفتوا امبارح كانوا عاملين لقاءات مع اسرائيلين عن رأيهم فى مبارك ارئهم ايه بقى...

رأى 1.....مبارك رجل كويس جدااا وعمل اللى ماقدرش يعملوا السادات.

رأى 2....مبارك رجل صالح واعتقد ان المصريين مش هيعرفوا قيمته دلوقتى

رأى 3...مبارك ناجح فى عملية السلام

رأى 4....انا مش مع تنحى مبارك لان الاسرائليين بيحبوه

رأى 5.....ده رأيى انا

خدووووووووووه يا حبايبى يقعد وسطكم طالما بتموتوا فيه كده ومننا ليكم يا حلوين مايغلاش عليكم

[hOuSsAm]

9:30 استمرار توافد آلاف المتظاهرين للمطالبة بتنحي مبارك إلى ميدان التحرير

الدستور

عاجل || مؤكد | أعضاء هيئة التدريس بالجامعات المصرية ينظمون تظاهرة مؤيدة لمتظاهرى التحرير تنطلق الساعة 12.30 من أمام نادى أعضاء هيئة التدريس بالمنيل

امبارح فعلا كان ناس كتيرة رايحة التحرير

من ضمنهم الفنان احمد حلمى

والناس مازالت متمسكة بمطالبها من كل طوائف الشعب ومحدش هيتنازل عنها

ومن كتر الناس وقفوا طوابير عشان لجان التفتيش

ومن طول الطوابير كانت عاملة زى التعابين

يارب التعابين دى تروح تقرص الناس اللى فى بالى ونستريح منهم بقا

[wsadani]

أخواتى البنات نازلين رايحين التحرير دلوقتى ربنا يحفظ كل المتظاهرين

[لونا]

من جريدة الدستور

أحمد خير الدين

عندما هتف المصريون "وعرفنا روحنا والتقينا"

ما بين مطالبات الرحيل وذكريات أهالى الشهداء عن أبنائهم وأخبار التفاوض والمحادثات تظل آلاف القصص فى أرجاء الميدان.. هناك حيث عرف العالم أهل مصر حقا وعرفوا هم أنفسهم والتقوا حقيقتهم بعد طول غياب..

بجوارى جلس ليرتاح من تعب ظهر بوضوح على قسمات وجهه .. اقترب منى ليفتح حوارا فنظرت الى صورة جمال عبد الناصر على صدر جلبابه المتواضع ولافتة أخرى كتب عليها بخط جميل "لا تجعلوهم يسرقون ثورتكم" بسرعة بدأ حديثه بلهجة جنوبية محببة قائلا :" اللى حصل ده اتأخر قوى يا ابنى بس الحمد لله انه جه..انا عندى خمسة وستين سنة وبقى لى هنا تمانية أيام وجاى من بنى سويف وهامشى النهارده البركة فيكم انتم تكملوا"..أكملنا تعارفنا فأخرج لى من كيس بلاستيكى يحمله اعداد قديمة من صحف وأشار الى اسمه الذى يذيل قصائد عامية فى غاية الروعة لاكتشف ان اسمه جمال عبد الناصر

شاهدتها للمرة الأولى فى ساعات هجوم البلطجية من ناحية المتحف المصرى كنت حينها أساعد فى نقل المصابين الى نقطة شرطة عسكرية حولناها الى مستشفى ميدانى لفتت نظرى حينما وقفت فى طريقنا وحينما عدت مرة أخرى وجدتها تمشى مستندة الى عكازها لتناول المياه الى الواقفين فى الصفوف الأمامية وبعدها بيومين اقتربت منها وبدأت أسألها عن سر اعتصامها هنا وبقائها كل هذه المدة فأخبرتنى أن ابنها استشهد فى أحداث الجمعة وأنها ستظل هنا حتى يعاقب كل من كان سبب فى ذلك حتى لو لم يبق فى الميدان غيرها فالأمر أصبح ثأرا شخصيا

وقف بجوارى صديق انجليزى جاء ليشاهد الأحداث عن قرب فاقترب منا طفل يسألنى :"هو جاى منين؟" فأجبته فضحك بطفولية وقال :"الله عليك يا مصر وانت لامه العالم"

خرجنا سويا من الميدان باتجاه شارع قصر العينى استوقنا اثنين من ضباط الجيش فى كمين ليدخلا معنا فى حوار طويل حاولا اقناعنا فيه أن مبارك شخص طيب ومسالم وان من حوله يتحملون مسئولية ما جرى وأن الرجل أفاق وبدأ التغيير ولا يحق للولد أن يؤدب ولده أو أن يطرده من المنزل لخطأ عابر ارتكبه فرد صديقى: خطأ واحد؟؟..يبدو أنك لا تحسن العد انها ثلاثين عاما وأوان الصبر قد فات.. من يلف نفسه بالفاسدين هو فاسد أكثر منهم

نظرت الى صورة الشهيد أحمد بسيونى المعلقة بأحد جوانب الميدان وأطالت النظر ثم عادت لتقول لى أنها عملت فى يوم من الأيام معه ولم تكن تتصور أن ثمن الحرية باهظ الى هذا الحد وأطلقت تنهيدة طويلة أعقبتها بدعاء أن يتحقق ما استشهد بسيونى وهو يتمنى أن يحدث

سألنا حازم شاهين عن الأغنية المفضلة لنا من أغانى الشيخ امام التى نريده أن يغنيها لنا ونحن نرد عليه بسرعة "صباح الخير على الورد اللى فتح فى جنانين مصر" بينما كان الرجل الذى يقف بجواره ينظر اليه باعجاب شديد ويردد بين الحين والآخر"قابلت أبوك فى اسكندرية يا حازم ومكتوب لى أقابل ابنها هنا وفى الايام دى" بينما الرجل الملتحى بجواره يحتضن العود فى سعادة غامرة.

بلحية طويلة ومظهر يدل على كونه سلفي جذبنى لأتبادل معه الحديث فسألته عن سر نزوله الشارع على الرغم من فتاوى شيوخ السلفية بعدم جواز الخروج على الحاكم فصمت لفترة طويلة ثم أجاب أنه تغير كثيرا بعدما تعرض له من تعذيب فى أحد أقسام الشرطة ثم ضحك قائلا : أنا سلمت على واحدة متبرجة النهارده..والله لو فيفي عبده نفسها طلعت تهتف وتقول الشعب يريد اسقاط النظام لأهتف وراها ثم سألنى : هو مفيش أخبار عن المؤتمر الصحفى بتاع أوباما؟

كان باديا منذ اللحظة الأولى أن الأوامر صادرة لأفراد الجيش بعدم اطلاق أى رصاص مهما كانت الظروف لكن الدقائق العصيبة التى عاشها الواقفون على منفذ شارع طلعت حرب تحت سيل الطوب وزجاجات المولوتوف ليتساقط عشرات القتلى غارقين فى دمائهم ويستفز المشهد ضابطين فتنزل الدموع من عينى أحدهم لحيرته بين الدفاع عن المتظاهرين وخوفه من مخالفة الأمر العسكرى بينما يبدأ الضابط الآخر فى اطلاق رصاصه فى الهواء ويأتى بعدها القائد ليجرده من رتبته أمام الواقفين الهاتفين له

دخلت الى الميدان مستندة على عصاها..انها هى..نوال السعداوى وللمصادفة جاءت وقفتها بالقرب من الشيخ صفوت حجازى ليهتفا سويا "الشعب يريد اسقاط النظام"

كان ثلاثاء حاشدا وفى موعد صلاة الظهر اكتظت جنبات الميدان بالمصلين وتجنبا لافساد الصفوف وقف أحد الشمامسة بزيه البراق ينظم السير حتى لا يصطدم المارة بالمصلين

دخلا مسرعين من شارع جانبى حاملين علب البلح وهما يهتفان بمرح "اوعى الكنتاكى السخن..معانا الاجندات الخارجية"

أنهوا حراستهم لأحد الشوارع المهمة فى مدينة دمياط وقرروا صلاة الفجر على صفحات الجرائد فى الشارع وما ان انتهوا من اقامة الصلاة خرج راعى الكنيسة ليستحلفهم بالله أن يدخلوا للصلاة فى ساحتها ليجدوه قد فرش لهم الساحة ووقف ينير لهم الطريق

[Simba]

المتظاهرين في بنها ودي مدينتي

وده كان يوم جمعة الغصب

لا المتظاهرين في دماغهم حاجة

ولا الامن المركزي في دماغه حاجة

وبحب الناس الرايقة

http://www.youtube.com/watch?v=YWTHtD_zleg

[م تيمور المراغي]

أخواتى البنات نازلين رايحين التحرير دلوقتى ربنا يحفظ كل المتظاهرين

بسم الله ماشاء الله ,,

يارب يحميهم وارفع لهم ولك القبعه احتراما والله

يارب يحميهم وينصر مصر ,,

[fatfouta]

طرد مكرم محمد احمد من جنازة الصحفى احمد محمود

http://www.youtube.com/watch?v=sDMzjDc1edQ&feature=player_embedded

[fatfouta]

شيرين عبد الوهاب فى ميدان التحرير الان وتغنى النشيد الوطنى وسط المتظاهرين

المطربة المصرية شيرين : أقسمت أن لا أغني مرة أخرى للتلفزيون المصري

12:00 المطرب أحمد سعد يغني "مش باقي مني" وسط المتظاهرين بميدان التحرير

تم تعديل 8 فبراير 2011 بواسطة fatfouta

[Alattar]

طرد مكرم محمد احمد من جنازة الصحفى احمد محمود

http://www.youtube.com/watch?v=sDMzjDc1edQ&feature=player_embedded

أحسن حاجة عملوها بصراحة

بني آدم مستفز..كل ما أسمعه بيتكلم

نفسي تتسد عن الأكل..و ما أكلش غير الكااام سندوتش اللي قدامي بس

و ما يجيليش نفس آكل تاني بعد كده

[fatfouta]

عمر سليمان : الرئيس مبارك تعهد اليوم بعدم ملاحقة المحتجين واستمرار السماح لهم بحرية التعبير

[م تيمور المراغي]

عمر سليمان : الرئيس مبارك تعهد اليوم بعدم ملاحقة المحتجين واستمرار السماح لهم بحرية التعبير

طيب حلو الكلام ,,

ادي وعد عمر سليمان للجميع بحرية التعبير وعدم ملاحقة المحتجين ,,

على القصر الرئاسي بقى يا شباب الجمعه الجاي ان شاء الله ,,

[طبيبة بالخارج]

عمر سليمان : الرئيس مبارك تعهد اليوم بعدم ملاحقة المحتجين واستمرار السماح لهم بحرية التعبير

هو مين اللي يخاف من التاني دلوقتي؟

[fatfouta]

9:30 استمرار توافد آلاف المتظاهرين للمطالبة بتنحي مبارك إلى ميدان التحرير

الدستور

عاجل || مؤكد | أعضاء هيئة التدريس بالجامعات المصرية ينظمون تظاهرة مؤيدة لمتظاهرى التحرير تنطلق الساعة 12.30 من أمام نادى أعضاء هيئة التدريس بالمنيل

مظاهرة هيئة أعضاء التدريس اتحركت خلاص

12:30 آلاف من أساتذة الجامعات على مستوى الجمهورية ينطلقون في مسيرة حاشدة من أمام نادي أعضاء هيئة التدريس بالقاهرة متجهين إلى ميدان التحرير للانضمام للمتظاهرين وهتافهم الرئيسي: الشعب خلاص أسقط النظام

عااجل ||القاهرة | اساتذة ودكاترة حقوق القاهرة يتحركون بمسيرة الان بالأرواب من الجامعة لميدان التحرير لدعم مطالب شعب مصر بازاحة الديكتاتور مبارك

تم تعديل 8 فبراير 2011 بواسطة fatfouta

[Alattar]

9:30 استمرار توافد آلاف المتظاهرين للمطالبة بتنحي مبارك إلى ميدان التحرير

الدستور

عاجل || مؤكد | أعضاء هيئة التدريس بالجامعات المصرية ينظمون تظاهرة مؤيدة لمتظاهرى التحرير تنطلق الساعة 12.30 من أمام نادى أعضاء هيئة التدريس بالمنيل

مظاهرة هيئة أعضاء التدريس اتحركت خلاص

12:30 آلاف من أساتذة الجامعات على مستوى الجمهورية ينطلقون في مسيرة حاشدة من أمام نادي أعضاء هيئة التدريس بالقاهرة متجهين إلى ميدان التحرير للانضمام للمتظاهرين وهتافهم الرئيسي: الشعب خلاص أسقط النظام

عااجل ||القاهرة | اساتذة ودكاترة حقوق القاهرة يتحركون بمسيرة الان بالأرواب من الجامعة لميدان التحرير لدعم مطالب شعب مصر بازاحة الديكتاتور مبارك

يااااااارب

يعجبني أنا الناس اللي واثقه من نفسها دي

تم تعديل 8 فبراير 2011 بواسطة Alattar

[Simba]

هما هيفيضلوا علي طول في الميدان كده

[fatfouta]

:copied:

لسه مكلمة ابنى فى ميدان التحرير

دخل بسهولة واتفتش عادى ودخل

بيقول اللى ييجى هنا يبقى فخور انه مصرى

الشباب ماشاء الله عليهم زى الفل

واول ما دخل رحبوا بيه جدا ورددوا هتافات للقادمين الجدد

اهلا باحرار مصر

وسمعت الهتافات صوت اقوى من الرعد

الله اكبر بسم الله

الله اكبر فوق كيد المعتدى

دم الشهيد مش رخيص

وادانى اكلم ابن خالتى هناك من 12 يوم

بيقولى ح تفرج ان شاء الله

احنا متفائلين

والشباب هناك بيقولا لكل المصريين ادعولنا وادعوا للشهداء وادعو لمصر

انا بابكى والله وانا باكتب وايدى بتترعش

فرحانة جدا بيهم

ربنا يفرحنا يارب :wub:

تم تعديل 8 فبراير 2011 بواسطة fatfouta