25 يناير ... موعد المصريين (15)

[fatfouta]

يا جماعة أى حد نازل التحرير يجيب معاه اى حاجة من الآتى

بطانية

آيس كاب

كوفية

مياه

......تمر

بقسماط

موز

فيتامين سى فوار او عادى

اى مضاد حيوى

لو كل واحد مننا جاب حاجة واحدة يبقى ساعدنا المعتصمين فى التحرير

[wsadani]

مصراوى :- سليمان: مبارك وقع قرارا جمهوريا بتشكيل اللجنة الدستورية لتعديل الدستور

يا ترى مين أعضاء اللجنة الموقرة ؟

[Alattar]

مصراوى :- سليمان: مبارك وقع قرارا جمهوريا بتشكيل اللجنة الدستورية لتعديل الدستور

يا ترى مين أعضاء اللجنة الموقرة ؟

كالعادة يعني

كسير وعوير وثالث مافيه خير

[fatfouta]

عااجل || القاهرة || مسيرة أساتذة الجامعة تبلغ من 15 إلى 20 ألف تتوجه الآن إلى ميدان التحرير وقد حاول الجيش حرف المسار وتم التفاهم معهم

[fatfouta]

المتظاهرين بينظفوا الميدان

[محمد عبدالعزيز]

السلام عليكم و رحمة الله و بركاته

الحقيقة متابعة الحوارات و التحليلات الثرية جدا علي صفحة المحاورات

بس ممكن اسال سؤال

هو ليه التوجه الحالي للبرادعي

امتي هيكون عندنا استفتاء شعبي...نقدر نحدد من خلاله مين يجي و مين يروح

انا اخاف فقط ان الناس تقول....اصل ده احسن الموجودين حاليا

ليه ميكونشي عندنا فرصة....ان يكون لدينا بدائل اكتر....و ده معناه فرصة و مناخ لناس تانية انها تظهر...و مش هنخاف مين هيظهر و لا مني هيمسك لان ساعتها هنكون محكومين بالدستور

هو سؤال بس و فضول...هو ليه رئيس مصر يعني لازم بيكون تجاوز الخمسين؟؟؟؟

مع كل احترامي و تقديري

هل فيه احتمالية ان يكون مثلا رئيس مصر شاب في الثلاثين....؟؟؟

و متخافوش مش هقول وائل غنيم

انا بناقش الفكرة في حد ذاتها

اصلي حاسة ان احنا بنمشي بنفس المنطق اللي نعرفه احسن من اللي منعرفوش

مع ان الثورة بينت لينا اللي منعرفوش بيبقي احسن بكتير جدا و اجدع من اللي بنعرفه

طبعا انا بزق كتف مع اساتذتي....سامحوني...بس فعلا نفسي افهم

ايه اللي يمنع

ان اللي حكم مصر شااااااااااب

و دي وجهة نظر

تحياتي

كلام منطقي جدا

أعتقد الهدف من التوجه للبرادعي الآن هو أن يكون قائدا سياسيا للثورة لأنها تفتقر الى القيادة التي يمكن أن تحول المكاسب على الأرض الى مكسب سياسي

أما أن يكون رئيسا فهذا أمر سابق لأوانه ويجب أن يقرره الشعب عن طريق انتخابات حرة ... ولا أعتقد أن البرادعي لديه الرغبة في ذلك ولكن يمكن كما قال قبل وصوله أن يكون رئيسا لفترة انتقالية لترتيب الأوضاع للانتقال لنظام ديموقراطي برلماني ... وبعدها ممكن يصبح رئيس شرفي كنوع من التكريم له لو البرلمان المنتخب أقرّ ذلك.

ده هو تصوري لدور الدكتور البرادعي في الأحداث.

متفق تماماً مع تصورك يا باشمهندس أحمد, وأعتقد إن أغلبية اللى بيتكلموا عن البرادعى حالياً يقصدوا قيادة الثورة والمرحلة الانتقالية وليس أن يصبح هو رئيس مصر القادم دون انتخابات, وإلا يبقى مكانش له لازمة اللى بنعمله دلوقتى خالص.

[م تيمور المراغي]

:copied:

لسه مكلمة ابنى فى ميدان التحرير

دخل بسهولة واتفتش عادى ودخل

بيقول اللى ييجى هنا يبقى فخور انه مصرى

الشباب ماشاء الله عليهم زى الفل

واول ما دخل رحبوا بيه جدا ورددوا هتافات للقادمين الجدد

اهلا باحرار مصر

وسمعت الهتافات صوت اقوى من الرعد

الله اكبر بسم الله

الله اكبر فوق كيد المعتدى

دم الشهيد مش رخيص

وادانى اكلم ابن خالتى هناك من 12 يوم

بيقولى ح تفرج ان شاء الله

احنا متفائلين

والشباب هناك بيقولا لكل المصريين ادعولنا وادعوا للشهداء وادعو لمصر

انا بابكى والله وانا باكتب وايدى بتترعش

فرحانة جدا بيهم

ربنا يفرحنا يارب :wub:

ربنا يحميه البطل وينصره ويفرح قلبه انه شارك في تحرير بلده ,,

مش غريبه ان ابن البطله يطلع بطل

ربي يحميه

,,

[aimen]

عاجل: القصر العينى الفرنساوى محتاج دم فعلاً .. لو مش هتقدر تساعد يا ريت تنشر

الرسالة عسى أن يساعد شخص آخر

رقم التليفون :23654060

[Simba]

الوادي الجديد:- أصيب 61 محتجا بينهم 8 في حالة خطيرة خلال اشتباك مع الشرطة بمدينة الخارجة عاصمة محافظة الوادي الجديد. ولم يرحب السكان بعودة أحمد السكري، رئيس مباحث قسم الخارجة ذي السمعة السيئة في التعذيب.

وقال شهود إن متظاهرين هاجموا سيارة الشرطة التي كان السكري يستقلها مع مجندين وإن الضابط والمجندين فروا من السيارة التي أشعل المحتجون النار فيها فانفجرت في غضون ثوان، ثم توجهوا إلى مركز الشرطة ورشقوه بالحجارة.

وتابع أن الشرطة ردت عليهم بقنابل الغاز المسيل للدموع والرصاص وطلقات الخرطوش.

وقال وكيل مستشفى الخارجة إن المستشفى استقبل 61 مصابا بينهم 41 أصيبوا بالرصاص و20 بطلقات الخرطوش.

وأضاف أن 8 من المصابين أحيلوا الى مستشفى أسيوط الجامعي لخطورة إصاباتهم. وتابع أن آخرين عولجوا من اختناقات.

وتم قطع الكهرباء عن المنطقة المحيطة بقسم الشرطة كما قام أهالي الخارجة بإشعال النيران في محكمة الخارجة، ومازال الصدام جاريا حتى هذه اللحظة.

كانت مصادمات بين المواطنين ورجال الأمن حدثت منذ فترة للمطالبة بإقالة السكري لتعذيبهم، فوعدهم مدير الأمن بحل المشكلة، ونقل رئيس المباحث، إلا أن ذلك لم يرض الأهالي، فقاموا بمهاجمة قسم الشرطة وتدمير إشارات المرور وكل اللافتات التى تحمل صورة الرئيس مبارك.

[fatfouta]

عاجل

خالد صلاح رئيس تحرير اليوم السابع

والإعلامية منى الشاذلي

والمطربة شيرين عبد الوهاب

وعمرو اديب

ينضمون للمتظاهرين بميدان التحرير

الدستور

والتظاهرون يهتفون ضد عمرو اديب ويقولون ارحل يا عميل

ياترى رايحين ليه؟؟؟ دى خطة عشان يهدوا المتظاهرين برضو؟

[fatfouta]

مظاهرات حاشدة بمحافظة سوهاج والشرقية والمنصورة والاسكندرية والسويس وبورسعيد والمنيا واسوان

تقدر بالاف ......... الجزيرة

[aimen]

الكداب وصل

عمر اديب العميل

[jasmin hamed]

حسام حسن : الأهلي يدير مؤامرة لإلغاء الدوري

كتب – محمد اللاهوني:

تمسك حسام حسن المدير الفني للفريق الأول لكرة القدم بنادي الزمالك بضرورة إقامة جميع مباريات الدور الثاني لبطولة الدوري الممتاز هذا الموسم رغم تأكيد أعضاء مجلس إدارة اتحاد الكرة ضرورة إنهاء المسابقة المحلية مع نهاية شهر مايو المقبل لبدء مباريات بطولة كأس مصر. وأضاف في تصريحات لإحدي الصحف الكويتية أن هناك مؤامرة كبيرة يقودها بعض الأشخاص المنتمين إلى النادي الأهلي داخل مبنى اتحاد الكرة لحرمان الزمالك من التتويج هذا الموسم بدرع الدوري في ظل تربعه على قمة الترتيب حتى نهاية مباريات الدور الأول.

وأشار إلى أن إدارة الأهلي تعلم مدي عجز الجهاز الفني الحالي للأهلي الذي يقوده البرتغالي مانويل جوزيه عن المنافسة على قمة الدوري الممتاز، لعدة أسباب يأتي في مقدمتها كبر معدل أعمار اللاعبين .

وأوضح أن اعتصامات ميدان التحرير ستنتهي في أسرع وقت ممكن، ومن بعدها مباشرة سيتم استئناف النشاط الرياضي مؤكدا أن الزمالك سوف يحسم اللقب في حالة تطبيق اتحاد الكرة مبدأ تكافؤ الفرص بين جميع الأندية الموجودة معه.

و اتارى الى فى التحرير التراس الاهلى

[fatfouta]

مراسل العربية

الاعداد مهولة يطالبون برحيل مبارك و النظام كاملا و الميدان ممتلىء على اخره و الاعداد عجيبة لان الكثافة العاليه هذه غير مسبوقة و فى هذا الوقت قبل الرابعه عصرا

هانت ان شاء الله والله اكبر

[م تيمور المراغي]

مراسل العربية

الاعداد مهولة يطالبون برحيل مبارك و النظام كاملا و الميدان ممتلىء على اخره و الاعداد عجيبة لان الكثافة العاليه هذه غير مسبوقة و فى هذا الوقت قبل الرابعه عصرا

هانت ان شاء الله والله اكبر

تابعي يا فاتي منظر دخول وائل غنيم والملايين دي بتهنيه بالسلامه وبتحمله على الاعناق ,,

اتوقع بين كل لحظه والتانيه يكون وصل ,,

ان شا ءالله ,,

[fatfouta]

الجزيرة

عاجل

الاف المتظاهرين يحاصرون مجلس الشعب والشورى في القاهرة مطالبين بتنحي مبارك

الاف المتظاهرين يحاصرون وزارة الداخلية في القاهرة مطالبين بتنحي مبارك

[fatfouta]

خالد صالح ومنى الشاذلي وشيرين عبد الوهاب في ميدان التحرير ومنع لميس الحديدي من الدخول

[م تيمور المراغي]

الكداب وصل

عمر اديب العميل

معلش يا جماعه مادام تاب قبل ما مبارك يمشي

نسامحه معلش

دي في حد ذاتها والله

من اكبر الضربات الاعلاميه ******

تم تعديل 8 فبراير 2011 بواسطة مصرية متغربة

[fatfouta]

[fatfouta]

موقــع حريتنا - عاجل: أكثر من 5000 شخص في شارع القصر العيني متجهون نحو التحرير

متفائلة جدااا والله اكبر

ياااااااارب