25 يناير ... موعد المصريين (13)

[م تيمور المراغي]

كل هذه الطلبات ستتحقق او جاري الشروع في تحقيقها

الا طلب واحد وهو إسقاط الرئيس لان هذا يعني سقوط النظام العسكري في مصر وهذا لن يحدث الا اذا تغيرت مفاهيم كثيرة وتركيبات كثيرة تحتاج لزمن لتغيرها

الثورة نجحت بالفعل في تحقيق ما لم يتحقق في عقود

لكن تغيير النظام من جذورة هذا يحتاج ليس لثورة ولكن لتغيير القناعات والسياسات والاستراتيجيات وهذا يحتاج لوقت كبير وليس لثورة

ارجوك تقبل مني هذا الرأي ولا ترد عليه بحماسك المفرط والذي لا نلومك عليه

اتقبل رأي حضرتك لكن ممكن اقول حاجه ,,

لو مبارك مات الصبح - اللهم امين ونرتاح كلنا

ما هي الآليه الدستوريه لانتقال السلطه وادارة الدولة المصرية في تلك الحاله ؟؟

ولا نجيب ضرفها و نقفلها على رأي بلال فضل :happy:

لو مبارك ربنا ريحه ستنفذ بنود الدستور وهي انتقال رئاسة الدولة لرئيس مجلس الشعب الفاسد سرور لمدة ستين يوما تجري خلالها انتخابات بناء علي نص المادة المتنيلة بستين نيله 76 وبكده يبقي مافيش فراغ دستوري

هاتقولي مين هايترشح وهاينتخبوه هاقولك عمر سليمان بالذوق بالعافيه بالادب بقلة الادب ولو مش عاجبك عمر سليمان هايجيبولك احمد شفيق ولو ما عجبكش (كشعب) هايجيبلك سامي عنان وهلم جرة

دي دولة عسكرية حتي النخاع وعشان تغير الكلام ده يبقي لازم تغير دم الدولة الاول مش تغير العضو الفاسد

هاقولك كلمتين علي جنب بصفتك من اصحاب الكلمة المسموعه في هذه الثورة

الثورة بعد هذه التنازلات التي قدمها النظام تعتبر من وجهة نظري نجحت بنسبة 90% ودي حاجة لم تكن متوقعة يبقي الافضل انكم تتفاوضوا علي هذه المكاسب وتطلبوا ضماناتكم وتطلبوا يكون ليكم حزب شرعي تجنوا به ثمار ما قدمتموه من دماء وشهداء وجرحي ويمكن بعد كده تستمروا في تغيير القناعات والاستراتيجيات وتتحقق المعجزة الكبري وهي تخليصنا من الحكم العسكري الذي يجري في حكم مصر مجري الدم وايضا تتتبعوا الفساد في الدولة وتكونوا صوت الحق في وجه اي ظالم يفكر في سرقة الشعب وتأكد انكم اصبح لكم شعبية جارفة وحب من الشعب كبير واحترام ليس له نظير وايضا النظام اصبح يعمل لكم الف حساب بعد ما شاهد وما شعر

اذكرك ان النظام ما زال مسيطر علي مقاليد الحكم وان القائد الاعلي للقوات المسلحة مازال هو حسني مبارك بما يعنيه من سيطرة كاملة بمعني الكلمة

الشعب مازال متاعطف معكم لكن لا تنسي ان النظام مازال لديه الكثير لم يستخدمه وقد شاهدنا باعيننا بعض من هذه الاساليب الحقيرة يوم الاربعاء ولا اود ان تتحول الثورة الي امر يعتاده المصريين فلا يعيرونه اهتمام ويستمرون في ممارسة حياتهم اليومية بعد ان يعتادوا اعتصامكم وقد استشفيت ذلك من بعض كلمات من احمد شفيق علي وزن ميدان التحرير سيصبح هايد بارك وما شابه من كلمات

واري ايضا ان النظام قد يلجأ لما لجأت اليه ثورة يوليو وهي اصدار قرارات منصفه للفقراء والمعدمين وساعتها سيحبهم الشعب وينحاز الي جانبهم ومن ثم يقطفون هم ثمرة هذه الثورة وليس انتم

اري ان تبدأو من الان فصاعدا في جني الثمار وهي ملاحقة الفاسدين وان يصبح صوتكم له وزن رسمي وثقل شرعي دون تنشيف الدماغ علي امر يعني انهيار نظام حكم عضد مردنا عليه يحتاج لتغير الدماء وليس الاعضاء

اما عن حسني مبارك كشخص فاؤكد لك انه مات بالفعل وتنحي بالفعل لكنهم يريدون ان يجهزوا له جنازة تليق به وبتاريخه وان الحاكم الفعلي والحقيقي الان هو عمر سليمان اي النظام العسكري نفسه ذلك الملك العضوض

اقبلوا ما توصلتم اليه ولا تهدروه وتدعوه لغيركم من هؤلاء المهمشين من الاحزاب التافه والضعيفة والوهينة والتي قد تنسب هذه الانتصارات لنفسها وتسطوا عليه في ظل حماسكم الذي ليس له نظير

هم اكثر منكم خبرة لذلك لم يكن يحلمون بهذه المكاسب في ايام معدودة

تقبل كلماتي كاخ اكبر منك سنا واقل منك مقاما

بل اكبر سنا ومقاما اسلام بك ورأيك يحترم ,,

خلينا ناخدها خطوه خطوه ,,

اذا قطعنا رأس الافعى ,,

اصبحت اطرافها سهلة المنال للغاية ان شاء الله ,,

وفتحي سرور وحتى عمر سليمان اضعف بكثير من مبارك

فاذا اسقطنا مبارك اصبح الطريق ممهدا لتحقيق باقي مطالب الثوره ان شاء الله ,,

اما عن حركة 6 ابريل فقوامنا الرئيسى هو من الشباب المستقل عن اى حزب او تيار سياسي إلا ان علاقتنا بالأحزاب و القوى السياسيه الاخرى هى علاقه احترام و تعاون متبادل فى اطار الحملات المختلفه والعمل الجبهوى بيننا و بين شباب الأحزاب و التيارات السياسيه على الحد الادنى المشترك مع التشديد على استقلالية افكارنا و عدم تلونها بيأى لون حزبى او ايدولوجى

و نشدد على أننا لسنا تابعين لأى حزب أو تيار سياسى أو حركه سياسيه سواء كنا متفقين معهم فى الافكار أو الأساليب أو مختلفين

ولا نهدف الى تكوين حزب سياسي او نطمح في السلطه بل هدفنا ان تصبح حركة شباب 6 ابريل هى المحفز الرئيسي لكل الكيانات الاخرى للدفع نحو التحول الديمقراطى و ان تكون مركز كل المجموعات الشبابيه الاخرى وان تكون هى الداعم لكل التحركات المؤديه للتحول الديمقراطى

ان شاء الله

[الســـاري]

مقال للكاتب الرائع والكبير الدكتور احمد خالد توفيق

==================================================

إنهم يأكلون الكنتاكي

الدستور - 5 فبراير 2011

لو كنت أنا ضمن النظام لكافأت الإعلام الحكومي الرسمي والمسئول عن هذا السيرك الإعلامي الذي يدور ليلاً ونهارًا على كل القنوات، فالحقيقة أن هذا الإعلام يخوض حربًا حقيقية ويلعب بكل الأوراق ولا ينام .. كل الألعاب يلعبها مهما كانت سخيفة أو ساذجة أو قذرة؛ فهو يؤمن أنها معركته الأخيرة إن لم يربحها .. والنتيجة بالفعل أنه بدأ يشطر الرأي العام الذي كان موحدًا منذ أسبوع، وقد أجاد اللعب على عواطف ربات البيوت اللاتي كن يقلن منذ أشهر : "ومين تاني ينفع؟.. اللي نعرفه أحسن من اللي ما نعرفوش". بينما الحقيقة كما يقول هيكل إن أي شعب يعجز عن إيجاد بديل لشخص هو شعب يستحق الفناء. هذه السياسة تذكرني بأمينة زوجة أحمد عبد الجواد في ثلاثية نجيب محفوظ، عندما كانت تسمع مناقشة سياسية حادة عن الجلاء والإنجليز بين ابنيها، فتقول: "هي الست ملكة انجلترا دي مش أم برضه؟.. يعني لو كلموها بالراحة كده قلبها حيرق". فيضحك الأخوان لأنها تعتقد أن ملكة بريطانيا مثل أم بلبل وأم مصطفى جارتيها. سياسة أمينة هي التي تحتل الساحة الآن ..

الآن لعب الإعلام على عواطف الناس وعلى وهن ذاكرتهم. سوف ينسون أن رصاص القناصة أطلق على رءوس شباب زي الورد، وسوف ينسون أن الشرطة ذابت ليواجه الناس وحدهم عصابات الشبيحة، وسوف ينسون أن خدمات الإنترنت والموبايل والقطارات توقفت، وسوف ينسون أن السجون كلها فتحت في لحظة واحدة ليخرج الخطرون بالآلاف، وسوف ينسون أن عربات الشرطة تدهم المتظاهرين كأنهم صراصير في ستة أفلام على اليوتيوب، وسوف ينسون منظر البلطجية بالسنج والخيول يمزقون الشباب في ميدان التحرير أمام العالم كله ليرى ما وصل له الشعب الذي علّم العالم الحضارة.. سوف ينسون....

بعد ما ملأ الإعلام أذهان الناس بالبلطجية حاملي السيوف (الذين تسببت الحكومة في وجودهم)، ملأ أذهانهم بالأجندات الخاصة وعملاء الموساد وحزب الله والمخابرات المركزية الذين تحالفوا للمرة الأولى في التاريخ لإسقاط النظام. لا أعرف كيف يتحالف الموساد مع حزب الله وحماس لكن الإعلام مصر على أن هذا حدث. صار الشباب في ميدان التحرير عملاء أجانب جميعًا، وصار الميدان يعج بالإيرانيين، ولنفس الأسباب رحب الإعلام لأول مرة بتقديم خطبة الجمعة التي يلقيها خامنئي؛ لأنه بالتأكيد سيتكلم عن أحداث مصر وهذا دليل دامغ .. وكما قالت المناضلة نوارة (قلب الأسد) نجم: "لو كانت كل هذه القوى تعمل داخل مصر، فجهاز المخابرات لا يؤدي عمله على الإطلاق إذن !".

تسمع القنوات الحكومية فتشعر بمزيج من القرف والسخرية لكنك كذلك تنبهر بهؤلاء القوم المتحمسين .. هم يعرفون أن الزن على الآذان له مفعول السحر. هناك نقيب من القوات المسلحة جلس مع المتظاهرين في مودة، فراحوا يعيدون اللقطة مرارًا مع تعليق (خبير استراتيجي) يؤكد بخبرته العسكرية أن ثياب النقيب مزورة... مع إهانات لا تنقطع: "الواد ده قاعد على الأرض .. مش ممكن ضابط يقعد على الأرض كده .. الواد ده لازم يتحاكم .. الخ".

هناك عشرات الاتصالات من مواطنين يؤكدون في ذكاء أن المتظاهرين يأكلون (الكنتاكي) وهذا دليل على أن لديهم أجندات خارجية!.. هذا اعتراف ضمني بأنه لا يمكن لواحد من الشعب المصري الآن أن يأكل الكنتاكي ما لم يكن عميلاً للخارج !!

المعتصمون في ميدان التحرير يبحثون عن دفء.. فأين الكنتاكي؟

سمعت هذه الملاحظة عشرات المرات في الراديو والتلفزيون حتى تأكدت أن هؤلاء المتظاهرين سوف يطفحون ما أكلوه بالسم .. فهي لقمة (منظورة) فعلاً. من قال إن المتظاهرين جياع أصلاً بينما نحن نعرف أنهم في معظمهم من شباب الطبقة الوسطى القادرين على التعامل مع الكمبيوتر، ومعظمهم من شباب (وسط البلد) الذين يعلقون صور جيفارا ويستمعون لبوب مارلي ومارسيل خليفة ؟ .. ثم إنني معجب جدًا بثراء الجهة القادرة على شراء كنتاكي لاثنين مليون متظاهر .. لابد أنها أنفقت مليارات على إطعام هؤلاء خاصة أنهم يأكلون كديدان القز.

وصلتني هذه الرسالة من فنان الكاريكاتور الجميل أشرف حمدي، وهو قد شارك في المظاهرات ويحكي ما رآه بعينه ليفسر به لغز الكنتاكي: " ما رأيته بعيني وما اشتركنا به هو عملية جمع نقود من أنفسنا ، يتطوع شخص ما ويدور حاملا كيس بلاستيكي لجمع النقود، وهذا الأمر ليس إلزاميا، وغير محدد بمبلغ معين، يمكنك أن تدفع جنيهًا أو عشرين جنيهًا ويمكنك ألا تدفع أي شيء، بعدها نشتري الطعام والشراب ويتطوع نفس الشخص أو شخص آخر في عملية توزيعه على من يريد وليس بالضرورة على من دفع، باختصار : "بنلم أي فلوس من أي ناس نجيب بيها أي أكل يتوزع على أي حد عاوز ياكل" ، أما المستلزمات الطبية فهي تبرعات من صيادلة مشاركين وكذلك الأطباء من المشاركين في الثورة متطوعون، وسواء كانوا مع الثورة أو ضدها أو على الحياد فإن دور الطبيب لا علاقة له بالسياسة فهو دور إنساني في المقام الأول". ثم يقول في موضع آخر: "أنا بنفسي أكلت فول وطعمية تطوع بهما شاب فقير فعرضت عليه سيجارة على سبيل المشاركة .. نحن يد واحدة ولا فرق بين غني وفقير".

لم يتحدث عن عميل ملثم يتكلم العبرية ويحمل وجبات كنتاكي مع رزم من الدولارات يوزعها على المتظاهرين على ما أعتقد. هذه سيمفونية جميلة صنعها الشباب في ميدان التحرير قد غيرت كل شيء.. لا أكثر ولا أقل ومن دون فذلكة أمنية، وإن المرء ليشعر بحسرة لأن هذا كله لم يحدث منذ عشر سنوات .. لو حدث هذا مبكرًا جدًا لتغير الكثير .. ما كانت المليارات لتهرب للخارج، وما كان القطاع العام ليبدد، وما كانت أرض مصر لتباع بملاليم للمستثمرين، وما كان الغاز ليصدر لإسرائيل، وما كنا لنفقد كل هذه الآثار. بل إن الخيال ليجمح أكثر ليتصور أن غرقى العبارة كانوا سيكونون بيننا ومعهم خالد سعيد وسيد بلال وآخرون. اعتبرني مجنونًا لكن لربما كان قتلى الدويقة بيننا لأنهم كانوا سيجدون مساكن أفضل ...

كان لابد أن يحدث هذا ليعرفوا أن الشعب المصري ليس مجرد صراصير تطئها سيارات الأمن المركزي، ولكن ... (لو) تفتح بابًا لعمل الشيطان على كل حال.

تم تعديل 6 فبراير 2011 بواسطة الســـاري

[Ahmed Anwer]

مع إحترامنا للثورة ،،

نكتة علي الثورة

يعني ايه كوك زيرو ؟؟

يعني تبقى واقف في لجنة شعبية بتحشش

و يعدي بوكس

تقوم مفتشه و ساحب رخصه

و طالبله الجيش

يعني مصر تعمل مظاهرات

و الجزائر تلغي قانون الطوارئ ....!

يعني العساكر و الظباط تاخد اجازة

نص السنة

و احنا نوقف خدمة طول الليل !

يعني احنا نعمل ثورة

و المساجين هما الي يتحرروا ..!

و بره كوكا زيرو

بيقولك الراجل بتاع كنتاكي أبو دقن بيضه ده طلع "اخوان"

تم تعديل 6 فبراير 2011 بواسطة Ahmed Anwer

[doha]

حرااام عليك .. بقالي يجي عشر دقائق بضحك على دي :

و بره كوكا زيرو

بيقولك الراجل بتاع كنتاكي أبو دقن بيضه ده طلع "اخوان"

[مسافر]

http://www.youtube.com/watch?v=vXM3lHTfyOI

جواز عتريس من فؤاده باطل

[arkan]

حسبنا الله سيؤتينا الله من فضله إنا إلى الله راغبون

ماشاء الله لاقوة إلا بالله و لاحول ولاقوة إلا بالله

حسبنا الله ونعم الوكيل

وأفوض أمري إلى الله إن الله بصير بالعباد

لاإله إلا أنت سبحانك إني كنت من الظالمين

لاإله إلا الله العظيم الحليم , لاإله إلا الله رب العرش العظيم , لاإله إلا الله السموات ورب الأرض ورب العرش الكريم

اللهم رحمتك نرجو فلا تكلنا إلى أنفسنا طرفة عين وأصلح لي شأننا كلّه

وصلى الله وسلم على نبينا محمد وعلى آله وصحابته أجمعين

[الســـاري]

من جريدة الوطن السعودية - عدد اليوم

[se_ Elsyed]

هام لسى السيد بخصوص وائل غنيم

R.N.N | شبكة رصد الدكتور مصطفى النجار منسق حملة دعم البرادعي و مطالب التغيير حصريا لرصد: الناشط وائل غنيم حي، وهو مُعتقل حاليا ولدينا وعود بالإفراج عنه خلال ساعات

اللهي يفرح قلبك يا أيمن زي ما فرحتني على الصبح

بإذن الله أعزمه هنا في يوم بعد ما يخرج بالسلامه عشان نحاوره

ولو إني متأكد إنه هايبقى محتاج سنة على الأقل علاج نفسي .. لإن كلمة إعتقال نفسها تثير الرعب في أي نفس .. وليس من شاهد كمن " جرب بنفسه " .. وجرب إيه .. في ظروف فيها إنفلات أمني والقتيل يتقتل فيها ومالوش ديه ..

بإذن الله بس يخرج بالسلامه لأهله وزوجته وبنته .

[se_ Elsyed]

إيه الملايكة دي ؟

والله العظيم أرى في وجوههم جميعهم النور الرباني

وأقل تكريم لهم إننا لا ننساهم ونخلد ذكراهم باطلاق أسماءهم على الشوارع المحيطة بميدان التحرير بدل من شامبيلون ومش عارف مين واسماء مالهاش لازمه

[se_ Elsyed]

وموسيقى الزفة .. طبعاً عارفينها

http://www.youtube.com/watch?v=yQS-69xojCA

وأكل المعازيم هايبقى

" كنتاكي "

والنقوط هايبقى " اجندات "

[se_ Elsyed]

ده عنده اجندة خاصة جداً ..

لأ يا ساري

ده عنده " دفتر "

الحشاشين القراري ما بيستخدموش أجندات .. بل يستخدموا دفتر ورق بفره يلفوا فيه البلاوي

جبت الصورة دي منين ؟

[arkan]

ربنا يرحمهم جميعا ويجعلهم في الجنة

لو نعمل موضوع لهم ياجماعة ونبذة بسيطة عن كل شهيد

يمكن ناس عاديين جدا ربنا يفتح بيهم خير على امة بحالها

لعل ربنا اطلع على قلوبهم فاختارهم شهدا من بين ملايين

وكمان مانفقدش الامل في نفسنا واولادنا لعل فينا وفيهم خير يبان في وقت ما

[Simba]

http://www.youtube.com/watch?v=bVXsFhhBOjc

[اغابي]

لحظة من فضلكم

فى الاتصالات الدورية للاطمئنان على الاهل بمصر - اتصل بالامس زوجى بزوج اخته وهو ظابط شرطة برتبة مقدم

اتكلمنا معاه مدة كبيرة جدا - حكي حاجات مهولة - بشششعة حصلت

من ضمنها الكثير من ظباط الشرطة انتحرو - اول ما شافو منظر الناس هاجمة على قسم الشرطة

وانهم اما حياخدوهم اسير حرب - او يتعذبو - كل واحد منهم سحب مسدسه وضرب بيه رصاصه

فى دماغه بشهادة من استطاع الفرار بحياته من المجندين او باقى الظباط

حكالنا فى التلفون لو كنا بنحارب فى 73 مع اليهود ما كناش هنموت بالبشاعة دى - ايه الجحودية دى يا مصريين

خلاص نسينا دور الشرطة طول السنين

مفيش ظابط شرطة مفهوش علامة الختم الجمهورى فى جسمه علشان نحمى الوطن - وهى رصاصة من اى مأمورية من المأموريات

قالى انا 25 سنة بخدم الوطن - فى تلات مأموريات ورا بعضهم اخدت 3 رصاصات

واحدة فى كتفى الشمال وواحدة فى رجلى وواحدة فى الحوض

اقل ظابط من اللى ماتو كان واخدله رصاصة ولا اتنين وياما نزل يحمي البلد فى نص الليل

لما الفساد بيكتر فى البلد - مسؤلية الشرطة بتزيد - يعنى بدل ما ننزل مأمورية خطرة او اتنين فى الاسبوع

بننزل 15 مأمورية وكلهم احتمال كبير ما نرجعش تانى بيوتنا

مخدرات - سرقه - اغتصاب - قتل - دعارة - دوريات طرق - لجان كمين - حراسة منشات - حيازة سلاح - تأمين فنادق -

بيحكيلى ان لو الناس زعلانة على ال300 شاب فى المظاهرات اللى ماتو - فلازم يزعلوا

و يعرفوا ان اللى مات فى الشرطة اكتر من 800 ظابط ومجند وبأبشع طرق القتل

لما يدخلو على لواء فى الهرم ويدبحوه قدام مراته واولاده يبقى داه اسمه ايه

لما يخرجو المساجين من قسم الشرطة ويقفلوا القسم على الظباط والمجندين ويولعو

فيه نار علشان يموتو محروقين جوة القسم يبقى داه اسمه ايه

لا يقل عن 800 ظابط ومجند ماتو

- نزلنا يومها من معسكر التجنيد 500 ظابط ومجند - رجعنا المعسكر 65 فقط

فى ظباط قررت تنتحر وفى ظباط جايلنا اشارة انهم مخطوفين من قبل ناس شغالة تعذيب فيهم

فى اشارات يوميا بنستلمها من الجيش بابشع ما يكون

احنا لو بنحارب اسرائيل ما كنتش عملت معانا كدا - هى دى نهاية ملفنا فى خدمة البلد - النهاية تبقى بالبشاعة دى

ليه الاعلام مش راضي يتكلم عن الشهداء من المجندين والظباط اللى سابو اطفالهم اتيتمو

- وقالى - انا ليا 4 من اعز اصدقائي واشطر ظباط كلهم فعلا كفاءات - ماتو موتات تعذيب جوة اسم الشرطة

- تخيلو لما يهجم عليكم 1000 شخص على 4 ظباط ممكن يعملو فيهم ايه

قالى نسيو الارهاب اللى كان مالى مصر ومزعزع امن البلد - قالى انا فى مرة نزلت مأمورية فى نص الليل

انا و3 معايا سنة 98 لوجود اشارة ان فى ارهاب فى محطة قطار وكانو فعلا مسلحين

وهيموتوا كل الناس اللى فى القطر - رجعنا يومها من المأمورية 2 فقط - وماتو 2 من أكفأ الظباط

قالى تخيلى يا اغابي انا مش ممكن انسي فى مرة لما نزلت فى نص الليل ولسة نايم وعيني دى قافلة

من النوم وداه حالى كتير مننا الظباط المهم نزلت فى مامورية باعمل كمين على منطقة

وكلهم مسلحين ولسة يدوب بندخل هناك - تبصى تلاقى الرصاص من كل ناحية حواليا وكل داه وانا لسة ما فوقتش من النوم قالى والله نصعب عليكم وانتم يا بتوع المظاهرات وانتم يا ناس يا اللى هجمتم على الاقسام وحرقتم الظباط وهما وحيين - كانهم ظباط يهود - كلكم فى سابع نومة وقالى كانت بتيجي على الواحد ايام يبص على البلكونات والناس اللى حواليه فى سابع نومة ويحسدهم من كتر التعب اللى كنا بنبقى فيه والمخاطر

كتير من الظباط اللى ماتو فى الاحداث دى محترمين وعلى اعلى مستوى من الكفاءة

وخسارة كبيرة للبلد وروتب - وانا اعرف كتير منهم - وعشرة عمر

قالى شباب المظاهرات لما نزلو بالمظاهرات كانو عارفين ان هيموت كل داه من الشرطة والمجندين وكل الاطفال دى هيتيتموا

ايه الهمجية دى من الناس اللى بهدلت الظباط

كلمة اخيرة

ياريت يا جماعة بس ما تاخدناش الحماس اوى وتنسينا دور الشرطة فى حماية امن الوطن طول السنين دي

ياريت يا تيمور ما تنساش ان لولا دور الشرطة وحمايتها ما كنتش تقدر انت وغيرك تعيش فى السعودية

وتسيب مراتك وابنك وحدهم فى مصر وانت مطمن

ملحوظة صحيح - بمناسبة اللجان الشعبية - اللى فرحانين بيها اوى دى - فكرتونى

انا اتفرجت على فيديو للجان شعبية مسكو حرامى

بصراحة الشرطة ارحم على الاقل مش بالطريقة الهمجية دى هيتعاملوا وفى قانون

ولوا ان الفيديو فيه الفاظ بزيئة كتير كنت حطيت هنا الرابط بتاعه لكن منعا لخدش الحياء العام

الفيديو ان اللجان الشعبية مسكو ولد شاب بيسرق يمكن عمره حوالى 25 سنة

مش هاقولكم التعذيب اللى عذبوهولى لدرجة انه كل جزء فى جسمه بينزف دم وهو يصرخ ويستغيث

فين الرحمة يا عالم - طب اضربه قلم على قفاه او شلوت - او اشتموه او سلموه للجيش - لكن تعملو فى جسمه المناظر دى بالسكاكين

ايه الاجرام داه - اصحاب الامراض النفسية دول -لو شفتم الفيديو

هيصعب عليكم اوى ان انسان يتعذب للدرجة دى حتى لو كان لص - قلبكم هيوجعكم

ومش ممكن هيروح من بالكم ابدا المشهد طول حياتكم

هللو وهيصوا بفرحة للجان الشعبية اللى مليانة عقد نفسيه وكل

واحد فاكر نفسه بقى ريس المنطقة - مش طبيعى اللى يعملوا كدا

هى دى الثورة والاخلاق والله الله عليكم يا مصريين كل شوية

- فى يا جماعة وراء الكواليس مناظر بشعة

كفاية استفزاز للمشاعر - كل لحظة فى حد بيموت هنا او هنا - لكن كلهم مصريين

مش مهم ظابط ومجند ولا شاب فى المظاهرات ولا لص مسكو الاهالى يعذبوه بالسكاكين

لكن كلهم مصريين

انتهت مكلمتى معاه بحالة انهيارى التام وبكائي - عن هول ما سمعت

قلبي يعتصر الما

دى صورة لازم تعرفوها كلكم وجانب من الجوانب الذى تجهلونه وحبيت اوصلهولكم

الشرطة ضحاياهم كتير جدا

تم تعديل 6 فبراير 2011 بواسطة اغابي

[fatfouta]

ربنا يرحمهم جميعا ويجعلهم في الجنة

لو نعمل موضوع لهم ياجماعة ونبذة بسيطة عن كل شهيد

يمكن ناس عاديين جدا ربنا يفتح بيهم خير على امة بحالها

لعل ربنا اطلع على قلوبهم فاختارهم شهدا من بين ملايين

وكمان مانفقدش الامل في نفسنا واولادنا لعل فينا وفيهم خير يبان في وقت ما

موجود يا اركان

http://www.egyptiantalks.org/invb/index.php?showtopic=116300&st=0

[اغابي]

ربنا يرحم جميع شهداء الوطن

ويصبر اهاليهم

وينتقم من اللى كان السبب

ايا ان كان هذا الجانى - ربنا وحده ينتقم منه ودم الناس دي فى رقبته

ربنا يصبرنا احنا كمان لاننا اهل وشعب واحد

[mekkawy]

الليدي أغابي

صباح الخيرات

الصراحة يا أغابي من كتر المأسي اللي في مشاركتك عن الغلابة ضباط الشرطة اللي المصريين المتوحشين الجاحدين دبحوهم دبح النعاج و من كتر وجع قلبي على حبايبنا ضباط الشرطة الأشاوس ما قدرتش أكمل المشاركة

ايه ده يا أغابي .. للدرجة دي كلمة توديكي و كلمة تجيبك؟؟

للدرجة دي الحرب النفسية غيرت رؤيتك 180 درجة؟

بصي يا أغابي .. انا معاكي إن فيه من ضباط الشرطة شرفاء .. و الله فيه شرفاء .. بس معلش يعني أصلك ما اعتقلتيش ولا رحتي زيارة حلوة لحبايبنا الحلوين ولا حد جالك البيت في نص الليل .. مش بكلمك عن حد تاني .. بكلمك عن نفسي .. بيس

أقولك ... تعالى نشوف

http://www.youtube.com/embed/uUB7gI3n01g

تحياتي ... يا ريت نصحى بأة

[جويرية]

يا يقدروا ينفذوا اهدافهم ، يا يسكنوا في الميدان

يايوفرولهم الكلة

المشكلة يا أخت جويرية انك بتتعاملي مع نظام بارد و بطييييء بطريقة مستفزة

الناس بتعمل اللي عليها..و ان شاء الله القادم أحسن

تصدق بالله .. نفس التعليق بتاع الكله ده بالحرف كان على طرف لساني وانا بقرأ جملة جويرية .. متكملش اصلا غير بكده

جويرية مش عارفه ليه كل مااقرأ لك رد مؤخرا افتكر الاخ العقيد المعمر القذافي ..

انتم قرايب ولا حاجه ؟

ملاحظة جانبية : برغم كل مايشاع عن القذافي وحالة ( السخسخه ) الي ممكن تصيب الواحد لو كان ربنا راضي عليه وخلاه يقع بالصدفة على احد خطابات الاخ العقيد وسمع جزء منها .. الا ان الراجل ده والله وبرغم مايشاع عنه احيانا بيقول درر .. بس مين يسمع..

مخدتيش بالك اني مش برد عليكي نهائيا في جميع مواضيعي ، يعني برد علي جميع الناس ألا انتي

حاولي تغيري اسلوبك

[م تيمور المراغي]

ميدان التحرير يشهد صلاة غائب وقداس وعقد قران في ''أحد الشهداء''

دعا عدد كبير من الشباب أن تكون تظاهرات الأحد في كافة أنحاء الجمهورية تحت شعار ''أحد الشهداء''، ضمن ما يسمى أسبوع الصمود.

ويتوقع أن يتوافد آلاف المتظاهرون على ميدان التحرير وسط القاهرة للمشاركة في تظاهرة ''أحد الشهداء''، للضغط من أجل تنفيذ مطالبهم على رأسها ''رحيل الرئيس مبارك''.

ووجهت دعوة لأسر ضحايا تظاهرات الغضب، منذ اندلاعها يوم الثلاثاء 25 يناير المنصرم، على أن تحمل كل أسرة ورقة عليها اسم فقيدها، لأداء صلاة الغائب وقداس على أرواحهم.

وفي الإسكندرية من المقرر خروج الآلاف للتضامن مع المعتصمين في ميدان التحرير، على أمل أن تكلل تظاهراتهم بالنجاح المأمول.

ودخل المعتصمون في ميدان التحرير يومهم الثالث عشر على التوالي، وأكدوا على أنعم لن يبرحوا أماكنهم دون تنفيذ مطالبهم وأولها رحيل الرئيس مبارك، رافضين في نفس الوقت التحاور قبل تنفيذ تلك المطالب المتمثلة في حل مجلسي الشعب والشورى، ووضع دستور جديد للبلاد، ومحاكمة كل المتورطين في أعمال العنف ضد المتظاهرين المناهضين للنظام، فضلاً عن رحيل الرئيس مبارك.

وتواترت أنباء على فيسبوك وتويتر أن ميدان التحرير الذي أطلق عليه المعتصمون ''ميدان الشهداء''، سيشهد قداس الأحد في الواحدة بعد الظهر، وفي الثانية هناك حفل موسيقي، وحفل عقد قران لشاب وفتاة من المعتصمين في الرابعة بعد العصر

[fatfouta]