25 يناير ... موعد المصريين (13)

[اغابي]

الليدي أغابي

صباح الخيرات

الصراحة يا أغابي من كتر المأسي اللي في مشاركتك عن الغلابة ضباط الشرطة اللي المصريين المتوحشين الجاحدين دبحوهم دبح النعاج و من كتر وجع قلبي على حبايبنا ضباط الشرطة الأشاوس ما قدرتش أكمل المشاركة

ايه ده يا أغابي .. للدرجة دي كلمة توديكي و كلمة تجيبك؟؟

للدرجة دي الحرب النفسية غيرت رؤيتك 180 درجة؟

بصي يا أغابي .. انا معاكي إن فيه من ضباط الشرطة شرفاء .. و الله فيه شرفاء .. بس معلش يعني أصلك ما اعتقلتيش ولا رحتي زيارة حلوة لحبايبنا الحلوين ولا حد جالك البيت في نص الليل .. مش بكلمك عن حد تاني .. بكلمك عن نفسي .. بيس

أقولك ... تعالى نشوف

تحياتي ... يا ريت نصحى بأة

اولا فى فيديوهات كتير مفبركة

ولا انا المطلوب منى اصدق كل حاجة اجبارى

وبعدين بتتكلم بتريقة ليه يا مكاوى - ايه الوطنية اللى انت فيها دى

ما تخلى بالك وكفاية استفزاز - فى مصر بقت مجازر يا راجل -ارحمونا بقى

- ويعنى ايه بقى - كلمة توديني وكلمة تجيبينى دي

ارجع بمشاركاتى من زمان عمرى ما اتكلمت فى حق الشرطة اطلاقا وداه ما اتغيرش

عمرى ما بطلت دعاء لشعب مصر - وداه برضوه ما اتغيرش

يبقى ايه لازمة كلمة توديني وكلمة تجيبنى - ولا علشان مش مجاملاكم فى الكلام اللى عمالين تحكوه ابقى وحشة وفيا القطط الفاطسة

ما هى وطنيتكم تخليكم برضوه تفتكرو الشرطة ودورها فى حماية اهليكم فى مصر ولا ابة يا ابو سلمى

وقبل كدا لماضة نزلت صور لمجندين وقالت دول ما لهمش ذنب فى اللى بيحصل غير انهم بينفذو الاوامر ولا كلام المظاهرات فى الاول كان بس شعارات والسلام ودلوقتى اتقلب لتحريض

لو انت كنت مجند او ظابط هتعمل ايه - وناس هاجمة عليك عددها كبير جدا- داه لو استعملوا اقل رشاش كانو قتلو فى اللحظة الواحدة مئات من الناس لكن هما ما عندهمش انهم يستعملوا السلاح والا كانو عرفو ينفدو بجلدهم او يدافعو عن نفسهم

وبعدين يعنى ما هو اللى ماتو كتير اوى اوى - ولا هو وقت تصفية حسابات من ظابط كان زعلك مرة انت وقرايبك

تقولمو تعاقبو كل الظباط

انت غريب قوى يا مكاوى - كانك بتقول للناس اللى على التوبيك

اللى يقابله ظابط شرطة فى الطريق - يقوم يديله بسكينة ويجيب اجله

تحياتى وياريت انت اللى تصحى

اوففففف نرفيزتنى ع الصبح يامكاوى

تم تعديل 6 فبراير 2011 بواسطة اغابي

[الغريب]

لحظة من فضلكم

فى الاتصالات الدورية للاطمئنان على الاهل بمصر - اتصل بالامس زوجى بزوج اخته وهو ظابط شرطة برتبة مقدم

اتكلمنا معاه مدة كبيرة جدا - حكي حاجات مهولة - بشششعة حصلت

.....

أغابي أنت من أصوات العقل التي تدعوا على الدوام للإنصاف في حق الشرطة

ونحن ضد التعميم ، ولكن ..

ما حكاه لي أصدقائي أن الناس مثلا حينما خرجوا بالمظاهرات من منطقة المعادي ودار السلام على سبيل المثال ، أول ما أتى في طريقهم قسم شرطة دار السلام قاموا بإحراقه .. تفتكري ليه ؟؟

زي ما العقل الجمعي المصري متفق على إحترام الجيش لنزاهة أهله ، فهذا العقل أيضا متفق على كراهية الشرطة لفساد أغلب أهله ؟

يبدو أنك بقالك فترة مزورتيش مصر أو متعرفيش أثر رجال الشرطة الملموس في إنتشار البلطجة في مصر..

يا سيدتي لن أتلكم عن القمع ، ولن أتكلم على قلة الذوق في المعاملة ، ولن أتكلم عن أن مندوبين الشرطة من ذوات المؤهلات المتوسطة الذي أصبحوا بشوات بسبب كارنيه ، ولن أتلكم عن ضابط الشرطة الذي ركل دكتورة جامعية بحذاءه..

ولكن أدعوك لتسألي من تعرفين في مصر عن تربيطات رجال الشرطة مع البلطجية في كل المناطق ، وكيفية الانسجام والتناغم وتبادل المصالح الحاصل بينهم بمبدأ نفعني وأنفعك، وأرشدلي وأمنك.

لعله من وجهة نظري أهم إنجاز يمكن للثورة القيام به وحينها سأكتفي شخصيا وسأنضم لجبهة المهدئين ، هو إحلال الجهاز الأمني الفاسد في مصر بالكامل ، إحلاله وتجديده بالشرفاء في هذا الجهاز -أمثال قريبك- هؤلاء الشرفاء فقط نرفعهم على الرؤوس..

بالمناسبة لي صديقي بالسعودية والده مأمور قسم في السادات بالمنوفية ، سألته عن حاله بعد المظاهرات ، قالي أنا سألت والدي ورد عليا وقالي "يابني الناس هنا متقدرش تيجي جنب القسم هنا لأنهم عارفني كويس قوي وبيشوفوني معاهم في الجامع في كل صلاة ونقعد نتكلم بود وكلهم عارفني ".. أعتقد مثل هؤلاء الشرفاء لابد أن يقودوا هذا الجهاز إلى مكانه الصحيح في قلوب المصريين

[mekkawy]

دعوة من جوار الرسول من إمام الحرم النبوي في صلاة الجمعة

يا رب استجب يا رب استجب

http://www.youtube.com/watch?v=aciSEw-Q9so&feature=player_embedded#at=16

[اغابي]

هع هع هع

ضحكة شريرة متقطعة

هع هع

تحفة الصورة والتعليق يا فتفوتة

ضحكتيني اوى

[bodi]

الثورة يجب ان تستمر بطريقة وتصرفات ثورية ، كما حدث في تونس وهذه التصرفات الثورية تكون كالتالي :

اولا : تطويق مؤسسات حكومية كما طوق الثوار وزارة الداخلية التونسية وكان يوما مهيبا هرب بعده بن علي

ثانيا : وزارة الاعلام مكان مهم وقريب من ميدان ال...تحرير يستطيع الثوار تطويقه والتعامل معه او حتى مجلس الشعب بيت الامة

ثالثا:مسيرات ضخمه تجوب الشوارع الرئيسية والدعوة لاضراب عام يشل الاقتصاد ويضع الرئيس في مأزق

منقول

[mekkawy]

تحياتى وياريت انت اللى تصحى

اوففففف نرفيزتنى ع الصبح يامكاوى

مسز أغابي

أول هام

اسف و الله اني نرفزتك بس تصدقي انتي نرفزتيني أكتر .. أنا مش بتكلم في شخص أغابي يا أغابي هو احنا لسة هنعرفك النهاردة .. أنا بتكلم في موقف عجيب .. بصي أمي كانت دايماً تقولي اللي بيحترم بيحترم نفسه .. و رجال الشرطة لو كانوا احترموا نفسهم ما كنش حصلهم كدة .. و اديكي سمعتي الموقف اللي حكاه الغريب

تاني هام..

يا ستي الفيديو بتاعي مفبرك .. أوكشن .. طب و الفيديو اللي جباتوا فتفوتة و الشرطة بتقتل الشاب الأعزل ده كان مفبرك؟؟؟

تالت هام ...

لم أنفي وجود شرفاء و عظماء كمان في رجال الشرطة بس الضابط اللي نقلتي عنه الكلام بيتكلم و كأن كونه أصيب في حملة أو كمين فده يديله الحق يبيع و يشتري و يقتل بأة في الناس ولاد التيت اللي هم الشعب مهو الباشا أصيب بأة مرتين تلاتة فخلاص يموت أهالينا أحنا بأة

أحب أقولك ده شغله و بياخد عليه أجر .. هو اختار يكون ظابط شرطة و أمن و أمان و كان عارف ان ليها مخاطر و بياخد عليها أجر زي الحداد ما بياخد أجر و ممكن الحديد يجمد أطرافه لو وقع عليها .. زي ما الدكتور بياخد أجر و ممكن يصاب بأي فيرس من أي مريض و زي ما السواق بياخد أجر و ممكن يعمل حادثة و يموت ... لكن أبداً أبداً ده ما يديش الناس دي حق تدوس ع الخلق

تحية كبيرة مني و بأرفع القبعة كمان لكل ضابط محترم بيتقى الله في عمله و بيتق و بيحترم المجتمع اللي حواليه .. غير كدة ما عنديش حاجة ليهم لا حلو ولا وحش

[اغابي]

لحظة من فضلكم

فى الاتصالات الدورية للاطمئنان على الاهل بمصر - اتصل بالامس زوجى بزوج اخته وهو ظابط شرطة برتبة مقدم

اتكلمنا معاه مدة كبيرة جدا - حكي حاجات مهولة - بشششعة حصلت

.....

أغابي أنت من أصوات العقل التي تدعوا على الدوام للإنصاف في حق الشرطة

ونحن ضد التعميم ، ولكن ..

ما حكاه لي أصدقائي أن الناس مثلا حينما خرجوا بالمظاهرات من منطقة المعادي ودار السلام على سبيل المثال ، أول ما أتى في طريقهم قسم شرطة دار السلام قاموا بإحراقه .. تفتكري ليه ؟؟

زي ما العقل الجمعي المصري متفق على إحترام الجيش لنزاهة أهله ، فهذا العقل أيضا متفق على كراهية الشرطة لفساد أغلب أهله ؟

يبدو أنك بقالك فترة مزورتيش مصر أو متعرفيش أثر رجال الشرطة الملموس في إنتشار البلطجة في مصر..

يا سيدتي لن أتلكم عن القمع ، ولن أتكلم على قلة الذوق في المعاملة ، ولن أتكلم عن أن مندوبين الشرطة من ذوات المؤهلات المتوسطة الذي أصبحوا بشوات بسبب كارنيه ، ولن أتلكم عن ضابط الشرطة الذي ركل دكتورة جامعية بحذاءه..

ولكن أدعوك لتسألي من تعرفين في مصر عن تربيطات رجال الشرطة مع البلطجية في كل المناطق ، وكيفية الانسجام والتناغم وتبادل المصالح الحاصل بينهم بمبدأ نفعني وأنفعك، وأرشدلي وأمنك.

لعله من وجهة نظري أهم إنجاز يمكن للثورة القيام به وحينها سأكتفي شخصيا وسأنضم لجبهة المهدئين ، هو إحلال الجهاز الأمني الفاسد في مصر بالكامل ، إحلاله وتجديده بالشرفاء في هذا الجهاز -أمثال قريبك- هؤلاء الشرفاء فقط نرفعهم على الرؤوس..

بالمناسبة لي صديقي بالسعودية والده مأمور قسم في السادات بالمنوفية ، سألته عن حاله بعد المظاهرات ، قالي أنا سألت والدي ورد عليا وقالي "يابني الناس هنا متقدرش تيجي جنب القسم هنا لأنهم عارفني كويس قوي وبيشوفوني معاهم في الجامع في كل صلاة ونقعد نتكلم بود وكلهم عارفني ".. أعتقد مثل هؤلاء الشرفاء لابد أن يقودوا هذا الجهاز إلى مكانه الصحيح في قلوب المصريين

يا غريب - انا فعلا انادى بعدم التعميم

مش كل الظباط اخر قلة ادب ومش كل الظباط بيتعاملو بنفس الطريقة انت

لو روحت بيت بتلاقى الاخوات مختلفين وفى بيت واحد المستشفى فيها دكاترا كويسين وناس تانية لاء والمدرسين وكل فئة وكل وظيفه فيها وفيها

كل انا اللى شيفاه على المحاورات ومن الجميع بدون استثناء اسم منهم - هو التنكيل بالشرطة انا ابتديت اشك ان كل المحاوراتية كانو فى معتقلات قبل كدا وخرجو على الانضمام للمحاورات من بشاعة وصفهم للامور التى تخص الشرطة - بهذا الشكل

مش ممكن - طب تتخيل التسخين داه اخره ايه - ما هو كتير مات من الطرفين

يعنى مصر ارض السلام والامان بقى الدم فى الشوارع بالمنظر داه

وما بقاش حد برئ - لازم نشوف الامور من جميع الجوانب والزوايا - للاسف هنا مركزين على شهداء المظاهرات وناسيين شهداء الشرطة

مركزين على الجانب السيء للشرطة وناسيين الجانب الكويس ليهم

يا غريب الفساد مش فى المخبرين وبس الفساد والرشوة كان موجود عيني عينك فى كل اجهزة الدولة

لو حبيت تستخرج شهادة لو حبيت تستخرج رخصة لو حبيت تعمل اى مصلحة لازم من اصغر موظف لاكبر موظف بياخد رشوة

يبقى مش بس معانا ها غير الشرطة اللى شغالين نحط علهم البنزين ونولع فيهم

انا صدقنى صعبان عليا جدا الناس اللى ماتو فى المظاهرات والناس اللى ماتو فى الشرطة

والناس اللى ماتو فى السجون حتى لو كانو مجرمين وعليهم احكام

شكرا جزيلا

تم تعديل 6 فبراير 2011 بواسطة اغابي

[doha]

اغابي ..

المداخلة الي كتبتيها بخصوص رجال الشرطه شديده الاهمية بس مش ده وقتها ..

ياريت تحتفظي بيها وان ربنا اكرمنا والامور هديت ابقي اعملي توبيك مخصوص نحاول فيه كلنا استعادة ثقة المجتمع بالشرطه الي انهزت كتير جدا بعد الاحداث الاخيرة ..

الموضوع في غايه الاهمية ومحتاج وقفة شعبية على جميع الاصعده لاستعاده قطاع الشرطه الي تقريبا خلاص فقدناه ..

تم تعديل 6 فبراير 2011 بواسطة doha

[عبير يونس]

مقال للكاتب الرائع والكبير الدكتور احمد خالد توفيق

==================================================

إنهم يأكلون الكنتاكي

الدستور - 5 فبراير 2011

لو كنت أنا ضمن النظام لكافأت الإعلام الحكومي الرسمي والمسئول عن هذا السيرك الإعلامي الذي يدور ليلاً ونهارًا على كل القنوات، فالحقيقة أن هذا الإعلام يخوض حربًا حقيقية ويلعب بكل الأوراق ولا ينام .. كل الألعاب يلعبها مهما كانت سخيفة أو ساذجة أو قذرة؛ فهو يؤمن أنها معركته الأخيرة إن لم يربحها .. والنتيجة بالفعل أنه بدأ يشطر الرأي العام الذي كان موحدًا منذ أسبوع، وقد أجاد اللعب على عواطف ربات البيوت اللاتي كن يقلن منذ أشهر : "ومين تاني ينفع؟.. اللي نعرفه أحسن من اللي ما نعرفوش". بينما الحقيقة كما يقول هيكل إن أي شعب يعجز عن إيجاد بديل لشخص هو شعب يستحق الفناء. هذه السياسة تذكرني بأمينة زوجة أحمد عبد الجواد في ثلاثية نجيب محفوظ، عندما كانت تسمع مناقشة سياسية حادة عن الجلاء والإنجليز بين ابنيها، فتقول: "هي الست ملكة انجلترا دي مش أم برضه؟.. يعني لو كلموها بالراحة كده قلبها حيرق". فيضحك الأخوان لأنها تعتقد أن ملكة بريطانيا مثل أم بلبل وأم مصطفى جارتيها. سياسة أمينة هي التي تحتل الساحة الآن ..

الآن لعب الإعلام على عواطف الناس وعلى وهن ذاكرتهم. سوف ينسون أن رصاص القناصة أطلق على رءوس شباب زي الورد، وسوف ينسون أن الشرطة ذابت ليواجه الناس وحدهم عصابات الشبيحة، وسوف ينسون أن خدمات الإنترنت والموبايل والقطارات توقفت، وسوف ينسون أن السجون كلها فتحت في لحظة واحدة ليخرج الخطرون بالآلاف، وسوف ينسون أن عربات الشرطة تدهم المتظاهرين كأنهم صراصير في ستة أفلام على اليوتيوب، وسوف ينسون منظر البلطجية بالسنج والخيول يمزقون الشباب في ميدان التحرير أمام العالم كله ليرى ما وصل له الشعب الذي علّم العالم الحضارة.. سوف ينسون....

بعد ما ملأ الإعلام أذهان الناس بالبلطجية حاملي السيوف (الذين تسببت الحكومة في وجودهم)، ملأ أذهانهم بالأجندات الخاصة وعملاء الموساد وحزب الله والمخابرات المركزية الذين تحالفوا للمرة الأولى في التاريخ لإسقاط النظام. لا أعرف كيف يتحالف الموساد مع حزب الله وحماس لكن الإعلام مصر على أن هذا حدث. صار الشباب في ميدان التحرير عملاء أجانب جميعًا، وصار الميدان يعج بالإيرانيين، ولنفس الأسباب رحب الإعلام لأول مرة بتقديم خطبة الجمعة التي يلقيها خامنئي؛ لأنه بالتأكيد سيتكلم عن أحداث مصر وهذا دليل دامغ .. وكما قالت المناضلة نوارة (قلب الأسد) نجم: "لو كانت كل هذه القوى تعمل داخل مصر، فجهاز المخابرات لا يؤدي عمله على الإطلاق إذن !".

تسمع القنوات الحكومية فتشعر بمزيج من القرف والسخرية لكنك كذلك تنبهر بهؤلاء القوم المتحمسين .. هم يعرفون أن الزن على الآذان له مفعول السحر. هناك نقيب من القوات المسلحة جلس مع المتظاهرين في مودة، فراحوا يعيدون اللقطة مرارًا مع تعليق (خبير استراتيجي) يؤكد بخبرته العسكرية أن ثياب النقيب مزورة... مع إهانات لا تنقطع: "الواد ده قاعد على الأرض .. مش ممكن ضابط يقعد على الأرض كده .. الواد ده لازم يتحاكم .. الخ".

هناك عشرات الاتصالات من مواطنين يؤكدون في ذكاء أن المتظاهرين يأكلون (الكنتاكي) وهذا دليل على أن لديهم أجندات خارجية!.. هذا اعتراف ضمني بأنه لا يمكن لواحد من الشعب المصري الآن أن يأكل الكنتاكي ما لم يكن عميلاً للخارج !!

المعتصمون في ميدان التحرير يبحثون عن دفء.. فأين الكنتاكي؟

سمعت هذه الملاحظة عشرات المرات في الراديو والتلفزيون حتى تأكدت أن هؤلاء المتظاهرين سوف يطفحون ما أكلوه بالسم .. فهي لقمة (منظورة) فعلاً. من قال إن المتظاهرين جياع أصلاً بينما نحن نعرف أنهم في معظمهم من شباب الطبقة الوسطى القادرين على التعامل مع الكمبيوتر، ومعظمهم من شباب (وسط البلد) الذين يعلقون صور جيفارا ويستمعون لبوب مارلي ومارسيل خليفة ؟ .. ثم إنني معجب جدًا بثراء الجهة القادرة على شراء كنتاكي لاثنين مليون متظاهر .. لابد أنها أنفقت مليارات على إطعام هؤلاء خاصة أنهم يأكلون كديدان القز.

وصلتني هذه الرسالة من فنان الكاريكاتور الجميل أشرف حمدي، وهو قد شارك في المظاهرات ويحكي ما رآه بعينه ليفسر به لغز الكنتاكي: " ما رأيته بعيني وما اشتركنا به هو عملية جمع نقود من أنفسنا ، يتطوع شخص ما ويدور حاملا كيس بلاستيكي لجمع النقود، وهذا الأمر ليس إلزاميا، وغير محدد بمبلغ معين، يمكنك أن تدفع جنيهًا أو عشرين جنيهًا ويمكنك ألا تدفع أي شيء، بعدها نشتري الطعام والشراب ويتطوع نفس الشخص أو شخص آخر في عملية توزيعه على من يريد وليس بالضرورة على من دفع، باختصار : "بنلم أي فلوس من أي ناس نجيب بيها أي أكل يتوزع على أي حد عاوز ياكل" ، أما المستلزمات الطبية فهي تبرعات من صيادلة مشاركين وكذلك الأطباء من المشاركين في الثورة متطوعون، وسواء كانوا مع الثورة أو ضدها أو على الحياد فإن دور الطبيب لا علاقة له بالسياسة فهو دور إنساني في المقام الأول". ثم يقول في موضع آخر: "أنا بنفسي أكلت فول وطعمية تطوع بهما شاب فقير فعرضت عليه سيجارة على سبيل المشاركة .. نحن يد واحدة ولا فرق بين غني وفقير".

لم يتحدث عن عميل ملثم يتكلم العبرية ويحمل وجبات كنتاكي مع رزم من الدولارات يوزعها على المتظاهرين على ما أعتقد. هذه سيمفونية جميلة صنعها الشباب في ميدان التحرير قد غيرت كل شيء.. لا أكثر ولا أقل ومن دون فذلكة أمنية، وإن المرء ليشعر بحسرة لأن هذا كله لم يحدث منذ عشر سنوات .. لو حدث هذا مبكرًا جدًا لتغير الكثير .. ما كانت المليارات لتهرب للخارج، وما كان القطاع العام ليبدد، وما كانت أرض مصر لتباع بملاليم للمستثمرين، وما كان الغاز ليصدر لإسرائيل، وما كنا لنفقد كل هذه الآثار. بل إن الخيال ليجمح أكثر ليتصور أن غرقى العبارة كانوا سيكونون بيننا ومعهم خالد سعيد وسيد بلال وآخرون. اعتبرني مجنونًا لكن لربما كان قتلى الدويقة بيننا لأنهم كانوا سيجدون مساكن أفضل ...

كان لابد أن يحدث هذا ليعرفوا أن الشعب المصري ليس مجرد صراصير تطئها سيارات الأمن المركزي، ولكن ... (لو) تفتح بابًا لعمل الشيطان على كل حال.

اتساءل بدوري

إلى كل ذي عقل

ألم يكن أسهل على هذا التحالف الرهيب - بإستثناء الموساد طبعا - تحرير القدس بدلا من إسقاط مبارك؟؟؟!!!

بس هي ودنك منين يا جحا

يسقطون نظام مبارك ليحرر الشعب المصري القدس!!!!

و لكن برافو

أنا كده اطمأنيت على قوة النظام الحاكم

الذي تحالف العالم كله ضده بأجندات مختلفة و معهم الموساد شخصيا و لم يفلحوا

بطولة جديدة يجب أن نحكيها على الربابة لشهور

و خصوصا عندما يقضي النظام على كامل المتظاهرين بكل السبل الممكنة (المشروعة أو غير المشروعة... متفرقش ... العبرة بالنهاية)

و يرجع المجرمون إلى السجون (ستاند باي)

و تعود الشرطة ل ....خدمة الشعب

و يتم تعويض أسر الضحايا

الشهيد 100 جنيه

و الجريح 50 جنيه

مع ترديد نشيد النظام أقوى من تحالف الأجندات 9 مرات يوميا قبل الأكل وبعده

فنضمن بكل ثقة

أن يطلع الشعب المصري عن بكرة أبيه في سبتمبر القادم في مظاهرة تضم ال 85 مليون

رجالا ونساء وأطفالا

كبارا و صغارا... أحياء و أمواتا

تطالب الرئيس بالترشح لفترة رئاسية سابعة

[شرف الدين]

عذرا والله لأني مش لحقتش أكتب أي عتليق على أحداث إمبارح

وبرضه الموضوع بيكبر بشكل رهيب ومش لاحق اقرى كل المداخلات

على العموم النظام كل يوم بيقدم تنازلات

وده دليل إن موقفه أضعف

[الغريب]

تخيلوا من بداية الأحداث

كل يوم آجي الشغل الصبح

الشباب الهنود والبنجالة يسألوني :

رئيس مبارك مشي ولا ما يمشي ؟؟

[aimen]

نوارة نجم

لو ما عندكش عذر صحي ومقيم في مصر لازم تنزل النهاردة ان شاء الله لان النهاردة يوم الشهداء، لو كان واحد من اللي استشهدوا اخوك او ابنك او ابوك ما كنتش حتتحجج بالبرد والشغل والظروف، واللي استشهدوا دول احسن من اخوك وابوك وابنك، دول استشهدوا عشانك وهم ما يعرفوكش ولا عمرهم شافوك، استشهدوا عشان انت تعيش كويس ومافيش بينهم وبينك سابق معرفةيبقى لو ما جتش... مش عايزة احكم عليك، بس انا شخصيا نازلة عشان حاسة بتأنيب الضمير اني انا اللي كان مفروض اموت وهم فدوني ولو ما نزلتش ابقى باخون دمهم----------بالنسبة لذوي الاعذار الصحية والمقيمين بالخارج مطلوب منكم الآتي، بجد مش هزار:المسلمين يقروا سورة يس سبع مرات بالدعاء بتاعها عشان مبارك وحاشيته ونظامه واذنابه وجنده يرحلوا عن البلد النهاردة وما يمسيش عليهم الليل الا وربنا فك اسرنا منهم... او ينكل بيهم زي ما نكل بفرعون وهامان وجنودهما، بحق دم الشهداءالمسيحيين حتقروا المزامير طول اليوم، طول اليوم، برضه بنفس النية وبنفس التوسل لربنا: دم الشهداء، وحرقة قلب امهاتهم واهاليهم واحبائهمأمانةفتكوا بالعافي

[م تيمور المراغي]

تخيلوا من بداية الأحداث

كل يوم آجي الشغل الصبح

الشباب الهنود والبنجالة يسألوني :

رئيس مبارك مشي ولا ما يمشي ؟؟

قول لهم انا كل ما اتصل بيه الصبح قبل ما آجي شوغول

هو فيه هز راسو يمين شمال باااادين كلااااام

ما في ما لووووم :)

[Simba]

يبقى مش بس معانا ها غير الشرطة اللى شغالين نحط علهم البنزين ونولع فيهم

يرد عليكي يا اغابي في الجزئية دي فيلم هي فوضي

الناس ساعة غضبها ما كانتش محتاجة تسخين ولا حاجة لان السنين الاخيرة اللي فاتت وعلي غير العادة بدات الفيديوهات تنتشر علي النت واقل فيديو فيهم كفيل باقالة وزير الداخلية لكن اللي بيحصل كان العكس

الفيديوهات بدات بعماد الكبير وافتكر ان كان فيه في المحاورات موضوع كبير عنه خصوصا ان اصداء الحكاية دي وصلت لكل قنوات الاخبار واتحاكم بسببها الظابط علي ما افتكر كان اسمه اسلام نبيل واخد تلات سنين

مش هنا المشكلة

المشكلة كلها ان كان فيه فشل ما بعده فشل في العلاقة ما بين الشرطة والناس وكل شوية يطلعوا علينا بفيديو جديد وحكاية جديدة

وبصراحة بقي شكلهم مش حضاري خالص

مش عارف ازاي دخلنا علي ال 2011 وفيه حاجة اسمها مخبرين وبيلبسوا جلابية والجزمة الميري يعني العبيط يعرف انه مخبر وده كل ثقافته في الحياة انه يدي الناس علي قفاها

محدش ينكر ان البلد فيها انهم كانوا مسيطرين علي الامن والامان بس في نفس الوقت عندهم بلطجية بيستخدموها وقت اللزوم ودي مصيبة اكبر

مستحيل بلد يكون فيها امن اي كان في وجود بلطجية من اي نوع

نوع البلطجية اللي ممكن يقتل او يفزع الناس وقلبه ميت المفروض يعدموهم بس احنا معندناش قانون حقيقي علشان الظاهرة اللي زي الزفت دي تختفي

الله اعلم علاقة الناس بالشرطة هتكون ايه الايام اللي جاية يا تري الشرطة هترجع تنتقم ولا هترجع تصلح محدش عارف

وبالنسبة للجان الشعبية دي مصيبة ما بعدها مصيبة

دي رجعتنا لعصر التوت والنبوت الشاب الحليوة اللي واقف يحمي الامن والامان بقدرة قادر بعد شوية هيتحول فتوة هو كمان والشوارع تتقسم خصوصا في الاحياء وطبعا مش هيكون له مصدر دخل غير البلطجة

[aimen]

http://www.youtube.com/watch?v=ahCwBBndlVY

اغنية الثورة

كلمة واحدة " ارحل - ارحل "

تم تعديل 6 فبراير 2011 بواسطة aimen

[اغابي]

اغابي ..

المداخلة الي كتبتيها بخصوص رجال الشرطه شديده الاهمية بس مش ده وقتها ..

ياريت تحتفظي بيها وان ربنا اكرمنا والامور هديت ابقي اعملي توبيك مخصوص نحاول فيه كلنا استعادة ثقة المجتمع بالشرطه الي انهزت كتير جدا بعد الاحداث الاخيرة ..

الموضوع في غايه الاهمية ومحتاج وقفة شعبية على جميع الاصعده لاستعاده قطاع الشرطه الي تقريبا خلاص فقدناه ..

فعلا يا ضحى انا محتاجة حاجة زى كدا

فى اللينك داه برضوه اتكلمت عن قرايبى وازاى نقلولى الصورة وقتها مباشرة من قلب الاحداث

http://www.egyptiantalks.org/invb/index.php?showtopic=116025&st=975

ياريت فعلا لما تهدى الامور نتكلم عن الشرطة

شكرا جزيلا للفت انتباهى

اتفضلى

تم تعديل 6 فبراير 2011 بواسطة اغابي

[hOuSsAm]

تخيلوا من بداية الأحداث

كل يوم آجي الشغل الصبح

الشباب الهنود والبنجالة يسألوني :

رئيس مبارك مشي ولا ما يمشي ؟؟

تصدق نفس الكلام حصل معايا من الاوفيس بوى

اللى عمرى متخيلت انه يعرف حاجة اسمها مصر اصلا

لاقيته متابع الاحداث جيدا (وبالمناسبة هو لا يعرف عربى ولا انجليزى حتى) الا بعض الكلمات القليلة

اول مرة قالى حسنى مبارك خلاص روح

قولتله لسه

تانى مرة قالى انت مافى نزول بلد عشان حسنى مبارك لسه مافى روح :D

--------------------------

الاغرب بقى ركبت تاكسى مع واحد بكستانى

الاول افتكرته سورى لانه بيتقن العربية احسن منى وعشان كان شبه السوريين

اكتشتفت انه بكستانى بعد الحاحى فى السؤال على جنسيته وقالى لو عايزنى اتكلملك مصرى هتكلم

لاقيته بيحب مصر جدا وعارف عنها كل حاجة (لابعد درجة تتخيلها)

وبيتكلم فى السياسة المصرية وفاهم فيها كل حاجة والاحتمالات المحتملة للثورة

وعن اكاذيب الحكومة والتلفزيون المصرى

انسان غير عادى

عارف كل المدن المصرية واعداد الثوار فى كل مدينة وسالنى هو ليه الصعيد مطلعش منه مظاهرات

واتكلمنا فى الحزب الوطنى ولاقيته عارف معلومات عن البرادعى انا مش عارفها وبردوا كان بيرشح عمرو موسى لانه معجب بيه اوى

اصلا كان عنده تحليل لكل الاحزاب والمرشحين

------

اكتشفت ان كتير من الجنسيات يهمها امر مصر اوى وعارفة ان مصر حاجة مهمة اوى على مستوى العالم

ولما مصر هتتغير هتغير صورة العالم بالكامل

حسبى الله ونعم الوكيل فى اللى كان مضيعنا وسط الشعوب

[se_ Elsyed]

ثالثا:مسيرات ضخمه تجوب الشوارع الرئيسية والدعوة لاضراب عام يشل الاقتصاد ويضع الرئيس في مأزق

يضعه في مأزق ؟

أقسم بالله ولا تتهز شعره في راسه المصبوغة لما بقت ولا مصنع ورنيش

أنا لست مع هذه الفكرة بالمرة ... لإن عندنا 40 % من الناس تحت خط الفقر وعايشين اليوم بيومه

ودول أول ناس هايدفعوا الثمن ومش هايلاقوا ياكلوا

فحرام يدفعوا هما هذا الثمن الباهظ ... وبالعكس .. هايتبرمجوا زي عساكر الأمن المركزي والإعلام هايفهمهم إن العيال دي هما اللي مانعين عنهم الميه والهواء والشغل وواقفين حالهم ... وتخيل إنت هايحصل إيه .

[aimen]

أهم إنجازات ثورة 25 يناير

from

مش عارفة....بس نفسي اعرف

باب الجامعة العربية يتضامن

الفتنة الطائفية والفرقة المجتمعية مش أمي

كنتاكي الشعب من عند كشري التحرير يا محترم .. خد بالك من الخمسين دولار اللي مخبينها تحت العلب

ماء معدني نضيشف نضيشف نضيشف .. وخد بالك من الأجندة الخارجية اللي مع البه أم منطلون

تم تعديل 6 فبراير 2011 بواسطة aimen

[wsadani]

قناة الجزيرة ليل نهار شغالة على مصر وعمالة تسخن مش هيهدالهم بال غير لما الدنيا تولع