25 يناير ... موعد المصريين (13)

[aimen]

طب مش علشانا..ولا علشان مصر اللي بتتحجج بيها..علشان العريس ده ياراجل..شربات يا مصري

http://www.youtube.com/watch?v=XOqQaL8K9JE

وكأن مبارك بنفذ ما فيها بالضبط

مسرحية ضيعه تشرين

دريد لحام - نهاد قلعى - ياسر العظمه

تم تعديل 6 فبراير 2011 بواسطة aimen

[ComingSoon]

قناة الجزيرة ليل نهار شغالة على مصر وعمالة تسخن مش هيهدالهم بال غير لما الدنيا تولع

الجزيرة صادقة والتلفزيون المصري كذاب باعتراف العاملين فية

منع محمود سعد

استقالة المذيعة سها النقاش اعتراضاً علي الكذب الذي يمارسة التلفزيون المصري

واليوم ضربة موجعة اخري لنظام الكذب والتزوير

استقالة رئيس اتحاد الاذاعة والتلفزيون

http://www.dostor.org/art/news-and-variety/11/february/5/35929

[hOuSsAm]

لحظة من فضلكم

فى الاتصالات الدورية للاطمئنان على الاهل بمصر - اتصل بالامس زوجى بزوج اخته وهو ظابط شرطة برتبة مقدم

اتكلمنا معاه مدة كبيرة جدا - حكي حاجات مهولة - بشششعة حصلت

من ضمنها الكثير من ظباط الشرطة انتحرو - اول ما شافو منظر الناس هاجمة على قسم الشرطة

وانهم اما حياخدوهم اسير حرب - او يتعذبو - كل واحد منهم سحب مسدسه وضرب بيه رصاصه

فى دماغه بشهادة من استطاع الفرار بحياته من المجندين او باقى الظباط

حكالنا فى التلفون لو كنا بنحارب فى 73 مع اليهود ما كناش هنموت بالبشاعة دى - ايه الجحودية دى يا مصريين

خلاص نسينا دور الشرطة طول السنين

مفيش ظابط شرطة مفهوش علامة الختم الجمهورى فى جسمه علشان نحمى الوطن - وهى رصاصة من اى مأمورية من المأموريات

قالى انا 25 سنة بخدم الوطن - فى تلات مأموريات ورا بعضهم اخدت 3 رصاصات

واحدة فى كتفى الشمال وواحدة فى رجلى وواحدة فى الحوض

اقل ظابط من اللى ماتو كان واخدله رصاصة ولا اتنين وياما نزل يحمي البلد فى نص الليل

لما الفساد بيكتر فى البلد - مسؤلية الشرطة بتزيد - يعنى بدل ما ننزل مأمورية خطرة او اتنين فى الاسبوع

بننزل 15 مأمورية وكلهم احتمال كبير ما نرجعش تانى بيوتنا

مخدرات - سرقه - اغتصاب - قتل - دعارة - دوريات طرق - لجان كمين - حراسة منشات - حيازة سلاح - تأمين فنادق -

بيحكيلى ان لو الناس زعلانة على ال300 شاب فى المظاهرات اللى ماتو - فلازم يزعلوا

و يعرفوا ان اللى مات فى الشرطة اكتر من 800 ظابط ومجند وبأبشع طرق القتل

لما يدخلو على لواء فى الهرم ويدبحوه قدام مراته واولاده يبقى داه اسمه ايه

لما يخرجو المساجين من قسم الشرطة ويقفلوا القسم على الظباط والمجندين ويولعو

فيه نار علشان يموتو محروقين جوة القسم يبقى داه اسمه ايه

لا يقل عن 800 ظابط ومجند ماتو

- نزلنا يومها من معسكر التجنيد 500 ظابط ومجند - رجعنا المعسكر 65 فقط

فى ظباط قررت تنتحر وفى ظباط جايلنا اشارة انهم مخطوفين من قبل ناس شغالة تعذيب فيهم

فى اشارات يوميا بنستلمها من الجيش بابشع ما يكون

احنا لو بنحارب اسرائيل ما كنتش عملت معانا كدا - هى دى نهاية ملفنا فى خدمة البلد - النهاية تبقى بالبشاعة دى

ليه الاعلام مش راضي يتكلم عن الشهداء من المجندين والظباط اللى سابو اطفالهم اتيتمو

- وقالى - انا ليا 4 من اعز اصدقائي واشطر ظباط كلهم فعلا كفاءات - ماتو موتات تعذيب جوة اسم الشرطة

- تخيلو لما يهجم عليكم 1000 شخص على 4 ظباط ممكن يعملو فيهم ايه

قالى نسيو الارهاب اللى كان مالى مصر ومزعزع امن البلد - قالى انا فى مرة نزلت مأمورية فى نص الليل

انا و3 معايا سنة 98 لوجود اشارة ان فى ارهاب فى محطة قطار وكانو فعلا مسلحين

وهيموتوا كل الناس اللى فى القطر - رجعنا يومها من المأمورية 2 فقط - وماتو 2 من أكفأ الظباط

قالى تخيلى يا اغابي انا مش ممكن انسي فى مرة لما نزلت فى نص الليل ولسة نايم وعيني دى قافلة

من النوم وداه حالى كتير مننا الظباط المهم نزلت فى مامورية باعمل كمين على منطقة

وكلهم مسلحين ولسة يدوب بندخل هناك - تبصى تلاقى الرصاص من كل ناحية حواليا وكل داه وانا لسة ما فوقتش من النوم قالى والله نصعب عليكم وانتم يا بتوع المظاهرات وانتم يا ناس يا اللى هجمتم على الاقسام وحرقتم الظباط وهما وحيين - كانهم ظباط يهود - كلكم فى سابع نومة وقالى كانت بتيجي على الواحد ايام يبص على البلكونات والناس اللى حواليه فى سابع نومة ويحسدهم من كتر التعب اللى كنا بنبقى فيه والمخاطر

كتير من الظباط اللى ماتو فى الاحداث دى محترمين وعلى اعلى مستوى من الكفاءة

وخسارة كبيرة للبلد وروتب - وانا اعرف كتير منهم - وعشرة عمر

قالى شباب المظاهرات لما نزلو بالمظاهرات كانو عارفين ان هيموت كل داه من الشرطة والمجندين وكل الاطفال دى هيتيتموا

ايه الهمجية دى من الناس اللى بهدلت الظباط

كلمة اخيرة

ياريت يا جماعة بس ما تاخدناش الحماس اوى وتنسينا دور الشرطة فى حماية امن الوطن طول السنين دي

ياريت يا تيمور ما تنساش ان لولا دور الشرطة وحمايتها ما كنتش تقدر انت وغيرك تعيش فى السعودية

وتسيب مراتك وابنك وحدهم فى مصر وانت مطمن

ملحوظة صحيح - بمناسبة اللجان الشعبية - اللى فرحانين بيها اوى دى - فكرتونى

انا اتفرجت على فيديو للجان شعبية مسكو حرامى

بصراحة الشرطة ارحم على الاقل مش بالطريقة الهمجية دى هيتعاملوا وفى قانون

ولوا ان الفيديو فيه الفاظ بزيئة كتير كنت حطيت هنا الرابط بتاعه لكن منعا لخدش الحياء العام

الفيديو ان اللجان الشعبية مسكو ولد شاب بيسرق يمكن عمره حوالى 25 سنة

مش هاقولكم التعذيب اللى عذبوهولى لدرجة انه كل جزء فى جسمه بينزف دم وهو يصرخ ويستغيث

فين الرحمة يا عالم - طب اضربه قلم على قفاه او شلوت - او اشتموه او سلموه للجيش - لكن تعملو فى جسمه المناظر دى بالسكاكين

ايه الاجرام داه - اصحاب الامراض النفسية دول -لو شفتم الفيديو

هيصعب عليكم اوى ان انسان يتعذب للدرجة دى حتى لو كان لص - قلبكم هيوجعكم

ومش ممكن هيروح من بالكم ابدا المشهد طول حياتكم

هللو وهيصوا بفرحة للجان الشعبية اللى مليانة عقد نفسيه وكل

واحد فاكر نفسه بقى ريس المنطقة - مش طبيعى اللى يعملوا كدا

هى دى الثورة والاخلاق والله الله عليكم يا مصريين كل شوية

- فى يا جماعة وراء الكواليس مناظر بشعة

كفاية استفزاز للمشاعر - كل لحظة فى حد بيموت هنا او هنا - لكن كلهم مصريين

مش مهم ظابط ومجند ولا شاب فى المظاهرات ولا لص مسكو الاهالى يعذبوه بالسكاكين

لكن كلهم مصريين

انتهت مكلمتى معاه بحالة انهيارى التام وبكائي - عن هول ما سمعت

قلبي يعتصر الما

دى صورة لازم تعرفوها كلكم وجانب من الجوانب الذى تجهلونه وحبيت اوصلهولكم

الشرطة ضحاياهم كتير جدا

اغابى

صباح الخير

اول حاجة لحد دلوقتى مفيش مسئول طلع قال ان فيه 800 ضابط وعسكرى ماتوا

تانى حاجة بالنسبة لجريمة التعذيب اللى شافها الضباط من المتظاهرين (انا هفترض ان الكلام اللى قولتيه كله مظبوط 100%) وهفترض ان كل الظباط اشراف ويقيموا بدورهم بالتمام

بس المتظاهرين منسيوش خالد سعيد

منسوش سيد بلال

منسوش تفجير الكنيسة بالاسكندرية

منسيوش اخوانهم الشهداء اللى ماتوا من يوم التلات لحد الجمعة وكمية القمع والضرب اللى اخدوها من عساكر وضباط الامن المركزى

منسوش العربيات اللى كانت بتدوس عليهم وتجرى

منسوش عساكر الامن المركزى وهما بيرشوا عليهم المية والغاز المسيل للدموع وهما بيصلوا

منسوش الـ 200 مليون جنيه مخدرات فى الساحل الشمالى (هو احنا اصلا عندنا ادارة مكافحة مخدرات)

منسوش ريحة دخان البانجو اللى مالى الشوارع (لعلمك انا مش مدخن بس اعرف ريحة البانجو كويس لانها امر طبيعى فى الشوارع)

منسوش عمال البلدية اللى بيبهدلوا فى الغلابة اللى بيبعوا الخضار فى الشارع وبياخدوا حجاتهم

منسوش التعذيب والاعتقالات التى لم يسلم منها شباب كتير فى مصر

منسوش الاستهزاء والتريقة باى حد مهما كان رجل مسن او شاب فى قسم الشرطة

منسوش ان مفيش حاجة بتخلص فى الشرطة الا بواسطة

منسوش الاتاوة اللى بياخدوها رجال المرور من اللى رايح والجاى

منسوش اخواتهم البنات اللى بيغتصبوا فى كل شوارع مصر على مراى ومسمع من رجال الشرطة ومحدش بيحميهم

اغابى انا فيه حجات كتيرة معرفهاش من جرايم الشرطة وحجات اكتر الحياء بيمنعنى انى اذكرها

وكلها على مراى ومسمع من رجال الشرطة

انا اسف يا اغابى اين دور رجال الشرطة فى حفظ الامن والامان

(المخدرات موجودة - الاغتصاب موجود - رشاوى بالعبيط - السرقة موجودة - القتل موجود )

بالنسبة لى اعتبر ان الشرطة موجودة فى مصر بنسبة 30% مش اكترتحياتى

[جويرية]

بخصوص العلاقة السيئة بين الشرطة و الشعب

النظام الفاشل بقدرته الجبارة و بقوانين تنظيم العمل ، القوانين دي اغلبها خطأ و هيا اللي بتسبب

المشاكل بين المدرس و الطالب ، بين الطبيب و المريض ، وعموما في جميع قطاعات الحكومة

[Simba]

النائب العام يعد قائمة جديدة للفساد تضم وزراء سابقين ورجال أعمال.. وقانونيون: «العادلى» سيواجه ٧ اتهامات

كتب أحمد شلبى ويسرى البدرى وحسام صدقة ٦/ ٢/ ٢٠١١

محمود

أكدت مصادر قضائية أن المستشار عبدالمجيد محمود، النائب العام، أعد قائمة إضافية بأسماء وزراء سابقين ورجال أعمال ومسؤولين حاليين، بعد أن تلقى تقارير تفيد تورطهم فى قضايا فساد، تمهيداً لاتخاذ قرار بمنعهم من السفر كإجراء احترازى لحين التحقيق معهم.

وقالت المصادر إن قرار النائب العام بمنع المهندس رشيد محمد رشيد، وزير التجارة والصناعة السابق، من السفر جاء بعد تلقى النيابة بلاغات ضده منذ أشهر، لم يبدأ التحقيق فيها حتى الآن، تتهمه بإهدار المال العام.

من جهة أخرى، قدم مصطفى بكرى، النائب السابق، بلاغين إلى المحامى العام الأول لنيابات الأموال العامة: الأول ضد المهندس أحمد عز، رجل الأعمال، اتهمه فيه بالاستيلاء على نسبة كبيرة من حصة المال العام لشركة الدخيلة للحديد والصلب بالإسكندرية، وتحميلها خسائر فادحة، لصالح شركة «العز لحديد التسليح، والتورط فى ممارسات احتكارية أدت إلى امتلاكه ٦٧٪ من إنتاج الحديد فى مصر. واتهم بكرى فى البلاغ الثانى كلا من أحمد نظيف، وعاطف عبيد، ويوسف بطرس غالى، ومحمد إبراهيم سليمان، وهانى هلال، وطارق كامل، بتخصيص ١٢٧ فداناً فى منطقة الشيخ زايد لإنشاء جامعة خاصة لحساب جمعية أسسها «نظيف» .

من جهة أخرى، حدد قانونيون عدة اتهامات من المتوقع توجيهها إلى حبيب العادلى، وزير الداخلية السابق، فى التحقيقات التى تجرى معه، أهمها تعريض أمن الدولة للخطر بعد انسحاب الأمن من الشوارع، والقتل العمد بإطلاق الرصاص على المتظاهرين، وتحريض المجندين على العصيان وتعطيل المرافق العامة والتعذيب فى أقسام الشرطة واعتقال المعارضين.

[م تيمور المراغي]

قناة الجزيرة ليل نهار شغالة على مصر وعمالة تسخن مش هيهدالهم بال غير لما الدنيا تولع

الجزيرة صادقة والتلفزيون المصري كذاب باعتراف العاملين فية

منع محمود سعد

استقالة المذيعة سها النقاش اعتراضاً علي الكذب الذي يمارسة التلفزيون المصري

واليوم ضربة موجعة اخري لنظام الكذب والتزوير

استقالة رئيس اتحاد الاذاعة والتلفزيون

http://www.dostor.org/art/news-and-variety/11/february/5/35929

ودي كمان شهادة الموسيقار عمار الشريعي على كذب التلفزيون المصري وتفوق القنوات الاخبارية الاخرى ,,

http://www.youtube.com/watch?v=JYm2nqRFB4o

[Simba]

من جريدة الجمهورية

متظاهري ميدان التحرير يعلنون التقشف ويتحولون الي الفول بعد الكنتاكي

[م تيمور المراغي]

من جريدة الجمهورية

متظاهري ميدان التحرير يعلنون التقشف ويتحولون الي الفول بعد الكنتاكي

فول بطعم الحريه ,,

او ( طع 100 )

ولا بورجر بطعم الذل !

تم تعديل 6 فبراير 2011 بواسطة architect

[م تيمور المراغي]

............

انسان غير عادى

عارف كل المدن المصرية واعداد الثوار فى كل مدينة وسالنى هو ليه الصعيد مطلعش منه مظاهرات

واتكلمنا فى الحزب الوطنى ولاقيته عارف معلومات عن البرادعى انا مش عارفها وبردوا كان بيرشح عمرو موسى لانه معجب بيه اوى

اصلا كان عنده تحليل لكل الاحزاب والمرشحين

------

الواد ده شكله مصري وبيشتغلنا :happy:

يعني تسالي كده ههههه

[أحمد سيف]

التاريخ سجل من طالبوا بإنهاء ثورة لأنها نجحت . ومن طالبوا بإنهاء ثورة لأنها لن تنجح . ومن طالبوا بإنهاء ثورة لأنهم خائفون . ومن طالبوا بإنهاء ثورة لأنهم خائنون . لكن لم يسجل التاريخ من قبل من طالبوا بإنهاء ثورة "علشان عندهم شغل الصبح" !!!! منقول

[م تيمور المراغي]

التاريخ سجل من طالبوا بإنهاء ثورة لأنها نجحت . ومن طالبوا بإنهاء ثورة لأنها لن تنجح . ومن طالبوا بإنهاء ثورة لأنهم خائفون . ومن طالبوا بإنهاء ثورة لأنهم خائنون . لكن لم يسجل التاريخ من قبل من طالبوا بإنهاء ثورة "علشان عندهم شغل الصبح" !!!! منقول

لا منهم ولا كفاية شرهم ,,!!

لكن شمس الثوره ستشرق ,, وستبسط دفئها ونورها وطهارتها على كل مصر ,,

ان شاء الله ,,

[عصام أبوالفتح]

دى صورة لازم تعرفوها كلكم وجانب من الجوانب الذى تجهلونه وحبيت اوصلهولكم

الشرطة ضحاياهم كتير جدا

والله عندك حق .. الشرطة ضحاياهم فعلا كتير جدا ... وزاد ضحاياهم فى حوادث الدهس المتعمد والقتل المتعمد وترك المسئولية المتعمد .. لغويا نطق لسانك بالحق فى النهاية

لماذا لم تسأليه يا م أغابى كيف سمحوا لانفسهم بمواجهة الناس بالقنابل المسيلة للدموع والرصاص المطاطى والحى ومضخات المياه وكيف انسحبوا فجأة واختفوا تماما من مصر وأين كانوا فى ذلك الوقت

انا لا ادافع عن الانتقام من رجال الشرطة الذى مارسه البعض ( بعض ضحاياهم ) ..ولكن ما نسبه هذا ضمن مخطط الانسحاب النظامى الذى تم تطبيقه فى جميع المحافظات بأمر واحد

لماذا لم يبقى ضباط المرور بالشارع وما علاقتهم بما حدث وهل مفترض انه كل من لابس لبس شرطة يكون مباحث

لماذا لم يخرج الضباط الشرفاء على الاعلام ليدلوا بشهادتهم ..؟ لماذا لم يدافعوا عن الشعب ويعلنون ذلك ؟

انا مع الاقتراح الذى قال ان يتم حفظ التحقيق فى هذا الامر حتى تهدأ الاحداث ولكن بدون شك ان يجب ان وزارة الداخلية تراجع مسماها وكذلك مسمى الشرطة وليكن وزارة الامن الشعبى حيث انها هيئة مدنية .. وجهاز الشرطة يعدل لجهاز الأمن وأمن الدولة الى قوى الأمن العام

طبعا بلا شك المسميات ليست كافية وندعو الله ان تنسى الناس ممارسات الشرطة السابقة بممارسات جهاز الأمن الجديدة الراقية التى تحترم آدمية الناس حتى لو كانوا متهمين

[doha]

صندوق النقد الدولى يقدم 5 مليارات دولار مساعدات لـ مصر

يامسهل ...

05/02/2011 قال صندوق النقد الدولى، إنه تقرر أن يمد مصر بمساعدات مبدئية تصل إلى 5 مليارات دولار وجارٍ مراقبة الوضع فى مصر لدراسته، وعلى ضوئه يتم تحديد الحجم النهائى للمساعدات التالية لمصر، كما أن الصندوق على استعداد لتقديم المشورة الاقتصادية إلى مصر فور استقرار الأوضاع.

حذر الصندوق من البطالة وارتفاع الأسعار كتحديات خطيرة للحكومة المصرية، خاصة فى الظروف الحالية.

أضاف دومينيك ستراوس رئيس الصندوق، "لا نعلم تحديداً كيف سيتطور الوضع الاقتصادى؟ لأنه لم يتضح بعد كيف سيتطور الوضع السياسى، وحذر الصندوق دائماً من ارتفاع معدلات البطالة بين الشباب فى الشرق الأوسط.

واستكمل، صندوق النقد قدم تقريراً دورياً عن الاقتصاد المصرى قبل وقت قليل من خروج المتظاهرين إلى الشوارع مطالبين بإنهاء حكم الرئيس المصرى حسنى مبارك بعد 30 عاماً قضاها فى السلطة.

كان مدير البنك الدولى روبرت زوليك قال سابقاً، إنه ينبغى على بلدان مثل مصر التعامل مع مشكلة "التحديث الجزئى" لاقتصادياتها، حيث يسمح النظام السياسى للجماهير بالاستفادة من إصلاحات اقتصادية.

[ComingSoon]

من جريدة الجمهورية

متظاهري ميدان التحرير يعلنون التقشف ويتحولون الي الفول بعد الكنتاكي

ديه حركة خبيثة من النظام

لأنهم اكتشفوا ان فية ملايين من الشعب ممكن يصدقوا حكاية الكنتاكي ويروحوا وبالتالي يزداد عدد المتظاهرين

ههههه

[مسافر]

تحليل بسيط

اولا امريكا

جاءت الثورة سريعة لم تكن تتوقعها المخابرات الامريكية

وادى ذلك لتضارب تصريحاتها

من استقرار النظام كما قالت كلنتون

الى الرحيل الان كما قال اوباما

الى الانتظار لنهاية المدة كما قال المبعوث امس

والسبب الثاني لعب النظام

وتلبيسه العمة للامريكان وانه مازال مسيطر على الجيش والامن

ثانيا النظام السابق

يقوم بحرق الاوراق لامريكا لتتركه ينهي اللعبة كما يريد

علم النظام ان تسليمه مبارك معناه تسليم النظام بالكامل

لذلك يقوم بالمناورات لاطالة الوقت

ومحاولة لكسر الدعم الشعبي لهذة الثورة

الان امريكا تريد تغيير النظام والاتيان

بنظام تعرف ه حتى تستطيع الحديث معهم

ولذلك جميع الاسماء المصرية العالمية ستحاول امريكا حشرها فيما يحدث

ويحاول النظام حرقها ليظل هو الللاعب

ثالثا ثورة الشباب

لابد ان تتحد مع حكمة الشيوخ

الشباب والشيوخ اقصدهم لغويا

حتى ترتفع مصر وتعلو

[dongol]

لحظة من فضلكم

فى الاتصالات الدورية للاطمئنان على الاهل بمصر - اتصل بالامس زوجى بزوج اخته وهو ظابط شرطة برتبة مقدم

اتكلمنا معاه مدة كبيرة جدا - حكي حاجات مهولة - بشششعة حصلت

من ضمنها الكثير من ظباط الشرطة انتحرو - اول ما شافو منظر الناس هاجمة على قسم الشرطة

وانهم اما حياخدوهم اسير حرب - او يتعذبو - كل واحد منهم سحب مسدسه وضرب بيه رصاصه

فى دماغه بشهادة من استطاع الفرار بحياته من المجندين او باقى الظباط

حكالنا فى التلفون لو كنا بنحارب فى 73 مع اليهود ما كناش هنموت بالبشاعة دى - ايه الجحودية دى يا مصريين

خلاص نسينا دور الشرطة طول السنين

مفيش ظابط شرطة مفهوش علامة الختم الجمهورى فى جسمه علشان نحمى الوطن - وهى رصاصة من اى مأمورية من المأموريات

قالى انا 25 سنة بخدم الوطن - فى تلات مأموريات ورا بعضهم اخدت 3 رصاصات

واحدة فى كتفى الشمال وواحدة فى رجلى وواحدة فى الحوض

اقل ظابط من اللى ماتو كان واخدله رصاصة ولا اتنين وياما نزل يحمي البلد فى نص الليل

لما الفساد بيكتر فى البلد - مسؤلية الشرطة بتزيد - يعنى بدل ما ننزل مأمورية خطرة او اتنين فى الاسبوع

بننزل 15 مأمورية وكلهم احتمال كبير ما نرجعش تانى بيوتنا

مخدرات - سرقه - اغتصاب - قتل - دعارة - دوريات طرق - لجان كمين - حراسة منشات - حيازة سلاح - تأمين فنادق -

بيحكيلى ان لو الناس زعلانة على ال300 شاب فى المظاهرات اللى ماتو - فلازم يزعلوا

و يعرفوا ان اللى مات فى الشرطة اكتر من 800 ظابط ومجند وبأبشع طرق القتل

لما يدخلو على لواء فى الهرم ويدبحوه قدام مراته واولاده يبقى داه اسمه ايه

لما يخرجو المساجين من قسم الشرطة ويقفلوا القسم على الظباط والمجندين ويولعو

فيه نار علشان يموتو محروقين جوة القسم يبقى داه اسمه ايه

لا يقل عن 800 ظابط ومجند ماتو

- نزلنا يومها من معسكر التجنيد 500 ظابط ومجند - رجعنا المعسكر 65 فقط

فى ظباط قررت تنتحر وفى ظباط جايلنا اشارة انهم مخطوفين من قبل ناس شغالة تعذيب فيهم

فى اشارات يوميا بنستلمها من الجيش بابشع ما يكون

احنا لو بنحارب اسرائيل ما كنتش عملت معانا كدا - هى دى نهاية ملفنا فى خدمة البلد - النهاية تبقى بالبشاعة دى

ليه الاعلام مش راضي يتكلم عن الشهداء من المجندين والظباط اللى سابو اطفالهم اتيتمو

- وقالى - انا ليا 4 من اعز اصدقائي واشطر ظباط كلهم فعلا كفاءات - ماتو موتات تعذيب جوة اسم الشرطة

- تخيلو لما يهجم عليكم 1000 شخص على 4 ظباط ممكن يعملو فيهم ايه

قالى نسيو الارهاب اللى كان مالى مصر ومزعزع امن البلد - قالى انا فى مرة نزلت مأمورية فى نص الليل

انا و3 معايا سنة 98 لوجود اشارة ان فى ارهاب فى محطة قطار وكانو فعلا مسلحين

وهيموتوا كل الناس اللى فى القطر - رجعنا يومها من المأمورية 2 فقط - وماتو 2 من أكفأ الظباط

قالى تخيلى يا اغابي انا مش ممكن انسي فى مرة لما نزلت فى نص الليل ولسة نايم وعيني دى قافلة

من النوم وداه حالى كتير مننا الظباط المهم نزلت فى مامورية باعمل كمين على منطقة

وكلهم مسلحين ولسة يدوب بندخل هناك - تبصى تلاقى الرصاص من كل ناحية حواليا وكل داه وانا لسة ما فوقتش من النوم قالى والله نصعب عليكم وانتم يا بتوع المظاهرات وانتم يا ناس يا اللى هجمتم على الاقسام وحرقتم الظباط وهما وحيين - كانهم ظباط يهود - كلكم فى سابع نومة وقالى كانت بتيجي على الواحد ايام يبص على البلكونات والناس اللى حواليه فى سابع نومة ويحسدهم من كتر التعب اللى كنا بنبقى فيه والمخاطر

كتير من الظباط اللى ماتو فى الاحداث دى محترمين وعلى اعلى مستوى من الكفاءة

وخسارة كبيرة للبلد وروتب - وانا اعرف كتير منهم - وعشرة عمر

قالى شباب المظاهرات لما نزلو بالمظاهرات كانو عارفين ان هيموت كل داه من الشرطة والمجندين وكل الاطفال دى هيتيتموا

ايه الهمجية دى من الناس اللى بهدلت الظباط

كلمة اخيرة

ياريت يا جماعة بس ما تاخدناش الحماس اوى وتنسينا دور الشرطة فى حماية امن الوطن طول السنين دي

ياريت يا تيمور ما تنساش ان لولا دور الشرطة وحمايتها ما كنتش تقدر انت وغيرك تعيش فى السعودية

وتسيب مراتك وابنك وحدهم فى مصر وانت مطمن

ملحوظة صحيح - بمناسبة اللجان الشعبية - اللى فرحانين بيها اوى دى - فكرتونى

انا اتفرجت على فيديو للجان شعبية مسكو حرامى

بصراحة الشرطة ارحم على الاقل مش بالطريقة الهمجية دى هيتعاملوا وفى قانون

ولوا ان الفيديو فيه الفاظ بزيئة كتير كنت حطيت هنا الرابط بتاعه لكن منعا لخدش الحياء العام

الفيديو ان اللجان الشعبية مسكو ولد شاب بيسرق يمكن عمره حوالى 25 سنة

مش هاقولكم التعذيب اللى عذبوهولى لدرجة انه كل جزء فى جسمه بينزف دم وهو يصرخ ويستغيث

فين الرحمة يا عالم - طب اضربه قلم على قفاه او شلوت - او اشتموه او سلموه للجيش - لكن تعملو فى جسمه المناظر دى بالسكاكين

ايه الاجرام داه - اصحاب الامراض النفسية دول -لو شفتم الفيديو

هيصعب عليكم اوى ان انسان يتعذب للدرجة دى حتى لو كان لص - قلبكم هيوجعكم

ومش ممكن هيروح من بالكم ابدا المشهد طول حياتكم

هللو وهيصوا بفرحة للجان الشعبية اللى مليانة عقد نفسيه وكل

واحد فاكر نفسه بقى ريس المنطقة - مش طبيعى اللى يعملوا كدا

هى دى الثورة والاخلاق والله الله عليكم يا مصريين كل شوية

- فى يا جماعة وراء الكواليس مناظر بشعة

كفاية استفزاز للمشاعر - كل لحظة فى حد بيموت هنا او هنا - لكن كلهم مصريين

مش مهم ظابط ومجند ولا شاب فى المظاهرات ولا لص مسكو الاهالى يعذبوه بالسكاكين

لكن كلهم مصريين

انتهت مكلمتى معاه بحالة انهيارى التام وبكائي - عن هول ما سمعت

قلبي يعتصر الما

دى صورة لازم تعرفوها كلكم وجانب من الجوانب الذى تجهلونه وحبيت اوصلهولكم

الشرطة ضحاياهم كتير جدا

بافتراض ان الافلام الهندي اللي مذكورة دي حقيقية

و ان الشرطة دول ملايكة و الشعب يا عيني هو اللي غدار و بيعض الايد اللي اتمدت له

فدماء ظباط الشرطة ليست بانبل من دماء الشهداء اللي راحوا فطيس

و اخرة الظلم وحشة قوي

و كلهم افضوا الي ربهم سواء الشرطة او الشعب

و ما تجوزش عليهم الا الرحمة دلوقتي

[aimen]

RT

@drbahaa: يقول أحد المندسّين الـ 8 مليون: يا ريت مبارك كان ضربنا إحنا الضربة الجوية ، وراح حكم إسرائيل 30 سنة ، كان زمانهم بيشحتوا دلوقتي #Jan25

[أحمد سيف]

يا صابت ... يا خابت ....... بقلم د/ أشرف نجم

احتمالان .. لا ثالث لهما ...

إما أن ينجح الشعب في "إزاحة" الرئيس ونظامه بالكامل، ويزيل "منهجية التفكير" التي يعتمد عليها منذ قيام ثورة يوليو 1952، ويقيم نظاماً مدنياً حديثاً يعتمد "الحرية" و "التعددية الفكرية" و "تبادل السلطة".

أو أن ينجح النظام في قمع المتظاهرين وتفريقهم، أو الالتفاف على مطالبهم بإجراءات شكلية تجميلية، فيقتنع البسطاء ويرحلون، ويذوب صراخ من يدرك الحقيقة وسط صحراء الخداع والتجمل.

والحق أني لن أصدع أدمغتكم بالتحليلات السياسية للأسباب والمسببات، والنتائج والعواقب لكل من الاحتمالين ... فقط سأنقل لكم صورة لما أتخيله لمانشيتات الصحف القومية في كل من الاحتمالين .. سأعطيكم أنا الجزء الخاص بالاحتمال الثاني .. وأترك لكم تخيل مانشيتات الاحتمال الأول.

مانشيتات الصحف القومية في حالة فشل الثورة

* في الأسبوع الأول:

مبارك: لقد اختار شباب مصر الاستقرار ورفضوا الفوضى .. وهذا عهدي بهم دائماً

الحياة الطبيعية تعود للشوارع المصرية بعد انتهاء "الاحتجاجات"

توجيهات الرئيس للحكومة باتخاذ كافة الإجراءات للتغلب على الثمن الباهض الذي دفعناه نتيجة الاضطرابات.

وزير الداخلية: لابد من محاسبة كل من تسبب فيما حدث خلال الفترة الماضية

عمر سليمان: الحوار مع قوى المعارضة مستمر حتى يتحقق الإصلاح

أمين الحزب الوطني: إعادة بناء الحزب بكوادر جديدة تتحمل مسئولية المرحلة المقبلة

سرور: إعادة الانتخاب في 24 دائرة على 46 مقعد من مقاعد مجلس الشعب لثبوت التزوير بها، ورفض الطعون في باقي الدوائر

(أكثر من 420 مقعد .. طبعا دا مش هيتكتب في المانشيت ولا حتى في التفاصيل).

* بعد 4 أشهر:

مبارك: لن أسمح بتكرار الفوضى ولن أتهاون مع من يتلاعب باستقرار الوطن

اكتشاف خيوط المؤامرة: خلايا ثورية إيرانية بالتعاون مع حزب الله وحماس اتصلت "بالمحظورة" للتغرير بشباب مصر ونشر الفوضى في البلاد

أمين عام الحزب الوطني: كل أعضاء الحزب وأماناته ينظمون غداً مسيرات لقصر القبة ترجو من مبارك ترشيح نفسه لانتخابات الرئاسة دعماً للاستقرار

القبض على عناصر مشبوهة من "المحظورة" يحاولون الفرار من البلاد عبر أنفاق غزة

الحكومة: بناء على توجيهات الرئيس استطعنا تجاوز الأزمة نتيجة "أحداث الفوضى" والسيطرة على 90% من آثارها الاقتصادية

إحالة المتهمين في "أحداث الفتنة" إلى المحاكم العسكرية بموجب قانون الطوارئ

أهم نتائج الحوار مع المعارضة: تعديل المادة 76 من الدستور بتخفيض شرط الترشح للانتخابات إلى الحصول على تزكية 200 عضو فقط من المجالس النيابية بدلاً من 250

شباب "25 يناير": لقد غررت بنا قوى ظلامية لم نكن نراها، وسننضم للحزب الوطني لنساهم في بناء مصر.

بس خلاص .....

[مغتربة]

من تانى يوم للمظاهرات و هما بيعيدوا و يزيدوا علينا

اد ايه المظاهرات دى خاربه بيتنا و مدمره اقتصادنا

و ان احنا بنخسر بسببها تلت مليار دولا يوميا

جميل جدا جدا

انا لغايه دلوقتى ملياش مشكله معاهم

لكن لو بصينا من ناحيه تانيه هنلاقى ان مش كل القطاعات الاقتصاديه توقفت

يعنى قناه السويس لم تتوقف عن العمل يوم واحد و لا الموانىء قفلت اللهم الا ميناء الاسكندريه الى قفل نص يوم بس و لا المعونات وقفت و لا اى حاجه

اذن لم تتوقف كل القطاعات الاقتصاديه و غم ذلك كانت الخسائر تلت مليار دولار

عظيم جدا

يعنى معنى كدا يا حضرات ان مداخل مصر الاقتصاديه يوميا بتزيد جدا عن تلت مليار دولار

و لو اعتبارنا مجازنا ان كل الدخل المصرى هو بس التلت مليار دولار دا

يبقى دخل مصر الاقتصادى سنويا بالتاكيد بيزيد جدا عن 122 مليار دولار فى السنه الواحده

يا ريت حد يصحح لى لو كنت غلطانه

طيب محدش بقى سال نفسه الفلوس دى كلها كانت بتروح قبل كدا فين

يعنى لما احنا بيدخل لنا فى السنه كل المبالغ دى راحت فين

و يا ترى كدا بقى تبقى الخسائر لمصر و لا ليهم

الحمد لله ان انا اتاكدت ان بلدنا من اغنى بلدان العالم

و الى قال ان مصر هى اغنى بلاد الدنيا لانها بتتسرق من قديم الازل و لسه فيها فلوس مكدبش

[jasmin hamed]

بعد ما اتفرجت نص ساعة على التلفزيون المصري بقيت مقتنع ومتيقن ان ميدان التحرير ملياان عملاء مندسين ويهود مستوطنين ومارينز وكائنات فضائية وبطارق

و عملاء لامريكا و ايران الشقيقتان معا والمصيبه انهم معاهم اجندات اجنبية وفي كلام انهم حايجيبو نتايج للسنة الجديدة!!!

احلى تعليق على الفيس بوك