25 يناير ... موعد المصريين (13)

[Simba]

صح يا اغابي

هو كده انتحاري

طبعا سمعنا ان 300 اتقتلوا في محافظات مصر

فاضل 299 كانوا انتحارين هما كمان :blink:

[اغابي]

ا انا معك يا اغابي ان اكيد في ناس كويسه في جميع الاجهزه ان كان شرطه ولا جيش ولا اي مكان في الارض علي فكره يا جماعة انا ليل صديق بيشتغل وكيل معهد ازهري في مدينه العريش وواصل امبارح الغربيه الا شافه علي الطريق وهو جاي لايوصف ويقدر حتي يتوقع ان ده ممكن يحصل جميع الاكامنه علي الطريق الا فيها عسكر كلهم متوفين وكلهم مضروبين في وقت واحد هل من الممكن تكون الدخليه تموت الناس دي في وقت واحد نقول ممكن تهربهم او تسحبهم من الاماكن الخاصه بيهم زاي ما حصل في جميع المحافظات زاي ما احنا هنكرم الشهداء الا في ميدان التحرير المفروض ايضا نكرم الضباط الا ماتو علي الحدود مع غزه ولا كمان دول مش بشر ومصرين زينا وهما في الجيش مات اكتر من 20 ضابط وعسكري لابد من الجيش انا بحي شباب الثوره الا قامو بيها بس الان الفكر تغير بمي ان نزلت ميدان التحرير الوضع تغير جدااااا عن الاول فيه اشياء كتيره الان لم نتوقعها

ايوه الله يخليك يا استاذ خالد - اخيرا يارب كلمة حق ظهرت فى الافق

اخيرا

cr((:

- احكيلهم يا استاذ خالد لانهم مش مصدقينى

عماله صوتى راح من يجي 10 ايام وهما مش مصدقيني

يارب يخليك ويكرمك

rs:

[مغتربة]

معرفش اتحط هنا قبل كدا و لا لا

http://www.youtube.com/watch?v=MVk-q1YCKto

وهل تعتقدى ان هذا نوع من الشجاعه

ده انتحار

استفاد ايه من كده

وماذا افاد

اذا كان مات ندعو الله ان يتغمده برحمته

فعلا فين الشجاعة هنا

اولا هما العساكر قاعدين خايفين منه

لو تلاحظو استعانو باصحابهم - هل بتشجعوا شباب مصر على الهجوم الانتحارى داه - او الهجوم على اى حد معاه سلاح

انا بالعقل كدا - مش معايا سلاح باستعرض فى خطوتى واروح استفزهم ليه ؟؟ وواضح من منظر الشارع طبعا

- اد ايه كان يوم عصيب على كل الناس - طب بعد كل داه وانت رايح تستتفذهم لغاية عندهم كمان ؟؟ وكنت يا ترى وقتها بتقول ايه فى عقلك

ان دى مظاهرة سلمية برضوه - ولا اروح استفزهم علشان لو جاتنى فرصة اهجم عليهم والم عليهم الناس يهجمو معايا وندبحهم

كان الشاب وقتها بيفكر فى ايه يا ترى - و فين الشجاعة دى

- انا بفكر اهو معاكم بصوت عالى

كان فاكر انه واقف قدام ظابط انجليزي فى الاحتلال البريطانى لمصر - جاوبونى

- ولا واقف قدام ظابط يهودى فى حرب 73 وحرب الاستنزاف

انت واقف قدام واحد عادى من الامن ومصري - وهو اللى خايف ومستخبي منك هو وزميله

خايف لحسن تقرب تقتله زى ما شاف كل القتل اللى شغال فى الظباط قدامه

ايه استفاده الشاب غير انه تهور وخسر حياته - فين المشهد السلمي هنا ؟؟ فين

المظاهرات السلمية هنا ؟؟ ما هو لازم اما احنا يكون عندنا حكمة فى تفسير الامور او الشباب يكون حكيم فى تصرفاته شوية

انا شايفة انه بيخوفهم وبيستفذهم

انا حقيقي مش مصدقة انى باتفرج على مشهد فى مصر

حاسة ان المشهد من الشوارع الخلفية ليكي يا غزة وبين فلسطينين ويهود

شيء مؤسف جدا

واخيرا دعنى استاذى ابو هنا اردد معك

اذا كان مات ندعو الله ان يتغمده برحمته

صحيح تصدقوا فعلا ان انا اقتنعت بوجهه نظركم

دا فعلا بينتحر

يستاهل كل الى جراله

يستاهل لانه كان بيدافع عنى و عنكوا و عن بلده كلها بصدره العرى

لكن نقول ايه لازم نعكس الاوضاع و نخلط الاوراق علشان الوضع يعجب البعض

بقى الضرب فى المليان حاجه جميله جدا

و شويه شويه هنشكر الشرطه المصريه انها خلصتنا من الهمجى دا

اولا بس علشان نوضح لان فى ناس فعلا بتكون مش فاهمه اى حاجه فى اى حاجه

الضرب فى المليان فى الشرطه المفروض المفروض يعنى ان ليه قواعد

مش اى حد مش عاجبه الى قدامه او منرفزه يروح طخه عيارين و يخلص من همه

الضرب فى المليان بيكون فى حاله ان يكون الهدف بيمثل خطر حقيقى على رجل الامن

يعنى مثلا مصوب عليه مسدس رافع فى ايده حتى حجر هيضربه بيه

لكن واحد اعزل و على مسافه بعيده عن قوات الشرطه حتى و ان اقترب منها و لا يشكل عليها اى تهديد جسدى مباشر

يضرب فى المليان ليييييييييييه يا بشر

تانى حاجه ليه اصلا استخدام الذخيره الحيه من الشرطه

دا شيىء محرم من الاتفاقات الدوليه اساسا و ممكن نقاضيهم فى المحاكم الدوليه بسببه

تالت حاجه و هى الاهم ليه بعد ما سقط باول طلقه ليه الطلقتين التانين ليه

دا قتل مع سبق الاصرار و الترصد و الى يقول غير كدا يبقى سورى يعنى مش عارف هو بيتكلم عن ايه

اختلاف وجهات النظر بتكون فى الاراء لكن الثوابت عفوا لا تحتمل

[م تيمور المراغي]

...........

- انا بفكر اهو معاكم بصوت عالى

كان فاكر انه واقف قدام ظابط انجليزي فى الاحتلال البريطانى لمصر - جاوبونى

- ولا واقف قدام ظابط يهودى فى حرب 73 وحرب الاستنزاف

انت واقف قدام واحد عادى من الامن ومصري - وهو اللى خايف ومستخبي منك هو وزميله

خايف لحسن تقرب تقتله زى ما شاف كل القتل اللى شغال فى الظباط قدامه

صحيح فعلا الامن المصري عمل اللي ماعملوش الاحتلال البريطاني ولا حتى اليهود في المصريين ,,

ان شاء الله لما الثوره تنجح ودي مسالة وقت ,, سيتم محاسبة ومحاكمة كل المجرمين

ولن يفلت اي قاتل من العقاب ,,

وعزاؤنا ان الشهيد حي يرزق عند ربه ,,

ان شاءا لله ,,

[wsadani]

ملكش حجة بقى حتى ألمانيا حلوة وزى الفل

bbc arabic ذكرت تقارير ألمانية أن الائتلاف الحاكم الذي ترأسه المستشارة الألمانية آنجيلا ميركل عرض استضافة الرئيس مبارك لتلقي العلاج في حال طلبه الرحيل من مصر.

[عبير يونس]

معرفش اتحط هنا قبل كدا و لا لا

http://www.youtube.com/watch?v=MVk-q1YCKto

وهل تعتقدى ان هذا نوع من الشجاعه

ده انتحار

استفاد ايه من كده

وماذا افاد

اذا كان مات ندعو الله ان يتغمده برحمته

فعلا فين الشجاعة هنا

اولا هما العساكر قاعدين خايفين منه

لو تلاحظو استعانو باصحابهم - هل بتشجعوا شباب مصر على الهجوم الانتحارى داه - او الهجوم على اى حد معاه سلاح

انا بالعقل كدا - مش معايا سلاح باستعرض فى خطوتى واروح استفزهم ليه ؟؟ وواضح من منظر الشارع طبعا

- اد ايه كان يوم عصيب على كل الناس - طب بعد كل داه وانت رايح تستتفذهم لغاية عندهم كمان ؟؟ وكنت يا ترى وقتها بتقول ايه فى عقلك

ان دى مظاهرة سلمية برضوه - ولا اروح استفزهم علشان لو جاتنى فرصة اهجم عليهم والم عليهم الناس يهجمو معايا وندبحهم

كان الشاب وقتها بيفكر فى ايه يا ترى - و فين الشجاعة دى

- انا بفكر اهو معاكم بصوت عالى

كان فاكر انه واقف قدام ظابط انجليزي فى الاحتلال البريطانى لمصر - جاوبونى

- ولا واقف قدام ظابط يهودى فى حرب 73 وحرب الاستنزاف

انت واقف قدام واحد عادى من الامن ومصري - وهو اللى خايف ومستخبي منك هو وزميله

خايف لحسن تقرب تقتله زى ما شاف كل القتل اللى شغال فى الظباط قدامه

ايه استفاده الشاب غير انه تهور وخسر حياته - فين المشهد السلمي هنا ؟؟ فين

المظاهرات السلمية هنا ؟؟ ما هو لازم اما احنا يكون عندنا حكمة فى تفسير الامور او الشباب يكون حكيم فى تصرفاته شوية

انا شايفة انه بيخوفهم وبيستفذهم

انا حقيقي مش مصدقة انى باتفرج على مشهد فى مصر

حاسة ان المشهد من الشوارع الخلفية ليكي يا غزة وبين فلسطينين ويهود

شيء مؤسف جدا

واخيرا دعنى استاذى ابو هنا اردد معك

اذا كان مات ندعو الله ان يتغمده برحمته

أغابي

ياريت تشوفي الفيديو كويس

الشاب ماشي رافع ايديه و معناها انه معهوش سلاح

و لا ناوي غدر

الغدر هو ضرب شخص رافع ايديه بالرصاص

بجد ده عين الظلم

أن تهاجمي المجني عليه

و تدافعي عن المجرم!!!

انا حذفت المداخلة اللي قمت بتأييدها

و كنت حأحذف مداخلتك كمان

بس بجد يا أغابي لازم أطلب منك دلوقتي و كأخت محبة لكي و انتي تعلمين ذلك

الله يكرمك

خليك محضر خير

[jasmin hamed]

معرفش اتحط هنا قبل كدا و لا لا

http://www.youtube.com/watch?v=MVk-q1YCKto

وهل تعتقدى ان هذا نوع من الشجاعه

ده انتحار

استفاد ايه من كده

وماذا افاد

اذا كان مات ندعو الله ان يتغمده برحمته

فعلا فين الشجاعة هنا

اولا هما العساكر قاعدين خايفين منه

لو تلاحظو استعانو باصحابهم - هل بتشجعوا شباب مصر على الهجوم الانتحارى داه - او الهجوم على اى حد معاه سلاح

انا بالعقل كدا - مش معايا سلاح باستعرض فى خطوتى واروح استفزهم ليه ؟؟ وواضح من منظر الشارع طبعا

- اد ايه كان يوم عصيب على كل الناس - طب بعد كل داه وانت رايح تستتفذهم لغاية عندهم كمان ؟؟ وكنت يا ترى وقتها بتقول ايه فى عقلك

ان دى مظاهرة سلمية برضوه - ولا اروح استفزهم علشان لو جاتنى فرصة اهجم عليهم والم عليهم الناس يهجمو معايا وندبحهم

كان الشاب وقتها بيفكر فى ايه يا ترى - و فين الشجاعة دى

- انا بفكر اهو معاكم بصوت عالى

كان فاكر انه واقف قدام ظابط انجليزي فى الاحتلال البريطانى لمصر - جاوبونى

- ولا واقف قدام ظابط يهودى فى حرب 73 وحرب الاستنزاف

انت واقف قدام واحد عادى من الامن ومصري - وهو اللى خايف ومستخبي منك هو وزميله

خايف لحسن تقرب تقتله زى ما شاف كل القتل اللى شغال فى الظباط قدامه

ايه استفاده الشاب غير انه تهور وخسر حياته - فين المشهد السلمي هنا ؟؟ فين

المظاهرات السلمية هنا ؟؟ ما هو لازم اما احنا يكون عندنا حكمة فى تفسير الامور او الشباب يكون حكيم فى تصرفاته شوية

انا شايفة انه بيخوفهم وبيستفذهم

انا حقيقي مش مصدقة انى باتفرج على مشهد فى مصر

حاسة ان المشهد من الشوارع الخلفية ليكي يا غزة وبين فلسطينين ويهود

شيء مؤسف جدا

واخيرا دعنى استاذى ابو هنا اردد معك

اذا كان مات ندعو الله ان يتغمده برحمته

فين الناس الى هيتلموا

وبعدين تلاته خايفين من واحد

و بلغة الاشاره كده ده واحد بيقلع الجاكيت عشان يبين انه ماعهوش سلاح

و لا احنا مطلوب مننا اننا اول مانشوف ظابط ولا عسكرى نسجدلو

الثوره ديه قامت عشان كل واحد يعرف الى له و الى عليه بالقانون

[wsadani]

مش عارف ليه انا شايف أن أمريكا هى برضه اللى بتخلص الموضوع بتضغط على مبارك علشان يعمل تفويض لعمر سليمان وبعدين هتدعم حد من المرشحين القادمين للرئاسة

[أحمد سيف]

يا جماعة احنا لازم نحاول نوصل للشباب الثورة بعض الافكار اللي ممكن تساعدهم و بتعتمد علي بعض النصائح التي ذكرت من مفكرين صادقين زي د/ عزمي بشارة و اللي علي الجزيرة اكد ان الشباب لازم ياخدوا خطوات نحو الضغط علي الجيش لتحريكه من جانب النظام ليصبح جانب الشعب و ذلك عن طريق عمل مسيرات مليونية اماحصرة سلمية لبعض ما الاماكن الحيوية زي التلفزيون ومجلس الشعب.

متّفق معك تماما ... المحدّد الأساسي لمسار الثورة الآن هو موقف الجيش منها ... ويجب دفع الجيش لاتخاذ موقف واضح لأن هذا الغموض هو في مصلحة النظام

قادة الجيش طلعوا على التلفزيون قالوا مش هنضرب نار على المواطنين ... بقى أن نضع هذا التعهّد موضع الاختبارعن طريق أخذ زمام المبادرة مرة أخرى والقيام بخطوات تصعيدية

الهدف الأسهل طبعا هو مبنى التلفزيون ... وهو في هذه المرحلة الأكثر تأثيرا أيضا لأن النظام يستخدمه بفاعلية لبث أكاذيبه وتشتيت الصفّ ... فلو سقط يبقى النظام فقد السلاح الرئيسي التي مازال في يده

أما مجلس الشعب فهو مجرّد مسرح سياسي هزلي عند هذا النظام وليس له قيمة استراتيجية

وكما قلت سابقا ... لو ظلّت الثورة محصورة في ميدان التحرير فستنتهي بلا نتيجة ... أو زي ما شفيق بيقول هنعمل لهم هايد بارك في التحرير يصرخوا فيه كما يشاؤون.

تم تعديل 6 فبراير 2011 بواسطة أحمد سيف

[طبيبة بالخارج]

فاكرين موضوع زميلتنا الفاضلة طبيبة بالخارج

جمهورية مصر العربية

http://www.egyptiantalks.org/invb/index.php?showtopic=114545

دي مداخلتي

و بصراحة توقفت عندها

لأن كان في آخرها دعاء أحسبه كان صادقا و من القلب

تم الارسال 24 December 2010 - 05:54 PM

و لو ان رئاسة الجمهورية مسئولية كبيرة اوي اوي اوي

لكن حاتخيل معاكي

اني رئيسة جمهورية مصر العربية

اكيد حأكافح المثلث الشهير

الجهل

الفقر

المرض

التعليم و البحث العلمي

و البعثات

و قروض ميسرة

و منح للدراسات العليا

فرص عمل

و معونات للمعوزين

و معاشات لكبار السن

و للارامل و المطلقات

رعاية صحية

مجانية

و خصوصا للاطفال

و كبار السن

و طبعا عشان اقدر اقوم بكل ده حأفرض ضرائب

مع مراعاة انها تتدرج تبعا للدخل السنوي للفرد

و العملية لازم تكون بالترتيب

تخطيط

تنفيذ

رقابة

تقييم و محاسبة للكبير قبل الصغير

لازم كل واحد من أصغر موظف لأكبر موظف يبقى متأكد انه ستتم محاسبته من النظام

في الدنيا قبل الآخرة

حأخلي في كل محافظة دوائر حكومية و فروع للوزارات تغني ابناء المحافظة عن المجيء للقاهرة لأنهاء معاملاته

طبعا مع تفعيل الحكومة الالكترونية

حأهتم بالمدن و القرى و تطويرها

و افعل ادوار المحافظين انهم يشتغلوا بجد من غير توجيهاتي :closedeyes:

و افعل دور المجالس المحلية

الأمل موجود دايما

يارب بأدعي من قلبي

و آذان المغرب سامعاه في مكة المكرمة و انا اكتب

أن يرزقنا الله تعالى بمن يتقيه فينا

تحياتي ع الموضوع الرائع يا غاليتي

شكرا ليكي و لكل من شارك في التوبيك

فكرته اتتني لحلمي و أملي في مستقبل أفضل لمصر و لم أكن أتوقع ما يحدث الآن

ان شاء الله نتابع فيه بعد نجاح الثورة بإذن الله و وقتها أظن مشاركات المصريين ستكون أعلى بكتير من قبل

[اغابي]

صحيح تصدقوا فعلا ان انا اقتنعت بوجهه نظركم

دا فعلا بينتحر

يستاهل كل الى جراله

يستاهل لانه كان بيدافع عنى و عنكوا و عن بلده كلها بصدره العرى

لكن نقول ايه لازم نعكس الاوضاع و نخلط الاوراق علشان الوضع يعجب البعض

بقى الضرب فى المليان حاجه جميله جدا

و شويه شويه هنشكر الشرطه المصريه انها خلصتنا من الهمجى دا

اولا بس علشان نوضح لان فى ناس فعلا بتكون مش فاهمه اى حاجه فى اى حاجه

الضرب فى المليان فى الشرطه المفروض المفروض يعنى ان ليه قواعد

مش اى حد مش عاجبه الى قدامه او منرفزه يروح طخه عيارين و يخلص من همه

الضرب فى المليان بيكون فى حاله ان يكون الهدف بيمثل خطر حقيقى على رجل الامن

يعنى مثلا مصوب عليه مسدس رافع فى ايده حتى حجر هيضربه بيه

لكن واحد اعزل و على مسافه بعيده عن قوات الشرطه حتى و ان اقترب منها و لا يشكل عليها اى تهديد جسدى مباشر

يضرب فى المليان ليييييييييييه يا بشر

تانى حاجه ليه اصلا استخدام الذخيره الحيه من الشرطه

دا شيىء محرم من الاتفاقات الدوليه اساسا و ممكن نقاضيهم فى المحاكم الدوليه بسببه

تالت حاجه و هى الاهم ليه بعد ما سقط باول طلقه ليه الطلقتين التانين ليه

دا قتل مع سبق الاصرار و الترصد و الى يقول غير كدا يبقى سورى يعنى مش عارف هو بيتكلم عن ايه

اختلاف وجهات النظر بتكون فى الاراء لكن الثوابت عفوا لا تحتمل

يا مغتربة - ما هو انت شايفة اهو المشهد

هو اللى رايح عندهم وهما مستخبين منه

ما انت شايفة بيستعرض وبيستفزهم بناءا على ان العدد اللى فى المظاهرات كان كبير وبهدلوا الامن طبعا

وبعدين مفيش حد منكم ركز ولو للحظات على ان اول شهيد فى ميدان التحرير - كان مجند - فاكرين الفيديو

- وانتم بنفسكم شفتم الناس وهما شيلينه وهو وميت بعد ما جاتله حجر فى راسه اثناء المظاهرات

- وداه اول شهيد كان فى الميدان كان مجند

انت مش واخدة بالك - ان هما فعلا مش واخدين اوامر بالضرب والنتييجة ان الاهالى

بتهجم عليهم بالسنج والمطاوى ويسرقوا الاسلحة ويولعو فيهم

الشاب المفروض فى مظاهرة سلمية - انه بيهتف بسقوط الحكم او بيهتف بالمطالب المشروعة وهى سلمية

- ايه يخليه يروح عندهم وباستفزاز شديد يعمل معاهم كدا - ايه هدفه

- هل وقتها الشرطة كانو ماسكين احد قرايبه وبيضربوه ولا بيعزبوه قدامه وهو بكل شجاعة راح ينقذو من بين ايديهم

ولا المشهد قدامنا واضح انهم فى احد الشواع الجانبيبة بيتحامو فى ركن فيه شجر

ومش راضيين يظهرو لحد وبس خايفين من هجوم اى حد عليهم او اذيتهم

انت لو مكانهم هتعملى ايه ومش معاكى اوامر باستعمال السلاح

لكن الناس بتهجم عليكي وعاوزة تقتلك

الشرطة اتفاجات بهجوم الناس كانه مترتب ومخطط له

لازم يا جماعة قراءة المشهد من كل الجوانب

شكرا

تم تعديل 6 فبراير 2011 بواسطة اغابي

[اغابي]

بجد ده عين الظلم

أن تهاجمي المجني عليه

و تدافعي عن المجرم!!!

انا حذفت المداخلة اللي قمت بتأييدها

و كنت حأحذف مداخلتك كمان

بس بجد يا أغابي لازم أطلب منك دلوقتي و كأخت محبة لكي و انتي تعلمين ذلك

الله يكرمك

خليك محضر خير

مفيش مشكلة هى اسمها محاورات المصريين

كل واحد بكل حرية وديمقراطية يعرض رايه ووجهة نظره - بغض النظر عن مين اتفق معايا او مين اختلف معايا

دى امور مطروحة وعرض لوجهات النظر وحسب مشاهدة كل واحد مننا وقرائته للموقف

ولسة لا هو داه اول موضوع اتكلم فيه ولا هيكون اخر موضوع اذ ربنا ادانى عمر يعنى

عادى يعنى مفهاش حاجة واهو بندردش سوا

[طبيبة بالخارج]

افكر الآن بأن ميدان التحرير أصبح جزء من مصر محرر من إحتلال النظام الحاكم و محاصر في نفس الوقت منه

فإذا طلبنا من المحاصرين تسليم أرضهم فتكون الهزيمة

عامل الوقت ليس في صالح المحاصرين الأحرار و النظام المحتل لن يسلم بسهولة

توجد مفاوضات تجري بين المحتلين و الثوار و كلنا ننتظر بلهفة و ترقب و أمل و خوف

و ندعو الله نصرة الحق و رفع المظالم

[ozoozo]

يارب يقفلوا النت في الكويت كمان عشان دماغي هاتنفجر من الضغط

[pink rose]

من جهة اخرى ، ونزولا عند دعوات بعض القوى السياسية والاجتماعية والدينية للحد من الرواتب العالية لموظفي الدولة الكبار قرر نوري المالكي التخلي عن نصف راتبه الشهري لحساب الميزانية العامة للدولة . واعتبر بعض النواب في البرلمان العراقي قرار رئيس الوزراء بخفض راتبه الشهري بنسبة 50% اعتبار من شهر فبراير الحالي خطوة جيدة، الا ان نوابا آخرين اكدو ضرورة ان يكون التخفيض ضمن قانون ليشمل باقي الرئاسات (رئاسة الجمهورية ورئاسة البرلمان) والوزراء واعضاء البرلمان والدرجات الخاصة.

كان فيها ايه لو طلع هو كمان قال الكلمتين دول و عملهم

انا فاكرة لما قامت الازمة العالمية النواب في بريطانيا دعوا لترشيد مصاريف الحكومة

ليه عندنا مش كده

[مسافر]

رسالة من تلميذ مصري : إلى أعزائي المتظاهرين في ميدان التحرير .. بخصوص الثورة اللي شغالة متنسوش أنها هتدخل في مادة التاريخ واحنا اللي بنحفظ !! فاختصروا من فضلكم

[عبير يونس]

بجد ده عين الظلم

أن تهاجمي المجني عليه

و تدافعي عن المجرم!!!

انا حذفت المداخلة اللي قمت بتأييدها

و كنت حأحذف مداخلتك كمان

بس بجد يا أغابي لازم أطلب منك دلوقتي و كأخت محبة لكي و انتي تعلمين ذلك

الله يكرمك

خليك محضر خير

مفيش مشكلة هى اسمها محاورات المصريين

كل واحد بكل حرية وديمقراطية يعرض رايه ووجهة نظره - بغض النظر عن مين اتفق معايا او مين اختلف معايا

دى امور مطروحة وعرض لوجهات النظر وحسب مشاهدة كل واحد مننا وقرائته للموقف

ولسة لا هو داه اول موضوع اتكلم فيه ولا هيكون اخر موضوع اذ ربنا ادانى عمر يعنى

عادى يعنى مفهاش حاجة واهو بندردش سوا

خلاص يا غوبة

بلاش تزعلي بعد كده

لو حد قال رأي ميعجبكيش و استفزك

خلليكي فاكرة

و ساعتها برضه حتبقى حرية رأي و ديموقراطية و دردشة

[wsadani]

يا جماعة احنا لازم نحاول نوصل للشباب الثورة بعض الافكار اللي ممكن تساعدهم و بتعتمد علي بعض النصائح التي ذكرت من مفكرين صادقين زي د/ عزمي بشارة و اللي علي الجزيرة اكد ان الشباب لازم ياخدوا خطوات نحو الضغط علي الجيش لتحريكه من جانب النظام ليصبح جانب الشعب و ذلك عن طريق عمل مسيرات مليونية اماحصرة سلمية لبعض ما الاماكن الحيوية زي التلفزيون ومجلس الشعب.

متّفق معك تماما ... المحدّد الأساسي لمسار الثورة الآن هو موقف الجيش منها ... ويجب دفع الجيش لاتخاذ موقف واضح لأن هذا الغموض هو في مصلحة النظام

قادة الجيش طلعوا على التلفزيون قالوا مش هنضرب نار على المواطنين ... بقى أن نضع هذا التعهّد موضع الاختبارعن طريق أخذ زمام المبادرة مرة أخرى والقيام بخطوات تصعيدية

الهدف الأسهل طبعا هو مبنى التلفزيون ... وهو في هذه المرحلة الأكثر تأثيرا أيضا لأن النظام يستخدمه بفاعلية لبث أكاذيبه وتشتيت الصفّ ... فلو سقط يبقى النظام فقد السلاح الرئيسي التي مازال في يده

أما مجلس الشعب فهو مجرّد مسرح سياسي هزلي عند هذا النظام وليس له قيمة استراتيجية

وكما قلت سابقا ... لو ظلّت الثورة محصورة في ميدان التحرير فستنتهي بلا نتيجة ... أو زي ما شفيق بيقول هنعمل لهم هايد بارك في التحرير يصرخوا فيه كما يشاؤون.

أيوة يروحوا التلفزيون يعملوا أيه يحتلوة ؟؟ طيب مين اللى يتكلم وهل بكده تبقى الثورة سلمية لما تروح تحتل مكان تابع للدولة ولا المطلوب تخلى الجيش يختار بين المتظاهرين وحماية مؤسسة حيوية

فى إعتقادى انه هيقدر يحمى التلفزيون ومحدش برضه هيقدر يدخل

[mekkawy]

يا جماعة

بطلوا بأة استفزاز في الشرطة حرام عليكوا انتوا ايه .. ظلمة

محدش يستفز الشرطة و يخوفهم و هم مستخبيين منه عشان ما ياخدش رصاصة في دماغه :closedeyes:

اللهم بلغت اللهم فاشهد

[mamdowh]

رسالة من تلميذ مصري : إلى أعزائي المتظاهرين في ميدان التحرير .. بخصوص الثورة اللي شغالة متنسوش أنها هتدخل في مادة التاريخ واحنا اللي بنحفظ !! فاختصروا من فضلكم

ماتخافش يا ابنى هانعملهالك براشيم