إضحـــك مع الشـــعب المصـــرى ودمـــه الخفـــــيف

[fatfouta]

حسـنى مبـارك قام بالاتصال برئيس الوزراء السابق نظيف

قاله ايه الاخبار عندك قال : كله تمام بعنا المصانع و بعنا الشركات و هربنا الآثار و الفلوس بره و مش ناقص غير الشعب الريس قاله : خلاص ودى المسلمين السعودية و المسيحين امريكا و اقفل و تعالى

تم تعديل 9 فبراير 2011 بواسطة fatfouta

[أبوعمار]

[fatfouta]

اغنية القصر الرئاسي الرسمية

حتقولي امشي مش حمشي حتجيبلي حد يقولي امشي مامشيش

انا غصب عنك مشحمشي

قول عليا مجنون قول عليا موهوم

[ابو محمد بن مصطفي]

يوم المظاهرة المليونية يوم التلات

وبعد صلاة الضهر ماشي انا وواحد صاحبي والدنيا زحمة

قللي تعرف الموقف ده بيفكرني ساعة لما كنت في الحج (من كتر الناس) اللي في ميدان التحرير

رديت عليه وقلت ناقصلك بس ترمي الجمرات

تاني يوم ساعة موقعة الجمل اتصل بي صاحبي وقللي قريت فيها ...

اهوه بنطوف حولين الصينية بتاعت ميدان التحرير وبعد كده نروح نرمي طوب علي البلطجية

[pink rose]

عاجل : قرر الرئيس المصري إلغاء شهر أبريل من قائمة شهور السنة كي يقضي على حركة شباب ستة إبريل ، على مواليد هذا الشهر سرعة تغير شهادات ميلادهم قبل أن يختفوا من الوجود وشكرا

طب اعمل ايه انا دلوقتي يا جدعان

اروح فين و اجي منين

طب حد يقولي اختار شهر ايه دلوقتي انا

طب الي عاوز يغير تاريخ ميلاده يروح فين لو كان مغترب اروح السفارة انا دلوقتي و لا اعمل ايه

ليه يا ربي ما خلتنيش من مواليد شهر اكتوبر

استحالة دا بقى الريس يقدر يغيره و الا هايبقى بيقضى على حوار اول ضربة جوية

[Simba]

http://www.youtube.com/watch?v=QORkWErNXf8

[fatfouta]

مقابله مستر نانا فى ميدان التحرير مش هتبطل ضحك

http://www.youtube.com/watch?v=UDVLHbLRIMc&feature=player_embedded#

[pink rose]

مقابله مستر نانا فى ميدان التحرير مش هتبطل ضحك

http://www.youtube.com/watch?v=UDVLHbLRIMc&feature=player_embedded#

لا الدبوس مش اد مقامه

المفروض كل واحد يمسك مطوة و يغزه غزة

[fatfouta]

طب ينفع العطلة دى يعنى..

تم تعديل 9 فبراير 2011 بواسطة fatfouta

[مغتربة]

[أبوعمار]

[fatfouta]

نشيد شباب الاجندة

أنا مندس.. أنا مندس، هاتلي أجندة ووجبة وبس

من هارديز أو من كنتاكي، هاتلي وجبة دينر بوكس

أو سوبر زنجر من غير خس

هاتلي أجندة من الفجالة أعمل بيها ثورة في مصر

أنا مندس.. أنا مندس، وكل الشعب كمان مندس

كل الناس هنا مش عايزينك، وانت يا حسني مش بتحس

كل فضايحك، كل جرايمك، كلو موجود على ويكيليكس

أنا مندس.. انا مندس، عندي أجندة مستر إكس

[باهى الطائر الحزين]

http://www.youtube.com/watch?v=Iy23SggWhwA&feature=player_embedded

[fatfouta]

[fatfouta]

اخر الانباء

المادة 534 من الدستور : إذا مات الرئيس يتم تشكيل لجنة لتحضير روحه لإدارة المرحلة الانتقالية المادة 535 من الدستور : إذا فشل تحضير روح الرئيس تلغى الدولة ويلغى الدستور وتسرح القوات المسلحة ويوزع الشعب على الدول المجاورة

[تامر مصطفى]

ذهب الليل وطلع الفجر والشعب اتحرر

شاف مبارك قاله اتنحى والنظام فرفر

الشعب قاله سيب السلطه وخلينا فى حالنا

شد نفسه وبعت حرسه وراح جر شكلنا

قامت الناس قعداله وحلفت ماهى رايحه بيوتنا

...وادى جزاء اللى بيتلامض مع الشعب بتاعنا

[ريمون]

[fatfouta]

[fatfouta]

[fatfouta]

بيقولك حسني كان عاوز يغيـر دولارات و مش لاقي في السوق , فراح منادي نظيف:

مفيش دولارات في السوق ليه يا انت نظفت السوق ؟

نظيف :الحج و العمرة ياباشا خلصوا على الاحتياطي

بقولك ايه ..حج ابه وبتاع ايه .. من السنة الجاية الحج يبقى في مصر

نظيف:يا... باشا .. ازاي بس

اتصرق

بعد يومين رجع نظيف و قاله : كله تمام يا باشا خلاص الحج حيبقى عندنا

الريس: طب و الكعبة حتعمل فيها ايه ؟

حنعملها في ميدان الحجاز - مصر الجديدة و يبقوا يلفوا حواليها

الريس: طب و السعي ؟

ياباشا يبقوا يجروا في طريق صلاح سالم لغاية المطار و يرج...عوا

الريس: و عرفه ؟

يطلعوا المقطم ياباشا

الريس: طب و رجم إبليس يا فالح ؟

إتعب معانا شوية بقى يا ريس