إذا كنت من الثوار وقلبك قايد نار .. يبقى لا تقرا هذا القرار

[عنبو]

والله قلبي وجعني ... وجعني مش علشان الكلام الأهبل اللي موجود في الرسالة دي ...

لكن وجعني لما لقيتنا بقينا زيهم ....

طول عمرنا محروقين من اللي ممشي كلامه هو بس و لما حد يفتح بقه يتسحل ...

مش كده برضه ؟؟؟

ليه لما الوضع أتعكس نوعآ ما ... ليه لما القرار بقي بيطلع مننا احنا مش منهم هما ... ما بقيناش نقبل اراء اللي في الخندق معانا .. اللي طول عمرهم شايلين الطين برضه .. اللي ليهم رأي برضه في اسلوب الوصول للهدف ...

الناس بقت خايفة تفتح بقها لتتهزأ و الا تتريقوا عليها ...

مثال علي كده .. في الموضوع ده نفسه و مش حنروح بعيد .. الفاضلة حورية عين تلات تربع مداخلتها بتتطلب ان ما حدش يسخر منها ... بتطلب الأمان علشان تقول رأيها ...

ايه ده ؟؟؟ ... ايه ده بجد ؟؟؟

اذا كان الغالبية العظمي من شباب المحاورات واخدهم الحماس في الكلام و التفكير فده شيء رائع ... رائع ... رائع مليون مرة ... لأن الحماس ده هو اللي وصلنا للنتايج الحالية ..

لكن مش معني ان مافيش اصوات بتقول ان فيه حلول تانية ان الكل موافق علي كل اللي بيحصل بحذافيره و بالنص ... لأ .. لأن مع اول بادرة بصوت مختلف بيتم اجهاضه هنا سواء بالتريقة .. سواء باتهامات بالأنضمام للحزب الوطني .. او بالترجيف و الخيانة و الأنبطاح ...

ما ينفعش ... ما ينفعش بجد ...

يا ريت نفكر شوية قبل ما نشوط في اللي بيتكلم قصادنا ... عاجبنا كان بها .. مش عاجبنا خلاص كان بها برضه .. بس ما نبتديش نصنفه و نحطه في كادر معين و نظام من هو ليس معي فهو ضدي ...

قوله والنبى يا حاج كامل

يعنى عندك انا اهو بمووووووووت فى بابا حسنى وطول عمرى اقول اللى اعرفه احسن من اللى معرفوش وماشى على المبدا ده

حتى كنت كاتب قصيده لبابا حسنى رضى الله عنه بقول فيها

على الطلاق ما انت قايم عليا الطلاق ما انت ماشى

ورحمة ابويا خليك مكانك

طيب دوكميه دوكميه دوكميه يارب لو قمت تجيب ميه

بس للاسف خفت من الناس اللى هنا تحجر على رأى المؤيد لبابا حسنى

( دعااااااااااااااااااااااااااااااااااااااااابه )

تحياتى

عنبو

[Folana]

السلام عليكم ورحمة الله...

أقول لكل المؤيدين والمعارضين واللى بين البينين:

"ارفع رأسك يا أخى فقد ولى زمن الإستعباد"...

أى فرد من حقه يعبر عن رأيه ..ومش من حق الرأى الأخر أن يجهض حريته فى التعبير حتى وان كانت مخالفة ولم تكن على نفس الموجة...

حورية العين...اكتبى وعبرى عن كل ما يعتمل فى صدرك...وماتخافيش من ابو الاسيان على ضمانتى ..وعلى رقبتى لو مسك بكلمة ( وش احمد شفيق)

[Scorpion]

أيوه الله يخليكي .. هيبي بسكوربيون أحسن مبهدلني ومش عاوز امد إيدي عليه عشان برضوا . أخويا وحبيبي وأكبر مني ...

والله شكلنا كده احنا الأتنين يا سي السيد اللي حنمد ايدينا لو العملية فضلت كده ...

بس علشان نشحت ...

[رضوي]

السلام عليكم ورحمة الله وبركاته

طيب ماالمنشور دة بيتقال في وشنا كل يوم

دة انا خلاص مابقيتش طايقة اسمع ولا اتكلم مع حد

الناس بجد في مصر متضايقة ( بعضهم )

زعلانين اوي علشان بيلفوا من رأس الرجاء الصالح علشان التحرير مقفول ............. زعلانين اوي ان الثوار عاملين دوشة وان بابي حسني خلاص مابقاش عارف يعملهم ايه ؟؟؟

دة حتى جابلنا رئيس حكومة دمه خفيف وشربات ( مع احترامي للفريق احمد شفيق )

الناس زعلانة في القاهرة تحديداً علشان مش عارفين نصرف مرتباتنا علشان تعبنا واعصابنا تعتبت من التليفزيون والاخبار والجرايد والمناقشات والحوارات ........... الخ

طيب ما الشباب اخدوا مطالبهم كلها ....... مش لازم بابي حسني يسيب منصبه

ياجماعة دة احنا لما طلعنا الملك فاروق وصلناه بتشريفة لحد المينا وضرب نار ........... يبقي نعمل كدة في بابي حسني الديموقراطي ؟؟

غير انهم مابيلاقوش باركنج آمن دلوقتي لعربياتهم !!!

دي اراء الشباب

الكبار بقي

انتوا اساسا شوية شباب ماشوفتوش حاجة ولا اتعذبتوا زينا ؟؟؟ فين 30 سنة اللي تعبتوا فيها وانتوا اساسا سنكوا اقل من 30 ؟؟ احنا اللي تعبنا مش انتوا

- ياطنط واحنا ذنبنا ايه انكوا سكتوا ورضيتوا بواقعكم ؟؟

انتوا شباب متدلع اساسا بتوع انترنت وفضائيات ومابتسمعوش الكلام ......... مش ديموقراطية مبارك دي هي اللي خلتكوا تعملوا كدة ؟؟

- والله ياطنط لو احنا عيال بايظة كنا زمانا قاعدين في اي كافيه وبندمن مخدرات ........ صدقيني لو كنا عملناها ماكنتيش زعلتي اوي كدة ......... واستبداد مبارك هو اللي خلي الكيل يطفح مش ديموقراطية مقنعة انتوا مصدقينها ........... الشباب اللي دفعوا دمهم وراحتهم وحياتهم علشان كرامتنا وحياتنا مايتقالش عليهم شوية عيال ....... الشباب اللي اتحاصر واتضرب واتعذب واتسحل وبات في الميدان في عز البرد وقنابل الغاز والرصاص الحي ومن غير امدادات واستحمل كل دة علشان كرامتنا ..... علشان نعيش رافعين راسنا .... دة مافيش في الدنيا اللي نقدر نكرمه بيه

دة رأي ودة كان ردي عليه وانا ماسكة نفسي

الرأي التاني

ياجماعة الحاشية الفاسدة اللي حوالين مبارك هي السبب ......... الراجل عيان ومايعرفش ......... وهو كان بيقول للحكومة تعمل والحكومة بتديله التمام يعني هو مايعرفش

- يافندم لو هو كدة افتراضاً .......... ربنا يشفيه ........ يسيب المنصب لشخص سليم ويروح يتعالج وربنا يشفيه

يعني هنعلقله المشنقة .......... هو بجد مايعرفش ....... ( تقريبا صاحب الرأي دة كان بيتفرج علي فيلم طباخ الريس )

- طيب اقول لحضرتك مثال .......... بفرض ان كلام حصرتك حقيقي

تخيل لو مدرسة اولادك فيها فساد ...........فيها مخدرات المدرسين بيوزعوها علي الطلبة من ورا الناظر ........ والناظر بسلامته مايعرفش ...... ياتري هتقبل تسيب نفس الناظر في المدرسة لانه ماكانش يعرف ؟؟ دة عذر اقبح من ذنب ........ أعتقد ان مهام المنصب دة يحتم علي صاحبه الوعى واليقظة

اللي بيفرسني بجد ......... فيه ناس كتير والحمد لله بتقتنع وتبدأ تؤيد شباب التحرير ..... وناس بتبصلي نظرة كأني عميلة امريكية معايا الجنسية

ناس تانية شايفة ان اللي بيحصل دة مؤامرة ..... وان اسرائيل اللي مدبراها علشان الجيش يسيب الحدود وهي تدخل ...... طيب ايه اللي دخل الجيش اساسا ؟؟؟ ماهو دة نتيجة الفساد احنا لو عندنا جهاز شرطة شريف ومحترم ماكانش دة حصل

ناس تانية بتقولي دول بياخدوا فلوس ووجبة علشان يقعدوا في التحرير ( انا بسمع الكلمتين دول اتجنن ومابعرفش امسك نفسي ولازم ادي صاحبهم كلمتين )

مناقشاتي الصعبة بقي مع عيلتي

لسة برده خايفين علينا ....... لسة بيجادلونا كأننا عيال صغيرة ...... بابا وماما وعمامي بيكلمونا وبيحاولوا يقنعونا بحاجات هما مش مقتنعين بيها ..... بيحاولوا يهدونا

أفتكر اول يوم الثورة 25 لما عمي اتصل بينا وبينبه علينا مافيش حد ينزل ........( مع انه من زمااااااااااااااان قرفان من الفساد والقرف وعلي يقين ان الحل لازم ثورة قوية تهد النظام لما جت الثورة خوفت علينا ومش عايزنا ننزل ؟؟؟)

حوارات وجدل مناقشات لاتنتهي وبجد صدعت ...... بس ماتعبتش

بحترم كل الآراء

خاصة الناس اللي عارفة كل اللي بيحصل وضد الفساد ....... بس خايفين علي البلد بيقولوا نستحمله شوية بس لحد ماالامور تستقر وتهدي ويسيب البلد ونرتاح ...... كل احترامي لكل الاراء .... بس بلاش نلقي التهم علي بعض

[عبير يونس]

أهيب بالآراء المعارضة للثورة أو لأي شيء يتعلق بها

أن يراعوا مشاعر زملائهم المؤيدين

و العكس بالعكس

يا أختي العزيزة ... طلعيلي رأي واحد مننا كلنا مش مؤيد للثورة ....

ليه اللي بيقول لحد كده كويس جدآ نبتدي بقي نشتغل باللي في ايدينا بنطلعه خاين و مش مؤيد للثورة و نقسم الناس لمجموعتين ....

طلعيلي واحد من الفكر ده اهان اللي قصاده او اتريق عليه ... المشكلة ان العكس هو اللي بيحصل و ده اللي يضايق بجد و يخللي الواحد يحس بالخوف من اللي جاي .. لأن المعاملة بالطريقة دي حتفضل هي هي ... الفرق الوحيد ان الكراسي اتبدلت ...

اكرر اللي شايفه ان بخلاف الرأي و الرأي الآخر اللي اخويا سي السيد افتتح بيه الموضوع ده .. فيه رأي تالت واخد من الأتنين ... يعني بيوافقهم في حاجات و بيخالفهم في حاجات ... و في الحاجات اللي بيخالف فيها اللي هي حاجة او اتنين بالكتير خلاص اتصنف كخائن و منبطح او علي الأقل تنزل التقييمات السلبية ترف فوق دماغه زي طوب بلطجية الحزب الوطني ...

كل اللي بطلبه اننا نشم نفسنا قبل ما نرد علي رأي بيخالفنا...

هآخد نفس اهو

شهيق

زفير

شهيق

زفير

شهيق

زفير

برضه مش قادرة

bsh:)

شوفي لي حل تاني لو سمحت

:wub:

[Scorpion]

يا سلام .. جيتي في جمل ؟؟

الحل في منتهي البساطة و ما يغلاش عليكي

الدعي سي السيد انذار

:closedeyes:

ياكش تعملها بجد و أخلص منهم هما الأتنين في عملية نضيفة مية المية

:big_boss:

[عبير يونس]

يا سلام .. جيتي في جمل ؟؟

الحل في منتهي البساطة و ما يغلاش عليكي

الدعي سي السيد انذار

:closedeyes:

ياكش تعملها بجد و أخلص منهم هما الأتنين في عملية نضيفة مية المية

:big_boss:

سكوب انت فهمتني غلط

:blush2:

أنا

أنا يعني.....

أصل يعني...

أنا

أقصدك أنت

bsh:)

[Scorpion]

يه يه .. هي كده ؟

معلش خيرها في غيرها ....

الدعيني انا يا ستي الأنذار و بكده تخلصي مني انا و سي السيد في عملية نضيفة ميه الميه ...

[عبير يونس]

يه يه .. هي كده ؟

معلش خيرها في غيرها ....

الدعيني انا يا ستي الأنذار و بكده تخلصي مني انا و سي السيد في عملية نضيفة ميه الميه ...

يا خبر يا خبر

إنها دعابة يا أبا جونيور

هو أنا اقدر استغنى عن حضرتك برضه

[fatfouta]

مالكوا بس؟؟؟

هو شهر ابريل قرب ولا ايه؟؟ :closedeyes:

[Ahmed Anwer]

أنا مش فاهم ،،، هوا عشان ميتهانشي

يبقي لازم يفضل ريس لحد آخر يوم في حياته !!!!

يتنحي هوا بس و إحنا موافقين ياخد شقة في اسكان مبارك

يييييييييييييييييييييييه

حتي الشقق اسمها مبارك

[عنبو]

والله قلبي وجعني ... وجعني مش علشان الكلام الأهبل اللي موجود في الرسالة دي ...

لكن وجعني لما لقيتنا بقينا زيهم ....

طول عمرنا محروقين من اللي ممشي كلامه هو بس و لما حد يفتح بقه يتسحل ...

مش كده برضه ؟؟؟

ليه لما الوضع أتعكس نوعآ ما ... ليه لما القرار بقي بيطلع مننا احنا مش منهم هما ... ما بقيناش نقبل اراء اللي في الخندق معانا .. اللي طول عمرهم شايلين الطين برضه .. اللي ليهم رأي برضه في اسلوب الوصول للهدف ...

الناس بقت خايفة تفتح بقها لتتهزأ و الا تتريقوا عليها ...

مثال علي كده .. في الموضوع ده نفسه و مش حنروح بعيد .. الفاضلة حورية عين تلات تربع مداخلتها بتتطلب ان ما حدش يسخر منها ... بتطلب الأمان علشان تقول رأيها ...

ايه ده ؟؟؟ ... ايه ده بجد ؟؟؟

اذا كان الغالبية العظمي من شباب المحاورات واخدهم الحماس في الكلام و التفكير فده شيء رائع ... رائع ... رائع مليون مرة ... لأن الحماس ده هو اللي وصلنا للنتايج الحالية ..

لكن مش معني ان مافيش اصوات بتقول ان فيه حلول تانية ان الكل موافق علي كل اللي بيحصل بحذافيره و بالنص ... لأ .. لأن مع اول بادرة بصوت مختلف بيتم اجهاضه هنا سواء بالتريقة .. سواء باتهامات بالأنضمام للحزب الوطني .. او بالترجيف و الخيانة و الأنبطاح ...

ما ينفعش ... ما ينفعش بجد ...

يا ريت نفكر شوية قبل ما نشوط في اللي بيتكلم قصادنا ... عاجبنا كان بها .. مش عاجبنا خلاص كان بها برضه .. بس ما نبتديش نصنفه و نحطه في كادر معين و نظام من هو ليس معي فهو ضدي ...

قوله والنبى يا حاج كامل

يعنى عندك انا اهو بمووووووووت فى بابا حسنى وطول عمرى اقول اللى اعرفه احسن من اللى معرفوش وماشى على المبدا ده

حتى كنت كاتب قصيده لبابا حسنى رضى الله عنه بقول فيها

على الطلاق ما انت قايم عليا الطلاق ما انت ماشى

ورحمة ابويا خليك مكانك

طيب دوكميه دوكميه دوكميه يارب لو قمت تجيب ميه

بس للاسف خفت من الناس اللى هنا تحجر على رأى المؤيد لبابا حسنى

( دعااااااااااااااااااااااااااااااااااااااااابه )

تحياتى

عنبو

حوسام حوسام حوسام انا بكرهك بكرهك بكرهك بكرهك

انا هلاقيها منك ولا من الغريب

ماشى وربنا لاهريكم تقيم سالب

هو انا يعنى ماعنديش رصيد وتبقى حرب بقى ونحن لها ان شاء الله

[Simba]

[Folana]

السلام عليكم ورحمة الله..

إنت بلغت عنى يا سنسن؟...:unsure:

كانش العشم ...

وزارة الداخلية عمالة تبعت لى فى رسايل على الموبيل...

ولا يكونوش بيردوا على موضوع الرسايل بتاعى..طب ده انا لسه حتى ماقربتش من الداخلية..

خد عنك اول رسالة..

من وزارة الداخلية : الشرطة لن تكون إلا فى خدمة الشعب وحمايته

تانى رسالة :

من وزارة الداخلية : رجال الشرطة عادوا للشوارع لحماية المواطنين وأمنهم يرجى التعاون معهم .

تالت رسالة:

من وزارة الداخلية : لن يكون تعاملنا من اليوم الا بالصدق والامانة وسيادة القانون.

رابع رسالة زى التانية...

ايييه بقى....حد يطمنى من مصر ويقولى ان الرسائل دى وصلته برضه...قبل ما اتهور وانزل التحرير ..مادام إكده ميت وإكده ميت...

ماشى يا سى السيد قراره..مااااشى mc:

[se_ Elsyed]

طب يا طنط .. حكمدار العاصمة ما بعتش رسالة تانية بتقول : إلى فلانه الفلانية القاطنة في درب النحاس .. لا تنزلي التحرير سكوير .. السكوير فيه سموم وحاجات وحشة ؟

[ابو محمد بن مصطفي]

السلام عليكم ورحمة الله..

إنت بلغت عنى يا سنسن؟...:unsure:

كانش العشم ...

وزارة الداخلية عمالة تبعت لى فى رسايل على الموبيل...

ولا يكونوش بيردوا على موضوع الرسايل بتاعى..طب ده انا لسه حتى ماقربتش من الداخلية..

خد عنك اول رسالة..

من وزارة الداخلية : الشرطة لن تكون إلا فى خدمة الشعب وحمايته

تانى رسالة :

من وزارة الداخلية : رجال الشرطة عادوا للشوارع لحماية المواطنين وأمنهم يرجى التعاون معهم .

تالت رسالة:

من وزارة الداخلية : لن يكون تعاملنا من اليوم الا بالصدق والامانة وسيادة القانون.

رابع رسالة زى التانية...

ايييه بقى....حد يطمنى من مصر ويقولى ان الرسائل دى وصلته برضه...قبل ما اتهور وانزل التحرير ..مادام إكده ميت وإكده ميت...

ماشى يا سى السيد قراره..مااااشى mc:

انا جتلي الرسايل بتاعت الدخلية ومن قبلها رسايل القوات المسلحة (الجهاز المحترم)

الدخلية اللي احنا بدفع دم قلبنا ضرايب علشان هما يتمنجهوا علينا

وبعد كده يسيبوا علينا البلطجية

اسف لقد سقط النظام الامني في مصر .... ولو حلفوا علي الميه تجمد من غير ما يحطوها في الفريزر

برضوا خلاص العلاقات انقطعت .... بين الشعب وبينهم

محدش يقول ان فيهم وفيهم

احنا مندفعش فلوس بالمليارات علشان وقت الراحة نضرب علي قفانا ووقت الشدة يسيبوا كلابهم علي الشعب

وبرضوا هنفضل ننزل الميدان