25 يناير ... موعد المصريين ( 12)

[م تيمور المراغي]

نظرلأزمة تكلف مصر ثلث مليار دولار يوميا

تقرير لكريدي أغريكول يؤكد ان السياحة أكثر قطاعات الاقتصاد المصري تضررا من الاضطرابات.

ميدل ايست أونلاين

الاقتصاد في قلب المشاكل المصرية

القاهرة - قال تقرير أصدره كريدي أغريكول سي.اي.بي ان الازمة المصرية الراهنة تكلف البلاد ما لا يقل عن 310 ملايين دولار يوميا وان قطاع السياحة سيكون أكثر قطاعات الاقتصاد تضررا جراء الازمة.

ولا يزال محتجون ينادون عبر تظاهرات حاشدة لليوم الثاني عشر على التوالي باسقاط حكم الرئيس المصري حسني مبارك بعد 30 عاما قضاها في منصبه ويطالبون باصلاحات سياسية واقتصادية واسعة النطاق.

وقال التقرير "يأتي الاقتصاد في قلب المشاكل المصرية. سقط نظام مبارك للافتقار الى نظام اقتصادي يضمن وصول الثروة الى مختلف طبقات المجتمع ولاتساع فجوة عدم التكافؤ (بين طبقات المجتمع) وارتفاع نسبة الفقر ومعدل البطالة وارتفاع معدل التضخم".

وأضاف "الازمة السياسية الحالية في مصر تكلف البلاد خسائر لا تقل عن 310 ملايين دولار يوميا. السياحة أول القطاعات المتضررة. استمرار حالة عدم اليقين السياسية وأعمال العنف سيكون لها أثر مدمر على عائدات السياحة هذا العام".

السؤال هو ..

الفلوس دي كلها كانت بتروح فين ؟؟

ظهرت دلوقتي بس ليه ؟؟

ولما كنا نكلم سونسون يقول لنا مافيش فلوس حاكلكم منين ؟؟

ودلوقتي لما الحرمايه وقعوا في بعض بيطلع كل يوم واحد معايا مليارات منين ؟؟

طيب حنجيب الفلوس دي للشعب ولا نفض الثوره عشان ترجع لجيوبهم تاني ؟؟

اسئلة عديده ولكن الاجابه عنها في منتهى السهوله

واحد يتنحى عشان الملايين تفوق وتنتعش وتعيش ,,

بذمتك اي واحد مننا لو ملايين المصريين طلبوا منه يسيب الشغل قبل ماهو مقرر اصلا بسبع شهور حيرفض ؟؟

ولا عشان العهده تتظبط ونلحق نحرق المخازن قبل ما الشعب يجي ويجرد ويعرف الحقيقة !!

[fatfouta]

الهيئة المستقيلة هم...

جمال مبارك

احمد عز

صفوت الشريف

مفيد شهاب

زكريا عزمى

على قناة الحرة

عاجل, التلفزيون المصري: إستقالة أعضاء المكتب السياسي للحزب الوطنى الحاكم

صح يا لماضة بصى فوق كده كل القرف اتزاح عننا خلاص الف حمد ليك يارب

[لماضة مصرية جدا]

المستشار الخضيري: شرعية نظام مبارك سقطت بالفعل يوم 25...والشرعيه الأن هى

شرعية الثورة

يا جماعة انا شفت بعض المتظاهرين عاملين كاركتير علي السيد الريس..."بابا :P " مبارك....و هو طالع زي لمؤاخذة البتاعة دي اللي بتطلع علي علب الجبنة النستو و لابسة حلق في ودنها

مع اختلافي الشديد...علي الاستهزاء باي بني ادم....بس نفسي اعرف بعد ما هيبة الراجل راحت كده....هيحكم ازاي؟؟؟؟

و ليكن شعار المرحلة

برضه

ادي زوووووووووبة زقة

فاضل علي الحلو تكة

يا رب

[Simba]

مش مهم بقي يمشي ولا يقعد

المهم الحزب الوطني ما يقومش له قومة تاني بقي كفاية بلطجة

[م تيمور المراغي]

يا بشمهندس انت بتأكد اهوه ان الغرب له مصلحه فى ال بيحصل ده

امريكا دوله بنت ستين فى السبعين والامريكان كلهم كذلك طبعا...ومديرك ده مبسوط اوى لان ال بيحصل ده فى مصلحه بلده ماما امريكا

فهو مبسوط اوى علشان بلده... لكن احنا بالنسبه له نولع و تولع مصر...

لا امريكا واسرائيل لو عندك خلفيه بياخدوا من مبارك اضعاف ما حياخدوه من اي رئيس شعبي حقيقي منتخب تاني ,,

بعدين بالله عاوز اسالك بس ,, الثوره دي مخططلها امريكا ولا ايران ولا حزب الله ولا الاخوان ولا المعارضه ؟؟

عشان اصلي كل ما حيجي دوله في العالم تمدح رجولة الثوار حتقولوا اهو شايفين اهو هما عملاء الدوله الفلانيه :happy:

الغرب يحترم الشعوب الحره فقط,,

اما الراضخين المستسلمين فلا قيمة لهم ابدا ,,

[لماضة مصرية جدا]

نيويورك تايمز:اقتراح أمريكي بسفر مبارك لشرم الشيخ أو ألمانيا لاخراجه من قصر الرئاسة

قالت صحيفة نيويورك تايمز الأمريكية –السبت- إن الرئيس حسني مبارك بات أكثر عزلة مع دخول الاحتجاجات المطالبة برحيله يومها الثاني عشر، ووسط مطالبة إدارة أوباما وعدد من قيادات الجيش المصري والنخبة المصرية بوضع خطة لاخراجه من السلطة.

ونقلت الصحيفة عن مسؤولين في إدارة الرئيس باراك أوباما قولهم إنه من بين المقترحات التي طرحت لحل الأزمة اقتراح يقضي ببقاء مبارك في قصره بشرم الشيخ أو السفر إلى ألمانيا لإجراء فحوصاته الطبية السنوية، مشيرين إلى أن مثل تلك الطريقة في الخروج ستمنح الرئيس المصري خروج مشرف وآمن مع ابعاده تماما عن القيام بدور مؤثر وفعال في الساحة السياسية، محققا في الوقت نفسه مطالب الغاضبين في ميدان التحرير.

ونقلت الصحيفة الأمريكية عن من وصفتهم بمسؤولين أمريكيين على اطلاع واسع قولهم إن نائب الرئيس المعين حديثا عمر سليمان يبحث مع عدد من كبار قادة الجيش المصري تقييد سلطات الرئيس في اتخاذ القرارات، مع بحث امكانية اخراجه من قصر الرئاسة مع الاحتفاظ بمنصبه كرئيس للجمهورية.

وقالت الصحيفة إن هناك توجه قوي داخل النظام المصري للتخلي عن ماضيه الاستبدادي بالدخول في حوار مع تيارات معارضة وأطراف كان يرفض أي حديث معها أو حتى أي تواجد لها في الساحة السياسية المصرية.

وقالت الصحيفة إن أحد المسؤولين البارزين في إدارة أوباما قال إن قيام سليمان بفتح حوار مع المعارضة لفتح الحياة السياسية في مصر ووضع فترات محددة للولاية الرئاسية وكيفية اجراء الانتخابات الرئاسية، كل ذلك لا يمكن أن يتم بوجود مبارك في مكتبه.

طب اهه....ماما امريكا قالتها اهه

نعمل ايه تااااااااااااني

[الغريب]

مبارك يستقيل من منصبه كرئيس للحزب الوطنى الحاكم

أين المشككين ***** الذين كانوا بينتقدوا الثوار بالأمس وعايزينهم يرجعوا بيوتهم

آهو صمودهم بيحقق لنا التنازل تلو الآخر وقريبا تحقّق الثورة جميع أهدافها وينزاح النظام

مبروك للثوار ومن يدعمهم ولو من خلف الكيبورد ولا عزاء للموالسين والجبناء

لكي لا ننسى

هذا هو التنازل الرابع منذ صمود الثوار

[Simba]

http://www.youtube.com/watch?v=UGnGVJI0epI

ده مخرج فيلم 678 اللي كان بيناقش قضية التحرش

[م تيمور المراغي]

مش مهم بقي يمشي ولا يقعد

المهم الحزب الوطني ما يقومش له قومة تاني بقي كفاية بلطجة

اصبر بس يا سيمبا :happy:

التقيل ورا ,,

بالله عليكم اسالكم

لولا الملايين الوطنين اللي خرجوا امبارح ,, ولولا رفضهم محاولات ***** عن الخروج

هل كان مبارك استقال منا لحزب الوثني ؟؟

طبعا بكده خلاص ,, سينهار الحزب الوثني بعد استقالة رئيس الدوله و القبض على الممول احمد عز :happy:

الف الف الف مبرووووك يا ثوااااار

تم تعديل 5 فبراير 2011 بواسطة Mohammad
حذف الفاظ لاتصح

[لماضة مصرية جدا]

معلشي اي جماعة...فهمت غلط....فعلا مليون مبروك ده طلع فعلا مبااااااارك الاب

تم تعديل 5 فبراير 2011 بواسطة لماضة مصرية جدا

[Alattar]

فعلا..واضح ان خبر استقالة حسني مبارك من رئاسة الحزب الوثني ان شاء الله صحيح

أنا لسه شايفه حالا علي العربية

تم تعديل 5 فبراير 2011 بواسطة Alattar

[لماضة مصرية جدا]

المعتصمون في ميدان التحرير يوجهون دعوة لأسر الشهداء منذ يوم 25 يناير

للقدوم إلى ميدان التحرير يوم الأحد

ليرفعوا لوحات باسماء شهداءهم ولتأدية صلاة الغائب والقداس على أرواح الشهداء

موقع الدستور الاصلي

بفكر ان احنا كمان يا جماعة ممكن نتجمع و نصلي صلاة الغائب...

اللهم ارحمهم...و ابدلهم دارا خير من هذه الدار

و عزاؤنا الوحيد انهم من الشهداء و الصديقين

يا ليتني كنت معهم فأفوز فوزا عظيما

تم تعديل 5 فبراير 2011 بواسطة لماضة مصرية جدا

[الغريب]

بس عارفين ... ده ممكن جدا يكون ملعوب من النظام ... يستقيلوا من الحزب الوطني ويروحوا يؤسسوا حزب جديد زي ما السادات عمل مع حزب مصر

وطبعا جميع أعضاء الحزب الوطني الحاليين سينتقلون تلقائيا للحزب الجديد ... ولو سألت واحد منهم بكره عن مبادئ الحزب الوطني هيقولك أول مره أسمع عن حزب بالإسم ده

أ. أحمد برجاء التوضيح أكثر للإستفادة

[Alattar]

وسائل اعلام عالمية تفتح ملف ثروات آل مبارك

و التي تقدر تقريبا من 40 مليار..الي 70 مليار دولار

قعدت أحسبها حسبة بسيطة كده

لو الثروة 40 مليار دولار

بعد ما حولت الي ريال

و قسمتها علي مرتبي

يعني تقريبا..الثروة دي تقدر بمرتبي لمدة

1785714 سنة

والله يا جماعة فعلا..الرقم اللي طلع ده

بس أنا مش هيأس أبدا..و لازم ان شاء الله أوصل للمبلغ ده..يعني لازم اوصلله

أنا مش أقل منهم في حاجة

فات من 1785714 سنة حوالي ثلاث سنين

ادعولي يا جماعة

تم تعديل 5 فبراير 2011 بواسطة Alattar

[م تيمور المراغي]

الثورات مفيش فيها تراجع إما تحقيق الأهداف وإما الالتفاف عليها وبالتالي فشلها

الفشل ممكن يحدث - لاقدر الله - إذا انصاع الشباب لكلام العواجيز اللي بقالهم 50 سنة معملوش حاجه تنفع حتى لو كانت ثورة بالشوم والبلغ وجايين الوقتي ينظروا للشباب البطل

مبارك يستعمل الآن كوهن العواجيز وكيد النسا في مواجهة الشباب اللي بيقولوا للأعور أنت أعور ومنتفعش ولازم ترحل

عمر ما الثورة نرضى ببقاء الرئيس وهي قامت علشان تخلعه والخيارات ثلاثة

الرحيل

أو بقاؤه مع جعله شرابة خرج

أو بقاؤه وكل يوم ياخد على دماغه

هو راضي بالاخيره دي للاسف الله يكسفه

منظره بقى وحش اوي والله انا مكسوفله وهو يوم بعد يوم يتنازل عشان يفضل عالكرسي ,,

بس للاسف خلاص مابقاش ينفع ,, لانه سقط من نظر اقرب الناس اليه ,,

[ابو محمود]

سين وجيم .. عن ما يحدث في مصر وموقفك من جريمة اغتصاب وطنك →

كيف تخدع شعبك في أربع خطوات؟ .. دليل الحكومة الذكية لتضليل الإعلام

اتفرجوا عليه بس شغلوا عقلكم بس

“إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك” .. بهذه الاستراتيجية الإعلامية الفعالة نجح أدولف هتلر في تعبئة ألمانيا النازية لدخول الحرب العالمية الثانية.. وبنفس الأسلوب نجحت الإدارة الأمريكية الحالية بعد أكثر من نصف قرن في شن حملة إعلامية ضخمة لإقناع شعبها بضرورة خوض الحرب على العراق مهما كان الثمن.. وطبعا ده غير حكومات تانية كتير قوي.

معرفش ليه الكلام ده افتكرته اليومين دول وسط الأحداث اللي بتمر بيها مصر واللي الإعلام انقسم فيها إلى نوعين، انا هسيب ليكم تقسيمهم على كيفكم وتصنيفهم براحتكم.

المهم أن الكلام السابق ده بتاع راجل اسمه دينيس جيت قابلته من 3 سنين في جامعة فلوريدا، “ايوه عارف هتقول ايه ما أصل انا خاين وعميل للأمريكان وبموت في الخيانة عموما دي كانت رحلة قصيرة جدا”، هو كان ماسك هناك مركز للعلاقات الدولية، والراجل نفسه كان سفير أمريكي في عدة دول وكان شغال في المكتب الإعلامي للبيت الأبيض، ولما قابلته كان بيشرح للناس في الجامعة إزاي جورج بوش نجح يخدع الأمريكان ويشحن الرأي العام عشان يقنع جزء من الشعب بأهمية الحرب (ابن اللذينة معرفش إزاي عدى ساعتها من حرس الجامعة لحد ما فهمت ان مفيش هناك حرس جامعة) .. المهم أنه شرح للناس إزاي أي حكومة من أيام هتلر لحد أيام بوش بتوظف الإعلام للخداع والتضليل وده بـ4 طرق.

الطريقة الأولى : التخوين

خوف الناس .. وحسسهم ليل نهار أن في مؤامرات بيتم تدبيرها ضدهم وأن أمنهم معرض للخطر، وأن كل الاجراءات المتشددة اللي انت عاملها دي عشان مصلحتهم ولأن عدوهم جبار وبيستغل طيبتهم عشان يدمر مجتمعهم .. ومع تكرار الأسلوب ده، وربطه بتعرض الناس لحادث إرهابي في وقت سابق او خوضهم حرب من فترة قريبة أو لكارثة أو حادثة كبيرة هيكون عندهم استعداد تام للتنازل ليك عن جزء كبير من حرية اتخاذ قراراتهم، وده ليييه؟ .. لأن الناس تفكيرها المنطقي بيتشل ساعة الخطر، لأنهم بشكل غريزي هيحسوا انهم محتاجين الأمان ومستعدين يتنازلوا عن حريتهم عشان خاطر الاحساس اللي انت اصلا حرمتهم منه ببث رسايل تحذير منتظمة.

في ألمانيا النازية هتلر فهم الألمان أنهم لو مهاجموش شعوب أوروبا هي اللي هتهاجمهم، وبوش فهم شعبه أن صدام بيدعم الإرهاب وعنده أسلحة دمار شامل.

المصيبة لما واحد غبي زي صاحبنا يضحك على ناس المفروض انها ناصحة ومدردحة زي الأمريكان :)

والطبيعي في أي مجتمع أن هيكون في معارضة ليك، مش معارضة سياسية بس، لكن معارضة من المتعلمين والواعين ووسائل الإعلام المستقلة والناس اللي بتشك بطبيعتها في نوايا الحكومة .. الرد على دول لازم يكون هجومي وشامل .. اتهامات بالخيانة وبتعريض سلامة الوطن للخطر واتهامات بالعمالة لقوى خارجية أو لتمثيل “أجندات أجنبية” أو “أجندات محلية” أو “أجندات من الفجالة” وأنهم “قلة مندسة” حتى لو عددهم مليون واحد وحتى لو كان المعارضين دول بيحاولوا يعرضوا وجهة نظرهم على الناس في بلدهم من غير اللجوء لأي طرف أجنبي ولو بطريقة سلمية، طالما هم عكس وجهة نظري يبقوا “كفرة ولاد ستين في سبعين وأشرار”.

الهجوم هنا هو خير وسيلة للدفاع .. اطعنهم في مصداقيتهم ووطنيتهم واشغلهم بدفع الاتهامات عشان ميكنش عندهم فرصة ينتقدوك أو على الأقل تضمن أن تأثيرهم على الناس هيكون أقل في سرعة الاقتناع ومدى التأثير.

الطريقة التانية : اشغل انتباهم ليل نهار

الحكومة طول النهار والليل تحاصر الناس بإصدار بيانات وبتحاول تشغل الإعلام التلفزيوني والجرايد والإذاعة ببياناتها الرسمية ومعلومات ترسخ استراتيجية الدولة وتوزع صور وفيديوهات تتعلق بالأحداث اللي تحب تروج لها، وطبعا أول ناس بتنشر الكلام ده بتكون وسائل الإعلام الحكومية أو وسائل الإعلام المستقلة المرتبطة بعلاقة قوية مع الحكومة.

الظريف أن جرايد وتلفزيونات الحكومة بتاخد البيانات الرسمية الصادرة عن الوزارات المختلفة وتنشرها من غير ما توضح مين مصدرها كأنها معلومات فلكية زي “الشمس تشرق من الشرق” و”فلان عميل وخاين” .. ومحدش في الإعلام الرسمي الحكومي ده هيكلف خطره يحقق في صحة أي معلومة صادرة من الدولة زي ما ألف بأء صحافة بتقول، يعني مثلا تلاقي خبر يقولك “ساد الهدوء في منطقة كذا بعد أحداث كذا” بينما أي بني آدم ينزل منطقة كذا دي يلاقيها مولعة أو فيها جيش أمن مركزي طب ما هو لازم يسود الهدوء في وجود آلاف العساكر.

تلاقي المذيع التلفزيوني راجل محترم وببدلة وبيقول صرح مصدر مسئول أن كذا كذا كذا أو أعلنت وزارة كذا كذا .. كأن كلمة مصدر مسئول دي أو كلمة وزارة كذا دي معناها ان كل اللي وراها ده كلام ربنا مش ممكن يبقى غلط ومش محتاج حتى نتحرك ونروح لأرض الواقع نتأكد منه، وزي ما في صحفيين كتير شاطرين، في منهم كسالى طالما هيملى مساحة جرناله او برنامجه بكلام جاهز بينام عليه.

الخدعة بقى أنك هتلاقي المسئول تاني يوم نشر الخبر أو إذاعته طالع يقولك “شفنا في وسائل الإعلام تقارير عن كذا كذا” .. الله طب ما سعادتك أصلا اللي مطلع التقارير دي وباعتها للقناة او الجرنال؟؟

القلة المندسة

حكومة بوش كانت بتسرب معلومات للجرايد الأمريكية الكبيرة وتنزل الأخبار على أنها من مصادر سرية وبعدين تاني يوم تطلع الحكومة تستشهد بكلام الصحافة !، يا ترى بقى انت تقرا كام خبر في اليوم لم يتم التحقق من صحته؟.

والموضوع يا جماعة أصله مش كيميا المسألة بسيطة جدا، لما حد يقولك معلومة كل المطلوب منك تسأله ايه مصدرها؟ لأننا لما بنعرف مصدر المعلومة بنقدر نتأكد صاحبها يستاهل الثقة ولا لأ ولا حتى أن كلامه بيعبر عن رأيه الشخصي، انما أخطر حاجة الخبر اللي ملوش مصدر ده أو الاتهام بدون دليل، ودايما اللي يتهم حد من غير دليل مبيكنش عنده أدلة لأنها لو عنده كان كشف عنها فورا، وتلاقي المذيع الرخم إياه طالع يقولك “احنا مش عاوزين نتكلم” .. لا يا حبيبي ما انت لو عندك حاجة تقولها كنت اتكلمت.

الطريقة التالتة : الإنكار دايما هيفيد والتأجيل كمان

لما الحكومة تتعرض لهجوم أو انتقادات “الإنكار هو الحل” .. المسئول الحكومي ومعاه الإعلام الرسمي يصر على بث تكذيب وإنكار لصحة الأخبار المتسببة في انتقاد الحكومة، حتى لو كانت المعلومة واضحة وضوح الشمس.

المسئول هنا بيعتبر أن المشكلة كأنها محصلتش طالما الحكومة غير معترفة بيها وطالما محدش قادر يجيب دليل واضح، عشان كده ممكن حد يسأل المسئول ويقول له يا فندم في ناس ماتت، هيقولك غير صحيح مجتلناش بلاغات !!! لحد ما حد ابن حلال يطلع بفيديو يعرضه لناس بتموت فعلا.

وساعتها تبدأ الاستراتيجية التانية بعد الإنكار هي التأجيل !

يعني ايه تأجيل يعني “سنحقق في الأمر بمنتهى الحزم” و “الجاني هياخد عقابه وهنخليه يبوس الواوا” و “هنشكل لجنة للفحص وتحديد المسئولية” لحد ما الناس تنسى أو لحد ما يكون في مبررات وحجج جديدة.

وفي نوع من المسئولين أول ما تسأله عن حاجة هو بينكرها يقوم مغير الموضوع ويديلك معلومات لا تجاوب سؤالك لكنها معلومات عن موضوع آخر، وهنا هو بيعمل ترحيل وصرف لانتباهك عن المشكلة الأصلية، ويشن حملة إعلامية سريعة ببث معلومات كتير عن قضية معينة تشغل الناس والصحفيين اللي بطبيعتهم بيجروا ورا الجديد وينسوا القديم.

عشان كده كتير نشوف في التلفزيون أو الجرايد حوارات مع مسئولين مهمين وبعد الحوار نشعر كأن مفيش ولا سؤال كان في بالنا تمت إجابته، افتكروا كده حوارات أحمد عز وحبيب العادلي القليلة مع الإعلام الحكومي.

الطريقة الرابعة : كرر أكاذيبك

إعلام 67 ودا البلد في ستين داهية .. هل إعلام 2011 أحسن؟

لما تفشل كل الحيل السابقة يكون الأسلوب الرابع تكرار الأكاذيب، ايون تكراااار الأكاذيب كلها بدون ملل لدرجة أن الناس هتستغرب وتقول “مش ممكن يكون بيكدب كل ده”.

والأهم هنا هو منع وسائل الإعلام من الشغل نهائي بمعنى إضفاء سرية على حاجات الأصل فيها أنها تكون متاحة للناس، زي مثلا منع كاميرات التصوير ومنع الصحفيين من الدخول والمبرر طبعا هيكون هو أن المعلومات سرية للغاية وكشفها هيسفر عن بلاوي سودا ومخاطر الناس في غنى عنها.

وقبل الحرب على العراق كان ديك تشيني نائب بوش أشهر واحد بيأكد للصحافة أن المعلومات سرية وأنهم ممنوعين من التغطية وفي بلاد تانية ممكن يمنعوا الصحفيين أو يقفلوا الانترنت والتليفونات محمولة وأرضية عشان لما يكذبوا محدش حتى يقدر يكدبهم.

ودلوقتي عزيزي القاريء

أنا هعملك امتحان بسيط عشان اشوف فهمت طريقة الحكومات في تضليل وشحن الناس ولا لأ وهسألك سؤال واحد :

صمم حملة شرسة للنيل من وطنية كاتب الموضوع ده مع الحرص على استخدام الأدوات التالية : خيانة .. عمالة .. أجندات ورق أبيض وملون حسب البلد المنتج .. لوبي صهيوني .. قلة مندسة .. مخرب .. جاسوس لبناني .. إيراني .. إخواني .. بتنجاني .. بوس الواوا

[Simba]

محتاجين بعد شوية كده

ثورة لعلاج التلفزيون المصري من العته

تحت شعار ممكن ناكل البلوظة بس يا واش يا واش

[م تيمور المراغي]

وسائل اعلام عالمية تفتح ملف ثروات آل مبارك

و التي تقدر تقريبا من 40 مليار..الي 70 مليار دولار

قعدت أحسبها حسبة بسيطة كده

لو الثروة 40 مليار دولار

بعد ما حولت الي ريال

و قسمتها علي مرتبي

يعني تقريبا..الثروة دي تقدر بمرتبي لمدة

1785714.2857142857142857142857143 سنة

والله يا جماعة فعلا..الرقم اللي طلع ده

بس أنا مش هيأس أبدا..و لازم ان شاء الله أوصل للمبلغ ده..يعني لازم اوصلله

أنا مش أقل منهم في حاجة

فات من 1785714.2857142857142857142857143 سنة حوالي ثلاث سنين

ادعولي يا جماعة

طيب مافيه حل اسهل ,,

ترشح نفسك للرئاسه وننتخبك - بس تظبطنا طبعا - وكلها كام سنه وتعمل نفس اللوكشه دي :happy:

الفلوس دي عاوزين نفكر في الآليه اللي نطالب حكومات اوروبا بتجميدها وعودتها الى شعب مصر ,,

ان شاء الله

[Alattar]

وسائل اعلام عالمية تفتح ملف ثروات آل مبارك

و التي تقدر تقريبا من 40 مليار..الي 70 مليار دولار

قعدت أحسبها حسبة بسيطة كده

لو الثروة 40 مليار دولار

بعد ما حولت الي ريال

و قسمتها علي مرتبي

يعني تقريبا..الثروة دي تقدر بمرتبي لمدة

1785714.2857142857142857142857143 سنة

والله يا جماعة فعلا..الرقم اللي طلع ده

بس أنا مش هيأس أبدا..و لازم ان شاء الله أوصل للمبلغ ده..يعني لازم اوصلله

أنا مش أقل منهم في حاجة

فات من 1785714.2857142857142857142857143 سنة حوالي ثلاث سنين

ادعولي يا جماعة

طيب مافيه حل اسهل ,,

ترشح نفسك للرئاسه وننتخبك - بس تظبطنا طبعا - وكلها كام سنه وتعمل نفس اللوكشه دي :happy:

الفلوس دي عاوزين نفكر في الآليه اللي نطالب حكومات اوروبا بتجميدها وعودتها الى شعب مصر ,,

ان شاء الله

من عونيا...انتخبوني انتوا بس..و ان شاء الله مش هتشوفوا وشي تاني

فعلا..موضوع ان الفلوس دي ترجع مصر..مهم

ان شاء الله تتشكل لجنة من كام محامي عقر كده يكون عندهم خبرة في المسائل اللي زي دي

و بإذن الله هيجيبولنا حقنا

[مغتربة]

تحيه بسيطه لكل من ضحى بنفسه من اجلنا جميعا

برغم كل محاولات النيل منهم

http://www.youtube.com/watch?v=DTa8WIQWSRM