25 يناير ... موعد المصريين ( 12)

[م تيمور المراغي]

بشمهندس تيمور

حضرتك قولت اول امس الخميس "اومال لو شافوا هنعمل ايه بكره"

والحمدلله ما حصلش حاجه هى بس نفس المظاهرات و التمركز فى ميدان التحرير ...و الحمدلله ماكنش فى حاله فوضى علشان ارواح الشباب... .الف حمد و شكر

طيب حضرتك كان قصدك ايه بالكلمه دى ...بما انك على صله بعناصر رئيسيه فى ثوره 25

على فكره ده سؤال استفسار منى وليس مقاوحه و خلاص او يحمل اى معنى استفزازى لحضرتك اطلاقا

لا ابدا من حقك ان تستفسر في اي وقت يا هندسه ,, :happy:

الترتيبات حضرتك اننا كنا حناخد الشباب ونتوجه الى قصر العروبه بعد صلاة العصر ,, لو لم يتنحى مبارك ,,

اللي حصل وقتها انه كانت فيه بوادر انشقاق فتم تاجيل الفكره الى الجمعه المقبله ان شاء الله ,,

بالنسبه لموضوع اتصالي بقادة الحركه ,,

انا بالفعل كنت على اتصال بمسئول التنسيق الى صباح امس الجمعه ,,

لكنه للاسف الشديد تم اعتقاله من قبل الشرطه العسكريه باوامر من عمر سليمان مساء امس ,,

وتم ارسال رساله الينا ان نتوقف عن الاتصال بالرقم القديم لانه تحتا لرصد والمراقبه ,,

فانا حاليا في انتظار الاتصال مره اخرى بقائد اخر من حركة شباب 6 ابريل ان شاء الله من خلال وسيلة اتصال آمنه يقوم بها احد ابرع المبرمجين في العالم وهو صديقي واعفوني من ذكر اسمه الآن ,,

بصراحه الحمد لله اني بره مصر لازم يكون فيه ناس خارج معتقلات النظام تنقل للدنيا اخبار الثوره من وراء الكواليس ,,

ان شاء الله ,,

لو تم اعتقالي فكل ما ارجوه منكم هو الدعاء ,,

والله سبحانه ثم مصر ,, من وراء القصد ,,

[عنبو]

بيقولوا خط الغاز اللى انفجر طلع بتاع الاردن

اما اسرائيل فوقفت خط الغاز كاجراء احترازى

تم تعديل 5 فبراير 2011 بواسطة عنبو

[ذهبية]

بيقولوا خط الغاز اللى انفجر طلع بتاع الاردن

اما اسرائيل فوقفت خط الغاز كاجراء احترازى

دى حركة تهديد بس يا باش مهندس يعنى الرسالة وصلت

دلوقتى الاردن

ياترى مين بعدين

و ياترى ضرب امن الدولة بار بى جى فى العريش امبارح لة علاقة بالمووضع دة

[ذهبية]

سماع اصوات اعيرة نارية في ميدان التحرير بالقاهرة دون ان يعرف مصدرها..

.

القاهرة (رويترز) - سمعت اصوات اعيرة نارية في ميدان التحرير بوسط القاهرة في وقت مبكر من يوم السبت لكن لم يتضح مصدرها أو هل اصيب احد.

ويحتل المحتجون المطالبون بتنحي الرئيس المصري حسني مبارك الميدان منذ حوالي اسبوع.

ووقعت اشتباكات مع مؤيدي مبارك الاسبوع الماضي. ومن وقت لاخر يسمع اصوات اعيرة نارية في الليل وغالبا ما لا يعرف مصدرها.

القاهرة (رويترز) - سمعت اصوات اعيرة نارية في ميدان التحرير بوسط القاهرة في وقت مبكر من يوم السبت لكن لم يتضح مصدرها أو هل اصيب احد.

ويحتل المحتجون المطالبون بتنحي الرئيس المصري حسني مبارك الميدان منذ حوالي اسبوع.

ووقعت اشتباكات مع مؤيدي مبارك الاسبوع الماضي. ومن وقت لاخر يسمع اصوات اعيرة نارية في الليل وغالبا ما لا يعرف مصدرها.

..

[م تيمور المراغي]

وبمجرد حدوث هذا

الجيش هيبقى فتح صفحة عداء مع الشعب بالرغم ان المتظاهرين هم من ارغموه على ذلك

بمخالفتهم النظام والقوانين احنا دولة دستور ولازم القانون يحترم فيها

هو شغل همج ورعاع - احنا دولة محترمة وشعب محترم - ايه يوصلنا للاسلوب الهمجى - ان الناس تهجم على القصر الجمهورى طب كل الاحزاب السياسية بلا استثناء ليهم عداوة مع مبارك ودى تصفية حسابات بينهم - ايه ذنب الشباب انهم يدفعو الثمن

اعتقد يا استاذ تيمور الساعات القليلة القادمة لم نراهن فيها الا على انتشار الفوضي والمذابح التى سوف تعم جميع انحاء بلادنا

شكرا

يا لهوي ياااااااااااانا يا نافوخي.....يا اغابي....هو انتي لسه بتحطي مشهد افتراضي ان الشعب هيهجم علي الحرس الجمهوري....و بكده يبقي اسلوب همجي

يا لهوي يااااانا

اومال الخيول و الجمال اللي نزلت و دهست الناس في الشارع

اومال العربية الدبلوماسية اللي كانت برضه بتمشي علي الناس و مش بتهدي و لا كان الروح الانسانية دي مطب صناعي....مع انه مشهد حقيقي....مش لسه مفترضينه....ده مش اسلوب همجي

اومال البلطجية اللي طلعوا علي الشباب المعتصم....و معاهم قنابل...و سنج...مش ده اسلوب همجي

هو احنا نقصد مين بالاسلوب الهمجي

و بعدين الشباب اللي ابتداها سلمية....

و حافظ عليها سلمية.....

و فضل صامد سلمي....

تفتكري هيوصل لمرحلة انه يبقي همجي...!!!

الفوضي و المذابح.....اسلوب همجي من الدولة...و اظن ده واضح لينا و لا ايه؟؟؟؟

مش مع حضرتك في حكاية الجيش...لانه عمره ما هيعادي الشعب....لغاية دلوقتي موقفه مشرف...احنا ممكن نفقد الثقة في الشرطة.....لكن الجيش مش ممكن افقد الثقة فيه

و دي وجهة نظر

اغابي ليها خطة هجوم استباقيه ذات حدين يا ريهام ,

اولا هيا مش فارق معاها حتى لو 20 مليون نزلوا دلوقتي ميدان التحرير حتقول عليهم عملاء من خارج مصر

لو 85 مليون والله نزلوا دلوقتي قالوا لها احنا مصريين واحد واء التاني حتقول لهم لأ انتوا عملاء

سبب التوجه ده او بالاصح السببين هما :

اولا هيا عارفه ان الاحرار لو هما اللي مسكوا الحكم حيعاملوها بالحسنى وده شيئ معروف عنهم

ثانيا لو امن الدوله هو اللي مسك يبقى شوفت يا باشا انا كنت بدافع عنكم ازاي ؟ .. اعدموا الباقيين او اعتقلوهم مش مشكلتي انا في السليم ,,

السبب الاهم بقى واللي جه على بالي دلوقتي هيا دفاعها الاستباقي عن البابا شنوده وموقفه ضد المتظاهرين وانحيازه الاعمى لمبارك

فلو انتصر الاحرار يبقى هنا البابا رمز من رموز النظام البائد وحيتحط في البلاك ليست خلاص ,,

فهنا دفاعها لا يقوم على اي فكر او موقف على الاطلاق ,,

بل هو سياسه معينه توصل اليها عقلها الجبار

انا احتج على اسلوبك داه يا بشمهندس

:protest:

مين اعطاك الحق انك تتكلم باسلوب داه - اساسا

- اذا كان اختلاف الراى - فكتير منا هنا على صفحات المحاورات مختلفين فى الراى

- لكن انا مش فاهمة ايه امن الدولة اللى كل شوية تكررهالى دى - واشمعنا انا الوحيدة اللى بتقولى كتير امن دولة امن دولة وايه موضوع البابا شنودة

بصراحة بصراحة - غريب اوى طريقة الحوار دي

عموما انا مش متعودة منك الاسلوب داه

لكن عذرك الوحيد ان فكرك مشوش حبتين خاصة ان الاحداث اثرت على

الكل لكن واضح ان تاثيرها عليك اقوى شوية لدرجة انك مش مركز فى اللى بتكتبه او مش مجمع هدف معين للحوار معايا

بل ومفتقد الاسلوب اللائق فى التعبير عن وجهة نظرك بدون اللجوء الى حجج واهية لاستعمالها للحوار فيما بيننا

ولان صفحة الودى لا تنطوى بيننا كزملاء - حتى ولو وجدت اختلافات لاراؤنا على المحاورات - فانا مش زعلانة من اى حد

لكن بس هاعلق على نقطتين

اولا - انا ما اعرفش ايه قصة امن الدولة - اللى شغال تتكلم فيها كتير وبتحاول توصل للناس انى خايفة

- وبأمانة شديدة لا تعنيني هذه المسالة باى شئ - وليه انا الوحيدة اللى على المحاورات بتوجهلى الكلام داه - ايه قصدك مش فاهمة - ايه اللى عاوز توصله للناس هنا عنى واتهامات غريبة جدا

- سيدى الفاضل - فى هذه القضية لا يهمنى الا دماء شبابنا ودماء المصريين وامن بلادى

- ولان عندى اولاد وربنا هيحاسبنى فى يوم على التحريض اللى بيحصل على دفع الشباب لساحة قتال وهم عزل

ثانيا : ليه تدخل موضوع البابا شنودة - وليه النقطة دى بالذات

- اقولك ليه علشان عارف ان داه ممكن يستفزنى - فانت ما لقتش اى حجة ومنطق ترد بيه

- غير اللجوء لطرق ملتوية فى تثبيت اراءك وطرحها اجبارى امام الجميع

مشاركة حضرتك - فاشــــــــــــــــــــلة بكل المقاييس يا بشمهندس

للاسف انت تلام عليها - لان بها الكثير من العبارات الغير مبررة

- لماضة مصرية

- تفضلت وقدمت مشاركة للرد عليا و باسلوب لائق وبحجج منطقيه من قلب الاحداث ولم تلجأ الى كلمة

امن الدولة كانى اخاف مثلا - ولما تلجأ الى اسم البابا شنودة - لتستفزنى

شكرا لماضة

مشاركاتك رائعة خالص تقديري

ماتزعليش يا غيبو

انا لسه مصالحك هناك بس شكلك عاوزاها امام الجميع :happy:

حقك عليا يا ستي ,,

وموضع البابا شنوده ما تقفلش

من حقنا هنا اننا نتناقش في سبب عدم دعمه للثوره

ده عمر سليمان قال كلام كويس عنها ,,

ومبارك ضمنيا في كلامه قال علينا نحترم رغبتكم وآرائكم

معقول يبقى رد فعل الكنيسه فقط لما يحصل للاقباط حاجه ,,

وثورة 25 يناير تمر عليها كده مر الكرام ,,

روقي كده انا رايق خلاص ومش حغلط في المعارضين للثوره ان شاءا لله

[م تيمور المراغي]

سماع اصوات اعيرة نارية في ميدان التحرير بالقاهرة دون ان يعرف مصدرها..

.

القاهرة (رويترز) - سمعت اصوات اعيرة نارية في ميدان التحرير بوسط القاهرة في وقت مبكر من يوم السبت لكن لم يتضح مصدرها أو هل اصيب احد.

ويحتل المحتجون المطالبون بتنحي الرئيس المصري حسني مبارك الميدان منذ حوالي اسبوع.

ووقعت اشتباكات مع مؤيدي مبارك الاسبوع الماضي. ومن وقت لاخر يسمع اصوات اعيرة نارية في الليل وغالبا ما لا يعرف مصدرها.

القاهرة (رويترز) - سمعت اصوات اعيرة نارية في ميدان التحرير بوسط القاهرة في وقت مبكر من يوم السبت لكن لم يتضح مصدرها أو هل اصيب احد.

ويحتل المحتجون المطالبون بتنحي الرئيس المصري حسني مبارك الميدان منذ حوالي اسبوع.

ووقعت اشتباكات مع مؤيدي مبارك الاسبوع الماضي. ومن وقت لاخر يسمع اصوات اعيرة نارية في الليل وغالبا ما لا يعرف مصدرها.

..

اللي اعرفه ان الجيش احيانا بيطلق رصاصات لترهيب البلطجيه وابعادهم عن المتظاهرين ضد مبارك ,,

حيضربوار صاص او حيضربوا قنابل مش ماشيين

ان شاء الله ,,

[fatfouta]

العربية.... مؤتمر صحفي للجيش بعد قليل قرب المتحف المصري ميدان التحرير

[عنبو]

بيقولوا خط الغاز اللى انفجر طلع بتاع الاردن

اما اسرائيل فوقفت خط الغاز كاجراء احترازى

دى حركة تهديد بس يا باش مهندس يعنى الرسالة وصلت

دلوقتى الاردن

ياترى مين بعدين

و ياترى ضرب امن الدولة بار بى جى فى العريش امبارح لة علاقة بالمووضع دة

مهى حرب بقى ولازم الكل يستفيد منها

الدوله نايمه ومهتمه بامن السيد الرئيس ومش مهم امن الدوله

ولا امن الحدود

عادى بقى مهى سايبه بقى

كل يوم بيعدى مش فى مصلحة البلد خاااااااااااااااااااالص

لازم السيد عمر سليمان يهتم بمصر اكتر من اهتمامه بالسيد الرئيس

وبكرامة السيد الرئيس

مصر والشعب فوق الجميع

تحياتى

عنبو

[wsadani]

السفارة الأمريكية بالقاهرة تنفي تورط أحد سياراتها في حادث اعتداء

نفت السفارة الأمريكية بالقاهرة الإدعاءات بتورط أحد السيارات الدبلوماسية التابعة لها في حادث للكر والفر مما نتج عنه إصابة العشرات في القاهرة وذلك علي خلفية إذاعة فيديو يذكر هذه المزاعم.

وكانت إحدى الفيديوهات على موقع الـ ''يوتيوب'' أظهرت إحدى السيارات الدبلوماسية وهي تقوم بدهس العشرات من المحتجين المجتمعين بشارع القصر العينى القريب من ميدان التحرير.

وأظهر مقطع فيديو سيارة دبلوماسية مرت مسرعة على عدد من المحتجين، لتصطدم بعدد منهم، وتدهس العشرات منهم تحت عجلاتها، مما جعل الجميع في صدمة، واستكملت السيارة سيرها، ولم يتعرف عليها أحد حتى الآن... إلا أن البعض رجح أن السيارة تابعة للسفارة الأمريكية بالقاهرة.

تعليق :

ماحدش يعمل الحركة التيييييت دي الا امن النظام ,,

ربوهم وفهموهم اننا فراخ على رأي ريمو قبل كده ,,

لكن الجاني مش حيفلت ان شاء الله من الحساب ,,

كله في القائمه السوداء محطوط ,,

لا مانفتش وبس دى كمان بلغت عن سرقة احدى السيارت التابعة ليها وده عن لسان مراسل البى بى سى أمس

انا عرفت النهاردة حاجة غريبة اوى ارجو لو حد فاهم ياكدها او ينفيها

ان عربيات الدبلوماسيين لو حد تعرضلها وداسته ميتحكمش (واللى عرفته كمان ان ده قانون دولى)

بكدة لو الكلام ده صح يبقى اللى عمل كدة حد فاهم اوى فى القوانيين ومحترف فى القتل

-----------------

حاجة كمان هو مش فيه احتمال ان جهة خارجية (او داخلية ليها مصلحة) فعلا عايزة توقع بين الناس والحكومة عشان الصراع يبقى اكتر والفوضى تبقى اكتر ولا الاحتمال ده ملغى والاحتمال الاقوى يبقى الحزب البلطجى الواطى هو اللى عملها

لو حد اتعرضلها مش هى اللى تمشى وتخبط فى الناس

[aimen]

1- ماذا إستفدت عندما أنهيت أي رجل أيقونة في عين الشعب المصري؟

أي رجل ذو مصداقية كان الآن سيتدخل كوسيط ويرتضيه المصرين

ماذا إستفدت بتشويه سمعة كل رجل عالي المقام في قلوب المصريين؟

من للمصريين الآن يُسمعهم كلمة الحق ويؤلف قلوبهم على قلب رجل واحد؟

فماذا أستفدت

2- ماذا إستفدت بالقضاء على مؤسسة الأزهر العظيمة؟

وجعل رجالها في عين الشعب كعرائس الماريونيت

لا يستمعون لهم وإن استمعوا لا ينصتون

ألم يكن الأفضل إنتخاب شيخ الأزهر وخروجه من الحياة السياسية

وجعله رمز ديني ينصت له العقلاء؟

أخرجت لنا جمعة والطيب بقول أن ترك الجمعة جائز

لتجعلهم فتنة على ألسنة الجهلاء

فماذا أستفدت؟

3- ماذا أستفدت عندما أخليت الصف الثاني من الرجال؟

وأخليت المجالس النيابية من المعارضة الحقيقية؟

وأخليت الإعلام من الرجال الثقة؟

وأخرجت كل ذي لب حكيم ليعيش خارج مصر؟

كل هؤلاء كانوا سيتحركون كأصوات عاقلة تنقذ مصر من تدخل أجنبي محتمل

إعتقدت أن إخلاء الصفوف يؤمنك .. فأصبح تدبيرك تدميرك

لم تترك لنا إلا كل مذموم .. مجروح الشهادة .. مشكوك في ذمته

فماذا أستفدت؟

4- ماذا إستفدت من كراهية الشعب للشرطة؟

الشرطة مليون ونصف من أبناءنا وإخواتنا وآباءنا وجدودنا كمان

الشرطة وجوه مصرية كما الجيش

أي نعم عندما نرى أفراد الجيش نستشرف على وجوههم نور

وعندما نرى الشرطة نستشرف على وجوههم سواد وغضب

ولكنها المشاعر هي من تشكل الصورة

لا أولئك أفضل من هؤلاء ولا أقل شأنا في حفظ مصر

أولئك أسيري الأوامر وهؤلاء أيضا .. وأنا أكلم من يملك عقل

"إن في ذلك لذكرى لمن كان له قلب أو ألقى السمع وهو شهيد "

لكنك ملكت الشرطة رقاب العباد وأموالهم وكرامتهم يعيثون فيها بلا رقيب أو حسيب

فانتشر بينهم الفساد والتسلط وأورثهم كراهية رجل الشارع البسيط

وظل أفراد الجيش خارج الصورة السيئة فاحتفظوا بهيبتهم وحب الناس لهم

يا ناااااااس .. يا كل عاقل

كلنا داخل الدائرة المجنونة

كل منا يقتل أخاه أو يحمل له بغضا بسبب واهي

والسبب الوحيد الحقيقي هو الرأس

الرأس هو الخط المستقيم الوحيد الآن في مصر

وما تبقى منا في دائرة ليس بها ظالم ومظلوم

كلنا مظلوم

والله كلنا مظلوم

القاتل والمقتول

ماذا أستفدت؟

5- ماذا إستفدت بإبعاد مستشار وبطانة صالحة؟

وتقريب مستشار وبطانة فاسدة أمنية غير أمينة؟

من أشار عليك بكل هذا الإستخفاف في التعامل مع الشعب

وزراء متهكمون في البرامج التلفزيونية يوما بعد يوم

مؤتمر حزبي يعدد علينا الإنجازات صباحا ونشاهد ليلا جنازة قتيل طابور العيش وقتيل طابور الغاز وقتيل سجون الإرهاب

"وفرق السماء من الأرض بين احمد شفيق وبين من سبقه من الوزراء

إذا الشعب يوما قام .. لابد أن يحدثه رئيس الوزراء باحترام"

رأس سياسات حزبي حرامي محتكر

رجال أعمال يسمونك بابا .. حتى ظننت حقا أنك بابا

سيناريو توريث يزيد الغضب يوما بعد يوم

ماذا أستفدت؟

6- ماذا أستفدت ببقاءك المزمن؟

كراهية الناس

الشعب الفقير

ولن ترحل

أعلم يقينا أنك لن ترحل

كيف ترحل وتعود لتُحاسب وتُجمد أرصدتك وأرصدة رجالك

لن ترحل وأنا على ثقة - ليس حبا في مصر كما تدعي - ولكنك صاحب عقل يهتم لمصلحته الشخصية فقط

لن ترحل إلا تحت التراب وكأن تحت التراب هي نهاية

إنها بداية ولكنك أشتريت الحياة الدنيا فلا أمل ممن يأس من روح الله

ماذا أستفدت؟

7- ماذا أستفدت بالتفاف الراقصين والراقصات حولك ومطالبتهم ببقاءك

ألم تعلم أن هؤلاء محتقرون بالسليقة من أهل مصر؟

الحمد لله أن بطانتك التي ترغبك راقصات وبلطجية

فكيف تُخرج صوتك بأنك على الحق؟

ماذا أستفدت عندما أخليت ساحة المحيطين بك من رجالات العلم والعدل والحق؟

ماذا أستفدت؟

ماذا إستفدت؟

لم تستفد شيء

ثم أتيت لنا أخيرا لتقتل شعبك وتورث البلد حربا أهلية

وأنت في موقعك صامد مثل العزى وهبل

لا أنت ترحل بعارك وتصمت

ولن تجد منا من ينسى دماءا زكية لا نعلم أسماء أصحابها حتى يومنا هذا

أين قصص حياة الشباب الذي سقط من يوم 25 يناير؟

ألا يستحقوا تسليط الأضواء من الإعلام المهتريء الذي فقد ورقة التوت للضمير؟

إلى كل من يكلمنا عن الأخلاق والأدب

ذكر نفسك بهما أولا فنحن لم نستأجر بلطجية

إلى كل من يذكرنا بالوالد وأخلاق القرية

كلا منا له والد ولا يحتاج زيادة في عدد الأباء .. رئيس الجمهورية ليس أبي

رئيس الجمهورية موظف مصري من المرتبة الأولى

يحصل على قصور ومواكب وسفرات خارجية واستجمام داخلي وتأمين شخصي ومال لا أول له ولا آخر هو وأزلامه

ويا أخي إحنا قلالات أدب ومتربيناش .. كلمنا بالحقائق والمستندات واحترم عقولنا

أكلمك أنا بالمستندات

حاضر

في مذكرات تحية عبد الناصر والتي تم نشر سبعة أجزاء منها على الشروق الإلكتروني قالت الآتي

أنها تزوجت جمال عبد الناصر في عصر الملكية

فأتى لها بشقة مكونة من خمس حجرات ولها ثلاثة أبواب وفي منطقة عادية وليست عشوائية ولا شعبية

ثم بعد سنتين من الزواج إشترى عربية أوستن سوداء

لا أعلم ما هي الأوستن السوداء ولكن مؤكد إنها عربية

وكانت تنجب أبنا أو بنتا كل سنتين

سيدي الرئيس

ضابط الجيش اليوم

لا يتزوج إلا بعد بلوغ الثلاثين بقليل في شقة مثل علبة الكبريت

بمعنى أدق

خريج الكليات العسكرية بدون أهل قادرين

لا ها يدفع مقدم الشقة عند 16 سنة

ولا ها يستلمها بعد الثلاثين بقليل

ولا ها يطول ال 60 متر في صحاري مصر

ولن يملك سيارة أبدا إلا بمكافأة المعاش

وبالطبع ها ينجب طفلين بالكثير على النوتة

فماذا فعلت؟

وماذا أستفدت

وماذا أستفدنا نحن من فترات حكمكم الرشيدة حرمنا الله منها وغير علينا

اللهم إني أردتها شهادة حق أبتغي بها وجهك

لعل أن يسمعها عاقل ويبلغها عاقل

فأمني

وأمن أهل مصر

اللهم أصلح وولي من يصلح

ولا حول ولا قوة إلا بالله

http://mosh3arfa7aga.blogspot.com/

[Melhakim]

بيقولوا خط الغاز اللى انفجر طلع بتاع الاردن

اما اسرائيل فوقفت خط الغاز كاجراء احترازى

دى حركة تهديد بس يا باش مهندس يعنى الرسالة وصلت

دلوقتى الاردن

ياترى مين بعدين

و ياترى ضرب امن الدولة بار بى جى فى العريش امبارح لة علاقة بالمووضع دة

مهى حرب بقى ولازم الكل يستفيد منها

الدوله نايمه ومهتمه بامن السيد الرئيس ومش مهم امن الدوله

ولا امن الحدود

عادى بقى مهى سايبه بقى

كل يوم بيعدى مش فى مصلحة البلد خاااااااااااااااااااالص

لازم السيد عمر سليمان يهتم بمصر اكتر من اهتمامه بالسيد الرئيس

وبكرامة السيد الرئيس

مصر والشعب فوق الجميع

تحياتى

عنبو

و الناس اللى فى التحرير يا محمد مش المفروض انهم يتحركوا برضه لمصلحة البلد ولا الحكومة اللى المفروض انهم خونة وعملاء هما اللى مطلوب منهم بس انهم يتحركوا

[ذهبية]

يا جماعة انا خايفة ان اسرائيل تستغل مووضع الغاز دة و تدخل اراضينا فى غفلة مننا

مفيش امن و لا جيش و لا ضباط

الكل مركز فى القاهرة و ناسيين عدونا الاساسى

يا جماعة لازم ننتبهة للمووضع دة

البلد مفتوحة من كل ناحية

[م تيمور المراغي]

هما دول اللى بيضحوا براحتهم وهيجيبوا لكل مصرى حقه ان شاء الله....ربنا يحميكم وينصركم ويجازيكم

اقبل رؤوسكم وايديكم والله ,,

[الغريب]

يا جماعة انا خايفة ان اسرائيل تستغل مووضع الغاز دة و تدخل اراضينا فى غفلة مننا

مفيش امن و لا جيش و لا ضباط

الكل مركز فى القاهرة و ناسيين عدونا الاساسى

يا جماعة لازم ننتبهة للمووضع دة

البلد مفتوحة من كل ناحية

نفسي أعرف طيب مين فتح البلد

مش المفروض فيه حاجة أسمها حرس حدود تابع للجيش

ولا سابوا الحدود علشان يأمنوا ماسبيرو وقصر العروبة

تم تعديل 5 فبراير 2011 بواسطة الغريب

[raouf]

الكلام ده موجه لمن لم يساعد فى الثورة او يحاور اثباطها على لسان احد الشباب

خرجت عشان مش عايز ضابط الشرطه يكلمنى ببلطجه مع انى معملتش حاجه!

مش عايز أحس انى خايف وأنا داخل قسم الشرطه وأنا مش عارف أنا خايف ليه!

خرجت عشان مش عايز أدفع رشوه فى المرور والشهر العقارى والجمارك والضرايب والبلديه

...

خرجت عشان مش عايز الغاز بتاعنا يروح لاسرائيل بأرخص من التمن اللى بندفعه احنا

خرجت عشان مش عايز نحاصر أهلنا المساكين فى غزه واسرائيل بتضربهم بكل انواع القنابل

خرجت عشان عايز فلوسى اللى خدها أحمد عز وملياراتى اللى راحت مع نواب القروض

خرجت وخرج معايا شيوخ ازهر وسلفيين واخوان وعمرو خالد ويساريين وممثلين وأدباء ومسيحين

كلنا على كلمه واحد: يسقط مبارك الطاغيه

نسيتم العباره والكام الف اللى ماتوا وحسنى وحكومته سابوا الكلب يهرب

نسيتم خالد سعيد ومحمد السيد بلال وكل اللى موتهم نظام مبارك لمجرد الاشتباه

نسيتم الدكتور المصرى اللى اتجلد فى السعوديه وكرامتنا اللى اتهانت جوه وبره

نسيتم العساكر والشباب اللى اتضرب برصاص اسرائيل على الحدود واعمل نفسك ميت

اصدقه ليه وهو كل خماسيه بيقول الخماسيه الجايه كل حاجه هتحصل

احترمه ليه وهو خلانى مهان فى بلدى وفى بره بلدى وفى كل بلد

احترمه ليه ومدير مكتبه السابق قال مبارك لم يكن يهتم بتقرير الشعب اليوميه

عارفين القذافى اللى بعضنا بيتريق عليه!؟ بقاله فى الحكم أكتر من مبارك

بس على الأقل هو مدلع شعبه.مفيش جمارك.العربيات رخيصه.مستوى الدخل مرتفع

بياكل بعقل وسايب حته كبيره للشعب.لكن مبارك حكومته سفاحيييين.

------------

قناة السويس والسياحه والاثار والزراعه والصناعه والثروه السمكيه والغاز والبترول

فين كل ده يا حراميه..سرقتونى..وكمان خوفتونى بالداخليه!

محدش يقولى المظاهرات مدسوسه وأمريكا والمعارضه والاخوان وكفايه هيحرقوا البلد

أنا محدش حركنى غير احساسى بالظلم والمهانه والسرقه والنهب والقهر

ولا فى أى حزب معارضه ولا قوى سياسيه ولا قوى خارجيه تقدر تحرك 4مليون انسان فى نفس الوقت

وتانى يوم الضهر يطلع بلطجية الداخليه ورجال الأعمال المستفيدين من النظام بخيول وأسلحه بيضاء

وقنابل غاز وغيره يهجمون على العائلات والستات والبنات والأطفال العزل

اللى هيقول غير كده هحط صباعى فى عينيه.انا وصحابى كنا هناك وشوفنا بنفسنا

دانا وصحابى قلنا نروح بعد خطاب الريس ونحكم صوت العقل.مجرد وصولنا رمسيس

طلعوا علينا الف بلطجى بيهتفوا لمبارك بأسلحه ونجينا منهم بأعجوبه

عارفين.لولا لطف ربنا كنتم سمعتوا عن 6 شباب ماتوا فى عربيه فى رمسيس وهم مروحين

اوعى تقولى المتظاهرين السلميين روحوا ليلة الخطاب واللى موجودين الان اخوان ومعارضه

على اساس انهم كلموا بلطجية الحكومه على الموبايل وقالولهم نتقابل فى الميدان بكره الضهر

ظبطوا المواعيد بعد ماحنا مشينا ونزلوا فارس لفارس فى الميدان

واللى يكسب يطلع على قصر العروبه وحلال عليه! .فيلم هندى اخر حاجه

والله وبالله وتالله اللى بينضربوا وبيموتوا وبيتقطعوا فى الميدان هم المتظاهرين السلميين بتوعنا

والله وبالله وتالله فيهم ستات وبنات وأطفال ومش عارفين يروحوا

ده حتى مصطفى الفقى وكلكم عارفين انه كان مستشار مبارك زمان

قال اللى عمل الفتنه والبلبله والضرب ده هو وزير الداخليه الجديد وده فكره

وبطايقهم اتمسكت وكارنيهات مباحث أمن الدوله والمباحث الجنائيه وكل الناس شافتهم

ده غير ان بعضهم بالفعل اعترف انه داخليه او مرتزقه وواخد 100 جنيه

طبعا حبيب العادلى ونواب الشعب اللى هيتزحلقوا مش ممكن يمشوا بهدوء

بس السؤال مين اللى جابهم وحكمهم فينا!؟

أنا لم ولن أدعو الى القتال أو محاربة أى مسلم مهما كان السبب.ولن أشارك فى نزاع على الحكم

أنا اسف جدا لما وصلت اليه الأمور ولما يحدث فى الميدان الان

ولكنى لست أحمق .ولم ولن أنسى أن السبب فى كل هذه الفتنه هو مبارك ونظامه

ليست المظاهرات السلميه هى السبب.ولكن غرور مبارك ونظامه هم السبب

بطش وظلم وقهر وطغيان وجبروت 30 عاما هو السبب

وبعد انقشاع الفتنه.سأخرج مره أخرى فى مظاهره سلميه أطالب بتنحى الدكتاتور الظالم

متقليش البنت بتاعة المحور واسرائيل وأنا خنت بابا حسنى وندمانه

والله هشتم شتايم وسخه! احنا مش فى سينما الأطفال هنا

ومتقليش الجزيره وقطر بيكرهونا وبياخدوا فلوس من اسرائيل عشان يشوهوا صورتنا

اسرائيل أكثر دوله فى العالم خسرانه من سقوط مبارك وتدعو كل يوم الى مساندته

مظبطهم طبعا اخر حاجه.غاز وحديد وتطبيع ومحاصرة فلسطين وتهنئه بعيد تأسيس دولتهم

طب ماشى الجزيره كخه.والعربيه برده كخه!؟والبى بى سى كخه!؟ والفرنسيه كخه!؟

لما أنا المرفه نسبيا أخرج عشان حضرتك يا أستاذ وحضرتك يا أستاذه

وأسيب مرتبتى الماستر بيد أم 1400 جنيه وأنام على الأرض عشان خاطركم

وتيجى تقولى فى الاخر بلاش خراب فى البلد كفايه كده عايزين نشوف مصالحنا وأكل عيشنا

عارف هقوللك اييييييه؟؟؟؟؟

هقولك يكفيك كام كيلو استفندى وتتفرج على القناه الأولى وتقعد ساكت؟

[Salwa]

يا جماعة انا خايفة ان اسرائيل تستغل مووضع الغاز دة و تدخل اراضينا فى غفلة مننا

مفيش امن و لا جيش و لا ضباط

الكل مركز فى القاهرة و ناسيين عدونا الاساسى

يا جماعة لازم ننتبهة للمووضع دة

البلد مفتوحة من كل ناحية

نفسي أعرف طيب مين فتح البلد

مش المفروض فيه حاجة أسمها حرس حدود تابع للجيش

ولا سابوا الحدود علشان يأمنوا ماسبيرو وقصر العروبة

سؤال وجيه جداا ولن تجد له اجابة فى الوقت الحالى ..

[aimen]

مدونة نصرى عصمت

“إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك” .. بهذه الاستراتيجية الإعلامية الفعالة نجح أدولف هتلر في تعبئة ألمانيا النازية لدخول الحرب العالمية الثانية.. وبنفس الأسلوب نجحت الإدارة الأمريكية الحالية بعد أكثر من نصف قرن في شن حملة إعلامية ضخمة لإقناع شعبها بضرورة خوض الحرب على العراق مهما كان الثمن.. وطبعا ده غير حكومات تانية كتير قوي.

معرفش ليه الكلام ده افتكرته اليومين دول وسط الأحداث اللي بتمر بيها مصر واللي الإعلام انقسم فيها إلى نوعين، انا هسيب ليكم تقسيمهم على كيفكم وتصنيفهم براحتكم.

المهم أن الكلام السابق ده بتاع راجل اسمه دينيس جيت قابلته من 3 سنين في جامعة فلوريدا، “ايوه عارف هتقول ايه ما أصل انا خاين وعميل للأمريكان وبموت في الخيانة عموما دي كانت رحلة قصيرة جدا”، هو كان ماسك هناك مركز للعلاقات الدولية، والراجل نفسه كان سفير أمريكي في عدة دول وكان شغال في المكتب الإعلامي للبيت الأبيض، ولما قابلته كان بيشرح للناس في الجامعة إزاي جورج بوش نجح يخدع الأمريكان ويشحن الرأي العام عشان يقنع جزء من الشعب بأهمية الحرب (ابن اللذينة معرفش إزاي عدى ساعتها من حرس الجامعة لحد ما فهمت ان مفيش هناك حرس جامعة) .. المهم أنه شرح للناس إزاي أي حكومة من أيام هتلر لحد أيام بوش بتوظف الإعلام للخداع والتضليل وده بـ4 طرق.

الطريقة الأولى : التخوين

خوف الناس .. وحسسهم ليل نهار أن في مؤامرات بيتم تدبيرها ضدهم وأن أمنهم معرض للخطر، وأن كل الاجراءات المتشددة اللي انت عاملها دي عشان مصلحتهم ولأن عدوهم جبار وبيستغل طيبتهم عشان يدمر مجتمعهم .. ومع تكرار الأسلوب ده، وربطه بتعرض الناس لحادث إرهابي في وقت سابق او خوضهم حرب من فترة قريبة أو لكارثة أو حادثة كبيرة هيكون عندهم استعداد تام للتنازل ليك عن جزء كبير من حرية اتخاذ قراراتهم، وده ليييه؟ .. لأن الناس تفكيرها المنطقي بيتشل ساعة الخطر، لأنهم بشكل غريزي هيحسوا انهم محتاجين الأمان ومستعدين يتنازلوا عن حريتهم عشان خاطر الاحساس اللي انت اصلا حرمتهم منه ببث رسايل تحذير منتظمة.

في ألمانيا النازية هتلر فهم الألمان أنهم لو مهاجموش شعوب أوروبا هي اللي هتهاجمهم، وبوش فهم شعبه أن صدام بيدعم الإرهاب وعنده أسلحة دمار شامل.

المصيبة لما واحد غبي زي صاحبنا يضحك على ناس المفروض انها ناصحة ومدردحة زي الأمريكان

والطبيعي في أي مجتمع أن هيكون في معارضة ليك، مش معارضة سياسية بس، لكن معارضة من المتعلمين والواعين ووسائل الإعلام المستقلة والناس اللي بتشك بطبيعتها في نوايا الحكومة .. الرد على دول لازم يكون هجومي وشامل .. اتهامات بالخيانة وبتعريض سلامة الوطن للخطر واتهامات بالعمالة لقوى خارجية أو لتمثيل “أجندات أجنبية” أو “أجندات محلية” أو “أجندات من الفجالة” وأنهم “قلة مندسة” حتى لو عددهم مليون واحد وحتى لو كان المعارضين دول بيحاولوا يعرضوا وجهة نظرهم على الناس في بلدهم من غير اللجوء لأي طرف أجنبي ولو بطريقة سلمية، طالما هم عكس وجهة نظري يبقوا “كفرة ولاد ستين في سبعين وأشرار”.

الهجوم هنا هو خير وسيلة للدفاع .. اطعنهم في مصداقيتهم ووطنيتهم واشغلهم بدفع الاتهامات عشان ميكنش عندهم فرصة ينتقدوك أو على الأقل تضمن أن تأثيرهم على الناس هيكون أقل في سرعة الاقتناع ومدى التأثير.

الطريقة التانية : اشغل انتباهم ليل نهار

الحكومة طول النهار والليل تحاصر الناس بإصدار بيانات وبتحاول تشغل الإعلام التلفزيوني والجرايد والإذاعة ببياناتها الرسمية ومعلومات ترسخ استراتيجية الدولة وتوزع صور وفيديوهات تتعلق بالأحداث اللي تحب تروج لها، وطبعا أول ناس بتنشر الكلام ده بتكون وسائل الإعلام الحكومية أو وسائل الإعلام المستقلة المرتبطة بعلاقة قوية مع الحكومة.

الظريف أن جرايد وتلفزيونات الحكومة بتاخد البيانات الرسمية الصادرة عن الوزارات المختلفة وتنشرها من غير ما توضح مين مصدرها كأنها معلومات فلكية زي “الشمس تشرق من الشرق” و”فلان عميل وخاين” .. ومحدش في الإعلام الرسمي الحكومي ده هيكلف خطره يحقق في صحة أي معلومة صادرة من الدولة زي ما ألف بأء صحافة بتقول، يعني مثلا تلاقي خبر يقولك “ساد الهدوء في منطقة كذا بعد أحداث كذا” بينما أي بني آدم ينزل منطقة كذا دي يلاقيها مولعة أو فيها جيش أمن مركزي طب ما هو لازم يسود الهدوء في وجود آلاف العساكر.

تلاقي المذيع التلفزيوني راجل محترم وببدلة وبيقول صرح مصدر مسئول أن كذا كذا كذا أو أعلنت وزارة كذا كذا .. كأن كلمة مصدر مسئول دي أو كلمة وزارة كذا دي معناها ان كل اللي وراها ده كلام ربنا مش ممكن يبقى غلط ومش محتاج حتى نتحرك ونروح لأرض الواقع نتأكد منه، وزي ما في صحفيين كتير شاطرين، في منهم كسالى طالما هيملى مساحة جرناله او برنامجه بكلام جاهز بينام عليه.

الخدعة بقى أنك هتلاقي المسئول تاني يوم نشر الخبر أو إذاعته طالع يقولك “شفنا في وسائل الإعلام تقارير عن كذا كذا” .. الله طب ما سعادتك أصلا اللي مطلع التقارير دي وباعتها للقناة او الجرنال؟؟

القلة المندسة

حكومة بوش كانت بتسرب معلومات للجرايد الأمريكية الكبيرة وتنزل الأخبار على أنها من مصادر سرية وبعدين تاني يوم تطلع الحكومة تستشهد بكلام الصحافة !، يا ترى بقى انت تقرا كام خبر في اليوم لم يتم التحقق من صحته؟.

والموضوع يا جماعة أصله مش كيميا المسألة بسيطة جدا، لما حد يقولك معلومة كل المطلوب منك تسأله ايه مصدرها؟ لأننا لما بنعرف مصدر المعلومة بنقدر نتأكد صاحبها يستاهل الثقة ولا لأ ولا حتى أن كلامه بيعبر عن رأيه الشخصي، انما أخطر حاجة الخبر اللي ملوش مصدر ده أو الاتهام بدون دليل، ودايما اللي يتهم حد من غير دليل مبيكنش عنده أدلة لأنها لو عنده كان كشف عنها فورا، وتلاقي المذيع الرخم إياه طالع يقولك “احنا مش عاوزين نتكلم” .. لا يا حبيبي ما انت لو عندك حاجة تقولها كنت اتكلمت.

الطريقة التالتة : الإنكار دايما هيفيد والتأجيل كمان

لما الحكومة تتعرض لهجوم أو انتقادات “الإنكار هو الحل” .. المسئول الحكومي ومعاه الإعلام الرسمي يصر على بث تكذيب وإنكار لصحة الأخبار المتسببة في انتقاد الحكومة، حتى لو كانت المعلومة واضحة وضوح الشمس.

المسئول هنا بيعتبر أن المشكلة كأنها محصلتش طالما الحكومة غير معترفة بيها وطالما محدش قادر يجيب دليل واضح، عشان كده ممكن حد يسأل المسئول ويقول له يا فندم في ناس ماتت، هيقولك غير صحيح مجتلناش بلاغات !!! لحد ما حد ابن حلال يطلع بفيديو يعرضه لناس بتموت فعلا.

وساعتها تبدأ الاستراتيجية التانية بعد الإنكار هي التأجيل !

يعني ايه تأجيل يعني “سنحقق في الأمر بمنتهى الحزم” و “الجاني هياخد عقابه وهنخليه يبوس الواوا” و “هنشكل لجنة للفحص وتحديد المسئولية” لحد ما الناس تنسى أو لحد ما يكون في مبررات وحجج جديدة.

وفي نوع من المسئولين أول ما تسأله عن حاجة هو بينكرها يقوم مغير الموضوع ويديلك معلومات لا تجاوب سؤالك لكنها معلومات عن موضوع آخر، وهنا هو بيعمل ترحيل وصرف لانتباهك عن المشكلة الأصلية، ويشن حملة إعلامية سريعة ببث معلومات كتير عن قضية معينة تشغل الناس والصحفيين اللي بطبيعتهم بيجروا ورا الجديد وينسوا القديم.

عشان كده كتير نشوف في التلفزيون أو الجرايد حوارات مع مسئولين مهمين وبعد الحوار نشعر كأن مفيش ولا سؤال كان في بالنا تمت إجابته، افتكروا كده حوارات أحمد عز وحبيب العادلي القليلة مع الإعلام الحكومي.

الطريقة الرابعة : كرر أكاذيبك

إعلام 67 ودا البلد في ستين داهية .. هل إعلام 2011 أحسن؟

لما تفشل كل الحيل السابقة يكون الأسلوب الرابع تكرار الأكاذيب، ايون تكراااار الأكاذيب كلها بدون ملل لدرجة أن الناس هتستغرب وتقول “مش ممكن يكون بيكدب كل ده”.

والأهم هنا هو منع وسائل الإعلام من الشغل نهائي بمعنى إضفاء سرية على حاجات الأصل فيها أنها تكون متاحة للناس، زي مثلا منع كاميرات التصوير ومنع الصحفيين من الدخول والمبرر طبعا هيكون هو أن المعلومات سرية للغاية وكشفها هيسفر عن بلاوي سودا ومخاطر الناس في غنى عنها.

وقبل الحرب على العراق كان ديك تشيني نائب بوش أشهر واحد بيأكد للصحافة أن المعلومات سرية وأنهم ممنوعين من التغطية وفي بلاد تانية ممكن يمنعوا الصحفيين أو يقفلوا الانترنت والتليفونات محمولة وأرضية عشان لما يكذبوا محدش حتى يقدر يكدبهم.

ودلوقتي عزيزي القاريء

أنا هعملك امتحان بسيط عشان اشوف فهمت طريقة الحكومات في تضليل وشحن الناس ولا لأ وهسألك سؤال واحد :

صمم حملة شرسة للنيل من وطنية كاتب الموضوع ده مع الحرص على استخدام الأدوات التالية : خيانة .. عمالة .. أجندات ورق أبيض وملون حسب البلد المنتج .. لوبي صهيوني .. قلة مندسة .. مخرب .. جاسوس لبناني .. إيراني .. إخواني .. بتنجاني .. بوس الواوا

أرجو نشر الموضوع بين دائرة معارفكم إذا كان أي منها ينتمي إلى شعب مضلل بواسطة حكومته عبر تويتر أو فيسبوك أو الميل إذا كانوا لسه شغالين.

تابعوني على تويتر

http://twitter.com/nasry

مع تحياتي نصري عصمت

[bodi]

بشمهندس تيمور

حضرتك قولت اول امس الخميس "اومال لو شافوا هنعمل ايه بكره"

والحمدلله ما حصلش حاجه هى بس نفس المظاهرات و التمركز فى ميدان التحرير ...و الحمدلله ماكنش فى حاله فوضى علشان ارواح الشباب... .الف حمد و شكر

طيب حضرتك كان قصدك ايه بالكلمه دى ...بما انك على صله بعناصر رئيسيه فى ثوره 25

على فكره ده سؤال استفسار منى وليس مقاوحه و خلاص او يحمل اى معنى استفزازى لحضرتك اطلاقا

لا ابدا من حقك ان تستفسر في اي وقت يا هندسه ,, :happy:

الترتيبات حضرتك اننا كنا حناخد الشباب ونتوجه الى قصر العروبه بعد صلاة العصر ,, لو لم يتنحى مبارك ,,

اللي حصل وقتها انه كانت فيه بوادر انشقاق فتم تاجيل الفكره الى الجمعه المقبله ان شاء الله ,,

بالنسبه لموضوع اتصالي بقادة الحركه ,,

انا بالفعل كنت على اتصال بمسئول التنسيق الى صباح امس الجمعه ,,

لكنه للاسف الشديد تم اعتقاله من قبل الشرطه العسكريه باوامر من عمر سليمان مساء امس ,,

وتم ارسال رساله الينا ان نتوقف عن الاتصال بالرقم القديم لانه تحتا لرصد والمراقبه ,,

فانا حاليا في انتظار الاتصال مره اخرى بقائد اخر من حركة شباب 6 ابريل ان شاء الله من خلال وسيلة اتصال آمنه يقوم بها احد ابرع المبرمجين في العالم وهو صديقي واعفوني من ذكر اسمه الآن ,,

بصراحه الحمد لله اني بره مصر لازم يكون فيه ناس خارج معتقلات النظام تنقل للدنيا اخبار الثوره من وراء الكواليس ,,

ان شاء الله ,,

لو تم اعتقالي فكل ما ارجوه منكم هو الدعاء ,,

والله سبحانه ثم مصر ,, من وراء القصد ,,

افتراضي

يا ا/ اركتكت

ارجوك توصلوا لقيادات الشباب انهم لازم ياخدوا خطوة في سبيل الضغط علي مبارك و اعوانه

المسيرة المليونية لوحدها مش هتعمل حاجة بدون خطوات ضغط مصاحبة

انا اقترح القيام باعتصامات سلمية خلال المسيرة المليونية في عدة امكان زي التليفزيون- مجلس الشعب- القصر الجمهوري بجانب ميدان التحرير

[wsadani]

عايزين يقولوا ان البلد هتمشى عادى وأعملوا اللى انتم عايزينه

القاهرة (رويترز) - ذكرت وكالة أنباء الشرق الاوسط المصرية أن الرئيس حسني مبارك اجتمع يوم السبت بالوزراء المسؤولين عن أبرز الحقائب الاقتصادية في الحكومة الجديدة.

وقالت الوكالة ان الاجتماع ضم رئيس الوزراء ووزراء المالية والبترول والتجارة والصناعة. كما حضر محافظ البنك المركزي الاجتماع.

[fatfouta]

عايزين يقولوا ان البلد هتمشى عادى وأعملوا اللى انتم عايزينه

القاهرة (رويترز) - ذكرت وكالة أنباء الشرق الاوسط المصرية أن الرئيس حسني مبارك اجتمع يوم السبت بالوزراء المسؤولين عن أبرز الحقائب الاقتصادية في الحكومة الجديدة.

وقالت الوكالة ان الاجتماع ضم رئيس الوزراء ووزراء المالية والبترول والتجارة والصناعة. كما حضر محافظ البنك المركزي الاجتماع.

عادى ماهو احمد شفيق امبارح قال اعتصموا عادى واحنا مش هنقرب عليكم وهندى كل واحد فيكم بونبوناية كل يوم يعنى معنى كده انه بيقول مش هاممنا اعتصاماتكم