25 يناير ... موعد المصريين ( 12)

[اغابي]

يا جماعة انا خايفة ان اسرائيل تستغل مووضع الغاز دة و تدخل اراضينا فى غفلة مننا

مفيش امن و لا جيش و لا ضباط

الكل مركز فى القاهرة و ناسيين عدونا الاساسى

يا جماعة لازم ننتبهة للمووضع دة

البلد مفتوحة من كل ناحية

نفسي أعرف طيب مين فتح البلد

مش المفروض فيه حاجة أسمها حرس حدود تابع للجيش

ولا سابوا الحدود علشان يأمنوا ماسبيرو وقصر العروبة

سؤال وجيه جداا ولن تجد له اجابة فى الوقت الحالى ..

شوفو يا جماعة - حسب معاهدة كامب ديفيد لا يجوز للجيش المصري دخول هذه المناطق

يبقى داه اولا

كمان الاحداث الللى حصلت على الحدود وادت الى مقتل 9 من عناصر الشرطة وحرق قسم الشرطة هناك

يبقى كدا مفيش لا شرطة ولا جيش ودى ثانيا

تم الاتفاق بين مسؤال امنى والبدو اللى فى المناطق اللى هناك على تامين الحدود لغاية ما يقوموا بارسال جيش وبعد اخذ موافقة امريكا - لانه حسب المعاهدة الدولية يمنع منعا باتا دخول الجيش المصرى مثل هذه المناطق لكن الان كاحتياطات امنية يجب تامين منطقة رفح والعريش والشيخ زويد

تم تعديل 5 فبراير 2011 بواسطة اغابي

[wsadani]

أعتقد المعتصمين فى التحرير قل عددهم حد ينفى أو يؤكد المعلومة لو سمحتم

[ذهبية]

مدونة نصرى عصمت

“إذا أردت السيطرة على الناس أخبرهم انهم معرضون للخطر وحذرهم من أن أمنهم تحت التهديد، ثم شكك في وطنية معارضيك” .. بهذه الاستراتيجية الإعلامية الفعالة نجح أدولف هتلر في تعبئة ألمانيا النازية لدخول الحرب العالمية الثانية.. وبنفس الأسلوب نجحت الإدارة الأمريكية الحالية بعد أكثر من نصف قرن في شن حملة إعلامية ضخمة لإقناع شعبها بضرورة خوض الحرب على العراق مهما كان الثمن.. وطبعا ده غير حكومات تانية كتير قوي.

معرفش ليه الكلام ده افتكرته اليومين دول وسط الأحداث اللي بتمر بيها مصر واللي الإعلام انقسم فيها إلى نوعين، انا هسيب ليكم تقسيمهم على كيفكم وتصنيفهم براحتكم.

المهم أن الكلام السابق ده بتاع راجل اسمه دينيس جيت قابلته من 3 سنين في جامعة فلوريدا، “ايوه عارف هتقول ايه ما أصل انا خاين وعميل للأمريكان وبموت في الخيانة عموما دي كانت رحلة قصيرة جدا”، هو كان ماسك هناك مركز للعلاقات الدولية، والراجل نفسه كان سفير أمريكي في عدة دول وكان شغال في المكتب الإعلامي للبيت الأبيض، ولما قابلته كان بيشرح للناس في الجامعة إزاي جورج بوش نجح يخدع الأمريكان ويشحن الرأي العام عشان يقنع جزء من الشعب بأهمية الحرب (ابن اللذينة معرفش إزاي عدى ساعتها من حرس الجامعة لحد ما فهمت ان مفيش هناك حرس جامعة) .. المهم أنه شرح للناس إزاي أي حكومة من أيام هتلر لحد أيام بوش بتوظف الإعلام للخداع والتضليل وده بـ4 طرق.

الطريقة الأولى : التخوين

خوف الناس .. وحسسهم ليل نهار أن في مؤامرات بيتم تدبيرها ضدهم وأن أمنهم معرض للخطر، وأن كل الاجراءات المتشددة اللي انت عاملها دي عشان مصلحتهم ولأن عدوهم جبار وبيستغل طيبتهم عشان يدمر مجتمعهم .. ومع تكرار الأسلوب ده، وربطه بتعرض الناس لحادث إرهابي في وقت سابق او خوضهم حرب من فترة قريبة أو لكارثة أو حادثة كبيرة هيكون عندهم استعداد تام للتنازل ليك عن جزء كبير من حرية اتخاذ قراراتهم، وده ليييه؟ .. لأن الناس تفكيرها المنطقي بيتشل ساعة الخطر، لأنهم بشكل غريزي هيحسوا انهم محتاجين الأمان ومستعدين يتنازلوا عن حريتهم عشان خاطر الاحساس اللي انت اصلا حرمتهم منه ببث رسايل تحذير منتظمة.

في ألمانيا النازية هتلر فهم الألمان أنهم لو مهاجموش شعوب أوروبا هي اللي هتهاجمهم، وبوش فهم شعبه أن صدام بيدعم الإرهاب وعنده أسلحة دمار شامل.

المصيبة لما واحد غبي زي صاحبنا يضحك على ناس المفروض انها ناصحة ومدردحة زي الأمريكان

والطبيعي في أي مجتمع أن هيكون في معارضة ليك، مش معارضة سياسية بس، لكن معارضة من المتعلمين والواعين ووسائل الإعلام المستقلة والناس اللي بتشك بطبيعتها في نوايا الحكومة .. الرد على دول لازم يكون هجومي وشامل .. اتهامات بالخيانة وبتعريض سلامة الوطن للخطر واتهامات بالعمالة لقوى خارجية أو لتمثيل “أجندات أجنبية” أو “أجندات محلية” أو “أجندات من الفجالة” وأنهم “قلة مندسة” حتى لو عددهم مليون واحد وحتى لو كان المعارضين دول بيحاولوا يعرضوا وجهة نظرهم على الناس في بلدهم من غير اللجوء لأي طرف أجنبي ولو بطريقة سلمية، طالما هم عكس وجهة نظري يبقوا “كفرة ولاد ستين في سبعين وأشرار”.

الهجوم هنا هو خير وسيلة للدفاع .. اطعنهم في مصداقيتهم ووطنيتهم واشغلهم بدفع الاتهامات عشان ميكنش عندهم فرصة ينتقدوك أو على الأقل تضمن أن تأثيرهم على الناس هيكون أقل في سرعة الاقتناع ومدى التأثير.

الطريقة التانية : اشغل انتباهم ليل نهار

الحكومة طول النهار والليل تحاصر الناس بإصدار بيانات وبتحاول تشغل الإعلام التلفزيوني والجرايد والإذاعة ببياناتها الرسمية ومعلومات ترسخ استراتيجية الدولة وتوزع صور وفيديوهات تتعلق بالأحداث اللي تحب تروج لها، وطبعا أول ناس بتنشر الكلام ده بتكون وسائل الإعلام الحكومية أو وسائل الإعلام المستقلة المرتبطة بعلاقة قوية مع الحكومة.

الظريف أن جرايد وتلفزيونات الحكومة بتاخد البيانات الرسمية الصادرة عن الوزارات المختلفة وتنشرها من غير ما توضح مين مصدرها كأنها معلومات فلكية زي “الشمس تشرق من الشرق” و”فلان عميل وخاين” .. ومحدش في الإعلام الرسمي الحكومي ده هيكلف خطره يحقق في صحة أي معلومة صادرة من الدولة زي ما ألف بأء صحافة بتقول، يعني مثلا تلاقي خبر يقولك “ساد الهدوء في منطقة كذا بعد أحداث كذا” بينما أي بني آدم ينزل منطقة كذا دي يلاقيها مولعة أو فيها جيش أمن مركزي طب ما هو لازم يسود الهدوء في وجود آلاف العساكر.

تلاقي المذيع التلفزيوني راجل محترم وببدلة وبيقول صرح مصدر مسئول أن كذا كذا كذا أو أعلنت وزارة كذا كذا .. كأن كلمة مصدر مسئول دي أو كلمة وزارة كذا دي معناها ان كل اللي وراها ده كلام ربنا مش ممكن يبقى غلط ومش محتاج حتى نتحرك ونروح لأرض الواقع نتأكد منه، وزي ما في صحفيين كتير شاطرين، في منهم كسالى طالما هيملى مساحة جرناله او برنامجه بكلام جاهز بينام عليه.

الخدعة بقى أنك هتلاقي المسئول تاني يوم نشر الخبر أو إذاعته طالع يقولك “شفنا في وسائل الإعلام تقارير عن كذا كذا” .. الله طب ما سعادتك أصلا اللي مطلع التقارير دي وباعتها للقناة او الجرنال؟؟

القلة المندسة

حكومة بوش كانت بتسرب معلومات للجرايد الأمريكية الكبيرة وتنزل الأخبار على أنها من مصادر سرية وبعدين تاني يوم تطلع الحكومة تستشهد بكلام الصحافة !، يا ترى بقى انت تقرا كام خبر في اليوم لم يتم التحقق من صحته؟.

والموضوع يا جماعة أصله مش كيميا المسألة بسيطة جدا، لما حد يقولك معلومة كل المطلوب منك تسأله ايه مصدرها؟ لأننا لما بنعرف مصدر المعلومة بنقدر نتأكد صاحبها يستاهل الثقة ولا لأ ولا حتى أن كلامه بيعبر عن رأيه الشخصي، انما أخطر حاجة الخبر اللي ملوش مصدر ده أو الاتهام بدون دليل، ودايما اللي يتهم حد من غير دليل مبيكنش عنده أدلة لأنها لو عنده كان كشف عنها فورا، وتلاقي المذيع الرخم إياه طالع يقولك “احنا مش عاوزين نتكلم” .. لا يا حبيبي ما انت لو عندك حاجة تقولها كنت اتكلمت.

الطريقة التالتة : الإنكار دايما هيفيد والتأجيل كمان

لما الحكومة تتعرض لهجوم أو انتقادات “الإنكار هو الحل” .. المسئول الحكومي ومعاه الإعلام الرسمي يصر على بث تكذيب وإنكار لصحة الأخبار المتسببة في انتقاد الحكومة، حتى لو كانت المعلومة واضحة وضوح الشمس.

المسئول هنا بيعتبر أن المشكلة كأنها محصلتش طالما الحكومة غير معترفة بيها وطالما محدش قادر يجيب دليل واضح، عشان كده ممكن حد يسأل المسئول ويقول له يا فندم في ناس ماتت، هيقولك غير صحيح مجتلناش بلاغات !!! لحد ما حد ابن حلال يطلع بفيديو يعرضه لناس بتموت فعلا.

وساعتها تبدأ الاستراتيجية التانية بعد الإنكار هي التأجيل !

يعني ايه تأجيل يعني “سنحقق في الأمر بمنتهى الحزم” و “الجاني هياخد عقابه وهنخليه يبوس الواوا” و “هنشكل لجنة للفحص وتحديد المسئولية” لحد ما الناس تنسى أو لحد ما يكون في مبررات وحجج جديدة.

وفي نوع من المسئولين أول ما تسأله عن حاجة هو بينكرها يقوم مغير الموضوع ويديلك معلومات لا تجاوب سؤالك لكنها معلومات عن موضوع آخر، وهنا هو بيعمل ترحيل وصرف لانتباهك عن المشكلة الأصلية، ويشن حملة إعلامية سريعة ببث معلومات كتير عن قضية معينة تشغل الناس والصحفيين اللي بطبيعتهم بيجروا ورا الجديد وينسوا القديم.

عشان كده كتير نشوف في التلفزيون أو الجرايد حوارات مع مسئولين مهمين وبعد الحوار نشعر كأن مفيش ولا سؤال كان في بالنا تمت إجابته، افتكروا كده حوارات أحمد عز وحبيب العادلي القليلة مع الإعلام الحكومي.

الطريقة الرابعة : كرر أكاذيبك

إعلام 67 ودا البلد في ستين داهية .. هل إعلام 2011 أحسن؟

لما تفشل كل الحيل السابقة يكون الأسلوب الرابع تكرار الأكاذيب، ايون تكراااار الأكاذيب كلها بدون ملل لدرجة أن الناس هتستغرب وتقول “مش ممكن يكون بيكدب كل ده”.

والأهم هنا هو منع وسائل الإعلام من الشغل نهائي بمعنى إضفاء سرية على حاجات الأصل فيها أنها تكون متاحة للناس، زي مثلا منع كاميرات التصوير ومنع الصحفيين من الدخول والمبرر طبعا هيكون هو أن المعلومات سرية للغاية وكشفها هيسفر عن بلاوي سودا ومخاطر الناس في غنى عنها.

وقبل الحرب على العراق كان ديك تشيني نائب بوش أشهر واحد بيأكد للصحافة أن المعلومات سرية وأنهم ممنوعين من التغطية وفي بلاد تانية ممكن يمنعوا الصحفيين أو يقفلوا الانترنت والتليفونات محمولة وأرضية عشان لما يكذبوا محدش حتى يقدر يكدبهم.

ودلوقتي عزيزي القاريء

أنا هعملك امتحان بسيط عشان اشوف فهمت طريقة الحكومات في تضليل وشحن الناس ولا لأ وهسألك سؤال واحد :

صمم حملة شرسة للنيل من وطنية كاتب الموضوع ده مع الحرص على استخدام الأدوات التالية : خيانة .. عمالة .. أجندات ورق أبيض وملون حسب البلد المنتج .. لوبي صهيوني .. قلة مندسة .. مخرب .. جاسوس لبناني .. إيراني .. إخواني .. بتنجاني .. بوس الواوا

أرجو نشر الموضوع بين دائرة معارفكم إذا كان أي منها ينتمي إلى شعب مضلل بواسطة حكومته عبر تويتر أو فيسبوك أو الميل إذا كانوا لسه شغالين.

تابعوني على تويتر

http://twitter.com/nasry

مع تحياتي نصري عصمت

طيب بعد ما كل دة اتعمل بالفعل و احنا فعلا بنشوفة بالترتيب اللى حضرتك عملتة

و بعدين

لا الشعب سكت و لا هدا و هما عرفوا ينجحوا

هل بعد كدة استخدام اسلوب اللعب بالاعصاب

يعنى كل واحد يقنع التانى انة بالفعل نجح

مش عارفة لية اننا هتفضل فى وضعنا دة بسبب غباء حكمنا

و يتدخل القوى الخارجية بعدها علشان تحل مشاكلنا

و نرجع نقول مين السبب فى دخلوهم ارضنا

انا حاسة ان الدول الخارجية بتلعب بشعبنا و بحكمنا فى نفس الوقت

بتقول للاعلام حاجة انهم معالشعب و الانتفاضة

و من ورانا مع الحكام و اصحاب القرار تقول لهم احنا معاكم برضة

و تفضل تتفرج كدة لما كلنا نموت بعض

و نهد بعض و قوتنا كل يوم تقل

فى الاخر تيجى تاخد الجائزة مقشرة

بعد ما يكون كل الاطراف اعييها التعب و الثروات بالفعل اتنهبت

انا مش بالوم على الشعب

انا بالوم على الرئيس اللى مش بيفكر الا فى نفسة

و الوم الاكبر الجيش الوحيد اللى من حقة يقف المهزلة

و بجد يقف بجانب الشعب الذى لا يموت الباقى الى ابد

[جويرية]

ذهبية, on 05 February 2011 - 12:23 PM, said:

يا جماعة انا خايفة ان اسرائيل تستغل مووضع الغاز دة و تدخل اراضينا فى غفلة مننا

مفيش امن و لا جيش و لا ضباط

الكل مركز فى القاهرة و ناسيين عدونا الاساسى

يا جماعة لازم ننتبهة للمووضع دة

البلد مفتوحة من كل ناحية

لا متقلقيش

امريكا و اتباعها مش عايزين يكرروا تجرتهم الفاشلة في العراق و افغانستان

ابطال تنظيم القاعدة هما اللي بيحمونا

و ارجوكم ده رأيي في تنظيم القاعدة و اظن انا حرة في رأيي ومش عايزة هجوم من حد

[wsadani]

أعتقد المعتصمين فى التحرير قل عددهم حد ينفى أو يؤكد المعلومة لو سمحتم

[لونا]

بسم الله الرحمن الرحيم ,,

آخر الاخبار ,,

تم اعتقال منسق الاتصالات في حركة شباب 6 ابريل من قبل الشرطه العسكريه ( وليس امن الدوله ) باوامر من عمر سليمان ,,

النظام الان يقوم باعتقال كل نشطاء الحركه وتهدديدهم بان يقوموا بماهو مرسوم لهم - كما تم تهديد كل وسائل الاعلام المصريه والمحاورين والمذيعين الشرفاء من قبل - لكي يقولوا ما يملى لهم ,,

سيحدث خلال الايام المقبله ان يخرج من يدعي انهم شباب منتمي الى حركة 6 ابريل ويتحدثون باسمهم ويقبلون شروط النظام مع بعض الرفض لزوم سبك المؤامره فلا تصدقوهم ابدا ,,

أعتقد أن هذا ما بدأ بالفعل

شاهدت على قناة الحياة ولد و بنت .. يقولون أنهم من حركة 25 مايو - و ليسوا من 6 أبريل -و أنهم تركوا الميدان بعد جمعة الغضب

و الحقيقة مش قادرة أصدقهم .. لا أشعر بحماس في كلامهم

و المفروض الآن أن يقوم شباب الحركة بإعلان أسماء قادتهم

و يتم التعريف بهم في وسائل الإعلام

[مسافر]

السبت 5 فبراير 2011 1:35 م

قال إن مظاهر التخريب ليست من صفات المسلمين

الشيخ اللحيدان يطالب مبارك بالتنحي "حقناً للدماء"

عيسى الحربي - سبق- الرياض: طالب الشيخ صالح اللحيدان رئيس مجلس القضاء الأعلى السابق وعضو هيئة كبار العلماء، الرئيس المصري محمد حسني مبارك بالتنحي عن الرئاسة، كونه المطلب الوحيد لآلاف المتظاهرين الذين يغص بهم ميدان التحرير في القاهرة وطرقات المدن المصرية.

وجاءت مطالبة الشيخ اللحيدان للرئيس مبارك أملاً في وقف الفوضى وأعمال التخريب التي اجتاحت الشارع المصري بين مؤيدين ومعارضين للرئيس.

وقال الشيخ اللحيدان في برنامج "الجواب الكافي" الذي عرض مساء أمس على قناة "المجد" إن تحقيق رغبة المتظاهرين الذين يقضون يومهم في الميادين العامة وسماع مطالبهم كافية، تحقن الدماء وتحفظ الأمن، فضلاً عن ممارسة الناس في مصر لحياتهم الطبيعية بعيداً عن الزعزعة التي تشق الرأي العام وتولد الفوضى.

وأشار إلى أن مظاهر النهب والتخريب التي شهدتها مصر مؤخراً ليست من صفات المسلمين الذين يحثهم دينهم على حفظ المال والنفس.

منقول

[م تيمور المراغي]

سبب إصرار إنكلترا على المطالبة برحيل الرئيس المصري وفريقه،

المخابرات البريطانية: الداخلية المصرية فجرت الكنيسة !!

مصدر الخبر

[fatfouta]

بسم الله الرحمن الرحيم ,,

آخر الاخبار ,,

تم اعتقال منسق الاتصالات في حركة شباب 6 ابريل من قبل الشرطه العسكريه ( وليس امن الدوله ) باوامر من عمر سليمان ,,

النظام الان يقوم باعتقال كل نشطاء الحركه وتهدديدهم بان يقوموا بماهو مرسوم لهم - كما تم تهديد كل وسائل الاعلام المصريه والمحاورين والمذيعين الشرفاء من قبل - لكي يقولوا ما يملى لهم ,,

سيحدث خلال الايام المقبله ان يخرج من يدعي انهم شباب منتمي الى حركة 6 ابريل ويتحدثون باسمهم ويقبلون شروط النظام مع بعض الرفض لزوم سبك المؤامره فلا تصدقوهم ابدا ,,

أعتقد أن هذا ما بدأ بالفعل

شاهدت على قناة الحياة ولد و بنت .. يقولون أنهم من حركة 25 مايو - و ليسوا من 6 أبريل -و أنهم تركوا الميدان بعد جمعة الغضب

و الحقيقة مش قادرة أصدقهم .. لا أشعر بحماس في كلامهم

و المفروض الآن أن يقوم شباب الحركة بإعلان أسماء قادتهم

و يتم التعريف بهم في وسائل الإعلام

هو فيه حركة اسمها 25 مايو؟؟؟

تم تعديل 5 فبراير 2011 بواسطة fatfouta

[م تيمور المراغي]

بسم الله الرحمن الرحيم ,,

آخر الاخبار ,,

تم اعتقال منسق الاتصالات في حركة شباب 6 ابريل من قبل الشرطه العسكريه ( وليس امن الدوله ) باوامر من عمر سليمان ,,

النظام الان يقوم باعتقال كل نشطاء الحركه وتهدديدهم بان يقوموا بماهو مرسوم لهم - كما تم تهديد كل وسائل الاعلام المصريه والمحاورين والمذيعين الشرفاء من قبل - لكي يقولوا ما يملى لهم ,,

سيحدث خلال الايام المقبله ان يخرج من يدعي انهم شباب منتمي الى حركة 6 ابريل ويتحدثون باسمهم ويقبلون شروط النظام مع بعض الرفض لزوم سبك المؤامره فلا تصدقوهم ابدا ,,

أعتقد أن هذا ما بدأ بالفعل

شاهدت على قناة الحياة ولد و بنت .. يقولون أنهم من حركة 25 مايو - و ليسوا من 6 أبريل -و أنهم تركوا الميدان بعد جمعة الغضب

و الحقيقة مش قادرة أصدقهم .. لا أشعر بحماس في كلامهم

و المفروض الآن أن يقوم شباب الحركة بإعلان أسماء قادتهم

و يتم التعريف بهم في وسائل الإعلام

حاضر والله ,,

يتم الآن تجهيز وسيلة اتصال آمنه بجدار ناري يستحيل اختراقه لتوفير وسيلة اتصال آمنه بقادة حركة 6 ابريل ,,

وان شاء الله اني اوافيكم هنا باسماء القاده الحقيقيين للحركه و ايضا اسماء الاشخاص المدسوسين عليها من امن الدوله للظهور امام وسائل الاعلام وتفتيت التظاهرات بما يملى اليهم من تعليمات ,,

في خلال ساعات حكون جبت الداتا كلها ان شاء الله ,,,

[م تيمور المراغي]

بسم الله الرحمن الرحيم ,,

آخر الاخبار ,,

تم اعتقال منسق الاتصالات في حركة شباب 6 ابريل من قبل الشرطه العسكريه ( وليس امن الدوله ) باوامر من عمر سليمان ,,

النظام الان يقوم باعتقال كل نشطاء الحركه وتهدديدهم بان يقوموا بماهو مرسوم لهم - كما تم تهديد كل وسائل الاعلام المصريه والمحاورين والمذيعين الشرفاء من قبل - لكي يقولوا ما يملى لهم ,,

سيحدث خلال الايام المقبله ان يخرج من يدعي انهم شباب منتمي الى حركة 6 ابريل ويتحدثون باسمهم ويقبلون شروط النظام مع بعض الرفض لزوم سبك المؤامره فلا تصدقوهم ابدا ,,

أعتقد أن هذا ما بدأ بالفعل

شاهدت على قناة الحياة ولد و بنت .. يقولون أنهم من حركة 25 مايو - و ليسوا من 6 أبريل -و أنهم تركوا الميدان بعد جمعة الغضب

و الحقيقة مش قادرة أصدقهم .. لا أشعر بحماس في كلامهم

و المفروض الآن أن يقوم شباب الحركة بإعلان أسماء قادتهم

و يتم التعريف بهم في وسائل الإعلام

هو فيه حركة اسمها 25 مايو؟؟؟

تقصد يناير ما تدقيش اوي كده :happy:

[امير مجروح]

الثــــــــــورة

الثورة مصطلح يستخدم في سياقات ومعان عديدة، إذ قد يكون إشارة إلى تغيرات جذرية وأساسية في حقل من حقول العلم والمعرفة، كالقول بالثورة الصناعية، أو الاقتصادية أو الثقافية. أو قد يكون إشارة إلى تحولات رئيسية في البنى الاجتماعية والسياسية. وغالبًا ما يشير مفهوم الثورة إلى تغيرات تحدث عن طريق العنف والانقلاب في شكل حكومة بلد ما.

[Alattar]

عايزين يقولوا ان البلد هتمشى عادى وأعملوا اللى انتم عايزينه

القاهرة (رويترز) - ذكرت وكالة أنباء الشرق الاوسط المصرية أن الرئيس حسني مبارك اجتمع يوم السبت بالوزراء المسؤولين عن أبرز الحقائب الاقتصادية في الحكومة الجديدة.

وقالت الوكالة ان الاجتماع ضم رئيس الوزراء ووزراء المالية والبترول والتجارة والصناعة. كما حضر محافظ البنك المركزي الاجتماع.

عادى ماهو احمد شفيق امبارح قال اعتصموا عادى واحنا مش هنقرب عليكم وهندى كل واحد فيكم بونبوناية كل يوم يعنى معنى كده انه بيقول مش هاممنا اعتصاماتكم

عشان كده لازم فعلايبقي فيه بإذن الله خطوة تانية غير الاعتصام

طبعا الواحد مكسوف جدا و هو بيكتب الكلام ده من أمام الكمبيوتر و من بره مصر كمان

من غير ما يكون فيه حاجة فعلية يقدمها

لكن..الواحد بيحاول انه يقول أي أفكار من شأنها انها تساعد

وزي ما أخونا أحمد سيف اقترح ان التظاهرات تبقي في أماكن غير ميدان التحرير

أنا كمان أقترح عمل اي نشاط آخر -مش نشاط تخريبي طبعا-لكن أي حاجة

احنا لو اتجمعنا 50 مليون حتي..و ظللنا نهتف 20 ساعة..

وبعدين تعبنا و روحنا بيوتنا..يبقي ما عملناش أي حاجة

[م تيمور المراغي]

عايزين يقولوا ان البلد هتمشى عادى وأعملوا اللى انتم عايزينه

القاهرة (رويترز) - ذكرت وكالة أنباء الشرق الاوسط المصرية أن الرئيس حسني مبارك اجتمع يوم السبت بالوزراء المسؤولين عن أبرز الحقائب الاقتصادية في الحكومة الجديدة.

وقالت الوكالة ان الاجتماع ضم رئيس الوزراء ووزراء المالية والبترول والتجارة والصناعة. كما حضر محافظ البنك المركزي الاجتماع.

عادى ماهو احمد شفيق امبارح قال اعتصموا عادى واحنا مش هنقرب عليكم وهندى كل واحد فيكم بونبوناية كل يوم يعنى معنى كده انه بيقول مش هاممنا اعتصاماتكم

عشان كده لازم فعلايبقي فيه بإذن الله خطوة تانية غير الاعتصام

طبعا الواحد مكسوف جدا و هو بيكتب الكلام ده من أمام الكمبيوتر و من بره مصر كمان

من غير ما يكون فيه حاجة فعلية يقدمها

لكن..الواحد بيحاول انه يقول أي أفكار من شأنها انها تساعد

وزي ما أخونا أحمد سيف اقترح ان التظاهرات تبقي في أماكن غير ميدان التحرير

أنا كمان أقترح عمل اي نشاط آخر -مش نشاط تخريبي طبعا-لكن أي حاجة

احنا لو اتجمعنا 50 مليون حتي..و ظللنا نهتف 20 ساعة..

وبعدين تعبنا و روحنا بيوتنا..يبقي ما عملناش أي حاجة

الخطوه المقبله هي توجه الملايين الى قصر العروبه ان شاء الله ,.,

هذا مع ترقب ما ستسفر عنه مفاوضات لجنة الحكماء مع عمر سليمان ,,

الله المستعان ,,

[wsadani]

جميل بس إزاى المسيرة تأمن نفسها من التحرير لبيته اللى قدام قصر العروبة

[امير مجروح]

أسباب الثورة

تحدث أغلب الثورات من جراء استياء عام بين الشعب بسبب تراكم مشاكل خطيرة. فالفقر والظلم والقسوة والفساد ووجود حكام غير مؤهلين كلها عوامل تؤدي إلى الثورة. ولكن، في أغلب الحالات، لاتكون المشاكل الاجتماعية وحدها سببًا كافيًا لإحداث ثورة. فالمشاكل الاجتماعية تدفع المرء إلى اليأس أكثر مما تجعله يعمل للحصول على حياة أفضل. والثورة بحاجة إلى قادة أقوياء يستغلون الأوضاع المتردية ويعملون على توحيد الجماهير خلف برنامج يمنيهم بتحسين الأوضاع. وتحدث الثورة عندما يفقد الحكام الثقة في أنفسهم، ويبدأون بالإذعان إلى مطالب غرمائهم. فالتنازلات التي يبديها الحكام وتحسن الأحوال الاجتماعية تؤدي إلى ثورة الآمال الطموحة خاصة بعد أن يلتمس الشعب

أملاً في تحقيق حياة أفضل. وعندما لا ترضي التغيرات تطلعات الجماهير وآمالها، تفقد هذه الجماهير الثقة في حكامها وتلتف حول القادة الثوار.

[المهندسه]

طيب يا بشمهندس تيمور ....طالما تم اعتقال بعض من الحركه امس ...حضرتك قولت ان ده حال دون تنفي مهمتهم و هى التوجه الى قصر العروبه

طيب لو كانت الثوره منظمه و محسوبه بدقه من قبلكم فأين باقى النشطاء لماذا لم يتوجهوا هم اقصد الباقى ممن لم يتم اعتقالهم

لماذا تحكم فرد من افراد المجموعه بتغيير الخطه ...اين الباقى لو كان لديهم هدف قوى و عزيمه اقوى؟؟؟!!!

او انهم خافوا مثلا ..لماذا جعلوا اعتقال فرد يؤجل و يهد حلمهم الذين يبغوه

اليس هذا نجاح للقيادات فى البلد على السيطره عليهم و بالتالى فأن القياده هى الاقوى حاليا و يتحكموا و الكوره فى ملعبهم..؟؟!!

هذا ايضا استفسار و ليس تقليل من شأنكم

تم تعديل 5 فبراير 2011 بواسطة المهندسه

[امير مجروح]

مؤتمر صحفى فى التلفزيون المصرى اقصد التلفزيون بتاع مبارك الان

[wsadani]

جميل بس إزاى المسيرة تأمن نفسها من التحرير لبيته اللى قدام قصر العروبة

[fatfouta]

اعتقد ان التحرك لقصر العروبة مش هتبقى فكرة صائبة دلوقتى لسببين

اولا....بعد المسافة من التحرير لقصر العروبة وده هيجعل الماظاهرين يتشتتوا ويمشوا فى طرق مختلفة

ثانيا...وده بقى الاخطر ان امبارح كان فيه خبر على العربية ان الحرس الجمهورى قام بتعزيز قواته على القصر الجمهورى ووع اسلاك شائكة

هندخل فى مجزرة حقيقية لو اتدخل الحرس الجمهورى لو المتظاهرين وصلوا للقصر الجمهورى

فـ انا حاسة ان الموضوع ده حتى لو كان فى مصلحة الثورة لكن هيبقى على حساب ناس كتير جداااا ممكن تروح ضحاياوربنا يستر