25 يناير ... موعد المصريين (16)

[عبدالحميد ابراهيم]

السلام عليكم انا عضو جديد ارجو ان تقبلونى معكم ولقد استفدت كثيرا من هذا المنتدى من خلال التحليلات السياسية الرائعة

[pink rose]

الشباب في التحرير قاموا اليوم بعمل اكشاك لحمامات عموميه وهم حاليا يقومون بتوصيل مياه من الماسورة الرئيسية .. مزيد من التأكيد على اننا مش هنمشي الا لما يمشي .. قاعدييييييييييييين .. ساكنييييييين

يالهوي على المصريين لما يحطوا في دماغهم حاجه

[doha]

مع اني مش مع الي بيحصل ورأيي انتم عارفينه .. بس الحق حق ..

مكنتش اتوقع ان الاجرام يوصل لكده ..

حد يفتح مودرن كوره دلوقت شوفوا طلعت زكريا بيقول ايه ..

بصراحه ( فجر ) ..

بجد طلعت زكريا ده طلع شخصية لامؤاخذة ... ( زباله ) ...

تم تعديل 9 فبراير 2011 بواسطة doha

[fatfouta]

الفرق بين الجيش والشرطة وربنا يهدى جيشنا يارب

[م تيمور المراغي]

السلام عليكم انا عضو جديد ارجو ان تقبلونى معكم ولقد استفدت كثيرا من هذا المنتدى من خلال التحليلات السياسية الرائعة

اهلا بيك استاذ عبد الحميد اتشرفنا بيك

وان شاء الله نستفيد منك وتستفيد مننا ,,

[م تيمور المراغي]

مع اني مش مع الي بيحصل ورأيي انتم عارفينه .. بس الحق حق ..

مكنتش اتوقع ان الاجرام يوصل لكده ..

حد يفتح مودرن كوره دلوقت شوفوا طلعت زكريا بيقول ايه ..

بصراحه ( فجر ) ..

بجد طلعت زكريا ده طلع شخصية لامؤاخذة ... ( زباله ) ...

مش عاوز ينسى ابدا انه طبااااخ للرئيس

معلش بكره ان شاء الله يتوب زي اللي قابليه ويبقى اكتر واحد بيشتمه

[م تيمور المراغي]

الامن المركزى هو اللى بياكل كنتاكى اهو

امال فين الاجنداااات ؟؟

[م تيمور المراغي]

صحيح يا جماعه كنتاكي باعت على حس الثوره اللي ماباعتهوش في سنه

ده غير الدعايه المجانيه في كل وساءل الاعلام ؟؟

فكروني بعد الثوره نطالبهم بنسبه من الارباح :happy:

[fatfouta]

25 يناير يوم الثورة على التعذيب والفقر والفساد والبطالة ألمانيا تطالب مصر إلغاء الطوارئ وتنفي دعوتها مبارك للعلاج

[م تيمور المراغي]

الحرة

استقالة وزير الثقافة الجديد لاسباب صحية

الراجل قال انفد بجلدى انا أحسن ماياخدونى بذنب اللى قبلى

الوزاره دى اساسا ربناغضبان عليها ووشها شؤم على الناس

انا لو اتعرضت عليا هرفضها يعنى همسكها بعد روفه استحاله

والله بتكلم جد دالعيال ميبطلوش كلام عليا

ليه يا عنبي ؟

هو مالو روقه ؟؟

:happy:

[fatfouta]

شبكة رصد إستطلاعـــات | فى إستطلاع أجرته شبكة الجزيرة نت حول " هل تتوقع إستمرار زخم المظاهرات فى مصر رغم عدم إستجابة النظام لمطالب المحتجين ؟" وجاءت نتيجة الاستطلاع 92.8% مؤيد و 7.2% غير مؤيد .

[عبير يونس]

الجزيرة...مصادر غربيه خلافات بين عمر سليمان ورئيس اركان الجيش إزاء الموقف من تدخل الجيش في المظاهرات

ده لو حقيقي يبقى احلى خبر سمعته النهاردة

على فكرة يا طبيبة كان فيه لواء جيش عالجزيرة ومارضيش يقول اسمه

كان بيقول انهم بيتقاضوا مبلغ كبير جدااا مكافأة ولاااااااااااء لحسنى مبارك نفسه مش اى شخص ولا اى حاجة تانية

والله المبلغ لو قتهولك تتخضى...بلاش نقر عالناس بقى

لا قولي لها

50000 جنيه في الشهر

يعني 600000 جنيه في السنة

أكثر من نصف مليون

مصدر شخصي

الاختيار صعب برضه

اعذروهم يا جماعة

:closedeyes:

اللي حيحلها صدقوني

ربنا وحده

الله عز وجل الذي حرم الظلم على نفسه

لن يرضاه لنا

منذ أن كف " أغلب " الشعب عن الرضا بالظلم و الصبر عليه

نهيب ببقية الشعب أن يلفظ الظلم و يكف عن الرضا والصبر عليه

حتى يتم الله تعالى نعمته علينا

[fatfouta]

يوم الثورة على التعذيب والفقر والفساد والبطالة متحدث للعربية: قيادات الشرطة في الوادي الجديد تغادر المحافظة بعد اشتعال غضب الأهالي

مافيش فايدة فيهم بتهذقوا فى كل مكان ويرجعوا تانى

تم تعديل 9 فبراير 2011 بواسطة fatfouta

[fatfouta]

R.N.N | شبكة رصددمنهور | هام و خطير || اكتشاف قبر داخل مقر أمن الدولة في دمنهوروبه أربعةهياكل لآدميين ..فهل سيسمح الشعب بإعادة هذا الجهاز الخائن للأمانة مرة أخرى ؟؟؟

الفيديو اهو اللى بيوضح القبر

http://www.youtube.com/watch?v=6upruopmhTs&feature=player_embedded

انا والله ماعارفة اقول اييييييييييييييييييه حسبى الله ونعم الوكييييل

تم تعديل 9 فبراير 2011 بواسطة fatfouta

[عبير يونس]

فيه حاجة قلقاني اوي

كل شوية يكرروا خبر هروب عناصر لها علاقة بالقاعدة

حتى عمر سليمان قالها

مرعوبة يكونوا الشياطين بيخططوا لعملية كبيرة و يلزقوها للقاعدة

و على حسها .. شوفوا انتوا بقى

كنيسة رفح و خط الغاز يمكن كانوا بروفة

بس بعد فضيحة الداخلية في كنيسة القديسين .. المفروض الناس بقت فاهمة

ربنا يستر

ادعوا قوي

ربنا يحفظ مصر و يحميها

اوعي تخافي

و لا تقلقي

ربنا معانا

و مش حيسيبنا

مستحيل يخذلنا

كلي يقين في ربي

الخوف والقلق

لا مكان لهما مع اليقين بالله

[pink rose]

R.N.N | شبكة رصددمنهور | هام و خطير || اكتشاف قبر داخل مقر أمن الدولة في دمنهوروبه أربعةهياكل لآدميين ..فهل سيسمح الشعب بإعادة هذا الجهاز الخائن للأمانة مرة أخرى ؟؟؟

لا الكلام دا خطير يا جماعة

يعني لازمله توثيق مش مجرد خبر يتكتب كده و خلاص

يعني تصوير فيديو مثلا زي ما حصل في قسم باب شرق كده

ما ينفعش نصدق كده من غير ما يكون في حاجه شايفينها

[عبير يونس]

رجعت منذ قليل الى السعودية.. الايام الماضية كانت من اجمل ايام حياتى التى لن انساها

اول مرة امشى فى شوارع القاهرة وانا بهذه السعادة

اسأل الله ان يكلل مجهود اخواننا واخواتنا بالتوفيق . وان يتقبل من قتل خلال التظاهرات من الشهداء

حمدالله على السلامة اولا

ثانيا احكي بقى بالتفصيل اللي شوفته

الله يسلمك وشكرا لحضرتك

اما بالنسبة للى شفته فلا يوصف .. هو يتحس فقط

كنت مفكر ان الشعب مات خلاص بس الحمد لله طلع ظنى فى غير محله

قبل 25 يناير ببضعة ايام قابلت صديق عزيز وسئلته هى الناس ساكته ليه على اللى بيحصل للبلد ده فرد على " ان الله لا يغير ما بقوم حتى يغيرو ما بانفسهم "

بعدها بايام قليلة قامت بعض مظاهرات كان اقربها لى مسجد الخزندارة بشارع شبرا

العدد كان قليل .. شفت معاملة من اقذر ما يمكن للشباب والبنات .

خلال مدة قصيرة نجح اللا امن المركز بفض المظاهرات واعتقال كثيرين

وجاء يوم 28 يناير ... اسعد ايام حياتى على الاطلاق

ذهبت لصلاة الجمعة صباحا وانا ادعى الله ان تقوم مظاهرة بالمسجد اللى هاصلى فيه . كنت خايف ان خطبة الجمعة تتكلم عن ان المظاهرات حرام والكلام اللى كان بعض

الناس بتقوله قبل المظاهرات خصوصا على الفضائيات بس الحمد لله الحطيب اتكلم على اننا اصبحنا فى غابة وان القوى ياكل الضعيف والقى خطبة عظيمة .

خلال الصلاة كان كل دعائى ان اليوم ده يكون يوم غير عادى فى تاريخ مصر . وبعد انتهاء الصلاة مباشرة قمنا بالتجمع امام المسجد ولكن فى صمت .. والله اول مرة اعرف

معنى الهدوء اللى يسبق العاصفة . كل الناس واقفة مستينة حد يهتف . قام احد الاخوة بالهتاف الله اكبر الله اكبر .. وفجاءة تجمع الناس من كل مكان

حاول احد ظباط الظلم بتهدئة المتظاهرون ولكننا وجهنا له الهتاف فخاف على نفسه وبعد عنها واستعان بعساكر الامن المركزى و سيارات الاطفاء

قامت المظاهرات بلف كل الشوارع الرئيسية والفرعية فى الحى الذى اسكن فيه وتجمع عشرات الالاف على ما اعتقد .كل ده وسيارات الامن ماشية ورانا هى والمطافى

--------------

ساعود لاحقا لتكملة طريق المظاهرة الى ميدان التحرير وسامحونى فكتابتى رديئة نوعا ما

قوة الإحاسيس تصل

حتى وإن عجزت الكلمات عن التعبير عنها

[fatfouta]

R.N.N | شبكة رصددمنهور | هام و خطير || اكتشاف قبر داخل مقر أمن الدولة في دمنهوروبه أربعةهياكل لآدميين ..فهل سيسمح الشعب بإعادة هذا الجهاز الخائن للأمانة مرة أخرى ؟؟؟

لا الكلام دا خطير يا جماعة

يعني لازمله توثيق مش مجرد خبر يتكتب كده و خلاص

يعني تصوير فيديو مثلا زي ما حصل في قسم باب شرق كده

ما ينفعش نصدق كده من غير ما يكون في حاجه شايفينها

الفيديو انا عدلت وحطيته فوق على فكرة

تم تعديل 9 فبراير 2011 بواسطة fatfouta

[pink rose]

R.N.N | شبكة رصددمنهور | هام و خطير || اكتشاف قبر داخل مقر أمن الدولة في دمنهوروبه أربعةهياكل لآدميين ..فهل سيسمح الشعب بإعادة هذا الجهاز الخائن للأمانة مرة أخرى ؟؟؟

لا الكلام دا خطير يا جماعة

يعني لازمله توثيق مش مجرد خبر يتكتب كده و خلاص

يعني تصوير فيديو مثلا زي ما حصل في قسم باب شرق كده

ما ينفعش نصدق كده من غير ما يكون في حاجه شايفينها

الفيديو انا عدلت وحطيته فوق على فكرة

شوفته يا فاطمة خلاص

لا حول و لا قوة الا بالله

لا حول و لا قوة الا بالله

[wsadani]

المظاهرات الفئوية فى كل مكان هو ده العصيان المدنى اللى دعوا الية