25 يناير ... موعد المصريين (16)

[se_ Elsyed]

معكول نبؤتي هاتتحقق والزبون هايكُت على دُبي

؟

- أستقبل الرئيس المخلوع المرحوم محمد حُسني مبارك بمكتبه بقلعة الكبش أمس وزير الخارجية الإماراتي عبد الله بن زايد الذي سلمه رئسالة سرية لم يطلع أحد عليها من أخية خليفة بن زايد .

إيه يا رجاله ؟

تفتكرو هايروح يعمل عملية البواسير في دُبي بدل ألمانيا ؟

على فكرة .. نشطاء قانونيون في مجال حقوق الإنسان مستحلفين له في ألمانيا وهايرجرجوه في المحاكم لو هوب مطار دوسوندورف .. قضايا نفقة وخُلع ومرمطة ...

[عبير يونس]

احمد فؤاد نجم :

نظرا لأن النعمة فاقت حدّها

ولأننا مش قدّها

ولأن فعلا إنجازاتك

فوق طاقتنا نعدّها

ولأننا غرقنا في جمايل

مستحيل حنردّها

نستحلفك ……. نسترحمك

نستعطفك …… نستكرمك

ترحمنا من طلعة جنابك حبتين

عايزين نجرب خلقة تانية

ولو يومين!

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد!

بيني وبينك حضرتك

ده شعب فقري مايستحقش جنّتك

أنا عارفه شعب ماينفعوش

إلا شارون وبلير وبوش

عايز يجرب الامتهان

ويعيش عميل للأمريكان

بيمد "غازه" لإسرائيل

ويومين كمان ويمد نيل

أهو يعني نشرب ميه واحدة

ندوب في بعض

ماء وماء وماء

ونفضّ سيرة الانتماء

وبلاها نعرة وطنطنة

تبقى البلاد "مستوطنة"

متسلطنة بالسرطنة

إيه اللي خدناه م الكرامة والإباء؟

حبة خطب وكلام… كلام

إحنا راهننا على النظام

ورضينا بخيار السلام

بخيار حنسدّ عين الشمس بيه

علشان مايطلعش النهار

ويطلع لمين؟

حبة معارضة مغرضين؟

وحسب بيان السلطة

شلة مأجورين؟

يا عم فضّك سيرة

وارضى بقسمتك

دا شعب مش فاهم أكيد

يلا اطرده من رحمتك!

وإن كنت غاوي الحكم

خليك مطرحك

حاغطس واقبّ وأعود

بشعب يريّحك

راضي وعمره ما يجرحك

أخرس ومايسمعش

وأعميلك عينيه

مش كل قرش يبصّ فيه

مايقولش لأه، وفين، وليه

يضرب ينفّض في السليم

وعلى الصراط المستقيم

كل اللي يعرف ينطقه

عاش الزعيم

يحيا الزعيم

رائع رائع رائع

قرأته ومن أول مرة كنت بأقرأه كأني حافظاه

كأنه طالع من جوايا

عبقري الراجل ده

[fatfouta]

غادة عبد الرازق: قطعت علاقتي مع خالد يوسف علشان مبارك

فيفى عبده..إصبروا عالحكومة

bsh:)

[fatfouta]

فى لقاء احمد زويل امس مع بى بى سى

زويل بيقول انا اشتغلت مع تلاتة من رؤساء الوزراء فى مصر لاصلاح البحث العلمى ولكن دون جدوى

لازم نهتم بالتعليم والبحث العلمى

اللقاء فى الفيديو هنا

http://www.youtube.com/watch?v=9aflvk5ZAgQ

تم تعديل 9 فبراير 2011 بواسطة fatfouta

[fatfouta]

كلنا خالد سعيد

هننتصر لأن معندناش أجندات .. لأننا مش بنفهم في السياسة والموازنات والتفاوضات وألعابها الحقيرة .. هننتصر لأن دموعنا بتخرج من قلوبنا .. لأن أحلامنا مشروعة .. لأن الحب عندنا فطرة .. لأن الأمل خلاص تملك كل واحد مننا .. هننتصر لأن الموت عندنا أغلى وأشرف من الحياة بدون كرامة .. هننتصر لأن مصر فوق الجميع36 minutes ago

[fatfouta]

ليه ماحدش سلط الضوء على اللى حصل امبارح فى الوادى الجديد ضد المظاهرات واستمرار سفالة الامن والضرب بالرصاص الحى للمتظاهرين هو يعنى مافيش فايدة فى الشرطة

اتصاب 100 مواطن منهم 40 بالرصاص الحى وادى صورة الرصاص فى ايد المواطنين

إقرأو الخبر هنا

http://www.youm7.com/News.asp?NewsID=348042&SecID=12&IssueID=150

[عبير يونس]

يعني هوه تاعب نفسه ده كله عشان يبقي قائد الثورة بس و ميبقاش الرئيس

يا جماعة حد يطمني

الشباب المتظاهرين ده كله ، مش عايزين مبارك و عايزين مين مكانهعشان لو اختاروا البرادعي انا حموت حزنا و كمدا ،و يبقي كل اللي فات مسرحية بطلها البرادعي

يا ست جويريه لاداعي للحزن والكمد ... الشباب دول مش طالعين يتظاهروا عشان سين أو صاد بعينهم يمسكوا الحكم ... الهدف من خروجهم هو إن الشعب يستعيد حقه في حكم نفسه ويكون من حقه اختيار وعزل ومحاسبة كل مسؤول سياسي في الدولة ابتداء من رئيس الحي الى رئيس الجمهورية

بس فيه ناس اعتبرت الثورة دي فرصة لدعاية مجانية للأنتخابات المقبلة

وبعدين الشباب اللي قادوا الثورة دول ليهم تأثير علي اصوات غيرهم ، يعني لما وائل غنيم يعلن عن انه حيرشح فلان يبقي كذا ألف حيرشحوه ، و كذلك عمر خالد ممكن يملك اصوات كذا مليون خيقتدوا بيه

طب و ماله

الدعاية الانتخابية ده شيء مشروع

و لو إن وائل غنيم أكد أنه لا مجال الآن لتقسيم التورتة

إلا أنه من حق أي حزب " حقيقي " أن يترشح و أي فرد أن يترشح مستقل

و لهم أن يعملوا دعايات انتخابية يعرضون فيها برامجهم الانتخابية

و الناس تختار اللي يعجبها

تزوير الانتخابات فقط هو ما نرفضه و نثور ضده

على جنب

د. عمرو خالد من الإخوان يا جوجو

:)

[se_ Elsyed]

سفالة عيال الشرطة عُمرها ما هاتخلص بين يوم وليلة ..

لكن بإذن الله هاتنتهي تماماً ويرجعوا زيهم زي أي موظف أرشيف في أي مصلحة حكومية بيؤدي عمله وبس لا يمن على حد ولا يذل حد .. كل ده مع تغيير النظام باكلمة .

[fatfouta]

مراسل الحرة: المتظاهرون يسيطرون تماما على الشارع الفاصل بين مجلس الشعب ومجلس الورزاء.... عاجل الان

[الغريب]

قناة الجزيرة مباشر - Aljazeera Mubasher Channel

نائب الرئيس المصري : لا يمكننا تحمل استمرار التظاهرات بميدان التحرير لفترة طويلة

---------------------------

أيوة كدة هو ده المطلوب، أنكم تحسوا بميدان التحرير ويكون ليكم رد فعل ، نسأل الله أن يكون إيجابي وفي صالح البلاد وليس في صالحكم وضد المتظاهرين

[عنبو]

سفالة عيال الشرطة عُمرها ما هاتخلص بين يوم وليلة ..

لكن بإذن الله هاتنتهي تماماً ويرجعوا زيهم زي أي موظف أرشيف في أي مصلحة حكومية بيؤدي عمله وبس لا يمن على حد ولا يذل حد .. كل ده مع تغيير النظام باكلمة .

فيه واحد اعرفه الله يرحمه بقى كان ماسك منصب فى الجهاز المركزى للمحاسبات

وكان اولاده وبناته كلهم اطباء ومعيدين فى الجامعه

كانت واحده من بناته معيده فى كلية الصيدله تقدم ليها ضابط شرطه وكان ضابط محترم

بس الراجل قاله لا

الضابط قاله ليه ؟

قاله انت كنت جايب كام فى الثانويه العامه

الضابط اتحرج يعنى بس فى الاخر قاله 60 فى الميه ( هم خمسين فى الميه انا عارف مجموعه )

قاله طيب يابنى انت دلوقتى لو مليتك قطعة املاء مش هتعرف تكتبها تتزوج واحد معيده فى كلية

الصيدله

قاله طيب بزمتك انت من غير البدله اللى ابوك دافع فيها خمسين الف ( كانت التسعيره ايامها كده )

تساوى ايه ؟

بهدل الواد يعنى الراجل ده كان دماغ ومكنش يخاف من اى حد

بس الغريبه بقى ان الضابط ده اصر اصرار غريب انه يتزوج صيدلانيه واتزوج فعلاً صيدلانيه

شكل الراجل عمله عقده باين الله اعلم

[fatfouta]

من ميدان التحرير امس

بسم الله ماشاء الله ربنا يخلى يارب

[se_ Elsyed]

الله عليك يا علي يا سلامه

٢٥ يناير ميدان التحرير

كتب على سلامة ٩/ ٢/ ٢٠١١

ده مش عنوان مطعم

للفراخ والبيتزا..

ده ميدان للشرف والكرامة والعزة..

دى روح البلد

ودول بقى.. المصريين..

كأنهم فى الحج

سعى وطواف وعرفات ورمى جمرات

على وش إبليس..

فرح وأغانى وعروسة وعريس..

قداس.. وقلوب بتحرس مصر

من رصاص المجرمين..

والكل بيقول يارب

والكل بيقول آمين..

سنين.. عايشين تحت احتلال

مجرم.. سافل.. قاتل

لا ذمة ولا ملة ولا دين..

عارف..

ف رغيف العيش

ف الزيت والسكر

فى الهم.. والغم

فى صباحكم اللى زى الطين..

مسامحين..

إنما قولولى بقى

ده يرضى مين..

وإزاى نسامح اللى حرق غية الحمام

وزرع قناصين مأجورين..

دم الشباب ده

يرضى مين..

أجمل وأشرف ما فينا

نظرة عينيهم البريئة

بتبص علينا وتقول كلام

والله لو اجتمع كل شعراء العالم

ما يعرفوا يوصفوه..

اتفوه عليكم اتفوه..

هاتقولوا إيه لأمه

وبإيه راح تعوضوا أبوه

كل خزاين الدولة

ع اللى نهبتوه..

ما يساوى ضفر أصغرهم

اتفوه عليكم اتفوه

ده كان أول دفعته ف الكلية

وده كان بيرسم

وده كان بيكتب أغنية لبلد

كانت بتحمى اللى قتلوه..

اتفوه عليكم اتفوه..

[عبير يونس]

قناة الجزيرة مباشر - Aljazeera Mubasher Channel

نائب الرئيس المصري : لا يمكننا تحمل استمرار التظاهرات بميدان التحرير لفترة طويلة

---------------------------

أيوة كدة هو ده المطلوب، أنكم تحسوا بميدان التحرير ويكون ليكم رد فعل ، نسأل الله أن يكون إيجابي وفي صالح البلاد وليس في صالحكم وضد المتظاهرين

لا يا غريب

ده لسه بيتكلم بأسلوب الغرور والعنجهية التي تعودنا عليهم من النظام

و كلامه يحمل تهديدا

لأن بقية الجملة اللي قالها

"والرئيس لن يرحل فورا"

[الغريب]

قناة الجزيرة مباشر - Aljazeera Mubasher Channel

نائب الرئيس المصري : لا يمكننا تحمل استمرار التظاهرات بميدان التحرير لفترة طويلة

---------------------------

أيوة كدة هو ده المطلوب، أنكم تحسوا بميدان التحرير ويكون ليكم رد فعل ، نسأل الله أن يكون إيجابي وفي صالح البلاد وليس في صالحكم وضد المتظاهرين

لا يا غريب

ده لسه بيتكلم بأسلوب الغرور والعنجهية التي تعودنا عليهم من النظام

و كلامه يحمل تهديدا

لأن بقية الجملة اللي قالها

"والرئيس لن يرحل فورا"

وأنا مش قصدي أنه كدة حلو ، أنا قصدي أنه يتنازلوا عن حالة التنفيض اللي وهميين نفسهم بيها ويبدأو يتكلموا

[محمد عبدالعزيز]

توصيات المؤتمر السلفي الحاشد بالإسكندرية

الحمد لله، والصلاة والسلام على رسول الله، أما بعد؛

1- التأكيد على هُويَّة مِصرَ الإسلاميةِ؛ كدَولةٍ إسلاميةٍ مرجعيةُ التشريع فيها إلى الشريعة الإسلامية، وكُلُّ ما يخالفها يُعَدُّ باطلاً، وهذه مسألة تُـحَتِّمُها عقيدةُ الأُمَّة وعَقْدُها الاجتماعيُّ، فضلاً عن دُستورها وتاريخِها عبر خمسة عشر قرنًا، ولن تَسمح الأُمَّةُ لبعض المتسلِّقين على أكتاف الجماهير -بل دمائهم- أن يُزايدوا عليها، ولن يَسمح بها الشعب ولا الجيش، ولا الأزهر ولا الجماعات والاتجاهات الإسلامية جميعُها، وهذا في الحقيقة هو الضمان الحقيقي لحماية غير المسلمين واستمرارِ السلام والتسامح في المجتمع.

2- المطالبة بتفعيل المادة الثانية مِن الدُّستور، ومراجعةِ كافَّة التشريعات المخالفةِ للشريعة، وصياغتِها مِن جديد بصورةٍ تُوافِق الشريعةَ؛ فإن الأُمَّةَ لم تَخترْ هذه المادةَ لتَبقى حَبيسةَ الأوراقِ لـمُدَّةِ أكثر مِن ثلاثين سنة! وهذا مِن شأنه أن يُزيلَ التناقضَ الواقعَ في التشريعات والقوانين، كما يرفع الإثمَ عن أجهزة الدَّولة المختلِفة في مخالفة شَرْع الله والحُكْمِ بغير ما أَنزل اللهُ، وهو أعظم سببٍ لحصول النِّـقَم والبلاءِ بالأُمَّة.

3- إلغاء قانون الطَّوارئ، ومنعُ الاستبداد والقَمع والتعذيب، والسَّجن والاعتقال دون محاكمة.

4- ضرورة إصلاح المؤسَّسة الأَمنية؛ فهو السبيل الوحيد لإعادة الثِّقة فيها عند الأُمَّة، وأَوَّلُ الخطوات: التخلص مِن العناصر الفاسدة التي يَثبت تَورُّطُها في الاعتداء على حُرُمات الناس وحَقِّهم في احترام آدميَّتِهم وكرامتِهم الإنسانية، وإعادةُ بناء هيكلها مِن جديد، وتدريبُ العناصر الحالية مِن خلال دوراتٍ تأهيلية في حسن معاملة الجماهير.

5- الإلغاء الفَوريُّ لسيطرة أفرادِ الحِزب الوطنيِّ على المؤسَّسة الإعلامية التي ما زالت تَسير على النَّمَط القديم، حتى بَعدَ أنْ صارت عَديمةَ المصداقية! واستبدالُ شخصياتٍ مقبولةٍ محترَمةٍ مِن الجماهير بها؛ تُحاوِل إعادةَ الثِّقةِ في المؤسَّسة الإعلامية، بدلاً مِن ترك الناس فريسةً للإعلام الـمُغرِضِ الـمُوَجَّهِ مِن الخارج، أو بأموالِ بعض رجال الأعمال.

6- الإفراج الفَوريُّ عن كُلِّ مَن سُجِنَ أو اعتُقِلَ بغير حق، وتعويضُ المتضرِّرينَ مِن الظُّلم الذي وَقع عليهم.

7- دعوة جموع المِصريين للتكافُل وتَفقُّدِ المحتاجينَ مِن الطبقة الكادحة التي تَئِنُّ تحتَ وَطْأةِ التدهور الاقتصاديِّ وتَعَطُّلِ سُوقِ عَمَلِها الذي تَـكتسِب به قُوتَها يومًا بيوم، وهو ما قد يُؤدِّي إلى تعريض سلامة المجتمَع وأَمْنِهِ إلى أعظم الأخطار.

8- نناشِد المراكزَ البَحْثيَّةَ النزيهةَ عَمَلَ دراسةٍ عاجلةٍ لإطلاق حملةٍ لجمع توقيعاتٍ مليونية للتأكيد على عدم المساس بالمادَّة الثانية مِن الدُّستور والمطالبةِ بتفعيلها؛ ليَعلمَ الجميعُ حقيقةَ مَوَازين القُوَى المؤَثِّرةِ في الشارع المِصريِّ.

9- دعوة الجميع حُكَّامًا ومحكومِينَ إلى التَّوبة الجَماعيةِ الصادقةِ إلى الله -تعالى-، وامتثالِ قولِه -سبحانه-: (إِنَّ اللهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) (الرعد:11)، والتَّضَرُّعِ إليه ليَكشِفَ الغُمَّةَ والبلاءَ عن بلدنا الحبيب؛ قال -تعالى-: (فَلَوْلا إِذْ جَاءَهُمْ بَأْسُنَا تَضَرَّعُوا) (الأنعام:43).

حَفِظَ اللهُ مِصرَ وأهلَها آمنةً مطْمئنةً رَخاءً وسائرَ بلاد المسلمين.

www.anasalafy.com

موقع أنا السلفى

ياريت الأخوة السلفيين مالهمش دعوة بالموضوع ده عشان مايتحملوش ذنب معصية الخروج على الحاكم.

ولا حول ولا قوة إلا بالله.

[fatfouta]

شوفوا ده كمان وهما بيقولوله برا برا

http://www.youtube.com/watch?v=5rPEgOyIBcw&feature=player_embedded#

[عبير يونس]

قناة الجزيرة مباشر - Aljazeera Mubasher Channel

نائب الرئيس المصري : لا يمكننا تحمل استمرار التظاهرات بميدان التحرير لفترة طويلة

---------------------------

أيوة كدة هو ده المطلوب، أنكم تحسوا بميدان التحرير ويكون ليكم رد فعل ، نسأل الله أن يكون إيجابي وفي صالح البلاد وليس في صالحكم وضد المتظاهرين

لا يا غريب

ده لسه بيتكلم بأسلوب الغرور والعنجهية التي تعودنا عليهم من النظام

و كلامه يحمل تهديدا

لأن بقية الجملة اللي قالها

"والرئيس لن يرحل فورا"

وأنا مش قصدي أنه كدة حلو ، أنا قصدي أنه يتنازلوا عن حالة التنفيض اللي وهميين نفسهم بيها ويبدأو يتكلموا

و ايه فايدة انه يبطل تجاهل و يبدأ يتكلم

بنفس الأسلوب المتعالي المرفوض؟؟؟!!!

زي ما يكونوا بيتعاملوا مع طفل يملأ المكان صراخا

يشخطوا فيه

و يخوفوه

و يضربوه

فيزداد عنادا

و يصرخ أكثر لحد ما يلم الجيران

و من كسفتهم

شوية يطبطبوا عليه

و شوية يهزوه

و شوية يدلعوه

و شوية يحاولوا يراضوه

و في الآخر...

ينفد صبرهم

يقوموا يكشّوا فيه:

إنت حتسكت و الا لا يا ابن ال........

عموما نفاد الصبر يُعد مؤشرا جيدا:closedeyes:

و نرجو من الله تعالى أنه بداية النهاية لسياسة النفس الطويل للنظام

[الغريب]

عموما نفاد الصبر يُعد مؤشرا جيدا:closedeyes:

و نرجو من الله تعالى أنه بداية النهاية لسياسة النفس الطويل للنظام

هي دي الخلاصة اللي أنا كنت أقصدها من البداية ، شكرا لحسن التعبير

[م تيمور المراغي]

من ميدان التحرير امس

بسم الله ماشاء الله ربنا يخلى يارب

الوشوش جميله اوي يا جماعه والله مش دي اللي كنا بنشوفها قبل الثوره

قبل الثوره كانت حزينه وسرحانه ومنكسره ومنكشره

دلوقتي فيها امل والعيون صاحيه والمعنويات في السما ,,

**************************

تم تعديل 9 فبراير 2011 بواسطة مصرية متغربة