اللي هيخروح من الميدان عمره ما هيبان في الصورة

[ابو محمد بن مصطفي]

اخواني ... اخواتي في المحاورات

النهاردة يمكن تاني مرة ادخل فيها المحاورات بعد ما ..... اه لو اعرف مين اللي زقني

والله العظيم اخر مرة مشيت فيها في مظاهرة كانت ايام سليمان خاطر كنت في ثانوي

المهم انا نزلت المظاهرات بالصدفة

يوم 25 يناير كان يوم عادي اتفقت انا وزمالي ان هنروح الشغل علشان اليوم البلد هتبقي فاضية (لمراجعة الحسابات وانهاء اجراءات المراجعة السنوية)

وبما ان شغلي في ميدان طلعت حرب. المهم علي الساعة تلاته لقينا الدنيا اتقلبت

ايه ده ياولاد .... قال فيه مظاهرة ....

لقيت زميلي كلهم نزلو المظاهرة .... يلا ياولا ايه يا ولاد

مظاهرة .......

تابعوا

لكل من نزل الي الميدان من المحاورات

[ابو محمد بن مصطفي]

يوم 25 يناير مشيت من ميدان طلعت حرب ثم شارع 26 يوليو للاسعاف ولما وصلت لكوبري 6 اكتوبر مكملتش

تصدقوا انا مكنتش ناوي اكمل لان يوم 26 و 27 يناير نزلت الشغل وقلت خلاص كفاية كدة بارك الله فيما رزق

وده كان رأي الكتير من اصحابي

يوم 28 يناير صحيت من النوم لقيت المحمول مش شغال النت مش شغاله

الله ايه ده فيه ايه .... سعتها قلت الله يحرقك بجاز يالي قاعد في القرية الذكية وبدير البلد باسلوب غبي

اتصلت باصحابي علي التليفون الارضي واتفقنا ان احنا هننزل تاني علشان الحكومة الغبية

تصرف الدول كان مستفز وده خلي ناس كتير يخرجوا في اليوم ده

انا شاركت في المجموعة بتاعت شارع التحرير القادمة من الدقي والمهندسين وامبابة وبولاق وصفت اللي اتزنقوا عند كوبري الجلاء

واضرب عليهم غاز مسيل للدموع ..... انا كنت بعيد عن الضرب

بس الشهداء كانوا كتير عند الكوبري وده اللي سمعته من بعض الناجين من المقدمة.

يوم كان عصيب ..... يوم كان طويل جدا

انا عن نفسي شوفت البلطجية بتوع الداخلية وهما بيحرقوا مقر الحزب الوطني