25 يناير ... موعد المصريين (11)

[لماضة مصرية جدا]

وبمجرد حدوث هذا

الجيش هيبقى فتح صفحة عداء مع الشعب بالرغم ان المتظاهرين هم من ارغموه على ذلك

بمخالفتهم النظام والقوانين احنا دولة دستور ولازم القانون يحترم فيها

هو شغل همج ورعاع - احنا دولة محترمة وشعب محترم - ايه يوصلنا للاسلوب الهمجى - ان الناس تهجم على القصر الجمهورى طب كل الاحزاب السياسية بلا استثناء ليهم عداوة مع مبارك ودى تصفية حسابات بينهم - ايه ذنب الشباب انهم يدفعو الثمن

اعتقد يا استاذ تيمور الساعات القليلة القادمة لم نراهن فيها الا على انتشار الفوضي والمذابح التى سوف تعم جميع انحاء بلادنا

شكرا

يا لهوي ياااااااااااانا يا نافوخي.....يا اغابي....هو انتي لسه بتحطي مشهد افتراضي ان الشعب هيهجم علي الحرس الجمهوري....و بكده يبقي اسلوب همجي

يا لهوي يااااانا

اومال الخيول و الجمال اللي نزلت و دهست الناس في الشارع

اومال العربية الدبلوماسية اللي كانت برضه بتمشي علي الناس و مش بتهدي و لا كان الروح الانسانية دي مطب صناعي....مع انه مشهد حقيقي....مش لسه مفترضينه....ده مش اسلوب همجي

اومال البلطجية اللي طلعوا علي الشباب المعتصم....و معاهم قنابل...و سنج...مش ده اسلوب همجي

هو احنا نقصد مين بالاسلوب الهمجي

و بعدين الشباب اللي ابتداها سلمية....

و حافظ عليها سلمية.....

و فضل صامد سلمي....

تفتكري هيوصل لمرحلة انه يبقي همجي...!!!

الفوضي و المذابح.....اسلوب همجي من الدولة...و اظن ده واضح لينا و لا ايه؟؟؟؟

مش مع حضرتك في حكاية الجيش...لانه عمره ما هيعادي الشعب....لغاية دلوقتي موقفه مشرف...احنا ممكن نفقد الثقة في الشرطة.....لكن الجيش مش ممكن افقد الثقة فيه

و دي وجهة نظر

[fatfouta]

التليفزيون المصرى..

وزير الدفاع محمد حسين طنطاوى يتفقد احوال الجيش داخل ميدان التحرير

[ABO ADAM]

القرضاوي في خطبة الجمعة : أنادي كل أبناء مصر الانضمام للشباب الثائرين وألا يستمعوا إلى توجيهات أصحاب العمائم الذين هم إما غمي عليهم أو هم من أذناب السلطة فأسأل الله لهم الهداية وأن يبصرهم بالحق

تم تعديل 4 فبراير 2011 بواسطة ABO ADAM

[pink rose]

فعلا يا ضحى انا شوفت المناظر دي على الاو تي في دلوقتي

وشوفت كمان اللي كان لابس باسكيت زباله فاضي على راْسه بالمقلوب

واللي رافع يافطه بالانجليزي وهوه شكله مابيعرفش حتى عربي

وله يكونش الفيديو ده متفبرك؟؟؟؟؟؟؟؟؟؟؟؟؟؟؟؟؟؟؟؟

هو مش مفبرك للاسف - لكن هو داه اللى احنا بنقوله بقى

الناس دي مأجورة ومدسوسين - ولا هما شباب فيس بوك ولا يعرفو يقرو حتى

دى مصالح معينة لضرب امن واستقرار مصر

الرسايل دي موجه لبلاد معينة - اللى فى الميدان حاليا

احزاب معارضة وجواسيس من دول ما كنوش يحلموا فى يوم ان امن مصر يوصل لكدا

وكل من له مطامع هيحاول الوصول اليها او الاستيلاء على السلطة باى شكل والتصفيات مذهلة

والثمن هو دماء شباب مصر - ليس مهم عندى اذا كان هذا الشاب

فقير لا يعرف القراءة والكتابة او متعلم

المهم انه يحمل الجنسية المصرية

شكرا

يا اغابي المعلومات دي انتي جايباها من حد من اهلك واقف في التحرير

و لا كل كلام اعتمادا على قنوات التليفزيون المصري؟

ما هو منهم فيهم بيقول ان التليفزيون المصري كداب قالها عماد اديب و قالها عمرو اديب وفي مذيعين استقالوا

و شوفنا كلنا البنت اللي طلعت في المحور و طلع بلال فضل قال كدابة و اها صحفية

طب سؤال لما في ناس مخابرات اجنبية في التحرير هو سعادة اللواء نائب الرئيس مش كان قبل المنصب دا رئيس للمخابرات ساب الناس دي تدخل ازاي و سايبهم ليه لحد دلوقتي هناك

ليه الامن ما اتدخلش فورا بدل تسليط البلطجية

ما تكلمونا كلام عقل يا جماعة

الكل عمال يقول في جنسيات اجنبية و اللي يقول ايراني و اللي يقول افغاني

طب الجيش اللي واقف هناك دا اهبل مثلا؟

كلامكم دا بيشككنا في الجيش و في المخابرات

صلاة النبي احسن

انا عارف ان في اجانب في التحرير و مسلط عليهم بلطجية لا و الله

هو دا مش امن البلد زي ما بتقولوا فين التصرف الامني الحازم مع الناس دي

لكن اقول في كده و اسكت و احذر الناس يبقى انا لا مؤاخذة اهبل ما استاهلش مكاني اللي انا فيه حاليا و انا كده باساعد في خلل الامن

حد يرد عليا اسئلتي منطقية جدا و مش من دافع اني باحرض الناس او باسخن عشان الاتهامات شغالة ترف على ودنه

انا دلوقتي مواطنة مصرية باسأل

النائب اللي كان لحد من يومين رئيس مخابرات مصر بيقول في ناس في التحرير عملاء و خونة لمصر ما اتصرفش معاهم من المنطلق دا ليه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[المهندسه]

القرضاوي في خطبة الجمعة : أنادي كل أبناء مصر الانضمام للشباب الثائرين وألا يستمعوا إلى توجيهات أصحاب العمائم الذين هم إما غمي عليهم فأسأل الله لهم الهداية وأن يبصرهم بالحق أو هم من أذناب السلطة

مع احترامى للشيخ و حبى له ولكن واجبه الذى نصت عليه الشريع و الدين و القران هو تهدئه الاوضاع "وإن طائفتان من المؤمنين اقتتلوا فأصلحوا بينهما"اين اصلاحه اولا ثم اذا لم يرد الله فيقاتل التى بغت...اين كلمته التى تساعد فى الاصلاح

وكمان بيشكر فى قناه الجزيره ال بتشغل الفتنه اكثر و تريد اسقاط مصر فى الهاويه اكثر...؟؟؟!!

[ذهبية]

قذف امن الدولة فى العريش بقذيفة ار بى جى

[المهندسه]

قذف امن الدولة فى العريش بقذيفة ار بى جى

صدقتونى ولا لسه بأذن فى مالطه من الصبح ...اهو شغل الدول المعاديه بدأ

الله يكرمكم اتحدوا و فوقوا مصر بتضيع

تم تعديل 4 فبراير 2011 بواسطة المهندسه

[م تيمور المراغي]

قذف امن الدولة فى العريش بقذيفة ار بى جى

صدقتونى ولا لسه بأذن فى مالطه من الصبح ...اهو شغل الدول المعاديه بدأ

الله يكرمكم اتحدوا و فوقوا مصر بتضيع

مهندسه انتي سامعه خطبة الجمعه في ميدان التحرير ؟؟

[م تيمور المراغي]

القرضاوي في خطبة الجمعة : أنادي كل أبناء مصر الانضمام للشباب الثائرين وألا يستمعوا إلى توجيهات أصحاب العمائم الذين هم إما غمي عليهم فأسأل الله لهم الهداية وأن يبصرهم بالحق أو هم من أذناب السلطة

مع احترامى للشيخ و حبى له ولكن واجبه الذى نصت عليه الشريع و الدين و القران هو تهدئه الاوضاع "وإن طائفتان من المؤمنين اقتتلوا فأصلحوا بينهما"اين اصلاحه اولا ثم اذا لم يرد الله فيقاتل التى بغت...اين كلمته التى تساعد فى الاصلاح

وكمان بيشكر فى قناه الجزيره ال بتشغل الفتنه اكثر و تريد اسقاط مصر فى الهاويه اكثر...؟؟؟!!

يا مهندسه معقول انتي حتعلمي الشيخ العلامه يوسف القرضاوي اصول الدين ؟؟

حناخد العلم الشرعي منك انت ام من الشيخ القرضاوي ؟؟

انتي عاوزه تعارضي وخلاص ؟؟

[ذهبية]

عزرا ايها الشيخ من يريد ان ينصح الشباب و يبعت لة دعوات يبقى من جوة مصر مش من خارجها

عزرا يا جزيرة التسخين اللى شغال دة على كل الدول العربية لم اجد اى كملة على بلدكم قطر لم اجد برنامج عن سلبيات عندكم لم اجد برنامج عن فساد عندكم

لم اجد اى خبر عنكم كل اخباركم عن كل الدول العربية مااااااااااااااااااااعاد انتم

اليست قطر من الدول العربية اليست يوجد فيها فساد اليس يوجد فيها رشاوى و فضائح

الى كل مصرى يتصل بقناة الجزيرة

ارحموناااااااااااااااااا هما بيحافظوا على بلدهم عمرى ما شوفت واحد قطرى اتصل يشتم فى قطر لية احنا نفضح بعض

عمرى ما شوفت شاب قطرى بيتصل يشتكى من تقصير عندهم مش علشان مفيش تقصير علشان مش عايزين يجيبوا فضائحهم و بيحسنوا شكلهم

ارحمونااااااااااااااااا يا مصريين

[شرف الدين]

ارجوكم لا تقولوا فتنه بل قولوا نحن خائفين مرعوبين ولكن لا تقولوا خونه قولوا نحن جبناء

لا تعليق سيدي الفاضل الي بتقطر كلماته شجاعه بس كنت اتمنى لو تقوم حضرتك

والفاضل ارتيتكت من تحت البطانية في جده وتنزلوا مصر على اول طياره تلحقوا الثورة قبل ماتخلص ..

تاني يا ضحى لازم تحطي اركتيكت في جمله مفيده وخلاص ؟ :happy:

طيب ,,

احمدي ربنا ان عنبي بالذات مش مع الثوار هناك ,,

كان حيقلبها من سلميه الى مدبحه ,,

وبعدين ماحدش فينا يا ضحى متغطي ببطانيه ,,

ما انتي عارفه ان جده حر موت :happy:

طيب نيجي للجد ,,

الخطر اللي بيتهدد حياة عنبي وتيمور من مباحث امن الدوله ومن تهديدات عمر سليمان بالامس هو الموت ,,

ياريت الواحد كان فرد من 100 الف فرد ماحدش عارف اسمه ولا عنوانه ولا ماسك عليه كلمه ,,

الشجاعه الحقيقيه هي انك تهاجمي النظام السافل بدون ان تتخفي وبوجه مكشوف ,,

واديكي شوفتي اول ما عرفوا ان وائل غنيم هو ادمن جروب خالد سعيد تعاملوا معاه ازاي ,,

حقول تاني ان جواكي اعجاب حقيقي بالثوره كفكر و حيويه وحريه ,,

وان شا ءالله شباب مصر حيكونوا كلهم عند حسن الظن فيهم ,,

ويجيبولك مصر تانيه هادئه ونظيفه وبراقه و مشرقه بدون فساد و بدون ( كنترول )

ان شاء الله ,,

كل ما فى الموضوع ان المطالب ابتدت تاخد شكل تانى

تاخد شكل النية المستخبية من الاحزاب السياسة -

فى صحفية مراسلة كانت حالا على البي بي سي - بتقول

ان حزب معين بالاسم كان بيوزع منشورات على البيوت ويقولهم انزلو بكره

بعد صلاه الجمعة ضد النظام يبقى داه اسمه ايه ؟؟ مؤامرة على استقرار الوطن

لما المظاهرات ابتدت كانت علشان مطالب محددة

وبعدين وصلت لاقالة الرئيس

ودلوقتى وصلت لمحاكمة الرئيس

وكمان الهجوم على القصر الرئاسي

سؤال بقى

قانونا مستحيل الجيش والحرس الجمهورى يسمح لاى حد من المتظاهرين دخول القصر الجمهوري - داه مستحيل يحصل

يبقى الرد من الحرس الجمهورى والجيش هو القتل المباشر لمن يقتربون من القصر

يبقى المشهد دموى - انت بقى هيعجبك المشهد داه

وبمجرد حدوث هذا

الجيش هيبقى فتح صفحة عداء مع الشعب بالرغم ان المتظاهرين هم من ارغموه على ذلك

بمخالفتهم النظام والقوانين احنا دولة دستور ولازم القانون يحترم فيها

هو شغل همج ورعاع - احنا دولة محترمة وشعب محترم - ايه يوصلنا للاسلوب الهمجى - ان الناس تهجم على القصر الجمهورى

طب كل الاحزاب السياسية بلا استثناء ليهم عداوة مع مبارك ودى تصفية حسابات بينهم - ايه ذنب الشباب انهم يدفعو الثمن

اعتقد يا استاذ تيمور الساعات القليلة القادمة لم نراهن فيها الا على انتشار الفوضي والمذابح التى سوف تعم جميع انحاء بلادنا

شكرا

عارفة يا أغابي

أنا لسه قايل إمبارح

لو تنازل مبارك وتنحى عن الحكم لصالح نائبه سليمان ( قبل أن يصر على حرقه للنهاية )

بجد مبارك لو عنده ذرة وطنية يتنحى عن الحكم الآن لصالح سليمان

حتى الآن لا يوجد معارضة قوية لسليمان

عارف إن فيه ناس بتعارضه لكن دي معارضة بسيطة لا تستطيع إبقاء الشباب في ميدان التحرير

المشكلة يا أغابي إن إصراره على البقاء هو اللي بيخلي اللي عايزين يركبوا الموجة يكتروا

دلوقتي الإخوان بيتكلموا عن إنهم جزء من الشعب - وهما فعلا جزء من الشعب

لكن كان فين الإخوان من بداية الأحداث ( 25 يناير ) قال الإخوان بالنص أنهم لن يشتركوا في هذه الحركة لأنهم لا يعلمون من هو المحرك لها. وهم لا يشتركون في عمل غير منظم

البرادعي للأسف فقد الكثير من مصداقيته ... النضال يا دكتور برادعي يكون على أرض الميدان.

وليس بالاجتماعات في فيلا أكتوبر أو بالمؤتمرات الصحفية والحوارات التليفزيونية

( وهذا مع إيماني بكون البرادعي وجه من الوجوه النظيفة التي نأمنها على مستقبل مصر - كذا عمرو موسى )

امبارح السيد البدوي كان عامل لقاء على البي بي سي وقاعد حاطط رجل على رجل ( لا يا راجل )

كان فين السيد البدوي قبل كده - يظهر كان مولد السيد البدوي

وسبحان الله: ده برضه درس نتعلمه.

قبل سنة واحدة تقريبا مكنش حد يعرف السيد البدوي ده مين ( غير بعض الإعلاميين اللي شغالين قناة الحياة )

وبعدين النظام جاب السيد البدوي ولمعه وظبطه ودخله انتخابات الوفد ونجحه ومسكه صحيفة الدستور وشاط ابراهيم عيسى

النظام عمل ده ليه. عشان يخلوا السيد البدوي وحزب الوفد يحل محل الإخوان المسلمين في المجلس

ودلوقتي انقلب السيد البدوي على النظام اللي جابه

لا وبيعلق الحوار مع النظام اللي جابه

شفتم مثال حي للمرتزقة عديمي الانتماء أكتر من كده

المهم... يا أغابي كل ما الوقت بيطول اللي بيحاولوا يركبوا الموجة بيكتروا

والحل هو إنهاء الموجه وكسرها على شاطيء الاستقرار

ولن يكون هناك استقرار إلا بتحقيق مطلب الشباب الذي أعلنوا أنه لا تراجع عنه

وهو رحيل مبارك

عشان كده بقولك يا أغابي

إن مبارك بعناده ممكن بجد يدخل مصر لنفق مظلم

كل يوم بيعدي عمر سليمان بيتحرق أكتر لأنه للأسف مضطر يتكلم بلسان مبارك

يعني شوفي مثال بسيط ... أول ما عين عمر سليمان نائب كانت ناس كتير بتقول إنه راجل محترم وكويس وتاريخه نضيف

وكانوا المعارضين له شرذمة بسيطة

دلوقتي بعد حوار امبارح ( بسبب إن سليمان بيتكلم بلسان مبارك ) وصف المعارضين بأنهم شوية أجندات

زادت المعارضة لسليمان

وكل ساعة حسني بيطول فيها في الحكم بيحصل حاجات مهمة

1- إصرار زيادة من الشباب على رحيل مبارك

2- زيادة في عدد المعارضين لسليمان

3- زيادة في عدد اللي عايزين يركبوا الموجة

4- خراب زيادة على مصر

يا مبارك

أسالك إن كنت مسلما بحق القرآن

وإن كنت قبطيا أسألك بحق الإنجيل

وإن كنت مصريا أسألك بحق النيل

ارحل ... ارحل

[aimen]

يارب أُشهدك

أن قلبي و دعائي مع هؤلاء المتظاهرين في التحرير

يارب إنهم مستضعفين فكن معهم يارب المستضعفين

يارب انصرهم و ثبتهم و بث فيهم القوة يا ذا القوة المتين

يارب إن لم تنصرهم فما لهم من دونك من ناصرين

يارب التجأنا بابك فلا تردنا خائبين

يارب سترك الذي لا ينكشف

يارب يا من تجيب المضطر و تكشف السوء

يا قريب يا مجيب الدعاء

امددهم بجنود لا نراها كما نصرت المؤمنين ببدر

يارب يا حليم يا كريم يارب العرش العظيم

يارب السموات والأرض و رب العرش الكريم

أسألك بإسمك الأعظم الذي إذا سئلت به أجبت

يارب انصر اخواننا المستضعفين في ميدان التحرير

يارب لا تخذلهم يارب

اللهم اربط على قلوبهم كما ربطت على قلوب أهل الكهف

انهم فتية آمنوا بك يارب و بعدلك

يااااااااااااااااارب

بلغت القلوب الحناجر

و لا نظن بك الظنون يارب

يارب يا صادق الوعد

انت قلت

أنا عند ظن عبدي فليظن عبدي ما شاء

يارب نحسن الظن بك يارب

فكن لنا كما نظن يارب

يا حنان يا منان عفوك

[أحمد سيف]

قذف امن الدولة فى العريش بقذيفة ار بى جى

صدقتونى ولا لسه بأذن فى مالطه من الصبح ...اهو شغل الدول المعاديه بدأ

الله يكرمكم اتحدوا و فوقوا مصر بتضيع

أعتقد رسالة حضرتك أصبحت واضحة ومسموعة ولا جديد فيها ولا جدوى من تكرارها

كل واحد اتخذ موقفه وعرف صاحبه وعدوّه وحانت ساعة الحسم التي لا مجال فيها لتغيير المواقف

وكل واحد عقله في راسه ويعرف خلاصه وسينال جزاؤه العادل إن لم يكن في الدنيا ففي الآخرة

فرجائي لحضرتك تريحي نفسك وتريحينا من هذا الإلحاح لأن كل تردديه من أخبار ونداءات نقلا عن إعلام النظام المجرم لن يؤثر على موقفنا

[طبيبة بالخارج]

بلاش نحجر على الثورة و لا واحد فينا هنا موجود في التحرير و لا يمكننا ان نجبرهم على شيء هم الآن لا ينتظروا منا اذن للاستمرار

هم اصحاب الثورة فقط و هم لم يأخذوا اذن منا للقيام بها

مسألة الخوف من قوى خارجية هل تعتقدون ان مصر ليست في خطر من القوى الخارجية منذ سنين؟ هل تعتقدون فعلا ان مصر تحت حكم مبارك او نظامه في حمى من الأخطار الخارجية؟ هل نسيتم تفجير الكنيسة؟ لقد حدث تحت النظام فهل منعه؟

ان الله لا يغير ما بقوم حتى يغيروا ما بأنفسهم

نعم لست مع الثوار في الميدان و لكني اسمع الآن دعائهم و اامن معهم

اللهم تقبل آمين

تم تعديل 4 فبراير 2011 بواسطة طبيبة بالخارج

[م تيمور المراغي]

وبمجرد حدوث هذا

الجيش هيبقى فتح صفحة عداء مع الشعب بالرغم ان المتظاهرين هم من ارغموه على ذلك

بمخالفتهم النظام والقوانين احنا دولة دستور ولازم القانون يحترم فيها

هو شغل همج ورعاع - احنا دولة محترمة وشعب محترم - ايه يوصلنا للاسلوب الهمجى - ان الناس تهجم على القصر الجمهورى طب كل الاحزاب السياسية بلا استثناء ليهم عداوة مع مبارك ودى تصفية حسابات بينهم - ايه ذنب الشباب انهم يدفعو الثمن

اعتقد يا استاذ تيمور الساعات القليلة القادمة لم نراهن فيها الا على انتشار الفوضي والمذابح التى سوف تعم جميع انحاء بلادنا

شكرا

يا لهوي ياااااااااااانا يا نافوخي.....يا اغابي....هو انتي لسه بتحطي مشهد افتراضي ان الشعب هيهجم علي الحرس الجمهوري....و بكده يبقي اسلوب همجي

يا لهوي يااااانا

اومال الخيول و الجمال اللي نزلت و دهست الناس في الشارع

اومال العربية الدبلوماسية اللي كانت برضه بتمشي علي الناس و مش بتهدي و لا كان الروح الانسانية دي مطب صناعي....مع انه مشهد حقيقي....مش لسه مفترضينه....ده مش اسلوب همجي

اومال البلطجية اللي طلعوا علي الشباب المعتصم....و معاهم قنابل...و سنج...مش ده اسلوب همجي

هو احنا نقصد مين بالاسلوب الهمجي

و بعدين الشباب اللي ابتداها سلمية....

و حافظ عليها سلمية.....

و فضل صامد سلمي....

تفتكري هيوصل لمرحلة انه يبقي همجي...!!!

الفوضي و المذابح.....اسلوب همجي من الدولة...و اظن ده واضح لينا و لا ايه؟؟؟؟

مش مع حضرتك في حكاية الجيش...لانه عمره ما هيعادي الشعب....لغاية دلوقتي موقفه مشرف...احنا ممكن نفقد الثقة في الشرطة.....لكن الجيش مش ممكن افقد الثقة فيه

و دي وجهة نظر

اغابي ليها خطة هجوم استباقيه ذات حدين يا ريهام ,

اولا هيا مش فارق معاها حتى لو 20 مليون نزلوا دلوقتي ميدان التحرير حتقول عليهم عملاء من خارج مصر

لو 85 مليون والله نزلوا دلوقتي قالوا لها احنا مصريين واحد واء التاني حتقول لهم لأ انتوا عملاء

سبب التوجه ده او بالاصح السببين هما :

اولا هيا عارفه ان الاحرار لو هما اللي مسكوا الحكم حيعاملوها بالحسنى وده شيئ معروف عنهم

ثانيا لو امن الدوله هو اللي مسك يبقى شوفت يا باشا انا كنت بدافع عنكم ازاي ؟ .. اعدموا الباقيين او اعتقلوهم مش مشكلتي انا في السليم ,,

السبب الاهم بقى واللي جه على بالي دلوقتي هيا دفاعها الاستباقي عن البابا شنوده وموقفه ضد المتظاهرين وانحيازه الاعمى لمبارك

فلو انتصر الاحرار يبقى هنا البابا رمز من رموز النظام البائد وحيتحط في البلاك ليست خلاص ,,

فهنا دفاعها لا يقوم على اي فكر او موقف على الاطلاق ,,

بل هو سياسه معينه توصل اليها عقلها الجبار

[wsadani]

يارب أُشهدك

أن قلبي و دعائي مع هؤلاء المتظاهرين في التحرير

يارب إنهم مستضعفين فكن معهم يارب المستضعفين

يارب انصرهم و ثبتهم و بث فيهم القوة يا ذا القوة المتين

يارب إن لم تنصرهم فما لهم من دونك من ناصرين

يارب التجأنا بابك فلا تردنا خائبين

يارب سترك الذي لا ينكشف

يارب يا من تجيب المضطر و تكشف السوء

يا قريب يا مجيب الدعاء

امددهم بجنود لا نراها كما نصرت المؤمنين ببدر

يارب يا حليم يا كريم يارب العرش العظيم

يارب السموات والأرض و رب العرش الكريم

أسألك بإسمك الأعظم الذي إذا سئلت به أجبت

يارب انصر اخواننا المستضعفين في ميدان التحرير

يارب لا تخذلهم يارب

اللهم اربط على قلوبهم كما ربطت على قلوب أهل الكهف

انهم فتية آمنوا بك يارب و بعدلك

يااااااااااااااااارب

بلغت القلوب الحناجر

و لا نظن بك الظنون يارب

يارب يا صادق الوعد

انت قلت

أنا عند ظن عبدي فليظن عبدي ما شاء

يارب نحسن الظن بك يارب

فكن لنا كما نظن يارب

يا حنان يا منان عفوك

لا نملك الأن الا الدعاء لمصر

[fatfouta]

إسمعوا احمد عمر هاشم فى خطبة الجمعة من مسجد التليفزيون

مش هقدر اقول حاجة غير الله يرحمك يا شعراوى

تم تعديل 4 فبراير 2011 بواسطة fatfouta

[aimen]

يا مدام فتفوته

انت متوقعه ايه من واحد زى ده

بتاع موالد من الاخر

[شرف الدين]

قذف امن الدولة فى العريش بقذيفة ار بى جى

صدقتونى ولا لسه بأذن فى مالطه من الصبح ...اهو شغل الدول المعاديه بدأ

الله يكرمكم اتحدوا و فوقوا مصر بتضيع

عارفة يا باشمهندسة

مين اللي بيضرب الأربيجهات

بدو سينا

هقولك يا باشمهندسة والكلام ده من لسان واحد من أهل سينا

كلنا فاكرين تفجيرات شرم الشيخ

اللي قام بيها بدو سينا

عارفة ليه

بدو سينا معروف إنهم تجار سلاح

وكان بيعدوا سلاح لغزة

طبعا مع حصار غزة جت الحكومة تحاول منع السلاح من الذهاب لغزة

وجه البهوات ضباط أمن الدولة يحققوا مع بدو سينا

ولأنهم أغبياء وما اتعلموش حاجة اسمها السياسة

افتكروا اللي بينفع في وادي النيل ينفع في سينا

عملوا ايه الأغبياء

احتجزوا نساء البدو السيناوي رهائن

عشان ذويهم يسلموا نفسهم

وكانت النتيجة تفجيرات شرم الشيخ وطابا

اللي بيضرب الأربيجهات هما بدو سينا

اللي النظام سابهم طول 30 سنة بدون أي لمحة تحضر ورايح يدي أرض سينا لرجل الإفساد أعضاء الحزب الوثني

[fatfouta]

الخطبة فى ميدان التحرير

الخطيب....المظاهرة تشمل كل فئات الشعب ولا نقبل التدخل الاجنبى او وصاية من اى احزاب اخرى ونحن نعشق تراب الوطن والاقباط يحموا ظهور المصليين

إثبتوا إثبتوا إثبتوا

الله عليكى يا مصر والله اكبر الله اكبر