25 يناير ... موعد المصريين (11)

[fatfouta]

الأقصر على الجزيرة: يسقط يسقط النظام و الأعداد تتزايد فى ظل تحرش البلطجية

[طبيبة بالخارج]

إيران بتستعبط هى مال أهلها

مفيش حد حيأثر على الثورة

الثوار مش تبع حد هم تبع مصر و بس

[الغريب]

عاااااجل : عمرو موسى الان داخل ميدان التحرير

[akramgroup]

السلام عليكم ورحمة الله وبركاته

انا لسه راجع من صلاة الجمعه والخطيب فى جده كان بيتكلم عن مصر وتونس وكلنا بندعى

يارب الامن والامان

وبعد ماشفت شويه قنوات وصلاة الجمعه فى مصر بجد حاجه تفرح والاغانى الوطنية اللى شغاله فى ميدان التحرير تحرك الصخر

بس انا بصراحه خايف انهم طالما المتظاهرين قالوا مش هانطلع من الميدان عشان منتفرقش

طيب سؤال وياريت تقولوا ارائكم فيه:

ممكن انهم يسيبوهم طول اليوم فى الميدان يهللوا براحتهم ويقولوا شعارات ويسمعوا اغانى

وبعدين بليل يسكتوا وبكرة يكملوا وهو كل ده بيكسب وقت والدعم الشعبى للمتظاهرين بيخمد

ويبقى الحال لحد ماالمتظاهرين هما اللى يتحايلوا عليهم ويقولولهم عاوزين نقعد نتفاوض؟

تفتكروا ممكن تكون دى خطه ولا ايه؟

[مغتربة]

عاجل من الجزيره السيد عمرو موسى دخل الان الى ميدان التحرير

[شرف الدين]

اعيد هذه المداخلة الآن علها تجد أذنا صاغية واعية فاهمة

لو تنازل مبارك وتنحى عن الحكم لصالح نائبه سليمان ( قبل أن يصر على حرقه للنهاية )

بجد مبارك لو عنده ذرة وطنية يتنحى عن الحكم الآن لصالح سليمان

حتى الآن لا يوجد معارضة قوية لسليمان

عارف إن فيه ناس بتعارضه لكن دي معارضة بسيطة لا تستطيع إبقاء الشباب في ميدان التحرير

المشكلة إن إصراره على البقاء هو اللي بيخلي اللي عايزين يركبوا الموجة يكتروا

دلوقتي الإخوان بيتكلموا عن إنهم جزء من الشعب - وهما فعلا جزء من الشعب

لكن كان فين الإخوان من بداية الأحداث ( 25 يناير ) قال الإخوان بالنص أنهم لن يشتركوا في هذه الحركة لأنهم لا يعلمون من هو المحرك لها. وهم لا يشتركون في عمل غير منظم

البرادعي للأسف فقد الكثير من مصداقيته ... النضال يا دكتور برادعي يكون على أرض الميدان.

وليس بالاجتماعات في فيلا أكتوبر أو بالمؤتمرات الصحفية والحوارات التليفزيونية

( وهذا مع إيماني بكون البرادعي وجه من الوجوه النظيفة التي نأمنها على مستقبل مصر - كذا عمرو موسى )

امبارح السيد البدوي كان عامل لقاء على البي بي سي وقاعد حاطط رجل على رجل ( لا يا راجل )

كان فين السيد البدوي قبل كده - يظهر كان مولد السيد البدوي

وسبحان الله: ده برضه درس نتعلمه.

قبل سنة واحدة تقريبا مكنش حد يعرف السيد البدوي ده مين ( غير بعض الإعلاميين اللي شغالين قناة الحياة )

وبعدين النظام جاب السيد البدوي ولمعه وظبطه ودخله انتخابات الوفد ونجحه ومسكه صحيفة الدستور وشاط ابراهيم عيسى

النظام عمل ده ليه. عشان يخلوا السيد البدوي وحزب الوفد يحل محل الإخوان المسلمين في المجلس

ودلوقتي انقلب السيد البدوي على النظام اللي جابه

لا وبيعلق الحوار مع النظام اللي جابه

شفتم مثال حي للمرتزقة عديمي الانتماء أكتر من كده

المهم... يا كل ما الوقت بيطول اللي بيحاولوا يركبوا الموجة بيكتروا

والحل هو إنهاء الموجه وكسرها على شاطيء الاستقرار

ولن يكون هناك استقرار إلا بتحقيق مطلب الشباب الذي أعلنوا أنه لا تراجع عنه

وهو رحيل مبارك

عشان كده بقول

إن مبارك بعناده ممكن بجد يدخل مصر لنفق مظلم

كل يوم بيعدي عمر سليمان بيتحرق أكتر لأنه للأسف مضطر يتكلم بلسان مبارك

يعني نشوف مثال بسيط ... أول ما عين عمر سليمان نائب كانت ناس كتير بتقول إنه راجل محترم وكويس وتاريخه نضيف

وكانوا المعارضين له شرذمة بسيطة

دلوقتي بعد حوار امبارح ( بسبب إن سليمان بيتكلم بلسان مبارك ) وصف المعارضين بأنهم شوية أجندات

زادت المعارضة لسليمان

وكل ساعة حسني بيطول فيها في الحكم بيحصل حاجات مهمة

1- إصرار زيادة من الشباب على رحيل مبارك

2- زيادة في عدد المعارضين لسليمان

3- زيادة في عدد اللي عايزين يركبوا الموجة

4- خراب زيادة على مصر

يا مبارك

أسالك إن كنت مسلما بحق القرآن

وإن كنت قبطيا أسألك بحق الإنجيل

وإن كنت مصريا أسألك بحق النيل

ارحل ... ارحل

[eslam elmasre]

الي الاعلام المصري البليد علي مر العصور

ايها الاعلام البليد الذي يبخر للظالم علي مر العصور

الا تعلم ان هذا الاعلام انتهت صلحياته مع ثورة الاتصالات واصبحتم متخلفين عن اقرانكم بعشرات السنين

ايها الاعلام الكاذب الساذج العبيط الا تعلمون انكم فقدتم صلاحياتكم واصبحتم غير قابلون للاستهلاك الادمي

العلم يعرف الخبر بمجرد حدوثه وانتم مازلتم تكذبون علي الشعوب

مرتباتكم التي تحصلون عليها من دمائنا لن تملكونها بعد الان والحساب اوشك

ولابد من الحساب

لا تعتذروا اليوم ولا تقولوا انكم منفذين لاوامر اسيادكم وكان يمكنكم قول الحق حتي في هذه الايام وقد تشفع لكم امام محاكميكم لكنكم مستمرون في هبلكم وسذاجتكم

انظروا لما يحدث حولكم من تقدم في نقل الخبر وتحليله وتعلموا يمكن

[لونا]

من جوار رسول الله خطيب المسجد النبوي دعا لمصر في الخطبة فبكى وأبكى... تقبل الله وحفظ مصر وأهلها #Egypt #Jan25

[fatfouta]

الامين العام لجامعة الدول العربية عمرو موسى دخل الان الى ميدان التحرير

تم تعديل 4 فبراير 2011 بواسطة fatfouta

[se_ Elsyed]

حُسن الخاتمة

عمرو موسى يدخل ميدان التحرير الأن

[مغتربة]

جايبين صور على الجزيره لواحد من امن الدوله قبضوا عليه و حاطين الكارنيه بتاعه و البطاقه جنب وشوا اهو

علشان بس الناس الى كانت بتسال ليه مكنوش بيعرضوا غير البطاقات بس

[fatfouta]

من جوار رسول الله خطيب المسجد النبوي دعا لمصر في الخطبة فبكى وأبكى... تقبل الله وحفظ مصر وأهلها #Egypt #Jan25

الله اكبر

بحبك يا بلادى

افتخر انى مصرية والحمد لله

[wsadani]

الجزيررة :- عمرو موسى يدخل الأن ميدان التحرير

يا رب يجتمعو عليه اتمنى يكون هو البديل

[se_ Elsyed]

إحنا نمنا على الاسلفت .... ثورة ثورة حتى الموت

[wsadani]

الجزيررة :- عمرو موسى يدخل الأن ميدان التحرير

يا رب يجتمعو عليه اتمنى يكون هو البديل

[طبيبة بالخارج]

يا بلادي يا بلادي بحبك يا بلادي

يا مصر بحبك بحبك يا مصر

[se_ Elsyed]

من هنا ورايح ماحدش في العالم هايقدر يقف قدامنا

إحنا المصريين

إرفع رأسك بجد وصرخ وقوووووول أنا مصري

المصري يكتب ويقلب تاريخ العالم أجمع

أقولها وبدون مبالغة ... العالم أجمع

أنا مصري

[لماضة مصرية جدا]

طيب سؤال وياريت تقولوا ارائكم فيه:

ممكن انهم يسيبوهم طول اليوم فى الميدان يهللوا براحتهم ويقولوا شعارات ويسمعوا اغانى

وبعدين بليل يسكتوا وبكرة يكملوا وهو كل ده بيكسب وقت والدعم الشعبى للمتظاهرين بيخمد

ويبقى الحال لحد ماالمتظاهرين هما اللى يتحايلوا عليهم ويقولولهم عاوزين نقعد نتفاوض؟

تفتكروا ممكن تكون دى خطه ولا ايه؟

مش ممكن يا استاذ اكرم

الناس اللي في الميدان دلوقتي اديلهم من 25 يناير....حتي لو تخلي عنهم البعض في بعض الاوقات....مش ممكن حد هيقدر يقف قادم اراد الشعب

إذا الشعب يوما أرد الحياة

الشعب دلوقتي أراد.......الحياة

فهل يستجيب؟؟؟

عله يسمع....عله يري؟؟؟

[fatfouta]

[م تيمور المراغي]

الجزيررة :- عمرو موسى يدخل الأن ميدان التحرير

يا رب يجتمعو عليه اتمنى يكون هو البديل

يار ب يكون عمرو موسى هو الرئيس

سياسي ودبلوماسي محنك ووطني ومحترم داخليا ودوليا وعربيا

اللهم امين ,,