25 يناير ... موعد المصريين (11)

[م تيمور المراغي]

بالله عليكم .. لا تنسوا الدعاء لوائل غنيم

اللهم فك أسره

اللهم أجزه عن الكل الموجودين خيراً

اللهم أرجعه لاهله وزوجته وبنته سالماً غانماً

يا س س .. وائل غنيم حيبقى حاجة كبيرة في مصر وهتقول الغريب قال

ان شاء الله ,,

شاب محترم ومثقف ووطني وله شخصيه جذابه وحضور طاغي والله ,,

ربي يحميه وينور بيه مصر المستقبل ,,

ان شا ءالله ,,

إن شاء الله كل كنوز مصر التي دفنها هذا النظام ستخرج

لا يضير الجواهر دفنها تحت الرمال عشرات السنين ,,

ستعود الكنوز المصريه العالميه اللى مكانها المستحق وسط شعب مصر ,,

ان شاء الله

[م تيمور المراغي]

زمان مبارك دلوقتي كل ميبص علي التلفزيون يروح ضارب جمال علي قفاه ويقولوه انت السبب في ده كله يابن الكلب

ههههههههه

حلوه يا اوزو

حبقى اسيبهولك بقى يا مولانا تروقه بقى على كيف كيفك وراحت راحتك

وخد دي من الفريزر لسه طالعه حالا بالثلج والماء البااااااارد :happy:

[أحمد سيف]

عمار الشريعي في ميدان التحرير

محمولا على الأعناق

وعمار الشريعي كمان طلع اخوانجي وعنده أجنده وكشكول

صحيح اللي اختشوا ماتوا

تم تعديل 4 فبراير 2011 بواسطة أحمد سيف

[الغريب]

عاوز ألفت نظركم لحاجة مهمة جدا :

لما الثورة طلبت يوم 25 يناير .. كان يوم 25 يناير

لما الثورة طلبت من الشعب جمعة الغضب.. كانت جمعة الغضب

لما الثورة طلبت من الشعب مظاهرة مليونية .. كانت مظاهرة مليونية

لما الثورة طلبت من الشعب جمعة الرحيل .. هتكون أن شاء الله جمعة الرحيل

[ozoozo]

كان نفسي اكون موجود في 73 عشان احس احاسيس النصر اللي قالولي عليها

لكن اظن ان احساسي دلوقتي اعظم واعلي

قي 73 كان الاحتلال 6 سنين انما دلوفتي كان 30 سنه

وقي 73 كان عدوي هو اللي بيبهدلني لكن للاسف

2011 كان ابن بلدي هو اللي بيبهدلني

[se_ Elsyed]

الله أكبر على جوهر الشعب الأصيل اللي قالوا عليه فوضاوي

فوق كوبري قصر النيل الالاف تصطف في صفوف منظمة ... أنا قلت بيفرقوا حاجه

طلع إنهم واقفين عشان الشباب المصري اللي زي الفل بيفتشهم وهم رايحين ينضموا للمتظاهرين داخل ميدان الكرامة والشرف

[م تيمور المراغي]

خالد يوسف وسط المصريين :happy:

مش قلتلكم حنلاقي علاء مبارك نفسه وسط الناس :happy:

ومش بعيد والله نلاقي مبارك نفسه نازل بكل الحب والموده وسط اولاده المصريين يعلن لهم انه استقال من منصبه واصبح مواطنا عاديا جدا وسطهم ,,

اقسم بالله لو اشار عليه احد المخلصين حوله بذلك ليستقبله الاغلبيه بالهتاف والتصفيق ,,

[se_ Elsyed]

2011 كان ابن بلدي هو اللي بيبهدلني

ده مش إبن بلدك

ده إبن الك....................

الكتيبة 64 قوات جوية

[أحمد سيف]

الله أكبر على جوهر الشعب الأصيل اللي قالوا عليه فوضاوي

فوق كوبري قصر النيل الالاف تصطف في صفوف منظمة ... أنا قلت بيفرقوا حاجه

طلع إنهم واقفين عشان الشباب المصري اللي زي الفل بيفتشهم وهم رايحين ينضموا للمتظاهرين داخل ميدان الكرامة والشرف

أول مره أشوف طابور منظّم في مصر

أعتقد أن أحد زعماء الصهاينة قال ذات مرة أن العرب سينتصرون علينا عندما يستطيعون الوقوف بنظام في طابور

دي بشرى خير

[se_ Elsyed]

الولا خالد يوسف ده إين جنيه

توقع بكل ده لكن سنة 2013 في فيلم دكان شحاتة

[aimen]

بلاغ إلى الله

يا رب لا ملجأ منهم إلا إليك. يا رب عجزنا عن الذود عن أنفسنا.

اللهم إنا نشكو إليك ضعف قوتنا وقلة حيلتنا، يا رب المستضعفين إن أهل مصر مستضعفون. اللهم إنك وصفت نفسك بأنك الجبار وها أنت ترى الجبار العنيد يتجبر فى الأرض وينشر فيها الفساد والطغيان، اللهم إنك قلت وقولك الحق: «وخاب كل جبار عنيد» اللهم عليك بكل جبار عنيد. اللهم أرنا فيهم آية يا رب.

اللهم إنك قلت وقولك الحق: «فقطع دابر القوم الذى ظلموا والحمد لله رب العالمين». اللهم اقطع دابر كل ظالم جبار متكبر عنيد، أنقذنا يا رب. أنقذ شبابنا من فرعون وهامان وجنودهما.

يا رب إنك قلت وقولك الحق: «إن فرعون علا فى الأرض وجعل أهلها شيعا يستضعف طائفة منهم يذبح أبناءهم ويستحيى نساءهم إنه كان من المفسدين». لقد تحالف المفسدون ضد شبابنا اللهم أنقذنا من المفسدين. إن فرعون وهامان وجنودهما كانوا خاطئين، اللهم لا تتركنا نهبا للخاطئين.

يا رب لقد جاءوا شبابنا من فوقهم ومن أسفل منهم وزاغت الأبصار وبلغت القلوب الحناجر، اللهم أرسل عليهم ريحا وجنودا لا يرونها وانصر شبابنا نصرا عزيزا.

اللهم إنا نجعلك فى نحورهم ونعوذ بك من شرورهم ومن شر كل من يريد بأهل مصر شرا.

اللهم أنقذ مصر من فرعون إنه كان عاليا من المسرفين.

اللهم إنك أبلغتنا أن من قتل نفسا بغير نفس أو فساد فى الأرض، فكأنما قتل الناس جميعا. يا رب إنى أبلغك أن عبادك قد قتلوا بغير نفس أو فساد فى الأرض.

اللهم عليك بكل من قتل أو أمر بالقتل أو سكت على القتل أو برر القتل أو تواطأ على القتل. اللهم أرنا فيهم جميعا آية تشفى بها صدورنا وتذهب بها غيظ قلوبنا.

يا رب إنك قلت وقولك الحق: «وكرمنا بنى آدم» يا رب إنهم يقتلون شبابا عزلا ما خرجوا إلا بحثا عن تكريمك لهم ورفضهم أن يكونوا مهانين فى أرضك التى جعلت لهم.

يا رب لا تجعل مصر كنانتك التى يدخلها الناس آمنين ساحة يقتل فيها المفسدون المصلحين.

يا رب إن دماءنا رخيصة رخيصة جدا جدا عند فرعون ورجاله، يا رب لكننا أعزاء عندك لأنك أنت الذى خلقتنا ووهبت لنا نعمة الحياة وحب الكرامة والأمل فى غد أفضل.

يا رب عجزنا عجزنا عجزنا. يا رب هذا بلاغ.

[fatfouta]

الله يخليكم اسمعوا

شايفين الراجل اللى واقف على عمود المترو من فوق ده

من الصم والبكم وطبعا مش لاقى حاجة يعبر بيها غير انه طلع فوق وبيشاور للناس

يالله

والله ما قادرة اتكلم من البكاء من فرحتى بولاد بلدى

انا مصرية انا مصرية انا مصريةةةةةةةةةة

تم تعديل 4 فبراير 2011 بواسطة fatfouta

[aimen]

http://mosh3arfa7aga.blogspot.com/2011/02/blog-post_02.html

أهم شيء حصل الكام يوم اللي فاتوا

إني غصب عني – من كتر تكرار مشاهدة الفضائيات – إضطررت أحب الريس

ماعرفتش أقاوم

أو بمعنى أدق قاومت لحد ما أستسلمت

لقد استمعت لإنجاز طيران 73 على مدار ال 24 ساعة

والحروب التي جنبنا إيها الريس

وحكمته كربان سفينة ناجية ناجحة ولا تيتانك زمنها

إخواني

أنا أحببت حسني مبارك حتى إشتريت له دبدوب وغلفته كي أعطيه له في سبتمبر

بدلا من أن أطالب بمحاسبته على "التكلس" على السلطة

إخواني أنا في حالة حب إجبارية أصابتني في مقتل وأنا أجلس في حظر تجول

وأنا مثلي مثل الرجال أمسك سكين وشومة مصنوعة من غصون الأشجار خوفا من بلطجة منظمة مازالت أصدائها تحت منزلي حتى فجر اليوم

لم يترك لي إلا الفضائيات المصرية الخاصة التي ملئت سمعي وبصري ونفذت إلى قلبي بحب الحبوب

كم الإتصالات التي تنحني له وتحبه وتحييه وتمتدح فترة حكمه الرشيدة والتي وصلت إلى حد بكاء السادة المشاهدين والله والله أوصلتني لحقيقة مهمة جدا

يا إحنا مجانين

يا إحنا مش طبيعين

يا إحنا مش فاهمين

يا إحنا عديمي الإحساس

يا اللي بيتصلوا وأصابوني بكيوبيد إجباري ولاد كلب

إلى السادة مالكي القنوات الفضائية المصرية

شكرا لكم فقد علمتموني معنى الإنتيييماء ومعنى حب من نعم المصريين في عهده وعهد من سبقه بكل الخير على يد أمن دولتنا الرشيد

عندما تحضر عفريت التحول من الملكية للجمهورية .. وتخدم هذا الشعار أنت وكل ديكتاتور سبقك خدمة صورية .. لا تتخيل أنك تستطيع صرف العفريت بسيناريو تأبيد وتوريث

مصر ها تفضل غالية عليا

[امير مجروح]

التلفزيون يقول يوجد فى ميدان التحرير فنانين وشخصيات عامة للتهداة الشباب ....

هههههههههههههههه

[aimen]

طالب الدكتور أحمد عكاشة، رئيس الجمعية المصرية للطب النفسى، الرئيس مبارك بالرحيل عن السلطة، منوها بوفاة الحزب الوطنى «الذى لن يرحمه الله»، حسب تعبيره. وقال عكاشة لـ«المصرى اليوم»: هناك مرض نفسى يصيب الحكام الديكتاتوريين فى العالم، وهو فقد البصيرة، حيث يشعر الديكتاتور بأنه محبوب من الجميع، وأن الكل يخافه»، مشيرا إلى أن هذا المرض أصاب مبارك»، ولكنه استيقظ مؤخرا يوم ثورة شباب 25 يناير، والكل يقول له يسقط حسنى مبارك».

المصرى اليوم

1:45 باولو كويلو يوجه رسالة للمصريين: "لا تنسحبوا. عانوا الآن وعيشوا بقية حياتكم كأبطال". وكان باولو كويلو قد كتب على صفحته بالفيس بوك الأربعاء الماضي "مبارك عرف مسبقا أن رفضه الرحيل سوف يؤدي لإثارة الاضطرابات في مصر، حيث يتعرض الأبرياء والمسالمون للأذي بينما أكتب هذه السطور. خطته الإجرامية تنفذ. عار عليه. عار علينا نحن الذين لا نستطيع أن نفعل شيئا لمساعدة المصريين سوى الشكوى هنا. أنا أشعر بالحزن والعجز

الدستور

1:11 شريهان: أدعو مبارك للاستجابة لمطالب الشعب ونقل مهامه لنائبه عمر سليمان وأنا فخورة بوجودى فى ميدان التحرير ولا فرق بين مسلم ومسيحى وكلنا نحمى بعضنا والمظهر راقى ورائع

الدستور

1:31 خالد النبوى للعربية: مؤيدو مبارك أعطوا صورة سيئة لمصر بعد تحضر مظاهرات معارضيه، ومن دخلوا بالجمال لميدان التحرير يعيدوننا لعصر البشوات، وحتى إن عارضنا النظام فلا نرضى تدخل أمريكا فى رحيله، ويكذب من يقول أن أمريكا تريد رحيل النظام لأن القنابل المسيلة للدموع من صنع أمريكا أصلاً

[se_ Elsyed]

بجد والله ومش هزار

في إيه ... ده لو لسه عنده فيمتو كرامة كان مشي

[Om Zayd]

الولا خالد يوسف ده إين جنيه

توقع بكل ده لكن سنة 2013 في فيلم دكان شحاتة

بس متوقعش ان شباب مثقف و واعي هوا اللي يعمل ده

الحمد لله ان مش البلطجية هما اللي ثاروا ثورة جياع

ربنا يحفظ مصر و اولادها

[م تيمور المراغي]

التلفزيون يقول يوجد فى ميدان التحرير فنانين وشخصيات عامة للتهداة الشباب ....

هههههههههههههههه

بسم الله الرحمن الرحيم

( وَلَوْ فَتَحْنَا عَلَيْهِمْ بَاباً مِنَ السَّمَاءِ فَظَلُّوا فِيهِ يَعْرُجُونَ * لَقَالُوا إِنَّمَا سُكِّرَتْ أَبْصَارُنَا بَلْ نَحْنُ قَوْمٌ مَسْحُورُونَ)

صدق الله العظيم

مافيش فايده والله

لو حسني مبارك نفسه نزل في الميدان حيقولوا ده بيجامل بس الشباب انما هما برضوا عملاء اخوان وفرنساويين وايران وامريكا وموزمبيقا ههههه :happy:

[aimen]

http://www.youtube.com/watch?v=zQrLn8hd-8A

الأخ لما كان بينصح صدام علشان يحقن دماء شعبه

[م تيمور المراغي]

بجد والله ومش هزار

في إيه ... ده لو لسه عنده فيمتو كرامة كان مشي

تصدقوا بالله العظيم ,,

انا لما حد من اخواتي هنا في المحاورات بيكون زعلان مني بكون زي جبل احد من الاحزان كابس على نفسي .,,

وبحاول بقدر المستطاع اني اتصل بيه ونتصافى سريعا

الا الشخص ده سبحان الله فيه

شايف عشرات الملايين بقاله عشرات السنين متأكد انهم مش طايقينه

يا اخي حرام عليك الناس وراها مصالح وبلدنا نفسنا نغسلها ونطهرها وننضفها بقى

ده انت المفروض تفدي مصر بروحك مش تحرقها وتقعد على تلها فين شرف العسكريه !!!!