25 يناير ... موعد المصريين (11)

[ذهبية]

بجد احنا شعب عظيم بجد نستحق اننا نكون اعظم شعب ىف العالم قد اية الرقى و التدين

بعد ما بعد الضباط و كلاب الوطنى رجع تانى المشهد الحضارى

بجد بجد احنا كوييسن جدا بس ناخد فرصة

الناس اللى كانت بتتهمنا امبارح بالغوغاء الناس اللى كانت بتقول حرب اهلية

السلطة هى السبب لو مشيت بجد قد اية مصر هتبقى احسن

ربنا ينصرك يا مصر

ربنا ينصرك يا مصر

[طبيبة بالخارج]

بيقولوا الأسبوع القادم كمان اسبوع الصمود

هوه المظاهرات دي لغاية امتي

من المخططين للمظاهرات دي العقيد عمر عفيفي

يا تري حد عنده معلومات عنه

ولا حيغرقنا كدة و خلاص

شايفة حضرتك غيرتي امضائك لرمز تأييد للأخوان

هو حضرتك من الأخوان؟ طب لو كده حسب معرفتي الاخوان مع المعتصمين و مطالبهم و لا لحضرتك رأي مخالف؟

[Simba]

http://www.youtube.com/watch?v=X8a6gAmCNFg

[م تيمور المراغي]

صباح الخير والحريه عليكم جميعا ,,

مرت الآن عشرة ايام كامل على الثوره ,, و كانت فيها مثالا حضاريا و انسانيا رائعا يحتذى به من كل الشعوب المتشوقه للحريه في العالم والاخرى التي نالتها بالفعل والتي تقف منها موقف الاحترام والاعجاب والتقدير ,,

بدأناها سلميه

وسنبقيها سلميه ان شاء الله

وان كانت بعض الاعصاب الثائره لرؤية اجساد الشهداء - وهي تسحق وتدهس بدم بارد - قد انفعلت و نادت بالقصاص او الثأر فليس معنى ذلك تغيير مبدأ الثوره من سلميه الى دمويه ,,

لكنها في الحين ذاته قد اشعلت النار في قلوب الثوار للصمود على مبدأهم ولو تقطعت ودهست اجسادهم فردا وراء فرد ,,

فما اهون الحياه في عيوننا الآن ,, وما اهونكم يا حاشية السلطان وما اصغركم وما احقركم امام الناس وامام الله ,,

الشاهد ,, قد استقر ضمير الثوره على ما يلي ,,

- بدأناها سلميه ,, وسنبقيها سلميه سلميه حتى النصر

- لن نهدأ او نتوقف او ننسحب من مواقعنا حتى يتنحى مبارك عن الحكم ويسلم السلطه الى نا ئبه اللواء عمر سليمان او الى الجيش المصري العظيم ,,

- لن ترهبنا سيوف البلطجيه او تثنينا عن مواقفنا ,, ولن تستفزنا ايضا للانتقال الى اي مواجهة مسلحه معهم رغم قوتنا ,, بل سنستمر احرارا عزلا من السلاح ,, وسلاحنا فقط هو حب الله وحب مصر وحب المصريين ,,

ونقول دائما ,,

بسم الله ,, و تحيا مصر ,, وعاشت الثوره

أستاذ / architect

أنا شايف أنك صدقت أنك من المشتركين فى الثورة ، أو انك تحاول أنك توهمنا أنك ربما تكون أحد قادة الثورة ،

الحقيقة يا أخى أنك مثلك مثل كل من يكتبون من خارج الحدث ، يعنى مناضل ثورى كيبوردى ،

فياريت بلاش تقص شخصية الزعامة لمجرد انك عضو فى جروب او جروبات على الفيس بوك ، لان الكثيرين هنا اعضاء فاعلين على الفيس بوك ايضا ،

بلاش صيغة احنا وحنعمل وحنسوى ، بدلا من ذلك قل سيفعل الشباب او شباب الثورة ، والتى تغيرت من ثورة شباب لثورة عامة تضم كافة اطياف المصريين من كافة الأعمار ، ولا أظن أن جروب 25 يناير قد بلغ الـ 20 مليون الذين شارك منهم بالفعل 8 او 9 مليون فى وقفة يوم الثلاثاء الماضى واكثر من ضعفهم من اهلهم فى البيوت يحرسونها.

أما أن تعتبر نفسك زعيما لمجرد أنك تتوقع ان اسمك خلاص بقى مرصود من أمن الدولة فاسمح لى انت مش الخومينى

فياريت بلاش شغل الزعامة الكيبوردية علشان دى بتستفز ناس كثيرين مشتركين بالفعل ويعيشون الحدث على أرض الواقع هناك ، فى مصر ، وليس فى ارض النفط او اوروبا او امريكا.

أنا لا أتحدث عن هذه المداخلة بالذات ، ولكننى اتخذتها كمثال فقط ، وأذكرك بأوائل مداخلاتك التى قلت فيها :

ده كرسي جامد اوي في الكلوب يا عنبي

آه يا عيني

اسمحلي اختلف معاك لانك عارف ان المغتربين اكثر انتماءا من اللي في مصر و لا يقلون عنهم تضحيه ورجوله

اللي بيكتب حرف فيهم بيهاجم فيه النظام عارف ومتاكد ان كلامه حيوصل لامن الدوله قبل اي حد تاني ورغم كده بيقول رأيه وبيهاجم النظام وامره على لله

ياريتنا كنا في مصر دلوقتي عشان نشترك في يوم الثوره 25 يناير زي ما اشتركنا في كل المظاهرات من 1990 ايام غزو الكويت لحد وقفات كفايه وشباب 6 ابريل على سلم نقابة الصحفيين

مواجهة الظلم والمنكر تكون على ثلاثة مراتب يا عنبوش ,,

الاولى باليد ونحن عاجزون عنها الان لظروف الغربه

الثانيه باللسان وده اللي بنقوم بيه ,,

الثالثه بالقلب وهي اضعفهم على الاطلاق ,,

و هي للاسف الدرجه اللي بتطالبنا دلوقتي اننا نهبط اليها ,,

حبيب البي انا مخدتش بالي والله العظيم من المشاركه دي غير دلوقتي ,,

لا يا سيدي انا مش من زعماء الثوره ولا حاجه لكني على اتصال مباشر بقادة حركة 6 ابريل وانفذ المطلوب مني لدعم فكرة الحريه والثوره بكل اخلاص

انا قلت الكلام ده في اول مشاركاتي لما فتحت التوبيك ده ولما اغلبكم وانت منهم كنتم تتبرؤون منها ومن روادها وتصفونا بالخياليين والحالمين ,,

الان انت تدخل بكل ثقه بعد ان اتت اوكلها وتقول لي انت لست من المشاركين ولا الاولين

طيب بالله العظيم استحلفك بالله لو كان لا قدر الله حصلت مجازر للشباب الجميل ده ماذا كنت انت نفسك ستقول لي

كنت ستقول منك لله منك لله زي *** التانيين اللي كانوا عمالين يقولوا ها كل خمس دقايق

صحيح هما فين دلوقتي بعد الصوره الجميله اللي شفناها النهارده !!

طبعا زعلانين كلكم ان الثوره نجحت يا خساره كنا حنقول لتيمور دم الولاد ده في رقبتك

يعني لو كان الولاد اندبحوا كنت حتكون انت نفسك اول واحد يدخل التوبيك ويقول لي حرام عليك دم الولاد في رقبتك انت مثير الفتنه انت سبب المجزره

لكن لما تنجح فكرة الثوره ونقول لمبارك تشك مات يبقى انت يا تيمور مالكش فيها اي دور ,,

طيب اسالك انت من تعرف من قادة حركة 6 ابريل وهو يخبرك بنفسه عن مهندس تيمور المراغي واسمي لديهم هو اركيتيكت ,,

ش

ولا تبخسوا الناس اشيائهم هيا الغيره وصلت بيكم للحد ده ؟؟

شخصنه مذمومه و عيب والله عليكم المفروض ان سنكم ضعف سني لكن حطين اركتيكت في دماغكم ليه مش عارف

[ذهبية]

انضمام محمد سليم العوا

و صفوت حجازى الى ميدان التحرير

[جويرية]

اقصد ان اهو نص اليوم عدي

ولا بكرة برضو و بعده يقفوا نفس الوقفة دي

ما يروحوا و يطاردوا الفاسدين و الحرامية دول لغاية بيوتهم بدل الوقفة دي

اقصد ان يبقي فيه خطة بديلة للتجمهر في ميدان التحرير

[أحمد سيف]

كنت ستقول منك لله منك لله زي *** التانيين اللي كانوا عمالين يقولوا ها كل خمس دقايق

صحيح هما فين دلوقتي بعد الصوره الجميله اللي شفناها النهارده !!

بيتفرجوا على الفيلم العربي ... ماهي دي أحد حقوق المواطن برضه

ولا انت ضد حقوق الإنسان

[جويرية]

بيقولوا الأسبوع القادم كمان اسبوع الصمود

هوه المظاهرات دي لغاية امتي

من المخططين للمظاهرات دي العقيد عمر عفيفي

يا تري حد عنده معلومات عنه

ولا حيغرقنا كدة و خلاص

السلام عليكم و رحمة الله و بركاته

طب هو زي ما حضرتك حطيتي شعار الاخوان في توقيعك....يبقي حضرتك اختارتي مش كده؟؟؟؟

اللي بيطالب بيه شباب التحرير....هو ان كل واحد يختار مصيره...و يختار اللي هيمثله...و مش من حق ان اي حد انه يمسك السلطة في ايديه و يغرقنا

خلاص مبقاشي من حق حد

حضرتك هتختاري اللي هيمثلك....و انا هختار و كل واحد في مصر هيختار....بس خلاص

بس الخطوة الاو لي بس تبتدي....و يتفضل يمشي اللي احنا مختارنهوش

تحياتي

انا مع المظاهرات مش ضدها

بس شايفة ان لو فيه وسيلة نتقدم بيها ،عشان نحقق مطالبنا و منبقاش واقفين في نفس الخطوة

[طبيبة بالخارج]

http://www.youtube.com/watch?v=X8a6gAmCNFg

راجل بصحيح

[أحمد سيف]

عارف يا أركتكت ... بما إنك على اتصال بقادة الثورة يا ريت تطلب منهم إزالة المشنقة الرمزية الموجودة في ميدان التحرير والتي تظهر في التلفزيون

يمكن تكون رؤية هذه المشنقة أحدى أسباب خشية مبارك من التنحي ... زمانه بيقول الناس هتعلقني بدل كيس المخده لو مشيت.

عايزين نطمنه إن مافيش حاجه من دي هتحصل لو خرج بسلام.

[المهندسه]

ا جماعه معلش انا كنت بره و لسه راجعه ..وسمعت ان المتظاهرن بقولوا ان فى حدث كبير هيحصل انهارده

محدش فى التليفزيون قال ايه هو الحدث او اى حد عنده معلومات

ياترى حدث دموى و لا سلمى؟؟!!!

سلم يارب

[ذهبية]

اقصد ان اهو نص اليوم عدي

ولا بكرة برضو و بعده يقفوا نفس الوقفة دي

ما يروحوا و يطاردوا الفاسدين و الحرامية دول لغاية بيوتهم بدل الوقفة دي

اقصد ان يبقي فيه خطة بديلة للتجمهر في ميدان التحرير

يا جويرة الامن مش هيسمح لاى حد يتحرك من مكانة و بعدين الناس دى لو اتحركت من مكانها هيحصل ما لا يحمد عقباة

عايزاهم يروحوا فين يكسروا اية فى سكتهم

و لا هتبقى حرب عصابات بقى و اللى طايل اى حاجة يعملها

دة بقى اللى يبقى بجد همجية

على الاقل محدش يقدر يقرب لاى حد فيهم لان العامل كلة بيتفرج عليهم

لا كذب و لا خداع و لا تلفيق

الناس دى بتعبر عن رايها بمنتهى السلمية قدام العالم كلة

بمنتهى الحضارية بمنتهى الرقى و يارب يارب يفضل كدة

هيحصل اية بكرة الله اعلم مستعجلة لية

حد كان مصدق ان ممكن يحصل حاجة يوم 25 يناير

احنا بس ندعى لربنا ان يحمى مصر وولادها و شبابها

يااارب امين

[طبيبة بالخارج]

اقصد ان اهو نص اليوم عدي

ولا بكرة برضو و بعده يقفوا نفس الوقفة دي

ما يروحوا و يطاردوا الفاسدين و الحرامية دول لغاية بيوتهم بدل الوقفة دي

اقصد ان يبقي فيه خطة بديلة للتجمهر في ميدان التحرير

لأ رأيي ان تجمعهم دلوقتي أفضل لأنهم لو تفرقوا في مظاهرات حتكون فرصة للإعلام المضاد انه يشتغل كدب و يقولوا خلاص خلصت والناس روحت ده غير انهم عايزنها تفضل سلمية يعني بدون تعرض لأحد ده غير انهم قالوا عشرين الف مرة مطلبهم الوحيد دلوقتي هو تنحي مبارك عن الحكم فبلاش الدخول دلوقتي في امور جانبية و التركيز مهم دلوقتي

[جويرية]

ا جماعه معلش انا كنت بره و لسه راجعه ..وسمعت ان المتظاهرن بقولوا ان فى حدث كبير هيحصل انهارده

محدش فى التليفزيون قال ايه هو الحدث او اى حد عنده معلومات

ياترى حدث دموى و لا سلمى؟؟!!!

سلم يارب

ما كل الناس بتقول ان من مصدر مجهول حيحصل حاجة النهاردة

يا رب عجل نصرك

[ذهبية]

عارف يا أركتكت ... بما إنك على اتصال بقادة الثورة يا ريت تطلب منهم إزالة المشنقة الرمزية الموجودة في ميدان التحرير والتي تظهر في التلفزيون

يمكن تكون رؤية هذه المشنقة أحدى أسباب خشية مبارك من التنحي ... زمانه بيقول الناس هتعلقني بدل كيس المخده لو مشيت.

عايزين نطمنه إن مافيش حاجه من دي هتحصل لو خرج بسلام.

متفقة مع حضرتك جدا فى الراى الشكل فعلا مش كويس ابدااا و اية الهدف من منظر زى دة

هو اللى يطلب حقة يطلبة بالموت و الاعدام

احنا مش ايران و لا العراق

احنا بنطلب نعبر عن رايا بدون خوف

واللى معاة الحق هو الاقوى

مش بالقتل و لا الترهيب

اذا هما كانوا بيستخدموا معانا نفس الاسلوب فحنا غيرهم لو عملنا زيهم يبقى ضيعنا مصر فى رجلينا

بجد ياريت المشهد دة يروح لان فية قوى برة بتستغل اى حركة بتحصل بلاش نضيع الى بنعملة دة

لان دة هيتقال علية دى حركة من الاخوان و هندخل بقى على الحكم الاسلامى و هندخل فى سكة احنا فى غنى عنها

[م تيمور المراغي]

ا جماعه معلش انا كنت بره و لسه راجعه ..وسمعت ان المتظاهرن بقولوا ان فى حدث كبير هيحصل انهارده

محدش فى التليفزيون قال ايه هو الحدث او اى حد عنده معلومات

ياترى حدث دموى و لا سلمى؟؟!!!

سلم يارب

ما تسمعيش لكلام *** يا مهندسه من امبارح بالليل والاشاعات بيدسها الخونه لفت عضد المتظاهرين ,,

امبارح مثلا قالوا ان اخلاء ميدان التحرير من الصحفيين عشان البلطجيه يستفردوا بالمتظاهرين ولم يحدث شيئ

ثم بعدها ان هناك مجموعه تحمل كرات ناريه ذهبت الى ميدان التحرير و لم يحدث شيئ

ايضا احد كبار الشخصيات ومن اكن له كل الاحترام اتصل بي واقسم انه سيحدث شيئ ما خلال دقائق ولم يحدث شيئ

كلها اشاعت من الخائنين لفض الثوره لانها اول ما ستطول ستطولهم هم ,,

ان شاء الله ,,

[م تيمور المراغي]

عارف يا أركتكت ... بما إنك على اتصال بقادة الثورة يا ريت تطلب منهم إزالة المشنقة الرمزية الموجودة في ميدان التحرير والتي تظهر في التلفزيون

يمكن تكون رؤية هذه المشنقة أحدى أسباب خشية مبارك من التنحي ... زمانه بيقول الناس هتعلقني بدل كيس المخده لو مشيت.

عايزين نطمنه إن مافيش حاجه من دي هتحصل لو خرج بسلام.

انا اتصالي مش بقادة الثوره انا على اتصال بعضو مؤسس لحركة 6 ابريل طلب مني يوم 15 يناير ان اشارك بقلمي معهم وان احمل افكارهم التي يرسلونها الي يوميا واكتبها في هذا الموضوع الذي بين يديكم ,,

ليس معي موبايلات فقط التواصل من خلال الايميل واعتقد اني لو ارسلت الان سيكون هو نفسه في الشارع ولن يصله شيئ ,,

انا معك ان الدميه منظرها مخالف لفكرة الثوره لكن لاتنس ان سيطرة الحركه لا تشمل كل الحركات والاطياف السياسيه الموجوده الان على الساحه

هيا لها بالطبع فضل الرياده لكنها مع مرور الايام انضم لها كل الاطياف السياسيه من اقصى اليمين الى اقصى اليسار

وكلهم مصريون ووطنيون ولكن لكل اسلوبه المختلف والمتباين ,,

[أحمد سيف]

انا اصلا بؤيد تنظيم القاعدة ، بس انا مش لاقية له وجود في مصر

ما تقلقيش يا أخت جويرية هتلاقي منهم كثير في مصر لو لاقدر الله النظام قمع هذه الثورة بالقوة ... وسندخل في دورة جديدة من الإرهاب المسلّح نتيجة الاحتقان والقهر

وهذا مالا أتمناه بالطبع شخصيا

[م تيمور المراغي]

جايبين واحد اسمه محمد رجب على الجزيره بيسالوه عن الملايين فقام قايل دول من الاخوان المسلمين اللي معاهم اجندات اجنبيه

المذيع كبسه وقال له طيب لو هما عملاء من الخارج لماذا طلب عمر سليمان منهم الجلوس معهم لبداية حوار وطني شعبي !!! فمعرفش يرد

اه يا بلد

امتى تنضفي بقى ؟؟

واصحاب العقول هما اللي يمسكوا مصر بدل اصحاب ( العجول ) ,, !!

و كمان لما ساله المذيع عن اتهام الحزب بإرسال بلطجية لضرب المعتصمين بالتحرير

قال: دول ليس لهم علاقة بالحزب .لا أعرف من هم غالبا دول نفس الناس اللي حرقوا البلد قبل كده

يعني هو متأكد من ان الناس في التحرير هم الأخوان لكن لا يعرف مين ضرب المتظاهرين!!! يا رب خلصنا منهم جميعا يا رب

امبارح برضوا عمر سليمان عمال يسال المذيع التختوخ مين اللي حرك الناس دي

نص ساعه المذيع يسال اللوز مين اللي بعتهم يقوم اللوز رادد زي البغبغان مين اللي بعتهم

- مين اللي بعتهم

- مين

مين اللي بعت الناس دول ؟

- مين مين

- مين

- مين !

- مين

- مين مين ؟

هههههههه :happy:

[م تيمور المراغي]

كنت ستقول منك لله منك لله زي *** التانيين اللي كانوا عمالين يقولوا ها كل خمس دقايق

صحيح هما فين دلوقتي بعد الصوره الجميله اللي شفناها النهارده !!

بيتفرجوا على الفيلم العربي ... ماهي دي أحد حقوق المواطن برضه

ولا انت ضد حقوق الإنسان

لا والله انا مش ضد انهم يتفرجوا على التلفزيون او فيلم عربي

بس فعلا حراام كده كل شويه واحد يدخل يخبط كلمتين في اركتيكت ويرتاح نفسيا ويخرج

بعدين بالتليفون يبعت اخوه يعمل نفس العمله

مالكم ومال اركتيكت ؟؟

اذاكم في ايه ؟؟