25 يناير ... موعد المصريين (11)

[fatfouta]

الله يخليكم يا جماعة ممكن حد يكتب لي رابط الجزيرة علي النت الاتنين اللي معايا في الشقة مش عايزين يبدلوا عن الفضائية المصرية ورابط تلفزيون الجزيرة اللي عندي مبقاش يشتغل دلوقتي

اتفضل يا سمبا

http://www.aljazeera.net/channel/livestreaming

[م تيمور المراغي]

طيب بعد النصر ان شاء الله ,,

ممكن بالله نبقى نتجمع كلنا في صلاة كل يوم جمعه في ميدان التحرير ونصلي بالملايين ؟؟ :happy:

[se_ Elsyed]

عاجل من الجزيره النائب العام يامر بمنع رشيد محمد رشيد من السفر و يامر ايضا بتجميد ارصدته فى البنوك

سبحان الله جه بسرعه علشان يمسك رئاسه الوزراء فاذا به من ضمن من ضحوا بهم

و البقيه تاتى

الراجل ده خصوصا من اشرف رجالات البلد ,,

النظام السافل عاوز يعاقبه لانه لم يرضخ ان يكون خروفا مع سائر الخراف ,,

لكن الشعب يعلم من السارق ومن الشريف ,,

انتم اكيد عارفين خلفية رشيد محمد رشيد وانه ساهم في وضع خطة تنمية ماليزيا ,,

كنت فاكر زيك ..

اتاريته طلع هليب كبير ومن بتاع الـ فيفتي فيفتي .. وبالأدلة ... تخيل ؟

[امير مجروح]

الله يخليكم يا جماعة ممكن حد يكتب لي رابط الجزيرة علي النت الاتنين اللي معايا في الشقة مش عايزين يبدلوا عن الفضائية المصرية ورابط تلفزيون الجزيرة اللي عندي مبقاش يشتغل دلوقتي

اتفضل

http://www.tv96.tv/2011/01/aljazeera-mubasher.html

[se_ Elsyed]

الأبنودي على الحياه وشعر جامد ..

بس

كنت فين يا كبير يا بتاع الأوبريتات

[ozoozo]

عاجل : حسام حسن المظاهرات دي محركه من النادي الاهلي عشان الزمالك مايخدش الدوري السنه دي

طبعا بهزر ورغم اني زمالكاوي الا اني احتقرت حسام بعد اللي قاله

[م تيمور المراغي]

عاجل من الجزيره النائب العام يامر بمنع رشيد محمد رشيد من السفر و يامر ايضا بتجميد ارصدته فى البنوك

سبحان الله جه بسرعه علشان يمسك رئاسه الوزراء فاذا به من ضمن من ضحوا بهم

و البقيه تاتى

الراجل ده خصوصا من اشرف رجالات البلد ,,

النظام السافل عاوز يعاقبه لانه لم يرضخ ان يكون خروفا مع سائر الخراف ,,

لكن الشعب يعلم من السارق ومن الشريف ,,

انتم اكيد عارفين خلفية رشيد محمد رشيد وانه ساهم في وضع خطة تنمية ماليزيا ,,

كنت فاكر زيك ..

اتاريته طلع هليب كبير ومن بتاع الـ فيفتي فيفتي .. وبالأدلة ... تخيل ؟

ما يمكن ملفات داسسها عليه الكنترول مانت عارفه تييييييت

انت عارف انه وارث ثروه كبيره عن ابوه وهو خريج جامعات هارفارد و معهد ماساتشوستس للتكنولوجيا

طيب بالعقل كده يا س

الراجل من يومين طلبوا منه يمسك رئيس وزراء فرفض ,,

في ساعتها كده يتقال اه ده طلع حرامي ؟؟؟؟؟

ده اصغر قسم فيكي يا مصر حيقول عليه بلاغ كيدي ,, :happy:

[طبيبة بالخارج]

السلام عليكم ورحمة الله وبركاته

أولاً وأقسم بالله أنا لست تابع لأي حزب ولا واخد فلوس من حد ولا مأجور ولا ليا في السياسة ويادوب بتفرد على مباريات الكورة بالعافية.

ولما كانت المشاركات في هذا الموضوع كثيرة جداً فقمت بقراءة أخر ثلاث صفحات منه فقط .

أنا حابب بس اعلق على الموضوع وياريت محدش يزعل من كلامي .

لقد قمت بالمشاركة في مظاهرة 25 يناير وكذلك جمعة الغضب .. ولكن بعد ذلك تغير الوضع تماماً .. وطبعاً الجميع متابع الأحداث .

الشعب ونحن منهم كنا نطالب في الأول بٌإقالة وزير الداخلية وتعديل دستور وعدالة اجتماعية ومحاربة فساد وبطالة وفقر ، ثم زادت المطالب شوية شوية حتى وصل الطلب الوحيد هو تنحي الرئيس مبارك عن الحكم .

ليه ؟؟ علشان حرامي وعميل وخارب البلد وسارقها ومجوع شعبه وممسك البلد لشوية حرامية ؟؟ كلام سليم .. بس لما ييجي الراجل ويعترف بغلطه .. حتى لو بعد ثلاثين عاماً .. ويصحح أخطائه ويبدأ في الإصلاح بجدية حتى ولو بالخوف من الشعب .. ده مش عيب ولا حرام .. وأهم من كل ده أنه حقق مطالب المتظاهرين وقدم أسباب الفساد للمحاكمة كما رأينا ..طيب إيه الخطوة الجاية ؟؟

الإجابة هيا حاجة من اثنين أعتقد لا ثالث لهما وهما :

أولاً : استمرار مبارك ، وفي هذه الحالة هنعيش أحلى أيام حياتنا مع فترة حكمة الباقية حتى يخرج من الحكم بتاريخ مشرف له ولأنه عرف أيضاً الشعب ممكن يعمل فيه إيه لو لم ينفذ طلباته ، وأعتقد أنه بدأ يظهر هذا علناً .

ثانياً : تنحي مبارك عن السلطة ، وفي هذه الحالة استلمو بقه يا شعب مصر عراقاً أخرى إن لم تكن أسوأ منها ، لأن الكل طبعاً حاطط عينه علينا ، ومصر بالنسبة للجميع منجم ذهب يسيل لعاب الجميع .

فحسني مبارك الذي اتهم من الجميع بأنه عميل لأمريكا .. أمريكا هي أول من طالبه بالتنحي عن الحكم ، ولو كان الراجل عميلاً لهم لكان تلقى الدعم والحماية منهم أول ناس ، وطلع بردو الاتحاد الأوروبي بالكامل تقريباً يطالبه بالتنحي .. ليه كل ده ..ياترى علشان الشعب المصري ؟؟؟؟؟؟؟؟؟ ولا علشان ينال نصيب من الغنيمة ، لو نتذكر لفترة لسيت بعيدة ما حدث لصدام حسين قبل حرب الخليج وخروج الجميع يطالبه بتسليم النووري الذي يملكة ، وكانت نهايته ونهاية العراق على يد السيد البرادعي الذي كان يعلم يقيناً بعدم وجود أسلحة نووية بالعراق ، وقامت أمريكا باستخدامه في العراق ليكون شخص عربي سبب لضرب العرب أيضاً [ على فكرة .. متهيألي الجميع يعلم أن أمريكا لم تجد نووي بالعراق في الحرب ولا بعد الحرب ] ، ويأتي الآن ليعيش دور المنقذ للشعب المصري ، مع العلم أنه يشغل الآن منصب مستشار للرئيس الأمريكي أوباما .. لكن للأسف الشعب المصري شعب عاطفي وأغلب من الغلب .. وبيمشي دايماً مع الرايجة .

وليعلم الجميع أن من بدأ يحكم عقله شوية بعد اعترافات مجموعة منهم بالمبالغ التي تسلموها ليقومو بمهمة المظاهرات ، أو بعد أن رأن البعض منهم أن أمره بدأ ينكشف على الملأ .. وطبعاً الاعترافات دي حقيقية وليست تمثيلية لأن المخرج البارع [ حبيب العادلي ] الآن قيد المحاكمة ومفيش حد فاضي دلوقتي يعمل تمثيليات - بدأ مجموعة بالانسحاب يوم أمس الخميس ، وعلى فكرة حاجة شفتها بنفسي وأنا في ميدان التحرير ولم تحكى لي .. الناس المطالبة بالتنحي الموجودين في ميدان التحرير كل فرد منهم بياخد في اليوم من خمسين إلى 100 دولار يومياً وبطانية ووجبة كنتاكي وعصير ومياة معدنية وعلبة سجاير وسجارة حشيش أو بانجو وحباية ترامادول [ رأيتها بعيني وقبل أن يشكك أي حد في كلامي يسأل الأول أي حد راجع من مظاهرات التحرير ويسأله ] .

لما بدأت الناس دي يتفضح أمرهم شوية شوية بدأو يطلبو تأمين خروجهم من التحرير ، فبعضهم تمكن من الخروج والباقي تقريباً عرفو إن دخول الحمام مش زي خروجه .

يا جماعة وياشباب متحمس .. لقد قام الرئيس بتنفيذ جميع طلباتنا .. نستنى عليه شوية لغاية لما ينفذها أو يثبت عكس ذلك ، ولازم نعرف كويس أوي أن مبارك حتى لو كان باع شعبو قبل ذلك ، بس لسة مبعش مصر وإلا كان خرج زي بتاع تونس ، أول حاجة يجب أن يتوقعها الجميع عند خروج مبارك هو احتلال سينا لتكون موطن للفلسطينيين وتفريغ فلسطين لليهود ، وسوف يكون ذلك بمبادرة مبكرة من قطر التي تحلم دوماً أخذ مكانة مصر بين الدول العربية والعالم وهي الآن الابن المدلل لأمريكا بعد اسرائيل .

ساعتها ولا هتنفع حل مشكلة بطالة ولا مساواة اجتماعية ولا غيرو ولا غيرو .. ومن قرأ منكم أو سمع عن بروتوكول صهيون يمكن يعرف صحة كلامي .. والحرب القادمة هي حرب المياة [ من الفرات إلى النيل ] وطبعاً الفرات تحقق وباقي لهم النيل .

يا ناس وياشباب .. اتقو الله في مصر وحكمو عقلكم ولو للحظة واحدة .. وليعلم الجميع علم اليقين أن مبارك له ثقله وجميع الرؤساء من كبيرهم إلى صغيرهم بيعملوا مليون حساب .. ولو وقعت مصر انتظرو وقوع جميع الدول العربية ورائها .

ملاحظة بسيطة :

واضح أن فيه ناس كثير قامو بالتسجيل في هذا المنتدى من أجل هذا الغرض فقط لأن أسمائهم ظهرت في المشاركات حديثاً .

مع احترامي الشديد لحرية تفكير حضرتك و لكلامك

بس الناس خرجت بطلب اساسي يوم 25 يناير و هو الشعب يريد اسقاط النظام (مش الحكومة النظام كله و طبعا ده معناه مبارك كمان)

مسألة ان الناس اخذت فلوس في التحرير و اكل و مخدرات مش شايف حضرتك ان ده كلام مبالغ كتير قوي لأن احنا متأكدين من وجود اخوان و رجال محترمين مثل عمرو موسى مثلا فهل لو كان ما تقوله صحيح هل كانوا اشتركوا في التحرير معاهم؟

يظهر حضرتك لم تر و تسمع صلاة الجمعة اليوم من ميدان التحرير منقول مباشر على الجزيرة و ما قيل في الخطبة

كلام حضرتك تناقلته القنوات المصرية المعروف كذبها

[Simba]

الأبنودي على الحياه وشعر جامد ..

بس

كنت فين يا كبير يا بتاع الأوبريتات

حرام يا شاعر

والله حرام

[se_ Elsyed]

ليه بأتكلم مع صديق لي - هو عضو لكن ليس نشطاً بما فيه الكفايه - إبن كار برضوا بيشتغل في الأي تي .. بيقولوا لي من كام يوم إنهم شركة أجنبية في مجال السوفتوير ... جم بيفتحوا فرع في مصر .. لسه قريب قريب قوي ... نط لهم الوزير الشريف رشيد محمد رشيد - كنت فاكره كده - قال لهم .... فيفتي فيفتي يا خواجه .. وإلا ما في شغل خبيبي

ووافقوا وفتحوا الشركة اللي فيها معالي الوزير شريط بالنص

[aimen]

معلش يا جماعه محتجين مصدر تانى غير شبكه رصد دى لان بصراحه معظم اخبارها مش صحيحه و فيها مبالغه

مدام مغتربة

خلى بالك هناك صفحيتن لشبكة رصد واحدة منهم مخترقة اصلا

اللى شغالة هى

http://www.facebook.com/RNN.News2

انما الثانية مضروبة اصلا

[wsadani]

هيتنحى مش هيتنحى هيتنحى مش هيتنحى

[م تيمور المراغي]

لو بس البلطجيه ييجوا دلوقتي

اااااخ

ونبقى خلصنا خلاص ,, :happy:

[Simba]

يا جماعة في التلفزيون المصري

بيقولوا الشباب كسروا كاميرات التلفزيون المصري وشاشات عرضهم

يا لهوي

[عبير يونس]

الله أكبر الله أكبر الله أكبر

الله أكبر ممن نخاف و نحذر

نعوذ بالله الممسك السموات السبع أن يقعن على الأرض الا بإذنه من شر عبدك حسني مبارك و جنوده وأتباعه و أشياعه من الإنس والجن

اللهم كن لنا جارا من شرهم

جل ثناؤك وعز جارك و تبارك أسمك و لا إله غيرك

[tarek hassan]

مبارك أهان الهيئة العسكرية التي يتبعها

تقبل كل الرفض لشخصة

وكل الشتائم التي وجهت إليه

وكل الأوصاف البذيئة التي وصف بها

وتعامل بتناحه وبرود وجبلنه وقعد في الحكم مع إنه سقط سقط بكل اللغات

أطالب الجيش بأن يحاسبه

[طبيبة بالخارج]

لو بس البلطجيه ييجوا دلوقتي

اااااخ

ونبقى خلصنا خلاص ,, :happy:

لأ بلاش ارجوك الواحد قلبه واكله على كل من في الميدان ربنا يحميهم جميعا

[م تيمور المراغي]

هيتنحى مش هيتنحى هيتنحى مش هيتنحى

كفايه ذله ان ميدان التحرير اكبر ميدان في مصر والذي تقاس منه جغرافيا كل المسافات سواءا الخاصة بالقاهره او الخاصة بمصر نفسها قد تمت السيطره عليه من قبل المصريين ,,

وهو بكل بلطجيته مش قادر عليهم ,,

[aimen]

الله يخليكم يا جماعة ممكن حد يكتب لي رابط الجزيرة علي النت الاتنين اللي معايا في الشقة مش عايزين يبدلوا عن الفضائية المصرية ورابط تلفزيون الجزيرة اللي عندي مبقاش يشتغل دلوقتي

عمى سمبا

الرابط ده به قناة الجزيرة والجزيرة مباشر والقنوات الرياضية والعربية وقناة france 24 وكمان BBC وشوية قنوات تانية

http://www.tv96.tv/2009/06/aljazeera-live.html

[se_ Elsyed]

طيب بالعقل كده يا س

الراجل من يومين طلبوا منه يمسك رئيس وزراء فرفض ,,

في ساعتها كده يتقال اه ده طلع حرامي ؟؟؟؟؟

ده اصغر قسم فيكي يا مصر حيقول عليه بلاغ كيدي ,, :happy:

أنا نقلت لك الكلام بالحرف

ويثبت إنه مش شريك بـ 50 %

ودي شركة صغيرة لسه بادئه .. ما بالك بالمستخبي