25 يناير ... موعد المصريين (11)

[عنبو]

بقلب على قناة البى بى سى

لقيتهم جايبن ناس اجانب وشكلهم غريب

وبيقولوا لازم يمشى ؟

مين الناس دى ؟

تحياتى

عنبو

تم تعديل 4 فبراير 2011 بواسطة عنبو

[fatfouta]

5:55 رشيد محمد رشيد للعربية: سافرت لمنتدى دافوس بعلم الحكومة وعدت منه بسبب الأحداث ولم اوافق على الوزارة بالحكومة الجديدة

R.N.N | شبكة رصد عاجل || رشيد مندهش من امنعه من السفر ويقول إنه عُرٍض عليه الوزارة.. ولا يعرف تهمته ومستعد لمواجهة أي حد

[wsadani]

أحى الرئيس مبارك على برودة

صراحة مفيش أبرد من كده

عندى سؤال أحمد زويل فين

[عبير يونس]

الله أكبر الله أكبر الله أكبر

الله أكبر ممن نخاف و نحذر

نعوذ بالله الممسك السموات السبع أن يقعن على الأرض الا بإذنه من شر عبدك حسني مبارك و جنوده وأتباعه و أشياعه من الإنس والجن

اللهم كن لنا جارا من شرهم

جل ثناؤك وعز جارك و تبارك أسمك و لا إله غيرك

[MOOOM]

السلام عليكم ورحمة الله وبركاته

أولاً وأقسم بالله أنا لست تابع لأي حزب ولا واخد فلوس من حد ولا مأجور ولا ليا في السياسة ويادوب بتفرد على مباريات الكورة بالعافية.

ولما كانت المشاركات في هذا الموضوع كثيرة جداً فقمت بقراءة أخر ثلاث صفحات منه فقط .

أنا حابب بس اعلق على الموضوع وياريت محدش يزعل من كلامي .

لقد قمت بالمشاركة في مظاهرة 25 يناير وكذلك جمعة الغضب .. ولكن بعد ذلك تغير الوضع تماماً .. وطبعاً الجميع متابع الأحداث .

الشعب ونحن منهم كنا نطالب في الأول بٌإقالة وزير الداخلية وتعديل دستور وعدالة اجتماعية ومحاربة فساد وبطالة وفقر ، ثم زادت المطالب شوية شوية حتى وصل الطلب الوحيد هو تنحي الرئيس مبارك عن الحكم .

ليه ؟؟ علشان حرامي وعميل وخارب البلد وسارقها ومجوع شعبه وممسك البلد لشوية حرامية ؟؟ كلام سليم .. بس لما ييجي الراجل ويعترف بغلطه .. حتى لو بعد ثلاثين عاماً .. ويصحح أخطائه ويبدأ في الإصلاح بجدية حتى ولو بالخوف من الشعب .. ده مش عيب ولا حرام .. وأهم من كل ده أنه حقق مطالب المتظاهرين وقدم أسباب الفساد للمحاكمة كما رأينا ..طيب إيه الخطوة الجاية ؟؟

الإجابة هيا حاجة من اثنين أعتقد لا ثالث لهما وهما :

أولاً : استمرار مبارك ، وفي هذه الحالة هنعيش أحلى أيام حياتنا مع فترة حكمة الباقية حتى يخرج من الحكم بتاريخ مشرف له ولأنه عرف أيضاً الشعب ممكن يعمل فيه إيه لو لم ينفذ طلباته ، وأعتقد أنه بدأ يظهر هذا علناً .

ثانياً : تنحي مبارك عن السلطة ، وفي هذه الحالة استلمو بقه يا شعب مصر عراقاً أخرى إن لم تكن أسوأ منها ، لأن الكل طبعاً حاطط عينه علينا ، ومصر بالنسبة للجميع منجم ذهب يسيل لعاب الجميع .

فحسني مبارك الذي اتهم من الجميع بأنه عميل لأمريكا .. أمريكا هي أول من طالبه بالتنحي عن الحكم ، ولو كان الراجل عميلاً لهم لكان تلقى الدعم والحماية منهم أول ناس ، وطلع بردو الاتحاد الأوروبي بالكامل تقريباً يطالبه بالتنحي .. ليه كل ده ..ياترى علشان الشعب المصري ؟؟؟؟؟؟؟؟؟ ولا علشان ينال نصيب من الغنيمة ، لو نتذكر لفترة لسيت بعيدة ما حدث لصدام حسين قبل حرب الخليج وخروج الجميع يطالبه بتسليم النووري الذي يملكة ، وكانت نهايته ونهاية العراق على يد السيد البرادعي الذي كان يعلم يقيناً بعدم وجود أسلحة نووية بالعراق ، وقامت أمريكا باستخدامه في العراق ليكون شخص عربي سبب لضرب العرب أيضاً [ على فكرة .. متهيألي الجميع يعلم أن أمريكا لم تجد نووي بالعراق في الحرب ولا بعد الحرب ] ، ويأتي الآن ليعيش دور المنقذ للشعب المصري ، مع العلم أنه يشغل الآن منصب مستشار للرئيس الأمريكي أوباما .. لكن للأسف الشعب المصري شعب عاطفي وأغلب من الغلب .. وبيمشي دايماً مع الرايجة .

وليعلم الجميع أن من بدأ يحكم عقله شوية بعد اعترافات مجموعة منهم بالمبالغ التي تسلموها ليقومو بمهمة المظاهرات ، أو بعد أن رأن البعض منهم أن أمره بدأ ينكشف على الملأ .. وطبعاً الاعترافات دي حقيقية وليست تمثيلية لأن المخرج البارع [ حبيب العادلي ] الآن قيد المحاكمة ومفيش حد فاضي دلوقتي يعمل تمثيليات - بدأ مجموعة بالانسحاب يوم أمس الخميس ، وعلى فكرة حاجة شفتها بنفسي وأنا في ميدان التحرير ولم تحكى لي .. الناس المطالبة بالتنحي الموجودين في ميدان التحرير كل فرد منهم بياخد في اليوم من خمسين إلى 100 دولار يومياً وبطانية ووجبة كنتاكي وعصير ومياة معدنية وعلبة سجاير وسجارة حشيش أو بانجو وحباية ترامادول [ رأيتها بعيني وقبل أن يشكك أي حد في كلامي يسأل الأول أي حد راجع من مظاهرات التحرير ويسأله ] .

لما بدأت الناس دي يتفضح أمرهم شوية شوية بدأو يطلبو تأمين خروجهم من التحرير ، فبعضهم تمكن من الخروج والباقي تقريباً عرفو إن دخول الحمام مش زي خروجه .

يا جماعة وياشباب متحمس .. لقد قام الرئيس بتنفيذ جميع طلباتنا .. نستنى عليه شوية لغاية لما ينفذها أو يثبت عكس ذلك ، ولازم نعرف كويس أوي أن مبارك حتى لو كان باع شعبو قبل ذلك ، بس لسة مبعش مصر وإلا كان خرج زي بتاع تونس ، أول حاجة يجب أن يتوقعها الجميع عند خروج مبارك هو احتلال سينا لتكون موطن للفلسطينيين وتفريغ فلسطين لليهود ، وسوف يكون ذلك بمبادرة مبكرة من قطر التي تحلم دوماً أخذ مكانة مصر بين الدول العربية والعالم وهي الآن الابن المدلل لأمريكا بعد اسرائيل .

ساعتها ولا هتنفع حل مشكلة بطالة ولا مساواة اجتماعية ولا غيرو ولا غيرو .. ومن قرأ منكم أو سمع عن بروتوكول صهيون يمكن يعرف صحة كلامي .. والحرب القادمة هي حرب المياة [ من الفرات إلى النيل ] وطبعاً الفرات تحقق وباقي لهم النيل .

يا ناس وياشباب .. اتقو الله في مصر وحكمو عقلكم ولو للحظة واحدة .. وليعلم الجميع علم اليقين أن مبارك له ثقله وجميع الرؤساء من كبيرهم إلى صغيرهم بيعملوا مليون حساب .. ولو وقعت مصر انتظرو وقوع جميع الدول العربية ورائها .

ملاحظة بسيطة :

واضح أن فيه ناس كثير قامو بالتسجيل في هذا المنتدى من أجل هذا الغرض فقط لأن أسمائهم ظهرت في المشاركات حديثاً .

مع احترامي الشديد لحرية تفكير حضرتك و لكلامك

بس الناس خرجت بطلب اساسي يوم 25 يناير و هو الشعب يريد اسقاط النظام (مش الحكومة النظام كله و طبعا ده معناه مبارك كمان)

مسألة ان الناس اخذت فلوس في التحرير و اكل و مخدرات مش شايف حضرتك ان ده كلام مبالغ كتير قوي لأن احنا متأكدين من وجود اخوان و رجال محترمين مثل عمرو موسى مثلا فهل لو كان ما تقوله صحيح هل كانوا اشتركوا في التحرير معاهم؟

يظهر حضرتك لم تر و تسمع صلاة الجمعة اليوم من ميدان التحرير منقول مباشر على الجزيرة و ما قيل في الخطبة

كلام حضرتك تناقلته القنوات المصرية المعروف كذبها

سيدتيالفاضلة .. عمرو موسى وغيرة من الرجال المحترمين لسة خارجين النهاردة [ يوم الجمعة ] لكن أنا كلامي على الناس يوم الأربعاء والخميس .. وأنا ذكرت أنني كنت مع مظاهرات يوم الجمعة الماضية ولم يكن هناك شيء من هذا .. لكن عندما خرج مبارك بخطابة الثاني .. ناس كثير فهمت ورجعت بيوتها .

وقسماً بالله أنني رأيت ما ذكرته بعيني وليس كلام مقتبس من وسائل الإعلام أو التلفزيون

[fatfouta]

موقع الدستور الاصلي اجمالى عدد المتظاهرين فى الاسكندرية يتجاوز المليون شخص فى مظاهرات تحتشد فى ميدان مسجد القائد ابراهيم بمحطة الرمل وسيدى جابر وميدان الساعة وميدان المنشية وميادين أخرى والاعداد مرشحة للزيادة والمتظاهرين يدرسون الاعتصام المفتوح

[Simba]

الله يخليكم يا جماعة ممكن حد يكتب لي رابط الجزيرة علي النت الاتنين اللي معايا في الشقة مش عايزين يبدلوا عن الفضائية المصرية ورابط تلفزيون الجزيرة اللي عندي مبقاش يشتغل دلوقتي

عمى سمبا

الرابط ده به قناة الجزيرة والجزيرة مباشر والقنوات الرياضية والعربية وقناة france 24 وكمان BBC وشوية قنوات تانية

http://www.tv96.tv/2009/06/aljazeera-live.html

يا اخي انت دايما مدلعني كده :)

[se_ Elsyed]

عندى سؤال أحمد زويل فين

احمد زويل وراه مسئوليات وهو المستشار العلمي للرئيس أوباما

[م تيمور المراغي]

لو بس البلطجيه ييجوا دلوقتي

اااااخ

ونبقى خلصنا خلاص ,, :happy:

لأ بلاش ارجوك الواحد قلبه واكله على كل من في الميدان ربنا يحميهم جميعا

والله كان الثوار مستعدين لهم بالحديد والدروع واغطية للراس

وكانت خطة الالتفاف جاهزه ومن عدة محاور لخداعهم بالانسحاب المدروس لاستدراجهم حتى منتصف الميدان ثم مباغتت طليعتهم من الاجناب والخلف وفصلهم تماما عن بقيتهم والانقضاض عليهم لاعتقالهم وتنفذ الخطه عدة مرات ,,

لكن للاسف هرب البلطجيه من وجه الثوار ,,

[م تيمور المراغي]

موقع الدستور الاصلي اجمالى عدد المتظاهرين فى الاسكندرية يتجاوز المليون شخص فى مظاهرات تحتشد فى ميدان مسجد القائد ابراهيم بمحطة الرمل وسيدى جابر وميدان الساعة وميدان المنشية وميادين أخرى والاعداد مرشحة للزيادة والمتظاهرين يدرسون الاعتصام المفتوح

الله على رجالة اسكندريه الجدعان ,,

[عنبو]

متردوا عليا يا جماعه

قانة البى بى سى دى ايه ظروفها ؟

كانوا جايبن ناس اجانب وحاجه تقرف يعنى ؟

وعيل اسود كده بيتكلم انجليزى

[se_ Elsyed]

فحسني مبارك الذي اتهم من الجميع بأنه عميل لأمريكا .. أمريكا هي أول من طالبه بالتنحي عن الحكم ، ولو كان الراجل عميلاً لهم لكان تلقى الدعم والحماية منهم أول ناس ، وطلع بردو الاتحاد الأوروبي بالكامل تقريباً يطالبه بالتنحي .. ليه كل ده ..ياترى علشان الشعب المصري ؟؟؟؟؟؟؟؟؟

أمريكا وأوربا ليسا لديهما صديق ولكن لهما مصالح

بن علي كان حبيبهم وروح قلبهم وفرنسي الهوى والهويه... وأول ما سقط .. تبراوا منه وفرنسا رفضت إستقبال طائرته .. وأمريكا لغت تأشيرته وتأشيرة اي حد من عائلته ... وكندا سلمت أخو مراته بلحسن الطرابلسي

شاه إيران ... كان يكاد يكون امريكي ... وبرضوا رموه في الزبالة لما كرته إتحرق

ضياء الحق الباكستاني ... مالوش حل .. أمريكي أمريكي وتقفيل أمريكي ... أول ما كرته إتحرق حطوا له قنبلة في طيارته وشقلطوه ..

صدام حسين في وقت من الأوقات كان بيلقى كل الدعم لمحارية إيران ..

مين تاني ؟

طالبان والمجاهدين الأفغان ... حبيبي وإبن حبيبي والبيت الأبيض كان مفتوح لهم 24 ساعة وأسلحة للصبح لهم طالما بيحاربوا السوفييت

شوفت بقى مين هي أمريكا وأوروبا ؟

[aimen]

مصطفى الجندى

بيعزف سمفونية فى حب مصر على قناة الجزيرة

[المهندسه]

فى واحد على المحور اتصل دلوقت و بيقول تفاصيل ...من الاخر بيقول ان كل الحرايق كان السبب فيه الاخوان ؟؟؟!!!

انا ما بقتش عارفه مين مع مين و ايه وفين؟؟؟!!!

حد يتفرج و يقوللى اى حاجه

[se_ Elsyed]

الفضائية المصرية : حوالي 35 واحد بالظبط في مظاهرة لتأييد مبارك

رشيد محمد رشيد على التليفون : من خارج مصر بيقول انا عملت إيه وأنا راجع ومش خايف من اي تهمة ... وعرضوا عليه الوزارة ورفضت ...

[fatfouta]

من تويتر -انا شفت بعيني الشباب بيلفوا ماشين بمكرفون يقولوا لقينا موبايل شكله كزا ورجع لصاحبه -من ارقى المظاهرات اللي شفتها بحياتي

[hyyyr]

المحور دي قناة زبالة

جايبين كذب وحاجة تقرف

واحد عمال يقول اللي في التحرير دول بتوع القاعدة

وبيقولوا الجهاد واقامة دولة اسلامية في الخطبة

وان اللي جوة التحرير هم اللي بيضربوا ومش عايزين حد يخرج من الميدان

وكل اللي عايز يخرج بيمنعوة

شوفتوا الكذب

[se_ Elsyed]

فى واحد على المحور اتصل دلوقت و بيقول تفاصيل ...من الاخر بيقول ان كل الحرايق كان السبب فيه الاخوان ؟؟؟!!!

انا ما بقتش عارفه مين مع مين و ايه وفين؟؟؟!!!

حد يتفرج و يقوللى اى حاجه

بالعقل يا أم ليلى .. واحد شايل اجنده .. هايشيل جركن بنزين إزاي ؟

طب ومش وهو بيولع في الدنيا مش ممكن الأجندة تتحرق وتحرقه ..

خلي بالك الأجندات بتبقى ورق وممكن تتحرق بسهولة

ما ينفعش يا ست الكل

اللي خلى اللي هجموا على مجمع التحرير هم حركة حماس بقيادة إسماعيل هنيه وخالد مشعل .. مش هايبقى اللي حرق مصر هما الاخوان ؟

[Simba]

متردوا عليا يا جماعه

قانة البى بى سى دى ايه ظروفها ؟

كانوا جايبن ناس اجانب وحاجه تقرف يعنى ؟

وعيل اسود كده بيتكلم انجليزى

يمكن دول بتوع الاتحاد الاوربي

علي رويترز كنت سامع انهم هيقولوا بيان بعد شوية

[مسافر]

انا حاسس ان مبارك

حيطلع بالليل كعادته

وحيريح المصريين بالخبر السار