25 يناير ... موعد المصريين (11)

[اغابي]

الفاضل maramero

نازل في العبد الله تقييم سيىء تقييم سيىء، طيب أنت مش مكسوف من نفسك لما تكون الوحيد الله بتديني تقييم سيىء. هاقول ايه بس. تطيب أحبوا أعداءكم ازاي وانت نازل في تقييم سيىء. طيب أنا قلت أيه غلط؟ برضه موقفك دا مش هيخلني انسي الأبطال الأقباط التي مسمعوش كلام بابا الأقباط و نزلوا يواجه الموت زي الأسود.

حتي أنت يا أغابي، ربنا يسامحك. مش عاملك بنفس معاملتك و اعطيك نقييم سيىء، لأنك فعلا عضوة محترمة و بحترم اختلافي معاكي في الرأي.

لما اتكلم باسلوب غير لائق عن رمز ديني عندك وكمان فى وقت مش مناسب - من حقك يا استاذى الفاضل تديني 100 سالب و سالب

لازم يا استاذ KLMO

اه ياربي - اه ياربي

مع انى المفروض انى ما الفتش انتباهك لحاجة زى كدا bsh:) - المفروض يعنى - من نفسك تاخد بالك منها

اننا فى موقف زى الزفت وبلدنا بتضيع من بين ايدينا وشبابنا فى ساحة حرب بيموت - كلنا فى محنة بنطلب من ربنا يخرجنا منها على خير

ولا علشان انت عايش فى امريكا - فمش هامك مصلحة مصر

- مش وقت استعراض كلام عن المسيحي والمسلم والقصص اللى بنقنق فيها لما بنكون فاضيين على المنتدى

كمان يا استاذى

انا مش حابة ابدا اغير مسار الموضوع الاصلى للبشمهندس تيمور لانه بقى موضوعنا كلنا

واقلبه بقى عن البابا والشيخ وقالو وقولنا والكلام بتاع الناس المتعصبة اللى زى سيادتك كدا - عارف ليه

لان مش وقته الكلام داه خالص - الارواح بتزهق

وانت بتتكلم فى امور مش وقتها

ازيك بقى

تم تعديل 4 فبراير 2011 بواسطة Salwa

[fatfouta]

اهدوا شوية استنوا اقولكم نكته

معمر القذافى فى اعقاب اللى بيحصل فى مصر

بيقول للتليفزيون الليبى....المرأة لازم تاخد حقها فى المجتمع سواء كانت ذكر ام انثى

[hyyyr]

انا عندي فكرة يا جماعة قوموا اتوضوا وصلوا ركعتين

وادعوا لمصر بالخير وربنا يرحمنا برحمته

ادعوا لمصر مسلميين ومسيحين مصر بتاعتنا كلنا خلونا نكبر علي الحاجات الصغيرة دي

يا رب احمينا واحفظنا وانجد ولادنا وابانا

للاسف لا نملك الا الدعاء

لكن بلاش نستهتر بالدعاء ربنا فوق الكل يا رب

الله اكبر

الله اكبر

اكبر من مبارك ومن كل حاجه ارحمنا يا رب

ارحمنا يا رب

ارحمنا يا رب

[الســـاري]

.. نحن من يقف على الحياد .. ندعوالاخوة من كل الاطراف لتحكيم العقل في محاوراتهم

ونرجوهم البعد عن التشنجات او التقييمات السلبية لمجرد عرض وجهة النظر ..

نحن نتعلم منكم .. فكما قدمتم نماذج رائعة في المطالبة بالحقوق واثبتم للعالم القدرة الرائعة للشاب المصري على التغيير واريتم العالم نماذج مشرفة في الشباب الذي يغسلون الطرق ويسعفون الجرحى ويقومون بالحراسات

وكما قدمتم في هذا التوبيك ايضا نماذج مشرفة في عرض وجهات النظر و متابعة الاخبار ورصدها وتحليلها .. ايضا دون ان تشعروا قدمتم نموذج في غاية الرقي لاختلافاتكم ..

لكن بالصفحات الاخيرة بدا وكأن نوع من ( الكهرباء ) الخفيفة قد تسربت في الردود ..

ولا احد يلومكم حقيقة .. فالظرف صعب والجرح ساخن .. لكن ادعوكم للصمود .. ليس في الميدان او في التصبر او الدعاء فحسب .. بل ادعوكم للصمود في تقبل الرأي الاخر .. فكل له قناعاته .. وكل له طريقة اتفقنا او اختلفنا معها في شرح وجهة نظره

الصورة الكبيرة كما نراها نحن المحايدون .. في غاية الجمال .. مهما حصل .. ولا بد ان تستمر هكذا للنهاية لتقدموا للعالم صورة حضارية من اروع ما يمكن

والصورة الجميلة هنا في المحاورات .. وهي صورة مصغرة عن مصر والمصريين .. ايضا في غاية الجمال ..

احب ان اخبركم ان الجميع هنا في بلدي بقدر ما يبدون القلق على الاوضاع لديكم .. بقدر ما يشعرون بالاعجاب الكبير لما يقدمه شبابكم

واحد اصدقائي قال لي بالحرف .. ان الشباب في مصر قدموا درسا لكل الشباب العربي .. في الاحساس بالمسؤولية

لقد انهمك المئات من الشباب في جدة للاعمال التطوعية لاغاثة منكوبي السيول .. الامر الذي استطيع ان اصفه بالغيرة المحمودة

مهما كانت الجمعة غدا .. اتمنى بل وارجوكم واقبل رؤوسكم جميعا ان لا تتشوه الصورة الجميلة التي رسمتوها جميعا .. وان تواصل جمالها حتى النهاية

كما ارجو من الجميع هنا ان يتقبلوا اراء الجميع .. ويكملوا باقي الصفحات على نفس النسق الرائع

[Salwa]

.. نحن من يقف على الحياد .. ندعوالاخوة من كل الاطراف لتحكيم العقل في محاوراتهم

ونرجوهم البعد عن التشنجات او التقييمات السلبية لمجرد عرض وجهة النظر ..

نحن نتعلم منكم .. فكما قدمتم نماذج رائعة في المطالبة بالحقوق واثبتم للعالم القدرة الرائعة للشاب المصري على التغيير واريتم العالم نماذج مشرفة في الشباب الذي يغسلون الطرق ويسعفون الجرحى ويقومون بالحراسات

وكما قدمتم في هذا التوبيك ايضا نماذج مشرفة في عرض وجهات النظر و متابعة الاخبار ورصدها وتحليلها .. ايضا دون ان تشعروا قدمتم نموذج في غاية الرقي لاختلافاتكم ..

لكن بالصفحات الاخيرة بدا وكأن نوع من ( الكهرباء ) الخفيفة قد تسربت في الردود ..

ولا احد يلومكم حقيقة .. فالظرف صعب والجرح ساخن .. لكن ادعوكم للصمود .. ليس في الميدان او في التصبر او الدعاء فحسب .. بل ادعوكم للصمود في تقبل الرأي الاخر .. فكل له قناعاته .. وكل له طريقة اتفقنا او اختلفنا معها في شرح وجهة نظره

الصورة الكبيرة كما نراها نحن المحايدون .. في غاية الجمال .. مهما حصل .. ولا بد ان تستمر هكذا للنهاية لتقدموا للعالم صورة حضارية من اروع ما يمكن

والصورة الجميلة هنا في المحاورات .. وهي صورة مصغرة عن مصر والمصريين .. ايضا في غاية الجمال ..

احب ان اخبركم ان الجميع هنا في بلدي بقدر ما يبدون القلق على الاوضاع لديكم .. بقدر ما يشعرون بالاعجاب الكبير لما يقدمه شبابكم

واحد اصدقائي قال لي بالحرف .. ان الشباب في مصر قدموا درسا لكل الشباب العربي .. في الاحساس بالمسؤولية

لقد انهمك المئات من الشباب في جدة للاعمال التطوعية لاغاثة منكوبي السيول .. الامر الذي استطيع ان اصفه بالغيرة المحمودة

مهما كانت الجمعة غدا .. اتمنى بل وارجوكم واقبل رؤوسكم جميعا ان لا تتشوه الصورة الجميلة التي رسمتوها جميعا .. وان تواصل جمالها حتى النهاية

كما ارجو من الجميع هنا ان يتقبلوا اراء الجميع .. ويكملوا باقي الصفحات على نفس النسق الرائع

شكرا جزيلا أخى الفاضل لكل كلماتك الطيبة واحساسك الرائع بالأخوة الحقيقية للمجموعة الجميلة هنا.

لم يكن مستغرب منك موقفك فى هذا الظرف العصيب .

ادعو الله سبحانه وتعالى ان ييسر لنا جميعا الخير كله ويلهمنا حسن الصواب .

آمين .

[دودو هانم]

خبر عاجل

شباب 25 يناير قرر عدم عمل مظاهرة اليوم او جمعه الرحيل

مفيش مظاهرة

الشباب قرر الانسحاب وانتظار تحقيق المطالب وعمل حزب يسمى حزب 25 يناير

وده خبر من على الفيس بوك وشوفته فى قناه الاولى المصريه ال لسه صاحي من المحاورتيه يطمني ارجوكم

[شرف الدين]

خبر عاجل

شباب 25 يناير قرر عدم عمل مظاهرة اليوم او جمعه الرحيل

مفيش مظاهرة

الشباب قرر الانسحاب وانتظار تحقيق المطالب وعمل حزب يسمى حزب 25 يناير

وده خبر من على الفيس بوك وشوفته فى قناه الاولى المصريه ال لسه صاحي من المحاورتيه يطمني ارجوكم

اطمني يا دودو

الشباب طلع على الجزيرة من بدري وكذب الإشاعات دي

للأسف نظامنا فاشل في كل حاجة

حتى في الإشاعات

نظامنا مش عارف إن المتظاهرين وكل المعارضين مش بيتفرجوا على تليفزيونه أصلا

نظامنا ناسي إن في عولمة

والشعب يريد إسقاط النظام

[fatfouta]

خبر عاجل

شباب 25 يناير قرر عدم عمل مظاهرة اليوم او جمعه الرحيل

مفيش مظاهرة

الشباب قرر الانسحاب وانتظار تحقيق المطالب وعمل حزب يسمى حزب 25 يناير

وده خبر من على الفيس بوك وشوفته فى قناه الاولى المصريه ال لسه صاحي من المحاورتيه يطمني ارجوكم

ده على القناة الاولى طبعا اللى انتى شوفتيه ده يا دودو

على فكرة انا شايفة ميدان التحرير ادامى ملئ بالمتظاهرين وبناءا على كلام صديقة ليا كل يوم بتنزل النهاردة كان فيه حوالى اكتر من 200 الف شخص وكمان نوارة نجم قالت كده

وان بكره ان شاء الله المظاهرات هتبقى اكبر من كده والناس هناك معنوياتهم مرتفعة جدااا رغم كل اللى حصلهم النهاردة وامبارح ومصممين يباتوا فى ميدان التحرير وفيه طبعا ناس بتروح وتيجى تانى الصبح

والناس اللى ساكنين فى الميدان بيحطوا الاكل والضمادات والقطن والمضادات الحيوية اللى عندهم كلها فى اكياس وبيحفوها لهم من البلكونات

والبلطجية دلوقتى اختفوا....بس هما بيقولوا انهم ممكن يرجعوا تانى والمتظاهرين بيأكدوا انهم مش هيمشوا واكيد هيتصدوا للبلطجية

[دودو هانم]

دقايق والخبر اتكدب لازال هما هناك معتصمين ومتمسكين بمبادئهم اكتر

وكل دى اشاعات من ناس مغرضه للشوشرة لتهبيط الهمم

الطف يارب

[الســـاري]

نيو يورك تايمز : إدارة اوباما تناقش اقتراحاً مع مسؤولين مصريين لاستقالة حسني مبارك فوراً

[fatfouta]

نيويورك تايمز....

إدارة اوباما تناقش اقتراحا مع مسئولين مصريين لاستقالة حسنى مبارك فورا

[دودو هانم]

على فكرة انا شايفة ميدان التحرير ادامى ملئ بالمتظاهرين وبناءا على كلام صديقة ليا كل يوم بتنزل النهاردة كان فيه حوالى اكتر من 200 الف شخص وكمان نوارة نجم قالت كده

طيب حبيبتي ما دام انتي عندك قناه موضحه الصوره شوفي كده الخبر ده عاجل

سيارة بيضاء تدهس على المتظاهرون فى ميدان التحرير الان الان

والجيش يعرض عليهم الخروج

بعد فتح جميع المخارج

صح وللا لاء انا جايباه بردوا من ع الفيس بوك

انا خايفه اوي من ساعة ما شوفت العربيه البيضا ف المنصوره وهي بتدوس حوالي 15 اودامها والله من وقتها مرعوبه فيديو فظيع

[شرف الدين]

شيد قصورك ع المزارع

من كدنا وعمل إيدينا

الخمارات جنب المصانع

والسجن مطرح الجنينة

واطلق كلابك

في الشوارع

واقفل زنازينك

علينا

وقِلّ نومنا في المضاجع

أدي احنا

نمنا ما اشتهينا

واتقل علينا بالمواجع

احنا اتوجعنا

واكتفينا

وعرفنا

مين سبب جراحنا

وعرفنا روحنا

والتقينا

عمال وفلاحين

وطلبة

دقت ساعتنا

وابتدينا

نسلك طريق

مالهش راجع

والنصر قريب من عنينا

النصر أقرب

من إدينا ....

--------------------

أحمد فؤاد نجم

تم تعديل 4 فبراير 2011 بواسطة شرف الدين

[ComingSoon]

خبر عاجل

شباب 25 يناير قرر عدم عمل مظاهرة اليوم او جمعه الرحيل

مفيش مظاهرة

الشباب قرر الانسحاب وانتظار تحقيق المطالب وعمل حزب يسمى حزب 25 يناير

وده خبر من على الفيس بوك وشوفته فى قناه الاولى المصريه ال لسه صاحي من المحاورتيه يطمني ارجوكم

خبر كاذب ومزور

منذ يومين استقالت المذيعة سها النقاش اعتراضاً علي تزوير الاخبار الذي تعدي كل الحدود في تلفزيون مبارك

[شرف الدين]

وجدت هذا الجزء الآن الذي قد يكون مفيدا لموضوعنا

[ نجم العلماء وإمام دار الهجرة الإمام مالك قد أفتى الناس بالخروج على أبي جعفر المنصور وخلعه ومبايعة محمد النفس الزكية الذي خرج بالسيف رغم مبايعتهم لأبي جعفر المنصور حيث استفتى أهل المدينة الإمام مالك بن أنس في الخروج مع ذي النفس الزكية فأفتاهم مالك بالجواز؛ لأن بيعتهم لأبي جعفر المنصور كانت تحت الإكراه، ولا بيعة لمكره . ( وقال مقولته المشهورة لا بيعة على مكره )

فلما أفتاهم مال الناس مع محمد ذي النفس الزكية وبايعوه وخلعوا أبو جعفر وأسقطوه وقاتلوا مع النفس الزكية وقد عذب الإمام مالك لهذا السبب

(ذكر هذا الطبري .. بل وهو مشهور ومتواتر عنه ومعلوم )

...

وأما الإمام أبو حنيفة فهذا مشهور من مذهبه

وقد أفتى الناس للخروج مع زيد بن علي ومحمد وإبراهيم أخيه وأمد زيد بالمال ...

يقول أبو بكر الجصاص: (وكان مذهبه [يعني أبا حنيفة] رحمه الله مشهورا في قتال الظلمة وأئمة الجور … وقضيته في أمر زيد بن علي مشهورة، وفي حمله المال إليه

وفتياه الناس سرا في وجوب نصرته والقتال معه، وكذلك أمره مع محمد وإبراهيم ابني عبد الله بن حسن)

وهذا مذهب شيخه حماد بن أبي سليمان أيضاً ( إمام أهل الكوفة في عصره. )

وقال العلامة المعلمي في التنكيل : (كان أبو حنيفة يستحب أو يوجب الخروج على خلفاء بني العباس لما ظهر منهم من الظلم، ويرى قتالهم خيرا من قتال الكفار )

والكلام عن مواقف أبو حنيفه رحمه الله كذلك متواتر

...

أما الإمام الشافعي ... فقد ذكر أهل العلم أن مذهبه كان جواز الخروج على حكام الجور ... وأبرز من ذكر ذلك بن حزم والتفتازاني والزبيدي وغيرهم

[doha]

ياريت حد يشوف الأو تي في دلوقت وهي بتعرض مناظر ( كلوز ) للناس المعتصمه حاليا في ميدان التحرير .. تشوف ياترى الناس الي واقفة بتتزاحم عشان تطلع امام الكاميرا ومعظمهم يبدوا عليهم من اهالي العشوائيات .. هل الناس دي هي ( شباب الفيس بوك ) الي مفروض انهم قادوا الثورة ؟؟

بجد لقطات اعجز عن التعليق عليها ..

آخر مااقدر اقوله الي فيكم قادر ينزل يوم الجمعه ومش هيعمل كده فقط درءا للفتنة فاجره على ربه هو عارف هو عمل كده ليه وهو وحده الي قادر يجازيه بالخير الي عمله ..

الي يقدر يمنع الفتنة ياجماعه يبدأ بنفسه ويمنعها ومتنسوش ان اذا تقابل المسلمين بسيفهما فالقاتل والمقتول في النار .. الي هينزل بكره ولو حد مات يبقى ينزل على مسؤوليته ..

اللهم قد بلغت ..

اللهم قد بلغت ..

[rewsha]

فعلا يا ضحى انا شوفت المناظر دي على الاو تي في دلوقتي

وشوفت كمان اللي كان لابس باسكيت زباله فاضي على راْسه بالمقلوب

واللي رافع يافطه بالانجليزي وهوه شكله مابيعرفش حتى عربي

وله يكونش الفيديو ده متفبرك؟؟؟؟؟؟؟؟؟؟؟؟؟؟؟؟؟؟؟؟

[ComingSoon]

ياريت حد يشوف الأو تي في دلوقت وهي بتعرض مناظر ( كلوز ) للناس المعتصمه حاليا في ميدان التحرير .. تشوف ياترى الناس الي واقفة بتتزاحم عشان تطلع امام الكاميرا ومعظمهم يبدوا عليهم من اهالي العشوائيات .. هل الناس دي هي ( شباب الفيس بوك ) الي مفروض انهم قادوا الثورة ؟؟

نعتذر لسيادتك ان كان منظرهم الوحش اذي عنيكي

لكن شكلهم زي بتاع العشوائيات لأن الناس ديه قاعده في البرد وتحت اطلاق النار من 8 ايام عشان تاخد حقك

خير تعمل شر تلقي

[زهرة الجبل]

الحاجه أم الإختراع

شووفوا كده معايا

و الله العظيم الشباب المصري ده ما تلاقي زيه في الدنيا كلها

و الله شباب زي العسل

ربنا يحميهم يا رب

<P align=center>

<P align=center>

<P align=center>

<P align=center>

<P align=center>

<P align=center>

<P align=center>

<P align=center>

سبحان الله

الكل بيتصرف وفقاً للإمكانيات

مهما تضيقها عالمصري تلاقيه بيتصرف و يتكيف و ياخد حجم معطياته و يبقى قدها و قدود

الصفه دي بالتحدي لو ماكانتش فينا ماكونناش صبرنا على كل المساوئ اللي بنعاني منها دي

سبحان الله

رب ضارة نافعه

ربنا يحميهم

تم تعديل 4 فبراير 2011 بواسطة زهرة الجبل

[Falcon Crest]

أنا أسف يا جماعه اني أخدت الكلام ده من موقع أخر و لكنه شهاده مهمه من طبيبه الاستقبال بالقصر العيني و أعتقد ان لم تخنونني ذاكرتي انها عضوه معنا في المحاورات

لمشاركة الأصلية كتبت بواسطة icehearted girl

يارب سترك

بأمانة شديدة... انا كنت ناوية مكتبش اي شئ ف المنتدي عن اي حاجة حصلت بخصوص الاحداث الجارية واللي عشتها يوم بيوم...بس انا هتوقف عند يوم واحد فقط...ألا وهو الأمس..

مبدئيا انا موقفي الي حد ما محايد..مش قادرة اقنع اي شخص بالامتناع عن النزول غدا..او ألوم شخص آخر بمكوثه فبيته

الأيام اللي فاتت دي تقريبا مكنش في اطباء بيروحوا من الطوارئ...ليه زمايلي فعلا من يوم الجمعة مروحوش...للاسف عددنا صغير وفيه اعداد كبير للاسف برده لم تتح لها الفرصة انها تنزل الشغل...وكالعادة..اعتدت يوميا علي رؤية مناظر المصابين..سؤاء اللي كانوا بيتساقطوا حوالينا في المظاهرات او اللي كنت بشوفهم ف استقبال القصر العيني..

بس امبارح لنا هنا وقفة...طول النهار بشوف حاجات غريبة فلشوارع..شراذم بشرية بتتحرك كالقطيع من كل مكان شايلين ورق زبالة مقطع عليه بعض الهتافات بغضالنظر اكانت مع ام ضد..دي مش قضيتي دلوقتي...الغريبة انهم كانوا كلهم من نفس الفئة تقريبا..دا بالاضافة لانذار احد جيراننا بيشتغل في مكان أمني معين وحذرنا من نزول اخويا نتيجة اوامر محددة بإبادة تامة لكل متظاهري التحرير في تمام الساعة 3 صباحا...وفعلا في الساعات الاولي من الليل..بدأت تندع زي مبيقولوا..وكل شوية تيجي حالات بلطجية فعلا من طريقتهم وسالوبهم لدرجة اني لما كنت بسالهم هم تبع مين كانوا بتلجلجوا شوية قبل ميقولوا الاسم اللي هما ناسيينه اصلا

وف تمام الساعة3 ونص صباحا..حصلت المجزرة..اعذروني ف الكلمة بس هي مجزرة بكل المقاييس...وكأن واحدة دخلت علي عشة فراخ ودبحت فيهم كلهم...لكم أن تتخيلوا عربية اسعاف كانت بتدخل بمعدل كل دقيقتين بتلات اربع حالات...وقبل متوصل لباب الخروج كانت بتدخل غيرها..سيل من الحالات المصابة باحترافية شديدة سواء بطعنات مؤدية الي الوفاة..او برصاص او بتهشيم تام للرأس تقريبا الحالات مخرجتش من الاطار دا غير بعض الرصاص الحي في الاقدام...طول الليل مشتمتش غير ريحة الدم ومشفتش غير لون الدم...دم مختلط..وتضاربت الافكار..مبقيناش عارفين دا دم شبابنا الظاهر ولا دم البلطجية القذر...اللي خلقتهم ظروفنا اللي بنعيشها برده

اقسم بالله انا كان قلبي بيتقطع علي كل شاب ..كل أمل ,,كل نور فقدته اسره هيفضل الحزن مخيم ف بيتها للأبد... شباب دفعهم الحماس..وربما ساقهم التهور...او ع الاقل كلمة حماس منا ننطقها بدون قصد..تحمل شاب زي دا حياته

جثث ملقاة ومغظاه باعلام مصر..عشان ايه؟؟؟ ولا عشان مين

الله يخليكم دا حرمة دم المسلم اعظم عند الله من هدم الكعبة

الله يخليكم دي اقل نقطه هتنزل من اصغر شاب هتقتل اسرة باكلها

الله يخليكم متخلوش شوية كلاب يلاقوا فريسة سهلة يدبحوا فيها مقابل حفنة اموال

واي اللي هناخده؟؟ شهادة؟؟معتقدش.. مواجهة قوة غاشمة بدون تجهيز وتنظيم هننول عليها شهادة...ايا كانت القوة دي

جيش

شرطة

بلطجية

مع

ضد

الله يخليك ياللي ماسك ريموت كنترول بتراقب وراه قنوات التليفزيون بشوية امتعاض وطقطقة اسنان..وتعرف ان اللي مات مات واللي عاش عاش وفاالخر تاخد ولادك ف حضنك وتنام

افتكر ان اي كلمة قلتها قدام اي حد وشجعته علي الانتحار دمه فرقبتك

والله لو تشوفوا منازر الشباب وحنا بنتعامل معاهم

مجهول 1

مجهول 2

مجهول 3

والاعددا عمالة تتزايد..لدرجة لا تحصي

لو تشوفوا حرقة قلب اب ماسك صورة ابنه وعماله يعيك ويقولي مش لاقيه من تلات تيام وعاوز ادور فلجثث هتعرفوا احنا نقصد ايه

لو تعرفوا يعني اي موظفمش عارف يأكل ولاده بسبب التمادي اللي بقي سخيف بالمنظر دا....

لو تشوفوا بعض الاطباء اللي نزلوا التحرير فمستشفي ميداني..وبعد شوية يرجعلنا طبيب زميلنا مضروب رصاصة ف دراعه تتسببله فعاهة مستديمة...وكل ذنبه انه أدي واجبه ف وقت الناس محتاجاه فيه

لو فكرت اد ايه كل واحد مننا بيعاني كل يوم خناق مع اهله عشان يقدر ينزل من بيتهم يشوف شغله

لو فكرت فكل دا لحظة واحدة اعتقد موقفنا هيتغير

شباب مصر اللي نزلوا يوم الغضب وكملوا ثورتهم احسبهم عند الله من خيرة شباب مصر..وعشان كدا مش عاوزة اضحي بيهم واملي فيهم كبير

دم صاحب اخويا اللي مات ولسه دمه علي بنطلونه مش عوزاه يروح هدروالموضوع يتدنس بالمنظر دا

الانجاز اللي عملناه الايام للي فاتت وهيبقي ذكري محفورة لانتفاضة مصرية مش عوزاها تتبدل بمذبحة جديدة

خلص الكلام