25 يناير ... موعد المصريين (11)

[لماضة مصرية جدا]

محمد حسنين هيكل : أسبـوع عبـور المصريين لعصر الشعوب الحرة

[ABO ADAM]

اخوانى المحاورين , ارجوكم عدم الانقسام بعد ان وصلنا ال هذة المرحلة الحرجة و النهائية بأذن اللة

اكتب لكم وانا اشاهد الابطال العظماء يهتفون من ميدان التحرير ( النهاردة......النهاردة )

واللة انى استشعر روح السادس أكتوبر

ملاحظة: امبارح كنت بكلم مصر لقيت كل الناس بتقول بلاش فتنة و احنا عايزين نرجع لحياتنا الطبيعية فيما يبدو انة اجماع من الناس اللى فى الطبقة و الشريحة الغنية فى مصر لانهم اعتادوا و تأقلموا على الفساد و عدم الكلام فى السياسة.

)

الفاضل اركتيكت ربنا يوفقكم الى النصر ان شاء اللة ( النهاردة......النهاردة)

مصرى مغترب و روحى و قلبى فى مصر

[لماضة مصرية جدا]

تصويت الدستور .. هل تعتقد أن الشعب المصري سينتصر ويحقق مطالبه بإسقاط النظام؟

[fatfouta]

موقع الدستور الاصلي نواره نجم : اتهام عمر سليمان بان المتواجدون في ميدان التحرير يحملون اجندات خارجيه فهذا اعتراف منه بعدم كفاءه بصفه رئيس جهاز المخابرات و عدم كفاءه جهاز امن الدوله

[عبير يونس]

يا جماعه انا حاسه ان فى قله مننا ..بتأذن فى مالطه...

انتوا ليه مش عاوزين تسمعوا غير صوتكم ...بنقولوكم البلد اتحرقت

مش شباب 25 ال عملوا كده لكن المندسين لصالح الدول المعاديه

و انتم برضه سايبين كل ده

سايبين ترويع اهلى و اهلكم

سايبين خساره الشعب الغلبان

سايبين المحلات ال ولعت

سايبن المستشفيات ال هاجموها

سايبين الاقسام ال اتحرقت

سايبين المساجين ال هربوا على اهلنا

سايبن خساره اكثر من 300 مليار جنيه و تزيد يوميا لعدم الانتاج

و سايبين اكثر و اكثر ومش حافظين غير كلمتين ..مبارك يمشى

و الشرطه السبب فى كل ده ...

ياترى زى ما عندكوا حماس اوى كده لاشعال النار اكثر

هنلاقى عندكم بعد كده حماس انكم تعملوا حمله تسموها

"يالا نبنى بلدنا ال اتخربت بسبب الثورات الغير محسوب عواقبها"

ال بيتهمنا بأننا خايفين و مرعوبين وعيال فافى

انا بقولهم خلاص انتوا رجاله اوى اوى بس اثبتوا كده

عايزاكوا تخرجوا من وراء شاشه الكمبيوتر و تقطعوا اول تذكره ف لمصر

و نشوفكم محمولين على الاعناق تهتفوا

وان شاء الله بعد كده رشحوا نفسكم فى الانتخابات و احنا كلنا هننتخبكم

علشان هتبقوا اثبتولنا انكم ال على حق

و ان كان لازم ترويع الاطفال و ان كان لازم سرقه المحلات

وان كان لازم اهانه رموز الدوله

وان كان لازم رفض الحوار منكم

وان كان لازم التشدد و سد الاذن عن كل ما نقوله

و ان كان لازم اخويا و اخوك يموت

علشان مصر تعيش فى عصر جديد

اقسم بالله ان الايام القادمه اسوأ و الايام القادمه سوداء

علينا و على مصر ..وستتذكروا

طبعا كل ما اكتب مشاركه من هذا النوع ماحدش يعبرنى غير القلائل وده طبعا قمه الحكمه والعقل منكم يا قاده الثورات

ليه منعبركيش بس يافندم

امال احنا قاعدين بنعمل ايه

مش عشان نسمع بعض و نتكلم مع بعض

اهدي شوية يا باشمهندسة

اللي حصل حصل خلاص

و معادش في مجال لأخد ورد

كل اللي نقدر عليه ندعي ونتفاءل

ان يخيب الله الظن السيء

تفاءلوا بالخير تجدوه

و بعدين شعللة ايه يافندم

و النت كان مقطوع عن الناس في مصر طوال الأيام الماضية

على بال ما النت رجع

كان كل حاجة خلاص وصلت للذروة

هوة احنا ليه لازم ندور على أي حد نلبسه مسئولية أي مصيبة غير الفاعل الحقيقي؟؟

اتفهم قلقك على أهلك في مصر

و كلنا لنا أهل هناك

اهدي كده

و اذكري الله

و اكثري من الاستغفار والصلاة على النبي صلى الله عليه وسلم

كله خير بإذن الله

[امير مجروح]

إسرائيل:حسين سالم الصديق المقرب لمبارك وإمبراطوار تصديرالغاز لتل أبيب هرب إلى جينيف

[امير مجروح]

يا جماعة وزير الدفاع المصرى طنطاوى وصل الى ميدان التحرير

[لماضة مصرية جدا]

وزير الدفاع...المشير طنطاوي في ميدان التحرير

مراسل البي بي سي

[أحمد سيف]

اخوانى المحاورين , ارجوكم عدم الانقسام بعد ان وصلنا ال هذة المرحلة الحرجة و النهائية بأذن اللة

اكتب لكم وانا اشاهد الابطال العظماء يهتفون من ميدان التحرير ( النهاردة......النهاردة )

واللة انى استشعر روح السادس أكتوبر

ملاحظة: امبارح كنت بكلم مصر لقيت كل الناس بتقول بلاش فتنة و احنا عايزين نرجع لحياتنا الطبيعية فيما يبدو انة اجماع من الناس اللى فى الطبقة و الشريحة الغنية فى مصر لانهم اعتادوا و تأقلموا على الفساد و عدم الكلام فى السياسة.

)

الفاضل اركتيكت ربنا يوفقكم الى النصر ان شاء اللة ( النهاردة......النهاردة)

مصرى مغترب و روحى و قلبى فى مصر

فعلا كلها ساعات أو أيام قليلة وستجد كل جوقة الاستقرار المزعوم ووالعقلانية الذليلة تعود الى عقلها وتدعم الثورة المنتصرة بعد أن يختفي تأثير غسيل المخ الذي أجراه الإعلام الحكومي لهم على مدى الأيام الماضية

تصوّر أخي الفاضل أني كنت اناقش إحدى المرجفات على النت وقالت لي سياق حديثها أن سبب عدولها عن تأييد الثورة هي أنها خسرت أموالا في البورصة كانت تعول عليها لتقضي عطلة الصيف في أوروبا

مش مهم المليارات التي نهبت عن طريق هذه البورصة ومش مهم الشباب اللي قتلوا ومش مهم الإجرام الذي حدث ... المهم انها لا تقطع عادة التصييف في أوروبا

حاجه تقرف بجد

تم تعديل 4 فبراير 2011 بواسطة أحمد سيف

[doha]

الذي حرض الشعب المصري علي الخروج

هو الفساد و الفقر و الظلم و الاستبداد و القمع و تكميم الافواه و التزوير و قانون الطوارئ و كل مظاهر النظام السلطوي

موقع الدستور الاصلي

ليه مصرين نضحك على نفسنا يالماضه ..

كلنا عارفين ان الي حرض الشعب المصري على الخروج هم ذاتهم من تم ترشيح اسمائهم قبل مذبحه التحرير ليكونوا مندوبين الشباب المعتصم للتفاوض مع السلطه .. خرجت اسماء بعينها واناس تم ذكرهم تحديدا على انهم الاولى بالتقدم وانهم القاده الي حركوا المظاهرات من البدايه ..

ليه بنضحك على نفسنا ونصر ان الشباب خرج من تلقاء ذاته ووقت الجد وجني الحصاد المثمر نقول لاه معليش الناس دي مش بتتحرك من دماغها وفي لهم مرجعيه لازم ناخذ رايهم الاول ..

الواقع ان في ناس حركت الشباب دي ـ ويشكروا على تحريكهم في ذاته ـ ايوه الشباب هي الي عملت التظاهرات لكن ده لا ينفي ابدا ولا يعني بالضرورة ان ملهمش محرك هو الي دعى لها من البدايه وهم سمعوا له..

ياريت منخلطش الاوراق ..

[doha]

فعلا كلها ساعات أو أيام قليلة وستجد كل جوقة الاستقرار المزعوم ووالعقلانية الذليلة تعود الى عقلها وتدعم الثورة المنتصرة بعد أن يختفي تأثير غسيل المخ الذي أجراه الإعلام الحكومي لهم على مدى الأيام الماضية

ألا ليت قومي يعلمون ..

[شرف الدين]

لماذا لا يخرج مبارك ويعلن تنحيه عن الحكم

لست أفهم ... هل يكون العناد على مصلحة البلد ؟

يا سيدي أفهم الان أنك فعلا لديك دكتوراة في العند.

ولكن ما يحدث الآن ليس مجرد عند

إنه مجازفة ومخاطرة كبيرة جدا بمستقبل مصر

أنا لا أجد أبدا أي دافع للعناد.

سيدي أنت بهذا لا تهمك مصلحة مصر

أنت بهذا تهتم بمصلحتك أنت فقط

مصر لن تتوقف عليك أبدا يا سيدي

أنت لن تكون أكثر شعبية من عبد الناصر ولن تكون أكثر قوة من السادات

هل تكون أعظم من محمد علي بل هل ستكون أعظم من تحتمس الثالث

كلهم رحلوا وبقيت مصر

سيدي: قليل من التعقل

مصر لا تتوقف على أحد. ولا تظن أن رحيلك عن الحكم سيدفع بالفوضى إلى مصر

أنت الآن لا زلت في سدة الحكم.. فهل منعت الفوضى ؟

متى سمعنا عن حرب أهلية في مصر على مدى 3 ألاف عام ؟

هل سمعنا عن انقسام مصر إلى دويلات منذ وحد قطريها مينا

مر ما يقرب من 3 ألاف عام على تاريخ مصر ولم تنقسم مصر إلى دويلات ولم يتحول أهلها إلى فصائل.

فهل ستنقسم مصر الآن ؟

ألا تخجل يا سيدي من أن يقال أن مناصري مبارك هم مجموعة من البلطجية ( ولا تقول هذا الجزيرة وحدها ).

هل أعجبك مشهد البلطجية يا سيدي ؟

هل أعجبتك فضيحتنا أمام العالم كله ..

هل تجد هذا العنوان طريفا أم تجده فاضحا

الجمال والحمير في ميدان التحرير

لا تقول لي يا سيدي أنك لم تكن تعلم ؟

ألا تعلم بيت الشعر المشهور

إذا كنت لا تدري فتلك مصيبة * وإن كنت تدري فالمصيبة أعظم

سيدي مصر لن تعود للهدوء إلا أن ترحل عن الحكم

مصلحة مصر تقتضي رحيلك عن الحكم

هل تعلم يا سيدي

حتى المخبولة التي تدعى نوال السعداوي الآن على البي بي سي تطالب برحيلك

صدقني يا سيدي رحيلك في مصلحة مصر

رحيلك يعني انتصار إرادة الشعب

يعني خوف كل حاكم من إرادة هذا الشعب

أظنك تعلم سيدي أن سبب خوفك وخوف سابقيك من الجيش هو أن الجيش هو من قام بثورة 52 والتي تعد أنت امتدادا لها.

فإذا جاء من يخلفك بناء على إرادة هذا الشعب. فإنه سيخاف من هذا الشعب.

وأنا قلت قبلا لك سيدي.. لو أنا مكانك لفرحت بإرادة وقوة وإصرار شباب مصر

ارحل اليوم قبل غدا

[امير مجروح]

الدستور:

عمرو موسى:سليمان لم يتصل بي.. وأفكر في المشاركة في انتخابات الرئاسة

[fatfouta]

طب هيحمى نفسه اذاى من طوب البلطجية و مافيش فى ايده حاجةغير انه يلبس الباسكت دول لازم نحييهم مش نتريق عليهم ونقلل من مجهوداتهم

التليفزيون المصرى المفلس الكذاب جايب صورهم امبارح وهما بيقولوا لازم نبقى فى مظهر حضارى على راى رئيس الوزراء الكذااااب

طب هو اللى بيعملوه فى المتظاهرين ده من ضرب وبلطجة وسحق.....منظهر حضارى يا شفيق انت والريس عمر حرب..قصدى عمر سليمان

بحييكم ياللى فى الميدان ياللى ان شاااء الله هتحرروا كل مصر

شايفين الاصرار والابتسامة الجميلة على وجوههم....ربك هو الحامى ان شاء الله

[م تيمور المراغي]

طيب نيجي للجد ,,

ماهي الخطوه المقبله اذا اصر مبارك على التشبث بالكرسي ,,

[شرف الدين]

الشعب اخد قرارة ومش هاقول ان العالم كمان اخد قرارة ولانى شايفة ان دة امر داخلى و انهم يدخلوة فية بهذا القبح لان مش من حقهم لكنى ارجع اقول كما تدين تدان

زى ما مبارك عمل نداء لصدام بالرحيل مع انة مش من حقة الايام دارت و الان العالم كلة يطالبه بهذا

لن يظل الشعب على هذا الحال الى 6 اشهر

اخرج منها يا مبارك مش علشان كرامتك تحرق الشعب كلة

برافو يا ذهبية

أنا ما زلت أتذكر جيدا هذا اليوم

خرج مبارك يوم 14 يناير ( سبحان الله يناير برضه ) 14 يناير 1991 على قناة التلفزيون المصري

يوم واحد قبل انتهاء المدة الممنوحة من قبل التحالف الدولي لصدام للانسحاب من العراق

كنت عند أختي في القاهرة وكنت أتفرج على التلفزيون فوجدت المذيع يعلن أن الرئيس سيلقي بيانا بعد قليل

ولا زلت أتذكر كيف خرجت تناشد صدام الرحيل قائلا

باسم كل أسرة وطفل ورجل عن أرض العراق.

ولا أتذكر بقية الخطاب

وأصر صدام على العناد.

وأظنك رأيت النتيجة سيدي.

هل تعلم سيدي.

أنا متأكد الآن أنك لو كنت في مكان صدام

كنت ستعاند أيضا وتفضل مصلحتك وكرامتك الشخصية على حساب مصلحة بلدك وشعبك

ارحل سيدي أرجوك

[tarek hassan]

فعلا كلها ساعات أو أيام قليلة وستجد كل جوقة الاستقرار المزعوم ووالعقلانية الذليلة تعود الى عقلها وتدعم الثورة المنتصرة بعد أن يختفي تأثير غسيل المخ الذي أجراه الإعلام الحكومي لهم على مدى الأيام الماضية

ألا ليت قومي يعلمون ..

أنا آسف أستاذة ضحى استشهادك بالآية غير صحيح في هذا الموقف

حينما تضعين نفسك في مصاف الرسل والأنبياء وكأنك الرجل المؤمن الذي استشهد لأنه جاء من أقصى المدينة يسعى ليقول كلمة الحق في حين تجعلين غيرك كلهم كأنهم أصحاب القرية الكافرون المكذبون للرسل والغير ملتزمين بالنصائح

وأقول لك أنني أقرأ بعض آرائك ولا أجد دليلا من الدين يؤيد كلامك والدين بريء من نظام الرئيس المخلوع شعبيا وممن يقفون في صفه

مع احترامي

تم تعديل 4 فبراير 2011 بواسطة tarek hassan

[عبير يونس]

طيب نيجي للجد ,,

ماهي الخطوه المقبله اذا اصر مبارك على التشبث بالكرسي ,,

حضرتك بتسألنا احنا؟؟

و الا بتعمل لنا سسبينس و حتقول حاجة؟؟

و بعدين ليه نتخيل كده

و نجذب الفكرة السودا دي لحيز الظهور

استعيذ بالله كده

و قوم اتوضأ وروح المسجد عشان الصلاة

الآذان الأولاني كان من تلت ساعة وأكثر

يللا خللي ربنا ينصرنا

و بلاش الأفكار الوحشة دي

:closedeyes:

[fatfouta]

ناشط من الاقصر كان بيتكلم دلوقتى بيقول ان امبارح جاله تليفون من واحد مجهول وقاله لو خرجت النهاردة فى المظاهرة هنذبحك

وبيقول كمان انهم نبهوا ان أئمة المساجد لازم خطبتهم النهاردة تبقى دعوة للناس انهم يلزموا بيوتهم وماحدش ينزل الشارع

وكان عنده اصرار انهم مهما ان حصل هينزلوا ولو اندبحوا كلهم

[م تيمور المراغي]

المصريين ونكتهم السكر ههههه :happy:

بيقولوا لك واحد من المتظاهرين في ميدان التحرير امس بعد خطاب عمر سليمان مباشرة ,, اتصل بقناة الجزيرة محتجاومتسائلا لماذا لم يعطوه اجنده هو ايضا زي ما انقال انهم بيوزعوا على كل الناس اجندات وكراريس !!!!! :happy: