25 يناير ... موعد المصريين (10)

[م تيمور المراغي]

آخر الاخبار :

مبارك فقد شرعيته دوليا ,, والحكومات الغربيه تبحث اسلوب الرد المناسب ,,

[arkan]

يارب ياكريم لا تخذلنا

من امس وانا عندي حالة لاتوصف من الاحباط

رحت الشغل زاد الاحباط من ناس ارائها اختلفت

دخلت هنا زادت لنفس الاراء

كنت بدخل المنتدى مش عارفة اشارك بحاجة

كنت بتابع المداخلات الي بتدي أمل وبعقل

زودتوا جرعة الامل عندي

ربنا يكرم مصر ويفرج كربها

[fatfouta]

R.N.N | شبكة رصد طبيب متظاهر يمسح دموع احد ضباط الجيش لعجزه على ان يفعل شيئ لأنه يتبع الاوامر

[أبو محمد]

R.N.N | شبكة رصد طبيب متظاهر يمسح دموع احد ضباط الجيش لعجزه على ان يفعل شيئ لأنه يتبع الاوامر

هذا الضابط هو من رأيته على ال CNN على الهواء يدافع عن نفسه برفع الطبنجة فى وجه من كانوا يحاولون اقتحام ميدان التحرير "أول أمس" وقام بإطلاق النيار فى الهواء هو وجنوده

مجرد توضيح

[المهندسه]

آخر الاخبار :

مبارك فقد شرعيته دوليا ,, والحكومات الغربيه تبحث اسلوب الرد المناسب ,,

ارجوك يا بشمهندس تيمور اهدى و هدى الناس شويه

بلاش نفرح اوى ان رئيسنا فقد شرعيته دوليا ...بما انه رمز الدوله الحالى و لايزال الحاكم

فده معناه ان مصر نفسها فقدت مكانها دوليا...وده شىء محزن لا يدعو للفخر

و احب اقول ان اسلوب رد الغرب اتخوف انه يكون بعث قوات لحفظ الامن فى مصر

و احب اكرر مشاركتى السابقه وهفضل اكررها للتهدئه

يا جماعه خلاص بقه كفايه حرام احنا اعصابنا تعبت

بلاش بقه ننفخ فى النار من مكاننه ده ...نستنى و ندعى و نشوف هيحصل ايه

انا مرعوبه من ال هيحصل بكره و خايفه على اخواتى و جيرانى و الشعب كله

بدل ما نقعد نعيد و نزيد فى الاحداث و نسخن بعض اكتر ...نقعد ندعى الله ان بكره يعدى على خير

انا خايفه على الشباب و خايفه اكتر على مصر امام العالم كله ....احنا هنحتاج سنين علشان نعوض

الخسائر ال حصلت فى البلد مش قصدى خسائر ماديه فقط ..لاء انا قصدى حال البلد نفسه كله

انا خايفه من الفوضى ال فى البلد تخلى الدول المعاديه تقول هبعت قوات لحفظ الامن ال انتوا

مش عارفين تحفظوه و ساعتها هيبقى مبروك عليهم مصر

انا خايفه يجى اليوم ال اسمع فيه بيتقال ...القضيه المصريه زى القضيه الفلسطينيه و القضيه العراقيه

انا خايفه يجى اليوم العالم كله يقول فيه شوفوا غدر المصريين شوفوا بيقتلوا فى بعض ازاى

انا ضد مبارك لانى تضريت من سوء قيادته و خلانى اتغربت علشان عيشه كريمه لكن خايفه العالم يقول

المصريين غدروا و عدموا رئيسهم ...

كفايه امشى يا ريس قبل ما تستفز الناس و تضطرهم لعمل كده

و يتقال الشعب المصرى قاتل زعماءه جميعا

طرد ملكه فى 52

حظر محمد نجيب داخل جدران منزله 52

قتل عبد الناصر بالسم فى 70

اغتيال السادات فى 81

و اخيرا اعدم مبارك فى 2011

خايفه عليكى اوى يا مصر

تم تعديل 3 فبراير 2011 بواسطة المهندسه

[شرف الدين]

الباشمهندس / تيمور

انت عارف إني كنت بساند الثورة

وعارف اني عارضت من البداية فكرة التراجع قبل رحيل مبارك

عايزين يا باشمهندس نقطة تعقل

احنا قلنا من البداية سلمية سلمية

ولينا هدف محدد

هو رحيل مبارك

مش عايزين يبقى في أهداف بعد رحيل مبارك ... ليه

لأننا مش عايزين نوصل لسلسة الأهداف اللانهائية

دلوقت يا باشمهندس مبارك بقى عبء على الجميع

الجيش والشرطة والداخلية والخارجية وحتى الملوخية

مش عايزين نقول إننا مش عايزين مبارك ولا سليمان.

لأننا دلوقت لو طالبنا بحد جديد

معنى كده إنك عايز تطير مبارك وسليمان ومعاهم أكيد شفيق وأكيد وزراء كتير.

يعني كان الأول كان في واحد بس جوه الدايرة.. دلوقتي بقوا كتير

ودول كلهم هيدفعوا عن بقاءهم

لكن لو فضل مبارك بس جوه الدايرة. كل التانيين دول هيحسوا إن مبارك هو العبء لوحده.

عشان كده احنا عايزين نفضل ثابتين على مطلبنا - إزالة مبارك.

وبعد كده يمسك اللواء عمر سليمان ومعه الفريق شفيق.

يتم تشكيل لجنة الحكماء من ناس كتير من الأسماء المحترمة تتناقش مع اللواء سليمان في تعديلات الدستور. وتعديلات الوازرة.

وأهم حاجة حل الحزب الوثني

وحل المجلسين المزورين

لكن ما ينفعش يا باشمهندس نقول إننا مش عايزينهم كلهم

طب مين اللي هيسمك البلد ؟

هتقول واحد من الأسماء النضيفة

هقولك أوكي ... لكن مين اللي هيسانده ؟

الجيش دلوقت خلاص هيبتدي يسلم ويخرج مبارك من الدايرة.

وعشان ده يحصل لازم الجيش يكون موافق وبيأيد اللي هييجي.

عايزين نقطة التعقل يا باشمهندس.

تم تعديل 3 فبراير 2011 بواسطة شرف الدين

[المهندسه]

الباشمهندس / تيمور

انت عارف إني كنت بساند الثورة

وعارف اني عارضت من البداية فكرة التراجع قبل رحيل مبارك

عايزين يا باشمهندس نقطة تعقل

احنا قلنا من البداية سلمية سلمية

ولينا هدف محدد

هو رحيل مبارك

مش عايزين يبقى في أهداف بعد رحيل مبارك ... ليه

لأننا مش عايزين نوصل لسلسة الأهداف اللانهائية

دلوقت يا باشمهندس مبارك بقى عبء على الجميع

الجيش والشرطة والداخلية والخارجية وحتى الملوخية

مش عايزين نقول إننا مش عايزين مبارك ولا سليمان.

لأننا دلوقت لو طالبنا بحد جديد

معنى كده إنك عايز تطير مبارك وسليمان ومعاهم أكيد شفيق وأكيد وزراء كتير.

يعني كان الأول كان في واحد بس جوه الدايرة.. دلوقتي بقوا كتير

ودول كلهم هيدفعوا عن بقاءهم

لكن لو فضل مبارك بس جوه الدايرة. كل التانيين دول هيحسوا إن مبارك هو العبء لوحده.

عشان كده احنا عايزين نفضل ثابتين على مطلبنا - إزالة مبارك.

وبعد كده يمسك اللواء عمر سليمان ومعه الفريق شفيق.

يتم تشكيل لجنة الحكماء من ناس كتير من الأسماء المحترمة تتناقش مع اللواء سليمان في تعديلات الدستور. وتعديلات الوازرة.

لكن ما ينفعش يا باشمهندس نقول إننا مش عايزينهم كلهم

طب مين اللي هيسمك البلد ؟

هتقول واحد من الأسماء النضيفة

هقولك أوكي ... لكن مين اللي هيسانده ؟

الجيش دلوقت خلاص هيبتدي يسلم ويخرج مبارك من الدايرة.

وعشان ده يحصل لازم الجيش يكون موافق وبيأيد اللي هييجي.

عايزين نقطة التعقل يا باشمهندس.

ربنا يباركلك يارب عاوزين نهدى و نفكر بعقل لتجنب المخططات التى تنصب لمصر

[arkan]

R.N.N | شبكة رصد طبيب متظاهر يمسح دموع احد ضباط الجيش لعجزه على ان يفعل شيئ لأنه يتبع الاوامر

صورة ابلغ من كل وصف

شكرا ليكي فتفوته

ربنا يبلغنا مرادنا جميعا

[fatfouta]

شفيق بيقول فى المؤتمر الصحفى له الان عالتليفزيون المصرى

انه اعتذر فى كل وسائل الاعلام اعتذار الرجل الذى يقدر المسئولية وانه ماكانش يعرف الموضوع وكان يجب على ان اعتذر ولن يتكرر هذا الموضوع

وليه دخلوهم عالمتظاهرين فى التحرير لان ده اكيد وطبعا عمل احتكاكات بين الشباب

وبيعتذر للشعب مرة اخرى بإن ده تصرف صبيانى غير منظم وغير مدفوع

وبيقول بنبدأ عمليه الحاور والتفاهم وتضييق الفجوة بين الاراء المختلفة وعلى كل طرف الا يتمسك كل منا برأيه ويبدى التفاهم

[aimen]

شفيق بيقول فى المؤتمر الصحفى له الان عالتليفزيون المصرى

انه اعتذر فى كل وسائل الاعلام اعتذار الرجل الذى يقدر المسئولية وانه ماكانش يعرف الموضوع وكان يجب على ان اعتذر ولن يتكرر هذا الموضوع

وليه دخلوهم عالمتظاهرين فى التحرير لان ده اكيد وطبعا عمل احتكاكات بين الشباب

وبيعتذر للشعب مرة اخرى بإن ده تصرف صبيانى غير منظم وغير مدفوع

وبيقول بنبدأ عمليه الحاور والتفاهم وتضييق الفجوة بين الاراء المختلفة وعلى كل طرف الا يتمسك كل منا برأيه ويبدى التفاهم

دا على اساس ان اللى بيحصل اليوم فى كل مصر

دا حيعتذر عنه بكره ان شاء الله فى المؤتمر الصحفى

واهى علقة كل يوم وتفوت

حسبى الله ونعم الوكيل

[م تيمور المراغي]

آخر الاخبار :

المتظاهرون يمسكون باحد افراد الامن متخفي في زي منقبه ويتحفظون عليه ويصورونه ويصادرون بطاقته الشخصيه وكارنيه الشرطه

تعليق :

سبحان الله دي اشارات ربانيه ليعلم المصريون من هو الرجل و من هي الحرمه ,,

[fatfouta]

تابع المؤتمر الصحفى لاخمد شفيق

سيتم التحقيق فى احداث الامس وتحديد المسئولين عنه ومحاكمتهم علنا

يا خوفى فى الاخر يطلعوا المسئول عن كده متخلف عقليا

تم تعديل 3 فبراير 2011 بواسطة fatfouta

[Alattar]

شفيق بيقول فى المؤتمر الصحفى له الان عالتليفزيون المصرى

انه اعتذر فى كل وسائل الاعلام اعتذار الرجل الذى يقدر المسئولية وانه ماكانش يعرف الموضوع وكان يجب على ان اعتذر ولن يتكرر هذا الموضوع

وليه دخلوهم عالمتظاهرين فى التحرير لان ده اكيد وطبعا عمل احتكاكات بين الشباب

وبيعتذر للشعب مرة اخرى بإن ده تصرف صبيانى غير منظم وغير مدفوع

وبيقول بنبدأ عمليه الحاور والتفاهم وتضييق الفجوة بين الاراء المختلفة وعلى كل طرف الا يتمسك كل منا برأيه ويبدى التفاهم

لسه برضه الكلام اياه عن اننا مش عارفين مين دول ولا مين اللي بعتهم

هكرر كلامي تاني

لو كان اللي باعتينهم شوية بلطجية بأه و عاوزين يعملوا فوضي في البلد

ولا حتي .. هشطح بخيالي بعيد شوية..و هقول دولة معادية

ياتري برضه الجهات دي هي اللي أعطت أوامر مشددة للجيش بعدم التدخل

برغم إلقاء قنابل مولوتوف علي الدبابات؟؟

[م تيمور المراغي]

شفيق بيقول فى المؤتمر الصحفى له الان عالتليفزيون المصرى

انه اعتذر فى كل وسائل الاعلام اعتذار الرجل الذى يقدر المسئولية وانه ماكانش يعرف الموضوع وكان يجب على ان اعتذر ولن يتكرر هذا الموضوع

وليه دخلوهم عالمتظاهرين فى التحرير لان ده اكيد وطبعا عمل احتكاكات بين الشباب

وبيعتذر للشعب مرة اخرى بإن ده تصرف صبيانى غير منظم وغير مدفوع

وبيقول بنبدأ عمليه الحاور والتفاهم وتضييق الفجوة بين الاراء المختلفة وعلى كل طرف الا يتمسك كل منا برأيه ويبدى التفاهم

السؤال المهم هو ,,

لو كان شباب الثوار جبنوا وخافوا وتراجعوا امام البلطجيه ,,

هل كان شفيق يا راجل ده طلع على التلفزيون واعتذر ؟؟؟؟؟؟

ياثوار النظام الجبان بينهار ,, والمزيد من الضغط عليه سيجعله يواصل تقديم التنازلات ,,

امال لو شافونا بكره حيعملوا ايه ؟؟ :happy:

[Alattar]

تابع المؤتمر الصحفى لاخمد شفيق

سيتم التحقيق فى احداث الامس وتحديد المسئولين عنه ومحاكمتهم علنا

يا خوفى فى الاخر يطلعوا المسئول عن كده متخلف عقليا

آه..مثلا يعني

أو ماس كهربائي مثلا..فالخيول و الجمال اتكهربت فطلعت تجري

في بلدنا..كل شيء ممكن

[لماضة مصرية جدا]

يا احرار حنتوقف عن الرد على ***

خلونا نركز في الاهم وهو دعم الثوار بالافكار ونشر تعليماتهم للتحركات المقبله ,,

وصلني الاخبار ان احتمال اليوم حيكون يوم الحسم وان لم يكن فهو الغد ,,

الشعب المصري امبارح شاف البلطجيه بتهجم على الشباب الراقي المسالم فعرف نوايا مبارك خلاص وسقط قناعه العجوز ليكشف عن وجهه القبيح

الا نامت اعين الجبناء ,,

ياريت يا أخ تيمور..ما تكتبش هنا أي تفاصيل أو خطط

أو حتي مواعيد محددة

احنا ما نعرفش مين بيدخل زائر للمنتدي و يقرأ كل اللي كاتبينه

استاذي العطار

السلام عليكم و رحمة الله و بركاته

لسه حالا بقرا مقالة...هي يمكن تكون قديمة بتاريخ 13 يناير 2011....لكن بتوضح تفكير الحزب الوطني الدرقماطي فيما يتعلق بالمواقع و المنتديات

اتفضل

الوطني يلاحق ''مواقع ومدونات الفتنة''

كتب- ادهم عطية:

كلفت أمانة الإعلام بالحزب الوطني الديمقراطي، اللجنة الاليكترونية التابعة لأمانتي الإعلام والشباب بالحزب، بتكثيف نشاطها تجاه ما أسمتهم "مواقع ومدونات الفتنة"، وطالبت الأمانة أعضاء هذه اللجنة بالاجتماع الأسبوع القادم، وذلك بحسب ما صرح به الدكتور على الدين هلال، أمين الإعلام بالحزب الوطني، لتنشيط عمل أعضاء اللجنة على الشبكات الاجتماعية لمواجهة الفكر المتطرف الذي تبثه بعض مواقع ومدونات الفتنة، بغرض تسميم عقول الشباب، حسب وصفه.

وقال هلال:"سيعقد اجتماعاً آخر مع اللجنة الالكترونية التابعة لأمانة محافظة القاهرة لنفس الغرض".

جاء ذلك خلال اجتماع أمانة الإعلام بالحزب الوطني الديمقراطي، والذي خصصته لتنشيط خطة تحرك الأمانة والإعلام الحزبي لتأكيد قيم المواطنة وعدم التمييز بين أعضاء الحزب ولدى الرأي العام عموماً، حسب ما نشره موقع الحزب الاليكتروني على الانترنت، وأقرت الأمانة مجموعة من الخطوات تبدأ بمحاضرات وندوات يشارك فيها قيادات الحزب من أمانة الإعلام المركزية والشخصيات الإعلامية والثقافية والصحفية من أعضاء الحزب.

وأكد هلال، على الدور الذي يقوم به أمناء الإعلام بالمحافظات في التأكيد على قيم المساواة بين المواطنين وفقا لمبدأ المواطنة الذي نص عليه الدستور. ونتج عن هذه الاجتماع فكرة لإصدار سلسلة من أدلة العمل المبسطة، لشرح المفاهيم والقيم المرتبطة بالمواطنة والتسامحـ وقبول التعددية، واحترام الرأي الآخر، والرابطة التي تجمع بين أبناء الوطن الواحد، والتي سوف يتم تعميمها من خلال موقع الحزب على شبكة الإنترنت.

وأضاف أمين الإعلام أن أعضاء أمانة الإعلام أكدوا على التصدي للأفكار الخاطئة التي تدعو إلي التعصب، وضرورة التحرك الإعلامي بين المواطنين من خلال الاتصال المباشر باعتباره أكثر أساليب الإعلام نجاحاً وتأثيراً لتغيير الأفكار والقيم والمعتقدات.

كنت هعيط لما شفت كلمة ان الحزب الله يكرمه.....بيشجع الشوباب انه يتعلم قبول التعددية....اه يا نافوخي ياااااانا......طب ادوني امارة

طب اذا كانت المدونا غسيل دماغ اومال مشهد الشهد و الدموع بتاع الناشطة اللي جندها جمعة الشوان في امريكا عشان تقلب نظام الحكم عن طريق النت....المشهد ده نسميه ايه.....انه حقا يستخدم المسحوق الاكثر بيااااااااضا

و القطنة مبتكدبشي

و دي وجهة نظر

[arkan]

والتحقيق في عبارة السلام طلع بايه

[شرف الدين]

للأسف ما زالت الحكومة تصر على أن تكون غبية

في أثناء المؤتمر الصحفي

تجدد الاشتباكات في ميدان التحرير

[fatfouta]

تابع المؤتمر الصحفى لاحمد شفيق

الحوار مفتوح بشكل كامل امام كل الاطراف الشبابية والسياسية

وبيقول ان البنوك هترجع يوم الاحد وهيحاولوا ان مايكونش فيه احتكاك تانى

وبنهيب بكل المتظاهرين انه فيه دمار وهنعانى منه كثيرا

وبيقول كمان ان المظاهرة تقف وانا مالقلتش حاجة بس من غير مانكسر ونحرق محلات عشان منظرنا يبقى حضارى......طب يا خويا ماتقول للبلطجية

بيقول ان عياب الشرطة عننا ده موضوعهم هما مش موضوعنا......أمال انت لامؤاخذة مش رئيس الوزراء؟؟؟

تم تعديل 3 فبراير 2011 بواسطة fatfouta

[Alattar]

للأسف ما زالت الحكومة تصر على أن تكون غبية

في أثناء المؤتمر الصحفي

تجدد الاشتباكات في ميدان التحرير

من الجزيرة..حالا

البلطجية يجوبون ميدان التحرير والشوارع المؤدية إليه ومعهم دوريات من الأمن