25 يناير ... موعد المصريين (10)

[hOuSsAm]

إلى دعات التهدئة والأنسحاب

جاوبوني عن بعض الأسئلة عشان خلاص إبتديت أفقد الثقة حتى في نفسي

1- تخيلوا لو البلطجية اللي على الأحصنة والجمال أستطاعوا طرد الشباب المحترم من ميدان التحرير وأحتلوه هما ... كيف سيكون الحال والكاميرات مُسلطة عليهم وهم يهتفون لمبارك حاملين أسلحتهم البيضاء وقنابل المولوتوف ؟

ألن يكونوا وقتها أيها السادة يُمثلون الطلبقة الحاكمة التي أرسلتهم ... بالله عليك .. ترضى يحكمك بلطجية وعصابات ؟

2- أي فتنة وأي عناصر خارجية مندسة واللي بتوزع دولارات عالناس في ميدان التحرير ... حرام ... حرام عليكم ده نفس ما يردده النظام وإن دول كلهم إخوان مسلمين وقابضين وتأتيهم سيارات نقل من الخارج محملة بالكنتاكي .... هل تصدقون تلك الأدعاءات ؟

3 السؤال الأخير .. بينكم وبين أنفسكم .. هل تصدقون مبارك في وعوده وإنه غير الوزارة عشانكم وعشان محاربة الفساد والإصلاح الشامل والعاجل ... فين الوزارة اللي إتغيرت أيها الساده وأين هم جميعهم مما يحدث بالأمس ؟... حرام عليكم

بجدارة ... أستطاع هذا الخبيث أن يفرق صفنا .. ويزرع بيننا الفتنة لنقتل بعضنا . ويعيش هو في خندق ما هانئاً مستمتعاص بمنطر الدم ...

أنا مع الأستمرار السلمي حتى رحيل الطاغية .. أنا مع الدفاع عن النفس ذد نظام بلطجي لم يتمكن بعد من السُلطة مرة أخرى .. ولو تمكن منها فلن تهمه مصر كلها .. بل كل ما سيهمه هو الإنتقام من شعب مصر كله ..

يا فندم والله مهزلة

لو فضل ساعة واحدة كمان هيجوع شعبه وهيخليهم كلهم كفرة وفاسقين

بالله عليكوا يا جماعة متضيعوش دم الشهداء اللى ضاع فى ميدان التحرير

كلموا الناس فى ميدان التحرير اعرفوا حصلهم ايه

متسبوش مصر تضيع منا

متلبسوناش اسود

[الغريب]

المسائلة كبرت يا جماعة

لن يثبت إلا صاحب عقيدة وإيمان بقضيته

الآن أصبحت الناس مخيرة بين التغيير والإصلاح ، وبين الحفاظ على لقمة العيش وتربية الولاد

ولأننا تربينا جميعا على الركون إلى الدنيا، فنحن مع أبو المصريين اللي هيضمن لنا الإستقرار

الآن مصر على المحك

تغيير مصر يعني تغيير وجه العالم

إزاحة الظلم وإحلال العدل في مصر ، يعني بالتبعية إحلال العدل في العالم (وهذه تضر بإسرائيل)

تم تعديل 3 فبراير 2011 بواسطة الغريب

[عنبو]

مصيبة

امبارح جانى حول من اللى بشوفه وبسمعه

اول حاجة بالنسبة لاهلى وبعض اصدقائى فى مصر حصلهم غسيل مخ (ومش باى منظف ده اتغسل بتايد)

ناس حاطة صورة مبارك عالماسنجر وبيقولوا عليه راجل محترم واستجاب لمطالب الشعب وده ابونا واخترناه

وبياكدولى ان المظاهرات فى التحرير روحوا وحرام عليك كدة بقى يبنى اخواتك بقالهم اسبوع مرحش الشغل

الناس اتغسلت بجد

طيب يا جماعة انتوا بتتفرجوا عالقناة ايه الاولى والتانية والمحور

طيب الجزيرة والعربية قالوا مفيش

وتقريبا زهقوا منى وقالوا البنى ادم ده مجنون

بالنسبة لاصدقائى اللى فى الاقاليم او بمعنى اخر بعيد عن التحرير نفس النظام وبيقولوا اخترنالك يا ريس ونعم لمبارك وجروبات عالفيس بوك تؤيد مبارك

حتى سعات بشك ان الفيس اخترقوه والحجات دى لعب هاكرز (مع انهم كانوا فى الاول رافضين لمبارك) طيب ايه اللى اتغير

بالنسبة لاصدقائى فى التحرير مصابين وبيتضربوا وحاسيين بالخيانة وبيستنجدوا بيا ان الناس توصل الحقيقة للناس الحقيقة اللى بيقوله آرك ومصرية متغربة وسى السيد

ده كلام الناس اللى فى ميدان التحرير اللى طلبوا منى انى اعرف الناس الحقيقة يا جماعة الناس دى عارفة كويس ان لو مبارك كمل هيتسحلوا

يا جماعة الناس بتقولكوا ياريت نكمل عشان ترجعلنا حريتنا وكارمتنا

يا جماعة الناس دى مش تبع اى قوى سياسية او اخوان الناس دول ولادنا واخواتنا وشبابنا

عالجانب الاخر امبارح كنت قاعد مع احد الاسر السعودية اللى متربين فى مصر وحابين تراب مصر (حتى احدهم مشغل 3 تلفزيونات جنب بعض)

بجد محرقوين زينا على مصر واكتر ورايهم لازم راس النظام تغور وفاهمين كويس الالاعيب وبيستغربوا ازاى المصريين مصدقين المكايد دى

الناس مش عارفة تشتغل فى كل مكان ومش عارفة تخرج من بيوتها

حسبى الله ونعم الوكيل فى اللى اثار الفتنة وربنا ينتقم من الظلمة

يا جماعة حتى لو مش هتشاركوا بلاش تخلوا الشباب يياس ويبقى رايح وهو متخاذل

تيمور استمر وربنا معاكوا باذن الله

سبحان الله وبحمدك استغفرك واتوب اليك

ده مش غسيل مخ يا حوس

ده خوووووووووووووووووووف ورعب والبحث عن مبرر للخوف ده

الناس كلها عارفه الحقيقه الناس كلها عارفه مين الصح ومين الخطأ

ولكن هو الخوف يا صاحبى هو النعامه التى لا تريد ان ترى الخطر القادم لا محاله سواء بمظاهرات او من غيره

ولكنها لا تريد ان تراه

هو الجبن يا صاحبى الذى يسرى فى النفوس

أسأل اى واحد فيهم هل غير الرئيس اى شىء هل نفذ اى شىء

الحاجه والوحيده اللى نفذها الرئيس انه مش هيترشح لفتره رئاسيه جديده وده شىء ملعوم للدانى والقاصى ان الرئيس

مكنش هيرشح نفسه للانتخابات القادمه ولكن اللى كانت هيترشح جمال مبارك

مشكلتنا فى مصر اننا مثل النعام لا نرى ما يحيط بينا ولا نريد ان نتحدث عن المشاكل

عاوزين وطنيه نخلى المنتخب يكسب وابو تريكه يعمل المورحه والناس تهلل وتحط اعلام مصر على العربيات

لكن عندما نتحدث عن كوارث قادمه لا محاله

تجد الكل يغض الطرف عن كلامك

تحياتى

عنبو

[se_ Elsyed]

http://www.youtube.com/watch?v=KlUdOrGYxr0&feature=related

إنت لسه بتصدق الكلام ده يا دياب وأنت المثقف المتعلم الواعي ؟

بقى الجزيرة هي اللي تسببت في أحداث سبتمبر وضرب أفغانستان وضرب العراق وأزمة مصر والجزائر ؟

طب لو هي كده ... كان فين التليفزيون ابو 11 مليار خساير ومسلسلات بمئات الملايين .. ما عملتش قناة محترمة ليه ترد على جه كله وتُظهر هي الحقائق كاملةً بدلاً من إفتراءات الجزيرة ؟

احمد المسلماني راجل محترم .. لكنه ناصري ختى النخاع .. شوفت بيقول لك إيه ؟

بيقول لك الجزيرة مالهاش شغلانه غير الهجوم على الرئيس الخالد جمال عبد الناصر يومياً ...

الزعيم الخالد الحلو اللي بنجني ثمار ديكتاتوريته حتى الأن ومن حكم للعسكر اللي خنقونا لاكثر من 60 عاماً ونحن في ذُل من ناس جهله وأهو عندك واحد منهم وهو مبارك

[hOuSsAm]

المسائلة كبرت يا جماعة

لن يثبت إلا صاحب عقيدة وإيمان بقضيته

الآن أصبحت الناس مخيرة بين التغيير والإصلاح ، وبين الحفاظ على لقمة العيش وتربية الولاد

ولأننا تربينا جميعا على الركون إلى الدنيا، فنحن مع أبو المصريين اللي هيضمن لنا الإستقرار

الآن مصر على المحك

تغيير مصر يعني تغيير وجه العالم

إزاحة الظلم وإحلال العدل في مصر ، يعني بالتبعية إحلال العدل في العالم (وهذه تضر بإسرائيل)

ربنا يثبتنا يا غريب عالحق

الموضوع بقى صعب اوى ومصر انقسمت لطوائف كتيرة مختلفة فى الراى

مش هقدر اقول حاجة غير ان النصر من عندك يارب

بقيت شعوب العالم بتتسائل هما الناس دى بتعمل فى شعوبها كدة ليه

ايه الذنب اللى الشعب عمله عشان يحصله كل ده

[عبير يونس]

معظم الناس شربوا كأس الجنون

و احنا يا حسام و كام واحد وواحدة اللي لسه مشربوش

يا جماعة ما تشاركوش

و الزموا بيوتكم

بس ع الأقل ما تحبطوش الناس

حرام يا جماعة نتخلى عنهم

دول صفوة شباب مصر

موجودين في التحرير

و محتاجين الدعم

لو مش قادرين تدوهم الأمل

على الأقل لا تعطوهم اليأس

أنا دلوقتي اللي بأقولكم

دمهم في رقبتكم

[م تيمور المراغي]

السلام عليكم ,,

الحمد لله زمايلي الاحرار هنا يبردوا على كل *** ,,

انا مركز في الاخبار اللي بتوصلني وحبقى اكتبها هنا ان شاء الله واترك الرد على *** للشرفاء

اللهم انصرنا ,, اليوم احتمال كبير حيكون يوم الحسم ,,

وان لم يكن اليوم فهو الغد ان شاء الله ,,,

الله اكبر وحنطهر مصر من البلطجيه والحراميه ان شاء الله ,,

[akramgroup]

ياجماعة مينفعش حد يرجع فى اراءه وافكارة خلاص المشوار ابتدى ولازم يتكمل للاخر

مع انى منكرش انى كنت خايف من حدوث مايحدث الان ودى مداخله ليا لتيمور من يوم 16 يناير

تم الارسال 16 January 2011 - 01:23 PM

ياجماعه مصر مش زى تونس ابدا

احنا عندنا احزاب متعدده وكل حزب فيهم نفسه تخرب ويقعد هو لوحده على تلها

وبلطجيه تبع الشرطه واخوان وليله كبيره اوى

صدقنى ياارش الموضوع ممكن يوصل لدرجه فوق ماتتصور دى ممكن توصل حرب اهليه بجد

ولكن

دلوقتى مينفعش الرجوع خلاص ولو الواحد فرط فى دم الشهداء اللى بيموتوا بقالهم اسبوع دول

يبقى ياريت محدش يتكلم عن مصر تانى

ويخليه فى حاله عشان احنا كلنا كنا موافقين على الثورة دى واللى كان خايف مننا اول مابدأت الثورة

حسينا كلنا اننا اتأخرنا كتير اوى على الخطوة دى

وكلنا كان نفسنا نكون معاهم ونعمل زيهم

وبعد كده عاوزين نتخلى عنهم ونقول ان الشباب دول بيفكروا غلط وهايودونا فى داهيه(ده على اساس اننا اصلا مش فى داهيه)

انا اؤيد بشده المظاهرات دى ولازم المسئولين عن الكوارث دى يتحاكموا ويتعدموا

[pink rose]

بصراحة مش عارفه اقول ايه

خيبة املي النهاردة بقت كبيرة اوي و حزني مالوش وصف

الاول رفضتوا و بعدين هللتوا و دلوقتي بتضربوهم في ضهرهم

مش كفاية اللي هما فيه

الله يكرمكم اللي مش عاجبه اللي بيحصل يسكت ما يبقاش خنجر جديد في ضهر الناس اللي واقفة

كل الي يعمله ان يدعي ان ربنا يظهر الحق و يبعد الشر عن مصر

لكن تقعدوا تقولوا عليهم خونة او اللي واقفين في التحرير مش هما اللي عملوا الثورة و انهم ناس ليهم اجندات خيوطها في ايد ناس كتيرة يبقى و الله دا ضربة في قلبهم

اللي بيقولوا فتنة و الناس ترجع بيوتها ليا سؤال واحد بس و ارجوكم جابوني عليه

ما بتقولوش لمبارك ليه فين الشرطة بتاعتك

لو اللي في التحرير عملاء و فيهم خونة و فيهم مخابرات اجنبية ما بيتنيلش ليه يطلع يقول الكلام دا و بناءا عليه قوات الامن و الشرطة هاتتعامل معاهم ليه الموقف مش رسمي ليه مسيبين عليهم البلطجية هل البلطجية دول حاليا اشرف من الشرطة لانهم بيتصدوا للخونة؟

[اغابي]

يا جماعة ما ننكرش ان قناه الجزيرة - مزوداها اوى ضد مصر

وفقدت مصداقيتها كقناه - يظهر ان فى تصفية حسابات بين قطر ومبارك ;)

بصراحة - الجزيرة - اوووووفر

انا كنت باتابعها اكتر قناه - لكن هى كدا مولعة الدنيا اوى

احنا ناقصين

اوف

[عنبو]

لو الناس دى مات مش عاوز اسمع حد يقولى كرامه

مش عاوز اسمع اى واحد يشتكى من مصر

مش عاوز اسمع اى واحد يشتكى ان الكفيل بتاعه قلعه البنطلون

مش عاوز اسمع اى واحد يشتكى عن فساد

مش عاوز اسمع اى واحديشتكى عن ان امين شرطه او اى رتبه اتحرش به او امه .........الخ

مش عاوز اسمع اى واحد يشتكى عن الاغذيه المسرطنه والمياه الملوثه

مش عاوز اسمع اى واحد عن مشاكل التعليم والبطاله

مش عاوز اسمع اى واحد ان فيه بلطحى طلع عليه واغتصبه واغتصب اهله ومعرفش ياخد حقه

مش عاوز اسمع اى واحد يشتكى لما تلاقى واحد خليجى يقوله انا نازل مصر علشان ..........

مش عاوز اسمع اى واحد يقول اى شكوى

خليكم فى اكل عيشكم وخلاص

تحياتى

عنبو

تم تعديل 3 فبراير 2011 بواسطة عنبو

[hOuSsAm]

ياجماعة مينفعش حد يرجع فى اراءه وافكارة خلاص المشوار ابتدى ولازم يتكمل للاخر

مع انى منكرش انى كنت خايف من حدوث مايحدث الان ودى مداخله ليا لتيمور من يوم 16 يناير

تم الارسال 16 January 2011 - 01:23 PM

ياجماعه مصر مش زى تونس ابدا

احنا عندنا احزاب متعدده وكل حزب فيهم نفسه تخرب ويقعد هو لوحده على تلها

وبلطجيه تبع الشرطه واخوان وليله كبيره اوى

صدقنى ياارش الموضوع ممكن يوصل لدرجه فوق ماتتصور دى ممكن توصل حرب اهليه بجد

ولكن

دلوقتى مينفعش الرجوع خلاص ولو الواحد فرط فى دم الشهداء اللى بيموتوا بقالهم اسبوع دول

يبقى ياريت محدش يتكلم عن مصر تانى

ويخليه فى حاله عشان احنا كلنا كنا موافقين على الثورة دى واللى كان خايف مننا اول مابدأت الثورة

حسينا كلنا اننا اتأخرنا كتير اوى على الخطوة دى

وكلنا كان نفسنا نكون معاهم ونعمل زيهم

وبعد كده عاوزين نتخلى عنهم ونقول ان الشباب دول بيفكروا غلط وهايودونا فى داهيه(ده على اساس اننا اصلا مش فى داهيه)

انا اؤيد بشده المظاهرات دى ولازم المسئولين عن الكوارث دى يتحاكموا ويتعدموا

انا معاك يا اكرم

لازم نكمل

مش معقول بعد مسخنوا الناس ويالا ننزل ودى بلدنا وبعد ما الناس اتصابت وماتت

نرجع نقول لاء تراجع وعشان الراجل كبر وعشان الدم ميسلش اكتر من كدة نتراجع

لو تراجعنا الدم هيبقى للركب فى التحرير وقولوا يالله عالسلامة على مصر

والله مصر هتضيع ومعتش اى ناشط ولا شاب ايده بيضا هيعبرها بالجزمة

كله ساعتها هيغسل ايده

بالله عليكوا يا شباب متغسلوش ايديكوا من دم الشهداء

وتطلعوا تقولوا احنا نصحناهم من الاول وهما ولاد ستين كلب مسموعش الكلام

يا جماعة كلنا مبسوطين بشبابنا محدش يجبلهم احباط وياس

محدش يضحك عليكوا بالله عليكوا

الظلم سوس فى عظامنا

ودعوكم من هتفافات ونباح اللى بيركبوا الموجة من احزاب سياسية مش بنشوفهم الا فى التلفزيونات او فى حجورهم منتظرين لحظة النصر ليعلنوا على انهم اصحاب النصر

دول كمان دورهم جاى وكل الشباب عارفة كويس من كان راجل ومين اللى بيلبس الطرح

[aimen]

بصراحة مش عارفه اقول ايه

خيبة املي النهاردة بقت كبيرة اوي و حزني مالوش وصف

الاول رفضتوا و بعدين هللتوا و دلوقتي بتضربوهم في ضهرهم

مش كفاية اللي هما فيه

الله يكرمكم اللي مش عاجبه اللي بيحصل يسكت ما يبقاش خنجر جديد في ضهر الناس اللي واقفة

كل الي يعمله ان يدعي ان ربنا يظهر الحق و يبعد الشر عن مصر

لكن تقعدوا تقولوا عليهم خونة او اللي واقفين في التحرير مش هما اللي عملوا الثورة و انهم ناس ليهم اجندات خيوطها في ايد ناس كتيرة يبقى و الله دا ضربة في قلبهم

اللي بيقولوا فتنة و الناس ترجع بيوتها ليا سؤال واحد بس و ارجوكم جابوني عليه

ما بتقولوش لمبارك ليه فين الشرطة بتاعتك

لو اللي في التحرير عملاء و فيهم خونة و فيهم مخابرات اجنبية ما بيتنيلش ليه يطلع يقول الكلام دا و بناءا عليه قوات الامن و الشرطة هاتتعامل معاهم ليه الموقف مش رسمي ليه مسيبين عليهم البلطجية هل البلطجية دول حاليا اشرف من الشرطة لانهم بيتصدوا للخونة؟

[الغريب]

"الظلم لا يدوم و إذا دام دمر"

الشيخ عبد الحميد كشك رحمه الله

[Alshiekh]

ايه اللى حول المظاهرات من مطالب مشروعة

الى جملة - رحيل مبارك واسقاط النظام

ليه اتبدلت اللهجة فى المظاهرات وامتى بالظبط اخدت المسار داه

؟؟

أبسطها لك

لو إنتى عندك شقة

والشقة دى كنتى مأجراها لساكن شفتى انه انسان كويس ومؤدب

دفع لك الأيجار بانتظام لمدة 6 شهور

بعد كده بدأ يأخر لك الإيجار ليوم 10 ، وبعدين يوم 15 وبعدين يوم 20 ، فجأة اصبح يدفع يوم 25 وانتى ساكتة وتقولى يالله مادام بيدفع مش مشكلة نستنى عليه

فجأة لقيتيه طنش وبلطج ومش عايز يدفع ، رحتى طالبتيه بالإيجار وقلتى له انت كده عندك شهرين تدفعهم وتنتظم فى الأيجار وياريت ماتتأخرش عن يوم 5

راح باصص لك من فوق لتحت وقال لك مش حادفع غير شهر واحد والايجار بعد كده حيبقى متأخر ، ولو مش عاجبك اعلى مافى خيلك اركبيه،

برضه انتى طولتى بالك ( ولو انك مش طويلة البال ) وبعتى له مرسال يقول له عيب خليك راجل وادفع الايجار فى ميعادك ، راح رادد وقال حادفع بمزاجى ،

المرسال قال له اغابى دى محامية وحترفع عليك قضية طرد ، راح رادد عليه وقال له " خليها تتسلى " !!!

تفتكرى بعد كده بقى مش حتفكرى تطرديه؟ ويمكن تأجرى له شوية فتوات يرموا له عفشه فى الشارع؟

أهو ده اللى حصل يا اغابى

سقف طلباتهم كان منخفض ، اطلق عليهم بتوع الأمن المركزى ضربا وركلا وغازات مسيلة للدموع وضرب نار

راحوا محددين ميعاد جديد لمظاهرة جديدة وراحوا رافعين سقف طلباتهم ، راح قايل لما اضحك عليهم ، دول شوية عيال مين دول اللى يفرضوا شروطهم على ، وعمل لهم خطاب بعد نص الليل وفجر المفاجأة ، عينت لكم نائب رئيس وشيلت لكم الوزارة ، وحعمل لكم وزارة جديدة.

العيال مش عيال ، قالوا ايه الاستعباط ده ، هو مفكرنا مغفلين ، وراحوا رافعين سقف المطالب مرة ثانية مطالبين باستقالته وعملوا له يوم ثورة الغضب.

راح طالع لهم بالخطاب العاطفى المؤثر وانه ياحرام مكنش ناوى يترشح ثانى وانه حيموت فى مصر وانه خلاص حيطلب من البرلمان ( المطعون فى 95% من أعضائه ) انه يعدل المواد 76 ، 77 ويحقق فى الطعون ( كلام متناقض ازاى مجلس مطعون فى اعضائه يعدل مواد دستورية ) والاحسن لهم انهم يقبلوا العرض بتاعه علشان يعيشوا فى استقرار ( يقصد يقبلوا والا يطلق عليهم كلاب الحراسة )

طيب الشباب ماعجبهوش الكلام بتاع المفاوض ، وانا باقول مفاوش لانه بيقدم تنازلات تفاوضية ، مش بيرجع حقوق ، ومادام الامر مفاوضات وفصال يبقى الشباب من حقهم يفاصلوا ويفاوضوا هم كمان.

لكن أزاى ، هو البلطجى تتلوى دراعه ، دول لازم يقبلوا اللى انا انعمت بيه عليهم طائعين راكعين والا ..... الجمال والخيول والمولوتوف وانابيب البوتاجاز الحارقة وأخيرا الرصاص الحى على ايدى قناصة وزارة الداخلية.

تفتكرى بعد كده مش ينفع برضه تطرديه من الشقة؟ قصدى القصر

يا استاذة اغابى مبارك بيفاصل وعايز يسيب ناس من طرفه علشان سره يفضل فى بير

[hOuSsAm]

يا جماعة ما ننكرش ان قناه الجزيرة - مزوداها اوى ضد مصر

وفقدت مصداقيتها كقناه - يظهر ان فى تصفية حسابات بين قطر ومبارك ;)

بصراحة - الجزيرة - اوووووفر

انا كنت باتابعها اكتر قناه - لكن هى كدا مولعة الدنيا اوى

احنا ناقصين

اوف

يا غابى مزودينها ازاى بس

يعنى امبارح حضرتك مش شفتى شوية جمال واحصنة وناس شايلن سيوف وسنج وداخلين على ناس شباب زى الورد عزل يقتلوا فيهم

ومشفتيش كمان قنابل الملتوف وهى بتتحدف فوق الناس

ايه الزيادة اللى فى كدة

ايه الشعللة اللى بيعملوها

وتصفية حسابات ازاى بين قطر ومبارك والاتنين عملا لامريكا وامريكا اعلنتها صراحة

بس الفرق ان مبارك من اكبر العملاء وقطر عميل صغير

[م تيمور المراغي]

يا احرار حنتوقف عن الرد على ***

خلونا نركز في الاهم وهو دعم الثوار بالافكار ونشر تعليماتهم للتحركات المقبله ,,

وصلني الاخبار ان احتمال اليوم حيكون يوم الحسم وان لم يكن فهو الغد ,,

الشعب المصري امبارح شاف البلطجيه بتهجم على الشباب الراقي المسالم فعرف نوايا مبارك خلاص وسقط قناعه العجوز ليكشف عن وجهه القبيح

الا نامت اعين الجبناء ,,

[عبير يونس]

يارب أُشهدك

أن قلبي و دعائي مع هؤلاء المتظاهرين في التحرير

يارب إنهم مستضعفين فكن معهم يارب المستضعفين

يارب انصرهم و ثبتهم و بث فيهم القوة يا ذا القوة المتين

يارب إن لم تنصرهم فما لهم من دونك من ناصرين

يارب التجأنا بابك فلا تردنا خائبين

يارب سترك الذي لا ينكشف

يارب يا من تجيب المضطر و تكشف السوء

يا قريب يا مجيب الدعاء

امددهم بجنود لا نراها كما نصرت المؤمنين ببدر

يارب يا حليم يا كريم يارب العرش العظيم

يارب السموات والأرض و رب العرش الكريم

أسألك بإسمك الأعظم الذي إذا سئلت به أجبت

يارب انصر اخواننا المستضعفين في ميدان التحرير

يارب لا تخذلهم يارب

اللهم اربط على قلوبهم كما ربطت على قلوب أهل الكهف

انهم فتية آمنوا بك يارب و بعدلك

يااااااااااااااااارب

بلغت القلوب الحناجر

و لا نظن بك الظنون يارب

يارب يا صادق الوعد

انت قلت

أنا عند ظن عبدي فليظن عبدي ما شاء

يارب نحسن الظن بك يارب

فكن لنا كما نظن يارب

يا حنان يا منان عفوك

[aimen]

يارب أُشهدك

أن قلبي و دعائي مع هؤلاء المتظاهرين في التحرير

يارب إنهم مستضعفين فكن معهم يارب المستضعفين

يارب انصرهم و ثبتهم و بث فيهم القوة يا ذا القوة المتين

يارب إن لم تنصرهم فما لهم من دونك من ناصرين

يارب التجأنا بابك فلا تردنا خائبين

يارب سترك الذي لا ينكشف

يارب يا من تجيب المضطر و تكشف السوء

يا قريب يا مجيب الدعاء

امددهم بجنود لا نراها كما نصرت المؤمنين ببدر

يارب يا حليم يا كريم يارب العرش العظيم

يارب السموات والأرض و رب العرش الكريم

أسألك بإسمك الأعظم الذي إذا سئلت به أجبت

يارب انصر اخواننا المستضعفين في ميدان التحرير

يارب لا تخذلهم يارب

اللهم اربط على قلوبهم كما ربطت على قلوب أهل الكهف

انهم فتية آمنوا بك يارب و بعدلك

يااااااااااااااااارب

بلغت القلوب الحناجر

و لا نظن بك الظنون يارب

يارب يا صادق الوعد

انت قلت

أنا عند ظن عبدي فليظن عبدي ما شاء

يارب نحسن الظن بك يارب

فكن لنا كما نظن يارب

يا حنان يا منان عفوك

يارب

[الغريب]

http://www.youtube.com/watch?v=VEbNctRKUH8&feature=youtube_gdata_player